1- اللي هتزرعه في قلوب اللي حواليك، هتحصده.
2- قلب خال من الرجال يعني ذهن رائق البال.
3- بردا وسلاما على الروح التي احترقت، ونفوسا قد اهترأت؛ فازدادت يقينا بأن الله هو المأوى.
4- اللي شايف إن مكان المرأة الطبيعي في المطبخ، أحب أقولك هي مش كوباية ولا حلة علشان يبقى مكانها الطبيعي في المطبخ.
5-
الفكرة لما تعتبروا الأسلوب البذيء كوميدي وتضحكوا، فدي تعتبر رسالة للجيل الناشئ إنها حاجة حلوة، فيقلدوها بضمير مرتاح.
6- في فرق بين مشاعر "مش عايزة غيرك" وبين مشاعر "مفيش غيرك"
الأولى الإنسان عنده حرية الاختيار من بين متعدد، أما الثانية فهو أسير احتياجه.الأولى كالأوبن بوفيه تختار ما يروقك حسب مزاجك ورغبتك ومايتوافق مع شهيتك.
أما الثانية كصنف واحد فقط متاح حتى وإن لم يروقك فلا يوجد غيره ليشبع احتياج جوعك
7- شايفة إنه من احترام الخصوصية
- إنك قبل ما تنشر صورتك تعملها مراجعة كده بينك وبين نفسك ولو لقيت وجه غريب ظاهر في الصورة دون قصد تعمل قطع أو تداري وجهه، لو صورت حد بدون قصد فما تنشرش الصورة بقصد.- قبل ما تنشر صورتك مع حد ابعتهاله الأول وعرفه إنك هتنزلها إذ ربما مايكونش راضي عنها ويتضايق لو نشرتها بدون ما ترجعله.
- لما تكون بتتكلم في الموبايل وسط مجموعة (سواء في البيت، في الشارع، في المواصلات.. يعرفوك أو لأ) ماتذكرش أسماء ثنائية لأفراد (ده في حالة لو جايب في سيرة حد)
- ودي وشك الناحية التانية لو بان لك قدرا عورة لحد.
8- البيت الكبير: اللي ماينفعش حد يكون فيه مظلوم.
