الخميس، 25 أغسطس 2016

من كتاباتي (50)








1- قد أفعل الشيء لأثبت لنفسي أولا قدرتي على تنفيذه وليس حبا في أدائه.

2- مكالمتك عندي التي لاتتعدي ثلاث دقائق وأنت في عز انشغالك
أغلى عندي كتير من اتصال يستمر ساعات في وقت وفراغك.


3- أحيانا كثيرة عدم الرد يعتبر أفضل رد.


4- ماهو لو زعل صديقك مش فارق معاك يبقى إيه لازمة الصداقة أصلا!


5- الكارثة أن هناك آخرين يتحكمون في تفكير أبنائك

منهم المُدرسين والزملاء...


6- 
تعريف الفرح: مكان يجتمع فيه العروسان للرقص والتنطيط مع صحبة من الأهل والاصدقاء 
وشوية ناس جاية تتفرج.

7- ماتمنحه للآخرين سيعود إليك بشكل أو بآخر.

8- 
علشان غيابك يبقى فارق
لازم وجودك يبقى فارق

9-
ولما ألاقي الشر بيكتر
أقول يارب ليه ماتنزلش عليهم صاعقة تبيدهم
وألاقي نفسي بترد: ووقتها تبقى دنيا ازاي!
دنيا يعني: خير وشر
وجهاد وحرب والبقاء للأقوى.

10- التعبير بالبذاءة مهما كان الموضوع المطروح
 لاينم سوى عن أخلاقك التي لاتحترم بها من حولك.

11- عزيزي الرجل: تعرف أن نزهة أسبوعية، أو خروجة ليلية،
أو تمشية وقت العصاري كل كام يوم هيكون ليها مفعول السحر مع

(أمك، أختك،ابنتك، زوجتك)

12- رفضتها علشان مُطلقة؟
تمام
بس مين ضمن لك أن اللي هتاخدها ماحملتش من غيرك في الحرام مثلا 
لكنها ظبطت أمورها وأنت ماتعرفش!

13- عزيزي الشاب،عزيزتي الفتاة:

تعرفوا أن أي استهزاء منكم أو سخرية أو رخامة على حد أكبر منكم في السن

 (مُدرس، سائق عجوز،......

مابيقاش له غير معنى واحد بس.

عارفينه؟




الأحد، 21 أغسطس 2016

من قراءاتي (40)







1-  لولا حبك لما صدقت أنني عشت، ولأقسمت بأنني ولدت داخل قبري.

لغادة السمان

2- لقد قضى الحزن وطره مني، لكني لن أحبل باليأس.

لغادة السمان


3- أرواح الأشخاص إذا رحلت تبقى الأجسام كتماثيل من حجر.

لمحمد فؤاد عيسى


4- معروف أن هناك أناسا يبحثون عن الوحدة

 كالتائبين والفاشلين والقديسين والأنبياء.

لباتريك زوسكيند



5- الأب الحلو هو اللي أدرك أنه مش معنى إنك بتاكل وتشرب إنك مبسوط.

لمصطفى شهيب


6- ياعزيزي مش شرط إني عشان بحضر فرح أبقى مقتنع باللي بيحصل.


لمصطفى شهيب

الثلاثاء، 16 أغسطس 2016

نعمة الألوان







من جميل نعم الله علينا وجود الألوان
لتنير معالم الأشياء وتبعث النبض في جميع المناظر
إعقد مقارنة بين صورتين لنفس المنظر أحدهما أبيض وأسود والأخرى بالألوان واستمتع بالتفاصيل
تخيل لو كانت كل حاجة حوالينا لون واحد بس
من جمال وجود الألوان أيضا إن الشيء الواحد يبقى له تدرجات للونه
البحر مثلا درجة لونه ع الشط غير درجة لونه في المنتصف غير درجة لونه على مرمى البصر
والسما فوقه ليها درجة لون مختلفة عنهم رغم إن السما والبحر لون واحد.
الزرع الأخضر
تدرجات لون النخل غير تدرجات لون الشجر.
ده غير أن ألوان الشجر المختلف أشكاله درجات ألوانها بتكون مختلفة
وكل حاجة تانية حوالينا
الألوان نعمة من ربنا فعلا تستحق الشكر
فسبحان من خلق لنا ما يبهج أنظارنا ويمتع أبصارنا
لك الحمد يا الله





الأربعاء، 10 أغسطس 2016

أوبن مايند




"أوبن مايند" مصطلح كثر استخدامه مؤخرا
بالنسبة لي اعتبر من يتسم بالفكر الواسع هو من يتقبل الآخر مهما اختلف معه وأعطاه مطلق الحرية في التعبير دون أن يسخر منه ومن ثم لايفرض آراءه على الآخرين.


كيف لمن يطلب من الآخرين أن يستوعب آرائه المختلفة عنهم أن يحجر عليهم تفكيرهم بل وينعتهم بالتخلف والرجعية، وكأنه وحده من أوتي من العلم وفصاحة العقل مالم يؤتى غيره!
عزيزي صاحب الأوبن مايند: وجودك مع مجتمع مختلف عن تفكيرك،
 يدل على اتساع فكرهذا المجتمع  وتقبله وجودك بينهم مهما رفضوا أفكارك 
وليس على اتساع فكرك أنت.





السبت، 6 أغسطس 2016

أنتي مدام ولا آنسة؟





لقب آنسة ومدام
بص، أنت لو حطيت في لسانك لقب آنسة طول الوقت

 هيكون ألطف بكتير ماتستخدم لقب مدام طول الوقت
ليه بقى؟
لأن المدام لو قلتلها يا آنسة هتفرح ومش هتضايق
لكن لما بتقول للآنسة يا مدام ده بالنسبة لها معناها مش حلو
وبعدين أنت مالك ومال حالتها الاجتماعية.. ماتقولهاش حاجة خالص لو الموضوع فيه أزمة معاك.
وبعدين زي ما لقب "أستاذ" متعارف عليه مع أي رجل بغض النظر عن حالته الإجتماعية أو شهادته الدراسية
فلقب"أستاذة" للمرأة حلو جدا وهيأدي الغرض.










الاثنين، 1 أغسطس 2016

منوعات إسلامية (50)






عن النبي صلى الله عليه وسلم قال:
" للمؤمن على المؤمن ست خصال: يعوده إذا مرض،
ويشهده إذا مات، ويجيبه إذا دعاه، ويسلم عليه إذا لقيه،
ويشمته إذا عطس، وينصح له إذا غاب أو شهد"
 (سنن الترمذي 237 وصححه الألباني)