الجمعة، 25 أغسطس، 2017

من كتاباتي (61)





1- أن تصاحب عفيف النفس فهذه نعمة.

2- يا من أمره بين الكاف والنون

آما آن لتقول للشيء كن فيكون.


3- هما قدام الناس بعرفوا يمثلوا كويس انهم مبسوطين وعايشين سعداء مع بعض.


4- حذار أن تتعامل معها كفاصل اعلاني للاستراحة أو للتتسلية أو للقضاء على الملل.


5- أنت الخسران ضحكتها لو مافرحتهاش.


6- ياترى أنت بتتكلم معاها حبا فيها ولا علشان مش لاقي غيرها قصادك متاحة.


7- سكوته اللي مش عاجبك ده رحمة ليكي
بدل مايقولك كلام يحرق دمك
بصي للنص المليان.


8-مش مهم تكون أول واحد في حياتها
المهم تحس معاك حاجات ماحسيتهاش قبل كده.


9- أسوأ مايفعله الزوج أن تصبح علاقته بزوجته مجرد مجاملات.


10- ماتصدقوش الصور
فهي خادعة.


11- تبكي خلف الشاشة ثم تكتب
"ابتسموا؛ فالسعادة خلقت من أجلكم"


12- حياتنا مش زي بعض
مش لازم الموقف اللي حصلك لو حصلي يكون بنفس تفاصيله
مفيش ثوابت
مش كل حد بيسيب شغله بيلاقي الاحسن 
مش كل واحدة بتنهي علاقة بترتبط أو بتاخد حد أحسن
مش كل حق بيرجع
ولا كل غايب بيعود
آه حسن الظن والعشم في الله موجود
بس الواقع اوقات كتير بيكون له رأي تاني
فماتشيلش الناس فوق طاقتها
ولا تتفائل بزيادة علشان ماتاخدتش على دماغك يا حمادة.


13- الهدية البسيطة لما تجيلك من حد دخله محدود بتبقى غالية أوي.


14- ضيفي خبرات الناس لخبراتك
مفيش حاجة اسمها"مش معقول ده يحصل، مفيش حد يعمل كده، هي المفروض كانت تتصرف كذا وغيرها من عبارات الاستنكار
الحياة مش كلها اللي انتي مريتي بيه وبس
فيه حيوات ناس تانية كتير بيشاركوكي على هذا الكوكب.


15- بكلمة منه ممكن يخليها طايرة
وبكلمة تانية بتبقى مستنية تغور.


الاثنين، 21 أغسطس، 2017

من قراءاتي(51)






1- إن الإهمال هو نوع آخر من التعذيب.
لـ ماركيز


2- إن أعظم فضيلة في الإنسان هي أن يعرف كيف يكتم السر.
لماركيز


3- يقاس حجم السر بقيمة الشخص الذي نخفيه عنه.
لـ كارلوس زافون


4- لا تثق بأحد وخصوصا بأولئك الذين يعجبونك،
 سيكونون أول من يطعنك غدرا.
ـ كارلوس زافون


5- القلق صدأ الروح.
لـ كارلوس زافون


6- الوقوع في غرام امرأة لايعني بالضرورة أن تصدقها في أي شيء.
لكارلوس زافون


7- في هذا البلد لا يمكنك الحصول على شيء دون عراب يقوم بتزكيتك.
لـكارلوس زافون


8- علمني الزمن ألا أفقد الأمل أبدا،
 وعلمني ألا أعتمد على الأمل كثيرا لأنه قاس  وواهم وجاهل.
لكارلوس زافون


9- نحن نستمر في الحياة في ذاكرة من يحبنا.
لـ كارلوس زافون

10- ينتمي الأشخاص لبعضهم ماداموا قانعين بذلك فقط.
لـ باولا ماكلين

11- الحب هو أن تقضي شيخوخة سعيدة مع حبيبتك.
لـ خالد خليفة


12- المنزل الذي لا تحب الموت فيه بالتكيد لا معنى له، وهجره سهل جدا.
لـ خالد خليفة


13- الكتب صناديق سرية، يمكن أن نجد فيها كل ما يمكن أن نتخيله.
لـنوريا أمات


14- عندما لا يملك المرء شيئا ليخسره، يصبح شجاعا. 
نحن مترددون فقط عندما نملك أملا.
دون جوان


15- إن أكثر ما أندم عليه في هذه الحياة هو عدم حصولي على ابنة.

لـ ماركيز


الخميس، 10 أغسطس، 2017

الدنيا زي الغابة






تخيل إنك شخص نباتي، وكافي خيرك شرك، ومالكش علاقة بقصة قتل الكائنات الحية مهما كان نوعها ومهما كان الغرض. وفجأة هجم عليك أسد بيحاول يفترسك.. هتعمل إيه؟
الحل الوحيد إنك تحاول بكل جهدك تتملص منه وتهرب
ولو نجحت.. مش من مصلحتك ترجع للمكان ده تاني ولو على سبيل الانتقام
مش منطقي تضيع وقتك وتكرس مجهودك في كيفية الانتقام من الأسد اللي أنت بالنسبة له زيك زي غيرك مجرد وجبة هتسد جوعه.. هو ماحاولش ياكلك مثلا علشان أنت بالذات.. ده قدرك اللي ساقك قدامه وهوبالغريزة تعامل معاك.
أهي أي مصيبة تواجهك في الدنيا وتخرج منها..احمد ربنا على نجاتك وحاول تعدي الموقف وتعيش.. فكرة انك تاخد وقت طويل علشان تستوعب الصدمة أو انك تفضل مكانك مستني مثلا اعتذار من الأسد أو خبر في جريدة أن حد اصطاده أو قتله ده مش منطقي.
المنطقي واللي لازم تعرفه إن كله بيعدي وماينفعش تفضل واقف مكانك مصدوم وحزين ومش عارف ليه اتعمل فيك كده؟
قوم، واقف، واعرف إن قدرتك على الحياة مجددا يعد أكبر انتصار لأي هزيمة لحقت بك سابقا.










الثلاثاء، 1 أغسطس، 2017

منوعات إسلامية (61)