لكل منا أشيائه الخاصة التى لايفرط فيها بسهوله وتكون عنده رغم بساطتها أو قِلة ثمنها غالية جداُ . بداية من ميدالية المفاتيح إلى الموبايل حتى لو كان تى شيرت قديم لكن أنت بتحبه أو ممكن تكون هدية بسيطة سواء كارت أو حتى قلم جاف فاضى.لو الحاجات الغالية عليك دى بقى ضاعت شعورك هيكون إيه؟
ولو كان مثلاً لديك صديق غائب وعلمت أن أجازته السنوية هذا العام قد تم إلغائها ماذا سيكون شعورك؟
وماذا لو لا قدر الله فقد إحدى أعضائك وعلمت أنك لن تستطيع إستبداله مرة أخرى أو أصيبت بمرض ليس له علاج بماذا ستشعر؟
ولو شخص ما سرق منك مثلاُ شئ ما وفقدت أمل استرداده ..صف شعورك حينها.
طيب ولو فجأة كل الأمور اتظبطت يعنى الحاجات الضايعة وجدتها والمسروقات إستردتها وصديقك سيأتى ووجد علاج لحالتك ..بماذا ستشعر؟.
طبعا هتكون مبسوط جداُ ..مش كده؟.
طيب تعرف إن سعادة ربنا برجوعك إليه وتوبتك من ذنوبك هتكون أكثر من اللى انت شعرت به بكتييييير.
إيه رأيك بقى تحب تفرح ربنا؟.
عايز ربنا يفرح بيك؟.
بسيطة.
أقولك إزاى.
بالتوبة
وشروطها:1-التعرف على الذنب.
يعنى تبقى عارف إيه الذنب المسيطر عليك سواء بقى كذب أو نميمة أو إفشاء الأسرار أو خيانة الأمانة أو التفوه بالألفاظ البذيئة أو إخلاف الوعد أو الخصام الكثير أو الاختلاط أو دخول فى علاقة حرام أو عقوق الوالدين أو التدخين أو مصافحة من هم ليسوا من نفس نوعك أو التهاون فى أى حق من حقوق الله أو الصلاة على غير وقتهاأو.. أو.. أو...
بص أنت أدرى بنفسك.
2- وقف الذنب.
تبطله فوراُ ومن غير تردد.
3- اندم عليه.
يعنى تشعر من جواك بجد بالندم وإن مهما يحصل عمرك ماهترجع تانى للذنب ده. يعنى مش تتذكره حتى بينك وبين نفسك وتترحم على أيام زمان. أو تكون سيبته مثلاً عشان الظروف دلؤتى مش سامحة.
تشعر بالندم يعنى كل ماتتذكره بينك وبين نفسك تتوجع أنك كنت بتعمله .
4- اعزم على عدم العودة ثانية.
وأنه لو اتعرض عليك عمرك ماهتعمله ولو عاد الزمن برضه ماكنتش هتعمله. يعنى توبة نصوحة زى مابيقولوا.
ولا تستهون بأى شئ تفعله ولا تنسى" وتحسبوه هيناً وهو عند الله عظيم".
****
سؤال جانبى: إيه أكتر حاجة تمتلكها وبتحبها أوى؟.
أدعوكم لزيارة هذا الموضوع : مستنى إيه؟
