الجمعة، 2 أكتوبر، 2009

يرحمكم الله

إن أول كلمة قالها آدم عليه السلام هى "الحمدلله" وقالها عندما نَُفخ فيه الروح فعطس فقالت الملائكة: يرحمكم الله.
وهذا من ضمن حقوق المسلم على أخوه المسلم تشميت العاطس بقول "يرحمكم الله".
وفى ظل انتشار الأنفلونزا أردت أن أذكر قصة قوم موسى الذى مُنِع منهم المطر بسبب ذنب أحدهم.
لما نزل العطش في قوم سيدنا موسى عليه السلام خرج القوم إليه وقالوا له: ادعوا لنا ربك ينزل علينا المطر.
فخرج موسى عليه السلام وهو كليم الله وخرج معه قومه،،،، وأخذ موسى يدعوا ويناجي ربه ،،،،فقال الله :ياموسى إن منكم رجل يبارزني بالذنب منذ أربعين سنة وبسببه منعت منكم المطر.
فقال له موسى: ومن هو يا رب.
قال له : ناد بقومك عليه وسوف يجيبك
فقال موسى :كيف أنادي بسبعين رجل يا رب .
فقال له الله عز وجل: عليك المنادى وعلينا البلاغ.
فخرج موسى لقومه وقال : يامن خرجت معنا اليوم وقد بارزت الله بالمعاصي أربعين سنة أخرج. فمنعنا الله المطر منك ،،،
عندها استحى الرجل أن يخرج فيفضح أمره فقال أن خرجت يفضح أمري وإن جلست هلك قومى بسببي عندها غطى رأسه بردائه وقال: اللهم أني تبت اليك
وما إن انتهى من كلمته حتى انهمرت عليهم السماء ماء ....فقال موسى: يارب سقيتنا ولم يخرج ذلك الرجل .
فقال الله: بسببه سقيتكم .
فعلم موسى أنه قد تاب. فقال :يا رب من هو كي أهنيه.
فقال الله : يا موسى ما فضحته وهو يعصيني أربعين سنة وتريدني أن أفضحه بعد ما تاب .
ولذلك أدعو أن نبحث بداخلنا عن ذنوبنا حتى نتوب عنها فيعفوا عنا الله ويحفظ بلادنا من شر الأوبئة.
أما عن كيفية الوقاية من الأمراض بصفة عامة والأنفلونزا بصفة خاصة:
فعلينا بالنظافة الشخصية وهذا لا أجد فيه مشكلة أو صعوبة لدى المسلمين لأن ديننا يحث على النظافة فلذلك نحن نقوم بسبل الوقاية طبيعى فنحن نتوضأ خمس مرات فى اليوم. بالإضافة إلى القواعد البديهية الذى تربينا عليها من غسيل اليدين قبل الأكل وبعده. وبعد إستخدام الحمام . وحينما ندخل المنزل. وأستخدام المناديل دائماً عند العطس أو الكحة ثم إلقاء المنديل المستخدم فى سلة المهملات.
عدم البصق على الأرض. عدم السلام بالقُبلات.
وهنا أتذكر هذا الحديث الشريف: عَنْ أَنَسِ بْنِ مَالِكٍ رضي الله عنه قَالَ : ( قَالَ رَجُلٌ : يَا رَسُولَ اللَّهِ ، الرَّجُلُ مِنَّا يَلْقَى أَخَاهُ أَوْ صَدِيقَهُ أَيَنْحَنِي لَهُ ؟
قَالَ : لا .
قَالَ : أَفَيَلْتَزِمُهُ وَيُقَبِّلُهُ ؟
قَالَ : لا .
قَالَ : أَفَيَأْخُذُ بِيَدِهِ وَيُصَافِحُهُ ؟
قَالَ : نَعَمْ ) والحديث حسنه الألباني في صحيح سنن الترمذي .
وعن أنس رضي الله عنه قال : ( كان أصحاب النبي صلى الله عليه وسلم إذا تلاقوا تصافحوا ، وإذا قدموا من سفر تعانقوا ) رواه الطبراني. .
الإمتناع عن تقبيل الأطفال وخاصة من فمهم. المريض لا يخرج من بيته. عدم الأكل من الشارع. عدم تبادل الأدوات الخاصة. مثال: الفوطة واللوفة وفرشة الأسنان وفرشاة الشعر أو المشط أو تبادل الملابس مباشرة بدون غسيل أو تبادل مزيل العرق بلية دوارة .
يعنى كل الأشياء البديهية فى حياتنا هى نفسها طرق الوقاية.
أما عن أعراض الأنفلونزا الخنازير فهى كالتالى:
الإرتفاع الشديد في درجة الحرارة وفقدان الشهية والسعال وجريان الأنف والألم في الحلق والغثيان والتقيوء والإسهال .
وأيضاً أريد التنويه بأنى قرات من عدة مصادر بأن المصل المضاد يسبب فى أمراض خطيرة وأنه لا يوجد أحد مسئول عن أضراره الجانبية.
وأحب أن أختم بهذه الآية الكريمة" وما كان الله يعذبهم وهم يستغفرون". كلنا خطائين ولكن خير الخطائين التوابين فلنستغفر الله دائماً لذنوبنا ما نعلمها ومالانعلمها. ولا نستهون بأى ذنب وإياكم ومحقرات الذنوب .
اللهم ارفع غضبك ومقتك عنا . اللهم لا تؤاخذنا بما فعل السفهاء منا. اللهم استرنا فوق الارض وتحت الارض ويوم العرض عليك.اللهم احفظنا من كل سوء ونجنا من أى مكروه. وأكفنا شر اعدائنا يا سميع الدعاء. اللهم آمين
سؤال جانبى:
ـــــــــــــــــــــــــ
* هل تلبس الكمامة أم لا؟ مع ذكر السبب.
* ما أسلوبك الخاص فى الوقاية من هذا الوباء المنتشر؟.



هناك 44 تعليقًا:

ضكتور جدا يقول...

السلام عليكم
ربنا يكرمك على المعلومات القيمة

العطس نعمة من ربنا نحمد الله عليها ...تخيلي أن الضغط يرتفع داخل الصدر والبطن بدرجة كبيرة جدا لدرجة لو عطست وانت مفتح عينك تخرج من مقلتيها ...فنحمد الله على مرورها بسلام
....................................
بالنسبة للكمامة فأنا مستخدمتهاش لحد دلوقت
طرق الوقاية هحاول أقلل أو امتنع عن التقبيل والتحية بذلك حيث أصبحت منتشرة بشكل كبير
............................
الله المستعان

أم أحمد المصرية يقول...

ايوه كده ارجع عد غياب اجد نفسي اول تعليق

كل سنة و انت طيبة معلش متأخرة شوية :)
بس قلت استني لما تصوموا السته البيض

ستيته حسب الله الحمش يقول...

الله عليكي
يارب ربنا يبارك لك في صحتك ويرزقك رزق واسع برحمته ومنه وجوده
ايه اللي بتعمليه فيا لما بقرأ كلامك؟
انتي بلسم يا مونا
ما شاء الله لا أزكيك على الله

مش بلبس الكمامة لكن لما انزل الجامعة ها البسها وربنا يسترها مع الواد عفرتو ابني
ده تلبسيه كمامة ازاي؟
ورغم اني معوداه على النضافة بس انتي عارفة الصبيان
اوغاد اوباش علوج استعمار

ربنا يلطف بنا فيما جرت به المقادير
ويكتب لي قبل الموت توبة يقبلها بمنه وجوده وكرمه يارب

أبو كريم يقول...

يا أمة الله يرحمك الله

أختى العزيزه أمة الله السلام عليك ورحمة الله وبركاته

موضوع بجد شديد الخطوره والوقاية منه بقدر سهولتها بقدر صعوبتها على الكثير منا, كلنا يعرف ان النظافة من الإيمان ولكن هناك بعض العادات القبيحه فى مجتمعنا التى تجعل من إنتشار الفيروسات سريعا... شكرا على مجهودك

أما بالنسبة للكمامة فأنا البسها فى المطار بسبب عملى ولكن بعيد عن العمل لا أرتديها, أما عن اسلوبى فى الوقايه فكل ما ذكرت بجانب الإستغفار لانه من لزم الإستغفار جعل الله له من كل ضيق مخرجا...

ألف مبروك لجنه وبارك الله لهما وبارك عليهما وجمع بينهما فى الخير

دمت بكل الخير

وكل عام وانت بخير

romansy يقول...

اولاكلام جميل قوى
واللى نقدر نقوله اللهم ارفع مقتك وغضبك عنا
اللهم ااامين
تانيه الف الف الف مبروك لاستاذه جنه
الزواج السعيد الله يبارك فيها يارب
تالتا
الكمامه شئ مطلوب بس الحرص مطلوب اكتر والتوكل على الله مطلوب اكتر واكتر

mahasen saber يقول...

الموضوع ده يا مونا اتكلمتى فيه بشكل مختلف وجميل

ربنا يكرمك ويجزيكى خير


ومبروك لجنه ربنا يبارك ليها فى حياتها الجديده ويسعدها وبكونوا ازواج لبعض فى الدنيا والاخره

zaineb mazouz يقول...

الله يبارك فيك يا غالية موضوع متكامل كعادتك في ميزان حسناتك ان شاء الله اما بالنسبة للسؤال فلا استعمل الكمامة
اما اسلوب الوقاية فكما ذكرتي النظافة و لا استعمل اغراض غيري و الدعاء

THE illusionist يقول...

عجبنى الكلام ده
فعلا
كام حاجه مكنتش فى بالى لقطتها من البوست
ممممممممممم
الكمامه نلبسها
بس كلنا يعنى
مش هلبس كمامه وامشى بيها لوحدى فى الشارع
و اسلوبى من الوقايه
حاجات كتير
بس على ربنا
يعنى هنحاسب بقدر الامكان
بس ربنا يستر او لا

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمه
موناليزا
تحياتى
كلام جميل وان كان اغلبنا يعرفه الا ان الذكرى تنفع المؤمنين
ومشكورة على النصايح الطبيه دى
وكمان تأكيداعلى كلامك فعلا انا سمعت من مصادر عديدة وموثوق فيها ان المصل المضاد للانفلونزا بيسبب العديد من الامراض الخطيرة وفى معظمها السرطان
وقانا الله واياكم كل شر

موضوع الكمامه ده مش عارف له حل
انا جبتها ومش عارف هلبسها ولا لأ بصراحه
طب هلبسها واشرح للعيال ازاى فى الفصل؟؟ وبعدين العيال مش هتبطل ضحك عليا طول الحصه ومش هقدر اسكتهم
ولو مالبستهاش ممكن عيل كده ولا كده يكون عنده حاجه كده ولا كده وانا من الجماعه اللى بشموا ريحة العدوى بعيد عنك
بلقط المرض وخصوصا الانفلونزا من على بعد كيلو
محتار بجد
ربنا يسترها ان شاء الله
وعلى فكرة انا لسه ليا كوباية شاى بنعناع
انا مش بنسى
ســـــــــــــــلام

ذكري رحيل قلم يقول...

يرحمنا ويرحمكم جميعا
السلام عليكم

اللهم توب علينا يارب من كل خطيئة وذنب
جزاكي الله خير علي كل نصائحك
انا لا البس الكمامة والحمد لله لكلا منا ادواته اللهم عفنا واعفو عنا

سبيها علي ربنا يعني احنا خلصنا من انفلونزا الطيور عشان تطلعلنا الخنازير هو احنا بطلنا اكل طيور لا طبعا
ما بالك بالخنازير اللي مش بناكلها

اللهم وارزقنا العفو والعافية
وقنا واصرف عنا شر ما قضيت
امين

طوبه فضه وطوبه دهب يقول...

7lo awy el bost wana el bost el gay hktb el faraa ben a3rad el influanza el 3adya wben influanza el khanazer tslm aydak walf mabroooooook lgana wrbna ykrmha ya rab

ليس فقيرا من يحب يقول...

السلام عليكم

الف مبروك لاختنا جنه وربنا يبارك لها يارب

انا شخصيا قاعده فى البيت لا بالبس كمامه ولا حتى باعمل اى حاجه غير اجراءات النضافه العاديه
ربنا ينجينا يارب ويكرمك

عاشقة الأحزان يقول...

السلام عليكم ورحمة الله وبركاته
متشكرة قووى لحضرتك على معلوماتك دى ربنا يجعلها بميزان حسانتك اختى الفاضله
ربنا يرزقك الصحه والعافيه

انافسى لسه بجد ما لبستش الكمامه بس لو حصل حاجه لقدر الله مش هنسا انى استعماله

والف مليون مبروك الزفاف السعيد لاختنا جنه
ربنا يتتم ليها على الف خير يارب
مودتى

(Joudy) يقول...

حقيقى يا مونليزا كلامك بجد جميل وربنا يرحمك ويرحمنا ويرحمنا جميعا بجد فعلا ده ابتلاء من ربنا ربنا يرحمنا ويرفع عنا مقته وغضبه

........

بالنسبة طبعا لطرق الوقاية فانتى بنفسك قولتى انها بديهيه يعنى احنا كمسلمين بنعمل بيها لأن النظافة من الايمان وكمان العطس بتستخدمى منديل ولو مش فى بتستخدمى ايدك وبعدين بتغسليها بسرعة

...........

أما التقبيل دى مشكلة ممكن الناس تزعل بسببها وتقولك تكبر بس بصراحة ساعات بنقول عندنا برد علشان نرفع الحرج

...........

حكاية الكمامة دى بقى حكاية تانية مش هتمشى إلا لو فرضت على الناس لأن الناس مش فاهمة وأسلم حل حقيقى ان وزارة الصحه تفرضها علشان نحمى نفسنا

دمتى بكل الخير والسعادة

موناليزا يقول...

ضكتور جدا
ــــــــــ
وعليكم السلام ورحمة الله وبركاته
اهلا بيك يادكتور
اشكرك جدا على دعائك فماتوفيقى الا بالله
فعلا والله الحمدلله على نعمة العطس وقد قرأت أيضاً ان من فوائده أنه يخرج الاجسام الغريبة التى تدخل للجسد عبر الغبار فى الجو

ربنا ينجينا جميعا
اشكرك جدا لمشاركتك



********************************


أم احمد المصرية
ــــــــــــــ
اختى الحبيبة:اهلا اهلا بالقمر
كأنك الاولى ياحبيبتى:)
حمدالله على سلامتك ونورتينا
وانتى طيبة ياحبيبتى وانا عن نفسى لسه ماخلصتهمش:)
نورتينى وسعيدة بزيارتك



*********************************


ستيتة حسب الله الحمش
ــــــــــــــــــــ
أختى الحبيبة:اهلا اهلا بنبض الحكمة
ربنا يكرمك يارب ويرزقك بكل الخير
ماتحرمش منك ابدا ولا من دعائك وتشجيعك المستمر لما اكتب
الحمدلله فماتوفيقى الا به
(اللهم لاتؤاخذنى بمايقولون واغفرلى مالايعلمون واجعلنى خيرا ممايظنون)

هههههه والله انتى عسل
انتى هتقوليلى على الاطفال ما انا كنت مُدرسة وعارفة:)
ربنا ينجينا يارب ويحفظنا من اى مكروه ويرزقنا ميتة سوية ومرداً غير مخزى ولا فاضح اللهم امين
نورتينى سوتيتة الغالية وتسعدينى دائما بزيارتك



*********************************


ابو كريم
ــــــــــ
وعليكم السلام ورحمة الله وبركاته
اهلا بيك استاذ بهاء بعد طول غياب
عندك حق فالسلوكيات السيئة للاسف الشديد فى انتشار مفزع
الشكر لله يافندم فماتوفيقى الا به

اشكرك جدا لمشاركتك ولتهنئتك لجنة
وكل عام وانت بخير
دمت طيبا ولمدونتى زائرا


********************************



رومانسى
ــــــــ
اهلا بيك يافندم
اولا:ربنا يكرمك اشكرك جدا لرايك
ربنا يتقبل دعائك
ثانيا: الله يبارك فيك يافندم وعقبالك ان شاء الله
ثالثا: اشكرك جدا لمشاركتك
دمت طيبا ولمدونتى زائرا


**********************************




محاسن صابر
ـــــــــــ
اختى الحبيبة:اهلا اهلا بسونا الجميلة
بتوحشينى دايما وبفرح جدا بزيارتك

اشكرك جدا لرايك ياجميلة فماتوفيقى الا بالله
الله يبارك فيكى ياحبيبتى وعقبالك ان شاء الله قريب
نورتينى



********************************



زينب معزوز
ـــــــــــ
اختى الحبيبة:اهلا بيكِ ياقمر
ربنا يكرمك يارب فماتوفيقى الا بالله
اشكرك جدا لرايك ولمشاركتك
نورتى مدونتى وفى انتظارك دائما



***********************************

موناليزا يقول...

زا اليوسيونيست
ــــــــــــــــ
اهلا بيك يافندم
:) شئ يسعدنى جدا ان يفيدك ما اكتب ولو بكلمات بسيطة
على فكرة لو واحد بس لبسها فى الشارع هتطلع موضة والناس كلها هتقلده:)
اشكرك جدا لمشاركتك



********************************


المعتصم
ـــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك فماتوفيقى الا بالله
وكما قلت"فذكر إن الذكرى تنفع المؤمنين"

ودى كارثة بجد لما المصل اللى بيصنعوه بقى لهم اكتر من 6 شهور ويكون له اضرار كده !!
والسؤال اللى عايزة اعرف اجابته بجد طالما المصل الموجود بيعمل كده طيب اللى بيلاقوا عنده حالة فعلية هيعالجوه ازاى؟؟؟
والمريض ممكن يطمن ازاى وهو عارف انه لو خف من انفلونزا الخنازير هيصاب بما هو اشد
حقاً لا نرجو سوى رحمة الله

اضمن حاجة عشان تلبسها والعيال تحترم نفسها وتسكت انهم كمان يكونوا لابسينها:)
بعيد الشر عنك يافندم من اى عدوى
عليك بفيتامين سى كتير لانه بيقوى المناعة ضد الانفلونزا عموما
:) الشاى على النار
أشكرك جدا لمشاركتك وزيارتك


********************************


ذكرى رحيل قلم
ـــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ياحبيبتى ويتقبل دعائك اللهم امين
ولسه ماخفى كان اعظم ربنا يستر ويخرجنا ن الدنيا على خير
نورتينى ياجميلة ودمتِ بخير



*******************************


طوبة فضة وطوبة دهب
ــــــــــــــــــ
اختى الحبيبة:اهلا اهلا بالقمر
هو انتى كاتبة هندى ولا ايه:)
ربنا يكرمك ياحبيبتى وعقبالك ان شاء الله
نورتينى وسعيدة بزيارتك


*********************************


ليس فقيرا من يحب
ـــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
الله يبارك فيكى ياحبيبتى وعقبالك ان شاء الله
:) أحسن حاجة بجد
اشكرك جدا لمشاركتك
نورينى وسعيدة بزيارتك


*********************************


عاشقة الاحزان
ـــــــــــــ
وعليكم السلام ورحمة الله وبركاته
اختى الحبيبة:اهلا بانوسة الجميلة
الشكر لله ياحبيبتى فماتوفيقى الا به
حلوة حضرتك دى:) ليه عاملة فرق احنا اخوات
اشكرك جدا لمشاركتك ولتهنئتك لجنة وعقبالك يارب قريب
نورتينى حبيبتى وسعيدة بزيارتك


**********************************


جودى
ــــــ
اختى الحبيبة:اهلا اهلا بالقمر
ربنا يكرمك يارب ويتقبل دعائك
اشكرك جدا لرايك ولمشاركتك
نورتينى ياجميلة وسعيدة بزيارتك

Khaled يقول...

من رأى أنة لن يصيبنا إلا ما كتب الله لنا والحرص واجب ولكنة لن يمنع القدر

أليس في بلاد العجائب يقول...

عَنْ أَنَسِ بْنِ مَالِكٍ رضي الله عنه قَالَ : ( قَالَ رَجُلٌ : يَا رَسُولَ اللَّهِ ، الرَّجُلُ مِنَّا يَلْقَى أَخَاهُ أَوْ صَدِيقَهُ أَيَنْحَنِي لَهُ ؟ قَالَ : لا . قَالَ : أَفَيَلْتَزِمُهُ وَيُقَبِّلُهُ ؟ قَالَ : لا . قَالَ : أَفَيَأْخُذُ بِيَدِهِ وَيُصَافِحُهُ ؟ قَالَ : نَعَمْ ) والحديث حسنه الألباني في صحيح سنن الترمذي .
عن أنس رضي الله عنه قال : ( كان أصحاب النبي صلى الله عليه وسلم إذا تلاقوا تصافحوا ، وإذا قدموا من سفر تعانقوا ) رواه الطبراني

الله يرحمنا واياكم و يرفع عنا البلاء والوباء والغلاء وقلة الحياء

موناليزا يقول...

خالد
ـــــــ
أهلا بيك استاذ خالد
عندك حق ولذلك علينا بالاستغفار الكثير
دمت طيبا ولمدونتى زائرا




**********************************





أليس فى بلاد العجائب
ــــــــــــــــــــ
اختى الحبيبة:اهلا اهلا بالقمر
ربنا يكرمك يارب ويجازيكى كل خير على مشاركتك التى كنت محتاجاها جدا فى الموضوع
وقد قت بتعديل ماكنت كتبته من ذاكرتى
ربنا يرحمنا برحمته ويرضينا بقضائه
نورتينى ياغالية

نهــــــــــار يقول...

السلام عليكم..
جزيتي خيرا على القصص والمعلومات..
....
لا لا أرتدي الكمام ...
أظن ان النقاب يفي بالغرض وإذا لم يوجد تجنب الإزدحام هو الحل..
والله هو الحافظ
....
مبارك زواج جنه..
جمع الله بينها وبين زوجها خير
ورزقهما الذريه الصالحه..
....
في أمان الله

تأثير الفراشة يقول...

مش عاقدر اقول حاجة غير
ربنا يكرمك على البوست الشامل ده، ربنا يجعله فى ميزان حسناتك

جزاك الله خيرا

ربنا يقينا شر الأمراض

تحياتى لك و ربنا يسلمنا جميعا من كل سوء

rovy يقول...

دايما مواضبعك مهمه و مفيده .. ربنا يبارك لنا فيكى يارب ..
ربنا يستر بجد انا مرعوبه على البنات و بأدعى ربنا يحفظهم و كل اولادنا جميعا يارب .. اللهم ارفع مقتك و غضبك عنا و اعفو عن عبادك المساكين فما لنا من منقذ سواك يا الله ..
كثير نصحونى انى ما اوديش مريم الكى جى .. مناعتها ضعيفه زى ما انتى عارفه دايما فى الشتاء بالذات تعبانه ربنا يحفظها و كل الاطفال ياارب و يلطف بنا جميعا .. امين
بالنسبه للكمامه انا اشتريتها من مده لكن البنات رافضين يلبسوها لكن انا شرطت عليهم لو مش حيلبسوها مش حينزلوا من البيت .. ربنا يستر و يسلمنا جميعا يارب ..
مودتى لكى و ربنا يسعد جنه و يبارك لها و يسعدك ياارب

Mr.Hazem يقول...

بارك الله فيكي
الانسان اذا عطس يتوقف قلبة

بارك الله فيكي على المعلومات
...
بخصوص سؤالك
الحمد لله وبفضل الله لا تصيبني الانفلونزا العادية الا مرة واحدة بالسنة
وبخصوص الامراض الاخرى كانفلونزا الطيور والخنازير
بحمد لله لم تدخل قطاع غزة
شكراً لكِ

طهر فؤادك يقول...

السلام عليكم ورحمة الله وبركاتة ,,

جزاكى الله خيرا على البوست الجميل الرائع ... وربنا ان شاء الله يبع عنا الامراض والشرور اللهم امين والمسلمين ... وربنا يتقبل منا ومنكم صالح الاعمال ان شاء الله .وربنا يثبتنا على طاعتة وحسن عبادتة اللهم امين .

دموع القمر يقول...

اناااا جييييييييت

الله عليكى كلامك حلو والله

يارب ان عظمت ذنوبى كثره فقلد علمت ان عفوك اعظم ان كان لايرجوك الا محسن فبمن يلوذ ويستجير المجرم

ربنا يرحمنا ويغفر لنا خطايانا

والله الواحد نفسوا يلبس كمامة

بس تخيلى بقى لو حد شافك كدا هيقولوا البت جالها المرض وخايفة تعدى حد

احنا فكرنا نعمل كدا فى الحضانة عندنا بس اتقال نفس الكلام الله المستعان

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

بداية شكراً جداً على هذه النصيحة الغالية

ولينظر كل منا بداخله لعل هذا البلاء قادم الينا بذنوبنا ولو اننا عدنا الى الله وتبنا اليه لفعه عنا واللهم امين

ثانياً اعتذر عن عدم المتابعة الفترة الماضية وذلك لظروف صعبة نسألكم الدعاء

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين ..ودة شكر واجب لازم اقدمة من حملة "مدونتك هتنقذ طفلك".. وجزاكم الله خيرا والمسلمين ودة موضوع الشكر فى اللينك دة ادخل

وخد هديتك من هنا :-
http://rasoulallah1.blogspot.com/

TIMMY !! يقول...

أنا بصراحة مش عارف الناس خايفة قوي من انفلونزا الخنازير ليه ؟؟

أنا نفسي تجيلي ,

أصلها مش معضلة , دي موتة و السلام .

kimo يقول...

اختي في الله
جزاك الله خيرا عن هذه المعلومات
واسأل الله ان يرفع عنا البلاء

akeed يقول...

السلام عليكم

بارك الله فيكِ اختى العزيزة على هذا التذكير بسبب الاوبئة و الامراض و هى المعاصى و الذنوب و محاربة الله بالذنوب فماذا ننتظر ان يحدث لنا غير هذه الاوبئة فعلينا فعلا بالفرار الى الله عز وجل وان نتوب توبة نصوحا من المعاصى ليرفع الله عنا البلاء .

جزاكِ الله خيراً و جعل هذا البوست فى ميزان حسناتك

همس الاحباب يقول...

جزاكى الله خيرا
وكل سنة وانتى طيبة
والف مليون مبروك ل د جنة
تحياتى

العصفورة يقول...

السلام عليكم
معلومات قيمة جداً
وخالص تقديرى

Sonnet يقول...

يهديكم الله و يصلح بالكم

سبهللة يقول...

بصى بالنسبة للكمامات
ان لحد دلوقتى ما احتاجتش انى استخدمها لان خروجى قليل جدا
لكن ابنى لما حب يروح يلعب فى ملاهى كارفور مع جده لبسته واحده عشان الزحام

بالنسبة للوقاية
انا متجنبة الخروج فى الاماكن المزدحمة

موناليزا يقول...

نهار
ــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لرايك ولمشاركتك ولتهنئتك لجنة
وربنا ينجينا ويتولانا برحمته
نورتينى حبيبتى



**********************************



تأثير الفراشة
ــــــــــــــ
أختى الحبيبة:اهلا اهلا بالقمر
بعد تعليقك الرقيق ودعواتك الجميلة مش عارفة اقول غير بجد ربنا يعزك ويتقبل دعائك
نورتينى حبيبتى وسعيدة بزيارتك


********************************



روفى
ــــــ
اختى الحبيبة:اهلا اهلا بصاحبة الاخبار السعيدة
ربنا يكرمك يارب فماتوفيقى الا بالله
ربنا يحفظهم وينجيهم يارب
لو حسيتى انها تعبانة ماتوديهاش طبعا
وربنا يحفظنا وينجينا جميعا اللهم امين
نورتينى ياجميلة وعقبال مانبارك لنجاح البنات ولزفافهم:)



********************************


مستر /حازم
ــــــــــ
اهلا بيك استاذ حازم
ربنا يكرمك واشكرك جدا لرايك ولمشاركتك
وربنا يحفظ بلادنا جميعا من اى سوء اللهم امين



*********************************


طهر فؤادك
ـــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك اللهم امين
دمت طيبا ولمدونتى زائرا



*******************************


دموع القمر
ــــــــــــ
اختى الحبيبة:اهلا اهلا نورتى المدونة:)
ربنا يكرمك واشكرك جدا لرايك وربنا يتقبل دعائك
:) لا متخافيش الناس عارفة ان المصاب بيتحجز فى المستشفى
صعب فعلا فى الحضانة لان الاطفال ممكن تخاف من المنظر اصلا
ربنا ينجينا جميعا يارب
نورتينى حبيبتى وسعيدة بزيارتك



********************************


ابو صهيب
ــــــــــ
وعليكم السلام ورحمة الله وبركاته
اهلا بيك يافندم
الشكر لله فماتوفيقى الا به
عذرك معاك يافندم
ربنا ييسر لكم الامور ويرزقكم بكل الخير
دمت طيبا ولمدونتى زائرا



********************************


طهر فؤادك
ـــــــــــ
وعليكم السلام ورحمة الله وبركاته
اهلا بيك يافندم
الشكر لله يافندم
ومن قبل ما اشوفها هدية مقبولة:)


**********************************

موناليزا يقول...

تيمى
ــــــ
اهلا بيك يافندم
ومالقيتش غير الموتة دى!:)
اللهم ارزقنا ميتة سوية
اللهم ارزقنا حسن الخاتمة
دمت طيبا ولمدونتى زائرا



**********************************


كيمو
ــــــ
اهلا بيك يافندم
ربنا يكرمك ويتقبل دعائك
اشكرك جدا لزيارتك


*********************************


اكيد
ـــــــ
وعليكم السلام ورحمة الله وبركاته
ربنا يكرمك ويتقبل دعائك
اللهم انك عفو تحب العفو فاعف عنا
اشكرك جدا لتعليقك



***********************************


همس الاحباب
ـــــــــــ
اهلا بيك استاذ خالد
ربنا يكرمك
وانت طيب وبكل الخير
الله يبارك فيك وعقبال همس ان شاء الله:)
اشكرك جدا لزيارتك


*******************************


العصفورة
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
اشكرك جدا لرايك
نورتينى



**********************************


سونيت
ــــــــ
اختى الحبيبة:اهلا اهلا بالقمر
:)
:)
نورتينى


******************************


سبهللة
ـــــــــ
اختى الحبيبة:اهلا اهلا بالقمر
ربنا ينجينا يارب وعجبنى حرصك على ارتداء ابنك للكمامة
نورتينى حبيبتى وسعيدة بمشاركتك

MOHAMMED ELBANNA يقول...

موناليزا
جزاكي الله خيراً على المعلومات الطيبة
وبخصوص الكمامة فأنا لا ارتديها ولا اعرف لماذا ؟
قد يكون عدم اهتمام او عدم شعور بالخطر .
عموماً ربنا يستر علينا جميعاً
تقبلي تحياتي
محمد البنا
طريق النجاح

مواطن شووجااع يقول...

ربنا يكرمك

معلومات قيمة ونصايح غالية

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة وجعل الجنة مثواى ومثواكم ونصركى الله نصرا مبينا إن شاء الله .

- ما شاء الله موضوع جيد جدا ، زادك الله من عمله وكرمه .
- ياريت فعلا كلنا نبتدى العلاج عشان الوباء دا وأكثر دواء حضرتك ذكرتيه هو الإستغفار ، بدعى نفسى وإياكم للإكثار من الإستغفار والتوبة إلى الله .
- قرأت أكثر من مرة عن أطباء ينصحون بشرب كوب ينسون يوميا ويقولون إن عقار التامفلو مصنع منه .

حفظ الله بلاد المسلمين من الأمراض
دمتى فى أمان الله

أسيرة اللوحة يقول...

وقانا الله شر المرض ,,
و جزيتي خيراً على ما قدمتي من تذكير ,,

بالنسبة لي لا البس كمامة ,,
و اتوكل على الله فهو الواقي ,,

دمتي بخير و مبرووك لجنة ^^

موناليزا يقول...

محمد البنا
ــــــــــ
اهلا بيك استاذ محمد
ربنا يكرمك ويتقبل دعائك
واشكرك جدا لمشاركتك
دمت طيبا ولمدونتى زائرا



********************************




مواطن شوجاع
ـــــــــــــ
اهلا بيك يافندم
اشكرك جدا لرايك
والحمدلله فماتوفيقنا الى به
دمت طيبا ولمدونتى زائرا



*********************************



هكذا علمنى سيدنا محمد صلى الله عليه وسلم
ــــــــــــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يعزك يارب ويتقبل دعائك
ربنا يكرمك فماتوفيقى الا بالله
اشكرك جدا لمشاركتك وعجبتنى اضافتك
لا اله الا انت سبحانك انى كنت من الظالمين
دمت طيبا ولمدونتى زائرا





**********************************



أسيرة اللوحة
ــــــــــــــ
اختى الحبيبة:اهلا اهلا بالقمر
ربنا يكرمك ويتقبل دعائك وينجينا جميعا
اشكرك جدا لمشاركتك ولتهنئتك لجنة
نورتينى حبيبتى ودمتِ بخير

طبيبك الخاص يقول...

ربنا يكرمك على المعلومات الجميله

وربنا يرفع عنا البلاء ويحمى ولادنا وينتهى قريبا هذا البلاء عشان الطلبه والحجاج وكل الناس تمارس حياتها الطبعيه بدون ضيق

انا بقا مقيم فى البيت دى السنه مستنى امتحاناتى فى نوفمبر القادم يعنى فى اجازه رسميه من الكليه

ربنا يحفظنا ويحفظ المسلمين اجمعين

تحياتى

ريمان يقول...

انا لسه ملبستش كمامه


بس اعتقد ان النقاب بيحل محلها يعنى شويه



ربنا يسترها معانا ويعافينا وتعدى الازمه دى على خير

موناليزا يقول...

طبيبك الخاص
ــــــــــــ
اهلا بيك يادكتور
اشكرك جدا فماتوفيقى الا بالله
ربنا يسمع منك وينجينا يارب من كل سوء وتنتهى هذه الطوارئ
قصدك نوفمبر 2009 ولا نوفمبر2010؟
ربنا يوفقك دايما
دمت طيبا ولمدونتى زائرا






***********************************






ريمان
ـــــــ
أختى الحبيبة:اهلا اهلا بالقمر
انا كمان متهيألى ان النقاب بيؤدى الغرض والله اعلم
ربنا ينجينا يارب
نورتينى ريمو الجميلة