لما تلاقي حاجة في الشارع مهمة زي بطاقة أو رخصة أو موبايل أو ميدالية مفاتيح وما إلى ذلك.. بديهي إنك تعلن عنها في جروب المنطقة، ما تستناش حد يسألك عنها لأنه بالمنطق صاحبها هيعرف منين إنها معاك! ثم أنت تبقى مين أصلا علشان يعرف يوصلك!!
طالما لقيت حاجة وأخدتها تبقى حطيت نفسك في مسؤولية إنك ترجعها لصاحبها، لو مش قد المسؤولية اللي هتتسأل عنها دي، يبقى سيبها مكانها وصاحبها هيرجع يدور عليها أو حد غيرك عنده أمانة هيرجعهاله.. ويا ريت تحط نفسك دايما مكان الناس.
"وتحسبونه هينا وهو عند الله عظيم"
--
أتخيل لو مات قاطع الكهرباء بالبطيء، عن طريق فقدان سوائل جسده أثناء نومه، فيكون المعنى الحرفي لـ مات من الحر.
--
المشاعر لا تناقش.
لما حد يقولك إنه زعل، غضب، اتضايق... ما عليك سوى ترضيته دون التنظير أو الدفاع أو التجاهل أو الهجوم.
معرفتك هتكون حُجة عليك يوم القيامة، مش هينفع لما تتسأل عن كسرة قلب فلان، تقول: "ما كنتش أعرف". لأنه فعلا عرفك.. فما تستهونش بالذنب ده.
--
خاف من حد ما عندوش غير ربنا يجيب له حقه.
