الأحد، 28 يونيو 2009

اللوم على مين

لا تلوم الذبيحة إذا جاء عليك دمها، وخاصة إذا كنت ساهمت بشكل أو بآخر في عملية الذبح.
 وإذا كنت لا تتحمل رؤيتها هكذا؛ لاداعى لتواجدك معها في نفس المكان .
نصيحة:-
* إذا كنت لا تتحمل رؤية مريض طريح الفراش فلا تذهب إليه؛ لأن نظرة الشفقة والألم في عينيك له ستؤلمه أكثر.
* إذا لم تستطع أن تخفف عن المريض أو تدخل سرور على قلبه لا تذهب إليه؛ فجرحه لا يحتمل المزيد من أي أخبار أو كلمات قد تحزنه.
*إذا لم تحتمل أن تستمع إلى تأوهات المريض أو العمل على مساعدته لا تكون حملاً ثقيلاً عليه بتأففك من صوته.
* أي مرض جسدي مهما كانت شدته سينتهي يوماً ما، ولكن سيظل بداخل المريض ذكرى لكل شخص ساعده أو تخلى عنه؛ فحاول أن تجعل ذكراك عند الجميع طيبة.
* وأخيراً لا تستهون بألام المرضى فلا يشعر بالألم إلا من به مرض.
=======
سؤال جانبى: فى حالة مرضك- لا قدر الله- ماأكثر شئ تحتاجه ممن حولك؟.

هناك 68 تعليقًا:

غير معرف يقول...

( أي مرض جسدي مهما كانت شدته سينتهي يوماً ما ولكن سيظل بداخل المريض ذكرى لكل شخص ساعده أو تخلى عنه )

تبقى الذكرى و للأسف دائماً ما تكون ذكرى مؤسفه ,,
هناك من تخلى و هناك من خاف المرض و هناك من قلل من اهمية المرض ووو ..

جوابي على سؤالك :
أحتاج بعض الهدوء و اكف داعيه لا أكثر :)

دمتي بخير ^^

E73 يقول...

بسم الله الرحمن الرحيم
السلام عليكم ورحمة الله وبركاته

الاهتمام

دي اجابة الملحوظة او السؤال اللي على جنب في آخر البوست

بوست جميل جدا وفعلا عندك حق فيه

على خطى الحبيب يقول...

السلام عليكم ورحمة الله.....

تذكرة كويسة أكيد بالمرض وعيادة المريض, لان كتير مننا فعلا مقصر فى موضوع عيادة المرضى سواء أقارب أو أصدقاء, عيادتك للمريض صدقة, وبالذات لو كان أحد أقاربك غير كونها صله رحم.

تذكرة طيبة بجد, بس عندى حاجة عايز أقولها,,,,,"الصورة دى صعبة أوى".

اما بخصوص السؤال الجانبى,فأكيد أول حاجة هكون محتاجها فى ظرف ذى دة هتكون "الدعــــاء" وبظهر الغيب طبعاً, يعنى مش الكلمتين اللى بيتقالوا على الباب واحنا ماشيين دول.

تقبلـــى مرورى...
مع خالص تحيــــاتى.....

أميرة يقول...

وجعتني الصورة

وابكتني النصيحة

يارب يشفي كل مريض يارب



سواء في مرض ولا صحة

كفاية تلاقي حد يسال عنك ويقولك ازيك

جنّي يقول...

السلام عليكم

مرحبا اختنا الطيبة ..

نشكرك على هذه النصائح الذهبية ..

تعرفي ن من السنة ان لانأكل ولا نشرب عند المريض .. لانه ممكن يتأذى بسبب عدم قدرته على الطعام او انه ممنوع منه .. ونحن هنا في الغربة ليس لنا الا بعض اقصد الزملاء .. وكان لنا زميل اجرى جراحة وكنا نتناوب عليه حتى لا نتركه بمفرده .. وحدث ان احد الزملاء تناول عشاءه امام صديقنا المريض فطلب ان يأكل واعطاه زميلنا الطعام وتناوله فسبب له مشاكل ونزيف ادى الى استدعاء الجراح الذي اجرى الجراحة ..
فهذا شيء بسيط يغفل عنه الكثير ..

اما في حالة المرض اشد ما يؤلم المريض هو شعوره بالوحدة وبالطبع سأطلب الدعاء اولا ثم عدم تركهم لي وحيدا ..

سلمتي من كل سوء

mohamed ghalia يقول...

اعتقد أن أكثر شىء تحتاجه من أقاربك فى مرضك هى أن يكونوا بجانبك

Unknown يقول...

جوابا عن السؤال:
*دعمهم النفسي، ودعاؤهم..
وكذلك المعاملة بالحسنى إذا طال المرض، فإن الشفاء لناظره لقريب.

ماء تشرين يقول...

اعتقد انى مش هحتاج غير ربنا وقلب صادق حنون ودعوه لاترد
يمكن كلامك صح بس ياعنى الاولى انو نزور المريض لانه ثوابه كبير عند اله ويكون عنا على الثواب ساعتها مش هيكون داخلنا شافقه ابدا

تقبلى مرورى

د/على خميس يقول...

السلام عليكم و رحمة الله و بركاته
أما بالنسبة للمرض ...أسأل الله أن يعافينى و اهلى و ان يعافيك و اهلك و كل المسلمين
فأهم حاجة انى بس الاقى حد جنبى ..
و لو كان ثقيل شوية فياريت يخفف و ما يطولش بس الصراحة لو عمل بنصيحتك و مجاش خالص هزعل منه...
بس اهم حاجة فعلا بحتاجها من المحيطين انهم بس يبينولى انهم متفهمين لمقدار تعبى و يغذونى بالدعم المعنوى..

جزاك الله خيرا
بارك الله فيك أختنا أمة الله
تقبلى تحياتى

أم فريده يقول...

السلام عليكم ورحمة الله وبركاتة

ازيك عاملة اية يا رب تكونى فى اسعد حال


بالنسبة لسؤالك

اكتر حاجة بحتاجها اهتمام اللى حواليا بيا وسؤالهم عليا ومساندتهم ليا

لانى لما بكون مريضة بكون حساسة اوووى
ومحتاجة اهتمام اى حد حتى لو كان بطبطبا
او كلمة سلامتك


سلامى ليكى

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمه موناليزا
تحياتى
فعلا النصايح اللى كاتباها دى حلوة جدا
وانا كتير بعمل كده
لما مش بتحمل اشوف حد مريض ممكن مش بزوره الا لما حالته تتحسن لانى مش بقدر اشوفه وهو تعبان ومش بعرف حتى اتكلم معاه او اواسيه
بس المشكله ان فيه ناس كتير بتحسبها حسابات تانيه وبتزعل من عدم الزيارة
ولما بشرح السبب مش بيصدقونى
وده عاملى ازمه
اما السؤال الجانبى فبصراحه مش عارف اجابته
بس متهيألى اكتر حاجه هتكون الهدؤ
واخيرا اللهم اشفى مرضانا ومرضى المسلمين اجمعين
اللهم امين
تحياتى ومتِ بكل خير وود
والسلام عليكم ورحمة الله وبركاته

موناليزا يقول...

اسيرة اللوحة
ـــــــــــــ
اختى الحبيبة:اهلا بيكِ فى زيارتك الاولى
تعتبر المحن محل اخلاص جميع من حولنا
عافانا الله واياكِ من اى ألم
نورتى مدونتى واشكرك جدا لمشاركتك



**********************************



اى73
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
اشكرك جدا لمشاركتك
نورتينى ياجميلة وسعيدة بتواجدك



**********************************




على خطى الحبيب
ــــــــــــــــــ
وعليكم السلام ورحمة الله وبركاته
اهلا بيك يافندم
فعلا فيكفى ثواب زيارة المريض ومع ذلك يجب ان ندخل سرور على قلب مسلم

احترم رأيك جدا فى الصورة ولكن شعور المريض بيكون اصعب بمراحل بمن فى الصورة

عاجبنى اوى طلبك بالدعاء بظهر الغيب وخاصة ان فيه ناس بتزور المريض لمجرد انها تتفرج عليه ومن غير حتى الدعاء اللى فى اخر الكلام:)
اشكرك جدا لمشاركتك وسعيدة بمرورك




***********************************




أليس فى بلاد العجائب
ــــــــــــــــــــ
اختى الحبيبة:هى فعلاً صورة توجع بس بجد المتألم حاله بيبقى صعب جداً
كنت عارفة ان البوست هيأثر معاكِ
بصى بقى ابعتى له رسالة دلؤتى حالاً وقولى فيها"بعيد الشر عنك"
:)
صح والله دى بجد بمُلك الدنيا
نورتينى حبيبتى واشكرك جدا لمشاركتك



********************************



جنى
ــــــــ
وعليكم السلام ورحمة الله وبركاته
اهلا بيك استاذ سعيد بعد طول غياب
الشكر لله اخى الكريم فما توفيقنا الا به
ربنا يعزك يارب اول مرة اعرف السُنة دى
الله يفتح عليك هذاالموقف بين بالظبط ما قصدته
ربنا يبعد عنك اى مكروه
اشكرك جدا لمشاركتك


*********************************




محمد غالية
ــــــــــــ
اهلا بيك استاذ محمد
ليتهم يعلمون ذلك
اشكرك جدا لمشاركتك



********************************


محمد من المغرب
ــــــــــــــ
اهلا بيك استاذ محمد فى زيارتك الاولى
متفقة معاك
نورت مدونتى واشكرك جدا لمشاركتك



*********************************



ماءتشرين
ـــــــــــ
اختى الحبيبة:ربنا يبعد عنك اى مكروه
طبعا ياجميلة مفيش شك فى ثواب زيارة المريض ولكن الاحرى أن نراعى ظروفه المرضية فى الزيارة
نورتينى ياجميلة واشكرك جدا لمشاركتك



********************************



د/ على خميس
ـــــــــــ
وعليكم السلام ورحمة الله وبركاته
اهلا بيك يادكتور
ربنا يكرمك ويتقبل دعائك ويبعد عنك اى مكروه
اشكرك جدا لمشاركتك وسعيدة بمرورك



*******************************



حبيبة سى السيد
ــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر بعد طول غياب
انا الحمدلله بخير ازيك انتِ ياجميلة
ربنا يبعد عنك اى مكروه واللى بيحب حد بجد بيبان فى المواقف دى
نورتينى حبيبتى واشكرك جدا لمشاركتك





*******************************



المعتصم
ـــــــــــ
وعليكم السلام ورحمة الله وبركاته
اهلا بيك يافندم
فعلا لكل فرد طباعه وطريقته فى التفكير
بص عشان ماتزعلش حد بعد كده ابقى زورهم خمس دقايق على الاقل وامشى على طول
:)
ربنا يبعد عنك اى مكروه
اشكرك جدا لمشاركتك وسعيدة بزيارتك

مجداوية يقول...

السلام عليكم

ليس المرض فقط هو من يوجع الانسان ويترك وراءه ذكرى من ساعده أو تخاى عنه

ولكن في المرض السؤال هو بلسم مداوي وزيارة المريض الطويلة تؤذي وتضر فمن يزور مريضا فليخفف والدعاء هو ما يحتاجه المريض وعدم الثرثرة في وجوده

نسأل الله أن يشفي كل مريض وأن يخفف عنه ألمه ويمن عليه بالشفاء فينضم قريبا للأصحاء

ذكرى رحيل قلم يقول...

السلام عليكم
لا تستهون بألام المرضى فلا يشعر بالألم إلا من به مرض
فعلا لا يشعر بالجرح والالم الا صاحبه

شكرا موناليزا علي تنبيهاتك لنا جميعا
ولكن في حالات صعب الواحد ميتألمش وهو شايفها امامه بيبقي غصب عنك

لكن هانحاول

اكتر شيء هاحتاجه هو امي هي الوحيدة الي عمرها ماهتكل ولا تمل ودعائها ثم دعاء الصالحين
تحياتي
دمنا بحب وود

عاشقة القمر يقول...

ياستي اول حاجه حوا اكون معاه علي طول مش حاسه بانوه مريض حاول خليه ينسي ان مريضه
خليه دايما فب يكون في هدؤ انا دايما في صلاتي بقول ربنا يشفي كل مريض
مش ضرويه يكون احد يخصني حتي تدعي له لا بس من ضمنا دعوات

ستيتة يقول...

لي قريب ربنا يرحمه رحمة واسعة
كان آية في العلم والإلتزام وهدوء النفس والسرعة لمساعدة المحتاج

ابتلاه الله بالمرض الخبيث
رأيته قبل أيام من وفاته فسألني "ليه فلان وفلان مجوش زاروني يا ستيتة؟"
حتى لو مش بيحبوا يسمعوا سيرة المرض .. دول صحاب عمري من الصغر معقوله هنت عليهم اكون في المستشفى عشر شهور وميسألوش علي؟

سواء قادر ترى مريض او غير قادر
قوم هز نفسك وزوره

المريض مش بيكون شاغله غير مين فعلا بيحبني
واللي مجاش انا عملت له ايه علشان هنت عليه
وياترى انا كويس ورايح لربنا راضي عني والا وحش وعاملت الناس وحش علشان كده هجروني بعد زوال نعمة الصحة والجاه؟

انا مش عاوزة مرض وأسأل الله لي ولكم جميعا المعافة
ولا أتمنى إلا أن يقبضني الله إليه وانا بكامل الصحة ويغنيني عن عباده اجمعين ويرزقني كفلا من أسمه العزيز فلا أذل أبدا

اللهم لا تحرمنا حسن الخاتمة

السلام عليكم

alwani يقول...

أولاً: أعجبني مقالك هذا لأنه يقول الحقيقة , التي يتناسها الكثير

ثانياً: جواب سؤالك يا أمة الله
أكيد كل اللي راح أحتاجه قلب صادق بجانبي يساندني ويخفف من حجم ما أعانيه

شكراً لكِ

ذكرى رحيل قلم يقول...

السلام عليكم

موناليزا هو ايه علاقة الموضوع بالصورة
انا قلت هتكتبي عن الغادرين اللي بيدبحوا ويجروا

مستكه يقول...

السلام عليكم ورحمة الله وبركاته

اكتر حاجه بيحتاجها المريض هي احتواء المحيطين بيه

دعم نفسي مهم لاقصي درجة

سبحان الله فعلا ان زيارة المريض صدقه

ويكفي بس ان عند زيارة المريض بيكون في الوقت ده تحفه الملائكه

التي تؤمن علي الدعاء لذلك من اداب زيارة المريض اننا ندعيله بالشفاء وممكن ندعي لانفسنا والملائكه تؤمن

يعني فوائد كتيره من زياره ممكن لاتزيد عن ربع ساعه

صدقه + دعاء مستجاب ان شاء الله + واجب اجتماعي + دعم نفسي لانسان حتي لو منعرفوش + راحه نفسيه للزاير انه بيعمل حاجه ممكن تخفف عن غيره

yoyo يقول...

صباحك سكر
اخبارك ايه ؟!
يارب تكونى بالف خير و صحة يارب

اختى ربنا يبعد عنك و عنا الامراض جميعا و

يشفى الجميع اللهم آآآمين

المريض بحاجة ان نكون بجانبه نشعره بالحب

والاهتمام
واننا بجواره بدون اى شفقة فقد نحن نتواجد

لاننا نحبه و نهتم لامره

هناك اشخاص يحتاج المريض ان يجدهم

بجواره بالاخص ووجودهم يرفع كثير من روحه

المعنوية فزيارة بسيطة كفيلة باسعاد شخص

مريض
وتلك اللحظات تبقى فى الذاكرة ولا تمحى

ابدا

ربنا يعافيكى يارب
دمتى اختى بالف خير وسعادة
تحياتى
يويو

النسر المهاجر يقول...

أمة الله
المرض الجسدى نحتاج فيه إللى قريب أو محاور ينسينا المرض وهذا بعد دعوة الله عز وجل

ولكن المرض النفسى والروحى فإننا نحتاج إللى الله فقط والإيمان به وبقدره وقدرته

وربنا يشفى الجميع

موناليزا يقول...

مجداوية
ـــــــــ
وعليكم السلام ورحمة الله وبركاته
اختى الحبيبة:اهلا اهلا بصوت الحق
ده حقيقى بس فى حالة المرض الالم بيكون جسدى ومعنوى وده اكيد بيأثر عليه اكتر

الله ينور عليكِ فلنلتزم بآداب زيارة المريض
اشكرك جدا لمشاركتك
نورتينى حبيبتى وربنا يتقبل دعائك ويشفى مرضى المسلمين





*********************************



ذكرى رحيل قلم
ـــــــــــــــ
وعليكم السلام ورحمة الله وبركاته
اختى الحبيبة:الشكر لله فماتوفيقى الا به
ده حقيقى واللى ايده فى المية مش زى اللى ايده فى النار كما يقال:)
انا عارفة ياجميلة انه اوقات بيبقى غصب عن الواحد انه يتألم لما يشوف حد بيحبه مريض بس ياريت مايبينلوش ده لان نظرته دى بتأثر على المريض بالسلب
بينه وبين نفسه ياستى يبقى يتأثر براحته:)
ربنا يبعد عنك اى مكروه ويباركلك فى عمر مامتك
نورتينى حبيبتى واشكرك جدا لمشاركتك




*********************************



عاشقة القمر
ــــــــــــــ
اختى الحبيبة:انتِ جميلة اوى على فكرة:)
ممكن تبقى تفتكرينى بدعواتك الحلوة
نورتينى حبيبتى وسعيدة بتواجدك





********************************




ستيتة حسب الله الحمش
ــــــــــــــــــــــ
اختى الحبيبة:اهلا اهلا بنبض الحكمة
هو فعلا عنده حق يزعل
ومش معنى كلامى انى بقول ماتزوروش المرضى لا ده انا قصدى اقول التزموا بآداب زيارة المريض وإلا فلتمتنعوا
وخاصة للناس اللى بيروحوا مخصوص يتفرجوا ويستظرفوا على كل حاجة
ربنا يبعد عنك اى مكروه ويمتعك بصحتك ومايحوجكيش لحد ابدا
نورتينى حبيبتى واشكرك جدا لمشاركتك




*******************************


الوانى
ـــــــــ
اختى الحبيبة:اشكرك جدا لرايك وسعيدة ان موضوعى عجبك
ربنا يبعد عنك اى مكروه ويرزقك بكل الخير
نورتينى حبيبتى واشكرك جدا لمشاركتك




********************************




ذكرى رحيل قلم
ــــــــــــــــ
وعليكم السلام ورحمة الله وبركاته
اختى الحبيبة:سعيدة جداً بعودتك
بصى ياستى الصورة خاصة بالسطرين اللى تحتها مش بالنصايح:)
مبسوطة بجد بسؤالك:)
يارب دايما منورانى




********************************




مستكة
ـــــــ
وعليكم السلام ورحمة الله وبركاته
اختى الحبيبة:اهلا وسهلا
جميلة جداً اضافتك ففيها من الثواب مايحث الجميع على زيارة المريض
لعلنا جميعا نلتزم بآداب زيارة المريض
نورتينى حبيبتى واشكرك جدا لمشاركتك



*********************************



يويو
ـــــــ
اختى الحبيبة:صباح الفل على عيونك ياقمر
انا الحمدلله بخير تسلميلى يارب
ربنا يكرمك يارب ويتقبل دعائك
تعليقك جميل جدا اشكرك جدا عليه
نورتينى حبيبتى وسعيدة بتواجدك



********************************



المهاجر
ـــــــــ
اهلا بيك يافندم
معك حق ففى كل الاحوال نحتاج الى مساعدة
ربنا يبعد عننا جميعا اى مكروه
اشكرك جدا لمشاركتك

صمت الحنين يقول...

السلام عليكم ورحمة الله وبركاته

جزاكى الله خيرااا موناليزا
على هذه الكلمات الطيبه

فى حالة مرضك- لا قدر الله- ماأكثر شئ تحتاجه ممن حولك؟.
اعتقد انه اكتر حاجه انك تلاقى الناس اللى بتحبهم جانبك ويخففوا المرض عنك

بنت أبيها يقول...

كلام مظبوط مية في المية

MaNoOoSh يقول...

انتى ذكرتيني بموقف زيارتي لجدي فى البلد فى ايامه الاخيره
مستحملتش اشوفه.. وبعدت عنه لغاية ما احاول اتماسك نفسي شوية
كانت ايام ربنا وحده عالم بصعوبتها علينا وعليه.

اعتقد المريض اكثر ما يحتاجه البسمة الحلوة والكلمة الجميلة والدعوة الحلوةوالامل من اللي حواليه حتى لو كان أمل ضعيف أو معدوم
وكمان الهدوء وقت النوم والراحة

ربنا يشفينا ويعافينا جميعا ويرزقنا حسن الخاتمة ياربشؤ

أميرة يقول...

عُلم و نُفذ :)


فكرتوني في التعليقات دي بان الواحد لو كان اوعي من كده شوية وهو اصغر عن كده اكيد كان فرق في حياة ناس كتيرة

دلوقتي الواحد حريص علي الواجب دا سواء عيادة المريض او العزاء اكتر من الحرص علي حضور الافراح .. بس بردة مقصر

اكتر حاجة كمان بتأثر اوي في المريض حد يطبطب عليه ويقوله كلمة طيبة تخفف عنه ويحثه انه يستغفر ربنا طول ما هو قاعد بقلبه حتي علشان ربنا يكشف عنه الضر و يرفع الابتلاء ويشفيه

ربنا ما يوري حد حاجة وحشة في اي حد يارب

akeed يقول...

ان الامراض الجسدية تُحدث بنا الم حتى و لو كان شديداً فبعد الالم راحة عندما يزول الالم و لاكن الالم النفسى قد لا يزول بسهوله .

و عندما نذهب الى مريض لا يجب ان نشعره بمدى مرضة فالامل مستمر و موجود فهو فى الله كم من مريض تقول الاطباء ان حالته مئيوس منها و لاكن بفضل الله يتعافى و يعيش بصحة جيدة .


و انا عن نفسى اذا مرضت فإننى احتاج بشدة الى احد يزورنى و يسأل علي فهذا يخفف عنى مرضى و خاصة اذا كان معه طفل صغير فالنظر الى براءة هذا الطفل تخفف عنى الالم جداً



و الف مبروك لاختك

دمتى بكل خير

وحي القلم يقول...

السلام عليكم

موضوع جميل جدا ، ويا اما اكون في عون المريض

يا اما ما ارهقوش أكتر

-------

أكثر شيء احتاجه إذا مرضت مرضا صعبا أن

أموت

حتى لا أكره من أحببتهم

تقبلي مروري
----

تهنئة قلبية للاستاذة عـــفـــراء بمناسبة الخطوبة السعيدة.
ألف مبروك وربنا يتمم بخير.

حواء يقول...

عندك حق


وبخصوص سؤالك
هبقي محتاجه حضن
بس مش اي حضن
حضن حبيب
وبرده مش اي حبيب
انه يكون بيحبني بجد من غير اي سبب
حب كده من عند ربنا
مش شرط يكون زوج
ممكن تكون صديقه
تحياتي

زى الهوا يقول...

الصورة مؤلمة اوووووووى

كلامك صح جدا , انا لما كنت مريضة , والناس عرفت , ماكنتش طايقة حد يجيى يزورنى خالص , غير الناس المقربة لقلبى , وفعلا كلامك صح , إن الواحد بعد لما بيخف مابيقدرش ينسى ابدااااااااااا الناس اللى وقفت جنبه واللى شالته فى مرضه

الحاجة اللى هكون محتاجاها : الرعاية والتحمل بصدر رحب من المقربين


لأن متهيألى إن طبعا بعد إرادة ربنا , مساعدة اللى حواليا ليا ف مرضى كانت معينة ليا على الشفاء رغم طول فترة المرض ( الحمد لله ) , لأن المريض بيبقى تقيل جدا , وطلباته بتكون كتيررر , ولمجرد اما بيحس إن اللى اودامه متضايق من طلباته بيتلاشاه ودا بيجيى عليه اكتر بالتعب

على عبدالله يقول...

السلام عليكم

اللهم اشفى مرضانا ومرضى المسلمين
شافانا الله وعافانا واياكم والمسلمين اجمعين من كل سوء
اللهم امين

ما احتاجه لو كنت مريض

الدعاء

دمت بصحة وعافية

rovy يقول...

اولا وحشتينننننى جدااااااا

كالعاده دائما مواضيعك متميزه و كم افتقدتها و افتقدتك الفتره الماضيه و كم افتقد جنه و لا اجد من يطمئنى عليها .. يا رب تكون بخير و تطمنا ادعيلها معايا ترجع لنا .. وحشتنى جدا بجد ..
اكيد عندك حق حبيبتى فى كل كلمه فيه ناس كثير بدل ما بتداوى بتجرح بنظرات الشفقه اللى بتنظر بها الى المريض بدل من ان تنظر له نظرات مشجعه و تذكره بأنه فى اختبار من الرحمن عليه ان يصبر و يشكر الله ليعدى من تلك المحنه .. و ناس مع الاسف بتشمت فى ناس و بتنسى ان رحمة ربنا ما لها حدود و ان انتقامه ايضا شديد .. عافانا الرحمن جميعا و غفر لنا و شفى جميع مرضانا يارب و خفف ألام كل من يتألم و عفا عنا جميعا

اتمنى ان اشعر بحب اصحابى و احبابى و وقوفهم بجانبى اذا مرضت و ان اجد منهم تشجيعا لتحدى المرض و ان لا ارى او اسمع اى نظرات او كلمات من الشفقه التى تزيد اكيد الالم .. عافانا الرحمن جميعا و متعنا بصحتنا و ادام علينا نعمه الكثيره .. امين

دمتى متميزه غاليتى
تحياتى

Unknown يقول...

موناليزا
اختى الجميلة
اليوم تتكلمى عن الم نفسى رهيب لدى المريض او لدى الانسان حين يرى نظرات الشفقة فى عيون من حولة
ربنا يشفى مرضانا
ويهدى زائريهم
ويرزقنا واياهم الاخلاص فى القول والعمل
اما عن السؤال
فاعتقد ان اى مريض يحتاج الى الناس من حولة والا ماكان الله ليحث على زيارة المريض والسؤال عنه للترويح عنه

بنت الصالحين يقول...

احتاج
لاتصال المقربين الي قلبي : )

كلماتك رائعة

ربي يبارك فيكِ

Sweet Violet يقول...

انعم ببعض من الوحدة فقط لا غير

salwa يقول...

السلام عليكم
ان لم نقف بجانب من نحبه في اوقات شدته و محنته بمرضه,فمتى اذن, و كيف نكون من المحبين له,الم يحثنا رسول الله عليه افضل الصلاة و التسليم لهذا؟
برايي مايحتاجه الانسان بمرضه محبة صادقة
سلاااااااااااااااام

أم أحمد المصرية يقول...

برغم اني مش فاهمة العلاقة بين الكلام الجامد عن الذبيحة و بين نصائحك عن المرض
لكن اعتقد ان رؤية المريض لنظرة الشفقة في عيون من يحب افضل من احساسه بأهمالهم له

اما لو مرضت فارغب في الشعور بحب و اهتمام من حولي لأن المريض يشعر الوحدة و النبذ اسرع بكثير من السليم

ربنا يعطينا جميعا الصحة و العافية و لا يحوجنا لبشر علي رأي مامتي

الفراغ يقول...

كلامك صح جدا
افتكر فى مرض زوجى زاره احد اقاربى وجرحه بسؤال سازج جدا
حيث قال له (هو انت مرضك معدى)
فلم يرد احد من الموجودين
ولكننا لم نرحب بزيارته بعد ذلك حتى الان
اما اجابة سؤالك
فهو الحكمه التى تقول
(يابخت من زار وخفف)

MOHAMMED ELBANNA يقول...

موناليزا
كلامك جميل ، والصورة صعبة جداً .
واكتر شيئ احتاجه من اللي حوالية اثناء مرضي هو وجودهم جنبي ويهونوا عليا من شدة المرض .
جزاكي الله خيراً وتقبلي تحياتي .
محمـد البنا
طريق النجاح

موناليزا يقول...

صمت الحنين
ـــــــــــ
وعليكم السلام ورحمة الله وبركاتخ
اختى الحبيبة:ربنا يكرمك يارب فماتوفيقى الا بالله
ربنا يبعد عنك اى مكروه
نورتينى حبيبتى واشكرك جدا لمشاركتك




*********************************


بنت ابيها
ـــــــــــ
اختى الحبيبة:مبسوطة انه عجبك:)
نورتينى حبيبتى واشكرك جدا لتواجدك



********************************


منوش
ـــــ
اختى الحبيبة: تعيشى وتفتكرى ربنا يرحمه ويغفرله
اعتقادك فى محله:)
ربنا يتقبل دعائك اللهم امين
نورتينى حبيبتى واشكرك جدا لمشاركتك



********************************



اليس فى بلاد العجائب
ــــــــــــــــــــ
اختى الحبيبة: شطورة ياجميلة:)
ده حقيقى دى حتى مكالمة التليفون او رسالة الموبايل بتفرق والله كتير
فعلا المريض بيبقى ضعيف جدا جسديا ونفسيا وبيحتاج دايما حد يقويه ويشجعه ويرفع من روحه المعنوية
ربنا يتقبل دعائك ويسعدك يارب ويفرح قلبك
نورتينى حبيبتى وسعيدة جدا بمتابعتك



*********************************



اكيد
ـــــــ
اهلا بيك يافندم
فعلا الالم النفسى قد يستغرق اعواما عديدة حتى ينتهى وقد لا ينتهى ايضاً
ربنا يبعد عنك اى مكروه
انا مستغربة من حبك لوجود الاطفال فى حالة المرض نظرا لما يقومون به:)

الله يبارك فيك وهى اختى فى الله وزميلتنا فى التدوين ممكن حضرتك تضغط على اسمها وتروح عندها تباركلها لو تحب
اشكرك جدا لمشاركتك



******************************



مصعب صلاح
ـــــــــــ
وعليكم السلام ورحمة الله وبركاته
اهلا بيك استاذ مصعب
اشكرك جدا لرايك ومتفقة معاك جدا
ياخبر الموت مرة واحدة!! وليه مايبقاش فيه امل فى الشفاء!
وليه اصلاً تكره اللى انت بتحبهم مش يمكن هما اللى يساعدوك
ربنا يبعد عنك اى مكروه

الله يبارك فيك وعقبالك ان شاء الله
اشكرك جدا لمشاركتك



********************************


حواء
ــــــ
اختى الحبيبة:ربنا يبعد عنك اى مكروه ويفرح قلبك قريبا
نورتينى حبيبتى واشكرك جدا لمشاركتك



*********************************


زى الهوا
ـــــــــ
اختى الحبيبة:انا عارفة بس حال الذبيحة بيكون أكثر إيلاماً

ياحبيبتى الف سلامة عليك والحمدلله على تمام الشفاء
وربنا يبعد عنك اى مكروه
نورتينى حبيبتى واشكرك جدا لمشاركتك


********************************


على عبدالله
ــــــــــ
وعليكم السلام ورحمة الله وبركاته
اهلا بيك استاذ على
ربنا يعزك ويتقبل دعائك ويبعد عنك اى مكروه
اشكرك جدا لمشاركتك


*********************************

موناليزا يقول...

روفى
ـــــ
اختى الحبيبة:اهلا اهلا بالغالية:)
ماتتخيليش سعادتى قد ايه برجوعك تانى
تعرفى بجد والله القلوب عند بعضها لانى كنت لسه هبعت اطمن عليكِ واسألك على جنة
ربنا يطمنا عليها يارب وترجعلنا بالسلامة
ياااه ياروفى بجد وحشتييييييييينى جدا وعايزة اتكلم معاكِ كتييير بقى لنا كتير ماتقابلناش
يارب ياحبيبتى تكونى بخير

فعلا والله عندك حق فنظرات الشفقة ممكن تعجل فى موت المريض او انتكاسته حتى لو كانت حالته بسيطة عكس التشجيع المستمر اللى ممكن يخفف واحد الكل متوقع قرب نهايته
ربنا يبعد عنك اى حاجة وحشة ويحفظلك بناتك اللهم امين
نورتينى حبيبتى واسعدتينى بتواجدك وبمشاركتك




**********************************



نهر الحب
ــــــــــ
اختى الحبيبة:اهلا اهلا بنوسة الجميلة
ازيك ياحبيبتى واحشااانى جدا ويارب تكونى بخير

صح ياجميلة لزيارة المريض ثواب عظيم ولكن علينا التحلى بآداب هذه الزيارة :)
نورتينى حبيبتى واسعدتينى بتواجدك ومشاركتك



*********************************


عاشقة الفردوس
ـــــــــــــــ
اختى الحبيبة:ربنا يكرمك واشكرك جدا لرايك
وربنا يبعد عنك اى مكروه
نورتينى حبيبتى واشكرك جدا لمشاركتك


**********************************


سويت فيوليت
ـــــــــــــ
اختى الحبيبة:احترم وجهة نظرك جدا
نورتينى حبيبتى واشكرك جدا لمشاركتك



********************************


سلوى
ـــــــ
وعليكم السلام ورحمة الله وبركاته
اختى الحبيبة:صدقتِ غاليتى
نورتينى سلوى الجميلة واشكرك جدا لمشاركتك



*******************************


ام احمد المصرية
ـــــــــــــــ
اختى الحبيبة:العامل المشترك غاليتى هو احساسهم بالالم:)
مع احترامى لرايك بس انا اختلف معاكِ فى النقطة دى يعنى انا افضل ان محدش يزورنى فى مرضى مهما كانت درجة قرابته بدل ما ييجى واشعر انه جاى شمتان فيا او يتفرج عليا
ربنا يبعد عنك اى مكروه ومايحوجناش لحد ابدا ويباركلك فى عمر مامتك
نورتينى حبيبتى واشكرك جدا لمشاركتك


********************************


الفراغ
ـــــــــ
اختى الحبيبة:ياسلام لو وضع الزائر نفسه مكان المريض اكيد هياخد باله من كل كلمة بيقولها
ربنا يبعد عنك اى مكروه
نورتينى حبيبتى واشكرك جدا لمشاركتك



***********************************



محمد البنا
ـــــــــــ
اهلا بيك استاذ محمد
اشكرك جدا لرايك
:) تعرف كان فيه صورة اصعب من كده بس مراعاة لمشاعر الجميع مارضيتش اضعها:)رغم انها كانت معبرة اكثر
ربنا يكرمك ويبعد عنك اى مكروه
اشكرك جدا لمشاركتك

غير معرف يقول...

نصائح في الجوون

فعلا في كتير من الناس بيزوروا المرضى من غير نفس و بيزودوا هم المريض

ربنا يهديهم

وجوابي على سؤالك

هبقى محتاجة احس بحب الي حوليا واهتمامهم بيا

دمتي بحفظ الرحمن

Hanan Elshafey يقول...

السلام عليكم ورحمة الله وبركاته

اختي الكريمه بداية اعتذر عن طول الغياب وقد تابعت كل ما فاتني وبحق جزاك الله عن كل كتاباتك كل خير

ثم
بالنسبه لسؤالك
في حالة مرضي اتمني ممن حولي الا يشعروني باني ضعيفه وصعبانه عليهم اوي الطريقه دي ممكن تخليني اضعف فعلا
اكتر شئ بحتاجه من اللي حواليا انه ميحسسوني اني اقدر اعدي ازمتي مهما كانت وده اكتر ضئ ممكن يساعدوني بيه ولو مقدروش علي ده كفايه جدا يبعدوا وانا هبقي كويسه باذن الله
نظرات الشفقه بتقتل
دمتي بكل خير

الفراشة الصغيرة يقول...

اكيد زيار المريض واجب

بس كلام فعلا كله صح

ولازم نحطه فى الاعتبار

رحيق الحياة يقول...

كان المرض ممن زار حياتي و رأيت الامه في دموع والدي, كان كل ما راني أمام الغرفة يضحك و عندما يحين موعد ذهابي للمنزل أرى الدموع في عينيه و كأنها ترجوني أن لا أذهب, كان اخر عام في حياته و قد فضيت معه ذاك العام و لكن مرضه دام 4 سنوات و أنا لم أكن لجانبه, فأتسائل دائما كيف مرّة تلك الأعوام عليه بدوني...

المرض إبتلاء من عند الله و هو ما خفف عنه الامه, يعلم أن الله يحبه و يريد أن يخفف له ما تقدم من ذنبه... ده إلي بيعزي المريض و يخليه يستحمل المرض..

أنا ليا أمنيه لو مرضت, أن أجد من يقف لجانبي و لا أجد نفسي في غرفة وحيده... بس الخوف لو ملقيتش حد ذنبي..
لو مرضت سأحتاج لكتاب الله العزيز إلى جانبي و يا رب يكون جنبي كاست قران بتشتغل جنبي... ديه أمنيتي أنه إذا ما مت, اخر شيئ يكون في قلبي هو الله و الدين

أختك في الله رغده

بنجاواتى يقول...

السلام عليكم

هى نصايج كلها ما شاء الله تدلنا على الخير

اما فى حالة مرضى -ربنا يعافينا ويعافى المسلمين اجمعين- اكتر حاجة بتريحنى زيارة صديق يدخل على قلبى السرور

تحياتى

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى وأخواتى وجعل الجنة مثواى ومثواكم وطبتم وطاب سعيكم وممشاكم وتبوأتم جميعا من الجنة منزلا وأسأل الله العظيم أن يجمعنا فى الدنيا أخوانا متحابين على طاعته وفى الأخرة فى دار جنته وكرامته إنه ولى ذلك ومولاه والقادر عليه
أكتر ما يحتاجه المريض هو دعوة الناس له من قلوبهم وتذكرته بالله وإعانته على الصبر عند الإبتلاء كما علمنا سيدنا محمد صلى الله عليه وسلم .
جزاكم الله وسائر المسلمين خيرا
سبحانك اللهم وبحمدك أشهد أن لا إله إلا أنت استغفرك وأتوب إليك

شمس النهار يقول...

اولا الف مبروك لعفراء

ثانيا لما بمرض مابحبش اتعب حد جمبي ومابحبش انام في السرير وبحب اخد المرض علي رجللي زي مابيقولوا

ربنا يبعد عنا المرض وذله

kimo يقول...

السلام عليكم ورحمه الله
**********************
اختي في الله
كعادتك
موضعات رائعه

اللهم اشفي مرضنا ومرضي المسلمين

غير معرف يقول...

السلام عليكم ورحمة الله وبركاتة
جزاك الله خيرا عن المدونة هذه
وجعلها الله في ميزان حسناتك باذن الله
وكلماتك رائعة بجد
واللي احتاجة من اللي حواليا لو مريض
الدعاء فقط
اتمني ان تشرفوني في مدونتي

Unknown يقول...

السلام عليكم ورحمة الله وبركاتة
كيف حالك حبيبتى ؟
يا رب تكونى بالف خير
جزاكم الله خيرا
انا فعلا كنت رايحة ازور مريضين
جزاكم الله خيرا على انك ذكرتينى ببعض اداب زيارة المرضى
فى ايام مرضى
اكثر شئ بحتاجة هو الحنان
والاحساس بالامى
ولا احب من يستهزء بمشاعرى او الامى
ودا بيحصلى كتير لانى حساسة جدا
او على رأى اخواتى
خيخة وصغنونة ومش بستحمل الهوا
دمت بالف خير وصحة

رعد يقول...

انا كنت مريض لمدة أربع شهور وجال في خطاري انني لن استطيع السير علي دقمي مرة أخري والحمد لله ربنا اتم شفائي وبدأت امشي علي رجلي فعلا احساس صعب جدا مش قادر انسي الألم العضوي ولا الألم النفسي اللي الناس سببته ليا لأنه فعلا محدش عارف حجم اصابتي إلا انا وحجم الامي الا انا (وربنا يسامح الناس كلها)

TIMMY !! يقول...

" يسيبوني في حالي و ما يورونيش وشهم "

ده اللي بتمناه لو مريض .. إني أبقى لوحدي

ghorBty يقول...

السلامـ عليكمـ

تسلمي موناليزا

نصائح من ذهب وعندك حق والله المريض يحتاج دائما التذكير بالاجر والثواب وكلام يحثه علي الصبر والاحتساب لا يحتاج الي نظرات شفقه لانها تؤلمة وتؤذي نفسيته كثيرا ..

(فى حالة مرضك- لا قدر الله- ماأكثر شئ تحتاجه ممن حولك؟.)

ربنا يعافينا وجميع المسلمين .. احتاج ان يتركوني وشأني

موناليزا يقول...

نوارة
ــــــــــ
اختى الحبيبة:تسلميلى يارب
ربنا يبعد عنك اى مكروه
نورتينى حبيبتى واشكرك جدا لمشاركتك



**********************************



حنان الشافعى
ــــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر بعد طول غياب
عذرك معاكِ ياجميلة ربنا يكرمك كلك ذوق
متفقة معاكِ وربنا يبعد عنك اى مكروه
نورتينى حنونة الجميلة واشكرك جدا لمشاركتك



********************************



الفراشة الصغيرة
ـــــــــــــــ
اختى الحبيبة:علينا التذكرة وعلى الله الهداية:)
نورتينى حبيبتى واشكرك جدا لتعليقك


********************************



رحيق الحياة
ـــــــــــــــ
اختى الحبيبة: ربنا يرحمه ويغفر له ويبعد عنك اى مكروه ويرزقنا جميعا حسن الخاتمة
نورتينى رغدة الجميلة واشكرك جدا لمشاركتك




*******************************


بنجاواتى
ــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويبعد عنك اى مكروه
اشكرك جدا لمشاركتك


**********************************



هكذا علمنى سيدنا محمد صلى الله عليه وسلم
ـــــــــــــــــــــــــــــ
وعليكم السلام ورحمة الله وبركاته
اهلا بيك يافندم فى زيارتك الاولى
ما اجمل تعليقك
ربنا يكرمك ويتقبل دعائك اللهم امين
نورت مدونتى واشكرك جدا لمشاركتك



**********************************


شمس النهار
ــــــــــ
اختى الحبيبة:الله يبارك فيكِ ياجميلة
ربنا يبعد عنك اى مكروه
نورتينى شموسة الجميلة واشكرك جدا لمشاركتك



***********************************



كيمو
ــــــــ
وعليكم السلام ورحمة الله وبركاته
اهلا بيك يافندم
ربنا يكرمك فماتوفيقى الا بالله
ربنا يتقبل دعائك ويبعد عنك اى مكروه
اشكرك جدا لتعليقك



*********************************



هعزف لنفسى
ــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك واشكرك جدا لرايك فماتوفيقى الا بالله
ربنا يبعد عنك اى مكروه
نورت مدونتى واشكرك جدا لمشاركتك


**********************************



حتى تشرق الشمس
ـــــــــــــــــ
وعليكم السلام ورحمة الله وبركاته
اختى الحبيبة:انا الحمدلله بخير ازيك انتِ ياقمر
ربنا يكرمك ويشفى مرضى المسلمين جميعا اللهم امين
يا عسل:)
ربنا يبعد عنك اى مكروه
نورتينى حبيبتى واشكرك جدا لمشاركتك


******************************


رعد
ـــــ
اهلا بيك يافندم فى زيارتك الاولى
حمدالله على سلامتك
وماتزعلش منهم فلا يشعر بالنار الا ماسكها
ربنا يبعد عنك اى مكروه
نورت مدونتى واشكرك جدا لمشاركتك



********************************



تيمى
ـــــــ
اهلا بيك يافندم
يعنى لو حد جالك هتطرده؟:)
ربنا يبعد عنك اى مكروه
اشكرك جدا لمشاركتك



***********************************



غربتى
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
صح يا جميلة فلنلتزم باداب عيادة المريض
ربنا يبعد عنك اى مكروه
نورتينى حبيبتى واشكرك جدا لمشاركتك

هدى التوابتي يقول...

السلام عليكم ورحمة الله وبركاته ...أختي الحبيبة..أولا جزاكي الله خيرا على هذه المدونة المتميزة بما تحتويه..وجعلها الله في ميزان حسناتك..وإجابة سؤالك..سأنتظر منهم الحب والأهتمام..وليس الشفقة والعطف بالطبع..دمتي بخير

ســـــــهــــــــــر يقول...

اللهم اشف مرضانا شفاءا لا يغادر سقما
مدونتك الجميله ا و واحتك الطيبه كما يحلو لى ان اسميها كل يوم فى روعه و تكسب رصيدها من الحب و الاحترام و التقديرو الاجر عند الله باذن الله

rovy يقول...

السلام عليكم
اختى الحبيبه موناليزا ربنا ما يحرمنى منك يارب .. حبيبتى انا جايه اطمنك على جنه كلمتنى امبارح و بتسلم عليكى جدااا و وعدتنى انها ان شاء الله حتحاول ترجع قريب لانها هى كمان مفتقدانا جدا الحمد لله انا ارتحت قوى لما كلمتنى و اطمنت و كان لازم اطمنك بس ادعيلها تقدر ترجع بسرعه و تتغلب على اى شىء ممكن يكون تعبها .. ان شاء الله ربنا حيكون معاها و يعينها و يعينا كلنا حبيبتى ..
بحبك جدا و بحب جنه قوى بجد و بأتمنى اننا ما نفترقش ابدا .. ربنا يجمعنا دايما على كل خير

دعواتك حبيبتى لجنه و كمان ما تنسيش البنات نتيجتهم ممكن تكون قربت شويه ادعيلم ينجحوا و ادعى معايا ربنا يجمعنا على خير قريب جدااا

(صندوق الدنيا) يقول...

جزاك الله خيرا اختي
عندما أمرض بشدة
أحتاج إلى غرفة هادئة وضوء خافت وفراش مريح
ولا أحب الرد على الهاتف
ولا الزيارات
ولا الكلام

اللى تشوفه يقول...

السلام عليكم

فعلا لو متقدرش تخفف الم يبئا قلة التواجد احسن

وردا على سؤالك
اللى بحتاجه وقت مرضى
ودا اللى كنت محتاجاه فعلا من كام يوم
ولقيت اللى قال واللى مقالش

ان المرض لعله كفارة ذنوب
وطبعا حاجة بتسعد الانسان جدا لما يلاقى كل اللى بيحبوه معاه وقت مرضه وضعفه

جزاكم الله خيرا

موناليزا يقول...

دودى
ـــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
ربنا يكرمك يارب اشكرك جدا لرايك فى مدونتى والحمدلله فماتوفيقى الا بالله
ربنا يبعد عنك اى مكروه
نورتِ مدونتى وارجو دوام التواصل




*********************************



سهر
ــــــ
اختى الحبيبة:دائماً تسعدينى بكلماتك سواء فى تعليقاتك عندى او بما تكتبينه فى مدونتك
ادام الله عليكِ نعمه وحفظك من كل شر
والحمد لله بجد فهذا من فضل ربى
ربنا يثبت قلوبنا على دينه ويجمعنا مع من نحب فى ظله فى يوم لا ظل فيه الا ظله
نورتينى سهر الجميلة واشكرك جدا لمشاركتك



***********************************



روفى
ـــــــ
وعليكم السلام ورحمة الله وبركاته
اختى الحبيبة:رغم انها رسالة خاصة وماكنتش ناوية انشرها بس نشرتها مخصوص عشان كل اللى يقرأها يدعى لجنة ولبناتك:)
ربنا يطمنا على جنة يارب وييسرلها جميع امورها
وينجح البنوتات الحلوين بتقدير جميل يفرحنا كلنا
بجد مبسوطة جدا انك طمنتينى على جنة ماتحرمش منك ابدا ياحبيبتى
بحبكم جدااااا ودمتِ فى رعاية الله



*********************************




ام البنين
ـــــــــــ
اختى الحبيبة:ربنايكرمك يارب و يبعد عنك اى مكروه
نورتينى حبيبتى واشكرك جدا لمشاركتك



**********************************



اللى تشوفه
ـــــــــــ
وعليكم السلام ورحمة الله وبركاته
اختى الحبيبة:شفاكِ الله وعافاكِ ياجميلة
ربنا يبعد عنك اى مكروه
نورتينى حبيبتى واشكرك جدا لمشاركتك

مجرد مدونة يقول...

كلمات جميلة جدا فعلا

أكتر حاجة اتمناها فى حالة مرضى -لا قدر الله- من من حولى:
1- التذكير بفضل المرض والبلاء وأجر الاحتساب
2-البسمة والكلمة الطيبة


جزاكم الله خيرا بس ايه الصورة دى؟

Butterfly يقول...

أحب ان الناس تسأل عليا وخصوصا اللى بحبهم
و فى حاله ان فى حد زارنى يبقى عشان بيحبنى وعاوز يطمئن عليا مش تقضية واجب وخلاص ..

هديـــل الـروح يقول...

السلام عليكم ورحمه الله وبركاته

عندك حق يا أمة الله ربنا يشفى المرضى جميعهم ويخفف مصابهم

هديـــل الـروح يقول...

الجواب على سؤالك

أكتر شئ بحبه الهدوء ومش بحب الزيارات الكثيره يكفى المكالمات الهاتفيه

موناليزا يقول...

مجرد مدونة
ـــــــــــ
اهلا بيك يافندم
اشكرك جدا لرايك
ربنا يبعد عنك اى مكروه
:) الصورة دى تعبر عن السطور المكتوبة باللون الاحمر
اشكرك جدا لمشاركتك



*********************************




بيترفلاى
ـــــــــ
اختى الحبيبة:متفقة معاكِ
ربنا يبعد عنك اى مكروه
نورتينى حبيبتى واشكرك جدا لمشاركتك




********************************





هديل الروح
ــــــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
ربنا يكرمك ويتقبل دعائك
ربنا يبعد عنك اى مكروه واشكرك جدا لمشاركتك
نورتى مدونتى وارجو دزام التواصل

نسيبه يقول...

السلام عليكم ورحمة الله وبركاته
أكتر حاجه بأحتاجها ممن حولي وقت المرض يذكروني بالله وبأجر المرض وإحتساب الأجر والمعاني الجميلة دي أو يسيبوني لوحدي فعلا ما فيش حاجه تانيه إلا لو كان حد هيسأل علي بس ما يطولش لأن فعلا بيحتاج الراحه والهدوء حتي لو قال هو عكس ذلك لأنه أكيد هيتحرج منهم وفعلا مش دايما الواحد بيكون مستعد لزيارة المرضي ربنا يشفي مرضي المسلمين ويجعلنا عبيد إحسان شاكرين

موناليزا يقول...

نسيبة
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
عاجبنى تعليقك جدا
وربنا يمتعك بصحتك دايما ياحبيبتى وبشفى مرضى المسلمين
نورتينى غاليتى واشكرك جدا لمشاركتك