الثلاثاء، 30 سبتمبر 2008

والله لسه بدرى

معقول مشى بسرعة كدة. قد إيه كانت أيامه جميلة.

لو ينفع كنت قفلت الباب عشان مايمشيش لكن للأسف ماينفعش.

عموما آدى حال الدنيا مفيش حاجة بتفضل على حالها.

فما أجمل لمَّتنا على سفرة واحدة سواء غنى أو فقير .كل المسلمين ياكلوا فى وقت واحد.الله على تجمعهم على أمر واحد.

وما أجمل لمَّة الاسرة ساعة الفطار والسحور. ودى حاجة بتبقى صعبة أيام الفطار.

وقراءة القرآن من شباب كانوا ناسيينه طول السنة.

وما أجمل ان تختم القرآن أكثر من مرة فى شهر واحد ولِم لا والثواب مضاعف.

والحرص على الصلاة فى المسجد وأداء صلاة التراويح.

والله على إزدحام المساجد عند صلاة الفجر. ياسلام لو نفضل كده على طول.

والبرامج الدينية القيمة ومتابعتها رغم وجود برامج ترفيهية ومسلسلات ولكنك تبحث عن الثواب ووجودك فى مكان تَحُفه الملائكة.

ويكفى أن الشياطين مصفدة يعنى أى حاجة وحشة تحصل بتكون من الفرد نفسه. ومن هنا تقدر تكتشف شخصية اللى قدامك.

وما أجمل أن يكون الله هو محور تفكيرنا والكل داخل السباق ويريد الفوز بالمركز الاول.

وما أجمل مكالمات تليفونية وزيارت عائلية لا تتم إلا فى هذا الشهر.

وما أجمل لمًّة العيلة الواحدة حتى لو على مشاهدة التليفزيون.

وما أجمل دعائنا وخشوعنا ومضاعفة الحسنات.

حقا إنه شهر الخيرات.

ها يا أخواننا إيه أخبارنا؟

ياترى كل واحد كان ناوى على طاعة عملها ولا كسِل؟ واستمرت الطاعة طول الشهر ولا أول يومين وخلاص؟

أقول مبروك لكل من عتقت رقبته من النار. وأقول لمن لم يستشعر حلاوة الايمان ولذة الطاعة ياريتكم ماضيعتم وقتكم فى غير العبادة محدش عارف رمضان الجاى هنكون عاملين ازاى.


طبعا مفيش شك فى أنكم وحشتوووووونى جداً جداً. وبفضل الله قمت بالدعاء بالاسم لكل من أمنونى الدعاء ده غير دعاء جماعى للمدونين جميعا. ربنا يتقبل مننا يارب. ونكون قدرنا فعلا نعبد ربنا بالطريقة اللى يرضى بيها عننا.وتكون رقبتنا قد اعتقت من النار اللهم أمين.

عايزة بقى كل واحد يشاركنى شعوره بعد رمضان.

وإيه اكتر حاجة حبيتها وهتفتقدها جدا.










هناك 69 تعليقًا:

محمود حسن العدل يقول...

السلام عليكم ورحمة الله وبركاتة
كل سنة وانتى طيبة وعقبال الف عام بصحة وخير نحن وكل المسلمين امين يارب العالمين .
بوست هايل ودعتى فية الشهر الكريم بااجمل الكلمات وارق الاحساس
بجد تسلم ايدك ويسلم قلمك ودومتى لنا فنانة
تحيااااااااااااااااااااااااااااااااتى

wanna b a physician يقول...

كل سنة وانتى طيبة

EMMY BABY يقول...

موناليزا

كل سنة وانتى طيبة

عيد سعيد

حمد الله على سلامتك ورجوعك التدوين

اكتر حاجة هفتقها كل اللى انتى ذكرتيه بجد

تحياتى

ايمى

إِيمَان عَاطِفْ يقول...

كل سنه وانتى بخير وسلامه يا قمر
هفتقد ايه هفتقد ايه
يااااااااااااااااه
حاجات كتيييييييييير
انى لما كنت برفع ايدى وادعى كنت عارفه ومتأكده ان ربنا هيقبلنى ومش يردنى خائبه
اكيد برده ان شاء الله ربنا دايما يقبل دعائنا
" انا عند حسن ظن عبدى بى "

عاشقة القمة يقول...

السلام عليكم ورحمة الله وبركاته

سنون قد عرفناها ...ورب الخلق من رتب
فخذ خيرا من الحالين ...لا تجزع ولا تنصب
فشكر الله في الوقتين ...مطلوب فلا ترغب
هي الايام قد تأتي ...على خير وقد تذهب
فلا تعجب من الدنيا ...فإن العجب أن تعجب


رمضان قد ولّى والحزن يجتاح قلوبنا..
ولّى وترك خلفه..
من اغتنمه فرحانا مستبشرا
ومن ضّيعه ندمانا متحسرا..ربح فيه من ربح وخسر فيه من خسر..

رمضان مدرسةأتمنى أن نكون تعلمنا منه الكثير الكثير..

اللهم لا تجعلنا من الخاسرين..


اللهم واسلل سخيمة القلوب ..

اللهم وكما سلمتنا رمضان تسلمه منا ياربنا بالقبول الحسن

وبالصفح والغفران

الى يوم ان نلقاك ..

اللهم واعتقنا فيه من النيران ..

واجعلنا فيه من احبابك الذين لا خوفٌ عليهم ولا هم يحزنون ..

يارب يا علام للغيوب ..

يا غفارٌ للذنوب ..

يا من تستر العيوب ..

وتجبر كل مكروب ..

اللهم صلي وسلم وبارك على نبينا محمد ما تعاقب ليلٌ و بزغ نهار ..

اللهم صلي عليه دائماً ابداً الى يوم العرض الاكبر ..

إنك بذلك قدير وبالاجابة جدير يا رب يا حي يا قيوم ،،

سلمتِ يا أمة الله وسلم لنا مدادك..

سلوى يقول...

أخيرا

حمدا لله ع السلامه

تقبل الله منا ومنكم

عيد سعيد إن شاء الله

blue-wave يقول...

اولا حمدالله على السلامه
وحشتينا
وبجد مش عايز اقولك على اد فرحتى بالعيد على اد مانا مغموم ان رمضان خلص
يلا
دا حال الدنيا
كل سنه وانتى طيبه

موناليزا يقول...

محمود حسن العدل
ـــــــــــــــــــــ
وعليكم السلام ورحمة الله وبركاته
اهلا بيك استاذ محمود
وانت طيب وبخير وبصحة وسعادة انت وكل من تحب
ربنا يكرمك واشكرك جدا على رأيك ووالله شعورى بافتقاد هذا الشهر لايوصف
ربنا يعيده علينا بخير يارب ونكون فيه طائعين عابدين
وتقبل الله منا ومنكم صالح الاعمال
نورتنى وجزاكم الله خيرا
**********************************

ونا بى فيزيائى
ـــــــــــــــــ
اهلا بيك يادكتور
اشكرك لتهنئتى وكل عام وانت بخير وفى احسن الاحوال انت ومن تحب
نورتنى وجزاكم الله خيرا
*******************************

ايمى بيبى
ــــــــــــــ
اخت الحبيبة:وانتى طيبة ياقمر ويارب يكون عيد سعيد علينا جميعا
الله يسلمك حبيبتى ماتحرمش منك ابدا
وربنا يتقبل منا ومنكم صالح الاعمال
نورتينى ايمى الجميلة
**********************************

ايمان عاطف دياب
ـــــــــــــــــــــ
اختى الحبيبة:وانتى طيبة وبصحة وبسعادة
معاكى حق وخاصة ساعة الفطار
ولكن كما قلتى الله معنا دائما وهو من قال "ادعونى استجب لكم"
نورتينى حبيبتى ويارب يكون عيد سعيد علينا جميعا
********************************

عاشقة القمة
ـــــــــــــــــــ
وعليكم السلام ورحمة الله وبركاته
اختى الحبيبة:نودع رمضان وكانه أغلى المقربين لدينا ولا نعلم إذا كنا سنلحق به العام القادم أم لا ولكن لنجعل منه حافزا لنا للايام القادمة
ربنا يتقبل دعائك ويتقبل منا ومنكم صالح الاعمال
وكل سنة وانتى طيبة ويارب يكون عيد سعيد علينا جميعا
***********************************

سلوى
ــــــــــــ
اختى الحبيبة:ربى يسلمك من كل شر
ماتحرمش منك ابدا حبيبتى
كل سنة وانت طيببة
وعيد سعيد علينا جميعا بإذن الله
نورتينى ياقمر
***********************************

بلو واف
ــــــــــــــ
اهلا بيك يادكتور
ربى يسلمك من كل شر
وانا كمان افتقدت التدوين كله
والله يادكتور نفس الشعور مكنتش عايزاه يمشى بس ربنا أمرنا نفرح فى العيد وعشان كده بكرة باذن الله هخلى نفسى مبسوطة
وكل سنة وانت طيب وبخير وصحة وسعادة انت وكل من تحب
ويارب يكون عيد سعيد علينا جميعا

ريمان يقول...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

رفقة عمر يقول...

كل سنه وانت والاسره بخير ويارب عيد سعيد عليكى وعلى الاسره
هافتقد فى رمضان تنافس الناس على الطاعه والاسراع فى عمل الخير واجتماع الاسره فى وقت واحد وتسارع كل واحد لافطار الاخر عنده مش عارفه ليه مش فضل كدة طول السنه ايه الفرق ليه بعد رمضان بنرجع 360 درجه كاننا اشخاص اخرين
ربنا يجعل كل ايامنا رمضان اللهم امين
نورتى مدونتك مع نور الهلال

ghoneem يقول...

اهلاً بيكي

كل عام وانت بخير وعيد سعيد

ربنا يتقبل منا ومنكم صالح الأعمال

مرورم للتهنئة بالعيد ولنا زيارة اخري ان شاء الله

تحياتي

بالتوفيق................

آخر العنقود يقول...

حمد لله ع السلامة ياحبيبتى
والله ليكى وحشة
عندك حق فى كل احساس قولتى عنه فى رمضان
اجمل حاجة فعلا كنت بحبها هى احساسك بان كل الناس بتعمل طاعات جميلة فى وقت واحد
احساس بالوحدة ولمة العيلة
ربنا يديمها علينا نعمة يارب
تقبل الله منا ومنكم
وعيد سعيد عليكى وعلى كل حبايبك يارب
ويعود علينا الايام بخير وبركة وسعادة وطاعات
دمتى بكل الود

ندا منير يقول...

ازيك يا قمر
كل سنة وانت طيبة

وبصراحة مش عارفة اقولك ايه اكتر حاجة هتوحشنى او ايه اكتر حاجة فادتنى
بس يمكن لانى سواء كنت فى رمضان او غير رمضان
بصلى وبصوم وبقرا قران
فجو رمضان يمكن بس هو اللى بيفرق
لكن بصراحة مفيش حاجة جديدة قوى
يمكن انى استفدت كتير من برامج عمرو خالد ومعز مسعود
وزودوا معلوماتى الدينية
يمكن دا اللى استفدته

KHALED يقول...

الأخت العزيزة موناليزا
بارك الله لكى وعليكى وبلغك رمضان
وكل عام وانتى بألف خير وإلى الله أقرب
وبجد حافتقد بعد رمضان
الشغل إللى كان بالليل
والقطايف والكنافة
وقمر الدين .....
ههههههههههههه
طبعا باهزر
حافتقد غياب الشيطان
وأبواب الجنة إللى كانت مفتوحة
والرحمة المنزلة من رب العالمين
ويارب مايحرم حد من بركة رمضان
كل عام وانتى بألف خير
تقبلى خالص مودتى

موناليزا يقول...

ريمان
ــــــــــ
اختى الحبيبة:يارب انا وانتى
وكل سنة وانتى بالف خير ويارب يكون عيد سعيد علينا جميعا
******************************

رفقة عمر
ــــــــــــ
اختى الحبيبة:وانتى طيبة ياقمر وبصحة وسلامة انتى وكل من تحبين
فعلا حبيبتى كل الحاجات الحلوة دى ليه مش بنعملها فى باقى السنة
يارب نفضل على الطاعة وحب الخير اللهم امين
ومدونتى نورت بزيارتك وبتعليقك فيها
ربنا يسعدك ويفرح قلبك يارب
********************************

غنيم
ــــــــــ
اهلا بيك يادكتور
وانت طيب وفى احسن حال ويارب يكون عيد سعيد علينا جميعا
وربنا يتقبل دعائك يارب
ربنا يكرمك على تهنئتك الرقيقة وفى انتظاركم دائما

حبارير يقول...

تقبل الله

و

عود حميد

افتقدناكم

ســـــــهــــــــــر يقول...

مر بسرعه جدا
يا رب يتقبل منا صيامنا و صلاتنا و صالح الاعمال
و يجعل العيد بدايه جديده لينا كلنا على طريق يرضى ربنا عنا امين


كل سنه و انتى بخير يا قمر

ماء تشرين يقول...

اه والله ياموناليزا كان نفسي يفضل طول السنه بس اهو بقه مش بأادينا
كانت ايام جميله
وكل سنه وانت طيبه يارب دايما انت وكل البتحبيهم والعيد الجاى تكونى حققت كل احلامك
عيد سعيد

شيماء زايد يقول...

كل سنه وانتي بألف خير
(:

dr_modymodak يقول...

والله انتي فيكي الخير يا موناليزا كل عيد وانتي بالف صحه وسلامه ويعيد عليكي الايام بخير يارب

ايوه يا موناليزا الحمد لله خلصت وجبت جيد جدا كمان نجحت الحمد لله وان شاء الله ارجع بقي اتابع المدونه عن قريب باذن الله

كمان مره عيدك سعيد

مش عايزه كحك بعجوه ؟

قوس قزح يقول...

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

مجداوية يقول...

السلام عليكم
مش أنا برضه جيت عيدت عليكى ولا لأ ؟؟ حكاية الاشراف على التعليقات دى مش بتخلى الواحد يعرف
المهم
لو كنت جيت وعيدت عليكى وماله زيادة الخير خيرين
لو مكنتش جيت فأنا بأقولك كل عام وأنت بألف خير وعيد سعيد ان شاء الله

السنة دى رمضان جاء فى أيام شديدة الحرارة فكان فيه أوقات كنت بأوصل لمرحلة من العطش الشديد مرحلة أحد أحد كما أسميها وكما كان يعذب سيدنا بلال رضى الله عنه وطبعا عطشنا لا يقارن بما لاقاه ولا يعتبر عطشى تعذيبا ولكن سبحان الله كان احساسى هذا يذكرنى دائما بمن عذبوا فى سبيل الله وأيضا أحسست بشدة بقيمة الماء ونحن نهدرة بلا حساب وسأكتب عن هذا لاحقا لكن رمضان هذا العام كان مختلف وعلى قدر الجهد جاءت حلاوة التعبد فيه ونسأل الله أن يتقبل منا يا رب وما سأفتقده هو هذا الشعور وهذا الألم الجميل والحمد لله رب العالمين أن من علينا بأن نكون مسلمين

shabfa2re يقول...

beeeeep beeeeep
happy eiiiiiiiid

ولد مصري يقول...

كل سنه وانتي طيبة

ربنا يتقبل منا جميعا صالح الاعمال

عيد سعيد

تحياتي

romansy يقول...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

منى يقول...

موناليزا العزيزه
كل عام وانتى بكل خير
انما عن سؤالك عن اكتر حاجه هفتقدها
خلينى اقول حاجه مش شخصيه
لما تلاقى الناس طول الشهر بيجروا عشان يساعدوا بعض واللى شايل شنطه واللى شايل كرتونه هيوديها لفقير او يتيم
وزياره المستشفيات ودور الايتام والمسنين
باختصار احساس الناس بغيرها واالخير اللى بتلاقيه بيجرى فى كل شارع
يا ريت يفضل
فيه ناس محتاجه ده طول السنه
يارب تحنن قلوبنا على بعض
وتهدينا لكل ما يرضيك
متنسيش تقولى لمروه منى بتقولك كل سنه وانتى طيبه
تحياتى وحبى

واحد من البلد دى يقول...

السلام عليكم
إن سبقتنى فأنتى الكريمة إبنة الكرام

و إن سبقتكى فلأنكى تستحقين الإحترام

نحن لا نرسل لمن يعيشون معنا

ولكن نرسل لمن لا نستطيع العيش بدون تواصلهم و صداقتهم

أتمنى و أدعو الله عز وجل أن يجعل أيامكى سعادة و صمتكى عبادة و خاتمتكى شهادة و يؤتيكى الحسنى و زيادة

كم أفتقدكى أختاه و جميع من أتواصل معهم فى ظل صداقة قوية و إحترام متبادل
ولكن و الحق يقال أننى لم أستطع أن أستمتع بالعيد و فرحته..
لأسباب ذكرتها فى قصيدتى الجديدة..

أتمنى أن تقرئيها

كل عام و أنتى بكل خير

مصطفى محمود يقول...

والله الواحد مش عارف يفرح ولا يزعل ,,

بس أكيد نفرح النهاردة عشان العيد

وبعيد نقف للحسابات بقى !!

عيدكم مبارك و فطرك سعيد إن شاء الله

كل سنة وانت بكل خير وسعادة :)

ابو العربى يقول...

ربنا يتقبل منا ومنكم صالح الاعمال انا الحمدلله حاسس انى احسن من رمضانات كتير فاتو عليا واكتر حاجه هتوحشنى بجد العشره الاواخر من رمضان واللمه والاهل والاكل بردو هههههههههه
تحياتى
ابوالعربى
عيد سعيد

كـــيــــــــارا يقول...

والله فعلا وحشني رمضان والتراويح ةالروح واللمه

حمد الله علي السلامه ياقمر

كل سنه وانتي طيييييييبه

عيد سعيد

رندا يقول...

كل عيد وانت طيبة وبخير

اللهم بلغنا رمضان المقبل يارب

وكل عام واسرتك بخير

رندا

موناليزا يقول...

اخر العنقود
ــــــــــــــــــ
اختى الحبيبة:وحشتينى ياقمر
وربنا يسلمك من كل شر وماتشوفى مكروه ابدا
فعلا غاليتى كانت ايام جميلة ياريتها تفضل طول السنة
وكل سنة وانتى طيبة يارب وبخير وصحة وسعادة
وربنا يجعله عيد سعيد علينا جميعا
*********************************

ندا منير
ــــــــــــــ
اختى الحبيبة:اهلا ياجميلة
كل سنة وانتى طيبة ياقمر
جميل ان تظلى فى جو العبادة طول السنة ولكننى اتحدث عن لذة العبادة الجماعية
وحلاوة لمة العيلة سواءعلى الفطار او السحور او مشاهدة برنامج دينى الخ
والنور اللى فى الشوارع كلها وحب الخير من كل الناس ..
يااااه أقول ايه ولا ايه ياندا دى حاجات حلوة اوى نفسى تستمر طول السنة
ربنا يتقبل منا ومنكم صالح الاعمال
ويارب يكون عيد سعيد علينا جميعا

*********************************

خالد
ـــــــــــــ
اهلا بيك استاذ خالد
وكل سنة وانت بخير وصحة وسعادة ويارب نكون من عتقاء الرحمن هذا العام
وفعلا والله القطايف والكنافة بيبقى ليهم طعم تانى خالص فى رمضان والخشاف برضه ده علامة مميزة(انا بتكلم جد)
اما عن بركة رمضان فى كل حاجة فحدث ولا حرج سبحان الله تحس ان اليوم فيه مختلف فعلا عن اى يوم تانى
ياااه ربنا يعيده علينا مرات ومرات ونكون بخير يارب
وكل سنة والامة الاسلامية بخير

عاشقة القمر يقول...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

بحبك يامصر يقول...

كل سنه وانتى طيبه
وربنا يكتبنا من المعتوقين من النار
وتقبل الله منا ومنك

موناليزا يقول...

حبارير- السعادة -انطلاقة
ـــــــــــــــــــــــــــــ
اهلا بيك يافندم
ربنا يكرمك وتقبل الله منا ومنكم
وكل عام وانت بخير

********************************

سهر
ــــــــــ
اختى الحبيبة:مش كده برضه كأنه يوم واحد مش30
ربنا يتقبل دعائك ويحعله عيد سعيد علينا جميعا
وكل سنة وانتى بالف خير ياجميلة

**********************************

ماء تشرين
ـــــــــــــــــ
اختى الحبيبة:فعلا لو ينفع مكناش خليناه يمشى بجد كانت اجمل ايام
ربنا يعودها علينا بخير يارب
وكل سنة وانتى طيبة وبخير ويارب يكون عيد سعيد علينا جميعا

*********************************


شيماء زايد
ـــــــــــــــ
اختى الحبيبة:اذيك ياقمر
كل سنة وانتى طيبة وبخير وبصحة وسعادة يارب

*********************************


د/مودى
ـــــــــــــــ
اهلا بيك يادكتور
ربنا يكرمك
وكل سنة وانت بخير انت وكل من تحب ويارب يكون عيد سعيد علينا جميعا
ايوة كده ايه الاخبار الجميلة دى الف مبروك ويارب دايما
واذا كان على الكحك انا مجربتوش بالعجوة قيل كده بس ممكن نجرب واحدة
والف هنا وشفا

*******************************

قوس قزح
ـــــــــــــــــ
اختى الحبيبة:ربنا يكرمك ويتقبل دعائك ولكى بالمثل ان شاء الله
وكل سنة وانتى طيبة وبخير وصحة وسعادة انتى وكل من تحبين

**********************************

مجداوية
ـــــــــــــــــ
وعليكم السلام ورحمة الله وبركاته
اختى الحبيبة:ايوة ياجميلة بس كان فى البوست اللى فات وده من حسن حظى انك تزورينى وتعيدى عليا ودايما سباقة بالخير وربنا يكرمك يارب ويجازيكى عنى كل خير
وكل سنة وانتى دايما سباقة لفعل الخيرات ومحبة لفعل الطاعات
تعرفى انك فعلا نبهتينى لحاجة مهمة ان كل اللى مش عايزين رمضان يمشى هما بس اللى اجتهدوا فى العبادة وربنا ذوقهم حلاوة الايمان وعشان كده مش عايزينها تفارقنا ابدا
سبحان الله الذى جعل حتى الابتسامة نؤجر عليها
والحمدلله حقا على نعمة الاسلام وكفى بها نعمة
ويارب يكون عيد سعيد علينا جميعا

**********************************

شاب فقرى
ــــــــــــ
اهلا بيك يافندم
وان شاء عيد سعيد علينا جميعا

********************************

ولد مصرى
ــــــــــــــــــ
اهلا بيك يافندم
وانت طيب وبصحة انت وجميع افراد الاسرة ويارب يكون عيد سعيد علينا جميعا

*******************************

رومانسى
ـــــــــــــ
اهلا بيك يافندم
وانت طيب وفى احسن حال
وجعل الله ايامنا جميعا اعياد وسعادة

**********************************


منى
ـــــــــــ
اختى الحبيبة:وانتى طيبة ياقمر
معاكى حق يامنمن فعل الخير ده حاجة جميلة اوى يريت تستمر طول السنة
اللهم استعملنا فى صالح تقبله منا
كل سنة وانتى طيبة ياحبيبتى وان شاء الله هبلغها

*******************************


واحد من البلد دى
ـــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك ويجعلك دائما من السابقين لفعل الخيرات
لعل الاسباب خيرا اخى الكريم
ما اراك الله مكروها ابدا
سأقرأها باذن الله
وكل سنة وانت بخير وصحة وسعادة

********************************


تيفا
ـــــــــــ
اهلا بيك يافندم
وطبعا لازم نفرح لان النهاردة العيد بس كمان ناخد افعالنا فى رمضان لما بعد رمضان
وكل سنة وانت طيب وبالف خير

*********************************

ضد الظلم
ـــــــــــــ
اهلا بيك يافندم
ربنا يكرمك ويتقبل دعائك وسبحان الله نفس الاحساس عند ناس كثيرين ربنا يتقبل
ومعاك حق لان اللمة تجعل الاكل له طعم تانى خالص
ربنا يعودها علينا بخير يارب
وكل سنة وانت بالف خير

*********************************

كيارا
ــــــــــــ
اختى الحبيبة:ربنا يسلمك من كل شر ويعودها علينا بخير يارب
وكل سنة وانت طيبة وبخير وصحة وسعادة انتى ومن تحبين
*******************************
رندا
ــــــــــ
اختى الحبيبة:وانتى طيبة يارب وربنا يتقبل منا ومنكم صالح الاعمال
ويعودها علينا بخير

*******************************

عاشقة القمر
ــــــــــــــــ
اختى الحبيبة:جميلة هذه الكلمات ولكنها سُنه كونية لاتتغير
وكل سنة وانتى بالف خير ياقمر

******************************

بحبك يامصر
ـــــــــــ
اهلا بيك يافندم
وكل سنة وانت طيب وربنا يتقبل دعائك
وجعله الله عيد سعيد علينا جميعا

رحــــيـل يقول...

موناليزا ازيك


يارب تكونى كويسه


عيد سعيد عليكى

ojg يقول...

صلاة التراويح
دعاء الامام
صوت آآآآآآآآآمين
من مصلى الرجال
تحسي ان كل حاجه بقت حلوة
وكل حاجه وحشه اختفت
كل الناس طيبين
وحتى لو حد عمل فيكي حاجه وحشه
انتي بتبقي شايفاه طيب
بتتسامحي

حاجات كتير قوي هفتقدها

ربنا يبلغنا رمضان تاني
وتالت
وميت رمضان

وكل سنة وانتي طيبة
:)

الراقـــص مع الذئـــــاب يقول...

السلام عليكم

كفي فإن القلب يحترق للفراق

دموع المحبين تُدفق
قلوبهم من ألم الفراق تشقق
عسى وقفة للوداع أن تطفئ من نار الشوق ما أحرق
عسى ساعة توبة وإقلاع أن ترفو من الصيام ما تخرق
عسى منقطع عن ركب المقبولين أن يلحق
عسى أسير الأوزار أن يطلق
عسى من استوجب النار أن يعتق
عسى رحمة المولى لها العاصي يوفق


كل عام وانتي بخير
بلغك الله رمضان اعواماً عديدة وأزمنة مديدة وتقبل الله منك صالح الاعمال

موناليزا يقول...

رحيل
ـــــــــــــ
اختى الحبيبة:اذيك ياقمر
وكل سنة وانتى طيبة وبخير وصحة
وانا الحمدلله بخير
ويارب يكون عيد سعيد علينا جميعا
********************************

أوج
ــــــــــ
اختى الحبيبة:معاكى حق صوت آمين ده بحس معاه برهبة غير عادية
يارب نفضل على طاعة الله دايما
وكل سنة وانتى طيبة وفى خير حال

*********************************

الراقص مع الذئاب
ــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل منا ومنكم يارب صالح الاعمال
وكل سنة وانت فى افضل حال وفى احسن صحة

أنا حر يقول...

كل سنة وانتم طيبين وان شاء الله تعود الايام الجميلة دي تاني باقصى سرعة
تحياتي

Sou يقول...

كل سنه وانت طيبه يا جميله
يارب نكون ممن اعتقنا من النار ...وتقبل الله منا ومنك...على فكره أنا رجعت وهاكتب تاني في البلوج :$

mohamed ghalia يقول...

تقبل الله منا ومنكم
كل سنة وحضرتك طيبة
بجد أنا هفتقد رمضان بكل روحانياته العالية وأكتر حاجة فكرت فيها فى أخر يوم ياترى هكون موجود فى رمضان الجاى ولا لا ياترى ربنا تبل منى رمضان ده ولا لا
اللهم ارحمنا واعنا على الإستمرار فى الطاعة

فزلوكة يقول...

كل سنة وانتى طيبة يا موناليزا
وبخير دايما يارب

nigro يقول...

السلام عليكم
كل سنة و حضرتك طيبة و بخير
تقبل الله منا و منكم سائر صالح الأعمال


يلا سلام

dina seliman يقول...

فعلا ياقمر رمضان عده بسرعه
تقبل الله فيه صالح اعمالنا

وكل سنه وانتى بالف خير

engy يقول...

كل سنه وانت طيبه
تقبل الله منا ومنكم
ان شاء الله
تحياتى

ahmed_k يقول...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

على فكره التهنئه دي بتاعتي
وفيها تعديلات خاصه أنا قمت بيها
لإظهارها بهذا الشكل
فإن وصلتك من غيري فقد أخذها من تعليق لي في أي مدونه تانيه

وكل عام وحضرتك بخير

القلم السكندري يقول...

كل عام وأنت بخير أختي الكريمة..

تقبل الله منا ومنكم..

وأعاد عليكم رمضان أعواما عديدة.. وسنينا مديدة

وجزاكم الله كل خير

nado يقول...

حمد الله على السلامه
وحشتينا
ويارب بجد تكون السنه كلها رمضان

كل سنه وانتى طيبه وعيد سعيد على الناس كلها

دومتى بخير

حـــــدوتـــــة يقول...

السلام عليكم

تقبل الله منا ومنكم

وكل سنة وانتى طيبة

سلالالالالالالالالالالالالالالالالالالالالالالالالالالام

امل يقول...

السلام عليكم ورحمة الله وبركاته
كل عاااام وانت بخير اختي الحبيبة ويااارب عيد سعيد عليكي وعلى كل أهلك وأحبابك

*الطالبة عفو الله *زوزو يقول...

اولا كل سنة و انتي طيبة يا حبيبتي
و عيد مبارك سعيد و تقبل الله منا و منكم صالح الاعمال
اه و الله مر بسرعة رهيبة يا ربته طول شويا
هي الحياة كدة ديما الاوقات الجميلة تمر بسرعة
الله المستعان
نسال الله ان نكون ممن عتقت رقبتهم من النار و ممن غفر لهم و قبلت توبتهم
امين امين امين يا رب العالمين
و دمتي في حفظ الله

اهو ده عيبه يقول...

كل سنة وانتى طيبة
وبخير وصحه ان شاء الله

موناليزا يقول...

انا حر
ــــــــــــ
اهلا بيك ياقندم
وانت طيب وبصحة وبسلامة وفعلا مفيش اسرع من الايام
ربنا يعودها علينا بخير واحنا فى افضل حال

*********************************

سو
ــــــــــ
اختى الحبيبة:وانتى طيبة ياقمر ووحشتينى بجد وجميل انك رجعتى لمدونتك تانى لانى مكنتش بعرف اتعامل مع البلوج التانى
وربنا يتقبل دعائك ويرضى عننا جميعا يارب

*********************************

محمد غالية
ـــــــــــــــــ
اهلا بيك استاذ محمد
ربنا يكرمك ويتقبل دعائك
وكل سنة وانت بالف خير
ان شاء الله نكون اعتقنا من النار هذا العام
ويارب نفضل على الطاعة دايما

********************************

فزلوكة
ـــــــــــــ
اختى الحبيبة:وانتى طيبة ياقمر ويارب تكونى بخير دايما

********************************

نيجرو
ــــــــــــ
وعليكم السلام ورحمة الله وبركاته
اهلا بيك يافندم
وحضرتك طيب وبخير وربنا يتقبل دعائك ويرزقك بكل الخير

**********************************

دينا سليمان
ـــــــــــــــــ
اختى الحبيبة:وانتى طيبة ياقمر ويارب نكون اعتقنا فيه من النار ونظل دائما على الطاعة

********************************

انجى
ــــــــ
اختى الحبيبة:وانتى طيبة ياجميلة وربنا يتقبل دعائك ويجعلنا من عتقاء الرحمن هذا العام

*********************************

أحمد-ك
ـــــــــــ
اهلا بيك استاذ احمد
واشكرك جدا على هذه التهنئة الرقيقة ولك بالمثل ان شاء الله
وكل عام وانت بالف خير

*******************************

القلم السكندرى
ـــــــــــــــــــــ
اهلا بيك يافندم
ربنا يكرمك ويتقبل دعائك
وكل سنة وانت بصحة وسعادة

********************************

نادو
ــــــــــــ
اختى الحبيبة:وحشتينى ياجميلة
وربنا يسلمك من كل شر
ويارب نفضل دايما على طاعة الله
وكل سنة وانتى فى افضل حال

*********************************

حدوتة
ـــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك
وكل سنة وانت بالف خير

********************************

امل
ـــــــــ
وعليكم السلام ورحمة الله وبركاته
اختى الحبيبة:ماتحرمش منك ياقمر
ويارب انا وانتى وكل المسلمين

*********************************

الطالبة عفو الله
ـــــــــــــــــــــ
اختى الحبيبة:وانتى طيبة ياجميلة
علينا وعليكى يارب
ربنا يتقبل دعائك ويرزقك بكل الخير

*******************************

اهو ده عيبه
ـــــــــــــــــ
اختى الحبيبة:وانتى طيبة يارب وفى احسن حال

بنت الصالحين يقول...

كل عام وانتي الي الله اقرب ياقمرايه

تقبل الله مننا ومنكم وعيد سعيد علينا وعلي الامه الاسلاميه جميعا

فى القلب يقول...

كل رمضان وأنتى عابده وشاكره ورقيقه الأحاسيس والمشاعر

غير معرف يقول...

والله يا موناليزا يا بنتي انا ماسكة نفسي لغاية دلوقتي ومش عايزة اتعرض لأي مغرية من مغريات الدنيا وجازة على سناني

يختيييييييي مش عايزة اقولك والله بجد عماله ادعي ربنا يثبتني بعد رمضان

الصحبة اللي معانا كمان حوالينا هي اللي بتعين الواحد
ربنا يعين ويستر ويلطف
قولي آمين
قولي

كل سنة وانت طيب يا جميل

مها ميهوووو

semsem يقول...

مناليزا
بجد وحشتينى اوى وافتقدتك فعلا
ياااااااااه
عيدك مبارك
___________________
اقولك افتقدت ايه


بجد بجد بجد افتقدت الصلاه الجميله
التراويح التهجد
الاحاسا الجميل برمضان ده
يااااااااااااااه
بجد كان ضيف غالى اوى

Jana يقول...

كل سنة وانتى طيبة وبخير موناليزا الجميلة
الواحد حيفتقد نفسه
لأنها بتبقى مختلفة فى رمضان
بتبقى اكثر طهرا واكثر نقاءا
لكن ندعو الله ان يبقيها لنا دون ان يلوثها الشيطان.
حأفتقد نفوس أخرى كانت جميلة فى رمضان .. منتهى التعاون والايثار خصوصا فى صلاة التراويح
احداهن كانت تترك مكانها فى الصلاة دوما لكل مريضة او سيدة عجوز وتبحث عن آخر فى مكان بعيد .وكانت تفعل ذلك يوميا .. لعلها احتسبت النية ولعله ما أعتقها من النار
وأخرى تجوب المكان ذهابا وايابا بزجاجات المياه بحثا عن عطشى
وكثيرات... لازلت ادعو لهن بظهر الغيب
من الآخر يعنى حأفتقد رمضان وروحانياته ورحماته وانطلاق القلب بأحلى الدعاء فيه
كل سنة وانتى طيبة ..ربنا يباركلك

PrInCeSS BeRy يقول...

حببيتى كل سنة وانتى طيبة وعيد سعيد عليكى يارب يسعد قلبك ويهنيكى والبزست جمل جدا جدا متميزة دايما يارب

NilE_QueeN يقول...

معلش اتاخرت اوى

بس كنت مشغوله الايام اللى فاتت اوى

فعلا رمضان مشي بسرعه اوى

يارب يجيلنا تانى ونستغله بشكل افضل

كل يوم وانت اسعد

موناليزا يقول...

عاشقة الفردوس
ـــــــــــــــــــ
اختى الحبيبة:وانتى طيبة ياجميلة
ربنا يتقبل دعائك ويرزقنا جميعا بكل الخير

*********************************

فى القلب
ـــــــــــــ
اهلا بيك يافندم
يارب انا وانت وكل المسلمين

*********************************

احسن تستاهل
ــــــــــــــــــ
اختى الحبيبة:ربنا يثبتنا جميعا بعد رمضان ويعينا على طاعته وذكره وحسن عبادته امين يارب
وكل سنة وانتى طيبة ويارب دايما على الطاعة

********************************

سمسم
ــــــــــ
اختى الحبيبة:وانتى كمان ياقمر وحشتينى جدا ويارب ماتشوفى مكروه ابدا
وعيد سعيد علينا وعليكى يارب
ياااه ياسمسم كانت ايام جميلة اوى ربنا يعودها علينا بخير يارب

*********************************

جانا
ـــــــــــ
اختى الحبيبة:وانتى طيبة وبصحة وسلامة دايما يارب
ما اجمل هذه النماذج التى ذكرتيها ويارب نفضل كده على طول
وكل سنة وانتى بالف خير انت وكل من تحبين

*********************************
برينسيس بيرى
ـــــــــــــــــــ
اختى الحبيبة: وانتى طيبة ياقمر
ربنا يكرمك ويعزك فماتوفيقى الا بالله
ويارب دايما متجمعين على طاعة الله

**********************************
نايل كوين
ــــــــــــــــ
اختى الحبيبة:ولا يهمك ياقمر
وكل سنة وانتى طيبة ويارب كل اوقاتنا تكون فى الطاعة

حبيبة الروح يقول...

كل سنه وانت طيبه يا موناليزا يا حبيبتي
والله وحشتيني جدا جدا جدا
هو فعلا شهر رمضان شهر جميل جدا روحانيا ونفسيا وجسمانيا كمان
بس بردو العيد له زهوته وحيويته وجماله
تحياتي لكي اختي الحبيبه

مي

saragebaly يقول...

موناليزا

اولا آسفة جدا جدااااااااا على التأخير

ثانية وحشتيني جداااا

ثالثا : كل سنة وانتي طييبة وبألف خير
عيد سعيد عليكي وعلى كل اسرتك

معلش هي متأخرة بس كان لازم اقولها

ربنا يتقبل منك ويكرمك ويبلغك رمضان المقبل وانتي في احسن حال

دمتي بكل الحب
سارة

موناليزا يقول...

مدينة الملايكة
ـــــــــــــــــــ
اختى الحبيبة:وانتى طيبة يامى ياجميلة
وانتى كمان ياقمر وحشتينى جدا ويارب ماتشوفى مكروه ابدا
ومعكى حق فكل وقت وله جماله الخاص
نورتينى حبيبتى ودمتى بخير
*****************************
سارةجبالى
ـــــــــــــــ
اختى الحبيبة:ولا يهمك ياجميلة عذرك معاكى ويارب دايما تكونى بخير
وانتى كمان وحشتينى جدا ويارب ماتشوفى مكروه ابدا
وكل سنة وانتى بصحة وسعادة يارب انتى وكل من تحبيبن
ودايما سباقة بالخير وتحرجينى بذوقك على طول
ربنا يكرمك ويسعدك ويتقبل دعائك
نورتينى حبيبتى ودمتى بكل الخير

منال (محبة عائشة رضي الله عنها وأمهات المؤمنين) يقول...

السلام عليكم و رحمة الله و بركاته :
تقبل الله منا و منك الشهر المبارك و رزقك بعد أعمال صالحة عديدة و حسنات كثيرة و الله وحشتيني يا موناليزا ، بارك الله فيكي و جزاكي خيرا ..أكتر حاجة أنا مفتقداها في رمضان صلاة التراويح و التهجد مع الشيخ حاتم عندنا في إسكندرية ما شاء الله صوت خاشع يجعلك تشعرين بالآيات ..و كمان الصحبة الصالحة ... ربنا يعيد علينا رمضان أعواما عديدة و أزمنة مديدة و نحن في صحة و عافية و قدرة علي العبادة..آمين...

موناليزا يقول...

منال مصطفى
ـــــــــــــــ
وعليكم السلام ورحمة الله وبركاته
اختى الحبيبة:وحشتينى حبيبتى ويارب تكونى بخير
ربنا يتقبل منا يارب ويباركلك ويثبتكوماتنسيش كمان صوت القرآن اللى كان مالى الشوارع فى هذا اشهر المبارك
نورتينى ياجميلة ودمتى بخير

ومازلتُ أتعلم يقول...

شعور بالحزن بجد
عملت اللى عليا فى رمضان
وحزينة على تقصيرى فى قراءة القرءان
وصلت للجزء العشرين فى نص الشهر
ووقفت لظروف كتير
بس واظبت على الصلاة التراويح والتهجد
الحمد لله
ربنا يتقبل منى

كل سنة وانتى طيبة ياغالية

موناليزا يقول...

وما زلت أتعلم
ــــــــــــــــ
اختى الحبيبة:اهلا اهلا بالقمر
سعيدة جدا بترك تعليق هنا

تعرفى شعورك ده معناه ايه
انك بإذن الله هتحاولى تكونى احسن من كده السنة الجاية
والحمدلله على انك داومتى على صلاة التراويح والتهجد
ربنا يتقبل منا ومنكم يارب صالح الاعمال
وكل سنة وانتى الى الله اقرب والى طاعته ادوم