ضغطة زر

فى بداية استخدامى للكمبيوتر كنت طبيعى بغلط كتير بس كان بيعجبنى أوى وجود زر العودة للوراء والذى من خلاله أعود لما كنت أقوم به وأغير ما أريده للأفضل.. حتى فى الكتابة يوجد نفس الزر والذى من خلاله أستطيع حذف أى حرف أو كلمة أخطأت فى كتابتها حتى لو حذفت ملف عن طريق الخطأ أستطيع إعادته من سلة المحذوفات..

من الجميل أيضاً العلاقة مع الورقة والقلم فبها تستطيع كتابة مايدور بداخلك مهما كان ولك حرية الاختيار فى الاحتفاظ بالورقة إذا ماأعجبك ماكتبته أو بتمزيقها وكأنها لم تكن.

وبالمقارنة بالتعامل فى أرض الواقع تجد أن قوانين الدنيا مختلفة تماماً فالكلمة التى تخرج منك لا يمكن أن تحذفها من ذاكرة مستمعها وكأنها كالرصاصة التى تنطلق ولا يمكن استرجاعها مرة أخرى.
وكم تفعل فى لحظات الغضب أشياء كثيرة ندمت عليها فيما بعد ..فقد تكسر شيئاً ذات قيمة فى لحظة عِند أو تمزق ورق هام فى لحظة كبرياء أو تضرب شخصاً مظلوماً فى لحظة تهور وهكذا ...
وبعد ذهاب ثورة الغضب تكتشف إنك لا تمتلك زر لإعادة ماتم حذفه أو إتلافه.. ومافعلته قد حدث بالفعل وعليك تحمل عواقبه.
الواقع لايوجد فيه زر لإعادة الشئ المحذوف.
الواقع لا يوجد فيه زر يطلب منك التأكد من الفعل المطلوب.

ولذلك يجب أن أذكر نفسى وإياكم بضرورة عدم التسرع وألا نأخذ أى قرار فى لحظة غضب أو انفعال.
ولنتأنى قليلاً ونركز كثيراً فيما نود القيام به مهما بدى بسيطاً أو صغيراً.
فبعض التفكير بهدوء لن يضرنا فى شئ بل سيفيدنا كثيراً ويمنع عنا أضراراً معنوية أكثر منها مادية.
وعجبأ أن نستفيد من أى خاصية مميزة فى الأجهزة ولا نستفيد من قدراتنا الداخلية.
ولنجعل تعاملنا مع أحدث الأجهزة يذكرنا بأننا أفضل من هذه الأجهزة ونستطيع استخراج كنوز من داخلنا فقط بقليل من التأنى والتركيز.

كانت بلد شهادات

حصلت على شهادة جامعية وتزوجته
وهو حاصل على تعليم متوسط لكن لديه شقة تمليك بالإضافة لعمله بإحدى الدول العربية الذى تتيح له مستوى معيشة يتمناه أى شاب.
وفى أول مشاجرة بينهما عايرته الزوجه قائلة: إحمد ربنا أنى وافقت عليك وأنا واحدة تعليمها عالى.
- غريبة أمال ليه ماعلموكيش إزاى تكلمى زوجك.
- أنا غلطانة أنى اتجوزتك.. أنا ليسانس(...).
- وأنتِ عاملة لى بيه إيه الليسانس ده؟؟ زيك زى أى واحدة قاعدة فى البيت ومستنية اللى يصرف عليها.. والتعليم دلؤتى بيلم وكل الناس بقى معاها شهادات لكن كام واحد يقدر يعيشك فى المستوى اللى أنا معيشهولك.
- وأنا مش قاعدة لك فى البيت.

الزوجة : تعمل إيه لو عرفت إنى ضحكت عليك وإنى مش بكالوريوس ولا حاجة ويادوب بعرف أفك الخط بالعافية.
الزوج: بس ده يبقى غش وتدليس.. أنا ممكن أودى أبوكِ فى داهية.
تفاجئت الزوجة من ردة فعل زوجها لأنه يعلم جيدأ أنها تمزح فهى قبل الزواج كانت تعمل بشهاداتها فى مكان مرموق.
فقالت له: ياسلام !! ده بجد؟؟.. وهى شهادتى تفرق معاك فى إيه؟.
الزوج: طبعاً تفرق.. المهر والشبكة الغاليين كانوا عشان الشهادة.
اتصدمت الزوجة وقالت: ياريتك مااتكلمت.
----------------------
من الجميل أن يكون هناك توافق بين الزوجين فى كل شئ بما فيهم التعليم ولكن الأجمل أن يكون هناك توافق من الناحية العقلية والبيئية فليس كل مُتعلم لديه القدرة على إدارة حوار أو اختيار ألفاظه أو إدراكه أن لكل مقام مقال وعنده الذكاء الذى يجعله لايخسر من حوله..
لاننكر أهمية التعليم فى حياتنا ولكن الأدب والأخلاق والاحترام المتبادل بين الطرفين أهم بكثير .

نصيحة:
يوم ماتتجوز اتجوز حد انت مالى عينيه بغض النظر عن مؤهلك العلمى.. الكلام للرجل والمرأة.

سؤال جانبى:
ـــــــــــــــــــــ
هل توافق مستوى التعليمى لشريك حياتك شرط أساسى لنجاح الزواج؟.

لو كنت غالى عليك

بتردهالى!!
عشان سافرت وسيبتك قبل كده.
طيب ماهو كان غصب عنى ومحدش حاول يمنعنى ولو كنت قلت لى ماتسافريش عمرى ماكنت مسافرة لكن كنت شايفة ان سفرى مش فارق معاكم.. يومها أنت ماستحملتش فراقى ومارضيتش تركب فى العربية اللى هتوصلنى المطار رغم انك عارف إنك أنت الوحيد اللى كنت عايزاه يركب معايا.. كنت عامل فيها قوى وهتقدر على بُعدى.. لكن أنا بقولهالك صريحة أنا مش هعرف أعيش من غيرك.. إذا كنت وأنت معايا بحس إنى لوحدى أمال لما تسافر هعمل إيه وأنت أقرب حد ليا.
المشكلة أنى مقدرش أقف فى طريقك لأنى مقدرة أوى وعارفة أنت عايز تسافر ليه.. ومش عايزة أتعامل معاك بأنانية .
بس بجد مش عارفة.. وكالعادة لازم أبين أنى عادى متأقلمة على الوضع ومابينش ده قدامهم لأن إظهار مشاعرى أو عدمها مش هتفرق معاهم كتير وأنت عارفنى مابحبش أصعب على حد..
الواقع بيقول أنى أختك الكبيرة لكن الحقيقة إنك ابنى الكبير وأنى أنا أختك الصغيرة.

من كتر قربنا لبعض وشبهنا بيفكرونا توأم بس أنت مش توأمى أنت حتة منى ..
قولى بقى إزاى هقعد كده من غير بقيتى؟؟..

طيب مش تفكر هتسيبنى لمين؟ مين هيكون أمنى وحمايتى؟؟.

أنا عارفة أنك أوقات كتير بتبقى مشغول لكن لما بكون بره لوحدى ببقى مطمنة وعارفة أن محدش يقدر يقرب منى أو يضايقنى أو حتى يفكر يعاكسنى لأنك هتكون موجود علشانى فى أى وقت ومهما كان اللى وراك ..لكن دلؤتى وأنت فى قارة تانية أجيبك منين؟ أنادى على مين ينجدنى ويساعدنى.

بغض النظر عن أننا فى كل خروجة مع بعض لازم نروح البيت متخانقين بس برضه هبقى أخرج مع مين أنا؟.
مين هيكون حارسى الخاص وسائقى المتهور؟.
مين اللى لما أحب أعمل أنه خطيبى وأحط إيدى فى إيده الناس كلها تعرف أننا أشقاء بتدقيقة بسيطة فى وجهينا حيث ملامحنا المتشابهة بطريقة ملفتة.
مين هيستحملنى فى غضبى وثورتى لأتفه الأسباب وبعدها ييجى يصالحنى.
مين اللى هتكلم معاه وهو رايح ينام وفى الآخر يقولى وهو بيفصل ماتنامى بقى.
مين اللى هيضبط المنبه بتاعه عشان يصحينى لو هونايم ووراه ميعاد عشان أنا اللى أصحى فأصحيه لأنه مابيسمعش المنبه.
مين اللى هتدخل فى شئونه الخاصة ويقولى خليكِ فى حالك وأنا أقوله ماهو أنت حالى.
مين اللى هيستعمل حاجتى بدون إذنى ولما آجى أزعق يقولى هستعملها عادى ومالوش لازمة تزعقى .
مين اللى هسأله على ذوق لبسى قبل ما اخرج ويقولى إحنا مش شاريين الطقم ده مع بعض وأنا اللى منقيه.
مين اللى هيسألنى قبل مايخرج عن شياكة مايرتدى وأقوله أنت مش سألتنى قبل كده يقولى آه بس دلؤتى لمعت الشوز.
مين اللى هيفهم مزاجى عامل ازاى من غير ما اتكلم.
مين اللى هيحكى لى الفيلم بعد مايخلص رغم انى كذا مرة أقول انا عايزة اكون معاك من أول الفيلم.
مين اللى هيتفرج على أى فيلم جديد ويشوف اذا كان ينفع أنى اتفرج عليه ولا لأ.
مين غيرك القادر انه يخرجنى من اى حالة سيئة بمر بيها.
مين غيرك اللى بيدلع اسمى بأسماء كتيرة اوى عمر ماحد فكر فيها.
مين غيرك اللى لما اطلب منه يشترى لى حاجات بيجيبها زى ما انا عاوزة بالظبط من غيرما ما ابقى محتاجة اشرح ده إيه وبيتجاب منين وبيتعمل بيه إيه.

أنت اللى بفضفض معاه براحتى.. أنت اللى بتهون عليا حاجات كتير.
وبعدين ازاى تمشى من غير ماتعلمنى السواقة مش انت بتغير عليا ورفضت انى اروح مدرسة تعليم القيادة لان اللى هيعلمنى هناك رجل..
ماشى.. مادام قررت وخلاص نويت الرحيل.. أنا مش همنعك.
ومش هقولك لما اوحشك غمض عينيك وانده عليا بس هقولك لما اوحشك أقف فى المراية وانفش مناخيرك..
طبعاً هتضحك..
وقتها هتشوفنى أنت ناسى أننا شبه بعض وخصوصاً لما بنضحك استغل الشبه ده بقى فى رؤيتى.

وماتقوليش هتوحشينى وفراقك على عينى والكلام ده.. قولى اعمل ايه لما أنت توحشنى؟؟.
أنا عارفة أن الغربة بتغير.. أنا آه ماتغيرتش وزى ماروحت زى ماجيت بس ده لأن عمرى ماحسيت انى متغربة أنا طول الوقت كنت حاسة أنى مخطوفة ومسير اللى خطفونى يرجعونى تانى.

أوعى تتغير ولو هتتغير يبقى للأحسن.. وحذار تنسانى أو حبى جواك يقل.
وإياك أتصل بيك وماتردش عليا.
ولو انى عارفة إن و لاحتى الكاميرا والنت ممكن يعوضونى عن فراقك.. أنا عايزاك على طول تكون موجود جنبى ونفسك يكون فى المكان اللى أنا فيه وريحتك تكون حواليا.
عموماً
هقولك زى ماكنت بتقولى وأنا مسافرة" خد بالك من روحك بعدى".
فى أمان الله ياحبيبى.
وترجعلى بألف سلامة يارب.
وأشوفك على خير ياقلب ماما.

-----------------------

هذه كانت مشاعرى من ستة شهور حينما فاجئنى شقيقى برغبته فى السفر.. ولكنه تنحى عن قراره هذا بعد الثورة.. والآن يريد السفر وبشدة ويسعى له..
ومشاعرى الآن.
ماقدرش ماحبكيش يا مصر لإنك بلدى.
وماقدرش ماكرهكيش لإنك جعلتى أخويا رغم كراهيته للغربه يريدها وبشدة.

ياريت تدعوا لأخويا أن ربنا يهئ له الخير حيثما كان ثم يرضيه به.. وادعوا ان ربنا يكرمه بوظيفة فى بلده تقدر شهادته وطاقته وإمكانياته علشان مايسيبنيش ويسافر.

أحاديث قدسية(7)

استكمالاً لنقل الأحاديث القدسية نبدأ بعون الله.

*"يا بن آدم أنفق أُنفق عليك فإن يمين الله ملأى سحا لا يغيضها شئ بالليل ولا بالنهار"
رواه الدار قطنى عن أبى هريرة.

*"يا ابن آدم إن تبذل الفضل فهو خير لك وإن تمسكه فهو شر لك ولا تلام على الكفاف وابدأ بمن تعول واليد العليا خير من اليد السفلى".
رواه البيهقى عن أبى أمامة.

*"يا ابن آدم إنك ما دعوتنى ورجوتنى غفرت لك على ما كان منك ولا أبالى.. يا ابن آدم لو أنك أتيتنى بقراب الأرض خطايا ثم لقيتنى لا تشرك بى شيئاً لأتيتك بقرابها مغفرة".
رواه الترمذى والقضاعى عن أنس والطبرانى عن ابن عباس وابن النجار عن أبى هريرة.

*"يا ابن آدم إنك ما دعوتنى ورجوتنى غفرت لك ما كان فيك ولو آتيتنى بملء الأرض خطايا أتيتك بملء الأرض مغفرة مالم تشرك بى ولو بلغت خطاياك عنان السماء ثم استغفرتنى لغفرت لك".
رواه الطبرانى فى الثلاثة عن ابن عباس.

*" يا ابن آدم ثلاث خصال واحدة منهن لى وواحدة لك وواحدة فيما بينى وبينك فأما التى لى فتعبدنى لا تشرك بى شيئاً وأما التى لك فما عملت من خير جزيتك به فأنا أغفر فأنا الغفور الرحيم وأما التى بينى وبينك فعليك الدعاء والمسألة وعلى الاستجابة والعطاء".
رواه الطبرانى فى الكبير عن سلمان.

*"يا ابن آدم إذا أخذت كريمتيك فصبرت واحتسبت عند الصدمة الأولى لم أرض لك ثواباً دون الجنة".
رواه أحمد والطبرانى فى الكبير عن أبى أمامة.

*"يا ابن آدم لا تعجز عن أربع ركعات من أول النهار أكفك آخره".
رواه أحمد ومسلم عن أبى الدرداء.

*" يا ابن آدم تفرغ لعبادتى املأ صدرك غنى وأسد فقرك وإلا تفعل ملأت يديك شُغلاً ولم أسد فقرك".
رواه أحمد والترمذى وابن ماجة والحاكم عن أبى هريرة.

*" ياعيسى إنى باعث من بعدك أمة إن أصابهم ما يحبون حمدوا وشكروا وإن أصابهم ما يكرهون احتسبوا وصبروا ولا حلم ولاعلم قال يارب كيف يكون هذا لهم ولا حلم ولا علم قال أعطيهم من حلمى ومن علمى".
رواه أحمد والطبرانى فى الكبير والأوسط والحكيم وأبو نعيم والحاكم والبيهقى عن أبى الدرداء.

*" يا محمد إن أمتك لا يزالون يقولون: ما كذا ما كذا حتى يقولوا: هذا الله خلق الخلق فمن خلق الله".
رواه أحمد ومسلم وأبو عوانة عن أنس.

*" إن أول ما يسأل عنه يوم القيامة- يعنى العبد- من النعيم أن يقال له: ألم نصح لك جسمك ونروك من الماء البارد؟".
أخرجه الترمذى من حديث أبى هريرة.

*" يقول الله- عز وجل- يوم القيامة: يا بن آدم حملتك على الخيل والإبل وزوجتك النساء وجعلتك تربع وترأس فأين شكر ذلك؟" .
أخرجه الإمام أحمد من حديث أبى هريرة.

*"يؤتى بالعبد يوم القيامة فيقول الله له: ألم أجعل لك سمعاً وبصراً ومالاً وولداً وسخرت لك الأنعام والحرث وتركتك ترأس وتربع فكنت تظن أن ملاقى يومك هذا؟.
قال: فيقول: لا.
فيقول له: اليوم أنساك كما نسيتنى".
أخرجه الترمذى من حديث أبى هريرة وأبى سعيد.

*" يقضى الله بين خلقه الجن والإنس والبهائم وإنه ليقيد الجماء من القرناء حتى إذا لم يبق تبعة عند واحدة لأخرى قال الله: كونوا تراباً فعند ذلك يقول الكافر: يا ليتنى كنت تراباً" .
أخرجه الطبرى من حديث أبى هريرة.

*"يحشر الناس يوم القيامة- أو قال: العباد- عراة غرلاً بُهما قال: قلنا: وما بُهماً؟ .
قال: ليس معهم شئ ثم يناديهم بصوت يسمعه من قرب: أنا الملك أنا الديان ولا ينبغى لأحد من أهل النار أن يدخل النار وله عند أحد من أهل الجنة حق حتى أقصه منه ولا ينبغى لأحد من أهل الجنة أن يدخل الجنة ولأحد من أهل النار عنده حق حتى أقصه منه حتى اللطمة.
قلنا: كيف؟ وإنما نأتى الله - عز وجل- عراة غرلا بُهما..قال: بالحسنات والسيئات".
أخرجه الإمام من حديث جابر عن عبدالله بن أنس

*" كنا عند رسول الله- صلى الله عليه وسلم- فضحك فقال: هل تدرون مم أضحك؟ .
قال: قلنا: الله ورسوله أعلم ..
قال: من مخاطبة العبد ربه يقول: يارب ألم تجرنى من الظلم؟ ..
قال: يقول: بلى..
قال: فيقول: فإنى لا أجيز على نفسى إلا شاهداً منى..
قال: فيقول: كفى بنفسك اليوم عليك شهيداً وبالكرام الكاتبين شهوداً .
.قال: فيختم على فيه فيقال لأركانه: انطقى.
قال: فيقول: بُعداً لكن وسُحقاً فعنكن كنت أناضل".
أخرجه مسلم من حديث أنس.

*"أصحاب الأعراف قوم تجاوزت بهم حسناتهم إلى النار, وقصرت سيئاتهم عن الجنة فإذا صرفت أبصارهم تلقاء أصحاب النار قالوا ربنا لا تجعلنا مع القوم الظالمين فبينما هم كذلك إذ اطلع عليهم ربك قال: قوموا ادخلوا الجنة فإنى قد غفرت لكم".
أخرجه الحاكم من حديث حذيفة.

*"إذا دخل أهل الجنة يقول الله - عز وجل- : تريدون شيئاً أزيدكم؟..
فيقولون:" ألم تبيض وجوهنا؟ ألم تدخلنا الجنة وتنجنا من النار؟..
قال: فيكشف الحجاب فما أعطوا شيئاً أحب إليهم من النظر إلى ربهم ثم تلا هذا
" للذين أحسنوا الحسنى وزيادة"
رواه المنذرى من حديث صهيب.