الأحد، 25 فبراير 2018

من كتاباتي (67)



1- حتى شعرها المنكوش
لازم يكون مهندم
 مفيش حاجة عندها اعتباطا.
------------------------

2- اللي بالنسبة لك عادي
 بالنسبة لغيرك مستحيل

----------------------
3- طالما شيء مايخصكش
لما تلاقي حاجة عليها غطاء ماتشيلوش
 ماتبقاش متلصص

-----------------------
4-لما تشوف حد بيعمل معصية
ماتسألش ازاي وليه ولا تتهكم عليه
 وادعي ربنا وقتها بالعفووالثبات وادعيله بالهداية.

------------------------
5- عارف؟
أختك المصونة أوبنتك الجوهرة المكنونة
 فيه حيوان بيعتبرها مجرد تاء مربوطة ممكن تشبع غريزته.

-------------------------
6- احنا في مجتمع اللي الأرملة تخلع فيه الأسود
 تبقى شايفة لها شوفة

----------------------
7- أهم تصالح في الدنيا
 تصالحك مع كرشك

-------------------
8- كله ماشي بتيسير ربنا
 لا شطارة منك ولا فهلوة

---------------------------
9- الصديق مش هو اللي بتكلمه كل يوم ولا طول الوقت معاه.
 الصديق هو اللي لما تحتاجه في أي وقت بتبقى عارف انك هتلاقيه حتى لو بقى لكم كتير بعيد عن بعض.


----------------------------
10- مش معنى انكم بتتكلموا كل يوم بالساعات مثلا انكم اصحاب!
عادي يعني الفراغ والوحدة ممكن يخلوك تكلم أي حد
 كحال رفقاء الطريق ليس إلا.


------------------------
11- من يصف الناس بشيء فهو يصف نفسه أولا.

-----------------
12- الأصدقاء اللي بجد مابيعرفوش أخبار بعض بالصدفة عن طريق النت.

----------------------
13- تكرار الشيء يجعله معتادا مهما كان بذيء وفاحش.

-------------------------
14- الفكرة مش تقبل الآخر وبس
الفكرة هل الآخر اللي أنت هتتقبله هيتقبلك أنت كمان ويحترم اختلافك عنه!
هل مش هيمس عقيدتك ودينك ومبادئك وسلامك الداخلي
 ولا هيحاول يفرض عليك آرائه ورؤيته ويحاول مستميتا اقناعك بها.

---------------------------
15- لما تشوف حد اتوجع بسببك
أبسط حاجة تقولهاله "أنا اسف"
 مش تقضيها تنظير.

---------------------
16- لما تقرر تعمل معصية وأنت عارف إنها معصية اعملها لوحدك
بلاش تاخد حد معاك أو تشجع حد عليها
ماتبقاش زي الشيطان اللي خرج العابد من صومعته
ولا تكون سفير إبليس اللي بيزين طريق المعصية لحد مايعرفش عنها حاجة
كفاية عليك ذنوبك
 بلاش تشيل ذنوب حد معاك

-----------------------
17- خاف ستر ربنا عليك يروح.





الثلاثاء، 20 فبراير 2018

من كتاباتي (66)







1- أنت علشان (شمال) مفكرها شبهك
وهي علشان (نضيفة) مفكراك شبهها
 وأنتم الاتنين غلطانين.
---------

2- من أحقر انواع الرجال اللي يعايرك بحاجة عملتيها معاه
 حتى لو كلمة "بحبك".
-------

3- العِشرة الطويلة لا تصنع الصداقات؛ وحدها المواقف تفعل.
----

4-فرق كبير بين الصديق ورفيق الطريق.
----

5- لا تطلق على أحدهم لقب (صديق) قبل أن يتم اختباره في موقف أولا.
-----

6- إلى متى ستظل هي الرجل مع جميع من تتعامل معهم من الذكور!
-----

7- علشان أخسر من بُعدك
 لازم أكون كسبانة في قربك
------

8- هو بيحبك علشان مفيش من ناحيته تجاهك أي مسؤولية
علاقة طياري كده وظريفة
 فماتخنقيهوش بقى
--------

9- أنت مش هتتصاب لو قلتلها كلمة حلوة على فكرة.. 
هي وقتها بتكون حاسة إن الدنيا اتهدت.
لما تلاقيها دخلت في وصلة نكد
احضنها
حتى لو بعدتك عنها وماكنتش طايقاك
اسمع مني
احضنها، سيبها تطلع كل طاقة الغضب اللي جواها في حضنك،
سيبها تبربر في هدومك، تعيط في ودانك، تخبطك على صدرك.. 

شوية وهتتهد وتسكت.
ولما تهدى هتلاقيها هتدخل على صفحتها 

وتكتب على بروفيلها "الراجل الحنين رزق"
الكلام هيكون عليك يامعلم وقتها :)
 وحتى لو ماكتبتش

 يكفي إنك هترتاح من وصلة نكد ممتدة لعدة أيام متوالية لو سيبتها تهدى لوحدها.
------

10- اتعودوا تقولوا "لأ" على أي حاجة معندكوش نية تعملوها
الرد المايع ده مابيفيدتش اللي قصادك، وبيعشم الناس فيك ع الفاضي،
 وبيخليك قدامهم كذاب.
ولما حد يطلب منك رأي
ياريت تقوله بصراحة بدون مجاملات أو رتوش
 لأن وارد جدا يكون معتمد على رأيك ده في حاجة مهمة تخصه
 وردك المايع يخليه يلبس في حيط.
----

11- لو عايز يكلمك هيتصرف مهما قفلتي في وشه الطرق
 وحطي خط تحت (لو عايز).

----
12- قرار الانفصال مش سهل
 لكنه مريح نفسيا
---------


13- وهو السلف ايه غير شحاتة مهذبة.
--------

14- كون إنك مش عارف تدير حياتك بشكل يتوافق مع دخلك المادي
فدي مشكلتك أنت مش مشكلة حد تاني
 وعليه أنت وحدك المطلوب تحلها
-------

15- الحب احساس لو ماوصلش للي قدامك يبقى انت عندك مشكلة.
-------

16- أنت مش محتاج مناسبة علشان تقدم لحد بتحبه هدية.
-----

17- لما تستلف حاجة من حد طبيعي ترجعها
 من غير ماتنتظره يطلبها منك.
------

18- لقد استنزفت جميع من حولك بأفعالك الحمقاء
 فلا لوم عليهم إذن.





الخميس، 15 فبراير 2018

كف أذاك



وهو فيه أذى أكتر من إنك تاخد حق مش بتاعك
لما تكسر بعربيتك على حد ماشي مسالم في طريقه وتأذيه أنت كده بتغتصب حقه
لما تدخل غلط بعربيتك أنت كده بتغتصب حق حد تاني ده طريقه أصلا
لما تمد إيدك على حاجة مش بتاعتك مهما كان المُسمى وتحت أي ظرف
لما تدخن في مكان مغلق مع حد من غير ما تستأذنه
لما تستخدم شيء عام وتتركه لايصلح للاستخدام الآدمي بعدك
لما تسيب مكانك قذر بعد ما كان نظيف
وغيرها كتير
أميطوا الأذى وكفوا أذاكم
فإماطة الأذى عن الطريق صدقة