للبنات فقط

يعني إيه تلبسي بنطلون تحت ملابس الخروج؟.

يعني يوم ما عربية تخبطك أو تتزحلقي فى الشارع أو تتكعبلي في طوبة وتلاقي نفسك طايرة وفى الآخر اترميتي على الطريق تكوني مستورة ومفيش حاجة من جسمك باينة.
يعني يوم ما تلبسي جيبة واسعة والهوا يطيرها وتلاقيها اترفعت تبقي مطمنة إن مفيش حاجة منك بانت.
يعني لو طالعة سلالم عالية والجيبة ضيقة وطبيعي هتترفع تبقي مطمنة إن لو فى حد طالع وراكِ مش هيشوف منك حاجة.
يعنى لو ماشية ولقيتى مكان مش نضيف وحبيتى ترفعى عبايتك علشان ما تتوسخش تبقي مطمنة إن حتى كعب قدمك مش هيبان.
يعني لو متعودة تحطي رجل على رجل مش هتبقي قلقانة إن فى حاجة منك ممكن تبان.

يعني إيه تلبسى نقاب؟
يعني ماينفعش تبقي راسمة عينيكِ وحاطة عليها ألوان الطيف.
يعني ماينفعش تمشي مع زميل فى الشارع مثلاً وتقولى أصل احنا زى الإخوات.
يعني ماينفعش تلبسي عباية قصيرة ونص رجلك باينة.
يعني ماينفعش تلبسي شبشب بصابع وتكونى كمان حاطة منيكير أو حنة.
يعني ماينفعش تبقي حاطة تاتو على كف إيدك بالحنة مثلاً وتقولي عادي ماهي مش حرام.
يعني ماينفعش تعلي صوتك فى الشارع وتضحكي ضحكة رقيعة وتتمايعي مع حد.
يعني ماينفعش تحطى منيكير فى إيدك وخصوصاً لو لونه أحمر.
يعني لازم تلبسى معصم علشان لما كوم اللى أنتي لابساه يترفع لأى سبب ذراعك مايبانش.
- - يعني تبقي لابسة شراب لأن كعب قدمك المفروض مايبانش ولو على سبيل السهو الغير متعمد
_يعني كل حاجة فيكي تكون متغطية.
- يعني ماتنزليش صورك على النت بحجة أن وجهك متغطي لأن تفاصيل جسمك ظاهرة ومقاسك واضح.
ده غير أن حركات الدلال في الصور عموما مش مستحبة فمابالك بقى لما تكوني منتقبة!!
- يعني مالبسش حاجات بتبرق وألوان فاقعة ومُلفتة للنظر.
- يعني حرمتي على نفسك مباهج الزينة أمام الغرباء فلازم تكون قد اختيارك.يعني تاخدي بالك من كل كلمة وحركة بتقوليها مش علشانك لكن علشان ماتسيئيش لدينك.
- يعني تعرفي أن العين بقت عليكي.. كل همساتك ولفتاتك وحركاتك مرصودة مش علشان أنتي بقيتي معصومة بالنقاب، ولكن لأنه زي أمهات المؤمنين اللي أول ما الناس بتشوفه أو تتعامل معاكي من خلاله هتبدأ تاخد انطباع عن دينك عموما مش عنك.
- يعني تسألي نفسك يا ترى أنا لبساه ليه؟ وياترى أمهات المؤمنين لو شافوني هيفتخروا بيا بجد وياترى هيكون حجة ليا ولا عليا.
أنتي عملتي نفسك مش عادية يبقى لازم تكوني قد ده.

أنتي عملتي نفسك مش عادية يبقى لازم تكوني قد ده.

(المنتقبة المفروض تكون وصلت لدرجة عالية جدا من الإيمان والالتزام
عكس المحجبة اللي وارد جدا تكون لسه مش مقتنعة أصلا بحجابها وبتتمنى تخلعه مثلا أو مستنية ربنا يهديها وتبقى أحسن من كده.
لكن أنتي ملكيش أعذار)

نهضة مصر

يقولون أن مصر قامت بثورة مطالبة بتحسين الأوضاع.
تطالب بأن تعيش حياة الآدمي.
فكان وبال حلمها شعورها بخيبة أملها من هذه الثورة التي ضحت فيها بخيرة شبابها .
لن أتحدث عن حكم البراءة للمخلوع وأعوانه فكل الكلمات هنا تموت ولا يتبقى سوى الدعاء.
ولكني اليوم أتحدث عن مالايقبل فيه الإتيان بالأعذار.

انقطاع الميه والكهرباء.
هل هذه هي النهضة المزعومة التي وعدتم أن نشعر بها!؟.
هل تدركون حجم الأضرار والخسائر التي تنتج عن هذا والذي ستكلف الدولة أضعاف ما تظن أنها ترشده؟.
وماذا عن التعويضات  نتاج الضرر الذي لحق بالمواطن جراء قطع الكهرباء المستمر مما يتسبب في حرق الأجهزة أو إزهاق الأرواح.. أم أن "تعويض المواطن المتضرر" ليست في قاموس النهضة؟.
في حال الحرب لا يتم قطعها هكذا وإذا حدث فالعذر مبرر فهناك دولة معتدية على أخرى.
أما هنا غير مقبول أعذار.
المفروض أننا نتقدم محاولين اللحاق بركب التكنولوجيا السريع وليس العكس.

أما عن نقص الموارد والطاقة أو أي سبب آخر ستلقونه علينا.
فأنا كمواطنة ليس لي علاقة بكل هذا.
وأنت كمسئول عليك أن تجعلني أحيا حياة آدمية.. كيف هذا ؟ هذه مهمتك أنت وليست مهمتي ؛
فأنا غير مسئولة عن أي قرار أو نقص أو خلل أو.. أو.. أو...
وإذا كان لابد من قطع المياه والكهرباء فلتقطعه من عندك أنت وبقية المسئولين.

أما أنا فبكوني مواطنة مصرية تدفع كافة الفواتيرالمطلوبة من حقي أن أجد مقابل ما أدفعه فليس من العدل أن أدفع مقابل شيء لا أحصل عليه.

النص المليان

حينما تواجهك مُصيبة انظر إلى الجانب المضيء منها أو نصف الكوب الممتلئ كما يقولون.
انظر لها من زاوية مختلفة غير الظاهر منها وحاول تستفيد منها.
لو مثلاً تركت عملك لأى سبب وأصبح عندك وقت فراغ حاول تستغل الوقت ده  فى إنك تتعلم حاجة جديدة مثلاً أو تمارس هواياتك اللى اتحرمت منها لضيق الوقت حينما كنت تعمل أو غير جو ورفه عن نفسك أو زور أصدقائك وأقعد مع أهلك , دور على شغل تانى .. المهم ما تستسلمش.
احمد ربنا إنها جت على قد كده ومحدش عارف الخير مين.

مثال : بعد اعترافه بالسرقة ووجود شهود تدينه جاء يوم النطق بالحكم النهائى ..ظل صاحب الحق يدعو الله أن يأخذ بثأره فكانت النتيجة حبس المتهم شهر واحد فقط لا غير مما أصاب المجنى عليه بالإحباط .

النص المليان:  تخيل لو كان أخد براءة  فى ظل تلاعب المحامين والرشوة.. وارد أن يحدث كل شئ.. فاحمد الله أنه تم حبسه.
دعاءك مجاب فالمظلوم دعاءه لايرد.

مثال2 : قال دعاء الخروج من المنزل وأثناء سيره صدمته  سيارة أصابته بكدمات  مع شدة الألم  والذى جعله بدوره لا يستطيع الحركة بصورة طبيعية والنوم بمسكنات والصلاة قعوداً .

النصف المليان : تخيل لو كان حدث كسور مضاعفة ..علمت حقيقة مشاعر من حولك.
كل ألم تشعر به تكفير لذنوبك...

مثال3: 
جربت تفكر قبل كده إن المرض الواحد يعتبر نعمة

يعنى فى ناس مثلاً ممكن يبقى عندها مرض معين

 وتاخد له دواء ومع الوقت بإذن الله تشفى.

وفى ناس تانية ممكن يبقى عندها أمراض

 وكل علاج لحالة منهم تتعارض مع المرض الآخر..

زى واحد مايقدرش ياخد بنج لأى شئ مثلاً

 لإنه مصاب بالقلب أو.. أو.. أو..

يعنى مهما كان نوع المرض

 فقل الحمدلله إنها جت على قده.

وغيرها من الأمثلة التى إذا ما نظرنا لها من منطق إن الحمدلله إنها جت على قد كده هتهون علينا حاجات كتير.

روي عن عمر بن الخطاب (رضي الله عنه) قال: ما أصابتني مصيبة 

الا وجدت فيها ثلاث نعم: الأولى، انها لم تكن فى ديني،

 والثانية، انها لم تكن أعظم مما كانت.

 والثالثة، أن الله يجازي عليها الجزاء الكبير.

سؤال جانبي
ـــــــــــــــــــــ
شارك بموقف مشابه

إمام عادل

" سبعة يظلهم الله فى ظله يوم لا ظل فيه إلا ظله وذكر منهم إمام عادل" حديث شريف.

فالإمام هنا  لا يقتصر على إمام المسجد كما يظن البعض لأول وهلة ولكنه  يشمل الحاكم العادل والمسؤول العادل ومن يملك زمام الأمور ليحكم بين الأفراد .
(الأب بين أبنائه،الرئيس بين مرؤسيه ،الوزير بين مواطنيه ، القاضى بين المتهمين...)


لا يجوز أن نضع أهوائنا الشخصية وعلاقتنا بالآخرين فى الحكم على الخصوم فالمخطئ عليه أن يُعاقب  وأن يصلح ما أفسده وأن يعتذر .
والمظلوم عليه أن يشعر بالعدل والقدرة على أن يأخذ حقه ووقتها قد يعفو ويصفح.

وفي الصحيحين عن معقل بن يسار رضي الله عنه قال :

 سمعت رسول الله صلى الله عليه وسلم يقول : 

« ما من عبد يسترعيه الله رعية ، يموت يوم يموت ،

 وهو غاش لرعيته إلا حرم الله عليه الجنة »

"موقف لأحد الجنود الذى ذهب لأمير المؤمنين عمر بن الخطاب شاكياً أبى موسى الأشعرى الذى حلق له رأسه نتيجة غضبه منه فأرسل عمر بن الخطاب لأبى موسى الأشعرى وطلب منه أن يجعل الجندى يقتص منه" (منقول من برنامج دينى للشيخ خالد الجندى)

- اللهم ارزقنا كلمة العدل فى الرضا والغضب-.