من كتاباتى (11)

1

مش كل واحد مربى دقنه وبيتكلم فى الدين المفروض اسمع كلامه 

كده من غير تفكير..

أنا ليا عقل زى ما ليه.


------------------------------


2

الحب فى الله نعمة تحلو معها الحياة .

------------------------

3 لما تكون بردان بالليل وتنام فى سريرك وفوقك البطاطين

وبعد شوية جسمك يسخن وتبدأ تحس بمتعة الدفء..

افتكر تقول الحمدلله.. غيرك بينام فى الشارع أو من غير غطا يدفيه.


------------------------------
4

التحدث فى حد ذاته نعمة أحرم نفسى منها ليه!

أكتر وقت حسيت فيه بتلك النعمة حينما مرضت ولم أستطع التحدث 

إلا من خلال الكتابة والإشارة.

الحمدلله على نعمة القدرة على الكلام.

--------------------

5 بحبك يارب.. بحبك أوى. .بحبك بقلبى قبل لسانى..

بحبك بفعلى قبل قولى. .بحبك بكل كيانى

بحبك بضعفى وبعجزى وباحتياجى ليك.. بحبك بروحى وعقلى وبشوقى ليك.

بحبك وما أسعدنى يوم لقائك.


--------------------------

6 فى حياتنا حاجات كتير تستاهل إننا نقول عليها الحمدلله.


---------------------------

7 عجباً أن أجد أن أكتر ناس ممن تكتب عن الحب وأحاسيسه

ومشاعره ناس مجربتوش غير بس فى خيالها..

واللى جربوه فى الواقع يكتفون بكلمة منقول.


-----------------------------
8

إمتى أذيل الكلمات باسمى؟

لو كانت من عصارة فكرى ومن خلاصة قلمى وليس لإنها كلمات 

عجبتنى وحسيت زى ما أكون أنا اللى بقولها

المشكلة أن يذيل أحدهم الكلمات باسمه وهى لكاتب مشهور مثلاً 

والمصيبة أن تكون لكاتب لم يأخذ حظه من الشهرة

وهنا قد تضيع حقوقه الفكرية إلى الأبد.

--------------------------------

9 يا عزيزتى كلنا راحلون.. الذكرى وحدها فقط هى من ستبقى.

-----------------------
10 لماذا تجعلنى أنتظرك بالساعات .. وإذا آتيت آخيراً تأتى

على استحياء وكأن هناك من يترصد بك لعدم ملاقاتى


ولأقل سبب تتركنى وحيدة بلاعودة

أعترف لولا حاجتى الجسدية لك ما طلبتك. .
.
.
.
(عن النوم أتحدث)

---------
11

فرق كبير أوى بين اللى اتحجبت عن اقتناع وحب وبين اللى 

اتحجبت لأنه موضة أو لإن أهلها فرضوه عليها.

-----------------------------

12 قضيتى فى الحياة: تربية جيل صالح عايزاه فى الدنيا..وجنة عايزاها فى

 الآخرة.

---------------------

13 محدش هيجيب لك حقك..

لو أنت ماخدتوش بإيدك محدش هيجيبهولك لحد عندك.

--------------------------

14 شعور رائع أن يستفيد غيرى مما أكتب .


----------------------------------


15 الوقوف بين يدى الله نعمة غالية لا يعرف قيمتها إلا من يصلى وهو جالس.

والسجود لله نعمة غالية لا يشعر بها إلا من لا يستطيع.

------------------------

16 الخديعة ماتبقاش خديعة غير لما تخلى اللى قدامك يديك الأمان ..

وقتها تقدر تغدر بيه براحتك.

----------------------

17 لا تتعجب من أحداث الزمن فالموازين انقلبت حتى النمل بقى يظهر فى 

الشتاء.
----------------------

18 عجباً لمن يتحدث عن فعل الخير وعن فضل الثواب وهو

مُهمل فى صلواته ويكاد يكون لا يؤديها.

--------------------

19 لولا أخلاقى لفعلت أشياء كثيرة تليق بالآخرين.

--------------------

20 أجمل الرسائل التى يستلمها موبايلى

تلك التى تأتى دون أن يوجد عرضاً للرسائل المجانية.