الثلاثاء، 23 يناير 2018

الحضن المفقود (كتابي الثالث)





يسعدني حضوركم جميعا لحضور حفل توقيع وإصدار
 كتابي الثالث ومجموعتي القصصية الثانية (الحضن المفقود)
 في معرض القاهرة الدولي للكتاب 
يوم 3 فبراير بإذن الله الساعة4
 في جناح دار المكتبة العربية بصالة إمتداد ألمانيا جوار سور الأزبكية.





أماكن وجود إصداراتي في معرض القاهرة الدولي للكتاب:
(خبايا نسائية) جناح دار ليلى صالة 2
(عشق وخيانة) جناح دار غراب صالة 2
(الحضن المفقود) جناح دار المكتبة العربية 
صالة إمتداد ألمانيا جوار سور الأزبكية






الأربعاء، 10 يناير 2018

غض البصر






{قُلْ لِلْمُؤْمِنِينَ يَغُضُّوا مِنْ أَبْصارِهِمْ وَيَحْفَظُوا فُرُوجَهُمْ ذلِكَ أَزْكى لَهُمْ إِنَّ اللَّهَ خَبِيرٌ بِما يَصْنَعُونَ (30)}
غض البصر أمر ألهي واضح وصريح ومافيهوش جدال أو أي تأويل محتمل.
غُض البصر لما تشوف واحدة ماشية في الشارع.. واعرف انك أكيد عندك زيها في البيت (أمك، أختك،بنتك، زوجتك......
غُض البصر لما تلاقي واحدة طرحتها الهوا بيطيرها ولا فستانها اترفع ولا حتى وقعت (بتبص على إيه!! ماتحترم نفسك)
غض البصر لما جيرانك يكونوا فاتحين شباك ولا مواربين باب وباين تفاصيل حياتهم (خليك في حياتك أنت.. ده مش تليفزيون)
غض البصر قبل ماحد يفتح لك الباب .. مش لازم تبقى واقف قريب أوي من الباب وعينك راشقة في اللي فاتحلك (ابعد شوية علشان النفس)
غض البصر لما تزور حد.. مالوش لازم تجيب المكان من فوقه لتحته بعينيك وتحفظ شكل السجادة وتقيم ماركتها ونوع النجفة وطقم الأنتريه (أنت مش جاي تشتري)
غض البصر لما تكون طبيب ومسموح لك تطلع على الأجساد.. مالوش لازمة تبقى مركز حتى في نوعية الملابس الداخلية (خليك في شغلك وبس)
غض البصر مع صاحبك اللي معندوش غير طقم واحد بيلبسه دايما وبلاش تعليقاتك السخيفة (أنت مابتقبضوش من جيبك)
غض البصر عن اللي اتطلقت واللي اتجوزت واللي خلفت واللي سقطت مثلا ومالوش لازمة تتابعوا حياة الناس وعوراتهم (افتح التليفزيون وسلي نفسك زي مايعجبك)
غض البصر مش مقتصر على نوع بعينه
ده للذكر مع الذكر والأنثى
وللأنثى مع الذكر والأنثى
غضوا البصر
لا تجسسوا
الحياء شعبة من شعب الإيمان



الاثنين، 1 يناير 2018