الأربعاء، 22 أبريل 2009

يوم زفافك

المشهد الأول:-
ـــــــــــــــــــــــــــ
فتاة تغطى رأسها ولكنها تُصمم أن يكون فستان زفافها عارياً . يعترض جميع الأهل. لكن العريس يوافق حتى لايغضب عروسه يوم زفافها!!.
المشهد الثانى:-
ــــــــــــــــــــــــ
فتاة مُحجبة تصمم أن يكون حفل زفافها إسلامى . يعترض جميع الأهل بما فيهم العريس ويتم الطلاق قبل الدخول!!.
المشهد الثالث:-
ــــــــــــــــــــــــ
عروس ترتدى فستانها الأبيض وبكامل زينتها وفى وسط جميع الأهل والأصحاب. تقف مع عريسها على كوبرى ليلتقطا بعض الصور. ومن ضمن هذه اللقطات يحملها عريسها أمام الجميع ولكنها تقع من على الكوبرى لتلقى حتفها فى الحال.
ومشاهد أخرى كثيرة. كل هذا يجعلنى أوجه تساؤلى للعريس على اعتبار أنه الرجل والقوامه ليه.
كيف تقبل أن تظهر عروسك بكامل زينتها أمام الغرباء؟؟.
أين غيرتك كرجل على محارمك؟.
كيف تقبل أن تصافح عروسك الرجال المهنئين لها بل وترقص أمامهم أيضاً.


اما أنتِ حبيبتى فى الله . لماذا يشترط أن يكون فى يوم عُرسك الإختلاط والأغانى والرقص؟؟.
لماذا تخلعين حجابك يوم زفافك؟. حتى تصبحين أجمل أمام من؟؟؟. طيب وربنا مالوش حق عندك فى اليوم ده؟ ياترى لو كان هو يوم موتك _ماهى الأعمار بيد الله وذكرت المشهد الثالث خصيصاً لذلك-هل هتكونى سعيدة أن دى خاتمتك.
ياترى فكرتِ يومها هتصلى فين جميع فروضك؟ ولا النهاردة مش مهم الصلاة.
ياترى الكوافير هيكون رجل ولا سيدة؟؟.
ياترى هتقومى بعملية النمص(ازالة الحواجب ورسمها بالتاتو أو ترقيقها) ولا برضه ربنا أمامك فى كل تصرفاتك؟.
ليه ماتشكريش ربنا على نعمة الزواج بالطاعة؟.
أنتى عارفة كام واحد ممكن يتفتن فى اليوم ده بسببك؟ شوفى النساء عموما يومها وبجميع الاعمار هيكونوا فى كامل زينتهم ازاى؟ وشوفى هيجاملوكِ ويقوموا يرقصوا معاكِ. وطبعا اللى بيصور الفيديو رجل هيتفحص فى ملامحك وفى ملامح جميع النساء بل وسيطلب منك أداء حركات معينة حتى تصبحين فاتنة. كيف تسمحين له أو لغيره هذا؟؟؟
تخيلى لو أنتى ملتزمة يعنى مابتحطيش ماكياج وأنتِ خارجة وده العادى بتاعك تيجى يومها واللى ماشافوكيش حتى من زمان يشوفوكِ وانتِ فى كامل زينتك كده؟ يعنى كل التزامك ده يروح فى مجرد ساعتين؟ طيب عشاان ايه؟
هل تستبدلين الذى هو أدنى بالذى هو خير؟.
إيه المانع لو الحفلة كانت إسلامية؟؟.
المانع الوحيد من وجهة نظرى هو كلام الناس. وأنه حاجة غريبة الناس مش متعودين عليها. عادى خليكِ متميزة واعملى سُنة حسنة الناس يقلدوكِ بيها بعدين. افتكرى كدة زمان ماكانش فيه عروسة محجبة لكن دلؤتى الحجاب انتشر جداً وده ليه لأن الطلب بقى عليه متزايد واللى محدش كان بيتقبله امبارح مثلاً النهاردة بقى عادى. وأصبحت العروسة المحجبة أشيك وعلى الموضة اكتر كمان.
إذا كان على كلام الناس فالناس كدة كدة مش هيعجبها حاجة ولازم هتعترض وهتعلق وهتنتقد. يعنى إرضاء جميع الناس صعب لكن إرضاء الله أسهل بكثير.
وبعدين ايه المشكلة لو الناس تتعود على الافراح الاسلامية. مش احنا مسلمين برضه!! يبقى ليه نقلد الغرب حتى فى أفراحهم. اعملى فرح تتباهى بيه أمام النبى صلى الله عليه وسلم. اعملى فرح يشفعلك عند ربنا يوم القيامة. كونى داعية لله حتى يوم فرحك.
الفرح الإسلامى لايختلف كثيراً عن الفرح العادى. يعنى العروسة بتلبس برضه الفستان الأبيض وبتكون بكامل زينتها وهيكون فيه رقص كمان لو هى عايزة بس الفرق انها هتعمل كل ده بدون اختلاط. يعنى النساء فى مكان والرجال فى مكان.
بس طبعاً من بداية اليوم لازم برضه تكون طاعة يعنى تحرص عند اختيار الكوافير أنها لازم تكون سيدة وليس رجل حتى لو كان صاحب المحل وبلاش تقول ده هو يوم وإيه المشكلة لأن محدش ضامن عمره عشان تفرط فى يوم منه.(ازااااااى تسمحى لرجل غريب أصلاً أنه يشوف شعرك مش يلمس وجهك!!!!!).
هتتزينى وهتضعى مساحيق التجميل كما يترائى لكِ ولكن بشرط لايراكِ رجل(يعنى ممكن يومها تغطى وجهك بطرحة بيضا ثقيلة وانتى داخلة قاعة النساء وحينما يتم غلقها عليكن تفعلى ماتريدين حتى لو هتخلعى حجابك وهترقصى مع أخواتك:)
ماتنسيش طبعاً تصلى الفروض يومها.
يوم زفافك بداية حياة جديدة لكما فابدأوها بطاعة الله حتى تحل عليكما البركة.
قل بداخلك لن أنساك ياربى حتى فى يوم زفافى وسأفعل مايرضيك عنى أبداً ماحييت حتى لو على حساب تعليقات الناس واستهجانهم.
وربنا يبارك للجميع فى حياتهم ويرزقنا جميعاً حلاوة الطاعة ويزين الإيمان فى قلوبنا.




سؤال جانبى:
* ما رأيك بصراحة فى الأفراح الإسلامية؟.(للجميع)
* ما هى أحلامك ليوم زفافك؟(لغير المتزوجين)
* (أسئلة للمتزوجين)
-أذكر أطرف موقف حدث لك يوم زفافك؟
- ماذا تتمنى لفرح اولادك؟



هناك 74 تعليقًا:

Abo 7anf يقول...

السلام عليكم
هو طبعا الافراح الاسلاميه كويسه وكل حاجه
بس انا كان عجبنى فكره منتشره مؤخرا
بيوفروا تمن الفرح ويطلعوا بيه عمره

د/عرفه يقول...

انا بحب جدا الافراح الاسلامية
وخصوصا لو كان المكان راقى ونضيف
اكيد الانسانة المسلمة مفروض
تحافظ على زيها وملبسها
سواء كانت فى يوم زفافها او غيره



وبعدين بالنسبة للموضوع السابق
انا قولت بس انى معترض على فكرتك
واظن ان الكثير كان معايا فى الرأى

د. ياسر عمر عبد الفتاح يقول...

فيه جوازات كثير باظت بسبب الفرح
أعرف واحد لما قال لأهل العروسة هعمل فرحي إسلامي قالوله يعني مش هترقوصوا مع بعض؟
قالهم لا
قالوله ولا حتي سلو؟
قالهم ولا فاست

قاموا قلشوه


سؤال جانبى:
* ما رأيك بصراحة فى الأفراح الإسلامية؟.(للجميع)

مفيش حاجة إسمها رأيك
أصل مفيش بديل
الأفراح الإسلامية لما بتبقي منظمة كويس ومتظبطة بتبقي جميلة جداً

* ما هى أحلامك ليوم زفافك؟(لغير المتزوجين)

يارب أطلع من اليوم ده من غير ذنوب
أكيد هيبقي فرحي إسلامي إن شاء الله
بس لما يبقي يجي اليوم ده يعني

سلوى يقول...

قريب حضرت فره إسلامي

العروسه راحت لكوافير بنت
ومصور الفيديو كان بنت

العروسه كانت حاطه طرحه بيضا على وشها

ولما دخل القاعه ومكنش فيها ولا راجل غير المحارم
رفعت الطرحه
وشويه كمان والعريس خرج يقعد مع الرجاله

والصاله كلها كان نسسسسسسسسساء :))

********************
واحده صاحبتي تانيه
كان شرطها بدل ما تجيب شبكه وكده
إنهم يسافروا يحجوا
طبعا شئ رائع

طبعا أنا أفضل كده
أفضل إن مايدفع في الفرح والمظاهر دي
يدفع في شئ مفيد

أصل المعازيم في كل الأحوال مش هيعجبهم العجب :)))

دمتى موناليزتي بكل الخير
وربنا يرزقك الزوج الصالح

موناليزا يقول...

ابو حنف
ــــــــــ
وعليكم السلام ورحمة الله وبركاته
اهلا بيك يافندم بعد طول غياب
ودى فعلا فكرة جميلة
دمت طيبا ولمدونتى زائرا





********************************





د/ عرفة
ــــــــــــ
اهلا بيك يادكتور
ربنا يعزك ويكرمك اشكرك جدا لرايك

ده حقيقى يافندم وكان ردى ان سعيدة بجد بأمانتكم معى
دمتم لى أخوانا صادقين
دمت طيبا ولمدونتى زائرا






*********************************





د. ياسر عبد الفتاح
ــــــــــــــــــــــ
اهلا بيك يادكتور
ربنا يهديهم يارب ويردنا جميعا اليه ردا جميلا

ربنا يكرمك يارب ده فيه ناس مش بتعترف بالافراح الاسلامية من اصله!:)
ربنا يرزقك بالزوجة الصالحة اللى تعينك على طاعة الله
اشكرك جدا لمشاركتك
دمت طيبا ولمدونتى زائرا







********************************






سلوى
ـــــــــ
اختى الحبيبة:ربنا يرزقك يارب بالزوج الصالح اللى يعينك على طاعة الله
سعيدة بجد بتفكيرك ربنا يسعدك
اشكرك جدا لمشاركتك
نورتينى سلوتى الجميلة ودمتِ بخير

الفقيرة إلى الله أم البنات يقول...

لافراح الاسلاميه جميله وكفايه انك بتبدأى حياتك بطاعه
وأنا ضد الافراح اياها..ولا احضرها

الحقيقه اطرف حاجه حصلت يوم زفافى وعلى فكرة مكنش إسلامى..وكان على سفينه فى النيل....وش مكسوف بس منكتش بدأت طريق الالتزام يعنى حجاب وصلاة وصوم وخلاص

اللى حصل بقى ان زوجى الحبيب طلب منى
ونحن ننتظر الدخول للتصوير ان نأتى تانى يوم لنتصور بناء على مشورة جوز اخته
قاله تعالى تانى يوم الجو أروق وهتتصورا على طول

اتنى لبناتى ازواج صالحين متربين..مؤدب ويعرف دينه...ووقتها أكيد هيعملوا اللى مفروض يتعمل


اسأل الله ان يسعدك فى الدارين
وش مفروس

غير معرف يقول...

انا بستغرب بجد من الافراح المصرية تلاقي الفرح مختلط والعروسة والنساء كلهم متحجبين واكيد طبعا في رقص

تيب وليه كل دا ما يعملوا فرح مش مختلط ويعملوا الي عاوزينه فيه

وطبعا الافراح الاسلامية جميلة وبتبقى مش مختلطة بس عندنا بغزة غير عندكم معرفش افراحكم الاسلامية ازاي

أذكر أطرف موقف حدث لك يوم زفافك؟

انه جوزي اتأخر عليي بيوم الفرح ساعة ونص لدرجة انه المعازيم فكروا انه خلع ومش جاي و بقى شكلي وحش جداااا وكل دا بسبب تاخيره عند الحلاق ههههههههه طبعا انا كنت قاعدة مع المعازيم ببيت اهلي وبانتظار العريس يجي ياخدنا عالصالة ^ـ^

- ماذا تتمنى لفرح اولادك؟

ان شاء الله هما يجوا وبعدين ابقى افكر بفرحهم

ربنا يسعدك ويرزقك بالزوج الصالح

hasona يقول...

السلام عليكم

عندك حق كل حاجة أمرنا بها دينا
واسلامنا جميلة ومفيدة ونافعة
فحتي الافراح الاسلامية

كل شئ في مكانه حتي كلمات الاناشيد لها معني

والفرح يوفر - مش معقول يبدأ العريس والعروس حياتهم بمعصية وكمان مكلفة ويقضون فترة من حياتهم من أصحاب الديون والهم والحزن

وبجد لو البداية اسلامية أكيد الباقي سينجح وربنا هيرزقهم الذرية الصالحة والطبية ان شاء الله

تحياتي

SHAPE YOUR LIFE (ABOALI) يقول...

يوم الزفاف
اكيد يوم جميل يتشارك الجميع للمساعدة فى بناء بيت راقى يرتقى ان يطلق عليه بيت انسان مسلم
ولكن
هيهات هيهات
الكلام ده على الورق
انا عارف انى رأئيى صادم
ولكن لك الحريه ان تحذفيه

اولا لا يوجد حاجة اسمها فرح اسلامى من اساسه
دى خدعة كبيرة نخدع بيها انفسنا قبل الخالق
ان كانا فعلا العروسان مسلمين حقا
ستجدى كل التوافق سيحدث
ويكتب كتب الكتاب فى المسجد ويهنأ الاهل والاحباب العريس
وفى بيت العروسه يهنأ الاهل والاحباب ايضا
و تذهب العروس مع زوجها الى بيتهما
او تنتظره هناك
ليبدء البيت المبنى على حجارة
اساسها الايمان

اما ما يحدث الان
شو او عرض لا يرتقى لمن تربى فى ونهل
من الدين
اليوم المسلم ينتمى للاسلام نعم
ولكن يطلق عليه مسلم صينى ولم يرتق الى تايوانى

عذر" سيدتى كل ما ذكرتيه من مراسم لا يمت للدين بصلة
سواء كوافير نسائى ولا قاعة مفصولة
كل هذا قشر من قشور الدين
الدين جوهر على الملامح يظهر
وظهوره يكون تقوى وعزه



غرباء يا ربى عنك
عين فى دنيانا وعين لك
لم يلمس الصدق القلب فينا
والتقوى غابت عن العاقلينا
قشور يا ربى نحيا عليها
ونقول اننا لدينك رافعينا
ياربى غرباء فى الدين نسعى
ونبيك كان سراجا" منيرا
وضع الاساس وعليه نبنى
ولكن الان الهوى هو سيد العالمينا
غرباااااااااااااء يا ربى
ولحبك ياااااااااربى فقدينا
لم يسئلوا كيف كانوا هناك
فاليوم نحن كأسماك بلا ماء


عذر" لتعليقى
نحن نعيش القشور
والواقع يقول
ان من صلى يوما"
وانتظم وقال صيلت فجرا
اصبح فى الصباح قال انا شيخا"
وحى على الفلاح


تحياتى مع شكرى

ومازلتُ أتعلم يقول...

موناليزا ربنا يعزك ياحبيبتى ويكرمك على الموضوع المهم ده.

* ما رأيك بصراحة فى الأفراح الإسلامية؟.(للجميع)
احسن حاجة..الواحد بيحس انه رايح مكان محترم كده..فى وسط ناس محترمة..والعرسان مش
هيبتدوا حياتهم مع بعض بذنوب.
وبعدين الافراح الاسلامية دلوقتى بقت رائعة جداً
وافكارها كتير وتكاد تكون افضل من الفرح اللى مش اسلامى.

* ما هى أحلامك ليوم زفافك؟(لغير المتزوجين)
احلامى هافكر فيها مع شريك حياتى إن شاء الله.
واتمنى انه يكون فرح اسلامى من غير مايعترض او حتى حد من الاهل يعترضه
لان فيه اهل كتير بيعترضوا على موضوع الفرح الاسلامى ده ومبدأهم انه يوم واحد ومش هيتكرر وبلاش تعقيد.

كمان الزوج المحترم هوه اللى يغير على زوجته ويحسسها انها غالية عنده من انها تقف ترقص قدام حد او تروح لكوافير راجل ....


جزاكِ الله خيراً موناليزا.

موناليزا يقول...

الفقيرة الى الله ام البنات
ــــــــــــــــــــــــــ
اختى الحبيبة:ربنا يسعدك يارب ويفرحك ببناتك
بس ليه الوش المفروس؟!
اشكرك جدا لمشاركتك
نورتينى حبيبتى ودمتِ بخير






********************************





نوارة
ــــــــــ
اختى الحبيبة:اسمحيلى بقى اعرف منك مظاهر الفرح عندكم بتبقى ازاى؟:)
احنا كمان على فكرة الفرح الاسلامى مافيهوش اختلاط
ياحبيبتى ربنا يسعدك ويباركلك فى حياتك ويرزقك بالذرية الطيبة
نورتينى نوارة الجميلة وسعيدة بمشاركتك







********************************







حسونا
ــــــــــ
وعليكم السلام ورحمة الله وبركاته
اهلا بيك يافندم
اشكرك جدا لتواجدك
وربنا يهدينا جميعا لما فيه الخير لديننا ولدنيانا
دمت طيبا ولمدونتى زائرا







*********************************






ابو على
ــــــــــ
اهلا اهلا بصاحب التعليقات المميزة
لماذا تعتقد انى ممكن احذف التعليق؟
(للعلم فقط لا احذف اى تعليق طالما كان يخص الموضوع)
يافندم رأيك يُحترم طبعا
ولكن ممكن اعرف ليه من وجهة نظرك الفرح اللى مذكور فى الموضوع مايعتبرش اسلامى!!
طالما لايوجد به اى شئ يخالف الشرع يبقى فين حرمته؟؟
كان على عهد النبى صلى الله عليه وسلم تقام الافراح وتنشد النساء للعروس وتزف بالدفوف فأين الحرمة فى ذلك؟؟
ارجو التوضيح
دمت طيبا ولمدونتى زائرا






*********************************






ومازلت اتعلم
ــــــــــــــ
اختى الحبيبة:اشكرك جدا لرايك
وربنا يرزقك بالزوج الصالح اللى يعينك على طاعة الله
نورتينى حبيبتى ودمتِ بخير

وردة يقول...

قبل اي شئ ربنا يكرمك ويفرح قلبك
انت بجد مثال للبنت المسلمة المحترمة
علي فكرة
احنا دلوقتي احسن بكتيير اووي من زمان
ممكن دلوقتي نلاقي بين كل عشر افراح حوالي 3-4 اسلامي
ومبقاش منتقد زي زمان
واحنا كمان كنا الاول نخاف نعمل فرح اسلامي احسن الناس متجيش او يتكلمو عننا
دلوقتي القاعات الكبيرة في الفنادق ممكن تحجز فيها افراح اسلامية وبتكون شيك جداااا
اما عن العروسة المحجبة
فهي فعلا بتكون جميلة جدا
ربنا بينور وشها من غير اي حاجة
انا اختي اتجوزت قريب وكانت محجبة والكل كان معجب بيها وبحجابها
بالعكس كانت اجمل من اي عروسه بتقلع الطرحة
عقبالك يارب
وعقبال كل البنات
بس من غير ما تقلعو الطرحة
ههههههههههه
ربنا يجعل البوست ده في ميزان حسناتك
سلام

الفراشة الصغيرة يقول...

[جميله جدا

بت خالتى عملتها

بس هى مش زى ما بتقولى

هى العروسة والعريس فى الكوشه

الفرقه بتغنى وتنشد

بس الاختلاط موجود

بس الفرق بين الدينى والعادى
ان مفيش اغانى ولا رقص

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
موضوع جميل بجد
والمصيبه اننا كلنا بنغلط الغلطه دى وبننسى او بمعنى اصح بنتناسى كل حاجه فى اليوم ده للاسف
زمان فى بلدنا هنا كان من غير افراح اسلاميه العاده هى ان الستات تبقى وحدها والرجاله تبقى وحدها
انما دلوقتى للاسف بقينا زى بتوع بحرى بالظبط والفرقه والدى جى واللى مش عارف ايه
بصراحه انا نفسى مااعملش فرح
يعنى يادوب حاجه كده للاسرتين وخلاص
وبعدين رأيى فى الافراح الاسلاميه وبصراحه برضو شايف انها مش بتكون زى مااحنا عاوزين يعنى برضوبتكون ملخبطه
اما احلامى ليوم زفافى اعتقد انى قلتها فوق هههههههههههههههه
كالعاده موضوع متميز وهادف
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته

أختكم فى الله يقول...

موضوعك هايل ما شاء الله

انتى عارفة انا اتناولته قبل كدة وكتبت كمان تخيلى لليوم ده بدون اى معصية

ذكرى رحيل قلم يقول...

الحمد لله يا موناليز اني اتجوزت وخلفت قبل ما تكتبي الموضوع ده بس الفرحة حلوة اوي وربنا يوعدك
كل اللي اقدر اقوله اننا الحمد لله ابتدينا حياتنا بركعتين شكر لله
الفرح الاسلامي حلو جدا وانا حضرت فرح صحبيتي بس عايز اتفاق من الطرفين وكله يبقي بالهدوء حتي لا يحدث مثل ما ذكرتي وان لم يحدث يحتسب له عند الله بس متوصلش للنهاية
الطريف في يوم زفافي اننا مكناش عايزين نرزح الفرح عشان اللف باعربية وسط الاصدقاء كان فرح لوحده بس روحنا متأخرين

الفراغ يقول...

اختى العزيزه ..امة الله(موناليزا)
انا كنت معترضه على الفرح الاسلامى لبنتى
ودا لانى بعد حزن 20 سنه على وفاة جوزى كان نفسى افرح فى وسط اخواتى وزوجاتهم
مش الاقى الرجاله اللى هما حبايبنا واخواتنا فى مكان والستات اللى هما زوجات اخواتى واخوات العريس فى مكان وكلهم اصلا محجبات

معلش انا بتكلم بصراحه

والعريس وافق بعد اعتراض كتير جدا علشان مايزعلنيش
بس لما قرب الفرح وشفت بنتى فى فستان الفرح فى البروفه خفت عليها من الحسد وقلت مش عايزه فرح ولا هيصه
انا عايزه بنتى توصل بيتها بالسلامه
وفعلا خدنا العروسه من الكوافيره على بيتها
وكان اسعد يوم فى حياتى

بس دلوقتى اتمنى لبنتى التانيه فرح اسلامى لان بنتى الاولانيه زعلانه انى خفت عليها

اما انهم يروحوا يعملو عمره بدل الفرح
يا ريت ..بس دلوقتى العريس مابيصدق انك تقولى مش عايزين فرح
لانه بيبقى مخلص على الاخر
لكن لو فى فرح
احنا الحمد لله..حتى لو مختلط الحمد لله بنبقى ملتزمين..والاطفال بس هى اللى بترقص
وربنا يسعد الجميع

SHAPE YOUR LIFE (ABOALI) يقول...

قولت ان وجهة نظرى عذرا انها ستختلف مع ما نثرته حروفك

ولكن اسمحى لى

هل كانوا يسمون ايام الرسول صلى الله عليه وسلم فرح اسلامى او ما شابه من اسماء

واين كان عنوان الكوافير عندهم
واين كان عنوان القاعات
واين كان فستان العروس وبدلة العريس
واين كان الدى جى
وسلسلة اين

ولا تقولى تقدم يا فندم


ولست هنا للدخول فى خلاف على اسم الفرح
ولكنى اوجه النظر

ان الاسلام ليس دين للحياه
ولكنه دين يحيا فينا


سيدتى اسئلى من سيتزوج من ادم او حواء

لما تتزوج ؟

وان كانت الاجابه لاءكمل نص دينى

اعلمى اننا لا نزال بعدين عن الدين


نعم ستقولى انها
رؤية فلسفية
ولكن الحياه لا تبنى على رؤية واحده

salma mohamed يقول...

مالييييييييش دعوه
كنت ناويه اكتب الموضوع الجاي عن الموضوع ده,
يلا خير انتي تقريبا قولتي كل اللي نفسي فيه,
جزاكِ الله الف خير,
انا عن نفسي رايي في الافراح الاسلاميه هي اجمل افراح فعلا وانا عن نفسي واسرتي مش بنحضر غيرها حتى ولو كان فرح احد الاقارب المقربين,
الاول كانوا بيزعلوا بس دايما بابا بيقول ما نرضيش الناس في سخط الله,ولا يمكن اروح للمعصية برجلي,
ولو على كلام الناس تقول الواجب والكلام الفاضي ده,فالواجب ممكن نعمله من غير معصيه بنروح نبارك ونهادي العروسين وندخل على قلبهم الفرحه,
وبج انا حضرت افراح اسلامية لا يمكن وصف جمالها,
اما احلامي لليوم ده فاتمنى طبعا ان كل حاجه فيه تكون راضيه ربنا وراضيه اهلي وزوجي واهله والمعازيم تخرج منه كلها مبسوطه.

عقبال ما نفرح بيكِ قريب ياحبيبتي,بس تعزيمنا (:
عاوزه اقولك اني بحبك في الله يا موناليزتي.

Unknown يقول...

طبعا فكرة حلوة جدا

وهي ما بقتش غريبة ولا حاجة ناس كثيير أوي بتعملها بالذات عندنا في الإسكندرية

وأنا إن شاء الله فرحي هيكون كدة

عمك ياض يقول...

ربنا يكرمك يافندم كلام جميل جدا ورائع

وانا برضه بندهش ازاي الراجل مش بيغير على مراته تقلع حجابها يوم فرحها قدام الشعب كده !!

وفعلا عندك حق انها مش بتاخد ذنوب الفرح بس.. ممكن البنات فعلا يتفتنو بيها ويبقو عايزين يقلدوها في فرحهم ويبانو جمال (نظريا) زيها.. وكل ده في ميزان سيئتها !!
وهو برضه ماشاء الله عليه اللي بدء حياته الحقيقيه مع مراته بحاجه غلط وعايز ربنا يباركلهم مع بعض!!
حاجه كمان لاحظتها لما حضرت كذا فرح لصحابي ولا حاجه ان في الفنادق كان بينزل احيانا واحد عربي ولا حاجه ويحضر الفرح!! ويصوره كمان.. اد ايه ساعتها الواحد بيحس بغيره شديده فعلا على لحمه عشان واحد غريب عنه داخل يصوره كمان ماشاء الله !! والله اعلم حيعمل ايه بالتصوير اللي طالع فيها البنات دول بيرقصو ومعرفش ايه

Unknown يقول...

بما انى اول مرة ادخل المدونة :)
وبما ان برضة البوست شدنى

احب اقول انه اكــتـــر من هايل
واحلى مافية نظام السرد ، بارك الله فيكى
وإلى الأمام دائماً
تحياتى
إسلام ديو

GiGi world يقول...

اولا البوست تحفه عادى يعنى
هى يعنى موناليزا هتكتب حاجه وحشه او اقل من الامتياز
ثانيا بصراحه انا كنت بفكر غير كده خلاص قلت يعنى ماهو برده لما نقول الاغانى العاديه وكده عادي مش هيبقى زوجى وحبيبى بجد
طبعا ماجاش فى بالى الرقص او الاختلاط او كده
هى بس بصراحه كانت مشكلتى فى الاغانى الله يخرب بيت الاغانى
بس جيت بعد كده وقلت يعنى اقدس يوم فى حياتى يبقى فى حاجه مشكوك فيه
ومش ممكن الدين هيقول ان الاغانى دى حلال
فانا قررت اعمل فرح اسلامى بس يارب مااضعفش ادعيلى
بتمنى ايه فى فرحى
بتمنى من غير تريقه
انه يبقى فى اغنيه عن فلسطين
وان انناتانى يوم على طول نروح عمره من غير مانقول لحد
مش عارفه ايه كمان
لما ييجى اليوم ده
بحبك

صمت الحنين يقول...

موضوع مهم وكمان الصور اللى حطاها فى الموضوع بتعبر عن الواقع اللى عايشينه والافراح بيبقى اكثر المدعوين محجبات وكمان بيرقصوا امام الجميع شبابا ورجال غرباء عنهم ومفيش اى احترام للحجاب

وفكرة الافراح الاسلاميه جميله جداا لان مش بيبقى فيها اختلاط بتبقى النساء لواحدهم وارجال فى مكان تانى

واتمنى انه فرحى يكون اسلامى طبعا

جزاكى الله خيراا موناليزا على طرح هذا الموضوع وربنا يبارك فيكى يااااااااارب

mohamed ghalia يقول...

الأفراح الإسلامية
لو القصد منها أناشيد وكده مصحوبة بموسيقى زى مبيحصل كتير يبقى طبعال لا مش موافق عليها
لكن لو القصد إنها الأفراح الى بتعقد فى المساجد يبقى طبعا روعة
وبداية حياة بالمسجد أكيد ربنا هيبارك فيها

بحلم يوم زفافى يكون إشهار فى المسجد وبعدين نتنقل للبيت

نسيبه يقول...

السلام عليكم ورحمة الله وبركاته
أنا عن نفسي بأحب الأفراح الإسلامية جدا جدا والحمدلله هذا من فضل ربي وأكيد هذا المعني تأكد لما حضرت أفراح في منتهي الجمال لناس ملتزمة بحجابهاوبشرع ربها في كل اليوم وما شاء الله لا قوة إلا بالله اليوم كله طاعة وتبقي قاعده في الفرح تحسي إانك حواليك الملائكة لأنه في ذكر لله كلمات لأناشيد جميله ومعاني رائعه وناس تذكرك بالله وأن تجددي نيتك وأنك تعملي عمل صالح بزواجك فعلا أحاسيس رائعه ربنا يرزقنا من فضله
أنا كنت عاوزة أقول إن إحنا مسلمين إذن أفراحنا لابد أن تكون كذلك حتي هي إسمها فرح إسلامي إذن الغير إسلامية تكون لمن ؟
ولماذا لا نعتز بديننا وبكل ما يخصه صغير أو كبير؟
اللهم رد أمة محمد إلي دينها ردا جميلا

وبالنسبة لأحلامي يوم زفافي فهو كما قلتي أن يكون يوم في طاعة الله من أوله لآخره وأن يكون دعوة وأتمني أن يكون فيه إطعام وأن يحضره كل من أتمني ويحضره الغني والفقير وأن يتقبله مني ربي
ربنا يرزقنا أنا وإنت وكل بنات المسلمين ويثبتنا ويهدينا إلي صراطه المستقيم

كفايـة طيبـة يقول...

طيب انا هقول حاجة بخصوص الموضوع ده
بنت خالتى عملت فرحها مختلط عادي
وكانوا منبهين على كل المعازيم انه مفيش رقص
وبالفعل مكنش فى رقص وكل الدي جي كان اناشيد افراح ... وكان فى منتهى الجمال بجد ... والناس كلها انبسطت
وهي كانت محجبة حجاب جميل
يعني مش شرط يبقي اسلامي يعني نفصل بين الرجال والنساء
لان فى جوازات كتير بتحصل من الافراح
وناس كتير من نفس العيلة بتشوف بعضها فى الفرح
صعب اننا نفصل بينهم ...

*الطالبة عفو الله *زوزو يقول...

بارك الله فيك حبيبة قلبي على هذا الموضوع القيم

الحمد لله احنا في المغرب انتشر عندنا الفرح الاسلامي كثير و خصوصا في المناطق الشمالية

و بصراحة بشوف ان الفرح الاسلامي بيكون احلى و اجمل بكثير من الافراح المختلطةوالي بتكون بالاغاني

الواحد لازم يبدأ حياة جديدة يقوم يبداها بما حرام الله
المفروض العكس

اما بالنسبة لفرحي و لي هو قريب اوي اكيد الفرح مش حيكون مختلط و حتكون فرقة الامداح بتكون عبارة عن منشدات

صراحة خيفانة اوي من اليوم دة عشان في حاجات كتيرة بتتعمل غصبن عنك و بيكون تدخل الاهل في الموضوع بشكل كبير و لو كانوا الاهل مش ملتزمين زيك يبقى بتتحطي في موقف صعب اوي

الله المستعان

ادعولي بجد ربنا يعدي اليوم دة على خير

ربنا يبارك فيك حبيبتي

وحشاني

حواء يقول...

الغريب أوي ولحظته ان اي حاجه تتقال عليها اسلامي الناس بتخاف منها ومش بتحبها من قبل متشوفها
لكن والله والله اللي يجرب يحضر فرح اسلامي يتمني يكون فرحه زيه


طب بلاش اسلامي يعني لو حبكت الاغاني العاديه اوي خالص مع ان العريس والعروسه هياخدوا ذنوب مش قليله بس كل واحد حر
علي الاقل نفصل الرجاله في حته والستات في حته
علشان كل واحد ياخد راحته
البنات تلبس الميكرو جيب والقط والكب كمان
والولاد يرقصوا ان شالله يقفوا علي شعر راسهم


لكن للأسف عندنا عاده ربنا يقطعها البنات بتروح الفرح علي سنجة عشره يمكن تلفت نظر واحد بيدور علي عروسه
ولا حول ولا قوة إلا بالله



انا عن نفسي هجوز عيالي علي سنة رسول الله
زي امهم وابوهم متجوزوا بالدف

أنا عن نفسي مره اضيقت جدا من واحده صحبتي
فضلت ارتب ظروفي عليها اسبوع بحاله علشان اروح الحنه بتعتها
قال ايه علشان احضر حنه اسلامي وانا بقالي كتيرررررر من يوم فرحي محضرتش حنه او فرح اسلامي
وافوجئ من اول الشارع بدي جي
قولت اكيد مش هي
شويه وقربت لقيت اخواتها البنات وقفين في الشارع
كان هاين عليا ارزعها قلم علشان تفوق
ديه حطه ميكب وواقفه في الشارع
ايه ده
انتي صحبتي اللي عرفتك اساسا من المسجد
ولما سئلت اختها عن التغير المفاجأ
ردت وقالت اصل ماما قالت عايزه تفرح بيها
اضطريت استأذن بسرعه وقولتلها جوزي لو عرف اني واقفه في الشارع هيبهدلني لانه عارف اني رايحه حنه اسلامي مش دي جي في الشارع كمان
البنت اختها اتكسفت بس انا كنت قاصده علشان تعرف ان التدين والجوامع مش منظر بس لحد منلاقي العدل




والله انا معظم صحابي واهل أبو فاطمه تقريبا محضروش افراح اسلاميه خالص
وكانوا اول مره يحضروا يوم حنه إسلامي بتاعتي ويشوفوا الفرقه الأسلاميه بتعمل ايه
كل الناس بصراحه انبسطت جدا وعجبتها الحنه جدا
أما الفرح فكان من الكوافير للأستديوا للبيت
علشان ابو فاطمه كان عنده حالة وفاه
وانا اخدت فرحتي في حنتي والحمد الله


اما عن المواقف الطريفه بصراحه محصلتش حاجه تضحك او حاجه غريبه يوم الفرح
أو بمعني اصح انا مشفتش حاجه لاني كنت لبسه الكاب



بس بجد نفسي الكل يحضر حنه او فرح اسلامي وبعدها يبقوا يحكموا

Unknown يقول...

السلام عليكم ورحمة الله وبركاتة
موضوع ممتاز
ما شاء الله
اما الافراح الاسلامية فانا واخواتى الثلاث بفضل الله كانت افراحنا اسلامية جميلة بفضل الله
اما اطرف حاجة
انى كنت فى يوم زفافى
عملين انا وصحباتى القطر والقاعة كانت وسعة اوى والفستان تقيل وطويل
رحت وقعة حتة وقعة ههههههههههه
والله كل اما افتكر اقعد اضحك
بس والله لما تعملى فرح اسلامى كدا انت بتبتدى الحياة بطاعة الله فربنا ساعتها هيبارك ان شاء الله
دمت بالف خير وود وحب

ghorBty يقول...

السلام عليكم ..

موناليزا .. اولا جزاك الله خير الجزاء علي ما تخطه يداك ربنا يبارك لك يارب ويسعدك في الدارين ..

البوست اللي فات بجد لخصتي كلام كتير جدا في جملتين ومتعرفيش اثروا فيا ازاي .. بس ربنا كريم والطيبون للطيبات زي ما في ورده فيه رجال ما شاء الله عليهم تقوي وايمان وان كانوا قله بس موجودين .. اما الحاله التانيه فربما يكون بلاء والاولي فيها الصبر وان شاء الله ربنا يعوض كل مظلومه ..




اما البوست :

عندك حق في كل كلمه بجد .. ربنا يهدي جميع المسلمين الي ما يحب ويرضي

ما رأيك بصراحة فى الأفراح الإسلامية؟.(للجميع)
مفيش رأيي في حاجه المفروض انها تدل علي هويتنا واخلاقنا كمسلمين وياريت كلنا نلتزم بها ..

* ما هى أحلامك ليوم زفافك؟(لغير المتزوجين)

يمكن الموضوع دا مسبب لي حساسيه في الاختيار كتيررر لان معظم الناس يا عيني عايزه تفرح ومعتقده ان الفرح في الاغاني والاختلاط والرقص والهيسه اللي لا ليها لازمه ولا داعي .. انا اشجع كتب الكتاب والحمد لله علي كدا .. وربنا يبارك بعد كدا وكل لما يكون البدايه فيها تقوي كل لما تكون انجح وابرك ..
وكمان لو انسان مش عنده حياء وغيره علي اهل بيته يبقي مالوش لازمه احسن وكلمه راجل ديه خساره فيه ..

ربنا يرزقنا بالصالح التقي النقي

دمت بكل خير يا غاليه

الربان يقول...

تحياتي

طبعا معك الحق كل الحق فيما قلتيه...الحجاب لا يعوق الاستمتاع بليلة
الفرح...بل يزيد الفتاه نوراً و بهاءً.

و ان شاء الله الاخوة الافاضل الرجال يتفهموا و يتمسكوا بحجاب العروس...

كل الامنيات الطيبة للجميع...و جمع الله الكل علي طاعة...

تحياتي و تقديري

د.عصماء يقول...

السلام عليكم
الافراح الاسلامية جميلة جدا كفاية ان بداية حياتك الزوجية تبقى فى طاعة الله بدون اى اختلاط او تجاوزات شرعية فى اللبس
جزاك الله خيرا موضوع جميل ومفيد ربنا يكرمك ويجعله فى ميزان حسناتك

rovy يقول...

اختى الحبيبه
كتبت لك تعليق امس اطمنك عليا و اشكرك على سؤالك الغالى مش عارفه وصلك ولا لا ..
على كل حال انتى وحشانى جدااا
تغيبت لظروف طارئه و قد اوضحت لكى هذا باختصار فى اوف لاين بس واضح انه ما وصلش لأن جنه كمان ما وصلهاش و لأنى لقيت تعليق بتسألى فيه عنى بعد ما كتبت لك الاوف لاين على كل حال ان شاء الله نتكلم قريب .. وحشاااانى جدااااا
بالنسبه للبوست حبيبتى فهو طبعا شىء رائع ان يكون يوم الزفاف ليس به اى شىء يشعرنا بالبعد عن الرحمن و لا بأى معصية و كل ما اتمناه ان نحاول الالتزام قدر المستطاع و ربنا يرحمنا و يهدينا لما يقربنا من رحمته و يعفو عنا و يعيننا على طاعته ..

دمتى غاليتى بكل الود
ارق تحياتى

طوبه فضه وطوبه دهب يقول...

الموضوع جميل اوى بس اعذرينى عندنا ما بنعرفش نطبق الفرح الاسلامى صح عشان كده بتلاقى نفس الاخطاء ممكن يكونوا قاعتين منفصلين لكن برضو التبرج واضح واوقات كتير الاختلاط برضو لسه ما اتعودناش يمكن لو بقى تعود نكون احسن ونصلح الاخطاء ربنا يهدى الجميع

Gannah يقول...

شوفى يا مونى
أنا فى الموضوع ده اعتبر كائن فضائى يعنى أحلامى مختلفه شوية
أنا اساسا مش بحب الدوشة وبستمتع بكل ما هو هادىء حتى فى عز فرحى
وبالتالى امنتيتى ان شاء الله فستان رائع ..طبعا و زينة كاملة زى اى عروسة بتشوفيها فى أحسن مظهر
وطبعا هغطى كل ده بطرحة سميكة وادخل على البنات واتصور مع زوجى عادى خالص ومع محارمى وبعدين شكر الله للجميع حضورهم ومع السلامة
وبس
بالله عليكى ماله الفرح ده؟؟
وهاخد الفلوس واسافر مكان رائع
شفتى بقى ولا صرف فلوس فى حاجات عمرها ماهتعجب الناس ولا غيره
بس هوزع شيكولاته ؟؟ايه رأيك
؟
تحياتى

ELMASRYA - MRS WRITER يقول...

غاليتي موناليزا

كالعادة موضوع خطيرجدا والإرشاد للطريق الصحيح فيه شائك لكن مهم

ربنا يبارك فيكي وفعلا كل اللي قلتيه صحيح

زمان كنت بقول عايزة أتجوز بشكل مودرن والبس لبس مكشوف واعمل ميك اب فظيع وارقص

دماغي كانت بايظة شوية وكمان الوعي الديني ماكانش كبير زي دلوقتي الحمد لله

أنا مع الأفراح الإسلامية 100% بل وكمان وصلت لمرحلة إن إيه لازمة الهيصة دي كلها ماهو اللي هيتصرف على ليلة وأكل ومعازيم يتوزع للغلابة اللي مش لاقيه أكل ولا ملابس وأغطية

لكن بلاش أكرر في الكلام عن الفكرة دي أحسن اللي يقروا يقولوا عليا بقيت معقدة

الأفراح الإسلامية جميلة جدا طبعا لكن بدون مبالغة في المصاريف

والموقف اللي حصل ليا يوم فرحي إني كنت عايزة اكشف شعري لليله دي فقط والعريس رفض رفضا باتا ونزلت اشتري حجاب يصلح لطرحة الفرح وتأخرت عن الزفة ساعتين

بالنسبة لأولادي بإذن الله لو ليا عمر أفراحهم هتكون إسلامية 100 % وبدون تكاليف باهظة مالهاش معنى

سلمت يمينك على كل ما تفكري به وتنقليه لنا

أحبك في الله يا أمة الله

موناليزا يقول...

وردة
ـــــــ
اختى الحبيبة:ربنا يعزك يارب ماتحرمش منك(اللهم لاتؤاخذنى بمايقولون واغفر لى مالايعلمون واجعلنى خيرا ممايظنون)
فعلا الحمدلله دلؤتى الى حد ما اصبحت الفكرة مقبولة
وربنا يبارك لاختك يارب فى حياتها يكفى انها ماتنازلتش عن حجابها يوم فرحها
:) وعقبالك انتِ كمان ياقمر وتكونى أجمل واشيك عروسة
ربنا يرزقك يارب بالزوج الصالح
نورتينى وردتى الجميلة ودمتِ بخير







**********************************






الفراشة الصغيرة
ــــــــــــــــ
اختى الحبيبة:اشكرك جدا لرايك
ربنا يباركلها واهو برضه احسن من الافراح العادية:)
عقبالك ياجميلة
نورتينى حبيبتى ودمتِ بخير







*******************************






المعتصم
ـــــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك
مش الكل بيغلط وينسى لان اللى عايز يرضى ربنا هيرضيه رغم انف الجميع.

ايه ده انتوا كمان اتغيرتوا!!!

تعرف لما بحب اقنع واحدة بالفرح الاسلامى بستشهد بالصعايدة واقعد اقول دول ناس على الفطرة الاسلامية وبيغيروا على محارمهم ومعندهمش المسخرة اللى بنشوفها .. تقوموا تتغيروا وتبقوا زينا!!
وانا اللى كنت مفكرة ان الزواج من اى صعيدى هيكون اسهل لان الفكرة اصلا بيطبقوها عندهم
لاحول ولا قوة الا بالله .. بجد بجد اتصدمت

بس ليه شايف ان الفرح الاسلامى بيكون ملخبط؟؟
تقصد يعنى من حيث تجهيزاته وواجب الضيافة ولا ايه؟

ربنا يرزقك بالزوجة الصالحة وتعمل فرحك بالطريقة اللى ترضى ربنا اولا حتى لو هتكون بين الاسرتين فقط:)
اشكرك جدا لمشاركتك
دمت طيبا ولمدونتى زائرا






**********************************






اختكم فى الله
ــــــــــــــ
اختى الحبيبة:اشكرك جدا لرايك
وربنا يعزك ويباركلك
(ماجاوبتيش على سؤالى ليه؟:))

نورتينى حبيبتى ودمتِ بخير






**********************************






ذكرى رحيل قلم
ــــــــــــــــ
اختى الحبيبة:تتعوض بقى مع بوبو ان شاء الله:)
والله يانور الفرح الاسلامى برضه بيبقى جميل وبتفرحى وتهيصى وبتعملى كل اللى نفسك فيه
وطبعا لازم يكون فيه اتفاق ومن بداية الخطوبة كمان
ربنا يسعدك يارب ويباركلك فى حياتك
اشكرك جدا لمشاركتك
نورتينى ياجميلة ودمتِ بخير







***********************************







الفراغ
ـــــــــ
اختى الحبيبة:ماختلفناش ياجميلة لان برضه ممكن جدا يكون فيه فصل بين القوات فى الفرح لكن قبل الحفلة هيكونوا كلهم عندك فى البيت وبعد الحفلة برضه هيكونوا عندك فى البيت
وبعدين الرجال دول اخواتك انتى اه لكن صديقات بنتك وامهاتهم وجاراتك وكل اولئك السيدات اغراب عنهم
انظرى للموضوع من جميع الزوايا وليس من زاوية شخصية فقط

معقول الزوج كان عايزه اسلامى!! ده ماشاء الله عريس لقطة:) وكمان سمع كلام حماته:) ربنا يبارك لبنتك يارب

:) شوفتى بقى خفتى على بنتك من الحسد وماهمكيش ان اخواتك الرجال مش هيكونوا معاكى فى قاعة ولا حاجة
الاولى بقى نخاف من ربنا ونطبق شرعه
مش كده ولا ايه:)

وبنتك التانية ربنا يرزقها بالزوج الصالح وتعمل فرحها بالطريقة التى ترضى الله
والحمدلله اننا ملتزمين ولكن هل تستطيعن منع شباب وبنات من الرقص فى الفرح(اصحاب العريس وجيرانه واخواته مثلا)
ربنا يهئ لبناتك كل الخير وتفرحى بيهم
اشكرك جدا لمشاركتك وسعيدة بتواجدك
نورتينى حبيبتى ودمتِ بخير








*********************************







ابو على
ـــــــــــ
اهلا بعودتك اخى الكريم
لن أقول اى شئ يافندم:)
سوى أين إجابة أسئلتى ؟

دمت طيبا ولمدونتى زائرا








**********************************






سلمى محمد
ــــــــــــ
اختى الحبيبة:انا عن نفسى هنتظر موضوعك القادم وهيكون زى ماانتى كنتى ناوية تكتبى(ماتتأخريش عليا بقى:))

ربنا يكرمك يارب ويباركلك فى عمر والدك ويرزقكم دايما حب الطاعة

ربنا يرزقك يارب بالزوج الصالح اللى يسعدك ويفرح قلبك وتعملوا فرح يرضى الله قبل اى حد
ان شاء الله ياجميلة طبعا انتى من اول المعزومين وبما انه هيكون اسلامى بإذن الله فهتلاقى بنات التدوين كله:)
أحبك الذى احببتنى فيه:) وانا كمان والله بحبك جدا فى الله
نورتينى سلمى الجميلة ودمتِ بخير








*********************************







احمد تاك
ـــــــــــ
اهلا بيك استاذ احمد
اشكرك جدا لرايك ولمشاركتك
ربنا يعزك ويباركلك ويرزقك بالزوجة الصالحة
دمت طيبا ولمدونتى زائرا







*********************************







عمك ياض
ـــــــــــ
اهلا بيك يافندم
اشكرك جدا لرايك فماتوفيقى الا بالله
ربنا يعزك يارب انت لفت نظر الجميع دلؤتى لحاجة ممكن ماياخدوش بالهم منها وهى التصوير سواء بقى بالموبايلات او الكاميرات او الفيديو كل الصور دى بتكون ياترى مع مين وبيتعمل فيها ايه!!
ربنا يحفظ بنات المسلمين يارب من كل سوء
دمت طيبا ولمدونتى زائرا







********************************






اصحى يامصر:اسلام ديو
ـــــــــــــــــــــ
اهلا بيك استاذ اسلام
تصحيح بسيط دخلتها يافندم قبل كده بس انا اللى دهنت الحيطان:)

اشكرك جدا لرايك فماتوفيقى الا بالله
دمت طيبا ولمكدونتى زائرا





*********************************






جيجى
ــــــــ
اختى الحبيبة:اهلا اهلا بالقمر

اشكرك جدا لرايك ربنا يكرمك يارب والحمدلله فماتوفيقى الا بالله
ربنا يثبتك يارب ويرزقك بالزوج الصالح اللى يعينك على طاعة الله

مش هتريق ولاحاجة لان ده يومك واختارى كل الاناشيد والاغانى اللى تحبيها طالما لاتغضب الله:)
تعرفى فكرتينى بنفسى زمان كنت عايزة فى فرحى اسمع اغنية "إلا محمد" اللى غنتها المجموعة بعد الرسوم المسيئة
ربنا يرزقنا جميعا طاعة الله
وانا كمان بحبك فى الله واحبك الذى احببتنى فيه:)
نورتينى حبيبتى ودمتِ بخير





******************************






صمت الحنين
ــــــــــــــ
اختى الحبيبة:ربنا يكرمك ويعزك واشكرك جدا لرايك ولمشاركتك
وربنا يرزقك يارب بالزوج الصالح اللى يعينك على تقوى الله وطاعته
نورتينى حبيبتى ودمتِ بخير







********************************




محمد غالية
ـــــــــــــ
اهلا بيك استاذ محمد
ربنا يعزك ويباركلك ويرزقك بالزوجة الصالحة اللى تعينك على طاعة الله
اشكرك جدا لمشاركتك
دمت طيبا ولمدونتى زائرا






*******************************





نسيبة
ـــــــــ
وعليكم السلام ورحمة الله وبركاته
اختى الحبيبة:ربنا يعزك ويرزقك بالزوج الصالح اللى يعينك على طاعة الله
اشكرك جدا لرايك ولمشاركتك
بحبك فى الله
نورتينى غاليتى ودمتِ بخير






*********************************






كفاية طيبة
ــــــــــــــ
اختى الحبيبة:انا شخصيا متفقة معاكِ فى ان الاهل يكونوا موجودين ويسلموا على بعض ونزود الترابط بينهم
لكن تبرج البنات وفتنة الشباب بيهم ده ممكن نتحكم فيه ازاى؟؟؟
:)
شوفتى
مفيش مفر الاسلام هو الحل
ويبقوا يزوروا بعض ياستى.
عندهم يوم الحنا ويوم الصباحية و.. و..
ربنا يزقك بالزوج الصالح اللى يعينك على طاعة الله
نورتينى حبيبتى ودمتِ بخير








********************************




الطالبة عفو الله
ــــــــــــــــــ
اختى الحبيبة:ربنا يكرمك اشكرك جدا لرايك
ان شاء الله هيكون يوم جميل ملئ بطاعة الله
المهم تثبتى كدة مهما كانت المغريات:)
وانتى كمان ياحبيبتى وحشانى جدا وان شاء الله اقابلك قريب:)
نورتينى زوزو الجميلة ودمتِ بخير







*********************************



حواء
ــــ
اختى الحبيبة:عندك حق حاجة تضايق فعلا اول مايذكر لفظ اسلامى تلاقى الناس بعدت من غير حتى ماتشوف
ولاحول ولا قوة الا بالله
سبحان الله لمجرد قراءتى لكلماتك والله حسيت انى سخنت من الغضب واتضايقت
ياااارب اهدى شباب المسلمين
ربنا يباركلك فى بنوتك وتفرحى بيها يارب ويرزقك بكل الخير
اشكرك جدا لمشاركتك
نورتينى ام فاطمة ودمتِ بخير







******************************







حتى تشرق الشمس
ـــــــــــــــ
وعليكم السلام ورحمة الله وبركاته
اختى الحبيبة:ربنا يكرمك اشكرك جدا لرايك
ربنا يباركلك يارب فى حياتك ويسعدك انتى واخواتك اللهم امين
اشكرك جدا لمشاركتك
نورتينى حبيبتى ودمتِ بخير







********************************






غربتى
ــــــــ
وعليكم السلام ورحمة الله وبركاته
اختى الحبيبة:ربنا يعزك يارب ويتقبل دعائك ولكِ بالمثل ان شاء الله فماتوفيقى الا بالله

اشكرك جدا لمشاركتك فى البوست السابق
وفعلا ربنا كبير


عاجبنى رأيك جدا:) ربنا يثبتك يارب ويرزقك بالزوج الصالح اللى يعينك على طاعة الله
اشكرك جدا لمشاركتك وسعيدة بتواجدك
نورتينى حبيبتى ودمتِ بخير






******************************





الربان
ـــــــــ
اهلا بيك يافندم
اشكرك جدا لرايك
وكنا نريد إجابة على الاسئلة المطروحة:)
دمت طيبا ولمدونتى زائرا






********************************





د.عصماء
ـــــــــ
وعليكم السلام ورحمة الله وبركاته
اختى الحبيبة:اهلا بيك فى زيارتك الاولى
ربنا يعزك واشكرك جدا لرايك
نورتِ مدونتى وارجو دوام التواصل




*********************************





روفى
ـــــــــ
اختى الحبيبة:يا اهلا يا اهلا
اخيرا طمنتينى عليكِ
الحمدلله انك بخير
ويارب تكون كل الظروف التى اجهلها عدت على خير:)
وحشتييييييييينى جدا وسعيدة جدا بتواجدك


اشكرك جدا لرايك وربنا يتقبل دعائك ويفرحك ببناتك
نورتينى روفى الجميلة ودمتِ بخير





********************************





طوبة دهب وطوبة فضة
ــــــــــــــــــــ
اختى الحبيبة:كل حاجة فى اولها صعبة لكن بعد كدة هتستغربى لو ماحصلتش
ربنا يعيننا جميعا على طاعته وحسن عبادته
نورتينى حبيبتى ودمتِ بخير





*******************************





جنة
ــــــــ
اختى الحبيبة:الله عليكِ
سبحان الله نفس تفكيرى:)
بس انا ناوية اوزع عصير:)
ربنا يفرحك يارب ويسعد قلبك ويرزقك بالزوج الصالح اللى يحبك ويخاف ربنا فيكِ ويعينك على طاعة الله قرييييبا اللهم امين
نورتينى جنتى الجميلة وسعيدة جدا بمشاركتك





********************************




المصرية- مسز رايتر
ـــــــــــــــــــ
اختى الحبيبة:اشكرك جدا لرايك ولمشاركتك والحمدلله فماتوفيقى الا بالله
وبجد بجد ربنا يباركلك فى زوجك ويعزه يارب
:)عجبنى موقفه جدا واحد تانى كان قال مش مشكلة وخلاص وحصل خير وهتتأخرى والف عذر ومبرر لكن الحمدلله ربنا وفقه لطاعته وساعدك على ده
ربنا يباركلك فى حياتك وفى بيتك وفى ابنائك اللهم امين
:) أحبك الذى أحببتنى فيه وانا ايضا احبك فى الله
نورتينى حبيبتى الغالية ودمتِ بخير

أم أحمد المصرية يقول...

طبعا انا اؤيدك في الحديث عن بداية الحياة الجديدة بدون اغضاب لله سبحانه و تعالي و عندما اصريت زماااااااااان ان البس الحجاب في زفافي كان بعض المعارف يتعجبون لكن يعلم الله اني حاولت ارضاؤه بأقصي ما استطيع لم افوت صلاة و لم يراني رجل غريب بدون حجاب لكن رأوني بالمكياج فم اغطي وجهي .
اما بالنسبة لأسئلتك حبيبتي
انا طبعا لا تعجبني العروسة التي تحي فرحها " كفايه تحي ليلة الحنة ":)))
اما بالامانه النسبة لما يعرف بالافراح الاسلامية لم احضر منها ما هو منظم جيدا و مسلي فلا ادري هل العيب فيما حضرته ام فيها عموما

تصدقي مش فاكرة مواقف طريفة معينة هوكان ظريف بوجه عام

اما ما اتمناه لفرح اولادي ان يكونوا سعداء جدا يومها و محققين لأمانيهم و ان يتحروا رضا الله
تعرفي خطر في بالي حالا ان اكتر حاجة اتمناها لفرح بنتي الصغيرة ايه
اني اكون موجودة لأني ساعات بظن اني لن الحق احضره
دمت بخير و سعادة موناليزة

عمرو جويلى يقول...

الأخت موناليزا
السلام عليكم
رأيى الخاص بمصاريف الفرح يقوم العروسين بعمل عمرة أو حج إن أمكن لأنى لا أحب البهرجة والمصاريف الضائعةوهوالذى سأطبقه مع أولادى
دمتِ بكل الخير

غير معرف يقول...

الافراح عندنا الاسلامي والعادي نفس الشي

بتكون العروسة لابسة فستان الفرح عريان و من غير حجاب لكن محدش بيشوفها
الصالة بتكون ستات وبس والمصورة ست الي بتصور الفرح والعريس بيبقى موجود طبعا

والافراح الاسلامية نفس الشي لكن الاغاني بتكون اسلامية نفس الاغاني بتاعت ايهاب توفيق ومصطفى كامل بس بيغيروا الكلام وشوية بالايقاع وبتصير اسلامية معرفش ازاي :)

وفي الحالتين بيكون الفرح مش مختلط وبيكون فيهم رقص وغنى والعروسة لابسة براحتها ووقت ما تخرج من الصالة طبعا بتكون لابسة البرنص ومغطية كل حاجة منها

بس هيك

تحياتي

يوسفيات..محمد يوسف يقول...

جزاكي الله كل خير على نيتك الحسنة


بالنسبة للسؤالين:

- لا أستسيغ الأفراح الإسلامية

- أرغب في عمل حفل أسطوري أشرف على إخراجه بنفسي

أمـ الله ـة يقول...

السلام عليكم ورحمة الله وبركاته
( قل إن صلاتي ونسكي ومحياي ومماتي لله رب اللعالمين لا شريك له وبذلك أمرت وأنا أول المسلمين )
بصراحة زي زي أي بنت بتحلم بيوم فرحها هيكون ازاي لكن لا أنسى أبدا أن اليوم دا من حياتي وأني سأحاسب عليه ولذلك طبعا الفرح هيكون كما أراد الله ورسوله فرح على الشريعة الإسلامية لا أختلاط ولا تبرج وسفور وإلا سأكون ببدأ الحياة الجديدة بالمعصية والعياذ بالله
جزاكي الله خيرا

Heba Sayed يقول...

السلام عليكم ورحمة الله

موضوعك جميل ياعسل

بالنسبة للسؤال الخاص بالافراح الاسلامية

انا اصلا بفكر مش اعمل فرح خالص مجرد كتب كتاب بالمسجد ونستفيد بتكاليف الفرح فى اى شىء اخر

اما بالنسبة لاحلامى يوم زفافى

ان شاء الله هتكون عادية حجاب .. فستان .. حذاء ولا رقص لانى مو بحب الرقص تظاهرا بالفرحة امام الناس ولا غناء

عادى احلام عادية اهى دنيا وتجربة بنخوضها و كل واحد ونصيبه

وجزاكى الله خيرا ياقمر

موناليزا يقول...

ام احمد المصرية
ــــــــــــــــ
اختى الحبيبة:ربنا يفرحك بولادك يارب ويديكِ طولة العمر وتطمنى عليهم
ومش عارفة الافراح اللى حضرتيها كانت عاملة ازاى ويعنى ايه مش مسلية؟:) (مافهمتهاش بجد:))
عن نفسى الافراح اللى حضرتها كانت جميلة ومن اجمل الافراح اللى حضرتها فى عمرى كله سواء قبل التزامى او بعده كان فرح اسلامى
اشكرك جدا لرايك ولمشاركتك
نورتينى حبيبتى ودمتِ بخير







***********************************




الؤلؤة
ـــــــــ
وعليكم السلام ورحمة الله وبركاته
اهلا بيك يافندم
رأيك يُحترم جدا
ربنا يفرحك بولادك وتعملهم كل مايرضى الله
دمت طيبا ولمدونتى زائرا








*********************************





نوارة
ـــــــــ
اختى الحبيبة:اهلا بعودتك
غريب الموضوع ده!! يعنى العريس يبقى قاعد فى قاعة كلها نساء متبرجة ولابسين سواريهات ورقص وكدة! طب ازااااى؟؟؟
ماهو راجل برضه:)يعنى ماينفعش ولا عشان عريس بقى معاه رخصة يعنى:)
طيب والمعازيم الرجال بيكونوا فين وقتها؟

احنا الفرح الاسلامى بيكون منفصل بس العريس مع الرجال فى قاعة والعروسة مع النساء فى قاعة مجاورة

حتى لو هيتم فى مسجد العريس مع الرجال والعروسة مع النساء
بجد بشكرك جدا لاهتمامك بالرد
نورتينى نوارة الجميلة ودمتِ بخير






**********************************





يوسفيات محمد يوسف
ــــــــــــــــ
اهلا بيك استاذ محمد
اشكرك جدا لرايك ولمشاركتك
وربنا يرزقك بكل فعل يرضى الله عنك
دمت طيبا ولمدونتى زائرا






********************************




امة الله
ــــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
ربنا يثبتك ويعينك دايما على طاعته
نورتى مدونتى واشكرك جدا لمشاركتك





********************************





هبة سيد
ـــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
والله تفكير عقلانى جدا:)
ربنا يهيئلك كل خير ويرزقك بالزوج الصالح
نورتينى هبة الجميلة ودمتِ بخير

شموسة يقول...

* ما رأيك بصراحة فى الأفراح الإسلامية؟
أنا أؤيده بشده .. وإن شاء الله فرحي يكون إسلامي برغم إنى بردة هكون محجبه لانى بشوف في الحجاب وقار أكتر وأجمل.


* ما هى أحلامك ليوم زفافك؟
أتمنى فرحي يكون بسيط ،غير متكلف لأن كل ماكان الشئ بسيط كل ما كان أجمل .
كمان بتمنى ربنا يوفقنى في تنظيمه عشان نفسي أقنع ناس كتير بعدم الاختلاط في الافراح.

يوم زفافك..... موضوع جميل جدا ، بحييكي بشششده عليه ياموناليزا .
تحياتي لكي
شموسة...

مجداوية يقول...

السلام عليكم

انتي كده بتدوسي على جرحي من فرح بنت أختي
:)
:)
تنفع مطلع أغنية
:)


بصي الأمر كله يتلخص في سؤال
أنت بتطيع مين ؟
بتطيع ربنا ولا بتطيع الشيطان ولا بتطيع هواك ؟
لو بتطيع ربنا يبقى الفرح حيكون بما يرضى الله والفرحة حتكون عارمة لأنها صادقة
لو بتطيع الشيطان أو هواك حترتكب في الفرح كتير من المعاصي وحيبقى همك رأى الناس وحتصرف وتكلف آد كده وبرضه مش حترضي حد ولا حتى نفسك الوحيد اللي حيكون مزقطط هو الشيطان عشان عصيت ربك ولما تبتدي حياتك الجديدة بمعصية فلا تلوم إلا نفسك


أما الأسئلة

فيا ريت كلنا نعمل أفراح ترضي الله أنا مش بحب أسمي الفرح فرح اسلامي وألاقي برضه مشغلين أغاني المطربين والمطربات وكلامها العجيب عشان مفيش اختلاط !!!
دي ازدواجية وتحايل

وترويج لأغاني عيب أصلا نسمعها

فيه أناشيد جميلة وأغاني فرح بكلمات جميلة ومحترمة

مش نلاقي فرح اسلامي والبنات فيه بترقص على العنب العنب او حنطرني
أو علي يا علي

لازم نغير أيضا في نوعية الأغاني

أنا نفسي أعمل فرح لبنتي من نوعية الأفراح الهادئة والمحترمة ومفيهاش اختلاط والفرحة تكون في القلب وبتنعكس على كل المعاملات التي ترضي الله

بس ادعيلي ألاقي عريس لها من النوع ده وإن ربنا يهديها وتقبل يكون فرحها فرح اسلامي محترم
السحب شديد وكله بيبصعلى غيره وبقى التنافس مين يكلف أكتر ومين يتعرى أكتر ولا حول ولا قوة إلا بالله

طولت ؟
اه طولت
بس الموضوع جه على الجرح

Unknown يقول...

معاكي حق
واتذكر قول الشيخ / وجدي غنيم
عايز تعرف الأخ ده اخ بجد ولا لأ
شوفوه يوم فرحه ويوم ما يموت له أحد

ويبقى التواصل

موناليزا يقول...

شموسة
ـــــــ
اختى الحبيبة:اهلا اهلا بالقمر
اشكرك جدا لرايك ولمشاركتك
وربنا يرزقك بالزوج الصالح اللى يعينك على طاعة الله
نورتينى شموسة الجميلة ودمتِ بخير





*********************************







مجداوية
ــــــــــ
وعليكم السلام ورحمة الله وبركاته
اختى الحبيبة:الله ينور عليك
فعلا لازم نفكر كدة انا بعمل فرحى ده لمين؟؟ ومن اجابتى سيتم تحديد نوعية الحفلة
ربنا يرزق نسمة بالزوج الصالح وهو اللى يقترح نوعية الحفلة بطريقة ترضى الله وفى الحالة دى نسمة هتسمع الكلام على طووول:)
هو فين التطويل ده بس؟!!!
انتى عارفة انى بستمتع جدا بكلامك معايا
ولو كان ده بتعتبريه تطويل فطولى براحتك ولا يهمك:)
نورتينى غاليتى ودمتِ بخير





********************************






معتز شاهين- باحث تربوى
ـــــــــــــــــــــــ
اهلا بيك استاذ معتز
اشكرك جدا لذكر هذه المقولة اول مرة اعرفها
وفى انتظار اجابة الاسئلة المطروحة
دمت طيبا ولمدونتى زائرا

mahasen saber يقول...

ربنا يسعد الجميع سؤاء بفرح اسلامى او غير

بس الفرح الاسلامى بيعجب ناس كتير والفرح التانى بيعجب برضه ناس كتير

وفى الاخر كل واحد بيعيش حياته من منطلق ما يعتنقه من افكار

والمساله خارجه يا مونا عن مستوى التدين من عدمه

بس فعلا فيه مظاهر بتبقى جامده قوى وغير مريحه فى بعض الافراح

Unknown يقول...

السلام عليكم ورحمة
الله تعالى وبركاته
جزاكِ الله كل خير موناليزا
اذكر اول فرح اسلامى حضرته
كان من سنوات طويلة ليس فيه
اختلاط قسمت القاعة الى جزئين
للرجال قسم وللنساء قسم ليس
بنهم ساتر ولكننا والحمد لله كنا
جميعا (ملتزمات الزى والسلوك)حتى
الاصوات كانت خفيضة لطيفة
بصراحة اتبسطت منه جدا
ليس هناك من موسيقى
الا الموسيقى الخفيفة
الهادئة ثم قام اصدقاء
العريس ينشدون بعض
الاناشيد الدينية
والوطنية كما
قلت لكِ
مونى
اتبسط جدا
لانى اكره الضوضاء بشدة.

Unknown يقول...

لا انسى ان ادعو لكِ
بأن ينصرك الله على
من ظلمكِ كما طلبتِ
عند (جنىّ) يارب
ينصر الحق
ويخسف الباطل.
امين امين امين

Unknown يقول...

وفكرة الاستاذ
Abo 7ANF
ممتازة وانا
اؤيدها من زمان
ياريت يوفروها
(نقود ومصاريف الفرح)
لما هى اثمن واحسن فى الحياة

محمد يقول...

السلام عليكم ورحمة الله وبركاته


أختي الفاضلة

مونالــــــــــيزا

دايما موضوعاتك معبرة وبتناقش قضايا حساسة في المجتمع .... الله يباركلك بصراحة انا مش بحسد بقر بس هههههه لا غبطة يعني

.... طبعا من ناحية الأفراح الإسلامية مش هنعترض علي الإسم ولا غيره بس المهم يكون المضمون موافق لما كان عليه هدي النبي الكريم ويصبح بحق خير بداية لتكوين أسرة مسلمة فما كان مبدأه خير من المنتظر بإذن الله ان يكون استمراره علي خيره

طبعا من ناحية تصوري لما سوف يكون عليه يوم فرحي ههههههههههه انا مع الفريق اللي بيقول بلاش فرح خالص عشان التوفير هههههههههههههه بس آخر كلام يا رب ساعدني ويكون موافق لهدي النبي الكريم وعجبني تعليق غربتي لما قالت كتب كتاب والسلام كويس لأنه تذكروا ان الرسول الكريم قال خير النساء أقلهم مؤنة يارب يفهمو ده هههههههههههه

وبارك الله فيك أختاه

خالص مودتي وصادق دعائي

Tamer Nabil Moussa يقول...

السلام عليكم


موضوع رائع

الاختلاط والرقص دة بالاخص مش الزامى على العروسين يعنى

انا مع الفرح الاسلامى


ولو هيكون فى اختلاط تكون العروسة لبسة فستان وحجاب

ومفيش رقص

تحياتى

موناليزا يقول...

محاسن صابر
ـــــــــــــــ
اختى الحبيبة:اهلا اهلا بالقمر
فينك من زمان يارب تكونى بخير

فعلا كل واحد حسب افكاره وعشان كده حبيت اذكر كل الناس بأن هويتنا إسلامية ولازم كل حاجة نعملها حتى لو يوم فرحنا تكون كما يرضى الله وليس كما يرضى الناس
اشكرك جدا لرايك وربنا يفرحك بابنك
نورتينى سونا الجميلة ودمتِ بخير






**********************************






نوراهاتى
ــــــــــــــ
وعليكم السلام ورحمة الله وبركاته
اختى الحبيبة:ربنا يكرمك اشكرك جدا لمشاركتك
انا كمان على فكرة بكره الضوضاء والصوت العالى بصفة عامة جدا

ربنا يسعدك ويفرح قلبك زى مااسعدتينى بدعائك لى ربنا يتقبل يارب ويجازيكِ كل خير

وانا كمان أؤيد هذه الفكرة وبشدة:)
نورتينى حبيبتى وسعيدة جدا بتواجدك







**********************************






هذه حياتى
ــــــــــ
وعليكم السلام ورحمة الله وبركاته
اهلا بيك يافندم
ربنا يكرمك فماتوفيقى الا بالله
تفكير عقلانى برضه ويارب العروسة توافق:)
ربنا يرزقك بالزوجة الصالحة اللى تعينك على طاعة الله
دمت طيبا ولمدونتى زائرا








*********************************







تامر نبيل
ـــــــــــ
وعليكم السلام ورحمة الله وبركاته
اهلا بيك استاذ تامر
اشكرك جدا لرايك ولمشاركتك
وربنا يرزقك بالزوجة الصالحة اللى تساعدك على اتمام الفرحة بطريقة ترضى الله
دمت طيبا ولمدونتى زائرا

أمـ الله ـة يقول...

أختي موناليزا أنا سعيدة طبعابوجودي في مدونتك لكن هي مش الزيارة الأولى كانت في زيارات قبل كده قبل ما تغيري اسم المدونة لكن انقطاعي لفترة عن التعليق في مدونك جعلك لاتتذكريني

موناليزا يقول...

أمة الله
ــــــــــ
اختى الحبيبة:انا اسعد على فكرة:) بعودتك وباهتمامك لردى على تعليقك
وياحبيبتى ده شرف ليا انك تكون من زوارى الدائمين
بس على فكرة انا ماغيرتش اسم مدونتى ولاحاجة هى من يوم ماعملتها وهى اسمها"أمة الله"
ويارب مايبقى فيه انقطاع تانى وتنورينى دايما

لجين أبو الدهب يقول...

موناليزا حبيبتى ..

نفسى من ساعة البوسن نزل ارد بس النت كان فاصل عندى ..

البوست طبعا رائع وهادف كعادتك حبيبتى بس فى جزئية كنت عايزة اسألك عليها انا مش فاهمها فى البوست ..

((فتاة تغطى رأسها ولكنها تُصمم أن يكون فستان زفافها عارياً . يعترض جميع الأهل. لكن العريس يوافق حتى لايغضب عروسه يوم زفافها!!.))

مش فاهمة يعينى ازاى هاتغطى راسها والفستان يبقى عاريا ؟؟

بالنسبة للأسئلة ..

رأى فى الأفراح الاسلامية طبعا شئ لازم وواجب علشان العروسين يبدوأوا حياتهم بطاعة الله ومع تقدم الافراح الاسلامية كمان دلوقتى بس شئ ميسر جدا وسهل وبيكون جميل كمان ..

أطرف موقف حصل .. امممم .. اصل الصراحة حصل بجد مواقف كتييير اوى انا ناوية احكيها فى بوست ان شاء الله بس منها مثلا ان الكاب اللى كنت حجزاه رحت يوم الفرح الصبح لقيت المحل اللى حاجزة منه قافل وطبعا بقيت عمالة مش عارفة هاعمل ايه ولا اجيب كاب منين يوم الفرح راحت اختى الله يخليها جابت عباية وعملتها كاب كده وعملته بدابابيس وكان شكله يهلك من الضحك بس سبحان الله كذا واحدة تقولى شكل الكاب اللى كنتى لابسه كان شكله حلو هههههههههه..

وفرح اولادى ان شاء اله هاعمله اسلامى ان شاء الله طبعا بس هاخليه اكتر رومانسية هاعمله فى جنينة واملها ستاير بيضا وورد وكل الثغرات هحاول تلافيها ..

يارب ما اكون طولت وعايزاكى انتى كمان تجاوبي على الاسئلة علشان عايزة اعرف ردودك ..

أحبك فيه ..

♥نبع الغرام♥♪≈ يقول...

السلام عليكم
أولآ أشكرك على مرورك الكريم لمدونتى وإن شاء ليس الأخير
وطبعآ يشرفنى أكون صديقة دائمة للمدونه الجميله
ويارب يسعد أيامك على أختيار مثل هذا الموضوع جميل قووى
وأنا أرفض الأفراح اللى فيهل رقص والكلام ده كله حرام أصلآ وخاصة لما تكون العروسه عارية أمام الناس ده طبعآ حرام
ربنا يهدى الجميع
تقبلى تحياتى
مودتى

حارة سد يقول...

بعيدا عن الاسئلة التي في نهاية البوست لأنني لا أجيد الإجابة على مثل تلك الأسئلة

إلا أن المشاهد السابق ذكرها في المقدمة تطرح دائما تساؤلات حول تفضيلنا لأمور على حساب أمور أخرى دون النظر الى مدى صلاحية تطبيقها أو ما هي نتائجها ليس على المدى القريب وحسب ولكن على المدى البعيد والبعيد جدا أيضا

الحارة سد

salwa يقول...

السلام عليكم
عندما نطبق ديننا بشكل جذري نكون
حللنا كل مشاكلنا
كعادتك رااااائعة ادراجاتك
سلااااااام

wedad يقول...

ربنا يفرحنا بيكى وببنات المسلمين
يارب النهاردة قبل بكرة يارب
ويهديى البنات والامهات
للصح مش للغلط

موناليزا يقول...

لجين ابوالدهب
ــــــــــــــ
اختى الحبيبة: ماتحرمش منك ولا من تواجدك الدائم عندى ويارب النت مايفصل تانى عشان تنورينى دايما
(على فكرة مهما اتأخرتى فى الرد مكانك محفوظ):)

ربنا يكرمك على رايك فماتوفيقى الا بالله

قصدى ياستى انها المفروض محجبة فى الايام العادية بس نظرا لان طلبها ده لايمت للاسلام بصلة فشعرت انه ماينفعش اقول عليها محجبة يعنى ممكن اقول انها مغطية راسها كعادة من هم فى سنها من اسرتها مثلا
أصل انا رأيى ان اللى تلبس الحجاب وهو مش فارق معاها وممكن تخلعه فى اى وقت وامام اى حد ماتبقاش محجبة

فين التطويل ده بس!!!
انا سعيدة جدا بمشاركتك وبتواجدك
خدى راحتك المدونة مدونتك:)
ربنا يرزقك بالذرية الطيبة ويباركلك فى حياتك وتسيرى دائما على شرع الله

وهذه إجابتى عشان خاطر عيونك:)

* ما رأيك بصراحة فى الأفراح الإسلامية؟.

محترمة وجميلة ومهما كان فيها من قصور يكفى انها محاولة لارضاء الله أولاً

* ما هى أحلامك ليوم زفافك؟
مش عايزة حفلة خالص بس مش هقدر اتنازل عن الفستان الابيض:) عايزة حاجة بسيطة فى محيط الاسرتين لسه مش متخيلة حاجة معينة بس ممكن أقضيها زفة عربيات او مركب فى النيل او اى حاجة تانية غير تقليدية بس تكون بسيطة ومن غير اغانى ورقص او اختلاط
هبقى اتفق مع العريس بقى:)

*-أذكر أطرف موقف حدث لك يوم زفافك؟
(بما أنى كنت متزوجة فممكن اجاوب برضه على السؤال ده عادى يعنى:))
حفلة زفافى كانت أجمل حاجة حصلت فى زيجتى كلها وبفضل الله تمت على أكمل وجه ولا أتذكر فيه أى قصور من أى نوع
عملته اسلامى رغم أنف الجميع(وبحمد ربنا لغاية دلؤتى انه ثبتنى يومها)
يمكن الطريف انى كنت المسئولة الاولى والاخيرة عنه بما ان الكل كان رافض فانا بقى اللى اتفقت على كل حاجة من اول اختيار قاعة مناسبة لاختيار فرقة إنشاد بنات الخ
يعنى كنت عند الكوافيرة وبفكر ياترى فرقة البنات وصلت القاعة ولا لسه والكاميرا اللى هتصور بيها فيها فيلم ومع انتيمتى افلام تانية ولا ايه
وكدة يعنى حتى العربية اللى هتزفنى برضه
لكِ أن تتخيلى أن تحملى مسئولية حفلة كاملةوانتى العروسة فى نفس الوقت:)
نسيت أقول حاجة مهمة انى كنت يومها لوحدى من غير العريس:)

*-ماذا تتمنى لفرح اولادك؟

مش لما ييجوا الاول:)
بس ان شاء الله على ايامهم مش هيبقى فيه اختيار هو فرح اسلامى المتاح فقط
(أى خدمة):)






***********************************





عاشقة الاحزان
ــــــــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى ويسعدنى أن يكون بيننا تواصل وزيارات متبادلة
ربنا يكرمك واشكرك جدا لرايك ولمشاركتك
نورتى مدونتى وفى انتظارك دائما








********************************






حارة سد
ــــــــــــ
اهلا بيك يافندم
انا احترم رغبتك فى عدم الاجابة على الاسئلة واشكرك جدا لرايك ولقوة ملاحظتك وانتباهك لهذه المشاهد
دمت طيبا ولمدونتى زائرا







********************************






سلوى
ـــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولتواجدك
نورتينى سلوى الجميلة ودمتِ بخير





********************************





وداد
ـــــــــ
اختى الحبيبة:اهلا بيكِ فى زيارتك الاولى
ربنا يعزك ويتقبل دعائك اللهم امين
اشكرك جدا لتواجدك
نورتى مدونتى وفى انتظارك دائما

jonoon 3aqel يقول...

سؤال جانبى:
* ما رأيك بصراحة فى الأفراح الإسلامية؟.(للجميع)

قصدك فرح فيه اشياء حرام و آخر مافيهوش...احنا الوضع ف الخليج مختلف قليلا...بحكم كون فرح النساء منفصل عن فرح الرجال...في هذه الحاله..العروس عندها حرية اكثر في اختيار الفستان و الشعر و المكياج..

في بعض الافراح يكون فيها استعمال الموسيقى..لكن و لله الحمد في ناس بترفض الشئ ده و بتجبر الفرقه انها تستعمل الدفوف بس و بتقول حتى لو انا ممكن اسمع موسيقى..انا مش هشيل ذنب الناس دي كلها معايا...

من ناحية امور اخرى..يصيير في مغالاة ف اللبس..و المظهر..البوفيه..و التكاليف...اما عن النمص و التعري..فهذا يختلف من شخص لأخر و مش شرط يكون ف فرح..

فرح الرجال يكون فيه الاغاني الشعبية باستعمال الدفوف..و عشى..و بس


* ما هى أحلامك ليوم زفافك؟(لغير المتزوجين)

هههممممم...انا نسيت اقول...عادة العريس مع ابو العروسة و اخوان العروسه بيخشوا قاعة النساء عشان يخذوا العروسه معاهم..بيخشوا لمده يدوب نص ساعه...و النساء طبعا بيتغطوا..الا اللي هي اصلا مش بتتحجب او تغطي وشها بتلاقيها كاشفة لكن الكل قاعد ع الطاولات..مافيش روحة و جية..

ف انا افكر اني اخش صراحه..لكن عموما..انا مش عايز موسيقى..و لا مغالاة..عايزة بسيط..و رقي العرس ف بساطته...و الباقي على الحريم

جزاك الله خير

تحياتي

حاسوباتيه يقول...

بصي هو كلامك صح وفي ناس بيبالغوا جدا في الافراح وفعلا بتشيل الطرحه وانا ان شاء الله في فرحي هكون محجبه ده شئ مفروغ منه حتى المحجبه بتكون احلى لكن موضوع الزفاف المنفصل تكون الرجاله في مكان والستات في مكان ده انا بعترض عليه وماقدرش اعمله لان هيكون نفسي اشوف كل قرايبي وبابا واخويا والكل حواليا
تحياتي

لجين أبو الدهب يقول...

موناليزا ..

الله يعزك ياحبيبتى على كلامك ..

والله بجد انا بموت فيكى ..

وممكن تنشرى التعليق ده او لا براحتك ..

وجزاكِ الله خير انك جاوبتى مع انى هاموت وعايزة اسألك كذا سؤال علشان اختك فضولية مع الناس اللى بتحبهم ..

بجد انا مبسوطة انك جاوبتى ..

أحبك فيه ..

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

اختي الفاضلة بارك الله فيكي

موضوع جميل جداً ومهم جدا

انا راي في الموضوع متفق معاك تماماً ازاي نبدأ اول يوم في حياتنا بمعصية
والراجل ازاي يقبل ان الناس تتفرج على مراتهاو انها ترقص قدام الناس كلها

هي اه ليلة العمر والبنات بيحبوا يفرحوا ويرقصوا في الليلة دي مفيش مانع بس يبقوا مع نفسهم يعني يبقى الفرح الرجالة لوحدهم والستات لوحدهم والعروسة تلبس اللي هي عاوزاه ويرقصوا زي ما هم عايزين

وهي دي يزة الفرح الاسلامي وهذه هي افراح الحسنات فهي فرح بلا معاصي

اما عن احلامي يوم زفافي اتمنى ان اكون انا وهي في المدينة المنورة

بنت أبيها يقول...

وتختلف المواقف باختلاف الاشخاص

بالنسبالي الفرح الاسلامي اجمل ما فيه

انه يتيح للعروس ان تلبس ما تشاء وان تعمل ما تشاء من مكياج وشعر

بدون معاصي

انه بيتيح الفرصة للنساء انها تفرح وتنبسط وترقص وتغني على راحتها

بدون معاصي

فدينا لا يمنعنا من ان نفرح وان نشعر بسعادة هذا اليوم الجميل

ولكن يمنعنا من ان نرتكب المعاصي والذنوب في هذا اليوم باسم الفرحة .. وهوه يوم في العمر

اما بالنسبة لاحلامي ليوم زفافي

انه يكون اجمل يوم ويخلي ناس كتييير تغير رائيها في الافراح الاسلامية وتعرف انه الفرحة الحقيقية باليوم الجميل ده في الافراح الاسلامية

ودمتي بخير يا حبيبتي

موناليزا يقول...

جنون عاقل
ــــــــــــ
اهلا بيك يافندم
اشكرك جدا لمشاركتك ولانك عرفتنى بعض من عادات الخليج الذى كنت اجهلها
ربنا يسعدك ويرزقك بالزوجة الصالحة
دمت طيبا ولمدونتى زائرا




*******************************





حاسوباتية
ــــــــــــــ
اختى الحبيبة:ربنا يفرحك وتقضى يوم زفافك فى طاعة الله وتكونى أجمل عروسة
بس على فكرة باباكِ واخواتك هيكونوا برضه معاكِ انتى هتسيبيهم ساعتين فى القاعة بس تهيصى انتى وكل صحباتك براحتك خالص من غير ماتشيلى ذنب اى حد
ولا واحدة بقى تعجب بوالدك مثلا(وش بيغمز) أو حتى ترقص مع اخوكِ ولا انتى مش بتغيرى عليهم:)؟
اشكرك جدا لرايك ولمشاركتك
نورتينى حبيبتى ودمتِ بخير









***********************************






لجين ابوالدهب
ـــــــــــــ
اختى الحبيبة:كان لازم انشر تعليقك عشان اعرف ارد واقولك انى كمان بحبك جدا فى الله
ولو تحبى تسألينى فبراحتك خالص ومش هنشر التعليق:)
أقولك ابعتيلى ايميلك وانا اضيفك عندى واسألينى هناك براحتك
يعنى زى ماتحبى عندك المدونة أو تبعتيلى الايميل:)
لكِ منى كل الحب







*********************************





ابوصهيب
ــــــــــ
وعليكم السلام ورحمة الله وبركاته
اهلا بيك يافندم
ربنا يكرمك واشكرك جدا لرايك ولمشاركتك
وربنا يعزك ويسعدك ويرزقك بالزوجة الصالحة وتقضوا فرحكم فى أجمل بقاع الارض(ماتنساش تدعيلى هناك:))
دمت طيبا ولمدونتى زائرا








********************************






بنت ابيها
ــــــــــــــ
اختى الحبيبة:اشكرك جدا لرايك ولمشاركتك
ربنا يفرحك ويرزقك بالزوج الصالح قريبا اللهم امين
نورتينى حبيبتى ودمتِ بخير

غير معرف يقول...

غريب الموضوع ده!! يعنى العريس يبقى قاعد فى قاعة كلها نساء متبرجة ولابسين سواريهات ورقص وكدة! طب ازااااى؟؟؟
ماهو راجل برضه:)يعنى ماينفعش ولا عشان عريس بقى معاه رخصة يعنى:)
طيب والمعازيم الرجال بيكونوا فين وقتها؟

............

لا ياقلبي العريس بيكون موجود بالفرح لكن مفيش نساء متبرجات ولا لابسات سواريهات غير فقط المحارم خواته وخالاته وعماته وكدا يعني بس المحارم وباقي النساء بيكونوا متفرجين فقط من غير رقص ولا لبس عريان

وباقي الرجالة بيكونوا قاعدين تحت بالصالة ومجتمعين مع بعض وبيدخل اهل العروسة الرجالة يعني باخر الفرح بيسلموا على بنتهم وبينقطوها فلوس او دهب وبيخرجوا

وكمان بيدخلوا اهل العريس الرجالة وبيسلموا عالعريس وبيخرجوا

وطبعا بيدخلوا بعد ما الستات كلها تغطي نفسها

برأيي الفرح مش وحش ومفيهوش تبرج كتير ^ـ^

انا فرحي كان هيك :)

تحياتي

موناليزا يقول...

نوارة
ــــــ
اختى الحبيبة:مشكووورة جدا لعودتك وللتوضيح
ربى يسعدك ويفرحك دايما
ودايما منورانى ومفرحانى بزيارتك

منى يقول...

ازيك يا موناليزا
وحشانى اسسئلتك
السؤال الاولا اكيد احب الفرح الاسلامى وشايفه فيه حريه وسعاده اكتر جربتها مع بعض الصديقات بنفسى وان شاء الله فرحى يكون كده

التانى انه يكون خير بكل الاشكال
تحياتى وحبى

موناليزا يقول...

منى
ــــــــ
اختى الحبيبة:اهلا اهلا بالغالية
انا الحمدلله بخير ازيك انتى ياقمر

اشكرك جدا لرايك ولمشاركتك وربنا يرزقك بكل الخير
نورتينى منى الجميلة ودمتِ بخير