الجمعة، 7 نوفمبر، 2008

قُلتهالك مِن الأول




قلبى فى لحظة هَدوس عليه

يوم ما تفكر تلعب بيه

وتجيب سكين وتّجرح فيه

يوم ما تفكر تحب غيرى

أو حتى تفكر تمسك إيدى

يوم ما تحن لحب قديم

يوم لما تدى لغيرى

إهتمام كان أصله ليُّ

يوم لما أبُص فى عينك

وأشوف فيهم واحدة تانية

يوم لما أسمع من غيرك

كلمة فى يوم قلتهالك

يوم لما أعرف

أنى بس رقم فى حياتك

يوم ما تقولّى بلسانك

بـــــــــــــــحبــــــــك

وأحس بقلبك بيقولُّها لغيرى

يوم ما تجرح مشاعرى بكلمة

وتقولّى آسفــــــــــــ

ده كان غصب عنى

ساعتها هسامحك

ومش هنسهالك

يوم ما تكلم غيرى بلهفة

يوم ما تدافع عنها بحُرقة

يوم ما تبص لغيرى

وألاقيها بنظرة ملك إيديك

ساعتها هسيبك وخليهالك

ما هى أصلها لايقة عليك

وفى ثانية هقول لقلبى اللى حبك

انسى مشــــــــــاعرك

دى ما كانتش ليه

ده عمره ماحبك

ولا أقدر مشاعرك

ومايستاهلش تفكر فيه

ولا حتى تنزل دمعة عليه

سيبه هو يبكى عليك

ويعيش فى ندم العمر عليك

******************

# لا تحزن على رحيل الردئ.

# لاتتنازل عن أى شرط وضعه عقلك لحماية قلبك.

هناك 48 تعليقًا:

نور يقول...

تحفة بجد المعنى ده

الخيانة صعبة قوي فعلاً

والشخص المخلص لا يستحق إلا الإخلاص

عجبتني قوي

لا تتنازل عن شرط وضعه عقلك لحماية قلبك

ده منهجي دايماً

مشكورة ياسكرة

ABOALI يقول...

يااااااااااا عينى
مال لو طبق الشرع واتجوز اربعة
هاتعملى فيه ايه

دى اول تعليق
لانى هاعلق تانى

ABOALI يقول...

المشاعر فى البوست ده
واخده اللون الاحمر التصاعدى
لون القلب احمر
لون الكلمات احمر (سكاكين يا ابنى )
لون العيون احمر (لو فكرت تبص لغيرى)
لون الدفاع احمر ( حتى لو دفعت بحرقة)
لون القلم احمر ( بايان من الحروف)

ولون ولون

طيب

بصى

انا حوا ليك
لو لفيت العالم انا ليك
برضاك غصب عنك ليك
تلف ودور هاترجع ليا اكيد
انا نصك التانى
وعيب عليك تكون انانى
انا كلى ليك
وقلبى بينادى عليك
انت حبه وحبه ليك
انت روحه ورحى ليك
انت عشقه وعشقى ليك
انت البسمة وانا كل بسماتك
كل ده ليك بشروط عليك
انااااااااااااااا
الاولى والاخيرة
انا النظره والبسمة والفرحة
والهمسة واللمسه ونور عينك
قلبك كله ليا
روحك ليا
حياتك برضوا ليا
ده مش احتلال
ولا احتكار
ده حب لو فهمته
هاتحسه بعينك


يا حوا انا ادم
بالراحة عليا شوية
احتوينى اكون ليكى
بيدك تكونى الاولى والاخيرة
عاوز اشوف نفسى فيكى
قربى لو انا بعيد
احضنى انا طفلك الوليد
كليمينى من غير مواعيد
كونى سكنى ومودتى وانسى
اكون ليك الامس
والغد لو بعيد



بس كلمات جميلة فيها دفء نارى مشتعل
وقلب متوهج احب وامتلك الحب وذهب منه فى لحظة فعبر واجاد


بس المسامح كريم برضوا

mohra يقول...

معك كل الحق وتذكرى
ان اعطيت احد فوق قدره اعطاك اقل من قدرك
تحياتى

همس الاحباب يقول...

رائعة جدا
كلمات ومعنى واسلوب
بجد كلماتها معبرة جدا جدا
وانكان بها حدة فى المشاعر
ولكن مغلفة بشىء من الرقة والرومانسية الشامخة لا الذليلة
تحياتى

أوراق ٌ لها قلوب يقول...

احساسك جميل ورقيق جدا

اتمنى تتعلمي بحور الشعر لو كنت حابه تكملي ان شاء الله
لانها هتخلي شعرك اجمل واجمل ان شاء الله

منى يقول...

كنت عايزه اقتبس حاجه من النص للتعليق بس حارس المدونه مرضاش

بتعجبنى اوى فكره الشموخ حتى وقت الالم
نرفض الكبر بالطبع
لكننا نعشق الكرامه
تسلم ايدك وروحك يا موناليزا

أسير الجراح يقول...

اووووووووووووووووو


تحفة بجد كلمات تمس القلب

عجزت عن ما يدور بداخلى


من تلك الرسالة

كلماتك لا توصف


كل الحب


اسير الجراح

wanna b a physician يقول...

عجبتنى اوى لا تحزن على رحيل الردىء نعم فالافضل سيأتى
والتنازل الزائد عن الحب شىء خاطىء وغير صحيح

تحياتى

موناليزا يقول...

نور
ــــــ
اختى الحبيبة:اشكرك جدا لرايك
وفعلا ما اصعب ان يقابل الاخلاص بالخيانة
خليكى على المنهج ده دايما
ربنا يفرح قلبك ويرزقك بكل الخير
نورتينى حبيبتى ودمتى بخير

***********************************

ابو على
ــــــــــــــ
اهلا بيك يافندم
ههههههههه فاجأتنى بالسؤال وبجد مش عارفة ساعتها ممكن اعمل ايه ولا ايه حتى هيكون رد فعلى!!

عاجبنى جدا تحليلك للالوان بهذه الطريقة

رد حواء كما قلته ينبض بالتحدى وبثقتها فى مشاعره تجاهها
اما حواء عندى فلم تثق مطلقا بمشاعره تجاهها
وعن آدم اريد حقا سؤاله لو فعلت حواء كل هذا واكتر مما يتخيله كمان ومع ذلك باعها بأرخص ثمن يبقى ليه؟؟؟؟
اجابتى على لسان ادم انه ماشافهاش اصلا رغم انها كانت قدامه (دى وجهة نظر حواء)

لديك قدرة فائقة على التحليل(ماشاء الله)بأرق الكلمات وابسطها

اما عن التسامح فكيف نطلب من قلب مجروح ان يسامح؟
ليتنا نصل الى هذه الدرجة التى تجعلنا نعفو ونسامح والى ان ياتى هذا الوقت يتولانا الله برحمته
اشكرك جدا لمشاركتك الثرية والتى تعطى للموضوع رونق خاص
دمت طيبا ولمدونتى زائرا

***********************************

مهرة
ــــــــــ
اختى الحبيبة:اهلا اهلا بالدكتورة الجميلة
اشكرك جدا لهذه الحكمة
مش كنتى تقوليهالى بدرى شوية:)
نورتينى حبيبتى واسعدتنى مشاركتك

********************************

همس الاحباب
ـــــــــــ
اهلا بيك استاذ خالد
اشكرك جدا لرايك ولمشاركتك
دمت طيبا ولمدونتى زائرا

*****************************

اوراق لها قلوب
ـــــــــــــــــ
اهلا بيك يافندم
اشكرك جدا لرايك واشكرك ايضا لهذه النصيحة الغالية
دمت طيبا ولمدونتى زائرا

*****************************

منى
ــــــــ
اختى الحبيبة:اهلا اهلا بالقمر
تعليقك غاية فى الرقة
اعشق كل ماتخطينه بقلمك فهو يحمل الكثير بكلمات قليلة
نورتينى حبيبتى ودمتى بخير

*********************************

اسير الجراح
ــــــــــــ
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا

*********************************

ونا بى فيزيائى
ـــــــــــــــــ
اهلا بيك يادكتور
ما اجمل تعليقك الذى يحمل من الكلمات ما بها فائدة للجميع
دمت طيبا ولمدونتى زائرا

الطالبة عفو الله يقول...

بوست جميل فهلا و مضمونه أجمل

سلمت يمناك حبيبتي

الخيانة شيء صعب أوي

بس فعلا الي يخون ما يستاهل ننزل عليه و لو نص دمعة نحتفظ بمشاعرنا للي يستحقها بجد

ربنا يحفظك يا قمر

على فكرة خير اللهم اجعلوا خير
انا حلمت بيكي

son's egypt يقول...

السلام عليكم
فعلا الانسان لما يحس ان اللي قدامة بيقول مجرد كلمة الحب بالسان مش بالقلب
بيكون واحد لا يستحق قلب الطرف الاخر

mahasen saber يقول...

طبعا الكلمات جميله لانها فيها قوه
لان دى بسميها ثورة الحب
هتجرحنى يبقى اعمل انقلاب والحياه مليانه ناس صادقه كتير
....
احييكى كلمات معبره يا مونا

مؤمنه يقول...

السلام عليكم ورحمة الله وبركاته

حبيبتى امة الله موناليزا

ايه الجرأه دى والثقه بالنفس المحلاه باعتزازك لها

جميله اوى الكلمات
معبره فى اسلوب بسيط ومختزله

دومتى طبه
اسعدتنى كلماتك
والسلام عليكم ورحمة الله وبركاته

romansy يقول...

طبعا من حقك انك تدافعى عن حبك بس اقولك انك عمرك ما هتنسيه مهما حاولتى ومهما دوست على قلبك لان القلب اللى بيحب عمره ما يكره وهيموت وهوبيحب مهما كان هو قلب

blue-wave يقول...

اللللللللللللللللله
بجد تحفه

كـــيــــــــارا يقول...

صحححححححححححححححححححححح


ده الكلام والله


الله ينور عليكي

mohamed ghalia يقول...

أختى العزيزة
حقيقى كلماتك رائعة ووواضح إنها من القلب
حسيتها قوى
دمتى بود وفى سعادة

rovy يقول...

اختى الحبيبه
موناليزا ..
حلوه قوى بجد و حسيتها جدا و حسيتك

اكيد عندك حق فى كل كلمه و اللى يتنازل عن كبريائه فهو ابدا لن يستطيع ان يحتفظ لا بحبه و لا بأى شىء غالى فى حياته ..

دمتى اختى الحبيبه عزيزة النفس دائما
اعزك الرحمن دوما و نصركى على من ظلمك

كل الود والتقدير

ملحوظه :
اختى الحبيبه احاول كثيرا الدخول الى مدونة الاخت مجداوية لكنى لا استطيع .. ادخل على البروفيل فقط و لا استطيع الدخول بعد ذلك و لا يعطينى الا صفحة بيضاء مهما حاولت و كررت المحاوله فاذا استطعت الدخول عندها ارجو ان تنبهيها لذلك فانا لا اعلم اذا كانت المشكله من عندى ام من عندها .. و لكنى حاولت ان ارسل لها على الايميل بالبروفيل فتعذر هذا ايضا ..
سأعاود المحاوله الى ان يأذن الله
و اسفه لو حاتعبك معايا ..

تحياتى

Sometimes يقول...

انتى قولتيها من الاول بس هو مسمعهاش
احساس صعب اوى
ربنا ما يكتبه على حد ابدااااا

"لا تحزن على رحيل الردئ.
لاتتنازل عن أى شرط وضعه عقلك لحماية قلبك"
حاضر:)

ghorBty يقول...

السلام عليكم ورحمة الله وبركاته

مدونتك جميله ما شاء الله ربنا يبارك فيك كلها مواضيعها جميله واسلوبها سهل وجميل وعجبي كمان مدونه حل المشاكل بجد حاجه جميله جدا نفع الله بكم وتقبل منكم
وسعدت جدا بمرورك لدي

علشان الفيديو ما اشتغلش معاك حبيت اديك رابط الانشوده بس يار ب تشتغل
http://rekaaz.com/audio/playmaq-1414-0.html

Hosam Yahia حسام يحى يقول...

روووووعه

بجد ماشاء الله

الكلمات رائعه

وعجبتنى جدا الجمله الاخيره

حبيبة الروح يقول...

بجد رائعه يا موناليزا ايه الجمال والقوة والكبراياء

يوم ما تجرح مشاعرى بكلمة

وتقولّى آسفــــــــــــ

ده كان غصب عنى

ساعتها هسامحك

ومش هنسهالك


اكتر جزء لمسني بجد بس تعرفي علي قد ما بنقول مش هنسامح او مش هننسي بس بنحاول ننسي او نتناسي لاننا قلوب بتحب بس بردو بتتالم فبنحاول مننساش بس في كل الحالات بنحاول
جميله يا موناليزا بجد
وحشتيني جدا نفسي اكلمك بقي
تحياتي
مي

ماما أمولة يقول...

موناليزا

كلامك جميل بس غيرتك صعبة

الانسان المخلص بطبعه مش ممكن يخون

والخاين مهما قلتي مش ها يتغبر مهما

يكون

ربنا ينور لك طريقك

تقديري

رحــــيـل يقول...

المهم ان نصل للقرار السليم
قد نأخذ وقتا ونتعب احيانا
ونتعذب لبعض الوقت

المهم ان نثبت على ماتوصلنا اليه من قرارات لحمايه القلب

دومتى بخير دائما وابدا

bastokka طهقانة يقول...

اه طبعا اللي يهواك اهواه و اللي ينساك شد عليه السيفون


اوروفوار

موناليزا يقول...

الطالبة عفو الله
ــــــــــــــــــــ
اختى الحبيبة:ربنا يكرمك ويبارك فيكى واشكرك جدا لرايك ولمشاركتك
حلمتى بإيه؟ يارب يكون خير
نورتينى حبيبتى ودمتى بخير

*********************************

ابن مصر
ــــــــــ
وعليكم السلام ورحمة الله وبركاته
اهلا بيك يافندم
صدقت اخى الكريم
دمت طيبا ولمدونتى زائرا

**********************************

محاسن صابر
ــــــــــــ
اختى الحبيبة:اذيك ياقمر يارب تكون صحة مامتك احسن دلؤتى

عجبنى اوى مسمى "ثورة الحب"
تعرفى يليق اكتر بدل عنوان البوست
اشكرك جدا لرايك ولمشاركتك
نورتينى حبيبتى ودمتى بخير

*********************************

مؤمنة
ـــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ومبسوطة جدا ان كلماتى اعجبتك
نورتينى حبيبتى وزيارتك تسعدنى دائما

*******************************

رومانسى
ــــــــــــ
اهلا بيك يافندم
مع احترامى لرأيك ولكن اذا أردت أن تنسى فستفعل
وانا معك ان القلب اللى يحب مايقدرش يكره ولكنها هنا لم تكرهه هى فقط أخذت قلبها ورحلت
دمت طيبا ولمدونتى زائرا

*********************************

بلو واف
ـــــــــــ
اهلا بيك يادكتور
اشكرك جدا لرايك
دمت طيبا ولمدونتى زائرا

********************************

كيارا
ــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتى بخير

*******************************

محمد غالية
ــــــــــــ
اهلا بيك استاذ محمد
ربنا يكرمك واشكرك جدا لرايك ولمشاركتك
دمت طيبا ولمدونتى زائرا

**********************************

روفى
ـــــــ
اختى الحبيبة:مش بعيد على احساسك العالى والراقى ان يشعر بمن حوله
اشكرك جدا لرايك وربنا يسعدك يارب ويتقبل دعائك

قمت بارسال رسالة خاصة لاختنا الحبيبة مجداوية وبلغتها بما طلبتيه
انتى تؤمرى ياحبيبتى تعبك راحة وده حقك عليا
نورتينى حبيبتى وتسعدنى زيارتك دائما

**********************************

ساعات ساعات
ـــــــــــــ
اختى الحبيبة:يارب يتقبل دعائك ومايكتبوش على حد ابدا لانه بجد احساس لايحتمل
يحضرلك الخير ياقمر ويرزقك بكل السعادة اينما تكونى
نورتينى حبيبتى ودمتى بخير

*********************************

غربتى
ـــــــــ
وعليكم السلام ورحمة الله وبركاته
اختى الحبيبة:ربنا يكرمك يارب على هذا الكلام الجميل ويارب نكون كده فعلا فما توفيقى الا بالله
انا اللى بشكرك على زيارتك الجميلة واحضار الرابط لى والله انه لكرم زائد من جانبكم وقد قمت بتحميلها والاستماع له حقا رائعة
تسلمى غاليتى ونورتى مدونتى

**********************************

حسام يحيى
ـــــــــــ
اهلا بيك استاذ حسام
ايه الغيبة دى كلها لعل المانع كان خير

اشكرك جدا لرايك ولمشاركتك
دمت طيبا ولمدونتى زائرا

********************************

حبيبة الروح
ـــــــــــــــ
اختى الحبيبة:اشكرك جدا لرايك ومبسوطة انها عجبتك
اما عن النسيان فهناك اشياء من الصعب ان تتمحى من الذاكرة ومن ضمنهم جرح قلبك بكل قسوة
يارب مايكتب جرح القلوب لاحد ابدا ويرزقك بالفرح دائما
وانتى كمان حبيبتى وحشتينى جدا ومبسوطة برجوعك تانى وان شاء الله نتقابل قريب
نورتينى مى الجميلة ودمتى بخير

**********************************

ماما امولة
ــــــــــــ
اختى الحبيبة:هى مش غيرة على قد ماهو احترام لمشاعرى
وفعلا كما قلتى الخاين بطبعه مش ممكن يتغير بجد جملة جامدة جدا
تسلميلى يارب من كل شر
نورتينى حبيبتى ودمتى بخير

*********************************

رحيل
ــــــــ
اختى الحبيبة:فعلا كما قلتى المهم الثبات على موقفنا وعدم الضعف
نورتينى حبيبتى واسعدتنى مشاركتك

ghorBty يقول...

السلام عليكم والرحمه


بارك الله فيك وجزاني واياك

سعدت كثيرا ان الانشوده فتحت معاك

وعلي فكرة انتي اللي بدأتي بالخير وزرتني فجزاك الله خيرا
جمعني الله واياك في مستقر رحمته

Teawater يقول...

بصراحه قوانين عاقله جدا
بس حقيقي صعبه جدااا والي بيحب بيتنازل ولا ايه رايك
بيتهيقلي لو بتحبي حد هتتنازلي شويه

amnesia يقول...

والله جميل اوى .. تسلم ايديكى يا موناليزا
وكلامك صح طبعا وتعبيرك يجنن
بجد مش عارفه اقول ايه .. الى الامام

bar2ash يقول...

السلام عليكم

ازيك يا موناليزا

عجبتني جدا بس زعلتني جدا

لاني متمناش تكون حصلت ليكي

يارب يكون موقف بتكتبي عنه وميكونش موقف شخصي لان الاحساس ده مش حلو بجد

حلوه الكلمات ولو انها عايزه لحن عشان نفهمها اكتر او نظبطها

تحياتي ليكي


برقش

ضــى القمــر يقول...

كلمات ومعانى راائعه يا اختى

عرضت موضوع هام ولكن بكلمات تنم عن العذوبه والرقه

بكل صدق ابدعتى اختى بها .

اجمل تحيه لكِ

ولجميل قلمكِ الغالى

nour shahen يقول...

عجبنى جدا اخر ملحوظه او اخر كلامك
بس للأسف مش دايما بنسمع لعقولنا لما القلب يحب ويتعلق بشخص
بيمشى وراه ويبقى السراب متجسد قدامه وكأنه حقيقه مش اوهام
بس عارفه اننا لازم فعلا نحط قواعد بعقولنا منخرجش عنها مهما أتوسل لينا القلب
كلماتك كلها جميله جدا ونصيحه غاليه يا رب نقدر نحققها
خالص تحياتى وأحترامى ليكى

الربان يقول...

تحياتي اختي الفاضلة

اولا... المعاني الجميلة التي وردت في كتاباتك تنبه القلب و تنشط ذاكرته.

و ايضا تبين مدي قوة مشاعرك...و قوة
حب تملكك لمشاعر و افكار من تحبين...هذا
النوع من الحب سلاح ذو حدين لانه ممكن ان يضيف سعادة ما بعدها سعادة للحبيب...و ايضا ان يدمر قلب الحبيب
في حالة الافتراق...

بالنسبة لموضوع الرابط....جزاك الله خيرا
علي التنوية...و اسمحي لي ان اقول: هل نحن بحاجة الي تمزيق اكثر...اي نصنف مدونات بأتها اسلامية..و اخري غير....
اعتقد ان الهدف من وجود معظمنا هنا
ان يعبر عن افكاره...و ليس بالضرورة ان تكون اسلامية...و لكن بالضرورة ان
يكون ما نكتب به التزام بأدب الحوار
الذي هو من الاداب الاسلامية....

ليكن التدوين وعاءً نظيفاً لاحتواء الكتابات و الافكار النقية الشفافة
ليكن الحب في الله للجميع...طالما لا يتناقض و لا يتعارض مع ديني .

اشكرك كل الشكر...و لك مني خالص التحية و التقدير.

د\همسة يقول...

كلامك بجد حميل قوى موناليزا وبيفكرنى بمقولة قرائتها (إذا أحببت شىء بشدة فترك لة العنان فأن عاد لك فأنة لك حتى النهاية وإن لم يعد فانة ليس لك منذالبداية)وإلى الامام دائما

نور الدين يقول...

اهلا موناليزا
......................
كالعادة كلماتك رقيقة وراقية
اعجبنى جدا صوت الكبرياء الذى بدا صارخا عاليا فوق سفين الكلمات يمخر عباب التجربة
ثم اكتملت الصورة بالجملة الاخيرة حقا اننا نسقط فقط حين نضع دثارا يغطى عين العقل

تحياتى لك متواصلات ما طلعت الشمس

نور الدين محمود

(أم البنين) يقول...

ممممم
شروطك لن يقبل بها إلا شاب صالح يسعى لزوجة صالحة مخلصة
أسأل الله أن يرزقك الزوج الصالح

موناليزا يقول...

طهقانة
ـــــــــ
اختى الحبيبة:اشكرك جدا لمشاركتك
نورتينى حبيبتى ودمتى بخير

********************************

غربتى
ـــــــــ
وعليكم السلام ورحمة الله وبركاته
اختى الحبيبة:ربنا يسعدك كما اسعدتينى بمتابعتك وعودة زيارتك
ومدونتك حقا تستحق الزيارة
نورتينى حبيبتى وتسعدنى زيارتك دائما

*********************************

تي واتر
ـــــــــ
اهلا بيك يافندم
مع احترامى لرايك ولكن أصون كرامتى من قبل حبى
نورت مدونتى واشكرك جدا لمشاركتك

**********************************

امنيسيا
ــــــــــ
اختى الحبيبة:ربنا يكرمك واشكرك جدا لرايك ولمشاركتك
ومفيش اجمل من اللى انتى قلتيه"الى الامام"
نورتينى حبيبتى ودمتى بخير

*********************************

برقش
ــــــــــــ
وعليكم السلام ورحمة الله وبركاته
اهلا بيك يادكتور
انا الحمدلله بخير اشكرك لسؤالك
جعلتنى ابتسم اخى الكريم لان انا برضه مكنتش اتمنى انها تحصللى ولكن قدر الله وماشاء فعل
وبالنسبة للحن فاترك لك حريةالاختيار
ولو فيه حاجة مش واضحة ياريت تعرفنى وانا أقوم بالشرح الوافى
دمت طيبا ولمدونتى زائرا

*********************************

ضى القمر
ـــــــــــــــ
اختى الحبيبة:اشكرك جدا لرايك وعلى هذا التعليق الرقيق
حقا اخجلتم تواضعنا
نورتينى حبيبتى ودمتى بخير

**********************************

نور شاهين
ــــــــــــــ
اختى الحبيبة:فعلا حبيبتى يجب ان يتدخل العقل حتى لانندم
نورتينى ياجميلة ودمتى بخير

********************************

الربان
ــــــــــ
اهلا بيك يافندم
اشكرك جدا لرايك ولمشاركتك التى حملت تحليل رائع جدا

اما عن الرابط احترم رايك جدا ووجهة نظرك وهذا بالفعل مانريده واسمحلى اوضح الفكرة ببساطة وهى التزام المسلمين فى كتاباتهم وبالصور المعروضة عندهم وباختيارهم للموضوعات وما الى ذلك
يعنى على سبيل المثال انت ممكن تدخل مدونة وماتبقاش عارف هو صاحبها مسلم ولا لأ وبالنسبة للنقطة دى تحديدا اقترح وضع اى شعار اسلامى على كل مدونة صاحبها مسلم
مع العلم بأنك حر تماما فى مدونتك تكتب فيها ماتشاء طالما لايسئ للاسلام بأى حال من الاحوال
ولانحاول التفرقة مطلقا ولكننا نريد ان نشجع بعض وان نتباهى بهويتنا الاسلامية
اشكرك جدا لفتح مساحة من المناقشة فى هذا الموضوع وارجو ان اكون قد وفقت فى التوضيح
دمت طيبا ولمدونتى زائرا

**********************************

د/همسة
ـــــــــ
اختى الحبيبة:اشكرك جدا لرايك ولهذه المقولة الجميلة
نورتينى حبيبتى ودمتى بخير

*******************************

نور الدين
ــــــــــــ
اهلا وسهلا استاذ نور الدين
عودا احمدا
اشكرك جدا على هذا التعليق البليغ
وعلى رأيك القيم
دمت طيبا ولمدونتى زائرا

********************************

ام البنين
ــــــــــــ
اختى الحبيبة:ربنا يتقبل دعائك ويرزقنى ويرزق بنات المسلمين جميعا بازواج صالحين
نورتينى حبيبتى ودمتى بخير

المحارب المتيم يقول...

موناليزا

برغم الكلمات الجملية

فى ملاحظة على ملاحظتك الاخيرة

احيانا العقل يضع قيودا للقلب بعضها

لابد منه ولكن الاخر لابد من عدمه

بمعنى لا تدعى العقل فقط يقرر ولا القلب فقط يقرر فالاثنان يخطئان ولكن خطأ القلب نادر جداا ويمكن اصلاحة بعكس القلب لذلك قال الرسول استفت قلبك

ولم يقل استفت عقلك

وأرددها من بعده لك استفت قلبك فدوما يحس بما ينفعك

تحياتى لقلمك الرقيق

دعوة للأمل يقول...

بجد رائعة و جميلة
و فعلا عندك حق
لا تحزن على رحيل الردئ
لاتتنازل عن أى شرط وضعه عقلك لحماية قلبك.

Khaled يقول...

ههههههههههههههه

مش باقولك إنى شايف فيكى كاتبة أغانى موهوبة ..
صدقينى أنا كنت باحاول ألحنها وانا باقراها ..
أما عن المحتوى ...
لى رأى .. إن لم يكن الحب متبادل .. فلا يلزمنا حتى أن نتذكرة

دمتى مبدعة

GiGi يقول...

للاسف عادي لماندوس على قلبنا فى الزمن اللى احنا فيه ده
ربنا يرحمنا

د.مادو يقول...

السلام عليكم
كلماتك معبره ورقيقه
ربنا يبعد عنك وعننا الخونه والخيانه
تسلم ايدك

موناليزا يقول...

المحارب المتيم
ــــــــــــــــ
اهلا بيك يافندم
مع احترامى لمداخلتك وذكر حديث رسولنا الحبيب ولكنى اعتقد والله اعلم ان هذا الحديث لم يكن المقصود به مااردت قوله فى هذا البوست
فلاتنسى اخى الكريم ان النفس أمارة بالسوء
وانا معك ان اتفاق العقل والقلب من اجمل الاشياء ولكن اوقات كثيرة لايرى القلب اى شئ سوى رغبته فقط فى تكملة مشوار نهايته معروفة للجميع ولكنه الوحيد الذى يرفض التصديق وهنا يأتى دور العقل الذى يلجم هذا القلب حتى لاينجرف اكثر من هذا
ارجو ان اكون وضحت مقصدى
دمت طيبا ولمدونتى زائرا

*********************************

دعوة للامل
ــــــــــــــ
اختى الحبيبة:اهلا بيكى فى زيارتك الاولى
اشكرك جدا لرايك ولمشاركتك
نورتى مدونتى وارجو دوام التواصل

*******************************

خالد
ـــــــــــ
اهلا بيك استاذ خالد
الله يكرمك.. كاتبة اغانى وموهوبة كمان هههههههه ده بس من ذوقك
بجد مستغربة انها ممكن تتلحن لانى وانا بكتبها كنت متغاظة جدا واللحن الوحيد اللى جه فى دماغى ساعتها انى اكسر اى حاجة قدامى هههههههه
اشكرك جدا لرايك ولكن ما اصعب ان تكتشف انه من طرف واحد بعد فوات الاوان
دمت طيبا ولمدونتى زائرا

*********************************

جيجى
ـــــــــ
اختى الحبيبة:على قد ماتعليقك موجع بس جميل ان يكون لينا قلب وندوس عليه
احسن من ان نكون بلا قلب
نورتينى حبيبتى ودمتى بخير

*********************************

د/مادو
ــــــــــ
وعليكم السلام ورحمة الله وبركاته
اهلا بيك يادكتور
ربنا يكرمك ويتقبل دعائك
نورت مدونتى واشكرك جدا لرايك

الازهرى يقول...

موناليزا
اختى فى الله


يوم ما تجرح مشاعرى بكلمة
وتقولّى آسفــــــــــــ
ده كان غصب عنى
ساعتها هسامحك
ومش هنسهالك


ولم لا ننسى ما دمنا قد سامحنا

الكلمات جميلة والمعنى رائع وان كنت ارى القسوة فى بعض مقاطعه

تحياتى دوما

موناليزا يقول...

الازهرى
ــــــــــ
اهلا بيك يافندم
اشكرك جدا لرايك ولمشاركتك
وردا على سؤالك ان هذه طبيعة النفس البشرية فالتسامح ليس معناه ان امحو من ذاكرتى ماقد بدر وتسبب فى ألمى (ماتقصده هو العفو أخى الكريم)ولكن معناه ان اتناسى واعديها المرة دى عشان المركب تمشى لكن اذا ماتكرر نفس الموقف يجب ان يتخذ موقف حاسم
دمت طيبا ولمدونتى زائرا

نور love story يقول...

السلام عليكم
ايه الماهب الجميلة ديه

كلام جميل امني لك المذيد
اسمحي لي ان اقول معكي

لا تبكي علي اللبن المسكوب
ان البكاء لا يفيد
حيث انه لا يشفي اللقلوب
بل الجروح والالام يُذيد

نور

موناليزا يقول...

نور
ــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
وفعلا لايفيد البكاء على من اصبح قلبه من حديد
نورتينى حبيبتى واسعدنى تواجدك