أهلاَ بالضيف الغالى

لأن الضيف ده غالي أوي وميعاده مظبوط وبنستناه من السنة للسنة. يبقى لازم نستعد عشان نكرمه.
طبعا هو مش إكرام الضيف واجب؟.
يبقى لازم نستقبله إستقبال يليق بمكانته لدينا.
طبعا كل واحد وله طريقته ف إكرام ضيفه. بس فيه حاجات أكيد كلنا متفقين عليها واللى مش واخد باله أدينا بنفكره.
عموما أنا هتكلم عن طريقتى في إكرام هذا الضيف الغالي واللي ناوية إن شاء الله أعمله.
1-الصلاة:عايزين نصلي أول الوقت للنساء وجماعة في المسجد للرجال في كل الفروض.(لا يقبل أعذار)
وماننساش النوافل وهم:2 قبل الفجر ,4 قبل الظهر,2بعد الظهر,2 بعد المغرب, 2 بعد العشاء.
حاجة مهمة جدا برضه مش عايزين ننساها وهى أننا نختم الصلاة بعد كل فرض.
وكيفيتها:سبحان الله 33 ,الحمدلله 33,الله أكبر33 ,لا إله إلا الله وحده لاشريك له له الملك وله الحمد يحيى ويميت وهو على كل شئ قدير.
في حاجة كمان:قراءة الكرسى بعد كل فريضة.
وأيضا هذا الدعاء:اللهم أعني على ذكرك وشكرك وحسن عبادتك( ثلاث مرات).
وماتنسوش"من آتى بالسُنة كثواب فريضة ومن آتى بفريضة كثواب سبعين فريضة".
2-القرآن:بما إن رمضان هو شهر القرآن يبقى أي وقت عندنا فاضي نقرأ فيه قرآن ولو معندناش نفضى نفسنا المهم نحاول أن نختمه مش أقل من تلات مرات.
يعني التليفزيون مش هيطير والمسلسلات بتتذاع على مدار العام أكثر من مرة والوقت اللي هنضيعه امام التلفاز إحنا أحق به فى قراءة القرآن.
3-الصدقة:ماتتردتش لحظة في مساعدة محتاج والجودة بالموجود زي مابيقولوا.يعنى ماتردش سائل أبدا وماتقولش يمكن يكون نصاب.. ياسيدي أنت بتتعامل مع ربنا وكل واحد ونيته وأنت مش عارف ظروفه إيه
 وعايزينها كمان تكون صدقة مدارية يعني محدش يعرف عنها حاجة يعني ايدك الشمال ماتعرفش إيدك اليمين أعطت إيه.
4- صلة الأرحام:ودي ليها طرق كتير يعني لو بتشتغل وحبيت تعمل وأنت مروح زيارة على السريع كده يبقى خير.
بالتليفون في أول رمضان تهنئ الكل بحلول رمضان يبقى جميل.
ولو مشغول أوي أوي يعني ممكن نقضيها رسايل مع أني مش بحبذ الفكرة دي لأن الإتصال تأثيره بيكون أقوى حتى لو دقيقة واحدة .
احنا عارفين ان رمضان فرصة والحسنة فيها مضاعفة يعني مفيش كسل.
5- الدعوة إلى الله:لو عرفت حاجة حلوة وعايز تقولها عن الاسلام ماتتردتش.
لو شفت حد واقع في مشكلة وتقدر تنصحه ماتتردتش.
عايزين طول الوقت نتكلم عن ربنا .

وفيه فكرة كمان إننا ممكن نبعت رسايل سواء على الإيميل او الموبايل نذكر بها انفسنا والآخرين بذكر الله
يعنى مثلا:"قل لاحول ولا قوة إلا بالله فإنها كنز من كنوز الجنة"
"كلمتان حبيبتان إلى الرحمن ثقيلتان فى الميزان خفيفتان على اللسان "سبحان الله وبحمده سبحان الله العظيم".
"استغفر الله كثيرا"
قل الحمدلله ..... وما إلى ذلك من رسايل قصيرة ولكنها تحمل من الخير الكثير.
7- الصحبة الصالحة:رجاء خاص نبتعد عن أصدقاء السوء أو أي مخلوق هيتسبب في ضياع وقتنا بلا فائدة.
ناخد أجازة ياجماعة ده شهر واحد لو اشتغلنا فيه كويس جميع ذنوبنا بإذن الله هتتغفر.
يعنى الموضوع يستاهل أى تضحية وأى مجهود.
8-الدعاء:عندنا امتيازات كتيرة فدعوة الصائم لاترد -ده على مدار اليوم-وللصائم عند فطره دعوة لاترد-وده ساعة الفطار-.
عايزين نخصص دعوات معينة ونركز عليها طول الشهر وبإذن الله قبل رمضان الجاي هتكون اتحققت
وهيكون التقسيم كالآتى:دعوتين أو أكثر لِما أحتاجه في دنيتي و دعاء شامل لأحبائي كلاً باسمه وبالشيء اللي نفسه فيه .
-ماتنسوس أن الدعاء بظهر الغيب مجاب ويؤمن عليه الملائكة ودي فرصة اللي عايزني أدعيله بحاجة محددة يبعتهالي وإن شاء الله يكون له نصيب من دعائي وبإذن الله ربنا يتقبل-.
وأخيراً دعاء للإسلام والمسلمين فى كل مكان.
وطبعا في أدعية أساسية بالجنة والعتق من النار وللوالدين.
9 -قيام الليل:ممكن يكون ساعة قبل الفجر وتقسمها ربع ساعة سحور وربع ساعة قيام ليل وربع ساعة قراءة قرآن والربع الساعة الباقيه دعاء إلى أن يؤذن لصلاة الفجر.
ولا ننسى الإعتكاف في العشر الآواخر:نتحرى جميعا ليلة القدر لعلنا نكون من عتقائها ولا ننسى الدعاء الدائم.
10- ذكر الله:اجعل لسانك رطبا بذكر الله يعنى لو واقفة في المطبخ أو كنت في المواصلات أو نازل على السلم أو بتدور العربية أو مستنى برنامج ديني في التليفزيون...
فيه حاجات عايزين نبعد عنها تماما وهى:
1- الخوض فى الباطل.
2-الخوض فى أعراض النساء.
3-الجدل.
4- البذائة (استخدام الألفاظ البذيئة).
5- السخرية والإستهزاء.
6-إفشاء الأسرار.
7-الوعد الكاذب.
8-النميمة(نقل الكلام).
9الغيبة(ذكر أخاك بما يكره).
10- .الكذب.
ربنا يعيننا على مجاهدة أنفسنا وأهوائنا .
**********************
على الهامش:
ــــــــــــــــــــــــــــــ

* هبدأ أجازتى التدوينية إن شاء الله طوال شهر رمضان ونلتقي على العيد بإذن الله.
*هتوحشوووونى جداً جداً وياريت تفضلوا فاكرينى وخصوصاً ساعة الفطار عايزة دعاء جماعى بأن ينصرنى الله على من ظلمونى ويرضى عنى .
*يسعدنى إستقبال أى تعليق على أى موضوع من موضوعاتى السابقة وبإذن الله سأقوم بالنشر و الرد حين عودتى.
وإلى أن نلتقى لكم منى أرق التهانى بحلول شهر رمضان أعاده الله علينا بالخير واليمن والبركات وأطيب الأمنيات بأن يكون شعارنا"لن يسبقنى إلى الله أحد".
أترككم فى أمان الله.
وكل عام وأنتم جميعا بخير.

تيجوا نفرح

زى اليومين دول من كام سنة كنا بنجهز لفرح أخويا الكبير.وكنت وقتها مبسوطة جداَ وكأنه فرحى أنا.
مش عارفة هل ده لأن اللى هيتجوز بمثابة توأم روحى وصديق حياتى ورفيق طفولتى وليس أخى فقط.أم لأنى فى الوقت ده كنت متصالحة أوى مع نفسى. مش قادرة أحدد بس اللى واثقة فيه كويس أوى انى كنت مبسوطة جدااااا.
وكل حاجة حصلت وقتها كنت حباها جدا.يعنى مثلا شقته كانت بتتبنى من أول وجديد ولكم أن تتخيلوا الإستيقاظ باكرا على صوت العمال .-رغم انى مش بحب الإستيقاظ بالطريقة دى خالص-.
فاكرة يوم ماغرفتى إدهنت واضطريت آخد مخدتى ومرتبتى والكوفرتة و أنام فى الصالون لأن الدهان كان لسه مانشفش وقد إيه كان يوم جميل وكأنها مغامرة.-رغم أنى مش بحب أنام غير فى سريرى-
وفاكرة يوم ماكتبت أسماء المدعوين على كروت الفرح يومها فضلت صاحية للفجر.-رغم أنى كان لازم أنام بدرى لأن كان ورايا الصبح حاجات كتير-.
وفاكرة يوم ما نام فى غرفتى عدد سبعة أشخاص وأنا منهم طبعا.-رغم أن كانت من ضمنهم سيدة مسنة وترفض تشغيل حتى المروحة-.
وفاكرة يوم ما روحنا نختار الفرش ويوم ماوصل الشقة. وقبل ده كله طبعا يوم مالشقة بقت جاهزة وصالحة للإستخدام الآدمى.
فاكرة كمان زيارة الأقارب والمهنئين من النساء واستقبالى لهم وكأنى العروسة.
وفاكرة يوم الفرح وقد إيه كنت واقفة مع العروسة وكأنها أختى وليست عروسة أخى.
وقد ايه كنت فرحانة بكل المدعوين وسلمت عليهم واحدة واحدة.
ياااااه بجد كانت أيام جميلة.
ربنا يجعل أيامنا كلها فرح وسعادة.
بعرض عليكم الأحداث دى لأن ده يعتبر آخر حدث حصل لى وكنت فرحانة فيه فرحة كاملة.
وعشان كده عايزة كل واحد يحكيلنا آخرحدث حصله وكنت فرحان فيه أوى وحسيت بالفرحة الكاملة.
ان شالله تكون من عشرين سنة.
المهم تفتكرها وتشاركنا معاك.
وعايزة كمان تتخيل إيه أجمل موقف لو حدث هتشعر فيه بالسعادة الكاملة.
دعوة منى لنتذكر أيامنا الحلوة فنبتسم .
آملين من المولى أن يكون القادم أجمل.

الدنيا

لماذا الموت يفاجئ الكثير منا على غير ميعاد.
ولماذا تهاجمنا شتى الأمراض من الأنفلونزا إلى الأمراض الخطيرة دون سابق إنذار.
ولماذا يوجد الفقر الذى يحرمنا من أشياء عدة.
ولماذا تنبعث من أجسادنا روائح كريهة فى شتى المواقف.
هتقول إزاى وانا على طول بستحمى! يعنى مثلاً
رائحة الفم عند الإستيقاظ أو لو ما أكلتش أو لو أكلت بصل أو...أو...
رائحة القدم عند خلع الحذاء وده على اعتبار إنك دائم النظافة.
رائحة العرق وخاصة فى فصل الصيف.
رائحة شعر الرأس لو لم تغسله لفترة.
رائحة عملية الإخرج وما إلى ذلك.
وهذا لو أنت سليم ومعافى وتستطيع تنظيف نفسك فما بالك بالقعيد !
أنت عارف كل الحاجات دى بتحصل ليه؟؟؟
لأننا فى الدنيا يعنى دار فانية.يعنى مجرد محطة للإنتقال للدار الباقية.
فلا تستحق كل هذا العناء من محاولات دائمة لأخذ أشياء ليست من حقنا.
أو اللجوء لوسائل غير مشروعة لخدمة مصالحنا.
فلنعمل فى الدنيا بقدر بقائنا فيها .
ولنعمل للاخرة بقدر بقائنا فيها .
ولنعمل من المعاصى بقدر مانطيق من العقوبة.
وليكن شعارنا دائما"نريد الفردوس الأعلى".
فالله تبارك وتعالى وعدنا فى الجنة بألا نجوع ولا نظمأ وألا نمرض وأن نحيا ولا نموت وألا يصيبنا فقر.
وإذا كانت رائحة ترابها مِسك فما بالك برائحة من يسكنون فيها.
إن فيها ما لاعين رأت ولا أذن سمعت ولا خطر على قلب بشر.
احجز مقعدك من الآن واستبقوا الخيرات.

كنوز

حباَ فى الله وفى رسول الله أنقل لكم هذه الكنوز لتكون نبراسا لنا فى طريقنا
ولنهتدى بها ونفوز بسعادة الدارين.


· التوبة: (من تاب قبل أن تطلع الشمس من مغربها تاب الله عليه) مسلم 2703
(إن الله عز وجل يقبل توبة العبد ما لم يغرغر).
· الخروج فى طلب العلم: (من سلك طريقا يلتمس فيها علما سهل الله له به طرقا إلى الجنة) مسلم (2699).
· ذكر الله تعالى: (ألا أنبأكم بخير أعمالكم، وأزكاها عند مليككم، وأرفعها في درجاتكم، وخير لكم من إنفاق الذهب والفضة وخير لكم من أن تلقوا عدوكم فتضربوا أعناقهم ويضربوا أعناقكم) قالوا بلى- قال: ذكر الله تعالى) الترمذي(3347).
· اصطناع المعروف والدلالة على الخير: (كل معروف صدقة، والدال على الخير كفاعله) البخاري (10/374)، مسلم (1005).
· فضل الدعوة إلى الله: ( من دعا إلى هدى كان له من الأجر مثل أجور من تبعه لا ينقص ذلك من أجورهم شيئا) مسلم (2674).
· الأمر بالمعروف والنهى عن المنكر: (من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان) مسام (49).
· قراءة القرآن وتلاوته: ( اقرؤوا القرآن فإنه يأتي يوم القيامة شفيعا لأصحابه) مسلم (804).
· تعلم القرآن وتعليمه: ( خيركم من تعلم القرآن وعلمه) البخاري(9/66).
· السلام: ( لا تدخلوا الجنة حتى تؤمنوا ولا تؤمنوا حتى تحابوا، أولا أدلكم على شيء لو فعلتموه تحاببتم: أفشوا السلام بينكم) مسلم (54).
· الحب فى الله : ( أن الله تعالي يقول يوم القيامة: أين المتحابين بجلالي، اليوم أظلهم في ظلي بوم لا ظل إلا ظلي- ) مسلم (2566).
· زيارة المريض: (ما من مسلم يعود مسلما مريضا غدوة إلا صلى عليه سبعون ألف ملك حتى يمسي، وإن عاد عشية إلا صلى عليه سبعون ألف ملك حتى يصبح، وكان له خريف في الجنة) الترمذي (969).
· مساعدة الناس فى الدين:(من يسر على معسر، يسر الله عليه في الدنيا والآخرة) مسلم (2699).
· الستر على الناس: ( لا يستر عبد عبداً في الدنيا إلا ستره الله يوم القيامة) مسلم (2590).
· صلة الرحم: ( الرحم معلقة بالعرش تقول من وصلني وصله الله، ومن قطعني قطعه الله) البخاري (10/350) مسلم (2555).
· حسن الخلق: ( سئل رسول الله صلى الله عليه وسلم عن أكثر ما يدخل الناس الجنة؟ فقال: تقوى الله وحسن الخلق) الترمذي (2003).
· الصدق: ( عليكم بالصدق فإن الصدق يهدي إلى البر، وإن البر يهدي إلى الجنة) البخاري (10/423) مسلم (2607).
· كظم الغيظ: ( من كظم غيظاً وهو قادر على أن ينفذه، دعاه الله على رؤوس الخلائق يوم القيامة حتى يخيره من الحور العين ما شاء) الترمذي (2022).
· كفارة المجلس:(من جلس في مجلس فكثر فيه لغطه؟ فقال قبل أن يقوم من مجلسه ذلك: [سبحانك اللهم وبحمدك، أشهد أن لا إله إلا أنت، أستغفرك وأتوب إليك] إلا غفر الله له ما كان في مجلسه ذلك) الترمذي (3/153).
· الصبر: (ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه) البخاري (10/91).
· بر الوالدين: (رغم أنفه ثم رغم أنفه ثم رغم أنفه) قيل: من يا رسول الله؟ قال: (من أدرك والديه عند الكبر أحدهما أو كلاهما ثم لم يدخل الجنة) مسلم (2551).
· السعى على الأرملة والمسكين:: (الساعي على الأرملة والمسكين كالمجاهد في سبيل الله) وأحسبه قال: (وكالقائم لا يفتر، وكالصائم لا يفطر) البخاري (10/366).
· كفالة اليتيم : (أنا وكافل اليتيم في الجنة هكذا، وقال بإصبعيه السبابة والوسطى) البخاري (10/365).
· الوضوء: ( من توضأ فأحسن الوضوء خرجت خطاياه من جسده، حتى تخرج من تحت أظفاره) مسلم (245).
· الشهادة بعد الوضوء: (من توضأ فأحسن الوضوء ثم قال: [أشهد أن لا إله إلا الله وحده لا شريك له وأشهد أن محمداً عبده ورسوله، اللهم اجعلني من التوابين واجعلني من المتطهرين] فتحت له أبواب الجنة يدخل من أيها شاء) مسلم (234).
· الترديد خلف المؤذن: (من قال حين يسمع النداء: [ اللهم رب هذه الدعوة التامة والصلاة القائمة، آت محمداً الوسيلة والفضيلة، وابعثه مقاماً محموداً الذي وعدته]، حلت له شفاعتي يوم القيامة) البخاري (2/77).
· بناء المساجد: (من بنى مسجداً يبتغي به وجه الله بني له مثله في الجنة) البخاري (450).
· السواك: (لولا أن أشق على أمتي لأمرتهم بالسواك مع كل صلاة) البخاري (2/331) مسلم (252).
· الذهاب الى المسجد: (من غدا إلى المسجد أو راح أعد الله له نزلا في الجنة كلما غدا أو راح) البخاري (2/124) مسلم (669).
· الصلوات الخمس: (ما من امرئ مسلم تحضره صلاة مكتوبة فيحسن وضوءها وخشوعها وركوعها إلا كانت كفارة لما قبلها من الذنوب ما لم تؤت كبيرة، وذلك الدهر كله) مسلم (228).
·
· لعلنى بهذا أكون قد نفذت إحدى وصايا نبينا الحبيب صلوات الله وسلامه عليه حينما قال"بلغوا عنى ولو آية"

والتزمَت الصمت

ظلّت تجهز المكان انتظاراَ لقدوم وليديها بفارغ الصبر ولكنها فوجئت بنفسها داخل غرفة حديدية.

فلم يكن أمامها غير استقبال وليديها فيها.وعند قدومهما تولدت لديها رغبة فى معانقة المجهول.

وبدأت تثور رافضة القيود. ومع صراخ وليديها وتحفيزهما لها على المقاومة كانت تحاول باستماتة دفع الحديد ولكن يأبى الحديد أن يلين . ولم تدرى ماذا تفعل فأخذت تهرول إياباً وذهاباً وتدفع الحديد بقبضة يديها مراراً وتكراراً.

إلا أن دوى صمت رهيب.

ففقدت قدرتها على الصمود وانزوت فى ركن مظلم.

-تمت-

*********************************

عندما يفقد المرء أغلى مالدية يهون عليه كل شئ ويستسلم للإكتئاب والعزلة وينتظر الموت.

نصيحة:كن أقوى من أى مصيبة فنحن فى دار ابتلاء وقل لنفسك دائما حين تضعف ولاتستطيع المقاومة

هذا شئ ارتضاه الله لى أفلا أرتضيه لنفسى!!!.