الأحد، 25 ديسمبر، 2016

من كتاباتي 54








1- لما تلاقيها لسه خارجة من المطبخ

أو مخلصة حاجة في شغل البيت

ماتحاولش تطلب منها حاجة وخصوصا لو تقدر تعملها لنفسك.




======


2- يعني ايه أطفال؟

يعني طلبات طلبات طلبات طلبات.

=====


3- ماتعلميش ابنك الصغير يقول للبنت الحلوة "يا مزة"

البلد مش ناقصة متحرشين الله يكرمك

انتي بتاخديها بهزار

هو بياخدها مع الوقت بجد

======


4- لا تسمح بأن يؤذي أحدهم أنثى أمامك؛ فذاك انتقاص لرجولتك.

===


5- احضني نفسك ولملمي جراحك وداوي وجعك

لاتعتمدي على أحد

وبهذا أنتِ في مأمن من الخذلان.


=====


6- لا تجسس فقد تسمع ما يؤذيك.

=====


7- أحب أحيي كل مُخترع كمل في فكرته وماسمعش كلام المُحبطين اللي حواليه.


=====


8- علموا عيالكم احترام ملكية الآخرين

مفيش حاجة اسمها أصله شبط.

====


9- رسالة للنساء: بطلوا تشتغلوا خاطبة.

=====


10- أعوذ بك يا الله من فراغ يجعلني أعصيك فيه.






الأربعاء، 21 ديسمبر، 2016

من قراءاتي (44)




1- خير تجربة هي ماتشتريها بثمن، استفد بشبابك، اعمل وأنت قادر،
 خض لجة الحب،اكشف عن وجه الرذيلة وكن فضوليا،
اكسب واخسر وستكون أخيرا من الكاسبين.

لمحمد عبدالحليم عبدالله

--------------


2- إن سلب الناس تاريخهم الحقيقي هو  بمنزلة سلبهم بعضا من ذواتهم.. 
إنها جريمة.

لهاروكي موراكامي

-------------


3- أيها الأحمق الناري، لم تعد البندقيةحلا، لقد صارت الإنسانية حلا،
 وهي الملاذ، والأمان الوحيد لأرواحنا التي تريد الترويض.


لبيتر ماهر




الأربعاء، 7 ديسمبر، 2016

لم تك بغيا







إيمان العاصي اتخطبت
كندا علوش اتكتب كتابها
خبر الارتباط عادي ياخد المساحة دي في حياة الفنانين
لكن اللي لفت نظري في الخبرين تعليقات الناس
إيمان اتخطبت رغم انها مطلقة ومعاها طفلة 
وكندا اتكتب كتابها رغم انها مطلقة ومعاها ولدين
والعرسان ما اتجوزوش قبل كده
وكأن العرسان دول فدائيين وضحوا بالغالي والنفيس علشان يرتبطوا بالعرايس المذكورة!!
أحب قول لـأصحاب التعليقات دي
إن لو العروسة معيوبة أو العريس شايفها مش مناسبة ليه لو كانت ملكة جمال مكنش بص لها
أنتم بس اللي شايفينها معيوبة مش حد تاني
هو ما منش عليها بارتباطه بيها..
ده غير إن لفظ (مطلقة) مش عار.. علاقة تمت في الحلال وانتهت .. مفيش جرم حصل.
الدور والباقي على العريس اللي وارد يكون اتجوز عرفي قبلها ومحدش يعرف، أو كان مقضيها من غير جواز أصلا وعايش حياته طول وعرض ولا حد يقدر يمسك عليه ورقة تدينه!!
مين هنا يستاهل الاحترام
العروسة اللي اتجوزت قبل كده في النور
ولا العريس اللي غلط ومحدش يعرف غير بس شريكته في ده.
(ده مجرد مثال مش اتهام للعرسان المذكورة)








الخميس، 1 ديسمبر، 2016

منوعات إسلامية (54)






من جوامع الدعاء:
ـــــــــــــــــــــــــــــ
عن شداد بن أوس رضي الله عنه قال: إن رسول الله صلى الله عليه وسلم كان يقول:"اللهم إني أسألك الثبات في الأمر، والعزيمة على الرشد، وأسألك شكر نعمتك، وحسن عبادتك،وأسألك من خير ماتعلم، وأعوذ بك من شر ماتعلم، وأستغفرك لما تعلم" سنن الترمذي 3407


من هدي رسول الله:
ــــــــــــــــــــــــــــــــ
عن عبدالله بن مسعود رضي اله عنه قال: قال رسول الله صلى الله عليه وسلم:" ألا أخبركم بمن يحرم على النار، أو بمن تحرم عليه النار: على كل قريب هين سهل". 
سنن الترمذي 2488

- عن أبي هريرة رضي الله عنه قال: "أفضل الصلاة بعد المكتوبة الصلاة في جوف الليل، وأفضل الصيام بعد شهر رمضان شهر الله المحرم" 
صحيح مسلم 1163

- عن أبي قتادة الأنصاري رضي الله عنه أن رسول الله صلى الله عليه وسلم سُئل عن صوم عاشوراء؟ فقال: يكفر السنة الماضية
صحيح مسلم 1162






الجمعة، 25 نوفمبر، 2016

من كتاباتي (53)







1- نقص حنان

نقص حب

نقص اهتمام

نقص فرحة

نقص أحضااان

نقص خروجات


النقوصات دي ممكن مع الوقت تموت فعلا مش هزار.




2- كونوا ذكريات كتير مع اللي بتحبوهم علشان لما تفاروقهم

- لأي سبب- يفتكروكم دايما.


3- النظافة ملهاش علاقة بالنوع

شوفت تراب في شقتك نضفه سواء كنت راجل أو ست.



4- سألني الصغير: هل أنا مُلزم بحفظ كتاب الله كاملا؟

فأجبته: احفظ منه قدر استطاعتك،

واعلم إنك مُلزم بتطبيق كل ماجاء فيه سواء حفظته أم لا.




5- ولادك هما اللي هيدفعوا تمن اختيارك لشريك حياتك.


6- الجواز مش حل

ولا حاجة تملا بيها وقت فراغك

الجواز حياة يا تختارها صح يا هتعاني منها الباقي من حياتك.




7- سحقا لكل أم تزن على رأس ولدها للزواج سريعا 

لكي ينسى أزمة ما تمر في حياته.




8- لما تتصل بحد وهو مايردش هاتله أعذار

 (نايم، بيصلي، في الحمام، تعبان، مش قادر يتكلم أو مش عايز......

لو عايزه في حاجة مهمة ابعتله رسالة بيها

لو بس عايز تطمن عليه فاتصالك وصله ومش مهم يرد

 المهم ان تواصلك معاه حصل ووصله

(ده بس في العلاقات الانسانية المتعددة

أما في علاقات الشغل فده يبقى انسان مستهتر ومش قد المسئولية)




9- علموا عيالكم: بعد مايخلصوا أكل أو شرب

يدخلوا اللي كانوا بياكلوا أو يشربوا فيه المطبخ وينضفوا مكان قعدتهم.



10- علموا ولادكم يقولوا: آسف، شكرا، لوسمحت، بعد إذنك، من فضلك...


11- عمل المرأة مابقاش اختيار

أنتي لازم تشتغلي

مفيش حاجة اسمها تقعدي في البيت

ده علشان صحتك النفسية قبل أي حاجة تانية.




12- طريقة حلوة تخلي ابنك يحفظ القرآن.

ابن أخويا حاطط الهيد فون في ودنه

- بتسمع ايه يا حبيبي؟

- بسمع أغاني

- طيب إيه رأيك لما تسمع السورة اللي عليك حفظها


ولو حفظتها هجيبلك الحصان اللي أنت عايزه.

الكلام ده كان من ساعتين


ابن اخويا حفظ السورة بترتيلها وبنفس تجويد الشيخ 


grin emoticon
اللي هو لو كان حد حاول يحفظهاله كان شله ورفع له الضغط


الحمدلله تمت المحاولة بنجاح






الاثنين، 21 نوفمبر، 2016

من قراءاتي 43






1- من حق الضحية أن تدافع عن حقها في الصراخ.
لمحمود درويش


2- سنصير شعبا إن أردنا، حين نعلم أننا لسنا ملائكة، وأن الشر ليس من اختصاص الآخرين.
لمحمود درويش


3- هل كان علينا أن نسقط من علو شاهق، ونرى دمنا على أيدينا.. لندرك أننا لسنا ملائكة كما نظن؟
لمحمود درويش

4- حار الفقهاء واتفقوا على أمر واحد هو: أن الله أعلم.
لمحمود درويش


5- لمحة حب تبرر حماقة دهر.

لهدى عبدالمنعم







الاثنين، 14 نوفمبر، 2016

الرجل ليس فاقد للأهلية








عن مقال كان بعنوان تقريبا "ماتكلميش راجل متجوز أو ماتكونيش خطافة رجالة" 
(مش فاكرة العنوان)
وحملة "زوجي زوجك"
اللي لفت نظري إن الكلام دايما موجه للمرأة وليس للرجل.
في مقولة"خطافة الرجالة" مُطالب من المرأة انها ماتقربش من أي زوج لربما تعجبه فيخرب بيته علشانها!! ماظنش إن فيه راجل بيكلم واحدة غصب عنه.. 

كلام مش منطقي وشايفاه فيه إهانة للرجل قبل مايكون إهانة للمرأة.
أعتقد أن "الرجل" ناضج،عاقل، يعلم جيدا مسؤولياته ومُدرك لما يقدم عليه.
لو سمعنا من البنت مقولة "هو اللي ضحك عليا وخلاني أحبه وأصدقه" هنقبلها عادي لكن مش هنقبل إطلاقا لو سمعنا من رجل "هي اللي ضحكت عليا وخطفتني من بيتي وعيالي" وحشة أوي أوي لو رجل قالها ..ده كده مابقاش راجل بقى .. دي يادوب تتقال من مراهق لسه في اعدادي وخايف لابوه يحرمه من المصروف ويبيته في الشارع.
اللي بيكلم واحدة غير مراته ومعشمها بجواز أو حب أو اي كلام في السكة دي بيكون خاين.
الست لو وافقت هنا بتتعامل من منطق عريس وجايلي أجيب آخره واشوفه بجد ولا لأ (ماخانتش حد ولا خطفته ولاهو فارق معاها من أصله)
مصطلح "خطافة الرجالة" شايفة إنه إسقاط من امرأة لا تستطيع مواجهة زوجها بخيانته فتبررها بدهاء أخرى استطاعت خطفه والاستحواذ عليه (أنتي مصدقة نفسك؟)
أما عن "زوجي زوجك" انتي ليه بتتعاملي مع الزوج كأنه من أدوات المطبخ مثلا ومعندكيش مشكلة تديه لجارتك تستخدمه شوية وترجعهولك تاني؟
أنتي شايفة زوجك كده فعلا!!
مالوش رأي ولا كرامة ولا حرية حتى في اختياره لزوجة تانية.
أنتي قبلاه يتجوز عليكي لو انتي اللي اقترحتي واختارتي.. لكن هتهدي الدنيا لو هو اللي حبها واختارها وصارحك بكده.
اعقلوا الكلام قبل ماتقولوه
الزواج مش لعبة ولا تجربة ده مودة ورحمة
وقبلهم حسن اختيار واقتناع تام مع التوافق الشخصي وتآلف الروح.







الاثنين، 7 نوفمبر، 2016

قل ماشاء الله












بطلوا نبر على حياة الناس
"كل ده نوم"
-نومه الكتير مش بياخد من راحتك أنتي مش عارفة هو تعبان قد إيه والنوم بالنسبة له رحمة..
 ولا هو بينام على دماغك مثلا حظه بس اللي خلاكي تعرفي ده مش أكتر.
"هتاكلي كل ده"
- هي مابتاكلش من زادك أنتي وعيالك ولا بتصرفي عليها من جيبك ولا تعرفي إنها بتهرب بالأكل من حاجات كتير نفسية هي بس اللي حساها.
"بتخرجي كل يوم"
- هي مابتاخدتش تمن مواصلاتها منك ولا بتستلف منك هدومك وشنطك مثلا 
أنتي ماتعرفيش مشاويرها اليومية للمحامي ومحكمة الاسرة والسجل المدني بالنسبة لها مؤلمة قد إيه ولا تعرفي خروجها للأطباء وعمل التحاليل والأشعة بيوجوعوها قد إيه.. هي مش لازم تقول إنها بتخرج للأماكن دي علشان تتعاطفي معاها بدل الحسد والغيظ اللي جواكي ده.

وغيرها كتير من الأقوال التي تنم عن حسد ظاهر وحقد معلن
عود لسانك يقول"ماشاء الله" على أي حاجة 
صفي نفسك من جوه محدش بياخد أكتر من نصيبه

الثلاثاء، 1 نوفمبر، 2016

منوعات إسلامية (53)







حكم ومواعظ
ــــــــــــــــــــــــــ
عن بلال بن سعد قال: أخ لك كلما لقيك ذكرك بحظك من الله، خير لك من أخ كلما لقيك وضع في كفك دينار"
 (سير أعلام النبلاء)
- قال عبدالملك بن مروان لبنيه:" كلكم يترشح لهذا الأمر (أي: تولي الخلافة) ،
 ولا يصلح له منكم إلا من كان له سيف مسلول، ومال مبذول، وعدل تطمئن إليه القلوب" (العقد الفريد لابن عبد ربه)

- عن ابن مسعود رضي الله عنه قال: كل الحلال يطوي عليها المؤمن إلا الخيانة والكذب.
 (ذم الكذب لابن أبي الدنيا)

- عن الحسن قال: والله لأن أقضي لامرئ مسلم حاجة أحب إلي من أن أصلي ألف ركعة."
 أي أن قضاء حوائج الناس أفضل من صلاة التطوع
(اصطناع المعروف لابن أبي الدنيا)





الثلاثاء، 25 أكتوبر، 2016

من كتاباتي (52)






1- قبل أن تنادي بحريتك، عليك أن تحترم حريات الآخرين.

2- عزيزي الزوج: هل تدرك مدى وجع زوجتك واحتياجها لك أثناء سفرك


3- احتياج الفقير منحة للغني بأن يتصدق


4- هو يريدها منتقبة


لتعفيه من شراء ملابس خروج لها، فالعباءة السوداء اليتيمة ستؤدي الغرض دوما.



5- هو مُطلق لحيته

استخسارا لثمن الحلاقة ليس إلا.



6- زيارة المُصاب أو المكلوم بتخفف عنه

فماتستخسروهاش في بعض




7- إن أغلى المقتنيات تلك التي لا تباع.



8- الطلاق قرار شجاع جدا مش أي واحدة تقدر تنفذه

عزيزتي المُطلقة: أنتِ شجاعة فعلا.




9- لو هتحكم عليها علشان لبسها

هي المفروض تحكم عليك علشان إيه؟




10- يرون وجعك لا يستحق الآهة

معهم حق فهم لم يتذوقوه.




11- ما رأيت نعمة مَن الله بها على الإنسان أعظم من نعمة العقل.


12- مين قال علشان تصالحها تطلب منها حاجة تعملهالك

فهي كده تبقى 100 فل و10 يعني!!





13- انتقوا ألفاظكم فهناك ملائكة تكتب ورب سيواجهكم بما تلفظتم.






الجمعة، 21 أكتوبر، 2016

من قراءاتي (42)





1- على وطنك أن يفي إزاءك بعض التعهدات، أن تعتبر فيه مواطنا عن حق،
 وألا تخضع فيه لقمع، أو لتمييز، أو لأشكال من الحرمان بغير وجه حق،
 ومن واجب وطنك وقياداته ن يكفلوا لك ذلك؛ وإلا  فأنت لا تدين لهم بشيء.

لأمين معلوف



2- كل إنسان يحتجز إنسانا آخر يستحق أن يوصف بالخسيس،
 سواء أكان قاطع طريق، أم مناضلا، أم مُمثلا للقانون، أم رئيس بلد.
لأمين معلوف


3- لا يخرج قوم سالمين من مذلات علنية توالت عليهم.
لأمين معلوف


4- أنت لا تطلق سراح اللحن إلا حين تكسر العود.
لغادة السمان


5- لا توجد مفاجأة أنتظرها في هذه المدينة
لأن مفاجأتها مقصورة على الحوادث والصدمات.
لمحمد حسين علوان


6-إن جار عليك الزمن يا ابن الكرام طاطي،
 وعف نفسك وماتمشيش ورا الواطي
مثل شعبي


7- ماذا بوسع العاشق فعله إذا اكتمل القمر غير أن يعوي مثل ذئب جائع؟
لمحمد حسين علوان




السبت، 15 أكتوبر، 2016

الشرف




الشرف كلمة قليلة الحروف.. كثيرا مايعتبرونها رمزا لطهارة الجسد ليس إلا،
متناسين معناها الحقيقي والأعم.
فإذا ما أطلقنا على رجل بأنه "شريف" سيتبادر إلى ذهننا كونه لايقبل الحرام بأي صورة من صوره.
أما إذا أطلقنا صفة الشرف على المرأة، بديهيا سنظن أن الأمر يتعلق بكونها ليست زانية.
الشرف ليس حكرا على أخلاق الرجل وعلى جسد المرأة.
الشرف للرجل كمعناه للمرأة.
فكلمة الشرف عهد سواء كان قائلها رجل أو امرأة
والأخلاق النبيلة ليس لها علاقة بالنوع
ولهذا لا تتعجب أيها الزوج من موقف زوجتك بعد اتهامك إياها بسرقتك فأنت طعنتها في شرفها وليس الأمر هينا كما تظن.