1- اعتقد إن الفيصل في كونك بتحب حد أو لا.. إنك تكون بتحب تسمعه مهما كان كلامه بعيد عن ميولك مثلا، إنك تحبه يحكيلك عن يومه العادي بتفاصيله اللي وارد تكون بتتكرر كل يوم، إنك تديله المايك وتكون جمهوره الوحيد الذي يزعق بالتصفيق انبهارا بعد استماعه لعازف محترف انتهى توا من معزوفة كونشيرتو جعلتك هائما في الفضاء.
2-وبما إن كل حاجة ممكن تمشي عن طريق النت عادي، يبقى وقف حال الناس مالوش لازمة، وفكرة إن الموظف غايب أو أصل أيام الحظر ما كنش فيه موظفين حجة ماسخة!
ده غير طبعا الزحمة والروتين الممل وضيق الأماكن وقلة عدد الشبابيك!
يعني ما توسعوا ع الناس كدة واللي ممكن يتعمل ع النت مالوش لازمة حضور المواطن.
وتسليم الأوراق وما إلى ذلك برضه يتم بالإيميلات.
يسروا ع الناس شوية وهنموت.
3-احنا مش بنستنى ع الهدوم لما تبقى مش نضيفة علشان تتحط في الغسيل.
أي حاجة لبستها وعرقت فيها بديهيا كده تتقلع وتتحط في الغسيل،الغيارات الداخلية والشرابات بتتغير كل يوم.
الأطفال بس اللي بنحط هدومهم في الغسيل لما تتوسخ؛ لإنهم ما بيعرفوش يتحكموا في الحفاظ عليها نظيفة، لكن الكبار يكفيهم بس إنهم يعرقوا فيها أو يخرجوا في مكان لفترة طويلة.
*عود نفسكم على كده لإنك مش عايش لوحدك، فيه ناس تانية معاك على نفس الكوكب وبتأذيهم تصرفاتك دي.
4-لو كنت أب؛ إياك تسامح نفسك لو بنتك عيطت في حضن حد غيرك، وأنت على وش الأرض.
يمكن ما تقدرش تمنع الأذى عنها، لكن الأكيد إنك تقدر تطمنها بوجودك.
5-يمكن اللي أنت فضلته على ابنك ينسى، لكن ابنك عمره ما هينسى إنك فضلت حد عليه.
