الأحد، 14 يونيو، 2015

فضفضة لعلها تكون الأخيرة





هاجس الموت يلوح في الأفق مع اقتراب شهر رمضان.
هل هذا يرجع لموت أمي في رمضان الماضي؟
أم أنها حقا نبؤة؟
لا أعلم حقا..
الأكيد أن علاقتي برمضان هذا العام مختلفة تماما عما إعداته نفسي ومدونتي.
حدسي ينبؤني باقترابه.
وللغرابة لا أدري بماذا أستقبله!
لم أجد نفسي تهرول لقضاء فعل معين، أو لديها رغبة في قضاء وقت مع أحدهم،
 أو حتى اتصال، أو أي شيء آخر يقوم بفعله من نوى الرحيل.
يمكن لأني مستعدة لليوم ده من كام سنة فاتوا.. فمرتبة أموري ومابحاولش يكون عليا حاجة لحد ولو حتى كلمة أو تعبير عن شكر أو امتنان.
يمكن لأني اقتنعت أن أعمارنا أقصر من أنها تنتهي وجوايا لحد كلام ماقولتوش مثلا.

مش شايفة أن كان نفسي في حاجة أوي وماحصلتش.. عادي يعني.
يمكن بس صعبان عليا الكام حاجة اللي كنت بجهزهم وكنت عايزاهم يتنشروا ويشوفواالنور.. بس مين عارف يمكن كده أحسن.
ده غير كتابي الثاني عشق وخيانة اللي لسه في المطبعة وكنت فعلا عاوزة أشوفه وأعرف آراء الناس فيه.
وكنت عايزة حقي يرجع و أشوف كسرة اللي ظلموني في عيونهم زي ما كسروني.

من أجمل الحاجات أن مفيش حاجة رابطاني بالدنيا تخليني أزعل على فراقها.
مش فاكرة انها فرحتني فرحة كاملة
دايما كانت الفرحة مابتكملش (آخرها معايا يوم) اه والله تخيلوا :)
دنيا مايتبكيش عليها فعلا
على مدى عمري هما 3 فرحات طيرت فيهم من ع الأرض
يختصروا في: النجاح والحب والحرية.
كل فرحة فيهم ماكملتش زي ما اتمنيت لكن مقتنعة تماما دلوقتي أنه كده أحسن ليا
وفعلا أنا راضية عن كل حاجة حصلت في حياتي مهما كانت.


أنا مش خايفة من الموت أنا بس مخضوضة.
وعلى رأي أمي الله يرحمها لا خوف ولا فزع من لقاء الله.
يمكن اللي مأثر فيا أن مفيش أنثى في حياتي تكون قريبة
 لدرجة أنها تورثني أو تحضر غُسلي.
موضوع الغسل ده فارق معايا أني مش عارفة أوصي مين هتقف تساعد المُغسلة.
بس خلاص بقى عادي.. أنا مش روحي خلاص فارقت مش مهم بقى إيه اللي هيحصل.. لأ برضه ده جسدي يعني وماحبش حد يشوفه أو يلمسه
ويهمني جدا الامانة واحترام الموت..
كان نفسي أوي أموت شهيدة علشان ماتغسلش.

بقول يمكن أمي ماتت السنة اللي فاتت لأنها مكنتش هتستحمل خبر موتي السنة دي وخصوصا اني أوقات كتير كنت بحس أني عايشة بس علشان هي ماتزعلش لو حصلي حاجة...

اتعلمت:- أن لو قدرت تفرح حد فرحه.
- أن لما حد يبعتلك عاوز منك حاجة ترد عليه حتى لو مش هتساعده
 ولو في إيدك تساعده ماتتأخرش.
- أن الكلمة عهد لو مش قدها ماتقولهاش.
- أن يوم ما تحب حد فرحه.. لو حسيت بالامتنان لشخص ما عرفه..
- لو قدرت تهادي حد هاديه ولو حتى ببونبوناية.
- حاول تسيب ذكرى حلوة تشفعلك عند ربنا.
- خد نية قبل ماتعمل أي حاجة.
- إياك تكون سبب في وجع حد.
- ماتاخدش حاجة مش بتاعتك.
- ماتخونش ثقة حد فيك.
- ماتكسرش قلب حد بيحبك.
- الكلمة الطيبة مفيش أحسن منها والبسمة صدقة.

عن مدوناتي بقى
أمة الله هتفضل شغالة عادي أنا كاتبة مواضيع ومجدولاها لكمان سنة قدام.
حوليات موناليزا شهر كمان تقريبا وخلاص.
هتعرفوا بقى اني مت ازاي؟
أكيد من الفيسبوك..
طيب لو طلعت أوت واحساسي كان غلط هتلاقوني جاية أعيد عليكوا.

تفضل وصية رمضان السنوية:
أي حاجة في الدنيا ممكن تتأجل إلا عبادتك في رمضان.
افتكروني بالخير وادعولي ولو حد سافر مكة يبقى يهاديني بعمرة.
واللي ياخد حاجة من مدوناتي يكتب اسمي تحتها مش هيصة هي.
وسلام الله عليكم ورحمته وبركاته






الجمعة، 5 يونيو، 2015

أمانة المجلس



من الأشياء التي تثير النفور لدى تعاملك مع شخص ما
 هو نقله لكل ما يمر به بالتفصيل ودون أن تسأله عن ذلك .
ومن مثيرات  النفور والاشمئزاز أيضاً نقل الأسرار، أو الرسائل الخاصة،
 أو الحوارات المدارة بين مجموعة من الأصدقاء..
 وكل هذا قد ينقل صوت وصورة وجوباً لمصداقية الفرد
 من وجهة نظره كناقل يتحرى الدقة!.
غير عابئ بما يسمى "أمانة المجلس"
 وغير مُدرك بأنه هكذا وضع في خانة "خائن الأمانة".

- كمن يفتح "الاسبيكر" ليسمع من حوله مايقوله المتصل دون استئذانه؛
 ليصبح مايقوله أداة للسخرية أو مادة تدينه .
- كمن يسجل مكالمة ليبتز بها الطرف الآخر.
- كمن ينقل رسالة خاصة(أنبوكس) على بروفيله على موقع الفيس بوك مثلا
 لتصبح أداة للسخرية.
- كمن ينقل ما يدور على جروب مغلق إلى جروب عام
 دون إذن أصحاب الحوار.
- كمن يستمع عابراً لحوار أو مكالمة فينقلها حرفياً لأي عابر
 دون حتى أن يتأكد صحة ما فهمه.
- كمن ينقل حوار دار بينه وبين آخر لمجموعة أخرى
 بهدف التسلية وتضييع الوقت.




السر أمانة ، وإفشاؤه خيانة ، ولو حصل بينك وبين صاحبك خصام فهذا لا يدفعك لإفشاء سره ،
 فإنه من لؤم الطباع ، ودناءة النفوس ،
 قال صلى الله عليه وسلم : ( إذا حدث الرجل بحديث ثم التفت فهي أمانة ) رواه أ؛مد 3/352 ، 380 ، وأبو داود ،
 كتاب الأدب ، باب في فضل الحديث ح ( 4868 ) ، والترمذي ، كتاب الير ، باب ما جاء أن المجالس بالأمانة ، ح ( 1959 ) ، وقال : حديث حسن .
ومن أشد ذلك إفشاء السر بين الزوجين ، فعن أبي سعيد الخدري ـ رضي الله عنه ـ قال :
قال رسول الله صلى الله عليه وسلم : " إن من أعظم الأمانة عند الله يوم القيامة :
 الرجل يفضي إلى امرأته وتفضي إليه ، ثم ينشر سرها ).
 رواه مسلم ، كتاب النكاح ، باب تحريم إفشاء سر المرأة ح ( 1437 ) ، وأبو داود ، كتاب الأدب ،
 باب نقل الحديث ، ح ( 4870 ) . منقول



سؤال جانبي: اكتب مفهومك عن أمانة المجلس.





الاثنين، 1 يونيو، 2015

منوعات إسلامية(39)






من صحيح الأحاديث القصار:
ـــــــــــــــــــــــــــــــــــــــــــــــــــــ
- عن النبي صلى الله عليه وسلم قال:
" قال الله: ثلاثة أنا خصمهم يوم القيامة رجل أعطى بي ثم غدر، ورجل باع حرا فأكل ثمنه، ورجل استأجر أجيرا فاستوفى منه ولم يعط أجره"
(خ 2270،2227، ه 2442 من حديث أبي هريرة)

-"من أعمر أرضا ليست لأحد فهو أحق" (خ2335 عن عائشة)

- " من أخذ من الأرض شيئا بغير حقه خسف به يوم القيامة إلى سبع أرضين"
(خ3196،2454، حم 188/1،387/2)

- الكبائر الإشراك بالله، وعقوق الوالدين، وقتل النفس، واليمين الغموس"

(من حديث عبدالله بن عمرو)

- "من نذر أن يطيع الله فليطعه، ومن نذر أن يعصيه فلا يعصه"
(من حديث عائشة)

-"لن يزال المؤمن في فسحة من دينه مالم يصب دما حراما"
(خ686،6863، حم 94/2)

- من توكل لي ما بين رجليه، ومابين لحييه توكلت له بالجنة"
(من حديث سهل بن سعد الساعدي)

-" لا يزني الزاني حين يزني وهو مؤمن، ولا يسرق السارق حين يسرق وهو مؤمن"
(من حديث ابن عباس)

حكم ومواعظ
ـــــــــــــــــــــــــــ
- عن عبدالله بن مسعود قال:
إنما هذه القلوب أوعية، فاشغلوها بالقرآن ولا تشغلوها بغيره.

وعنه أيضا قال:
 كفى بالمرء من الشقاء _أو من الخيبة_
 أن يبيت وقد بال الشيطان في أذنه فيصبح ولم يذكر الله.

وعن أبي الدرداء قال:
 ليس الخير أن يكثر مالك وولدك، ولكن الخير أن يعظم حلمك
 وأن يكثر علمك وأن تباري الناس في عبادة الله، فإن أحسنت حمدت الله
 وإن أسأت استغفرت الله.
(الأدب المفرد)