من الأشياء التى تثير الأعصاب لمن يتعامل مع الأطفال جدالهم المستمر..
جرب تطلب منه يعمل حاجة هتلاقى خمسين سؤال..
وليه ..وعلشان إيه ..وإيه اللى هيحصل لو ماعملتش و.. و.. و..
مثال: ماتاخدتش معاك لعب المدرسة .
- ليه؟
- علشان ماتضيعش.. علشان تركز فى الحصة..
علشان تراعي مشاعر زمايلك اللى معندهمش زيها...
- مش هتضيع.. أنا هحافظ عليها.. كل صحابى يجيبوا اشمعنى أنا..
هلعب فى الفسحة بس.. هوريها لصحابى بس مش هلعب بيها..
- ثانى يوم : فين اللعبة ؟
مش لاقيها وفى الآخر اعتراف صريح بأنها ضاعت.
مثال آخر:- ماتقفش على سور البلكونة ؟.
- ليه؟.
علشان ماتقعش.
مش هقع- هبقى واخد بالى -
ما صاحبى وقف وماوقعش- انا هجرب
ماسمعش الكلام..
على حين غفلة وقف ثم النتيجة الطبيعية وقع
فأصابته كسورعديدة لن يتماثل الشفاء منها بسهولة.
ولله المثل الأعلى
لماذا لا نتقبل أوامره وننفذها كما هى دون نقاش أو أسئلة عقيمة.
مثال1: احنا بنصوم رمضان ليه؟
- علشان تحس بجوع الفقراء.
هل معنى كده إن الفقراء مايصوموش !!
مثال2- ليه مابناكلش لحم الخنزير؟
- علشان فيه دود وبيجيب أمراض للناس.
يعنى اللى بياكلوه كلهم عندهم أمراض
طيب ما احنا مابناكلوش والمستشفيات مليانة.
لماذا لا تكون الإجابة لأن الله أمرنا بذلك دون نقاش
وفتح باب للحوار والمجادلة وخاصة لمن لا يفقه فى الدين ..
بماذا ستجيب مثلاً على هذا السؤال
لماذا صلاة المغرب ثلاث ركعات فقط؟
لا تسمح بالجدال والنقاش فى الأشياء المنصوص عليها
صراحة فى القرآن والسًنة.
ولا تدخل فى مهاترات تستنذفك وتضيع وقتك.
وكما يحدث فى دراستك مثلاً :
إذا طلب منك المُعلم عمل واجب منزلى هل ستجرؤ على سؤاله لماذا ؟
وفى عملك إذا طلب منك رئيسك المباشر تنفيذ شيء ما
هل ستسأله عن الأسباب أم ستنفذ دون نقاش؟.
فالأولى الالتزام بأوامر الله ورسوله دون نقاش.
دعوة لأن نقرأ الآيات القرآنية التي تبدأ بـ "يا أيها الذين آمنوا.."
لنفعل ما يأمرنا به الله دون جدال.
ليست هناك تعليقات:
إرسال تعليق