من كتاباتي (103)

 

1-الناس اللي بتعمل وجبات إطعام، يا ريت تكتر الكمية، بحيث تكون الوجبة مشبعة مش مجرد عينات تحنس بيها المتلقي.

بدل ما تحط كل الأصناف مثلا في طبق واحد، وسع على نفسك وخليهم طبقين خلي ربنا يوسعها عليك.

*إطعام الطعام عبادة منسية، لعل منشوري هذا يكون سببا للتذكرة.

2-لما تكون مريض وتلاقي حد يمرضك، يناولك ميه، يحضر لك أكل، يفكرك بالدوا، يطمن عليك، يشقر عليك من آن لآخر...

اعرف رغم تعبك ده إنك في نعمة.

وتخيل لو كنت لوحدك ومش قادر تمد إيدك تجيب إزازة الميه من جنبك لأن ده بالنسبة لك مجهود فتفضل عطشان.

أو تكون محتاج تحس إنك مهم وفارق وتلاقي محدش قالك حتى أنت فين ولا نايم ده كله ليه.

أو تبقى مش فاكر أخدت الدوا أصلا ولا ده كان امبارح وأنت تعاملت كأنه النهاردة.

أو تبقى جعان ولإنك عارف إنك أنت اللي هتجهز لروحك فتفتكر كل المجهود قبل وبعد فتفضل جعان ولما الجوع يقرصك تقوم تدور على أي حاجة تصلح وخلاص.

الوحدة وقت المرض مؤذية.

علشان كده كن ممتن لو حد اهتم أنه يسأل عنك ولو حتى برسالة.

من كتاباتي 102

 1-لما تكون مريض وتلاقي حد يمرضك، يناولك ميه، يحضر لك أكل، يفكرك بالدوا، يطمن عليك، يشقر عليك من آن لآخر...

اعرف رغم تعبك ده إنك في نعمة.

وتخيل لو كنت لوحدك ومش قادر تمد إيدك تجيب إزازة الميه من جنبك لأن ده بالنسبة لك مجهود فتفضل عطشان.

أو تكون محتاج تحس إنك مهم وفارق وتلاقي محدش قالك حتى أنت فين ولا نايم ده كله ليه.

أو تبقى مش فاكر أخدت الدوا أصلا ولا ده كان امبارح وأنت تعاملت كأنه النهاردة.

أو تبقى جعان ولإنك عارف إنك أنت اللي هتجهز لروحك فتفتكر كل المجهود قبل وبعد فتفضل جعان ولما الجوع يقرصك تقوم تدور على أي حاجة تصلح وخلاص.

الوحدة وقت المرض مؤذية.

علشان كده كن ممتن لو حد اهتم أنه يسأل عنك ولو حتى برسالة.

2-وفي ثانية بتهون في عينينا الحياة.

3-كل موبايل فيه خاصية إرسال رسالة، ممكن تستخدمها عادي لما تتصل بحد وما يردش عليك على اعتبار إنه مايعرفش رقمك مثلا.

دور الرسالة إنك تعرفه بنفسك وتقوله طلبك.

أو حتى لو تعرفوا بعض وعايزه ضروري ابعتله رسالة وانجز بدل الاتصالات الكتير وخاصة لو مش عارف ظروفه.

سعر الرسالة أقل من ربع جنيه، مش مبلغ يعني.

4-خليكم كده انشروا الوحش واتكلموا عنه واعملوا له قيمة وخلي اللي ما يعرفوش يعرفه.

وبالمقابل لو قابلتكم حاجة عجبتكم ما تعملوش حتى لايك.

5-في علاقتك بيها، حط رصيد كتير جواها، علشان لو حصل بينكم أي موقف تلاقي اللي يشفعلك عندها.

6-هو إيه وجهة نظر مصممي الملابس اللي بتعمل تيشرتات مثلا وعليها رسومات غبية أو كلمات إنجليزية مالهاش معنى أو معناها غبي برضه. 

من كتاباتي (101)

 

1-هو إيه تفكير الناس اللي بتجيب سلاحف من الطرق الصحراوية وتبيعها علشان تعيش في بيت حد تحت الكرسي مثلا!

أو اللي بيربوا عصافير ويحبسوها في قفص ما يكفيش حتى يلفوا فيه!

أما عن السيرك وجنينة الحيوانات وحبس الحيوانات في قفص وفي بيئة مش بتاعتهم أساسا

فده بيدل قد إيه الإنسان كائن أناني وسادي.

2- كونك بطلت تحبها ده معناه إنك ما حبتهاش أصلا.

اعمل اللي يدل على حبك ليها، لكن أنت اخترت أسهل الطرق وأرخصها؛ إنك تقولها بحبك.-3

4-استغنى عن القديم علشان يكون عندك مكان للجديد.

5-فيه فرق بين " تأخرت كثيرا" وبين "فات الميعاد".

بالنسبة لي كشخصية تحترم المواعيد، وتقدس قيمة الكلمة؛ التأخير يعد كارثة وإذا تقبلته في مرة على مضض بدافع منح الأعذار لا أفعلها مرة أخرى.

أسقطك من حساباتي بلا مبالاة، فمثلك لا يستحق أن أمنحه وقتي.. هذا للغرباء.

أما المقربين فأعذارهم مقبولة وإن لم يتفوهوا بها، يكفي وجودهم حتى وإن تأخروا، فلا شيء يكتمل سوى بحضورهم ولو دقائق قليلة.

ولكن حذار من نفاد الرصيد فبه ينفد صبري وحينها أعلق لافتة "فات الميعاد".

البيت المتهرجل يدل على وجود حياة بداخله.6-

من كتاباتي (100)

 

1- أحارب وحدي بلا أسلحة؛ ولهذا انتصاري له مذاق خاص.

2- النهايات أخلاق، والشدائد غربلة.

3- يهون التعب مقابل ضحكة الصغار، ويذهب الإرهاق حين تتجمع الأسرة على مائدة الطعام.

تلك نعم غالية أسألوا الله أن يحفظها من الزوال.

4- شوفت تلخيص لفيلم أجنبي بيحكي عن إن الأذكياء قرروا يبطلوا إنجاب، والأغبياء مستمرين في الإنجاب وبأعداد كتير.

فالنتيجة إن مع الوقت الأذكياء انقرضوا والأغبياء هم اللي بقوا موجودين!

ورحت لأفكار كتير بما إني مؤخرا بقيت ضد الإنجاب.

أهمها إن محدش بيخلف كتير فعلا غير المشكوك في قواهم العقلية، وثانيا إن الأذكياء محتاجين يحافظوا على السلالة فعلا ولو بإنجاب طفل واحد.

5- لما تحب حاجة هتفضل شايفها حلوة مهما كانت مؤذية.

6-إنجازك اللي تفتخر بيه كأب، إنك نجحت تخلي ولادك يحبوا بعض.