الحجاب

الحجاب
أصبح مثارًا للجدل وهل هو فريضة، أم ظاهرة، أم مجرد عادة متوارثة؟
والغريب أن يكون الاستشهاد بحقبة الستينيات وما قبلها التي تم خلع برقع الحياء فيها وماولاها من تعرية الرأس وغيره من سائر الجسد، وكأن الجسد الأنثوي الأصل فيه أن يكون عاريا كالحيوانات لا يغطيه إلا الجلد.
والأغرب أن يثار بأن الحجاب رمز للإخوان وعلى المرأة أن تخلعه إغاظة فيهم؛ فهم يريدون للمرأة "الستر"!! -حاجة بشعة فعلا-

الحجاب من وجهة نظر المُعارضة رمز للتخلف، والانحدار، وتفسير خاطئ لآيات القرآن!
دعوني أتحدث في هذا الشأن قليلا- من حقي كمُسلمة، مُحجبة، غيورة على دينها-.
فالمقصود بالحجاب غطاء الرأس وليس غطاء للعقل (يعني اللي لابساه مش متخلفة ولا حاجة)
جبت منين أنه غطاء للرأس وأنه أصلا فرض؟
( وليضربن بخمرهن على جيوبهن ) والخمر : جمع خمار ، وهو ما يخمر به ، أي : يغطى به الرأس ( وليضربن ) : وليشددن ( بخمرهن على جيوبهن ) يعني : على النحر والصدر ، فلا يرى منه شيء 
أعتقد مش بس كده وضح أنه فرض ده كمان وضح شكل الحجاب بيكون ازاي.
أيوة حضرتك يبقى نازل من على راسك يغطي صدرك.. (شدي غطاء رأسك على صدرك)
إيه ده! طيب والأذن والرقبة؟ بيتغطوا والله المفروض.. تصدق؟
آه والله يعني الاسبانش والتربونة والبرنيطة والبونيه وكل اللطافة دي مش الحجاب اللي ربنا أمرنا بيه!
طيب وجيل أمهاتنا وجداتنا اللي كانوا بيمشوا بميكروجيب ومن غير مايغطوا راسهم.. 
طيب أصل الشيخ فلاني سايب مراته من غير حجاب
أصل الداعية العلاني متصور مع مراته وهي مش ملتزمه بيه
واحنا لما نحب ناخد دينا -لامؤاخذة- بناخده منين؟
ج/ كتاب الله وسُنة رسوله.
نصيحة: اقتدي باللي هيشفع فيك.
(هو مش حضرتك مُسلم برضه؟)
يقول المولى عز وجل" وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم ومن يعص الله ورسوله فقد ضل ضلالا مبينا"
حضرتك معترض ع الحجاب ماتلبسهوش لمحارمك.. أنت حُر.
حضرتك مش عايزة تلبسيه .. براحتك برضه.
ربنا اللي بيحاسب مش احنا.
لكن مش من حقك تغلط في الحجاب، واللي لابسينه، وتحارب لاثبات عدم فرضيته.
كلمة أخيرة: لو الحجاب مش فرض فماتلبسيهوش وأنتي بتصلي .. ولو ربنا كرمك بعمرة ولا حج ماتلتزميش بلبس ساتر .. وعامة أنتي حرة ودينا واسع .. خليكي سبور واقلعي على قد ماتقدري.. اوعي تغطي حاجة.. بيني جسمك كله لو حابة. 
وأنت أيها الغيور على محارمه لو شوفت والدتك مثلا بتصلي  انزع من على راسها الحجاب وقل لها: أصله مش فرض ماتأزميش نفسك بلبسه وبعدين أنتي في البيت ومحدش غريب شايفك!


أمة الله/ منى ياسين (موناليزا)