1- "بشروا ولا تنفروا"
لما تشوف حد كاتب أمنية ما، بلاش تستظرف بتعليقات سخيفة تظهر اليأس اللي بتعانيه.
لو مش هتقدر تبشره بتحقيق اللي بيتمناه، يبقى سكوتك أفضل.
"فلتقل خيرا أو لتصمت"
2-أحب أقول لكل طبيب:
أنت مش أمين على أوجاع الناس وبس، أنت كمان أمين على عوراتهم.
فخد بالك من الأمانة اللي في رقبتك، لأنها أول حاجة هتتسأل عنها.
3-لما تشوف حاجة عند حد وتستغربها أو تستكترها، سمِ الله وادع بالبركة لصاحبها.
ما تبصوش في رزق حد، احمدوا ربنا على اللي عندكم، مش هتاخد رزق حد مهما عملت، ومش هينوبك غير سيئات تتقل ميزانك أنت أكيد في غنى عنها.
4-كلمة "معلش" من حد بتحبه تعني الكثير.
