من قراءاتى(1)

يمكن للشخص أن يسبب الأذى للآخرين ... ليس عن طريق الفعل بل أيضا عن طريق الامتناع عن الفعل ...وهو في كلتا الحالتين ... مسؤول أمامهم عن الضرر.
" جون ميل ".

----------------------------

السرقة هى السرقة حتى لو كان المسروق قاتلاً وحتى لو كان آخر ما قام به هو محاولة قتلك أنت بالذات.
د.أحمد خالد توفيق.

-------------------------

ليس بالضرورة أن تلفظ أنفاسك وتغمض عينيك ويتوقف قلبك عن النبض ويمتنع جسدك عن الحركة كي يقال عنك أنك فارقت الحياة !فبيننا الكثير من الموتى يمارسون الحياةبلا حياة..
لــــ احلام مستغماني.

-----------------------------

الشر قاس.. لكن الجزاء قد يكون أكثر قسوة..
د.أحمد خالد توفيق.

------------------------------

هناك أملاً فى عالمنا..مازال الخير هو الغالب وهو من يضع القواعد وهو من يحاسب الشر.. ومازال الشر هو الأضعف وهو المحتاج إلى الكذب والمداراة والإختباء والخداع.. مادام الميزان لم يختل فالأمل موجود.
د.أحمد خالد توفيق.

--------------------

الأعشاب لاتغدو أشجاراً مهما تعلمت فنون النماء.
د.أحمد خالد توفيق.

--------------------

الحقيقة ليست دائما جنة المعذبين.
د.أحمد خالد توفيق.

------------------

يوجد فاسد واحد بين خمسين صالحاً.. لكن الفاسدين يتحدون دوماً فيكون لاتحادهم قوة تمكنهم من تحقيق أحلامهم.
د.أحمد خالد توفيق.

-----------------

إن ضمير المرأة التى جرحت كبرياؤها ينام غالباً.
د.أحمد خالد توفيق.

----------------------

إن تزوير الشهادة إثماً لكن كتمانها لا يقل إثماً.
د.أحمد خالد توفيق.

-------------------------

المرأة تتنفس الأمومة دون إرادة منها, فلا خيار لها.
د.أحمد خالد توفيق.

----------------------

عليكم قبل أن تحاسبوا المرأة على سلوكها أن تحاسبوا جيرانها الذين -ببساطة- تركوها تموت جوعاً.

د.أحمد خالد توفيق.

------------------

التعذيب قد يرغم الأسد على أن يموء كالهر.
د.أحمد خالد توفيق.

---------------

كل إنسان يمكنه أن يقاتل بشراسة طالما وجد هدفاً قوياً.
د.أحمد خالد توفيق.

-----------------------

لا تقدم أبداً شروحاً لأحد , أصدقاؤك الحقيقيون ليسوا في حاجة أليها وأعداؤك لن يصدقوها.
أحلام مستغانمى.

-----------------------

ليس من الضرورى أن تجد كل الحكمة فى الكتب.. أنها كثيرة جداً عند أناس ليست صناعتهم الحكمة ولكنهم أصحاب تجارب وشجاعة وتواضع.
أنيس منصور.

----------------------

النفاق صفة بشرية لا تتجزأ.
د.أحمد خالد توفيق.

--------------------

أنها راحة بال الجاهل الذى لا يرى الصورة كاملة.
د.أحمد خالد توفيق.

-------------------

من الخطر أن تتهم المجانين وأنت تحت رحمتهم.
د.أحمد خالد توفيق.

--------------------

لماذا يتوقف الناس فى لحظة بعينها عن أن يكونوا كما عرفناهم؟.
د.أحمد خالد توفيق.

----------------

اتركوا لى ما تبقى منى.
د.أحمد خالد توفيق.

----------------------

الصراخ ليس دليلاً على شدة المرض.
د.أحمد خالد توفيق.

---------------------

يجب على من يطلب تطبيق القانون أن يقبل تطبيقه على نفسه أولاً.
د.أحمد خالد توفيق.

---------------

نحتاج أحيانا للشعور بأننا مهمون جداً.. فهذا هو المبرر الوحيد لنا كى ننظر فى المرايا ونرى أنفسنا.

.د.أحمد خالد توفيق.

-----------------

من حق المرء أن يموت وهو يعرف بأن أحداً لن يعبث بعظامه.
د.أحمد خالد توفيق.

--------------------

هناك أشياء طيبة فى هذا العالم برغم كل شئ.
د.أحمد خالد توفيق.

-------------------

إنتظار قدوم النوم..هذه هى الطريقة المثلى لطرد النوم.
د.أحمد خالد توفيق .

---------------------

يستحيل أن تدخن المرأة الشيشة بمزاجها إلا إذا كانت معلمة فى المدبح..أعتقد أن المرأة تدخنها الآن لأن لها زوجاً أو خطيباً أحمق يعتقد أنها بهذا تصير مُغرية.
د.أحمد خالد توفيق.

-------------------------

الشخص الحساس هو شخص يدوس على أقدام الناس جميعا لأن قدمه هو تؤلمه.
أوسكار وايلد.

-------------------

لابد للمرء من أن يجد حرية الهذيان من وقت لآخر وإلا انهار.
د.أحمد خالد توفيق.

حبيب صاحبتى

قامت"ندى" بطهى الغداء وتحضير المكان الذى ستستقبل فيه صديقتها"حنين" التى لم تلتقى بها منذ سنوات.
فقد كانتا يعملان سوياً فى نفس المكان وكم تعاطفت" ندى " كثيراً مع "حنين" إزاء حبها المفقود فقد كانت تحب شخصاً ولكنه كل مايتقدم لخطبتها أهلها يرفضوه وكان سبب رفضهم "إزاى بنتنا تتجوز حد كانت بتحبه قبل الزواج!!"
ندى: بس ده سبب مايتقالش غير فى الأفلام الأبيض والأسود بتاعة زمان.
حنين: ومين قالك إن أهلى بيفكروا بطريقة تتواكب مع عصرنا الحديث..
وتنهدت قائلة: ياااه ده أنا إتضربت ضرب.
وألقت رأسها بين ذراعى ندى قائلة وهى تبكى بحرارة: مش قادرة ياندى أعيش من غيره.. أنا لسه بحبه مهما يبعدونا عن بعض هو فى دمى.
ندى تربت على رأسها قائلة: لو كان بيحبك كان اتقدم لك على طول مش يستنى لما أهلك يعرفوا ويشوفوكم بالصدفة وأنتوا ماشيين فى الشارع مع بعض.
حنين: حظى كده.. أنتِ عارفة أنا ماكنتش بشوفه غير كل فين وفين بس كان كفاية عليا مكالماته.. بعد ما حبينا بعض جاله شغل بره وسافر.. ظل هناك سنتين واليوم اللى أهلى شافونا فيه كان أول مرة أشوفه بعد غيابه وهو وقتها عمل شهم وصمم أنه يوصلنى.. أخويا شافنا مع بعض قرب البيت والدنيا اتقلبت.. يعنى مالحقش يا ندى يتقدم لى قبل ما يعرفوا.
ندى: خلاص يا حبيبتى ماتزعليش لو كان نصيبك مفيش حد فى الدنيا هيقدر يفرقكم عن بعض.
حنين: ييجى إزاى تانى وهو اتطرد من بيتنا كذا مرة.

------------------------------------

أفاقت" ندى" من ذكرياتها على اتصال زوجها "أحمد": خلاص ياستى صاحبتك وصلت؟.
ندى: لأ يا أحمد لسه .. كلمتها وهى فى الطريق.
أحمد:طيب افتكرى إنى هتأخر فى الشغل عشان تفعدوا مع بعض براحتكم واعرفى أن بما إنك ضيعتى علينا الغدا سوا هتعزمينى على العشا.
ندى تضحك قائلة: من عينيا يا حبيبى .
أحمد: خلاص اتفقنا.. هقفل معاكِ دلؤتى واسيبك تجهزى الغدا لصاحبتك.

أنهت معه الإتصال وسمعت جرس الباب فذهبت سريعاً لتفتح..
حنين حبيبتى وحشتينى ..وبعد اللقاء الحار أخيراً جلسا سوياً فى الصالون يسترجعان الذكريات وتحكى كل منهما للأخرى ماحدث لها خلال هذه السنوات..

بدأت حنين قائلة: بعد ما أهلى إتأكدوا إن حبيبى إتجوز بدأوا يسمحوا لى بالخروج من البيت وعدت إلى وظيفتى من جديد واتفاجئت إنك إتنقلتى.
ندى: كنت هقولك إزاى بس وأهلك ماكانوش بيخلوكِ تردى حتى على التليفون.. حتى موبايلك لما كنت اتصل عليه ترد عليا واحدة تقولى الموبايل ده أنا لقيته فى الشارع ومانعرفش عن صاحبتك دى حاجة!.
حنين: قالولى بعدين على كل الاتصالات اللى جاتلى.. وماكنش ينفع اتصل بيكِ.. أنتِ ماتعرفيش الإرهاب اللى كنت عايشة فيه.
ندى: أنتِ هتقوليلى!!..أنا انسى إنك ماحضرتيش فرحى.. رغم أنى عرفت مامتك أنى هتزوج فى بلد تانية وياما اتحايلت عليها انك تجيلى حتى يوم الحنة وأنها تيجى معاكِ لأن فرصة رؤيتنا لبعض هتبقى قليلة أوى بعد كده وهى برضه ما رضيتش.
حنين: معلش يا ندى هما أهلى كده ومش هيتغيروا.. أنتِ عارفة قد إيه كان نفسى أوى أكون معاكِ يوم فرحك بس غصب عنى.
ندى: أنا عارفة ياحبيبتى.. استنى لما أفرجك صور فرحى.
ناولت "ندى" ألبوم الصور لحنين التى فتحته بدورها .
فقالت لها ندى متحمسة : يلاقوليلى رايك إيه فى فستانى.
حنين مبتسمة: ماشاء الله كنتى زى القمر.
ندى بثقة ضاحة : أنا طول عمرى زى القمر.
لم تبادلها حنين الضحكة ولكنها نهضت قائلة: أنا لازم أمشى دلؤتى ياندى.. ماما بترن لى.
حنين غاضبة: إيه ده أنتِ أكيد بتهزرى.. هو احنا لحقنا نقعد مع بعض؟.. والغدا اللى أنا مجهزاه وأحمد اللى مذنباه فى الشغل لغاية دلؤتى عشان نعرف نقعد مع بعض براحتنا.
حنين: معلش يا ندى فرصة تانية.
وخطت خطوة تجاه الباب فامسكت ندى ذراعها قائلة: مش هتمشى دلؤتى.
وهنا لاحظت ندى بأن حنين ترتجف وتوشك على البكاء فقالت لها مذعورة: مالك يا حنين ؟؟ أنتِ بترتجفى كده ليه؟ أنتِ حاسة بحاجة ؟؟ شكلك تعبان؟ إيه اللى حصل؟.
حنين:معلش يا ندى اعذرينى.. واضح أنى اخدت دور برد وأنا جاية ده غير أن السفر طويل و هذه أول مرة أسافر فيها لوحدى فيادوب بقى عشان ما اتأخرش.. ورسمت ضحكة مصطنعة قائلة: حد قالك تتجوزى بعيد كده؟.
ندى: طيب استنى هحط الأكل على السفرة فى ثوانى.. الغداء جاهز من بدرى.
حنين: معلش يا ندى مش هينفع أتغدى ولا ينفع أقعد هنا كتر من كده.
ندى: فى إيه يا حنين؟؟ مالك؟ حساكِ مش طبيعية.
حنين بنفاد صبر: مفيش حاجة أنا بس حسيت أنى تعبانة شوية ومحتاجة أروح.
ندى بإصرار: وأنا مش هسيبك تمشى من عندى وأنتِ كده.. مالك؟؟.
انفجرت حنين فى البكاء وتهاوت على أقرب كرسى قائلة: أصل أنا لما كنت بحكيلك عن حبيبى زمان نسيت أقولك أهم حاجة.
ندى رافعها حاجبيها من الدهشة قائلة: وأنتِ إيه اللى فكرك بحبيبك دلؤتى.
فتحت حنين حقيبة يدها باحثة عن شئ ما قائلة لندى: نسيت أقولك أن اسمه "أحمد" ونسيت كمان أوريكِ صورته وخرجت صورته من حقيبتها لتعطيها لندى.
مسكت "ندى " الصورة وتهاوت على الكرسى المجاور لحنين غير مصدقة.
قالت حنين ودموعها مازالت منهمرة على خديها: عرفتى ليه أنا ماينفعش أقعد هنا.. لأن أحمد زوجك هو نفسه أحمد حبيبى
ندى لا تعلق وكأن المفاجأة ألجمتها فلم تجد مفر من الصمت المطبق.
تتابع حنين قائلة: أنا آسفة ياندى ماقصدتش أتضايقك أو أخرب حياتك بس غصب عنى.. مقدرتش أتمالك أعصابى لما شوفت صور فرحكم.. حاولت أمشى .. أنتِ اللى منعتينى.. متهيألى دلؤتى هتخلينى أمشى عادى.. مش كده؟.
ندى بعد ما تمالكت نفسها واستوعبت الموقف ردت بهدوء قائلة: لأ يا حنين استنى.. احنا لازم دلؤتى نقعد ونتكلم مع بعض.. أنتِ صاحبتى وأنا بحبك ومكنتش أتخيل أبداً أن أحمد زوجى هو نفسه حبيبك.. بس أنتى نفسك قلتيها أنا ماكنتش اعرف أن هو .. وهو كمان ماكنش يعرف.
حنين: أنا عارفة يا ندى وأنتِ مش ملزمة تبررى لى حاجة أنتِ بقى ليكِ حياتك وأنا كمان ومفيش حاجة هتتغير.
ندى تنظر لها برجاء قائلة: مش عايزاكى تكرهينى أو تدعى على أحمد.
حنين دامعة: ماتقوليش كده أنتوا أكتر اتنين حبيتهم فى حياتى وأتمنى لهم الخير.
ندى: حنين .. آنا آسفة.
حنين: ماتتأسفيش.. مش أنتى زمان قلتيلى لو نصيبى مفيش حد فى الدنيا يقدر يفرقنا وأنا دلؤتى بقولك لأنه نصيبك مفيش حاجة فى الدنيا هتقدر تفرقكم عن بعض..
تم عناق الوداع بينهما وقالت حنين ملوحة لها بيدها: أشوف وشك بخير يا ندى واطمنى "أحمد" عمره ما هيشوفنى.
أغلقت "ندى" الباب وراءها ثم سرحت مع نفسها وتسائلت بداخلها " يا ترى أحمد لسه بيحبها ولا لأ؟؟.
ولو كان بيحبها أنا أبقى إيه فى حياته.. مجرد زوجة وبس!!
بس لو كان مابيحبهاش يبقى مايستاهلش حبها ليه لغاية دلؤتى!.
أفاقت على نغمة موبايلها تبشر باتصال من زوجها ردت قائلة :أيوة ياحبيبى .
أحمد: صاحبتك هتاخدك منى كتير ولا إيه؟.
ندى: لأ ياحبيبى محدش يقدر ياخدنى منك.
أحمد: طيب يلا البسى بقى عشان عزومة العشا. ولا رجعتى فى كلامك؟.
ندى: لأ طبعا مارجعتش فى كلامى .. هجهز حالاً.
ابتسمت ندى وذهبت سريعاً تستبدل ملابسها لتستعد لخروجها مع زوجها الحبيب ناسية تماماً ما حدث منذ قليل.
-تمت-.

النظرة القاصرة

ينظر الإنسان دائماً نظرة قاصرة فى جميع مواقف حياته.. وكأنه ينظر من خرم الباب فلا يرى الصورة كاملة .
فمن يشعر بالحزن يرى يوم السعادة بعيد.
ومن يشعر بالسعادة لا يرى للحزن مكان.
ومن ينام من كثرة التعب والإرهاق يتخيل أنه لن يستيقظ.
ومن يصحو وهو فى قمة نشاطه لا يتخيل وضعه إذا ماغلبه النعاس.
ومن يشعر بالنجاح لا يرى الفشل.
ومن يشعر بالفشل لا يرى النجاح.
فالقوى لا يتخيل أنه قد يمرض وصاحب المال لا يتوقع فقره.
وهكذا...
ولا يعلم الإنسان أن كل شئ بأمر الله فهو وحده من بيده تغيير كل شئ فى أقل من لمح البصر
"فإنما أمره أذا أراد شيئاً أن يقول له كن فيكون".
ولذلك أقول لمن يحمل هماً إن همك لن يدوم مثلما تفنى السعادة هكذا تفنى الهموم.
وعليك أن تقتنع تماماً بأنه لن يحدث شئ فى هذا الكون أراد الله له أن لا يكون.
ولا شئ يظل على حاله.. فالتغيير هو الشئ الوحيد الثابت فى هذه الحياة.

لراغبى التعليم

بما أنى مارست دورى كطالبة وكمُدرسة فأصبح عندى خبرة لا بأس بها ولذلك أردت أن أوجه عده نصائح لكل طالب مهما كان عمره.
- احترم مواعيد درسك التعليمى ولا تعتمد أن ينتظرك مُعلمك ويوقف الدرس إلى أن تحضر.
- لا تكن طالباً مشاكساً.
- لا تحدث من جوارك مهما كانت الأسباب طالما الدرس بدأ.
- إذا أردت أن تسأل عن أى شئ غير واضح فى فهمك للدرس فاسأل مُعلمك فهو سيتقبل هذا ولن يتقبل أن تسأل من بجوارك.
-لا تسخر من مُعلمك أو توجه له نقداً على الملأ.
- لا تسخر من زملائك أو تعلق على مايقولوا.
- اترك المكان كما تحب أن تجده.
- ضع هدف أمام عينيك واسعى جاهداً للوصول إليه.
- اعرف مكانة طالب العلم عند الله فأنت فى سبيل الله حتى تعود لمنزلك.
- لاتعتبر مكان العلم نادى إجتماعى لمقابلة أصدقائك فأماكن الترفيه كثيرة ويمكنك الذهاب لأى منها بعيداً عما يريدون التعلم.
-راجع الدرس مباشرة بعد ذهابك إلى المنزل وإذا كان هناك واجب فاعمله أولاً بأول.
- لا تركن المادة التعليمية كثيراً حتى لايتراكم عليك فيصعب عليك مذاكرته.

وهذه نصايح سريعة لأيام ما قبل الامتحان:
-التليفزيون والكمبيوتر والنت والموبايل مش هيطيروا.. نويت مذاكرة بجد يبقى تغلق الموبايل ..تبتعد تماماً عن مشاهدة التليفزيون واطمن مفيش حاجة هتفوتك فكل حاجة بتتعاد.
- أنت أولى بكل وقت ممكن يضيع فى تفاهات.. واعرف أن أى اتصال هيمتد لساعات لأن الشيطان هيحاول يشتت انتباهك لأنه هيستفيد من رسوبك.

- اعمل جدول للمذاكرة والتزم به بحيث يتوافق مع إمكانياتك ولاتقلد أحداً من أصدقائك فكل فرد وله إمكانيات خاصة به.
- اجعل هدفك دائماً أن تحصل على أعلى تقدير وذاكر على هذا الأساس مش عشان تنجح وبس.
- إياك أن تفكر فى الغش أو تلجأ إليه مهما كانت الظروف.. فالنجاح بمجهودك لا تعادله سعادة.

وأخيراً بُشرى سارة لكل طالب :
أنت فى سبيل الله.
فقط خد نية أن تنجح نصرة لدينك. فالمُسلم يجب أن يكون متفوقاً وقدوة حسنة دائمة.

سؤال جانبى:
ــــــــــــــــــــــــ
أذكر ذكرياتك مع المذاكرة والامتحانات؟.