السبت، 19 أبريل 2008

بتشجع إيه؟

لفت نظرى هذا الحوار بين طفل صغير وصديق والده
- أنت أهلاوى ولا زملكاوى يا حبيبى؟.
- زملكاوى طبعا.
- حد يشجع النادى ده.
- ده أحسن نادى الأهلى ده مابيفهمش حاجة و.... و.....

وأصبحت خناقة حامية الأطراف بين طفل لايتعدى عمره السبع سنوات وبين رجل تعدى الاربعين.

وصدق رسولنا الحبيب حينما قال"ما من مولود إلا ويولد على الفطرة فأبواه يهودانه او يمجسانه او ينصرانه فطرة الله التى فطر الناس عليها لاتبديل لخلقها"

فهذا الطفل قد يكون موجود فى الإستاد مشجعا لفريقه وبعد أى مباراة تجده فى الشارع هاتفا ومهللا إذا مافاز فريقه ويستمر الحال إلى أن يكبر وييصبح لاعب فى هذا النادى هذا لو أمكن طبعا أو يظل متعصبا له.



كل هذا لأن أبواه منذ الصغر وضعوا فى ذهنه وقلبه حب هذا النادى وكان يجد المنزل اثناء المباراة فى صمت تام ومتابعة باهتمام وإنصات تستمر إلى مابعد انتهاء المباراة وسماع تحليل المباراة فالبيت فى حالة طوارئ (النهاردة الماتش) ومش كده وبس ده طبعا بيكون متابع كل أخبار النادى واللاعيبة وآخر القرارات والتطورات الخاصة بالنادى ورأى الناس وغيرها من الاهتمامات.
وأول صفحة يقرأها فى الجريدة هى الرياضة وبرامجه المفضلة كلها عن هذا الفريق وتخيل لو حصلت مشادة كلامية مابين طرفين أحدهما أهلاوى والاخر زملكاوى-هذا على سبيل المثال-أكيد هتنتهى بخناقة وممكن جدا لو أصحاب يتخاصموا وميكلموش بعض لفترة قد تطول وقد تقصر بسبب تعصب كل فرد للنادى المفضل لديه.
وقد يكره شخص دون سابق معرفة لمجرد أنه يشجع النادى المنافس.
يلفت نظرى دائما الشعب المصرى أثناء مباراة للمنتخب المصرى او لأحد الأندية مع نادى من دولة أخرى بيعجبنى أوى ترابطهم ودعواتهم طول المباراة وقبلها بفوز فريقنا على منافسه وأشعر أوقات كثيرة بأن سبب فوز مصر فى عدة مباريات ترجع لدعوات الشعب المصرى.
فلماذا كل هذا الحب لشئ فانى ولا يفيد المشجعين سوى إهدار الوقت وحرق الاعصاب فكثيرا ماسمعنا عن من أصيب بأزمة قلبية اثناء مشاهدته المباراة أو عند خسارة النادى المحبوب لديه وغيرها من الحوادث المؤسفة.
وهذا يجعلنى أتسائل
هل هذا شعورنا نحو إسلامنا؟
وكيف لا نستحمل إهانة نادى نشجعه ونستحمل إهانة إسلامنا؟
كيف تشترى شئ من بائع يسب والدك؟
كيف تأكل من يد شخص يشهر بك ويقول عليك ماليس فيك؟
كيف تتعامل مع من يسبونك؟
كيف تصافح من قطع يدك؟

فلو أنشأنا أطفالنا على حب الله ورسوله وكانوا عندنا أغلى من أنفسنا وأموالنا وأهلنا لكان عندنا أمثال عمر بن الخطاب وخالد بن الوليد وغيرهم من الصحابة والتابعين رضوان الله عليهم.
اللذين لايخافون من الحق لومة لائم والذين أعزوا الإسلام فأعزهم الإسلام.

أوجه ندائى إلى أولياء الأمور والمعلمين وإلى من هو مسئول عن نشأة الطفل والتاثير فى سلوكه وأقول لهم:
الطفل صفحة بيضاء فاكتب فوقها ماشئت فلن تقرأ الا ماكتبت.


هناك 96 تعليقًا:

عصفور المدينة يقول...

وبئس ما يكتبون في هذه الصفحات البيضاء

dr_modymodak يقول...

انا اهلاوي طبعا هههههه بس والدي زملكاوي

ما هو برده يا موناليزا زي ما بيتفرج مع والده عالماتش والده بياخده في كل صلاه معاه وملبسه الجلابيه بيبقي منظر الواد من دول حاجه بجد زي العسل

علفكره البيت المصري مش هقول الكل هقول المعظم بيربوا اولادهم منذ الصغر علي حب الله ورسوله والصدق والامانه وانا بشوف كده بعينيا

ففعلا تنشئة الطفل منذ الصغر بتكون تنشئه اسلاميه لما يكبر بقي الواد سبحان مغير الاحوال يا اما يبقي متدين اوي اوي يا اما يبقي في الضياع ههههههه

بيوتنا بخير يا موناليزا

KHALED يقول...

ياليتهم يفهمون ما أشرتى الية فهو غاية فى الاهمية ..
بوست جديد مهم أحييكى علية
تحياتى و دمتى بكل الود

بطوط حبوب يقول...

فلو أنشأنا أطفالنا على حب الله ورسوله وكانوا عندنا أغلى من أنفسنا وأموالنا وأهلنا لكان عندنا أمثال عمر بن الخطاب وخالد بن الوليد وغيرهم من الصحابة والتابعين رضوان الله عليهم.
اللذين لايخافون من الحق لومة لائم والذين أعزوا الإسلام فأعزهم الإسلام.

اضظن ان هذا اختصار لكل المجلدات التى تتكلم عن تربيه النشأ

اللهم اهدنا يااارب

واحد من البلد دى يقول...

دمتى سباقة إلى الخير ...المشكلة فى أولياء الأمور أنهم لا يسلسلون أهتمامات أبنائهم...أعنى..لا يقومون بتربية أبنائهم على مبدأ...المهم...فالأهم...فالأكثر أهمية..بمعنى..-وأناشخصيا أفعل ذلك-أن أعرف إبنى أن الرياضة مهمة..ولكنها عندما تتعارض مع العمل يصبح العمل أهم...وأن العمل مهم ولكنه إذا تعارض مع الصلاة.كانت الصلاة أهم....المشكلة هى فى المبالغة فى المشاعر...فلو يحب الفرد-لن أقول دينه ولا نبيه-أمه مثل ما يحب ناديه المفضل..لقبل قدميها قبل يداها.....فعندما تسألين شخصا..هل تحب أمك..قد يتشاجر معكى ويثور..قائلا..طبعا وهل تشكين فى ذلك؟؟وعندما تسأليه ما دليلك على ذلك الحب؟؟؟قد يتلعثم-بل من المؤكد أنه سوف لا يجد الإجابة-خلاصة تعليقى أن المشكلة تكمن فى أننا نقول ما لا نفعل والمصيبة الكبرى أننا نربى أبنائنا على ذلك...فالأب يأمر ولده بالصلاة وهو تاركها..ويطلب منه عدم التدخين ويعدد له فى أضراره..والسيجارة لا تفارق فمه........المشكلة فى كلمتين......(غياب القدوة)

Ahmed Mubarak يقول...

كويس انه طلع عاقل ومضربش الرجل ابو اربعين سنه ..
ده لسه قدامه مشوار علشان التعصب .. لما يبدأ يضرب يبقى دخل في السليم

تحياتي

همس الاحباب يقول...

عزيزتى موناليزا
طبعا انا متفق معك فى وجهة نظرك وكلامك قلبا وقالبا واتمنى ذلك ان يحدث فى مجتمعنا ليخرج اجيال تعرف دينها وتحب وطنها
ولا امانع فى تشجيع فريق ما بس بدون تعصب اعمى وبشرط لا يوخرك عن عملك ولا عبادتك ويليهك عن دينك
واجابتك على التاج السابق جميلة وموفقة
تحياتى لكى

صوت من مصر يقول...

انا اهلاوى ياريت التشجيع يبقى كله للاهلى وبس
اول تعليق

الهدهد الطائر يقول...

موضوع مميز يستحق المناقشة.

أنا أرى ان الدافع وراء التعصب الكروي هو الرغبة في خصوصية الانتماء المتميز و كذلك الرغبة في النجاح.
فكما نرى ان الانسان في بعض المجتمعات أمكاناته لا تتوافق مع تطلعاته و في نفس الوقت هو يرى أن هذه التطلعات هي أمر مسلم به. و غالبا عندما لا يستطيع تحقيقها يكتفي بأعلان انتمائه الى الجماعة التي يرى بأنها قادرة على تعويض تلك الفجوة. و هنا هو موطن الخطورة .. لأن النجاح في هذه الحالة أصبح فرض كفاية ففي حالة حدوثه يتم نسب النجاح إلى من لم يكن طرف فيه.. و كذلك الفشل.
بالطبع من المستحيل تغيير هذا الواقع فهو أصبح جزء من هوية المشجع
و لكن نستطيع أن نعتبر ذلك معيار نقيس به حقيقة امكاناتنا الحقيقية.

.... تحياتي.......

موناليزا يقول...

عصفور المدينة
معك حق اخى الفاضل فالصفحات تم تلويثها ولذلك فلنعمل جاهدين على اللحاق بمن لم يعبثوا فى هذه الصفحات بعد
أشكرك لمشاركتك
دمت طيبا ولمدونتى زائرا
***********************************
dr_modymodak
متفقة معاك جدا يادكتور ولكنى اتكلم عن الاولويات يعنى ممكن اب ياخد ابنه لصلاة الجمعة مثلا ومش بياخده فى بقية الفروض ده لو الاب اصلا مواظب على الصلاة فى الجامع وياسلام بقى لو الاب متعصب لنادى معين مثلا وجه وقت الصلاة تفتكر هيسيب الماتش ويقوم يصلى ؟!؟
بس شكلك اهلاوى متعصب يادكتور هههههههه وربنا يستر على ولادك وميبقوش متعصبين كده ههههه
اشكرك لمشاركتك
دمت طيبا ولمدونتى زائرا
**********************************
khaled farag
أهلا بيك يا استاذ خالد واشكرك لانك توصلت الى الهدف الحقيقى من البوست
دمت طيبا ولمدونتى زائرا
***********************************
بطوط حبوب
ربنا يكرمك وهذا فعلا ماقصدته
ايوة كده رفعت من روحى المعنوية
ربنا يوفقك ويعزك
دمت طيبا ولمدونتى زائرا
**********************************
واحد من البلد دى
اسعدنى تعليقك جدا فقد بينت لى ان موضوعى هدفه واضح ربنا يكرمك ويعزك
واحييك على تربية اولادك بهذه الطريقة وربنا يجعله فى ميزان حسناتك
دمت طيبا ولمدونتى زائرا
*********************************
ahmed mubarak
اهلا بيك يا استاذ احمد بس ان شاء الله مش هيوصل لمرحلة الضرب احنا عايزين نحاول نظبط الاولويات عنده وبدل مايتعصب اوى كده عشان نادى يهتم بدينه وبمذاكرته ده اللى هيفيده
أشكرك لمشاركتك
**********************************
همس الاحباب
أشكرك استاذ خالد على تعليقك فقد لخصت موضوعى بكلماتك المبسطة
ربنا يكرمك على مشاركتك وارائك
دمت طيبا ولمدونتى زائرا
***********************************
صوت من مصر
طيب لو الزمالك وهولندا بتلعب هتشجع مين؟
***********************************
الهدهد الطائر
اهلا بيك
أشكرك جدا لانك اوضحت نفسية المشجع لفريق ما بتعصب شديد ولانى فعلا كنت معترضة على تعصب اب للنادى بهذه الطريقة فسبحان الله لقيته بيقوللى نفس تعليقك وانه بيعتبر نجاح هذا النادى نجاح له هو وطبعا ولاده بيفكروا بنفس التفكير
هو ممكن يكون محتاج ينتمى لحاجة بس انا رايى انه لو انتمى لدينه اكتر هينجح فى الدنيا والاخرة وانا معاك طبعا ان التغير مش سهل بل يكاد يكون مستحيل ولكنها دعوة منى لان نعطى لكل امر حجمه الطبيعى حتى ننشأ اطفال ليس بهم من التصرفات الخاطئة الموجود عليها ابائهم
أشكرك لمشاركتك
دمت طيبا ولمدونتى زائرا

Gannah يقول...

أختى الكريمة
جزاكى الله خيرا على هذا الموضوع. أنا معك فى أن المبالغة فى الاهتمام بالكرة لا مبرر لها و خاصة اذا شغلت الشباب عن اداء الفروض . لا مانع من ممارسة الرياضة بل ان عمر بن الخطاب حث عليها فقال علموا اولادكم الرماية و السباحة و ركوب الخيل و لكن اذا كنا نربى اولادنا مثل سيدنا عمر رضى الله عنه فسيكون عندنا ملايين من امثال عبد الله بن عمر و احفاد مثل عمر بن عبد العزيز. وقد يكون للاعب الكرة تأثير كبير اذا كان يتقى الله و قد رأينا ما فعله لاعب مثل ابو تريكة حينما اعلن للعالم عن مساندته لغزة. أظن أن الأباء و الأمهات يواجهون تحديات كثيرة فى تربية اولادهم و يحتاجون للقراءة فى تاريخ الاسلام لنعرف كيف ربت اسماء بنت ابى بكر اولادها و كيف كان الرسول عليه الصلاة و السلام يتعامل مع الاطفال والله يكون فى عون الجميع.
تحياتى

Hossam Nasr يقول...

السيدة Monaliza

جزاكم الله عن الإسلام خيراً

إحترامي وتقديري

مشروع انسان يقول...

جميل

كنت سمعت شريط منذ رزمن للشيخ محمد حسان باسم شباب علموا العالم وشباب كأس العالم
كان بيتكلم عن هذا المنحى
وكيف كان شباب الامة قديما وكيف اصبحوا

والمخططات اللى وراء مثل هذه البطولات
وكيف كمان ان الناس التفوا حولها ونسيوا ظروفهم ومشاكلهم

محدش يقدر يحسن الظن ان الحكومات ملهاش يد فى مثل هذا الامر
والاهتمام الكبير بالبطولات وحضور كبار القادة لها ومتابعة الفرق
وووو

وللاسف الناس مستسلمة
واكيد بتربى اولادها على كده
ربنا يهدى

موناليزا يقول...

gannah
اختى الحبيبة:أشكرك جدا لتعليقك ومعك كل الحق فالتعصب فى كل شئ مرفوض واطفالنا مسئولية كبيرة فى اعناقنا نرجو ان نكون قدها ونجعلهم قدوة صالحة للاخرين والحل ان نبدا بأنفسنا اولا
نورتينى وجوزيتى خيرا على مشاركتك
***********************************
whispers just for anight
الاخ الفاضل/ ربنا يعزك ويعز الاسلام بيك وجزاكم مثل مادعوت لى به
وارجو ان اكون قد وفقت فى كتابة الموضوع وطرحه كما اقترحت عليا من قبل
فجزاكم الله خيرا على افكاركم البنائة
دمت طيبا ولمدونتى زائرا
***********************************
امام الجيل
الاخ الفاضل/وهذا بالظبط ما اقصده ان نستيقظ من غفلتنا ونوجه اهتماماتنا واهتمامات اطفالنا على وجه الخصوص الى مايفيد فى الدنيا والاخرة
أشكرك لمشاركتك وارجو دوام التواصل

د/اجدع بنوته يقول...

تربية الاطفال دى شبح كبيييييييير

ان الواحد يبقى مسئول عن تكوين فكر وشخصية بنى ادم

يارررررربى

ربنا يقدرنا ع دى مسئوليه فعلا

الواحد حاسس انه محتاج يقرى ف عشرات م كتب سيكولوجية الطفل

وبعدين يبقى يقرر انه قادر يشيل مسئولية طفل

تحياتى

Tamer Nabil Moussa يقول...

كلامك مضبوط

مش عيب كل فرد يكون لية نادى بيحبة

بس المهم يكون عارف ان الرياضة مكسب وخسارة ومش عيب انى اخسر


المشكلة ان الواحد من وقت وهو طفل مدش علمة ثح زى ما يحب النادى ازى يكون التعامل مع الاخرين

ربنا يهدى

تحياتى

أم حبيبه يقول...

السلام عليكم
ازيك موناليزا


صدق رسول الله صلى الله عليه و سلم

بوست جمييييييييل جدا لأهميه الامر


تنشأة جيل يؤمن بالاسلام كـ أن يكون الاسلام حياته مش موضوع بسيط و لكن يريد من يؤمن به

اما عن موضوع الكوره

انا اهلاويه
بس عودونا فى البيت ان فى حاجه اسمها منافسه شريفه و ان الرياضه لازم يكون فى غالب و مغلوب لكن ده وقت الماتش بعد كده كلنا حاجه واحده

فأعتقد ان دى بتكون ثقافه حسب البيئه

و ممكن ننقل للأطفال قيم كتير جدا عن طريق الرياضه


جزاكى الله خيرا حبيبتى

على البوست:-*

Hosam Yahia حسام يحيى يقول...

انا زملكاوى سابق


زمهلاوى بعد النتائج المفرحه للزمالك

:D

Unknown يقول...

انا بقى اخواتى مع انهم ملتزمين نسبيا الا انهم تحسى انهم بياخدوا الكورة حجة عشان يضربونى
انا اهلاوى لو كسبنا أضرب ولو خسرنا بارضه اضرب لو شجعت الزمالك معاهم يضربونى برضه لانى اكيد نحس ووخليتهم يخسروا........الخلاصة ان فعلا الموضوع بقى مستفز لما تلاقى واحد بيسأل التانى عن ناديه وبعدين يقوله هو انت مش هتسلم ربنا يهديك كأنه كان كافر الاوول
حاجة تخنق

الربان يقول...

تحياتي

اشكرك علي هذا الموضوع، فالتعصب شيء مقيت...و غالبا لا تحمد عقباه.

كما ذكرتي حضرتك...يجب الا نلوث نفسية
اطفالنا بهذه الامور.

لكن أيضا يجب ان نعلم ابنائنا ثقافة
تقبل الفوز او الهزيمة....فالرياضة فوز
او هزيمة...و في حالة الفوز ينبغي الا
يتعالي الفائز...و في حالة الهزيمة ان يعلموا ان الرياضة فائز و مهزوم..و ان عليهم ان يعرفوا سبب الهزيمة ليتلافوها....


تحياتي و تقديري...
دمت بالف خير.

اوعى تفكر يقول...

الشعوب الاسلاميه الان لا تهتم بالاولويات
ايام كاس الامم الافريقيه كان الناس على القهاوى وفى الشوارع بيتفرجوا على الماتش والرسول يسب وغزه تذبح
وطلعت مظاهرات الافراح والسهر حتى الصباح بمناسبة فوز مصر
انا مش بنتقد ان احنا نفرح بمصر
لكن لو كان طلع ربع الناس ديه
فى مظاهره لنصرة غزه او نصرة الرسول
كان حالنا اتغير
انا على العموم بحيي كره عادى لكن
مش بحطها فى اولوياتى
انا زملكاوى على فكره

zOzO يقول...

اختي الحبيبه
بجد انتي هايله
مواضيعك بتعجبني
وانتي فعلا بتذكري كتير بالموضوع ده


الاهل بيسعوا الماتش والاطفال جبنهم بيتعملوا
زي التدخين بالظبط
وغيره وغيره



اتمني ان صوتك وكلامك العسل ده يوصل لكل الناس


تحياتي وحبي ليكي

روابط يقول...

موناليزا

الرياضة فى حد ذاتها ليست عيب أو حرام بقدر علمى,ومنذ نشأت الرياضة وهى قائمة على التنافس مابين هذا وذاك

وكون الرياضة اصبحت تحتل اكبر من حجمها او تطغى احيانا وعند البعض على اهتمامات اخرى, فهذه أزمة مجتمع ككل, مجتمع بأكمله ابتعد عن الله وتعاليم نبيه, مجتمع اصبح يحيا على الفتات والقشور فى كل شئ من العلم للدين

لم استوعب العلاقة مابين ولادة الطفل على الفطرة وبين كونه يشب يشجع هذا النادى او ذاك او يمارس رياضة او اخرى, فعلى حد علمى لا تعارض ما بين الرياضة والدين,فالفاروق عمر رضى الله عنه هو القائل علموا أولادكم السباحة والرماية وركوب الخيل

اما موقفهم من من يسبون رسولنا الكريم فنابع من جهل مركب وضعف مسكون فينا, والله المستعان

تحياتى

احساس لسه حى يقول...

عزيزتى
اهو قضى اخف من قضى والطفل لما حب الكرة اهى رياضه
لاكن بقه اللى يخلوا اولادهم يحبوا الرقص ولا يحبوا الاغانى ولا ما يصلوش ولا بيصلوا ادامهم دى مصيبه

اه الكره اخدت اكبر من حجمها

بس اكيد لو قولتنا ايه احسن الوحش

هنقول مفيش احسن من الكره او اى رياضه

سلام

wanna b a physician يقول...

بصى انا اهلاووووى طبعا
بس ماتفرقش عندى يعنى اوى الحكاية دى موضوع نادى منافس او كدا باخدوه بهزار مش اكتر مع اصحابى القريبين او قرايبى لكن عادى ومش شرط التعصب او ان الواحد يسيب كل حاجة ويهتم بس بكدا
طبعا فى ناس كدا والغلط يعود الى البيئة المحيطة والتربية والنشأة زى ما قولتى وصدق الرسول الكريم
تحياتى

آفاق الحرية يقول...

للأسف زي ما حضرتك تفضلتي بنغرس فيهم حب التليفزيون والمباريات
لكن لانغرس فيهم حب سماع القرآن
لانغرس فيهم حب الله ورسوله
لاحول ولا قوة الابالله
ربنا يهدينا
تحياتي

عاشــــــ النقاب ـقــــة"نونو" يقول...

السلام عليكم حبيبتي موناليزا
بحمد الله وفضله من علي ربنا بان في بيتي لا زوجي ولا انا نطيق حاجة اسمها كورة
والحمد لله ما بنفهمش كمان ومش عاوزين نفهم فيها
وبشاركك استغرابك من الناس اللي الدنيا بتقف ساعة ما يكون فيه ماتش
وبشوف القهاوي بعيد عنك وانا ماشية مترصرص الناس فيها وكانهم رايحيين متابعين اخبار الحروب ايه
وبفضل اقول تفتكر يا بابا لو نادوا للجهاد هيجي نفس العدد دة ولا الواحد بيحلم
انما فعلا المشكلة لما تلاقيهم بيشخبطوا في الصفحات البيضا دي
معايا 4 صفحات ادعولي ربنا يكرمني فيهم
متالقة كالعادة وكاريكاتيرك معبر وظريف
تحياتي

موناليزا يقول...

د/أجدع بنوتة
أختى الحبيبة:أحييكى على احساسك الذى ينم عن شخصية ناضجة تعرف حجم مسئولية تربية الاطفال وتريد التعلم حتى تنشأ جيل تتباهى به ولذلك ياسمسم لازم تبداى من دلؤتى تعرفى انى اختارت تخصص رياض الاطفال مخصوص عشان كده
ربنا يرزقنا بالذرية الصالحة ويوفقك
نورتينى ياقمر واشكرك لمشاركتك
**********************************
tamer nabil
اهلا بيك استاذ تامر واشكرك على مشاركتك والمشكلة التى ذكرتها هى دى مربط الفرس وده اللى انا بحاول أقوله عايزين ترتيب لاولويات الفرد منذ الصغر
دمت طيبا ولمدونتى زائرا
***********************************
ام حبيبة
أختى الحبيبة:انا متفقة معاكى ان الرياضة مهمة وعن طريقها نستطيع ان نعلم الاطفال قيم كثيرة ولكنى لا اعترض على الرياضة انا انقد تصرفات منفرة تصدر من الكثير تؤذيهم وتؤذى غيرهم بالاضافة الى اهمال الجانب الدينى بالمقارنة باهتمامهم بالرياضة فاعطى كل ذى حق حقه
نورتينى واشكرك لمشاركتك
***********************************
حسام يحى
وياترى هتخلى ولادك يشجعوا ايه؟
**********************************
sasatifa
دى تلاكيك بقى عشان يضربوك وخلاص ما يمكن مضايقين منك فى حاجة تانية وعموما انا لو مكانك متفرجش معاهم على ماتش تانى والمثال اللى انت ذكرته ده بيدل قد ايه الناس بعيدة يعنى ايه اقول لواحد انت مش هتسلم لمجرد انه مابيشجعش النادى بتاعه وده يخلينى أسأله بجد لو قابل شخص مش مسلم برضه هيقوله كده؟
اللهم ردنا اليك مردا جميلا
دمت طيبا ولمدونتى زائرا
**********************************
الربان
أشكرك جدا على مشاركتك وتعليقك البناء وفعلا الرياضة اخلاق وبها نتعلم تصرفات عديدة ولذلك أأمل ان ننشأ اطفالنا بانها وسيلة وليست غاية
دمت طيبا ولمدونتى زائرا
***********************************
اوعى تفكر
أشكرك على مشاركتك واحييك جدا على رأيك القيم وهذا فعلا ماقصدته لماذا نهتم بشئ فانى ونترك الاهتمام بشئ خلقنا الله من أجله لماذا لانزن الامور ونضع كل امر فى مكانه الصحيح
دمت طيبا ولمدونتى زائرا
***********************************
zozo
اختى الحبيبة:أشكرك لمشاركتك وهذا فعلا ماقصدته القدوة الحسنة وتأثيرها على الاخرين
نورتينى ياقمر ودمتى بخير حبيبتى
**********************************
حازم سويلم
اهلا بيك استاذ حازم واشكرك لمشاركتك ولكنى لم اقل قط ان الرياضة حرام فديننا الحنيف يدعو اليها وقصدى ان الطفل يولد على الفطرة وكانه صفحة بيضاء فاذا كتب اهله عليها اى من الصفات السيئة كالتعصب لاى شئ سيجدونها حين الكبر وبالمقابل ايضا اذا كتبوا عليها حب الله ورسوله اهم من اى حب تانى اكيد برضه هيشوفوا ده لم اقصد الاهتمام بالدين وترك بقية امور حياتنا بالعكس انا فقط ادعو الى ترتيب الاولويات فى حياتنا
دمت طيبا ولمدونتى زائرا
*********************************
احساس لسة حى
أنا متفقة معك فى هذا التفكير احسن الوحشين ولكنى اسعى الى ماهو اجمل وهو طاعة الله وتعليمها للاطفال منذ الصغر حتى ينشأوا عليها
معاك ان السلبيات اتنشرت بكثرة ولكنى ادعو الى مواجهتها وعدم الاستسلام لها
دمت طيبا ولمدونتى زائرا
***********************************
wanna b aphysician
اهلا بيك واحييك على روحك الجميلة وهذا ما اقصده نعطى للامور حجمها الطبيعى
نورت مدونتى واشكرك لمشاركتك
**********************************
افاق الحرية
الخ الفاضل/ اشكرك لمشاركتك ونحن نأمل ان نغير انفسنا ونواجه السلبيات فى تنشأة الاطفال
دمت طيبا ولمدونتى زائرا
**********************************
nonoymm
وعليكم السلام ورحمة الله وبركاته
اختى الحبيبة:ربنا يكرمك ويبارك لك فى زوجك وابنائك
وهذا فعلا ما احاول توضيحة لماذا كل هذا الاهتمام بشئ فانى ولا نهتم بماهو خير وابقى
ربنا يبارك لك فى صفحاتك الجميلة ويقدرك على تربيتهم تربية اسلامية ويجعلهم لك قرة اعين ويفرحك بيهم يارب
نورتينى وتسعدنى زيارتك دائما
***********************************

ghoneem يقول...

اهلاً بحضرتك

موافق تماماً ومؤيد كل كلمة يحملها البوست المتميز ده

الكورة دي مرض مزمن وانا مبتلي بيه للأسف كنت بالعب كورة كمان في نادي بس الطب خلاني بطلت

بس فعلاً عن تجربة هي ادمان وبتاخد الوقت جداً لو مجرد هواية وممارسة رياضة ماشي بس صورة التعصب واضاعة الوقت دي بتبقي المشكلة

بس هية موضة العصر ومدارس الكورة للناشئين دي مشكلة مدارس خاصة وكل حياته كورة ف كورة

ربنا يهدينا ويرزقنا حسن تربية ابنائنا لحمل لواء الدين

تحياتي

بالتوفيق......

فاتيما يقول...

متفقة معاكى جدا يا موناليزا
الطفل فعلا نتاج ما يراه فينا
و أنا فى موضوع الكرة دا لأنى اهلاوية خليت يوسف يشجع الأهلى معايا بس تشجيع هادىء و خليته غير كتعصب نحو الأندية الآخرى ...
و قيسى على كدا حاجات تانية كتير ..
انه يتعلم يقبل الناس المختلفة فى رأيها عنه و محدش يجرح حد
و اتمنى يكون دا منهجه طول عمره و متجيش عوامل خارجية تبوظ اللى عملته
تحياتى يا مونا

ammola يقول...

بالرغم من انى زملكاوية...بس باشجع التدوينة الحلوة
:)
يا حبيبتى احنا عندنا التعصب مش فى الكورة وبس..لا ده فى كل حاجة فى حياتنا.يعنى الدكتور بيتعصب لمهنته والمهندس بيقول ان مافيش احسن من المهندسين وهكذا..مش بنعرف نكون موضوعيين فى انفعالاتنا.

غني يابهيه يقول...

المشكله فعلا فى الابوين
وهتلاقى والده عصبى جدا
وبيشجع بطريقه سيئه جدا


ربنا يهدى
تحيات بهيه

walaa يقول...

فعلا والله لكى تتحرر البلاد مما هى فيه لازم تربية النشىء على حب الله ورسوله وان تكون نصرة دعوة سيدنا محمد
هى اول تفكيره
فعلا الولد على حسب ما يربونه والديه
ولازم كل واحد يكون حريص فى تربية ابناءه
انا على فكره من محبى الكوره ولكن ليست تشغل كل حياتنا مش معنى كلامك انك ضد الكوره مثلا لن البعض قد يفهمنا غلط
ولكن هنا المشكله ان تصبح هى كل حياتنا
بوركتى اختى الكريمه
ولاء

dina seliman يقول...

فعلا عندك حق
التعليم فى الصغر كالنقش على الحجر

asftel7b يقول...

عندك حق
طيب ليه مش نستغل الطريقه دى بدل ما نحببه فى فريق كره نحببه فى طريق الطاعه وحب الخير والعمل الصالح بدل حب الأشياء الفانيه

جزاكى الله عنا خيرا

أحمد بكر يقول...

عارفه الانسان بيتولد و عنده غريزة الانتماء بس لما بيلاقى حال البلد كده بيفقد انتمائه لبلده و لما يلاقى حال المتدينين كده بيفقد انتمائه للدين و لما يلاقى حال اسرته كده بيفقد انتمائه لبيته
و ميفضلش غير الكوره و اللعيبه اللى متدلعين و بياخدوا الملايين فلوس و تشجيع و نجوميه
اهو اى انتماء و السلام

موناليزا يقول...

ghoneem
أحييك جدا يا دكتور على هذه الشجاعة والاعتراف بانك من مدمنيها وأحييك ايضا على استنكارك لهذا وده معناه انه باذن الله مش هتخلى ولادك كده وده فى حد ذاته نية حسنة ونرجو تنفيذها
دمت طيبا ولمدونتى زائرا
***********************************
فاتيما
اختى الحبيبة:ما اجمل الوسطية فى تعاملنا مع الاخرين والاجمل ان ننشأ اولادنا على ذلك
بارك الله لكى فى يوسف وان شاء الله هتلاقيه احسن بكتير
نورتينى حبيبتى ودمتى بخير
*********************************
ammola
اختى الحبيبة:دمك شربات ياقمر
ومعاكى حق فعلا التعصب بقى فى كل حاجة حتى لو على المطربين ولذلك أأمل ان نوجه اهميتنا فى الاتجاه الصحيح
نورتينى واشكرك لمشاركتك
***********************************
غنى يابهية
أهلا بيك فى زيارتك الاولى واتمنى التكرار
وانا معاك طبعا لان ده الهدف الرئيسى من الموضوع القدوة الحسنة
نورت المدونة واشكرك لمشاركتك
*********************************
walaa
أختى الحبيبة:فعلا هذا ما اقصده دور التربية فى نشأة الاطفال عن طريق سلوك الكبار وافعالهم امام الاطفال
نورتينى واشكرك لمشاركتك
*********************************
dina seliman
أختى الحبيبة:اهلا بيكى فى زيارتك الاولى واتمنى التكرار
وحقا عزيزتى هذه المقولة جابت م الاخر
أشكرك لمشاركتك ودمتى بخير
*********************************
asftel7b
اهلا بيك فى زيارتك الاولى واتمنى التكرار
وهذا حقا ما اقصده
نورت مدونتى واشكرك لمشاركتك
***********************************
baker
انا معاك طبعا انه كل واحد محتاج حاجة ينتمى ليها ويشعر معها بكيانه ولذلك حينما دعوت للانتماء للدين لم يكن مقصدى الانتماء للافراد المتدينين ولكن للدين بصفة عامة كتاب الله وسنة رسوله وصدقنى اخى الفاضل ما اجمله من انتماء لانه يفيد دنيا واخرة والنفع لك ولمن حولك
أشكرك بمشاركتك
دمت طيبا ولمدونتى زائرا

بنت الصالحين يقول...

موناليزتي حبيبتي
تدوينتك هايله كعادتك ياقمرايه


بجد فعلا
انا ولاد اعمامي صغيرين وكنت بشتريلهم كتيبات اسلاميه مصورة ومن وهما صغيرين كنت بشجعهم علي الصلاه في المسجد من قبل سبع سنين كمان

وفعلا سبحان الله

بحس انهم ما بيكبروا الجو اللي عاشوه في صغرهم ماثر عليهم لحد دلوقتي

بجد هما صفحه بيضا ولازم ناخد بالنا من اللي بنكتبه عليهم




اجاباتك ع التاج جميله اوي زيك


معلش اعذريني كنت مش بدخل المدونه بتاعتي حتي

بس طبعا قريت اللي فاتني

ربنا يكرمك يارب

دكتور بهــدوء يقول...

فعلا طول عمري بكره التعصب الاعمي للنوادي ده

مجداوية يقول...

أختى الحبيبة
أمة الله

التشجيع والمنافسة فى حد ذاتها ليس بها شىء لكن فيما ينفع وما يفيد دينناولا أعتقد مثلك أن الكورة بها أى شىء مفيد فأنا أؤيدك تماما فى كل كلمة كتبتيها
الكورة تحولت مثل كل شىء لسلعة وتنافس مقيت وبث كراهية أنا عندى للآسف ابن أختى من هذا النوع المتعصب وهو زملكاوى ويكره بشده النادى الأهلى وأعتقد أنه مثلا لن يتزوج من فتاة اذا كانت أهلاوية او والدها أهلاوى حتى لو كانت أفضل البنات !!! ده للآسف كما ذكرت من التربية ,والنصيحة فى هذا الأمر لا تجدى فقد حاولت مرارا لكن هى هداية من الله ليدرك هذا المفتون أن ما فتن به قد ألهاه عن قيم كثيرة فى الحياة تستحق التعصب لها وحبها وأن هناك شرور كثيرة أحق أن نبغضها ليس منها الفرق الكروية,,للآسف الشديد هناك صفحات كثيرة اختفى منها اللون الأبيض
,,كلماتك رائعة أختى الكريمة ونداءك استغاثة أتمنى أن تصل الى كل الأسماع
جزاك الله خيرا, و مني كل الاحترام والتقدير

موناليزا يقول...

عاشقة الفردوس
أختى الحبيبة:وحشتينى جداااااااا
ربنا يكرمك ويبارك فيكى ويجعلك دائما قدوة حسنة للاخرين
نورتينى ياقمر ودمتى بخير وسعادة
***********************************
دكتور بهدوء
اهلا بيك فى زيارتك الاولى واتمنى التكرار
أشكرك على اتفاقك فيما اقول ولعل الجميع يتفق معنا ايضا
نورت مدونتى واشكرك لمشاركتك
**********************************
مجداوية
أختى الحبيبة:دائما تسعدنى مشاركتك البنائة ونعم حبيبتى انها الهداية من الله
وارجو ان تصل استغاثتى لمن هو مسئول عن صفحاتنا البيضاء
اللهم اهدنا فين هديت وتولنا فيمن توليت وبارك لنا فيما اعطيت وقنا واصرف عنا شر ماقضيت

rovy يقول...

بارك الله فيكى ياامه الله
بوست جميل جعله الله فى ميزان حسناتك
وياريت الاباء والمعلميين وكل مسئول عن تربيه ولادنا يأخذوا بالهم من الكلام اللى ذكرتيه ..
وده مش معناه اننا منشجعش ولادنا يكونوا رياضيين و مفيش مانع يشجعوا بس برقى وروح رياضيه عاليه تكون شخصيتهم صح وتعلمهم الاحترام لنفسهم ولغيرهم ..
وفقك الله ودمتى بخير
تحياتى

rovy

غير معرف يقول...

جميل ياموناليزا جزاكي الله خيرا
فعلا الطفل صفحه بيضا اولياء
الامور بيكتبوا فيها ماشاؤا
بس مش عارفه ياموناليزا الاخطاء
الاملائيه كترت سواء عن قصد او دون قصد

khobayb يقول...

وهذه هي مشكلة الأمة من الأساس :

مشكلة تربية !

---

كم والدا يربي اليوم ؟

وكم والدا من هؤلاء يعلم أي شئ ينبغي أن يربي ابنه عليه ؟

وكم من هؤلاء يعلم "كيف" يصل إلى ذلك ؟

وكم منهم يصل فعلا ؟

---

إذا .. كم طفلا "متربي" !! لدينا اليوم ؟

أعني : مسلما حقا

Rania Lelah يقول...

عززيتى هل تجدين ان كانحب الكرة او اى نشاط رياضى كمن كتب خرفات فى صفحة الطفل البيضاء
هل تجديدن ان يهتوا بلعب الكرة اسوا ممن يعود ابنائه على الغش
او الكذب او السرقة
عززيتى حب الله و رسوله فى قلوبنا و لا ارى ان نقارنه بلعب كرة او شىء
و ان كان قصدك المقاطعة
فانا متفقه معك بشدة

جزاكى الله خيرا

Empress appy يقول...

اصعب حاجه الكتابه فيها
بس ان شاء الله نكتب كويس
ملحوسه خبيثه انا بحب الاسماعيلى مع ان اللى فى البيت اهلاويه ههههههههههههههه

shaimaa samir يقول...

ياه
فكرتينى
باول تدوينة ليا
لانها كانت عن مبارةالاهلى والزمالك
هههههههههههههههههههه
كنت داخلة التدوين سخنة
هههههه

والله الاهلى والزمالك
والحاجت اللى بتحصل
الواحد بيخرجمنها
بكمية مشاعر
وحاجات تجاه الناس رهيبة

جزاكى الله خيرا يا حبيبتى

Famy Qandil يقول...

على فكرة كلامك صح
للاسف منتشر جدااا
:S
انا خايفة من اليوم الى يجي يكتبوا فيه في جواز السفر انت ايه!!

بيحفروا مش بيكتبوا بس في الصفحات البيضا

استغفرك يارب

بجد جميلة التدوينة دى
استفدت بيها
جزاكى الله كل خير

klmat يقول...

انتى قلتى اللى انا مقتنعه به جدا
لو غرسنا المفاهيم الصحيحه للدين وحب
الوطن والأهم تصرفات الاب والام قدوه صالحه
لكنا افضبل بكثير جدا جدا
تسلم ايدك
مع حبى وتقديرى

عروسة ننوسة يقول...

تسلم يدك وقلمك ....تحياتى

Unknown يقول...

معكى كل الحق وبعد كل ذلك نقول يوجد تعصب دينى وفتن وما الى اخره
الطفل عزيزتى يتطبع بالعادات التى توجد فى اسرته كثر من اى شئ اخر لانه يبدأ فى التعلم منذ لحظة ميلاده

موناليزا يقول...

rovy
اختى الحبيبة:ربنا يكرمك واشكرك لتعليقك ومتفقة معك طبعافديننا يحث على ممارسة الرياضة وانا هنا انقد التعصب الزائد
نورتينى واشكرك لمشاركتك
***********************************
mady
أختى الحبيبة:ربنا يكرمك على تعليقك وبالله عليكى لو كنت تقصدين اخطاء املائية خاصة بما اكتب ارجو ان ترشيدنى وتوجهينى الى خطأى حتى اتجنبه فيما بعد
ولكى منى خالص الشكر
***********************************
خبيب
وهذا ماقصدته فعلا دور التربية وتأثيرها على سلوك الفرد
نورتنى واشكرك لمشاركتك
دمت طيبا ولمدونتى زائرا
**********************************
rania
أختى الحبيبة:أشكرك جدا لمشاركتك وانا بهذا المثال اذكر السلبيات التى تنشأعن التربية ومعكى حق عزيزتى فلا يوجد مقارنة بين حب الله وحب اى شئ اخر ولكن اللى مايقدرش يسيب ماتش علشان يقوم يصلى ده تسميه ايه؟
**********************************
appy
أختى الحبيبة:ماهو عشان الكتابة فيها صعب عايزين ناخد بالنا
طلعتى اسماعلاوية لمين يقى هههههههه
***********************************
shimaa samir
اختى الحبيبة:اشكرك لمشاركتك وفعلا بعد كل مباراة بنشوف العجب من التصرفات والتعليقات سواء من الفريق الهازم او المهزوم
نورتينى حبيبتى ودمتى بخير
********************************
nazk elmaleka
أختى الحبيبة:معكى حق فالموضوع ذاد فعلا عن الحد
نورتينى ودمتى بخير
**********************************
klmat
أختى الحبيبة:أشكرك لمشاركتك ولانك تؤيدينى فى وجهة نظرى
نورتينى ودمتى بخير
**********************************
gannah
اختى الحبيبة:اشكرك لمشاركتك
نورتينى ودمتى بخير
***********************************
هيثم دهشان
أهلا بيك استاذ هيثم فى زيارتك الاولى واتمنى التكرار
نورت مدونتى واشكرك لمشاركتك

ابراهيم يقول...

هو لون من الحب يظهرونة لفقهم
وذلك امر ناتج عن سياسة غياب الاولويات في البلاد المستبدة
اباهيم مدونة لحن الغروب
ادعوكي لزيارة مدونتي والتواصل الدائم بيننا

la3lahakhier يقول...

مونا حبيبتى لو يعرفوا حساب الله على تربيتهم دى لزحفوا باسنانهم لاصلاح ماافسدت ايديهم
كل التحية ودمتى
وبعدين هه؟

عــلاء ســالـــم يقول...

السلام عليكم

دايماً متميزه في مواضيعك وفي طرحك لهذه المواضيع .
بوست يتحدث عن الواقع المرير اللي بنعيش فيه للأسف .
فعلاً المفروض نخلي الفكر دا جوانا وإحنا بنربي أطفالنا .

خالص تحياتي

semsem يقول...

حلو الموضوع اوى
وحلو الاسلوب اوى
وحلوة الصوره اوى
وانتى حلوة اوى
ههههههههههههههههههههه
بجد ممتاز مع مرتبه الشرف
تحياتى
سمسم

غير معرف يقول...

موناليزا حبيبتي لا مقصدش
غلطات املائيه في المقال
اقصد اخطاء التنشئه
اللي بتصدر عن اولياء الامور
علي اساس ان الاطفال صفحه بيضا
تحياتي ياجميله

Lyssandra يقول...

الطفل صفحة بيضاء فاكتب فوقها ماشئت فلن تقرأ الا ماكتبت


جبتي الخلاصة .. كلنا منذ ميلادنا مزيج من الخير والشر .. الصح والخطأ .. كل شئ وعكسه . البيئه كفيلة انها تظهرنا في صورنا وشخصياتنا اللي عارفينها

أتمني فعلا ان كل ام وكل اب يراعوا ده في تربيتهم لأنهم أمانه

موضوع مهم فعلا ياريت النس تهتم بيه بدون اهمال

علي فكرة ..تعريفك بنفسك عاجبني جدا

تقبلي مروري ودمتي بكل خير

lyssndra

ماء تشرين يقول...

مهو ده من الفراغ والسطحيه البقه فيها مجتمعنا كلو الامن رحم ربى انا مش ضد الكورة والترفيه لكن ضد التتفيه والسطحيه
عموما بوست جميل اوووى
تحياتى

موناليزا يقول...

ابراهيم
اهلا بيك استاذ ابراهيم واشكرك لمشاركتك
وللاسف اننا فى هذه البلاد المستبدة بتعصبها الزائد لكل شئ واقصد هنا الاباء ولذلك ادعوهم جميعا للحفاظ على تنشئة الاطفال فى بيئة متزنة
دمت طيبا ولمدونتى زائرا
***********************************
la3lahakhier
أختى الحبيبة:للاسف انهم لايعلموا حجم المسئوليه وناسيين تماما ان كل راعى مسئول عن رعيته وسيسأل عنها
اشكرك لمشاركتك ودمتى بخير حبيبتى
بعدين ايه؟
***********************************
علاء سالم
وعليكم السلام ورحمة الله وبركاته
أشكرك استاذ علاء على هذه المجاملة ويارب دايما تكون مواضيعى عند حسن ظنك
وفعلا ليت الجميع يحاول تغيير نفسهم حتى يمن الله علينا بالخير فينا وفى الاجيال القادمة
دمت طيبا ولمدونتى زائرا
**********************************
semsem
أختى الحبيبة:انتى احلى كتييييير ربنا يوفقك وينجحك باعلى تقدير يا قمر
نورتينى حبيبتى ودمتى بخير
**********************************
mady
أختى الحبيبة:أشكرك ياقمر انك وضحتى مقصدك كان قلبى وقع فى رجلى وقلت خلاص بقيت بكتب غلط هههههههه
واعتذر لانى لم افهم مقصدك تسلميلى دايما
وربنا يسعدك
***********************************
lyssandra
اختى الحبيبة:اهلا بيكى فى زيارتك الاولى واتمنى التكرار واشكرك على تعليقك الجميل ورايك فى تعريفى بنفسى
وفعلا حبيبتى القدوة الحسنة نحن فى امس الحاجة لها
نورتى مدونتى ودمتى بخير
**********************************
ma2tshren
أختى الحبيبة:كلنا معكى حبيبتى فلا احد يرضى بالسطحية والتفاهة
نورتى مدونتى واشكرك لمشاركتك

ياقوت الأزهري يقول...

السلام عليكم ورحمة الله وبركاته
اٌقول فى هذه المدونة الجميلة

ممكن نعتبرها
من السلبيات الموجودة فى حياتنا

وللتخلص منها والقضاء عليها
هو ان نتجه الى هدى
الحبيب المصطفى
صلى اله عليه وسلم

لنتربى نحن اولا
ثم نربى اولادنا

قال الله تعالى
وإن تطيعوه تهتدوا
صدق الله العظيم

وأقول للمحبوب
صلى اله عليه وسلم

من فاته منك وصـل حظه الندم
ومن تكن هـمّه تسموا به الهمم
وناظـر فى سوى معنــاك حق له
يقتص من جفنه بالدمع وهو دم

ونسأل الله جلّ وعلا
ان يجمعنا
على
سنة نبيه
فى الدنيا
وشفاعته
صلى اله عليه وسلم

فى
الآخرة
آمين

والسلام عليكم ورحمة الله وبركاته

*سمر* يقول...

احييكى على التدوينة ..والتحليل المنطقى المرتب لموضوع التعصب الكروى ..وجعله مقدمة هامة لموضوع اكثر اهمية ، وهو التعصب لدين الله ولرسوله -صلى الله عليه وسلم - ثم الانتقال الى كيفية تربية النشء على هذه الاسس والمبادىء...تدرج فى غاية الروعة ..احييكى

جزاكى الله خيرا ..ووفقك دائما للنفع ان شاء الله

والسلام ختام

صحفية روشة يقول...

من شب على شئ شاب عليه

الفارس الملثم يقول...

عندك حق طبعا , والكورة دلوقتي بقت هي كل تفكير شريحة كبيرة من المجتمع , ونجد تعصب عجيب وغير مبرر , وبدل الاهتمام بقضايا الامة نجد خناقات عن النادي كذا والفريق فلان واللعيب علان ..

شكرا اخت موناليزا علي الموضوع القيم ده

تحياتي

عبدالرحمن الشافعي يقول...

السلام عليكم
أنا لا أتذكر هل علقت هنا من قبل أم لا ...
لكني أظن أن هذا أول تعليق ...ولن يكون الأخير
مالشاء الله
طرحك موضوعي ورائع أيضا ....
فعلا كلمك نراه كثيرا ..... بين أصدقائي ...أرى الطرفان متخاصمان ..فعندما أسأل أحدهم لماذا ...أراه يرد عليه ..."علشان هو أهلاوي"
والله يا حلاوة ؟؟؟ متخاصم مع صاحبك علشان هو أهلاوي ....

موضوعك رائع ....ولكن المشكلة في أولياء الأمور ...
الطفل دائما يقلد أباه ...

أقول ثانية موضوعك رائع ...
فاللهم إهد أطفال وشباب المسلمين أجمعين يارب ...
تحياتي لكم ...
ودمتم دائما في خير ....
أخوكم عبدالرحمن ياسين

المستنصر بالله يقول...

انا باحييكى على الهدف من الموضوع

Hossam يقول...

woooooooooooooow u r sooooooo gr8 in ur words.it is sooo argumentative.u rememberd me wiz the gr8 novilist Margrate Atwood.really,ur words are too confident.go on girl
hope be a frinds
bye

مواطن مصرى نايم يقول...

بصى هو مفيش مشكلة ان اى يحد يحبب ابنه فى الكورة
بس زى ما حببوا فى الكورة لازم يحببه فى دينة
فى الصلاه و الصوم
و كمان يفهمه انه مش لازم يكون فى تعصب فى الرياضة وكل الكلام ده
عشان برضوا لما يكبر يكون مسلم رياضى
هادى الطباع لا ينساق الى الانفعلات التافهه
تحياتى ليكى

موناليزا يقول...

باقوت
وعليكم السلام ورحمة الله وبركاته
انا متفقة معاكى جدا اختى الحبيبة فان الله لايغير مابقوم حتى يغيروا ما بأنفسهم
جزاكم الله خيرا على مشاركتك وعلى تعليقك الجميل
نورتينى ودمتى بخير
///////////////////////////////////
سمر
اختى الحبيبة:أشكرك على تعليقك الجميل واحييكى على قوة ملاحظتك وتحليل الموضوع بنفس الطريقة التى قصدت توضيحها
نورتينى حبيبتى ودمتى بخير
///////////////////////////////////
صحفية روشة
اختى الحبيبة :اهلا بيكى فى زيارتك الاولى واتمنى التكرار
ومعكى فيما قلتيه ولذلك أأمل ان نراعى الله فيهم قبل المشيب
نورتي مدونتى واشكرك لمشاركتك
///////////////////////////////////
الفارس الملثم
أشكرك استاذ محمد على اتفاقك معى ونأمل ان نغير التصرفات السلبية فيما حولنا
دمت طيبا ولمدونتى زائرا
///////////////////////////////////
عبد الرحمن ياسين
أهلا بيك استاذ عبد الرحمن فى اى وقت
وهذا فعلا ما اقصده ان نغضب لله ونتحاب فى الله ليس لشئ اخر
اللهم اصلح احوالناواهدنا وارزقنا حلاوة الايمان
نورت مدونتى واشكرك على مشاركتك
//////////////////////////////////
المستنصر بالله
أهلا بيك واشكرك على تعليقك واتمنى ان يصل هدفى الى الجميع
نورت مدونتى واشكرك لمشاركتك
///////////////////////////////////
hossam
اهلا بيك استاذ حسام فى زيارتك الاولى واتمنى التكرار
اشكرك على مشاركتك وعلى تعليقك ولكن عذرا لماذا تكتب بغير اللغة العربية انها لغتنا الغالية التى نحب ان نحافظ عليها وننتمى اليها فاذا لم نحافظ نحن علي استخدامها من سيحافظ عليها
//////////////////////////////////
مواطن مصرى نايم
أحييك يا استاذ اسلام فتعليقك جاب من الاخر نريد ان يصبح المسلم رياضى وعالم واحسن واحد فى الدنيا وبيعرف فى كل حاجة ولكن دينه اهم من اى شئ اخر
نورتنى واشكرك لمشاركتك
دمت طيبا ولمدونتى زائرا

إخوانى حتى النخاع يقول...

انا بشجع الحكم
هههههههههههههه

والله تحليلك منطقى للغاية

المفروض منربيش ولادنا على حاجة فى الدنيا وتكون الحاجة دى هيا كل حياتهم


شكراا لكى اختى للبوست الجميل دا

وتعالى شوفى آول بوست بعد الحداد

أخوكى

أنت عارفنى وأنا عارفك يقول...

براحة على نفسك بس شوية مش للدرجاتى الناس مش هتعيش ليل ونهار فى قضية فلسطين والعراق والصومال وبقية القايمة يعنى حبة كده وحبة كده والترويح عن النفس ضرورة كما ذكر شيخنا كعبول الفتاوى ولا يأخذكم فى الحق لومة لائم والسلام على من اتبع الهدى .

Unknown يقول...

انا معاكي
التربية السليمة اساس كل شئ
ولو عودت ابنك انة يشوفك بيصلي هتيطلع الطفل بيصلي ولو عودتة انة يشوفك بيحب رسولة ودمة حامي لو حد هانة يزعل ويضايق زي النادي هيطلع كدا
مدونتك لذيذة وبجد موضوع هايل
وعجبتني كمان الكلام اللي كاتبة برة

نفسى عزيزة من جفانى جفيته حتى لو يصعب على القلب فرقاه أنا لا أشكو ففى الشكوى إنحناء وأنا نبض عروقى كبرياء
شكرا لزيارتك
سلام

HERO يقول...

عندك حق والله في كل كلمة قلتيها والواحد فعلا بيشعر بالخزي لما يشوف التعصب ده وعلى الناحية التانية لا مبالاة في الامور الدينية

وربنا يهديهم ويهدي الناس اللي بتربي الاجيال القادمة

ولد مصري يقول...

والله الواحد مش عارف يقول ايه

كلامك صح بس معنى كده ان المتعة الوحيدة في الدنيا دي اللي الواحد بيعملها - غير التدوين والأكل - كمان يسك عليها الموضوع هيبقى صعب أوي!!

كده مفضلناش غير التدوين والأكل ربنا يستر ودول كمان ميطلعوش أوت :)

عروسة ننوسة يقول...

ازيك يا قمر....عموما انا متمسكة بالعريس بس علشان اكملكم بقية القصة

لحظة يقول...

حاولت ابعد ابني عن الاهتمام برة القدم بالذات والاهتمام باي رياضة اخرى وفشلت
فلم اجد حلا الا تقنين الموضوع
في نادي بدل الشارع والشقة
بمواعيد تمرين بدل عمال على بطال
بالتعامل بحزم شديد مع اي محاولة لتقليد تقاليع اللاعبين والاهتمام باخبارهم الشخصية
بالرفض التام لمتابعة اي مباريات الا الهامة جدا والنهائية منها
واصبح الموضوع بالتدريج يقل عن درجة الهوس الى شكل اكثر اعتدالا
مع وضع اهتمامات اخرى في طريقه
والله هو الحافظ
والمعين
جزاك الله خيرا على الموضوع

موناليزا يقول...

اخوانى حتى النخاع
أشكرك لمشاركتك وعلى تعليقك المنطقى
تم التنقيذ يافندم
دمت طيبا ولمدونتى زائرا
===================================
انت عارفنى وانا عارفك
هل الترفيه من وجهة نظرك يتعارض مع القدوة الحسنة والاهتمام بالدين؟
===================================
my hope
اهلا بيك فى زيارتك الاولى واشكرك لمشاركتك ولتعليقك ويارب كلماتى تعجبك دايما
نورت مدونتى وارجو دوام التواصل
=================================
hero
أشكرك لمشاركتك وأأمل ان نعيد ترتيب اولوياتنا حتى ينصلح احوالنا
اللهم ارنا الحق حقا وارزقنا اتبعاه وارنا الباطل باطل وارزقنا اجتنابه
نورت مدونتى وارجو دوام التواصل
===================================
walad_masry
أخى الفاضل مقصدتش انك تسك على متعتك كما تقول ولكنى اقصد هنا الاعتدال واذا كان يجب ان نعطى لشئ اهتمامنا ووقتنا فاكيد الدين اولى واهم بكتير لانه هيفيد دنيا واخرة
اما عن التدوين والاكل فبرضه الزيادة المفرطة فيهم مرفوضة
اخى الفاضل ديننا دين وسط
دمت طيبا ولمدونتى زائرا
===================================
gannah
أختى الحبيبة:بس دى تضحية غالية اوى
ربنا يكون فى عونك ويهديهولك
وبعدين ماتتلككيش فيها ايه لو قلتى انك بتحبيه؟ هههههه
=================================
لحظة
أختى الحبيبة:ربنا يكرمك ويبارك فى ابنك ويرزقك عنه خير الجزاء
أحييكى جداعلى اسلوبك فى التعامل معه وعدم تسلطك بمنعه بشكل نهائى وكونك وازنتى الامور تصرف عاقل من ام تعرف مسئوبيتها تجاه اطفالها ربنا يحميهم ويخليكى ليهم دائما قدوة صالحة
نورتي مدونتى وارجو دوام التواصل

Hossam Nasr يقول...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي


http://kawlansadida.blogspot.com/2008/04/blog-post_21.html

وجزاكم الله عن إسلامكم خيراً

جنّي يقول...

أمة الله
السلام عليكم
موضوع شائك دخلتي به عش الدبابير لأن الناس للأسف لديها هوس بالكورة وتعصب في غير محله .. سمعت أن أيام هزيمة 67 قالت اليهود عن الشعب المصري أنه بيتغدى كورة ويتعشى بأم كلثوم .. ولكنها الثقافة والتربية ووسائل الإعلام التي تقوم من حين لآخر بعمليات غسيل مخ للمصريين للوصول لهدف معين ..
أما عن النشء والتربية .. فالتوازن في الشخصية الإسلامية مطلوب .. مطلوب الإنسان المسلم المثقف المتعلم الرياضي الممارس لا المشاهد على الدوام ..
وللحديث بقية
سلام عليكم
said

Abo 7anf يقول...

ما ازلت اصر على ان افكارك كلها رائعه
مهو زى مبيقلوا
العلام فى الصغر زى النقش على الحجر
ولما تيجى تكتبى حاجه فى صفحه جديده
أحسن متمسحى واحده قديمه وتكتبى فيها
والاب لما ياخد ابنه معاه الجام ميعلمه السهر
فالابن بالطبيعه بيحب يقلد
وربنا يباركلك فى موضوعاتك
وتقبلى مرورى

NilE_QueeN يقول...

المجتمع هو المؤثر الاكبر ف شخص الانسان لو مجتمع سليم بيخرج انسان سليم

ولكل قاعده شواذ

قوس قزح يقول...

الاعتدال فى كل شىء مطلوب
بدام الشىء ده مش حرام
و طبعا فى اولويات لازم نمشى عليها
و اول حاجة الدين و فروضه
و بعده تيجى بقى الدنيا بما فيها


تحياتى

ألآسطى بلية يقول...

انا بشجع الاهلى هههه


بوست جميل

تحياتى

موناليزا يقول...

whispers just for anight
تم التوقيع وجارى نشر ماطلبته على المدونات المختلفة
جزاكم الله خيرا وجعله فى ميزان حسناتكم
-----------------------------------
جنى
وعليكم السلام ورحمة الله وبركاته
أشكرك لمشاركتك يا استاذ سيد وسأعتبر تعليقك اضافة الى موضوعى
دمت طيبا ولمدونتى زائرا
-----------------------------------
abo7anf
اهلا بيك واشكرك على هذا الاطراء فهذا من فضل ربى
ومعك كل الحق فايهما اسهل ان تستخدم صفحة جديدة ام ان تمسح ما خط فيها من حبر ثقيل لانه فى اغلب الاوقات بيكون صعب المسح
دمت طيبا ولمدونتى زائرا
----------------------------------
nile_quieen
اهلا بيكى واشكرك لمشاركتك
معكى حق ولكل قاعدة شواذ ولكن الشواذ بيكونوا قلة ولكن اذا كثر الشواذ يبقى اكيد الخلل فى المجتمع
نورتى مدونتى وارجو دوام التواصل
----------------------------------
rainbow
متفقة معك طبعا فلا للتعصب
نورت مدونتى وارجو دوام التواصل

موناليزا يقول...

هانى
أهلا بيك استاذ هانى
لو الزمالك وهولندا بتلعب ياترى هتشجع مين؟
نورتنى واشكرك لمشاركتك

ام يحيي يقول...

جزاكي الله خيرا
أكيد هستفيد من النصائح دي في تربيتي ليمني ويحيي
بالمناسبة بيسلموا عليكي

مـحـمـد مـفـيـد يقول...

انا اهلاوي وبتمني من الله عز وجل ان يعفيني من العصبيه لانها بجد شئ خطير
بوست مميز

هكذا علمتني الحياة في ظل العقيده يقول...

مشى الطاووس يوما بإختيال فقلده على مشـيته بنوه

فقال علام تختالون قــــــالوا: بدأت به ونــــحن مقلدوه

فقوم خطاك المعوج واعدل فإنا ان عدلــــــت معــــدلوه

اما تدري ابانا كل فرخ يحاكي في الخطا من ادبوه

وينشئ ناشئ الفتيان منا على ما كان عوده ابــــوه

واحد من البلد دى يقول...

فى إنتظاااار إبداعاتك أختاه..أنا بس حبيت أعرفك إنى دايما موجود..السلام عليكم

غير معرف يقول...

بارك الله لك ... أولا انا لا اشجع اي من الناديين ولا أحب الكرة أصلا ولكن عندي همسه ايه اللي دخل موضوع يهودانه وينصرانه ويمجسانه ف الكورة اعتقد اعتقادا جذريا انه ليس هناك اي رابط بين الموضوعين خاصة احنا بكدا ممكن ندخل باب مش من حقنا ندخله تمام
دي حاجه اما الحاجه التانية وبقولها ان الشعب المصري ومشجعوا الكرة علي وجه الخصوص اثبت عباطته المتناهية حيث ان اللعبون اذا فازوا لهفوا الملايين وتركوا شعبنا المسكين الحبيب يلهث وراء لقمة العيش اذا الشعب أهبل علي حد قوله (واحد صحبي) مش عارف وجهة نظر

غير معرف يقول...

والله الذي لا اله الا هو لنا النصر والتمكين باذن الله مهما فعلوا ... وجزاكم الله خيرا علي تلك الدروع الاسلامية المبهجة

موناليزا يقول...

ام يحيى
اختى الحبيبة:أشكرك لمشاركتك ولما ييجوا سلميلى عليهم
-----------------------------------
محمد مفيد
أهلا بيك استاذ محمد فى زيارتك الاولى واتمنى التكراراشكرك لمشاركتك واحييك على صراحتك وهقترح عليك مجرد فكرة وهى انك ماتتفرجش على ماتش للاهلى وتكتفى بالنتيجة النهائية وباعادة الاهداف اعتبره اختبار ولك مطلق الحرية طبعا فى الموافقة عليه او الرفض
نورت مدونتى وارجو دوام التواصل
-----------------------------------
concord
أهلا بيك فى زيارتك الاولى واشكرك لمشاركتك وسأعتبرها اضافة الى موضوعى فجزاكم الله خيرا
نورت مدونتى وارجو دوام التواصل
---------------------------------
واحد من البلد دى
وعليكم السلام ورحمة الله وبركاته
أشكرك جدا ويسعدنى دائما تواجدك
دمت طيبا ولمدونتى زائرا
-----------------------------------
منكوش
اهلا بيك فى زيارتك الاولى واتمنى التكرار
اما عن علاقة الحديث الشريف بالموضوع
فعلاقة وثيقة طبعا فهذا ما اقصده دور الوالدين فى تنشئة الطفل وتحديد اهدافه واتجاهاته منذ الصغر اما عن عدم استفادة المشجعيين ماديا فهذا الشق التانى من هدف الموضوع انه يتم توجيه الوقت والمجهود دون فائدة
والدروع الاسلامية جزا الله صاحبها خير الجزاء
نورت مدونتى واشكرك لمشاركتك

أبو نزار عبد الرحمن الشرقاوى يقول...

والأغرب والأسخف إن معنى كونك تكون الطائر الذى يغرد خارج سرب المشجعين او إن شئت المتهوسين إنك معقد ومريض نفسيا

موناليزا يقول...

ابو نزار عبد الرحمن الشرقاوى
اهلا بيك اخى الفاضل فى زيارتك الاولى واتمنى التكرار
وفعلا استاذ ابو نزار فمن يشجع بتعصب يستغرب وجود من لا يهتم بهذا
ربنا يهدينا جميعا ويزين الايمان فى قلوبنا
نورت مدونتى واشكرك على مشاركتك

أكتب لأعبر عن حقوقي يقول...

ع فكرة كمان بتصير خناقات وقطع ارقاب ومشاغبة عشان فريق من الافرقة ربح هيدا اسمو عار

وكمان اللي بيزيد المهم همين انهم لو واحد سجل قول يبسجد شاكراً لله

والمصيبة الاكبر ان لو حد ربع في شيء برنامج خاص بالغناء والفضايح

طلع الأول فبيسجد لله
على ايه يا خويا؟ هو الله ساعدك انك تنحط وتعمل سخافات

بجد شيء كتير بيعصبني

موناليزا يقول...

damngirl
اختى الحبيبة:اهلا بيكى
وفعلا هذا التعصب مرفوض تماما فهم نجحوا بأن يشغلونا عن ديننا بهذه التفاهات
ده ممكن جدا واحد يفوت فريضة عشان يتفرج ع الماتش شوفتى مهزلة اكتر من كده
نورتي مدونتى واشكرك لمشاركتك