الأربعاء، 26 مارس، 2008

فضيحة فى رداء إنقاذ


سأروى لكم مأساة لتشاركونى هذه المصيبة ولألتمس منكم الدعاء.

"خرجت فتاة بناء على طلب أمها لتقضى لها بعض إحتياجات المنزل ولكن الفتاة تغيبت على غير عاداتها فاتصلت بها الأم على موبايلها ولكن ابنتها لم تجيب قلقت الأم على ابنتها وخاصة أن ابنتها لم تذهب إلى جارتها كما هو الإتفاق خرجت الأم تبحث عنها ومعها الأهل والجيران والمفاجأة يجدونها ملقاة فى شارع مظلم وهى عارية تماما ومخنوقة بالشراب التى كانت ترتديه اتصلوا بالإسعاف سريعا وهى الآن بين الحياة والموت".

المفروض إن الحادثة كده انتهت لكن لأ شوفوا بقية المصيبة.

"أثناء ذهابها فى سيارة الإسعاف يزال الغطاء من عليها لتظل فرجة أمام الناس يا حسرتــــــــاااه يامصيبتـــــاااه

مش مكفينهم اللى هى فيه لأ والمصيبة التالية أنهم قالوا إنهم عملوا كده وبيوصفوا فيها كمان وكل الناس عرفت انها دخلت المستشفى عارية ومن ضمن بقية المصايب الطبيب المعالج معجب بيها أيضا وبيوصف فيها آآآه ياحسرتــــــاااه

وبعد سماعى لهذه الحادثة التى يندى لها الجبين أريد أن أوجه عدة تساؤلات إلى كل من:

*الجانى القائم بهذة الفعلة الشنيعة.

كيف جرؤت على إنتهاك حرمة الله بهذه الطريقة؟ لماذا فعلت مافعلت؟ ما إستفادتك من تجريدها من ملابسها؟ هل سرقة ملابسها والموبايل التى تحمله هيغنيك وهيحقق لك الثراء؟

ياترى أنت مدرك حجم الكبائر اللى قمت بيها؟ وياترى مفكر إن ربنا هيسيبك؟

عايزة أقوللك إن ربك كبير أوى يمهل ولايهمل ومسير اللى انت عملته هيتردلك وجزائك هتاخده فى الدنيا قبل الاخرة

فانتظر انتقام الله

*من وجدها واتصل بالاسعاف

أشكرك على محاولة إنقاذها ولكن لى عتاب لماذا لم تسترها بأى شئ محكم حتى لايزال تحت أى ظرف سواء بقصد أو من غير قصد؟ لماذا لم تعتبرها أحد محارمك وحاولت صيانتها حتى ممن تعتقد أنهم سينقذون حياتها؟

لو كنت قبل اتصالك بالإسعاف اتصلت بأهلها كانوا صانوها وعرفوا ازاى يحافظوا عليها ولكنى التمس لك العذر فيمكن المفاجأة ورهبة الموقف ورغبتك بإنقاذ حياتها كان مايشغل بالك ولكنك ساعدتهم دون قصد فربنا يسامحك وياريت أنت كمان متوصفش فيها وانسى اللى شوفته منها عشان ربنا يحافظلك على محارمك ويتقبل هذا العمل الذى قمت به

*رجال الاسعاف

أين ضميركم فى مافعلتم؟أين خوفكم من الله؟ أين الأمانة؟ياترى لو كانت دى واحدة من محارمكم كان ده هيكون تصرفكم

اعرفوا انه كما تدين تدان وأن ربنا مطلع عليكم وشايفكم وعلى فكرة أنتوا ماتختلفوش كتير عن اللى عمل فيها كده من البداية على الأقل ده خلاص اتعرف انه مجرم والكل فى انتظار القبض عليه ولكن أنتوا مستترين وراء قناع المهنة وربنا كبير قادر ينتقم منكم فى لحظة ويشل إيديكم اللى كشفتها ويعمى عيونكم اللى تفحصت فيها حسبى الله ونعم الوكيل فيكم وفى أمثالكم

*الطبيب

أين يمين الله الذى أقسمته قبل مزاولة المهنة؟أنت وظيفتك تعالجها ولا تقول رايك فيها؟ وياترى كان قصدك أن الناس تتعاطف معاها عشان شكلها عجبك لو كان ده قصدك فأحب اقوللك إنك غلطان لإنها محتاجة الستر مش الفضيحة وياترى لو كان شكلها معجبكش كنت برضه هتوصف فيها مهما كان قصدك أيها الطبيب فقد خنت الأمانة ولاتستحق هذا اللقب فأنت عار على جميع الأطباء الشرفاء.

لماذا لم تتخيلها أحد محارمك؟ هل كنت ساعتها برضه هتقول ماقلته ؟

أنت ساعدت على انتهاك حرمة الله بنظرك ليها وتفحصك بهذه الطريقة ثم الإفصاح عن رأيك يعنى سيادتك بتجهر بالمعصية بكل استهزاء

كلمة أخيرة يامن لاتستحق أن تكون معالج للبشرربنا كبير أوى وقادر إنك تكون مثلها فى يوم من الأيام أنت أو أى حد من محارمك وساعتها هتشعر بقيمة مافعلته ناحيتها وناحية اهلها.

*من ينقل تفاصيل الحادثة

أما تعلم إنك تنشر الفحشاء دون قصد؟ مفكرتش فى مشاعر أهلها وسيرة بنتهم على كل لسان رغم إنها مظلومة ومجنى عليها؟مفكرتش إزاى البنت دى لو ربنا أراد لها الحياة ازاى ممكن تواجه هذا الكلام؟مفكرتش إن ممكن ربنا يبعت حد يتكلم عنك وعن محارمك بالسوء؟ لماذا لاتشغل نفسك بذكر الله بدل الخوض فى أعراض الناس؟ هيفيدك بإيه إذا كنت تعرف هى من عيلة إيه أو ساكنة فين؟ يا أخى ده أنت لو سترت عرض مسلم ربنا هيبعتلك اللى يستر عرضك

لو بنتك أو أمك أو زوجتك أو أختك حصللها كده شعورك هيكون إيه لما تسمع الناس بتتكلم فى الموضوع وبالطريقة اللى شايفينها سواء بقى باللى حصلها فى الشارع أو فى سيارة الإسعاف أو آثناء إستقبالها فى المستشفى أو آثناء علاجها أو فى خيالات كل مريض لوخايف على محارمك اتقى الله واسكت.

*أهل المجنى عليها وبالذات الأب

عارفة أن مصيبتك كبيرة بس فى كلمة عايزة أقولها رغم إنك أكيد مش مستحمل أى كلام من حد.

عايزاك تراجع نفسك وشوف أنت اتكلمت فى عرض مين أو ساعدت على إنتهاك شرف مين سواء بقصد أو من غير قصد استغفر الله لذنبك يمكن تكون أذنبت زمان فى شبابك وأنت ناسى وربنا بيخلص ذنبك أنا مش عايزة اظلمك بس ده مجرد اقتراح إنك تستغفر على ذنب تعرفه او لاتعرفه.

*المجنى عليها

أما انتى يامن لاأعلم حتى اسمك يعلم الله كم توجعت وكأنك من أقرب الأقربين إلى قلبى لا أعرف كيف أعزيكى ولاعارفة هل أدعيلك بالحياة عشان ترشدى عن الجانى ولا ادعيلك بالموت راحة من ماستلاقينه من كلام الناس ولكنى سأدعو أن يتولاكى الله برحمته ويرزقك الحياة لو كانت خيرا لكى أو الموت لو كان خيرا لكى

اختى الغالية:لاتقلقى فكل من قام بهذا سيلقى جزائه فى الدنيا قبل الاخرة............

اللهم يا منتقم ياجبار يامالك الملك ياقادر على كل شئ يا من يقول للشئ كن فيكون.

اللهم إجعل ثأرنا على من ظلمنا وأرنا ثأرنا فيه.

اللهم عليك بمن ينتهكون محارمك.

اللهم عليك بمن ينتهكون محارمك.

اللهم عليك بمن ينتهكون محارمك.

هناك 57 تعليقًا:

جسر الى الحياة يقول...

لا حول ولا قوة الا بالله ضاع الاسلام بسبب هؤلاء... الا يعلمون بان الله يمهل ولا يهمل.. لها الله هى واهلها وحسبى الله فى كل من تعمد عدم ستر هذه المسلمة

آفاق الحرية يقول...

الاول
بس للاسف في موقف لا اود التعليق فيه
اصل هقول ايه في موقف لا ينفع فيه الكلام
.............
ربنا يهديهم

wael يقول...

السلام عليكم
اعترض تماما على التعليق الموجه للاب
ولاتزر وازرة وزر اخرى بفرض ان كان بيتكلم في اعراض الناس معتقدش ان ربنا هيعاقب بنته على كده
اسف للتدخل بس بجد استفزني تماما التعليق الموجه للاب
ربنا يحفظ بناتنا

مواطن مصرى نايم يقول...

حسبنا الله ونعم الوكيل
بجد اول ما بدأت فى القراءة وبدأت استوعب الموضوع
شعرت بأن الدم يضخ فى رأسى بقوة
و اردت ان اقتل
من قام بهذة الفعلة
و ركذلك عديم الدين والاخلاق المسعف
الذى لا يستحق كلمة رجل
و كذلك الطبيب المريض
لانه بهذة الفعله اثبت انه مريض نفسى قبل ان يكون عديم الدين والاخلاق
----------------------
بارك الله فيكى
بوست اكثر من رائع
بجد كل شخص ممكن يفكر انه يعمل مثل هذة الجريمة
يفكر فى
ربنا ربنا ربنا ربنا
ضميرة ضميرة ضميرة
امه
اخته
زوجته
بنته

Masry يقول...

اللهم استرنا واستر فتيات المسلمين .. اللهم لا تفضحنا في الدنيا و لا في الاخرة

monaliza يقول...

جسر الى الحياة
جزاكم الله خيرا على تفاعلك واسألك الدعاء
***********************************
آفاق الحرية
انا معاك ان الموقف اصعب من اننا نتكلم فيه ولكن الدين النصيحة فالساكت عن الحق شيطان اخرس "و من راى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان "صدق رسول الله صلى الله عليه وسلم
مينفعش اسكت عشان الموقف صعب لأ ده انا لازم اتكلم واوصل بشاعة اللى حصل
لعل الله يحدث بعد ذلك امرا
اخى الفاضل الدين محتاج للدفاع عنه ومازلت فى انتظار تعليقك
***********************************
wael
بالعكس اخى الفاض يسعدنى سماع التعليقات مهما كانت معترضة على ما اقول ولكن انا قلت فى التعليق ده مجرد اقتراح ان الاب يستغفر لذنوبه وبعدين مين قاللك ان ربنا بيعاقب بنته ما يمكن بيعاقب ابوها فيها لان ربنا بيمهل ولا يهمل وكما تدين تدان وسأحكى لك عن حادثة اخرى قراتها وكانت بعنوان يمهل ولا يهمل ولا اتذكر مصدرها
كان شاب يهوى اصطياد الفتيات والضحك عليهن وعندما ضغطت عليه بنت من ضمن البنات ان يتزوجها والا ستفضحه وستقول لاهله قال لها :امى عايزة تشوفك الاول واعطاها العنوان وكان هذا العنوان لشقة احد اصدقائة واتفق معهم على انه فى فتاة ستاتى تسأل عليا فاعتبروها هدية منى ليكم فى نفس الوقت هذة الفتاة لسبب ما لم تذهب ولكن أمه تعبت جدا فاحتارت اخته اين تجده وكانت عارفة ان ده مكانه مع اصحابه وراحت ليه فى هذه الشقة وسألت عليه وطبعا اصحابه عملوا معاها الواجب وقاموا باغتصابها وحينما جاء صديقهم قالوا له :هدية مقبولة ولما دخل عليها وجدها اخته
الشاهد من هذه القصة ماذنب اخته؟
انا لا افترى على الاب ولا اتهمه انا بس بطلب منه انه يعيد حساباته ويستغفر
وبعدين تفتكر واحد بيتكلم فى عرض الناس ايه ابسط حاجة تحصله غير ان الناس برضه تتكلم فى عرضه
ربنا يغفر له لو كان عمل كده فعلا ويصبره على مابلاه لو كان برئ
أشكرك على تفاعلك واسألك الدعاء لها ولاهلها
*********************************
مواطن مصرى نايم
جزاكم الله خيرا على حميتك وغيرتك على انتهاك حرمة الاسلام جعله الله فى ميزان حسناتك
***********************************
masry
ربنا يتقبل وجزاكم الله خيرا

مجداوية يقول...

اللهم آمـــــــــين ,,عزيزتى ,وعلى قدر تخلى الناس عن دينها على قدر ما نسمع من بشاعة الجرم وأمريكا أكثر دول العالم غرابة وبشاعة فى جرائمها تصدر لنا كل الموبقات حتى الجرائم فهذه أفعال الشياطين وأمريكا الشيطان الأكبر ,,كل ما يحدث نتيجة الابتعاد عن دين الله وعن خشية الله الجانى لو كان فى قلبه ذرة خشية من الله ما فعلها وكل من فضحها ولم يسترها لو تذكروا الله ما نطقوا الله غائب عندهم وهو الحى الذى لا يغفل ولا ينام وهو العزيز المنتقم الجبار القوى المتعال ذى الطول شديد البأس ولكنهم نسوا الله وكذلك سينساهم الله يوم القيامةقال تعالى : قال كذلك أتتك أياتنا فنسيتها وكذلك اليوم تنسى وقال تعالى :هذا يوم لا ينطقون ولا يؤذن لهم فيعتذرون صدق الله العظيم ,والله يمهل ولا يهمل ولا حول ولا قوة الا بالله العلى العظيم

Whispers just for a Night يقول...

السيدة Monaliza

لا أدري...بأي ذنب قُتِلَت؟!
بأي ذنب قُتِلَت فيها البراءة والأنوثة
بأي ذنب قُتِلَت فيها الأمومة؟
بأي ذنب؟
وما الذي استفاده ذاك المتجرد من البشرية؟ أسأل الله أن يرده إلى دينه رداً جميلاً.
ما الذي انتفع به أهل الرداء الأبيض من جراء فعلتهم هذه؟!هدانا الله وإياهم

إسمحي لي أن أنصرف
قبل أن يسبق دمعي مدادي
إحترامي وتقديري

الفارس الملثم يقول...

لا حول ولا قوة الا بالله , مفيش تعليق يتقال غير " من يتق الله يجعل له مخرجا "

ياريت كل واحد قبل ما يقوم باي عمل يتقي الله فعلا ..

تقبلي مروري

dr_modymodak يقول...

لاحول ولا قوة الا بالله

رحمتك يارب

بجد انا اتغميت والله استرها يارب

راجى عفو ربه يقول...

السلام عليكم ورحمه الله
بدايه:اسأل الله العظيم رب العرش العظيم ان يستر عوراتنا وان يسترنا فوق الارض وتحت الارض ويوم العرض عليه,انه ولى ذلك والقادر عليه.
فأنه لما مات الضمير مات القلب,
ولما مات القلب مات الدين الذى فى القلب,وحينئذ (ياحسرتاه على من مات دينه بقلبه ولم يعى لما يصنع).
نسأل الله جميعا ان يستر عرض (أختنا)هذه,وان يجعل ماحدث فى ميزان حسناتها,وان يبعد عنها كل شر أثيم وان يرزق أهلها الصبر,انه ولى ذلك والقادر عليه..
اللهم أهدى شباب المسلمين.
اللهم أغنهم بحلالك عن حرامك.
اللهم أصرف عنهم السوء والفحشاء.
{ربنا ولا تحملنا ما لا طاقه لنا به*واعف عنا واغفرلنا وارحمنا*أنت مولنا فأنصرنا على القوم الكفرين}.

أنا إنسان يقول...

سحقاً

la3lahakhier يقول...

يا الله
الجانى هو كل من ساهم فى بناء كيان هذه الهياكل الخاوية الفارغة التى تدعى بشر رجالا او نساء او من يتنقاهلها استمتاعا او اعلانا او فضول او شماتة او تشف او لامبالاة او من ساهم فيها بفرجة او رؤية ولم يلق بجسده لسترها
الله الله فى النساء الله الله فى النساء
اخوتى فى الله الفتاة واهلها :
انكم لمن الابتلاء باشده ولا حول ولا قوة الابالله اختى ايتها الملقاة عارية لم نسترك شفاكى الله وعفاكى واعطاكى من الخير ماتسقط منه الفكوك تعجبا من فضل الله ومنحك الستر صباح مساء دنيا واخرى امين امين ولاهلك الصبر والاحتساب
وانى لادعو الجميع بقراءة الفاتحة فور القراءة للتعليق ووهبها لها ونقرا جميعنا سورة يس الليلة فى العاشرة تماما من مساء الليلة اجتماعا على حبها ومساندتها فى لله ولله تعالى

ايوية يقول...

لا الله الا انت سبحانك انى كنت من الظالمين

ربنا يسترنا جميعا

nooor يقول...

من يقرا كلامك دون تحديد مكان او وطن لاعتقد انك تتحدثين عن العراق او فلسطين وان ذلك حدث على ايدي اعداء لنا
ليسو مسلمين في مجتمع المفروض انه مسلم
عن اي اسلام نتحدث؟؟
واي نصر ننتظره؟؟
اين خير امة اخرجت للناس؟؟؟
انا لا اميل كثيرا لجلد الذات واكره جدا مثل هذه المواضيع لانها لاتشعرني باي خير في هذا الوطن الذي ياكل بعضه الاخر
عتابك لايكون للطبيب او المسعف او المنجد او لابيها بقدر ما هو لمجتمع باكمله بكل اطيافه

اصدقك القول حتى وان راينا او عرفنا شيئا نبغضه لا تنشرينه
نحتاج لبصيص نور جميعنا يعلم ان خراب النفوس اصبح عاما شاملا لكن كفانا
لنضيء شيئا بسيطا لغيرنا
نريهم ان هناك خير ما قد يكون قليلا
لكن بنا يكثر
تحياتي

nonoymm يقول...

حسبنا الله ونعم الوكيل
دول هما اللي ودونا في داهية
ربنا يخفف عنها مصابها ويكرمها ويفرغ عليها الصبر يارب
مش عارفة يعني اتنسى من ستر مسلما
اتنسى ان الخوض في العرض كبيرة
استغفر الله العظيم
اكرمك الله حبيبتي في لله

Abo 7anf يقول...

بسم الله الرحمن الرحيم
معلش مش هقدر اقول موضوع جميل
مش نقص فى الموضوع بس الامر فظيع
عارفه
احنا نسينا حاجه مهمه
ان كما تدين تدان
وان البنعمله فى بعض ممكن يحصلنا
وبقى فى ازمه ضمير كبيره
والسبب فى كده محيطنا
الحول لاناس لذئاب
ولغى الكبادئ وللاسف ناس بتشجع على كده
لان مصلختهم نبقى نايمين مش صاحيين
وتقببلى مرورى

سمراء يقول...

اشكرك على مرورك
أأسف لما يحدث كل يوم من انخفاض مستوي الاخلاقيات في مصر
تلك الجريمة تتكرر يوميا وذلك في اعتقادي الشخصي بسبب الكبت والقهر الذي يتعرض له شعبنا في التعبير عن معتقداته وافكاره بالاضافة الى كمية الفساد المنتشره على كل المستويات وغياب الوعي والقيم والهوية
نطلب أن يرحمنا الله من كل ما يدور حولنا
سمراء

كلاكيت تانى وتانى يقول...

عزيزتى أن اللة يمهل ولا يهمل
ان اللة يمهل ولا يهمل
اوجعتنى قصتك ولكن هذا حال مجتمعنا الذى تغكك وصار حطاما بسبب البعد عن اللة وعن الصدقات
اللهم اخرجنا منها ع خير واسترنا فيها وتحتها
امين

آفاق الحرية يقول...

استاذتي الفاضلة
جزاكي الله خيرا
لكني عندما ذكرت ان الموقف صعب لا يسعني فيه الكلام لم يكن قصدي السلبية او الصمت والله اعلم بذلك
ولكن صعوبة الموقف وقساوته تمنع اي شخص حتي من التعقيب عليه
يا أتاذتي هذه الفعلة ليست الا نتاج اناس تخلوا عن اسلامهم وايمانهم
تخلوا عن اخلاقهم ونخوتهم وشهامتهم
فعذريني عن قلة كلامي وصمتي
وان كنت وما زلت اعتقد اننا يجب ان نراجع انفسنا قبل ان نعقب ونشجب وندين
تحياتي

رئيس جمهوريه نفسى يقول...

حسبى الله ونعمه الوكيل

monaliza يقول...

مجداوية
أختى الحبيبة:معك كل الحق فهذه افعال شياطين لانهم حتى لو مش مسلمين فين الفطرة البشرية لحب الخير
اوقات بشعر ان مثل هؤلاء يخشى منهم الشيطان لانهم بينافسوه فى مهمته
حسبى الله ونعم الوكيل
اللهم استرنا فوق الارض اللهم استرنا تحت الارض اللهم استرنا يوم العرض عليك
**********************************
whisper just from anight
اخى الفاضل:احترم هذه الدموع بل واقدرها أيضا فهى تدل على رقة القلب وصفائه وهذا لايتوفر الا فيمن قلبه موصول بالله فهنيئا لك بهذه الدموع وجعلها الله فى ميزان حسناتك ولكن بالله عليك أثناء انهمارها تدعو بكل ماتملك من عزيمة لهذة الفتاة ولأهلهابأن يرزقهم الله الصبر والسلوان
**********************************
الفارس الملثم
أهلا بيك اخى الفاضل وأسألكم الدعاء
**********************************
dr_modymodak
أحييك على شعورك يادكتور مودى فمن لم يهتم بأمر المسلمين فليس منهم
أسألك الدعاء
*********************************
راجى عفو ربه
جزاكم الله خيرا على أدعيتك الجميلة ويارب يتقبل ويجعلك دائما ممن يدعو لاخوانهم بظهر الغيب فتؤمن الملائكة على دعائك وتقول وله بالمثل
**********************************
أنا انسان
سحقا والف سحقا لكل من ينتهك محارم الله
***********************************
la3lahakhier
أختى الحبيبة:جزاكم الله خيرا على دعوتك بقراءة سورة الفاتحة وسورة يس وانا قبلت هذه الدعوة ونفذتها ومشغلة سورة ياسين لتظل رفيقى ولتذكرنى بعد انتهائها بالدعاء لاختنا
خالص تقديرى واحترامى
***********************************
ايوية
اختى الحبيبة:جزاكم الله خيرا وأسألك الدعاء فهى اختنا جميعا فى الله

mnoon يقول...

تعرفى الواحده بتزعل قوى
لما تسمع ان حاجه زى دى حصلت
وحصلت فين فى مصر
والابطال شويه مسلمين
وهو دا فعلا اللى يحزن
إن حالنا كمسلمين مع بعض بقى كده
ربنا يهدى

monaliza يقول...

nooor
أختى الحبيبة:وهذا مانسعى اليه ان يعرف الجميع انه لسه فيه خير ومش عشان الكثرة سيئة يبقى الكل كده
جعلنا الله واياكم ممن ينصرون دين الله
**********************************
nonoymm
أختى الحبيبة:جزاكم الله خيرا
ومعك كل الحق فمن يخوض فى الاعراض لايعلم حجم المصيبة والا لما فعلها. مصيبتنا الاكبر فى غفلة معظم الناس
اللهم ردهم اليك مردا جميلا
وجعل الله حميتك هذه فى ميزان حسناتك
***********************************
abo 7anf
معك كل الحق
الناس فى غفلة كبيرة وغرتهم الدنيا مع انها زائلة
اللهم لاتجعل لنا ذنبا الاغفرته ولا ضالا الا هديته
***********************************
سمراء
أختى الحبيبة: ليس هذا وقت الاسف فقط ولكنه وقت البكاء على حالنا وحال المسلمين وغفلتهم فمهما كان مايعانون منه من كبت وقهر لايوجد مبررا لغفلتهم
نورتى مدونتى وارجو دوام التواصل
***********************************
كلاكيت تانى وتانى
معك كل الحق فالبعد عن الله يجعل الفرد يتصرف اى تصرف دون ادراك لانتهاك حرمة الله فهو متناسى الله فكيف اذن يخشاه
ولكن عزائنا وجود من لديهم صحوة وعزيمة بألا يتركوا احدا من معارفهم غافلين دون توجيه
نورتى مدونتى وارجو دوام التواصل
***********************************
أفاق الحرية
لك منى خالص تقديرى لاهتمامك واحترامى لتعليقك
وانا متفقة معك فعلينا البدء بأنفسنا اولا
ولكن ده مايمنعش انى لو شوفت تصرف من صديقة لى مثلا يسئ للاسلام انى اوجهها حتى لو اضطررت انى اكرر كلامى كل يوم
نورت مدونتى وارجو دوام التواصل

ورود بلا أشواك يقول...

اللهم يا منتقم ياجبار يامالك الملك ياقادر على كل شئ يا من يقول للشئ كن فيكون.

اللهم إجعل ثأرنا على من ظلمنا وأرنا ثأرنا فيه.

اللهم عليك بمن ينتهكون محارمك.

اللهم عليك بمن ينتهكون محارمك.

اللهم عليك بمن ينتهكون محارمك.


اللهم امين

شي يبكي العيون ويكسر القلب

لا حول ولا قوة الا بالله

3abdo me7tas يقول...

قصتك فيها معان كتير على اى شخص انه يتعلم منها
ممكن الموقف ده يتكرر تانى وانتى عارفه ان الناس دلوقتى بعدت عن ربنا مش كل الناس طبعا
ربنا يهديهم جميعا ويهدينا يا رب
أما بالنسبة لتعليقى على الموضوع فإنتى قلتى كل حاجه ممكن الواحد يقولها
ربنا يكرمك
وربنا يهدى الجميع ويسامحهم

عاشقه الفردوس يقول...

لاحول ولاقوة الا بالله
انا لله وانا اليه راجعون

اللهم اهدي المسلمين

مش عارفه اعلق

جزاكي الله خيرا ع التحليل والتعليق الرائع

ربنا يباركلك
ويستر علي بنات ونساء المسلمين الهم امين

rona يقول...

ربنا يستر عرض بنات المسلمين يارب
وحسبى الله ونعم الوكيل
حسبى الله ونعم الوكيل
حسبى الله ونعم الوكيل

monaliza يقول...

رئيس جمهورية نفسى
عليك بها دائما اخى الفاضل حسبى الله ونعم الوكيل
***********************************
mnoon
اختى الحبيبة :معك حق فان مما يضاعف الام المصائب ان تكون من صنع ايدينا
***********************************
ورود بلا اشواك
اختى الحبيبة:جزاكم الله خيرا على حميتك وجعلها الله فى ميزان حسناتك
********************************
3abdo me7tas
ربنا يكرمك يا استاذ عبده واشكرك على مشاركتك وأسألك الدعاء
*********************************
عاشقة الفردوس
أختى الحبيبة :جزاكم الله خيرا على مشاركتك وحميتك
اللهم عليك بمن ينتهكون محارمك

monaliza يقول...

rona
اختى الحبيبة:ربنا يتقبل منك وجزاكم الله خيرا

الراقص مع الذئاب يقول...

السلام عليكم
والله خبر مفزع ومؤلم اوي
شئ بشع بكل ما تحتويه الكلمة من معاني
والابشع هو ردود الافعال الغريبة
احنا كمصريين في طبعنا الحياء والستر في المواضيع ديه
يعني اكيد لي ام او اخت ماشية في الشارع هتتصرف تصرف تلقائي بإنها تسترها
بس يمكن الخوف من سين وجيم هو اللي عمل كدا

حسبنا الله ونعم الوكيل
اللهم استرنا واستر اعراض المسلمين

اجندا حمرا يقول...

عزيزتي

ماذكرتيه بجد خطير و صدقيني مش مرتبط بديانه معينه
الحفاظ علي القسم اللي الطبيب بيديه في بدايه عمله سلوك يجب ان يحافظ عليه و انتهاك حرمه المريض سلوك شائن لابد ان يكون هناك وقفه وحازمه لضمان عدم تكراره
لكن تقولي ايه في اللي بنسمع عنه من ان عجلاتي فضل يمارس مهنه الطب لعده سنين قبل ان يكتشف؟

تحياتي ليكي

YHYيــوســف الـمصـرى يقول...

السلام عليكم ورحمة الله وبركاته
...........................
بجد احييكى على البوست ده جدا
لأنك طرحتيه من زاوية مختلفة وبموضعيه
كنت ديماً بقول ان الشعب المصرى فيه صفات وعادات وشهامة مش موجودة فى حد كنت بحس ان ده شىء متوارث وموجود فى جينات الشعب ده ! كنت اظن ان مهما ذادت الشهوات وقل الدين انه جينات الشهامة والصح والغلط الى موجوده فى دمنا بتظهر !
لكن كل فترة احس انى كنت غلط وان الجينات والصفات والعادت الطيبة دى بدأت تندثر وتبعد عننا !
بس مع ذلك أظن ان لسة فينا خير بدليل ان فيه حد بيكتب وانا بقول ان الخير موجود حتى لو واحد بس لسة متمسك بعادتنا وشهمتنا !
انا صراحة مسمعتش عن القصة دى غير هنا ومش قادر استوعب ان ده حصل هنا عندنا!
ربنا يصبر ويعين البنت واهلها وينتقم من كل شخص ظلم وافترى فى حقنا وحقها

تحياتى

yasmina يقول...

لا حول ولا قوة الا بالله
ربي استر اعراض المسلمات
حسبي الله ونعم الوكيل

monaliza يقول...

الراقص مع الذئاب
وعليكم السلام ورحمة الله وبركاته
المشكلة ليست كما تتصور فلم تراها سيدة والا كانت سترتها دون تردد. وجدوها ليلا فى شارع مظلم ومع ذلك لو كان هذا الرجل حاول سترها جيدا قبل حتى الاتصال بالاسعاف لكان افضل بكثير
***********************************
أجندا حمرا
لنا ولها الله وربنا قادر على كل شئ ينتقم من كل من ينتهك محارمه
***********************************
يوسف المصرى
معك كل الحق فمازال الخير موجود رغم قلته والخبر ده طبيعى محدش غير اللى ساكنين فى البلد هما اللى يعرفوه وفى أقل الحدود كمان لان دى مش اول حادثة من نوعها فيه حالة تانية ذيها بين الحياة والموت بس التفاصيل مختلفة شوية وطبعا موقف البوليس عندنا وحش جدا لان الجرائم انتشرت بفظاعة ولسه مقبضوش على الجناة
تقدر تقول ان عصابة ريا وسكينة رجعوا تانى
حسبى الله ونعم الوكيل
***********************************
yasmina
جزاكم الله خيرا وربنا يتقبل

مدونات زوجة عاشقة يقول...

والله إنتى وجعتى قلبى بالحكاية دى0

إخوانى حتى النخاع يقول...

السلام عليكم

والله يا أختى موقف فظييييييع جداااا جداااا

مش عارف أهلها رضوا أزاى كدا يحصل ؟؟


الله يهدى الجميع

شكراا لكى أختى للبوست دا

أخوكى إخوانى حتى النخاع

monaliza يقول...

مدونات زوجة عاشقة
أختى الحبية:أشعر بوجعك هذا فقد توجعته من قبلك وهذا بفضل الله من رقة القلوب وايضا لان المؤمنون اخوة
جزاكم الله خيرا واسالكم الدعاء

monaliza يقول...

إخوانى حتى النخاع
وعليكم السلام ورحمة الله وبركاته
أشكرك لمشاركتك ولكن اخى الفاضل أهلها معرفوش اللى حصل لبنتهم غير بعد ماراحت المستشفى يعنى اهلها ملهومش ذنب لهم ولها الله
أسألك الدعاء

امواج يقول...

وجدت ردك فى مدونتى وكنت سعيده بوجودك
وفورا قررت دخول مدونتك وسعدك اكثر انى من الدقهليه


ولكنى بمجرد ان قرأت القصه ولا تتخيلى اختى ما حدث لى

حقيقى كانت صدمه لى
كم يعلم الله انى اخاف هذه الايام حتى من المشى فى الشارع نهارا

لهذه الدرجه اصبح لا يوجد امان فى الدنيا

الهذه الدرجه اصبحنا نعيش فى عالم غابه


لاحول ولا قوة الا بالله

امام الجيل يقول...

لا حول ولا قوة الا بالله

الواحد مش عارف يقول ايه
غير ربنا يسترنا جميعا
دنيا واخرة

حسبنا الله ونعم الوكيل

ammola يقول...

السلام عليكم ورحمة الله وبركاته
اسعدنى تشريفك لمدونتى...واسعدنى تعرفى عليك من مدونتك
وآلمنى البوست جدا جدا
ولا اجد الا ان اقول"ظهر الفساد فى البر والبحر بما كسبت أيدى الناس"
اعيب على اهل اى فتاة ان تخرج بمفردها...قولى انى متشددة او متخلفة لكن لو كان بيدى لما سمحت بهذا ابدا وخاصة فى احياء واماكن واوقات معينة.
تقولين وجدوها فى شارع مظلم فالامر لايعدو واحدا من اثنتين:اما ان البنت خرجت ليلا أو انهم لم يبدءوا البحث عنها الا بعد أن أظلمت الشوارع والامرين خطأ شديد لعلنا نتعظ منه ولانقلد الغرب فى كل ما يأتى منه من تسيب للفتيات وخروج بمفردهن وتأخرهن بالخارج.بدلا من أن يقع المحظور ثم لايفيد ندم ونلقى الاتهامات على الاخرين فكلنا راع وكلنا مسئول عن رعيته.
جزاك الله خيرا أن افسحتى صدرك لى وتقبلى مودتى

عمر المصرى يقول...

حسبنا الله ونعم الوكيل
أعتقد أختى الكريمة أن هذا الموقف يمثل مواقف كثيرة فى حياتنا اليومية فكم نرى من إنتهاك لحقوق الإنسان وصمت وعدم لامبالاه من الكثير وإهمال من أصحاب الواجبات
اللهم ردنا إليك مردا جميلا

cute يقول...

انا لله وانا اليه راجعون فى وفاة الاخلاق والقيم والمبادىء
وحسبنا الله ونعم الوكيل

The Queen يقول...

ربنا يسترنا فوق الارض وتحت الارض وينتقم من كل من ينتهك حرمات الله
الموضوع انتشر بشكل كبير جرائم الاغتصاب والخطف وانا شايفه الحل ان اللي يقع في ايد الشرطه من الذئاب البشرية دي يعدم شنقا في ميدان عام ويترك ليكون عبره لمن يعتبر واعتقد ان ده كمان اخف حكم ممكن يحكموا بيه على الاشكال دي

شكرا لك

موجة يقول...

موناليزا
انا داخل ارد على تعليقك عندي
و كنت مجهز تعليق كان فيه من الفكاهة الكثير و لكن الموضوع اللي انتي كاتباه صادم قوي
حقيقي ربنا يرحم البنت و يتولاها و يعين اهلها و يصبرهم على موتها و على الموقف ، الموقف مش الفضيحة
لان الفضيحة من نصيب اللي عمل بارادته حاجة ينكسف منها هو الجاني
و بالنسبة للمسؤولية لكل طرف فانا معلش باستثني اللي لقاها لاول مرة من المسؤولية فهو ما ينفعشي يغطيها يا امة الله لان دي جريمة لازم البوليس ييجي الاول يرفع بصماته و يشوف شغله
و والله انا اعرف مصايب كتير بسس مواقف شهامة زي دي اتدبس فيها الشهم ده
و الحياة هي اللي بتخليكي لو لقيتي ميت او جريح بيموت غلى طريق ما تاخديهوش في عربيتك لاقرب مستشفى علشان ممكن يكوت في عربيتك فتبقي انتي الجاني
لكن المسؤولية من اول الاسعاف و الشرطة الي كان المفروض يغطوها

لكن ردي على تعليقك :
monaliza
♥ ♥ ♥ ♥ ♥
شكرا لمرورك عندي يا موناليزا
حقيقي البعاد خلى الواحد اكثر اعتمادا على نفسه و خصوصا اني كمان كليتي كانت في القاهرة بعيد عن اقاربي في المنصورة و دا برضه دافع للاعتماد على النفس بدرجة كلية عندك حق
لكن البعد ما خلانيش اتفطم عن حنان الام او احس اني ماعدتش محتاجه او كده
لا اول ما باشوفها لازم ادخل في حضنها و انهل من حنانها اللي باحس انه بيزيد مع البعد
مش زي ما بيقولوا :
البعيد عن العين بعيد عن القلب
هههههههههههههه

appy يقول...

لا اله الا الله ولا حول ولا قوة الا بالله
بجد مش عارفه بس بعد كلامك مفيش حاجه تتقال
ربنا يقومها بالسلامه ويعرفوا مين اللى عمل كده وكل واحد ظلمها حسبى الله ونعم الوكيل فيه

رئـــــيسـة حزب الأحلام يقول...

استغفر الله ربنا يرحمنا ويستر اعراضنا يارب امين

كرياكو يقول...

لا حولة ولا قوة الابالله

فاضل اية تانى
هنسمع اية تانى

من اول المجرم للناس للرجال الاسعاف
للدكتور

هقول اية
لا حولة ولا قوة لا باللة

همس الاحباب يقول...

لا حول ولا قوة الا بالله
حسبنا الله ونعم الوكيل
لاتعليق فانتى جزاكى الله خيرا قلتى كل شىء
لكل انسان شاهد او نفذ او ساعد فى هذه الماساة .
تحياتى ليكى

منى يقول...

مش عارفه اقول ايه؟
ربنا معاها
ومعانا
اللهم سترك وعفوك ورضاك
حسبى الله ونعم الوكيل

عبدالرحمن ياسين يقول...

لا إله إلا الله ..
إن الله يمهل ولا يهمل ..حتى إذا أخذ بيد العبد ..أخذه فلن يفلته ...

وا مصيبتاه ..وا مصيبتاه ..

متى سيزول هذا الألم عن الأمة ..متى؟؟؟



اللهم عليك بمن ينتهكون محارمك.

اللهم عليك بمن ينتهكون محارمك.

اللهم عليك بمن ينتهكون محارمك.

monaliza يقول...

أمواج
اختى الحبيبة:أسعدتنى زيارتك جدا وقوليلى بقى احنا جيران ولا بلديات؟
اما عن تعليقك ياحبيبتى فنعم لم يعد للدنيا امان فالمجنى عليها كانت ذاهبة الى جارتها فمن حقناإذن ان نقول على الدنيا السلام
جزاكم الله خيرا لحميتك وأسألكم الدعاء
نورتى مدونتى وارجو دوام التواصل
***********************************
إمام الجيل
جزاكم الله خيرا وربنا يتقبل دعائك
*********************************
ammola
وعليكم السلام ورحمة الله وبركاته
أهلا بيكى اختى الحبيبة ونورتينى
ولن اقول عليكى متشددة ولا حاجة لأن انا كمان بناشد بده جدا ولكن عذر اهلها ان المجنى عليها كانت ذاهبة الى جارتها يعنى مش معقول توصل للدرجة دى
ولكن قدر الله وماشاء فعل وحسبى الله ونعم الوكيل فيمن ينتهك محارم الله
أشكرك على تعليقك وارجو دوام التواصل
***********************************
عمر المصرى
معك كل الحق اخى الفاضل فلو لدينا نظام أمنى شديد الصرامة لما تجرأ احد على فعل هذه الفعلة المشينة
جزاكم الله خيرا واسألكم الدعاء
***********************************
cute
جزاكم الله خيرا على هذا التعليق البليغ فقد اختصرت كل شئ فى هذه الجملة "إنا لله وإنا إليه راجعون"
***********************************
the queen
أختى الحبيبة :أسعدنى تعليقك وانا عندى عقاب تانى غير الاعدام فالموت راحة لأمثال هؤلاء اقترح إجراء عملية إخصاء فى ميدان عام ايضا حتى يفقد رجولته الى الابد ذى ماهى فقدت كل حاجة
نورتى مدونتى وارجو دوام التواصل
**********************************
موجة
أخى الفاضل:أسعدنى تعليقك لانه بصراحة وضحلى حاجة مفكرتش فيها خالص وهى ان المنقذ ممكن يتدبس فى الحادثة بس كان كل قصدى بدل ناوى يعمل خير كان يكمله ولو سألوه ضيعت البصمات ليه كان يقوللهم كنت بسترها
اما عن ردك على تعليقى فده معناه اننا بلديات وبجد عاجبنى اوى درجة الارتباط الوثيق بينك وبين مامتك ربنا يخليهالك يارب وتفضل تاخد من حنانها كده على طول
نورت مدونتى وأشكرك على تعليقك
***********************************
appy
اختى الحبيبة:جزاكم الله خيرا على حميتك وأسألكم الدعاء
***********************************
رئيسة حزب الاحلام
اختى الحبيبة:جزاكم الله خيرا وربنا يتقبل دعائك
**********************************
كرياكو
نقول حسبى الله ونعم الوكيل
جزاكم الله خيرا على حميتك
***********************************
همس الاحباب
جزاكم الله خيرا يا أستاذ خالد واسألكم الدعاء
***********************************
منى
أختى الحبيبة:لا يوجد مايقال اجمل من دعائك لها ربنا يتقبل منك وجزاكم الله خيرا
***********************************
عبد الرحمن ياسين
اخى الفاضل :جزاكم الله خيرا على حميتك وربنا يتقبل دعائك

أحلام عمرنا يقول...

قصة مؤثرة
صحيح الضمير عندنا خلاص بدأ يزول بقى عندنا شيء من البرود والبلاده واللا مبالاه مش عارف احنا بقينا كده ليه
بس شكرا ليكي عشان انتي نبهتينا لأشياء بتحصل واحنا مش واخدين بالنا او ممكن احنا مبقتش تعني لنا شيء

monaliza يقول...

أحلام عمرنا
بقينا كده عشان بعدنا عن ربنا ومعدناش بنخاف منه بقت كل حاجة عادى حتى الخوض فى اعراض الناس بقى برضه عادى
اللهم ردنا اليك مردا جميلا
اللهم لاتأخذنا منك الا اليك
نورت مدونتى وأشكرك على مشاركتك

mostafarayan يقول...

لو كان ماتقوليه حقيقياهذه مصيبة بل كارثة
بل انذار شؤم لوفاة اجمل شيئ كان يمتلكه المصريون شيء اسمه النخوة

monaliza يقول...

mostafarayan
اهلا بيك يا استاذ مصطفى وللاسف الشديد انه واقع وليس انذار شؤم للمصريين فقط بل للمسلمين كافة
نورتنى واشكرك لمشاركتك