الثلاثاء، 22 سبتمبر 2009

جوجو و زمردة (9)

تخرج "زمردة" من غرفتها بعد ما كانت أشرفت على النوم لتذهب مُسرعة وغاضبة إلى شقيقها "جوجو" والذى بدوره يجلس أمام الكمبيوتر ويستمع إلى الأغانى بصوت عالى يصل إليها ويمنعها من النوم.
- أنت معلي صوت الأغانى كده ليه؟.
- مبعرفش أسمعها إلا وهى عالية كده.
- بس أنا كده مش عارفة أنام.
- قال يعنى الصوت واصلّك!.
- طبعاً واصلنى وإلا ماكنتش جيتلك.
- طب خلاص حاضر. هخفض الصوت.
- على فكرة أكيد جيراننا متضايقين برضه من الصوت ده.
- يعنى الصوت واصلّهم؟؟.
- طبعاً ده الفرق بينا وبينهم مجرد حيطة يعنى.
- وهما بقى إشتكولك؟.
- وأنت هتستنى لما يشتكوا !. ليه ما تحترمهمش من غير ما يطلبوا منك ده.
ولا لازم يكلموا بابا وبابا يتخانق معاك وتبقى مشكلة.
- وعلى إيه ده كله.
- ماتنساش إننا نص الليل يعنى طبيعى الناس نايمة.
تخيل لو أنت نايم وهما مشغلين الكاسيت بصوت عالى كده كنت هتعمل إيه؟.
- مش عارف بس أكيد كنت هكلمهم.
- مع أنهم لو شغلوه بالنهار يمكن محدش يقدر يلومهم. بس أنت بتكون نايم وعشان كده هتضايق.
- خلاص هقفله خالص إرتحتى؟.
- أيوه كده كويس.
وهمت بالإنصراف ولكنها ألتفتت إليه قائله:
- وياريت كمان ماتسمعش نغمات الموبايل بصوت عالى لأن صوتها بيوصلنى.
- زمردة.
- نعم.
- أدخلى نامى بقى.
- طب ما تيجى تنام معايا.
-تصبحى على خير. قالها بنفاد صبر.
- وأنت من أهله.
-تمت-.
=====
دعوة للمناقشة:
ـــــــــــــــــــــــ
* أذكر موقف مشابه تعرضت له مسبقاً؟
* وهل يزعجك الصوت العالى؟
* وكيف تستمع إلى ما تريد سماعه؟
======================

هناك 45 تعليقًا:

دكـــــتور جدا يقول...

* أذكر موقف مشابه تعرضت له مسبقاً؟
...............................
ج أخويا ساعات بيعمل كدة وبزعقله فبيسكت ويوطي الصوت


* وهل يزعجك الصوت العالى؟
..............................
ج بالطبع اكيد

* وكيف تستمع إلى ما تريد سماعه؟
...........................
ج أخليه متوسط أقل من 90 ديسبل !!
تحياتي وعيد مبارك

ذكرى رحيل قلم يقول...

السلام عليكم

يا موناليزا فكرتيني بنفسي زمان ايام ماكنت بعمل زيه كده بالضبط وكمان الجيران بتعمل زينا

علي فكرة الراجل بتاع الفرن المجاور شيخ وبيشغل القنوات الاسلامية بصوت عالي جدا وكمان القران حتي ولو كانت الساعة 3 بليل حتي اشتكو الجيران ومنهم جيراني انا طبعا عشان اشغالهم صباحا

انا بحب الهدوووووووووووووووووووء
بس كمان بحب الصوت العالي في بعض الالعاب

دمتي بكل خير

♥نبع الغرام♥♪≈ يقول...

حبيبتى

وحشتينى قوووووووووووى
انا عن نفسى ساعات بحب الصوت العالى بس فى حاجات معينه

واكتر الاوقات مش بحب غير الهدوء

بجد موضوع جميل قوووووووووووى احيك عليه
ربنا يكرمك يارب ونورتينى بزياراتك الغاليه على قلبى
انى احبك فى الله
ايناس

غير معرف يقول...

موناليزا الحبيبة
موقف مشابه
حصل بس مش فى البيت كان فى الميكروباص
وكان بنات تقريبا فى سن 18
ومشغلين الموبايل بتاع واحدة منهم بصوت عالى وطبعا طلبت منها ان لاتشغله
بصوت عالى ورفضت وكبر الموضوع
وفى النهاية قفلته بعد عتاب الركاب لها

الصوت العالى دايما بيزعجنى حتى لو بالكلام العادى مع انى صوتى عالى
وبزعل من نفسى لو علا مع الكلام

استمع الى ماريد سماعه بالمعقول
يعنى اللى يوصل لاذنى انا مش لكل الناس
تحياتى

مسدس صغير يقول...

كل سنة وانتى طيبة
وعيد سعيد عليكى

Sweet Violet يقول...

* أذكر موقف مشابه تعرضت له مسبقاً؟
مااعتقدش ان حصل معايا موقف زى ده او ممكن اكون مش فاكرة الصراحة
v_v

اما عن الصوت العالى
اوقات و اوقات الصراحة مش دايما بضايق منه

بردو لما بسمع حاجة حسب الحالة عندى لكن طبعا بليل استحالة يكون الصوت عالى لان انا نفسى هتخنق من الصوت
-_-

كل سنة و انتى طيبة ياجميلة
^_^

موناليزا يقول...

ضكتور جدا
ـــــــــــ
اهلا بيك يادكتور
اشكرك جدا لمشاركتك
وعيد مبارك علينا وعليك
دمت طيبا ولمدونتى زائرا



******************************



ذكرى رحيل قلم
ـــــــــــــــــ
وعليكم السلام ورحمةالله وبركاته
اختى الحبيبة:اهلا اهلا بالقمر
الحمدلله ان ربنا تاب عليكِ :)
فعلا الصوت العالى مرفوض تماماً مهما كانت نوعية المادة الصوتية
نورتينى حبيبتى واشكرك جدا لمشاركتك



*********************************



عاشقة الاحزان
ــــــــــــــ
اختى الحبيبة:اهلا اهلا بالقمر
وانتى كمان وحشتينى جدا ومبسوطة جدا بمتابعتك
اشكرك جدا لرايك ولمشاركتك
ربنا يعزك ياحبيبتى وأحبك الذى أحببتنى فيه
بحبك أنوسة الجميلة
نورتينى



**********************************


أم مالك
ــــــــــ
اختى الحبيبة:اهلا اهلا بالقمر
ياااه ده من ده كتير وكأنه شئ طبيعى
ربنا يهديهم يارب
اشكرك جدا لمشاركتك
نورتينى ياجميلة ودمتِ بخير



********************************


مسدس صغير
ــــــــــ
اهلا بيك يافندم
وانت طيب وبالصحة والسلامة
وعيد سعيد علينا جميعا
دمت طيبا ولمدونتى زائرا

*********************************



سويت فيوليت
ــــــــــــــ
اختى الحبيبة:اهلا اهلا بالقمر
أشكرك جدا لمشاركتك
وعيد سعيد علينا جميعا
نورتينى حبيبتى ودمتِ بخير

غير معرف يقول...

اولا اسلوب الطرح رائع ,,

بالنسبة لسؤالك :

أذكر موقف مشابه تعرضت له مسبقاً؟
ما مريت بموقف مشابه

وهل يزعجك الصوت العالى؟
يزعجني كثيييييييراً في حاله كنت في السيارة و مكان ضيق و كمان في حالة الأفراح الدي جي و هكذا

وكيف تستمع إلى ما تريد سماعه؟
طبعا بما ان الاغاني شئ محرم و لا يختلف عليه اثنين فحياء من الله و من خلقه مفروض ما نرفع الصوت بطريقة تشبه المجاهره بالمعصيه
و عن نفسي افضل اسمعها على سماعات المايك حتى ما ازعج احد ,,


دمتي بخير غاليتي ^^

Unknown يقول...

بداية يسلموا موناليزا عالبوست المفيد , وتعجبني كثيراً تلك التي يوجد بها مناقشات :)

طبعا الحمد لله احنا عيلة محافظة وناااااااادر جداً لما تسمعي اغنية بالبيت , وبجميع الحالات كلنا بنكون مش فاضيين وبالتالي نادر كمان لما يكون تلفزيون او مسجل مسموع ..
لأنه اشي بتلاقيه بيدرس واشي بقرأ يعني كله بيشغل حالو ..

- طبعا الصوت العالي بيزعجني , حتى اللي بتكلموا بصوت عالي بزعجوني .

بصراحة نادر لما استمع لشي
يمكن بس قبل لأنام بسمع اخبار وبس
.

موناليزا
بجد يسلموا :)

ستيتة يقول...

قال لي صديق عزيز على قلبي امس
"الإسلام ده دين شيك" عجبتني العوبارة قوي فعلا الإسلام دين الشياكة والذوق كله
بس هو احنا فعلا ننتمي ليه؟
والله لو فعلا ننتمي ليه مؤكد كلنا ها نعامل بعض بشياكة وذوق وناخد من أخلاقه
بس يا عزيزتي لما تبصي حواليكي كويس ها تلاقي الأجابة في اصوات وافعال وظروف اجبارية مفروضة عليكي
احنا ننتمي للإسلام شكلا لا موضوعا

كل سنة وانتي طيبة ومدونتك بترفض تفتح لي التعليقات لحد ما جربت بدل ما ادخل على البوست ادخل على عنوان المدونة نفسها وفرجت ولله الحمد

(المهاجر الى الله) يقول...

السلام عليكم ورحمة الله وبركاته:
كل سنة وانت طيبة اختى الفاضلة موناليزا.
يقول الله سبحانه وتعالى ( ان انكر الصوات لصوت الحمير)
والحقيقة ان الصوت العالى دون مبرر انما يكون معبرا عن انحطاط المستوى الثقافى والحضارى لصاحبه سواء اكان هو مصدر هذا الصوت او كان هو السبب فيه من خلال تشغيله لاحد الجهزة بشكل يزعج الاخرين ، كما ان له مساوىء تنعكس على الصحة العامة بعد ذلك
ولما كان الاسلام حريص على المصلحة العامة فقد نهى عن كل ما من شأنه ان يتسبب بالاخلال بهذه المصلحة ومنها الاصوات المرتفعه بدون مبرر.
والاسلام حريص على تهذيب الفرد فى كافة الجوانب ومنها عد ايذائه لجيرانه والمحيطين به والقاطنين معه ولو بالصوت المرتفع ، وعليه ان يتذكر انه كما تدين تدان.

blue-wave يقول...

المشكله مش مشكلة صوت عالى بس
المشكله مشكلة احترام الناس
احترام الآخرين حاجه للأسف بتنقرض من مجتمعنا
اما عن المواقف ف كتييير جدا
ربنا يعافينا

قوس قزح يقول...

موقف مشابه

جدى مرة كان معلى التليفزيون اوى و انا طالعة على السلم و سامعة الصوت من بره و كان فى حد متوفى من الجيران .. بس لما دخلت البيت و قلت له الصوت عالى و ميصحش علشان الجيران غالبا احرج فزعق فيا و قالى لما اموت يبقوا يشغلوا اللى هم عايزينه ..بس بعد شوية لاقيته وطى الصوت :)


الصوت العالى له اوقات معينة و مينفعش يكون بالليل بعد الساعة 10 ولا قبل الساعة 12 الصبح

بفضل اسمع اى حاجة بصوت معتدل او ممكن البس هيدفون و اعلى براحتى بقى


تحياتى

موناليزا يقول...

أسيرة اللوحة
ـــــــــــــــ
اختى الحبيبة:اهلا اهلا بالقمر
أشكرك جدا لرايك والحمدلله ان نال الطرح اعجابك
عجبتنى اجابتك:)
نورتينى ياجميلة واشكرك جدا لمشاركتك



**********************************


مستر /حازم
ــــــــــــ
اهلا بيك استاذ حازم
اشكرك جدا يافندم وأسعدنى رأيك
وإجابتك بالنسبة لى مميزة جدا وياريت الناس كلها تبقى كده
اشكرك جدا لمشاركتك
دمت طيبا ولمدونتى زائرا




***********************************


ستيتة حسب الله الحمش
ــــــــــــــــــ
اختى الحبيبة:اهلا اهلا بنبض الحكمة
تلك هى الحقيقة الموجعة:(
أكثر ما يؤلمنى حقاً أن أجد بلاد فيها إسلام بلا مسلمين وبلاد أخرى فيها مسلمين بلا إسلام

وانتى طيبة يا حبيبتى وبالصحة والسلامة
مش عارفة بجد مشكلة التعليقات عندى حلها ايه انا نفسى رغم انى صاحبتها من بعد رمضان وهى بتعمل معايا الحركة دى ومش كده وبس دى اوقات الصفحة كلها تختفى رغم انى ببقى فاتحة صفحات تانية من مواقع مختلفة وأجدها هى بدون سابق انذار تختفى هى وأى مدونة أخرى أكون فاتحاها برضه:(
ينوبك ثواب فيا لو تعرفى دى أعراض إيه ولا حتى إيه العلاج قوليلى على طول:)

نورتينى حبيبتى



**********************************

المهاجر إلى الله
ـــــــــــــــ
وعليكم السلام ورحمة الله وبركاته
اهلا بيك يا فندم
وانت طيب وبالصحة والسلامة
ومن فى زمننا هذا يطبق تعاليم الإسلام!!
إنا لله وإنا إليه راجعون
نورتنى واشكرك جدا لتعليقك



*********************************


بلو واف
ـــــــــ
اهلا بيك يادكتور
الله ينور عليك فعلا هى دى المشكلة الحقيقية إنعدام احترام مشاعر الاخرين
نورتنى واشكرك جدا لتعليقك



**********************************



قوس قزح
ـــــــ
اختى الحبيبة:اهلا اهلا بالقمر
اشكرك جدا لمشاركتك
وعجبنى استخدامك للهيدفون:)
تعرفى اوقات لما بتعرض للموقف ده ببقى عايزة أقول لمن يفعل هذا استخدم الهيد فون واسمع زى ما انت عاوز
نورتينى حبيبتى

بنت الصالحين يقول...

من صغري وانا بحب الصوت الخافت

بحس اني مش متوازنة وفيه صوت عالي


زمردة دي عاقلة اوي
بتفكرني بيا وانا صغيرة *_^

Mona Shereif يقول...

السلام عليكم
ازيك يا جميل
انا الحمد لله بخير
بس ساعات كده ببقى عايزة تغيير
ادعيلى بالله عليكى ولكل البنات ولكل المسلمين
ربنا يخليكى ليا

اما الصوت العالى اكيد بيزعجنى
وكتير بتحصل مواقف من دى
ولو عايزة اسمع حاجه بيبقى الصوت على ادى

عارفة حكاية انا همشى بالراحه علشان اوصل بسرعة
اهى هى بالظبط كده كل ما الصوت يكون على ادى بسمع اكتر

غير معرف يقول...

جيراننا اللي مشيوا يا رب ما يعيدهم

كنا نتصل بيهم نقلهم لوسمحتوا كنا عايزين حاجة
يقولوا: اوي اوي عايزين ايه؟
نقولهم: عايزين ننام
:)

يجعل كلامنا خفيف احسن يرجعوا

مها ميهوووو

م م يقول...

كل سنة وانت طيبة

الازعاج في بلدنا امر واقع
كل شيء عندنا زايد عن الحد ومزعج
حتى مجالس العزاء
اللي بيحطوا فيها قرآن اصبحت مزعجة
وان كلمتي احد يقولك ده قرآن انتي معترضة على القرآن

الناس خلاص تعودت على الازعاج واظن ان الازعاج لم يعد مزعجاً لاحد

تحياتي لك

fL0weR-giRL يقول...

موناليزا كيفك ياعسوله

* أذكر موقف مشابه تعرضت له مسبقاً؟

دائما اختي بتعمل مع اخويا كدا وطي يابني الصوت المزعج داه وطي بقي هههههههه

* وهل يزعجك الصوت العالى؟

جدا وخاصه لما بكون مركزه في حاجه والأصوات العاليه اللي بتكون في الشارع بتخنقني موووووووووووت ياالله علي الناس

* وكيف تستمع إلى ما تريد سماعه؟

انا بحط الهاند فري عشان ماأزعجش حد ودا احسن حل

** تقبلي مروري **

rovy يقول...

وحشتينى جداا جداا حبيبتى موناليزا
كل سنه و انتى بالف خير يارب
سامحينى لتأخر عودتى لعدم وجود النت عندى اليومين دول .. وحشتينى جداا و فرحت جدا بخبر نزول بوست لجنه و يارب نطمن عليها اكثر و تتواصل معانا تانى يارب ..
ان شاء الله لي عوده للتعليق على البوست ..
خالص تحياتى و مودتى لكى دائمااختى الحبيبه الغاليه

عاشقة القمر يقول...

لا الحمدالله مش تعرضت لهذا مسبقا كمان احنا في البيت بنباهاء بعضنا اذا صوت عاليه لان ممكن واحد فينا مش منتبيه صوت عاليه
كمان حب انا بسكن فيه هدؤ فظيع احد يتمناها يسم صوت عاليه هههههههههه
لكن بجد انا بحب هدؤ يعني مش بستحمل صوت عالي ولاماما كمان

طهر فؤادك يقول...

السلام عليكم ورحمة الله وبركاتة
كل سنة وانتى طيبة ..وعيدك مبارك
ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى

ويقدروكى كتير فياريت تشاركى وكل الى يحب فى الحملة دى وعن فكرتها وكل حاجة عنها فى اللينك دة ورجاء تدخلى وتشفيها امانة

وجزاكى الله خيرا والمسلمين .
http://rasoulallah1.blogspot.com/

الفقيرة إلى الله أم البنات يقول...

انا قلت ااقولك كل سنه وانت طيبه
وبعدين ارجع تانى ارد على الاسئله
ربنا يسعد ايامك

salwa يقول...

السلام عليكم اخت موناليزا
الامر الطبيعي ان يستمع الانسان الىما يريد و حده
و هل هو متكفل باسماع الاخرين ربما ما لا يريدوا سماعه........
وهذا جزء من الازعاج و الضرر للجيران الذي نهانا ديننا عنه
سلام

mohamed ghalia يقول...

بيعجبنى أوى موضوع الحوار ده عشان نوصل لحل
بجد دايما اسلوبك رائع
ربنا يسعدك دايما

ندا منير يقول...

الصوت العالى فعلا بيسبب ازعاج جداااااااا وخاصة بين الجيران زمردة عندها حق هههههههههه

كل سنة وانتى طيبة يا قمر

mahasen saber يقول...

يا اهلا وسهلا بجوجو وزمرده تانى وتالت


الحلقه يا مونا هتجهز وهبعتهالك تسمعيها

ان شاء الله بدايه موفقه

موناليزا يقول...

عاشقة الفردوس
ـــــــــــــــ
اختى الحبيبة:اهلا اهلا بالقمر
من يومك عاقلة يا جميلة:)
نورتينى حبيبتى ومشكورة لمشاركتك


***********************************


سم تايمز
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
طب الحمدلله انك بخير يارب دايماً
ربنا ييسر للجميع اموره ويفرح قلوب بنات المسلمين اللهم امين

تعرفى ان انا كمان كده كل ما الصوت كان منخفض أقدر اسمع بوضوح
نورتينى ياجميلة وسعيدة بزيارتك



********************************



أحسن تستاهل
ــــــــــــــ
أختى الحبيبة: أهلا اهلا بالقمر
:) عسل يا مهاميهو
نورتينى حبيبتى وسعيدة بزيارتك


*******************************



مسرور
ــــــــ
اهلا بيك استاذ مسرور
وأنت طيب وبالصحة والسلامة
هى فعلاً ظاهرة وانتشرت ومحتاجة ردع
دمت طيبا ولمدونتى زائرا


*******************************


فلور جيرل
ــــــــــ
اختى الحبيبة:اهلا اهلا بالقمر
انا الحمدلله بخير اشكرك جدا لسؤالك
وعجبتنى اجابتك
نورتينى ياوردتى وسعيدة بزبارتك


**********************************



روفى
ـــــــ
اختى الحبيبة:اهلا اهلا بالغالية
وانتى كمان وحشتيييييينى جدا
وأنتى طيبة ياحبيبتى وبالصحة
النت ده عليه حركات مش ظريفة خالص على فكرة:)
أنا بقى مش عارفة جهازى ماله بحالات
ده اللى بناخده من التكنولوجيا:)
مبسوطة جدا بتعليقك وفى انتظارك دائماً


*********************************



عاشقة القمر
ــــــــــ
اختى الحبيبة:اهلا اهلا بالقمر
ما اجمل الهدوء حقاً
نورتينى حبيبتى واشكرك جدا لمشاركتك


**********************************


طهر فؤادك
ــــــــــــ
وعليكم السلام ورحمة الله وبركاته
اهلا بيك يافندم
وانت طيب وبكل الخير
ربنا يكرمك يافندم على هذا الاطراء
وان شاء الله حاضر هدخل اشوف الرابط
وربنا يستخدمنا لدينه اللهم امين



*********************************


الفقيرة الى الله ام البنات
ــــــــــــــــــــــــ
اختى الحبيبة:اهلا اهلا بالقمر
وحشتييييييينى جدا
وانتى طيبة ياحبيبتى وبكل خير
تنورينى فى اى وقت وانا فى انتظارك دائما


**********************************


سلوى
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
عندك حق المفروض ان ده الطبيعى لكن تقولى ايه أصبح الطبيعى الان من الشواذ
نورتينى سلوى الجميلة واشكرك لمشاركتك


*******************************


محمد غالية
ــــــــــــ
اهلا بيك استاذ محمد
ربنا يكرمك يارب
اشكرك جدا لرايك فماتوفيقى الا بالله
دمت طيبا ولمدونتى زائرا



*********************************


ندا منير
ـــــــــ
اختى الحبيبة:اهلا اهلا بالقمر
وانتى طيبة ياجميلة
اشكرك جدا لمشاركتك
نورتينى حبيبتى



**********************************



محاسن صابر
ــــــــــــ
اختى الحبيبة:اهلا بيكِ ياقمر:)

ماتحرمش منك ابدا يا سونا يا جميلة
نورتينى غاليتى






*******************************

------ يقول...

موناليزا

كل سنة وانت طيبة

بجد سعدت بزيارتك للمدونة

ياستى الموقف دا بنمر بيه كتير سواء بيتقالى او سواء انا اللى بقولوا

بس تعرفى الواحد برضو بيحب الحاجة الهادية

بس اللى ينرفزك بقى الصوت العالى بتاع الميكروباص

تحياتى لك

هدى التوابتي يقول...

السلام عليكم ورحمة الله
الموضوع ماشاء الله بصراحة رائع،وطبعاً بيزعجني الصوت العالي جداااااااا وطول عمري والحمدلله ليا مواقف معاه منها يوم أمتحاني في الثانوية العامة كان في فرح بجوار المنزل وأختاروا يوم الكيمياء ربنا يكرمهم وكانت ليلة...بس الحمدلله عدت

مشروع دكتور يقول...

بصراحه اه بس كنت قديما بعمل الموقف ده واعلى الصوت.
اكيد بس لو لقيت مكان فى صوت هسيبه
مش هضيق على نفسى.

بالمايك

الفراغ يقول...

عود احمد وسعيد وهانى وحسين وووووو
هههههههههههههههه
وحشتينا با مونليزا
وتمنياتى بان تكونى قضيتى احلى رمضان

وطبعا ماحدش بيحب الصوت العالى الا فى الافراح بس
واحب اسمه ماريد بصوت متوسط
لانى اصلا سمعى ضعيف ههههههههه
كل سنه وانتى طيبه

MOHAMMED ELBANNA يقول...

امة الله
بجد الموضوع هام
وفعلاً الاصوات العالية مزعجة جداً
وخصوصاً الافراح الشعبية
تقبلي تحياتي
محمد البنا
طريق النجاح

فشكووول يقول...

السلام عليكم مونا ليزا

تحياتى

لما بنبقى راكبين الميكروباص ورايحين القاهره ... ييجى واحد مبسوط شويه مشغل الموبايل بتاعه على اغانى مش عارف بتقول ايه بس بترقع فى نافوخى وفى مره قلت لواحد يا اخى اسمع على قدك انا مش عايزاسمع ...لكن الجمجمه كبيره والدماغ كبيره... اما اخوك جوجو فدا راجل طيب لانه بيقتنع وبيسمع الكلام ..لكن فيه ناس مكبره الجمجمه وفاكره انها عايشه لوحدها فى الدنيا وان الدنيا لهم لوحدهم ... ربنا يهدى

طبيبك الخاص يقول...

انا تقريبا بتعرض للموقف دا يوميا

لانى كنت ساكن بالمدينه الجامعيه وما ادراك ما المدينه فى عز النوم تلاقى اللى بيتكلم واللى بيعلى صوته فى الطرقه بس تقريبا خدت عا الموضوع خلاص والحمد لله انى فى البيت حاليا


اكيد بيزعجنى طبعا الصوت العالى وبيعلى الضغط كمان فالصوت العالى تلوث سمعى وتلوث اخلاقى فى نفس الوقت

انا بستمع الى ما اريده بصوت مسموع متوسط عااااادى زى اغلبيه الناس يعنى

موناليزا يقول...

دموع القمر
ـــــــــــــ
اختى الحبيبة:اهلا اهلا بالقمر
وانتى طيبة ياحبيبتى
انا اللى سعيدة بالتعرف على مدونتك الجميلة:)
فعلا ما اكثر مثل هذه المواقف
نورتينى ياجميلة وسعيدة بزيارتك


*********************************


دودى
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك يارب اشكرك جدا لرايك
تعرفى ان الموضوع ده وخصوصا وقت الامتحانات ناس كتييير جدا بيعانوا منه
واضح انه فيروس:)
نورتينى حبيبتى وسعيدة بزيارتك


**********************************



تك كير
ــــــــ
اهلا وسهلا فى زيارتك الاولى
عجبتنى اجابتك
نورت مدونتى وارجو دوام التواصل


********************************


الفراغ
ــــــــ
اختى الحبيبة:اهلا اهلا بالقمر
والله انتى عسل:)
وانتى كمان وحشتييييييينى جدا والحمدلله كان رمضان جميل بس كعادة كل رمضان أحس بالتقصير واقول ان شاء الله السنة الجاية هزود اكتر من كده :)
ربنا يتقبل منا ومنك ياحبيبتى صالح الاعمال

الف سلامة على سمعك ياقمر
وكل سنة وانتى بالف خير
نورتينى حبيبتى وسعيدة بزيارتك


**********************************


محمد البنا
ــــــــــــ
اهلا بيك استاذ محمد
عندك حق بس مين يسمع:)
دمت طيبا ولمدونتى زائرا


********************************


فشكول
ــــــ
وعليكم السلام ورحمة الله وبركاته
اهلا بيك يافندم
ودول كتييير جداً بجد ربنا يهديهم
نورت مدونتى


********************************


طبيبك الخاص
ـــــــــــ
اهلا بيك يادكتور
ياسلام لو كل واحد اتعامل مع الناس زى ما يحب انهم يتعاملوا معاه
لكان الوضع اختلف كثيرا
اشكرك جدا لمشاركتك
دمت طيبا ولمدونتى زائرا

شوشو يقول...

مدونه حلووه

انا عيزه الصوره الى فوق وانتى قولتى لازم استأذن صاحبها


لو سمحت

ليس فقيرا من يحب يقول...

انا من الناس اللى بيحبوا الدوشه

جدا وكل الاصوات المزعجه بتعجبنى

لدرجه انى ممكن انام عليها

هههههههههههههههههههههههههه

انا انسانه معقدة بس الصراحه مش

بازعج حد بس برده مش بانزعج من حد

كل سنه وانتى طيبه يا حبيبتى

Butterfly يقول...

* أذكر موقف مشابه تعرضت له مسبقاً؟
جمبنا ورشة عربيات وأحياا بيبقوا بيعملوا حاجات صوتها عالى

* وهل يزعجك الصوت العالى؟
طبعا

* وكيف تستمع إلى ما تريد سماعه؟
بيبقى بصوتعلى قدى غالبا أو بحط السماعات

كلمات من نور يقول...

موقف مشابه تعرضت له ولازلت أتعرض له حتى الساعة

الشغالة بتاعتي مخها على ادها شويه تحب تخلص الشغل وتفتح التلفزيون وتقلب في القنوات من مسلسل لفيلم لمسرحيه و أنا بقى قاعده عالكمبيوتر حاطه السماعات على وداني باسمع درس أو قرآن أو نشيد و افهم فيها ان الكلام داه مالهوش أي حسنات بل سيئات بس تقولي لمين ..طول الاولاد ما هم بره البيت تفضل تتفرج لما حاسه ان نسبة التخلف العقلي بتاعتي زادت في الدم ...والمشكله لو قلت كلا للتلفاز ممكن تسيبني وتمشي وانتي عارفه بقى أنا عمودي الفقري أساسا بيشتكي لوحده وخاصة ان الشغاله كانت مسافره ولسه جايه النهارده يعني أنا كنت باخدم أربعه من البنين ووالدهم ومش حاحكيلك ظهري باظ ازاي...يارب يهديها يارب في الأيام الكريمة دي وتبطل تلفزيون

شمس النهار يقول...

موقف واحد
بنوتي طول النهار اقول لها وطي صوت الاغاني
وياريتها اغاني عدله

لا ماركة وانت جنبي بقرص نفسي

واكيد طبعا الصوت العالي بيتعبني

كل سنه وانت طيبه

موناليزا يقول...

شوشو
ــــــ
اختى الحبيبة:اهلا بيكِ فى زيارتك الاولى
اشكرك جدا لرايك
من عينيا ياحبيبتى انتِ تأمرى
نورتى مدونتى وارجو دوام التواصل


**********************************


ليس فقيراً من يحب
ـــــــــــــــــ
اختى الحبيبة:اهلا اهلا بالقمر
طيب واللى حواليكى ذنبهم إيه:)
وانتى طيبة ياجميلة
نورتينى حبيبتى ودمتِ بخير



********************************



بيترفلاى
ــــــــــ
اختى الحبيبة:اهلا اهلا بالقمر
كان الله فى عونك بجد:)
نورتينى حبيبتى واشكرك جدا لمشاركتك


**********************************



كلمات من نور
ــــــــــــــ
اختى الحبيبة:اهلا اهلا بالقمر
ربنا يهديها ياحبيبتى هى وأمثالها
دوالف سلامة عليكى
نورتينى غاليتى وسعيدة بمشاركتك



********************************




شمس النهار
ـــــــــ
اختى الحبيبة:اهلا اهلا بالقمر
:) ربنا يهديها ويباركلك فيها
وانتى طيبة ياحبيبتى
نورتينى شموسة الجميلة وسعيدة بزيارتك

salma mohamed يقول...

جزاكِ الله خيرا يا موني على سؤالك,
أنا الحمد لله بخير,دعواتك كتير جدا,
وشكرا للدكتوره نور على سلامها وسؤالها,
اما بالنسبة للجيران والصوت المزعج فده عاوز بوست بحاله (:
أما عن طريقتي في السماع فإما بصوت منخفض يدوب على قدي ولو حسيت ان حتى الصوت البسيط ده هيشوش على حد مركز في حاجه او تعبان او مش عاوز يسمع بحط الهيتفون.

موناليزا يقول...

سلمى محمد
ـــــــــــ
اختى الحبيبة:اهلا اهلا بالقمر
يارب دايما تكونى بخير وربنا يطمنكم على ياسر ويقومه بالف سلامه ويرجع بلده سالم غانم ياقادر ياكريم

أخلاق ياسلمى من يومك والله فيها ايه لو الناس بقى تحترم بعضها كده:)
نورتينى حبيبتى وسعيدة بزيارتك

Unknown يقول...

لا ومش الصوت العالي بس ده الأغاني كمان بقت وباء عالمي ربنا يرحمنا منها، يقول العلماء فيها
مسألة حكم الغناء في المذاهب الأربعة تنقسم إلى شقين الأول كون هذا الغناء غير مصحوب بموسيقا وهذا النوع من الغناء جائز بشروط وهي عدم اشتماله على كلام فاحش أو يدعو إلى الرذيلة والفسق وأن لا يكون المغني امرأة والسامعون رجال فهذا مما يدعو إلى الفتنة، أما إذا كان الغناء خالي من الموسيقى والمنكرات الشرعية السابقة فالذي يظهر -والله أعلم- إباحة سماع وترديد مثل هذا الغناء،[٢] ولكن الغناء غالبًا ما تصاحبه الموسيقى وآلات الطرب والعزف ولذلك فإن فقهاء الإسلام قد ناقشوا هذه المسألة وبينوا حكم الغناء في المذاهب الأربعة وفقًا لما يأتي:[٣]

المذهب الحنفي
يمكن اعتبار المذهب الحنفي من أشد المذاهب في تحريم الغناء فقد صرّح أصحاب أبي حنيفة بتحريم سماع الآلات الموسيقية جميعها كالمزمار والدف واعتبروا هذا الفعل معصية توجب رد شهادة فاعلها، وقد قال أبو يوسف صاحب أبي حنيفة في الدور التي يُسمع منها صوت الغناء والمعازف: "ادخل عليهم بغير إذنهم لأن النهي عن المنكر فرض، فلو لم يجز الدخول بغير إذن لامتنع الناس من إقامة الفرض".

المذهب المالكي
سُئل الإمام مالك -رحمه الله-، أنتم تُرخصون في الغناء؟ فقال: معاذ الله، ما يفعل هذا عندنا إلا الفساق"، كما قال ابن عبد البر أحد محققي المذهب المالكي أن المال الذي يُكسب من الغناء حرام شأنه شأن الربا وأخذ المال على السحر والعرافة والتنجيم.

المذهب الشافعي
بيّن أصحاب الإمام الشافعي -رحمه الله- أن الغناء في مذهبهم حرام ونفوا الخبر القائل بجوازه في المذهب الشافعي، كما اعتبروا جميع أنواع الغناء والمعازف محرمة ومنكرة بغض النظر عن الجهة التي تقوم بها والسبب الداعي لها ويقصدون بهذا ما يفعله الصوفيون من الطقوس المشتملة على الغناء وغيره.

المذهب الحنبلي
قال عبدالله ابن الإمام أحمد -رحمه الله- سألت أبي عن الغناء فقال: الغناء ينبت النفاق بالقلب، كما قال ابن قدامة الحنبلي -رحمه الله- أن الذي يديم سماع الآلات الموسيقية ترد شهادته وقال أيضًا: "وإذا دعي إلى وليمة فيها منكر، كالخمر والزمر فأمكنه الإنكار حضر وأنكر لأنه يجمع بين واجبين وإن لم يمكنه لا يحضر".

أقوال العلماء في حكم الغناء
تم الحديث عن حكم الغناء في المذاهب الأربعة وسرد بعض أقوال العلماء في هذا الشأن.
غالبية العلماء قديمًا وحديثًا قد وافقوا المذاهب الأربعة، وفيما يأتي بعض من أقوالهم
قال الطبري -رحمه الله-: فقد أجمع علماء الأمصار على كراهة الغناء والمنع منه.
قال ابن تيمية -رحمه الله-: مذهب الأئمة الأربعة أن آلات اللهو كلها حرام، ثبت في صحيح البخاري وغيره أن النبي -صلى الله عليه وسلم- أخبر أنه سيكون من أمته من يستحل الحُرّ والحرير والخمر والمعازف.
قال ابن باز -رحمه الله-: والمعازف هي الأغاني وآلات الملاهي أخبر النبي -صلى الله عليه وسلم- أنه يأتي آخر الزمان قوم يستحلونها كما يستحلون الخمر والزنا والحرير وهذا من علامات نبوته -صلى الله عليه وسلم- فإن ذلك وقع كله والحديث يدل على تحريمها وذم من استحلها كما يذم من استحل الخمر والزنا والآيات والأحاديث في التحذير من الأغاني وآلات اللهو كثيرة جدًا.
قال الألباني -رحمه الله-: اتفقت المذاهب الأربعة على تحريم آلات الطرب كلها.
المراجع[+]
↑ "الغناء و أنواعه عند العرب قبل الإسلام"، www.al-hakawati.la.utexas.edu، اطّلع عليه بتاريخ 16-08-2019. بتصرّف.
↑ "أنواع الغناء وحكم كل نوع"، www.islamweb.net، اطّلع عليه بتاريخ 29-08-2019. بتصرّف.
^ أ ب " اجماع الإئمة واصحاب المذاهب الاربعة على تحريم الغناء !"، www.saaid.net، اطّلع عليه بتاريخ 29-08-2019. بتصرّف.