عكس لو أكلت لوحدك مثلاً أو أكلت مع حد ما بتحبوش هتحس وقتها إن الوقت ممل وممكن تقوم من على الأكل لإنك مش قادر تقعد معاهم أكتر من كده وكأن جلوسك معهم من البداية على سفرة واحدة كان تأدية واجب.
وفعلاً العيش والملح واللمة الحلوة ليهم حق علينا
عن نفسى مابعرفش آكل مع حد مابحبوش أو مابستريحلوش ولا حتى أخد منه حاجة.
كانوا العرب زمان عندهم كرم ضيافة كما الفلاحين والصعايدة الآن أى حد يزورهم حتى لو مايعرفهوش لازم يحطوا له ياكل ولو أكل يبقى ناوى خير ولو رفض الأكل يبقى ناوى شر.. عاجبنى أوى صراحتهم فى التعامل.
مش زى اليومين دول يبقوا لسه واكلين مع بعض ويخونوا بعض ويسرقوا بعض ويقطعوا فى بعض كمان وكأن خانهم العيش والملح فى لحظة
ومن آداب الطعام:أن رسول الله صلى الله عليه وسلم قال اجتمعوا على طعامكم واذكروا اسم الله يبارك لكم فيه )
وكما يقال"لقمة هنية تكفى مية"
سؤال جانبى: أذكر موقف طريف حدث لك أثناء تناولك الطعام مع أحدهم؟
وهل تؤمن بإن للعيش والملح حق علينا؟
هناك 8 تعليقات:
تسلم ايدم موناليزا
فيه حديث شريف يوصى بأن نأكل جماعه وان الأكل بيكون فيه بركة بس مش فاكراه بالنص
عن الملح فى الأكل كمان يقال ان فيه وصية معرفش من مين بالظبط لكن كلام مهم اننا نحط ملح فى كل الاكل ولو ذرة حتى الحلويات
انما فكرة العيش والملح اكيد لها اساس
والعرف مصدر تشريع بمعنى انه حتى لو الكلام كله عرف فله وزنه
صعب احساس ان حد يخون العيش والملح ده اللى افتكرته وانا بقرأ البوست
لانى كتير جربتها واد ايه صعبه بجد
يمكن المقصود بيها ان حد كان بينك وبينه عشرة وموده وبعدين قلب عليك وخان ولو بكلمة فمابالك بأقوال وأفعال وأذى
الله يعافينا
دمت بخير
معاكي حق بجد
انا مش بعرف اكل لوحدي خالص
ولو اضطريت لده باكل من غير نفس سد جوع يعني هههههههههههههه وادور علي اي حاجة سريعه علشان ما اقعدش اعمل لنفسي
طبعا العيش والملح ليه حقوق وواجبات صعب اوووي تاكل في يوم مع حد من نفس الطبق وتخونه او يحتاجك ومش يلاقيك
عموما بوست جميل
تحيـــــــــــــــاتي
كانت هنا ورحلت
Asmaa Fathy
فعلا عندك حق
تسلمي موني
ارق تحية
توصيف جيد للمعني الحقيقي للعيش والملح ، وربط ذلك بنوايا الخير او نوايا الشر ، فالعيش والملح قيمة كبيرة لها ثمن
تحياتي
مفيش أجمل من التجمع على عمل واحد وكما قالت رؤى فإن اللمه على الاكل بتجعل فيه بركه
تمنياتى لك ولمدونتك بالتقدم والرقى
اللمه
وانا بقرا التدوينه دي افتكرت اللمه علي ترابيزة البيت الكبير
دلوقتي بياكلوا كل واحد لوحده
وان اتلموا مع بعض بياكلوا قصاد التليفزيون
هناك حديث عن وحشِي بن حرب عن أَبيه
أَن أَصحاب النَّبي صلَّى اللَّه عليه وسلم قالوا: يا رسول اللَّه إِنَّا نأكل ولا نشبع
قال ( ص ): "فلعلكم تفترقون ..؟
( أى تأكلون فرادى )
قالوا : نعم
قال ( ص ) : فاجتمعوا على طعامكم واذكروا اسم اللَّه عليه يبارك لكم فيه.. !
فبالإجماع تنزل البركة
وبِذِكْر إسم الله تعالى يمتنع الشيطان عن الوصول للطعام..
فبالفعل البركة فى اللّمة
حتى وإن كان على مائدة طعام
ومن المعروف أن يد الله دائما مع الجماعة
..
جزاك الله كل خير اختنا موناليزا
ونفع بكِ
أهلا وسهلا بجميع السادة الحضور
أشكركم جدا لمشاركتكم
وفى انتظاركم دائماً
إرسال تعليق