الجمعة، 21 مايو، 2010

شُبهة لطفلة بريئة

كانت تلميذة فى المرحلة الإعدادية, وكانت متفوقة جداً وخاصة فى مادة اللغة العربية, وحينما رأته لأول مرة تمنت أن يكون هو مُعلمها فى الفصل, ولكن هذا لم يحدث فظلت تسأل عنه وتتبع أخباره من زميلاتها اللاتى تأخذن عنده درس خصوصى , وحينما أصبحت فى الصف الثالث الإعدادى قررت أن تأخذ عنده درس رغم أنها لا تحبذ أخذ دروس خصوصية وخاصة فى المادة التى تعشقها.
وبالفعل أخذت عنده درس وعرف عنها تفوقها الدائم وأصبحت من التلميذات المفضلات لديه.
كانت دؤوبة جداً وأول من يقوم بعمل الواجب المنزلى, وكان هو معروف عنه شدته وحزمه مع من تتهاون فى المذاكرة أو فى عمل الواجب وكان يضرب من تتخلف عن فعل هذا.
وفى يوم أرادت أن تختبر معزتها لديه فهو بالنسبة لها ليس مجرد مُدرس مادة- فهو فى هذا الوقت كان بمثابة أول حُب لها - وجاءت لها هذه الفكرة.
"همثل إنى ماعملتش الواجب النهاردة ولو لقيته هيضربنى بجد أعطيله كراسة الواجب عشان يتأكد إنى عملته".
وحينما ذهبت- كالعادة- تجلس أمامه- فهذا سيتيح لها فرصة أكثر للتحدث معه وهذا هدفها الأساسى من الذهاب إلى هذا الدرس -.
ظلت تتحدث مع زميلاتها بطريقة أوحت للجميع بأنها لم تعمل الواجب وبالطبع سمع المُدرس حوارها معهن وتيقن بأن تلميذته النجيبة لم تقوم بعمل الواجب المنزلى كالمعتاد.
فنظر لها نظرة ذات مغزى مُحملة باللوم وخيبة الأمل وقال: النهاردة مش هصحح الواجب والمرة الجاية هبقى أشوف واجب الحصة اللى فاتت والحصة دى".
على قدر سعادتها بأنها أكتشفت معزتها لديه بقدر ما كانت تتمنى أن تخبره بأنها لم تخيب ظنه فيها وأنها كانت عاملة الواجب كالمعتاد.. ولكنها بالطبع لم تستطع.
-----
من هذا الموقف الذى قد يكون بسيطاُ عند الغالبية أردت أن أقول:
-إذا وضعت نفسك فى موضع ريبة لا تلوم من يشك فيك.
-يعنى لو بتهزرى مع ولاد سواء تعرفيهم أو ماتعرفيهمش بالإيد والضحك بصوت عالى ماتلوميش اللى هيقول عليكِ إنك بنت مش كويسة.
- و لو لابسة ضيق أو قصير ما تلوميش أى حد ممكن يقول عليكِ أى كلمة بايخة.
- لو بتتأخر بره البيت لبعد نص الليل ماتلومش الجيران لو قالوا عنك كلام بايخ.
- لو مصاحب ناس سمعتهم وحشة وبتقول إنك مابتعملش زيهم ما تلومش اللى هيقول عليك إنك زيهم.

وإذا كان من الواجب أن نحسن الظن بالآخرين دائماً فالأحرى أن يساعدونا بتصرفاتهم الواضحة فنحن لن ندخل فى نيات الآخرين فالمجتمع له الظاهر فقط. ولذلك فلنتجنب الشبهات.




سؤال جانبى:
ــــــــــــــــــــــــ
* هل وضعت نفسك قبل ذلك فى موضع شُبهة؟

-----------------

على الهامش

أدعوكم لزيارة هذا الموضوع والإنتباه جيدأً لما فيه.

هناك 31 تعليقًا:

P A S H A يقول...

السلام عليكم ورحمة الله وبركاته

الزميلة الفاضلة .. أحييكي بشدة على إخلاصك وتفانيك في مواضيعك المنتقاه بعناية .. جزاك الله عنها وعننا ألف خير وجعلها في ميزان حسناتك . اللهم آمين

بالنسبة سيادتك للسؤال .. ممممممممم .. هو آخر موقف اتعرضت عليه .. كنت باتكلم مع حد ولقيته بيسألني : وانت بتحب تعمل إيه في أوقات فراغك ؟ .. قلت له بادون .. قاللي طب وساكت ليه على نفسك ما تتعالج !!

:))

تقبلي مروري وخالص تحياتي وعميق تقديري واحترامي

mohamed ghalia يقول...

عارفه حسيت الحديث الى فيه فمن اتقى الشبهات فقد برأ بدينه وعرضه

قلم رصاص يقول...

عندك كل الحق والله فيما قلتيه

جزاكِ الله خيرا

فعلا على الانسان اذا موضع نفسه موضع شبهه ، فلايلم الناس على نظرتهم اليه

تقبلي مروري وتحيتي

الزهرة البرية يقول...

عندك حق يامونى الواحد يحاول بقدر الامكان يتجنب الشبهات لأنها بتكون بأقل تصرف الانسان بيعمل وهو مش واخد باله وعنده حسن نيه لكن الناس بتاخد بالظاهر مش بالباطن

dr aly khamis يقول...

السلام عليكم و رحمة الله و بركاته
جزاك الله خيرا
و الله موضوعات حضرتك دائما مفيدة و طريقة عرضك لها ممتاز ..
فعلا يجب أن نتقى مواطن الشبهات .. و لكن إعلام تحرر المرأة و انحلالها تجاوز هذه النقطة ( نقطة نظرة المجتمع للمرأة المنحلة ) بترسيخ فكرة :
انا لا يهمنى الناس مادمت أنا صح و لا أخطىء
و كم من أفلام لعبت على هذا الوتر ..

بارك الله فيك
تحياتى

(ست* جنى* الحسن) يقول...

سلامو عليكو..
كلامك رائع ونصيحة لكل واحد منا.
جزاك الله كل خير عنا
انى احبك فى الله

زهرة المطر يقول...

اظن ان المجتمع خد مننا رقات كتير
أوى .. ومحدش عالم بظروف حد !

كلمات من نور يقول...

سبحان الله فعلا الشبهات ظلمات .....الحمدلله بحاول دايما اتقي الشبهات وبحاول دايما أحسن الظن بس احيانا الواحد بيتعرض لمواقف محزنة بسبب أفكار الناس و كلامهم و أحكامهم والله المستعان ...تسلمي يا موناليزتي الحلوة على موضوعاتك القيمة .....أحبك في الله يا فتاتي

جنّي يقول...

السلام عليكم

جزاكي الله خيرا على تدويناتك التربوية الرائعة ..

نسأل الله تعالى ان يفيدنا بها ..

تحيتي

هي وظروفها يقول...

صباح الخير

تعرفي ان القانون المصري رغم
عدم اعتماده علي الشريعه السلاميه وانتهاجه منهج غربي في مواده
الا ان القانون والدستور والدستور المصري
لا يبيح تفتيش المواطن الا في حالتين فقط
هما التلبس والاشتباه الممزوج بتلبيس اجرائي
بمعني ان اللي يحط نفسه في موضع شك يدي المجال لرجال الشرطه بتفتشيه
فاهماني طبعا اقصدد ايه
ملبالك بقي بااني اتعامل او اي حد يتعامل مع الاشخاص المقربين بنفس اللاسلوب
اكيد ساعتها ميلموش نفسه
لانه هو بذات نفسه اللي بيخللي الناس تنتقده او تمتدحه
بصرف النظر عن ان الانسان الناضج مش محتاج كلام من حد عشان يقيّم نفسه
ولكن شئنا ام ابينا ردود افعال الناس لافعالنا بيكون مصدر من مصادر الحكم علينا كأشخاص اجتماعيين ومتفاعلين بصوره او باخري مع اللي حوالينا
وبخصوص سؤالك
اقولك يا ستي طلما جبتي سيره الدراسه
كنت في 3 ثانوي امين الفصل
المهم كان فيه طلبه بتسرق ورق من دفتر الغياب وكنت حب المدرس مشرف الدور
فقولتله يا استاذ فلان متسبش باب الاوضه مفتوح لاني شفت طلبه بتسرق ورق كذا ومقولتلوش هما مين عملت نفسي اجنبي

تاني يوم المعلم لقي الدفتر كله مسروق
عملي فصل اسبوع
بقوله ليه انا مالي قالي هو انت اللي سرقته مين غيرك
وكنتي بتقولي كده عشان تشوفني هشليه وابقي اقفل الاوضه ولا لأ
يبقي انت اللي سرقته
حرمت بعديها اعمل مثالي وبالفعل بقيت انا اللي اسرق مع الرجاله دفتر الغياب
هههههههههههههه

ايام

ربنا يوفقك ويسمعنا عنك كل الخير يارب

نور الدين يقول...

رائع جدا سردك ياموناليزا ومعبرةٌ قصتك للغاية رغم بساطتها

حقيقة هو امر خطير حين نضع انفسنا فى دوائر تستدعى علامات تعجب واستفهام كبيرة
...
نسأل الله ان يهدينا للرشاد
تحياتى لك
نورالدين

MOHAMMED ELBANNA يقول...

ربنا يبارك فيكي موناليزا
مواضيعك كلها مؤثره وتكون بمثابه الافاقه لكثيراً من الناس .
تقبلي مروري
محمد البنا

ماجد القاضي يقول...

السلام عليكم

أولا: أشكرك أختي الكريمة على إدراج الرابط.. لعل الله ينفع به، وحقك في الثواب محفوظ :)

ثانيا: الموضوع يشير لجانب مهم يجب أن يكمل الحديث عن أهمية إحسان الظن بالآخرين، وهو عدم وضع النفس في مواضع الشبهات حتى لا نكون عونا للشيطان على نفوس الآخرين..
وهو ما علمنا إياه النبي -صلى الله عليه وسلم- عمليا في أحد المواقف، حينما جاءته أمنا صفية رضي الله عنها في حاجة وقت اعتكافه، وأثناء حديثهما أمام المسجد رآه صحابيان فغيرا طريقهما، فسارع النبي بدفع الشبهة موضحا لهما أنها صفية..
النبي المعصوم يدفع الشبهة عن نفسه حتى يعلمنا، رغم أنه لا يرقى الشك إليه مقدار حبة من خردل!

ملحوظة أخيرة: أرى حقيقة أن القصة لم تكن المثال المعبر أو المناسب للموضوع. طبعا هذا رأيي لا أكثر.

أختى الفاضلة: ما زالت مواضيعك قيمة وتطرق وتنبه على سلوكيات هامة .. دمتِ بكل خير.

د. إيمان مكاوي.. أم البنين يقول...

عندك حق
الإنسان هو إللي بيحط نفسه في موضع الشبهات ويرجع يشتكي
تحياتي

موناليزا يقول...

باشا
ــــــــ
وعليكم السلام ورحمة الله وبركاته
أهلا بيك يافندم
ربنا يكرمك يارب أخجلتم تواضعنا فما توفيقى الا بالله
شهادة غالية من زميل محترم أشكرك جدا عليها

:)تعرف ان فيه ناس كتييرة فعلا لغاية دلؤتى مايعروفوش يعنى ايه تدوين:)

أشكرك جدا لمشاركتك
يسعدنا دوام التواصل



*********************************


محمد غالية
ـــــــــــ
أهلا بيك أستاذ محمد
فعلا يا فندم وده نص الحديث
عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

أشكرك جدا لتعليقك
يسعدنا دوام التواصل



*******************************


قلم رصاص
ــــــــــ
أهلا بيك يافندم
ربنا يكرمك أشكرك جدا لرايك
صح جدا

يسعدنا دوام التواصل



**********************************



الزهرة البرية
ــــــــــــــ
أهلا اهلا بالقمر
صح جدا لان الناس ليها الظاهر وبس
نورتينى جودى الجميلة واسعدنى تواجدك



**********************************


د. على خميس
ــــــــــــــ
وعليكم السلام ورحمة الله وبركاته
أهلا بيك يادكتور
ربنا يكرمك يارب فماتوفيقى الا بالله

عندك حق جدا فللإعلام دور قوى جدا على عقول المشاهدين

أشكرك جدا لتعليقك
يسعدنا دوام التواصل



********************************


ست الحسن
ــــــــــ
وعليكم السلام ورحمة الله وبركاته
أهلا اهلا بالقمر
ربنا يعزك يارب فما توفيقى الا بالله
وأنا اذكر نفسى واياكم
أحبك الذى أحببتنى فيه
وانا ايضا احبك فى الله
نورتينى ياجميلة واسعدنى تواجدك



**********************************


زهرة المطر
ـــــــــــ
أهلا اهلا بالقمر
ده حقيقى محدش يعرف ظروف حد وعشان كده لازم ناخد بالنا على قد ما نقدر لان فيه ناس كتير تفكيرها سوء الظن دائما فاحنا بقى نقفل عليهم الباب ده:)

نورتينى حبيبتى واسعدنى تواجدك


*********************************


كلمات من نور
ــــــــــــــ
أهلا اهلا بالغالية
عندك حق أغلبية الناس دلؤتى بيلجأوا دايما لسوء الظن قبل حتى ما يتأكدوا من ظنونهم وعشان كده لازم ناخد بالنا دايما
تسلميلى حبيبتى على تعلقاتك التى انتظرها دائما
أحبك الذى أحببتنى فيه
نورتينى غاليتى واسعدنى تواجدك



*********************************


جنى
ـــــــ
وعليكم السلام ورحمة الله وبركاته
أهلا بيك أستاذ سعيد
ربنا يكرمك يارب فما توفيقى الا بالله
وربنا يسمع منك وتكون مفيدة لمن يقرأها بحق
أشكرك جدا لتعليقك
يسعدنا دوام التواصل



**********************************



هى وظروفها
ــــــــــــــ
أهلا بيك يافندم
عندك حق جدا فتصرفاتنا هى من تجعل الاخرين يحكمون علينا

:) أيام الدراسة تحوى الكثير من المواقف الطريفة لنا جميعا

ربنا يعزك يارب وأشكرك جدا لمشاركتك
يسعدنا دوام التواصل



*********************************


نور الدين
ــــــــــــ
أهلا بيك أستاذ نور
ربنا يكرمك يارب
دى شهادة اعتز بيها جدا لانها من كاتب متميز

وعشان كده لازم ناخد بالنا من اى تصرف لينا مهما كان من وجهة نظرنا بسيط
أشكرك جدا لتعليقك
يسعدنا دوام التواصل


*********************************


محمد البنا
ــــــــــــ
أهلا بيك استاذ محمد
ربنا يعزك يارب فما توفيقى الا بالله
أشكرك جدا لرايك ولتعليقك
يسعدنا دوام التواصل



**********************************


ماجد القاضى
ــــــــــــــ
وعليكم السلام ورحمة الله وبركاته
أهلا بيك استاذ ماجد
الشكر لله يافندم ربنا يكرمك ويجعله فى ميزان حسناتك

عجبنى جدا استشهادك بموقف النبى صلى الله عليه وسلم وفعلا لازم يكون نبينا قدوة لينا فى كل شئ

أنا أحترم رأيك جدا ولكن رغم بساطة الموقف بس التلميذة من يومها بقت تاخد بالها كويس اوى:)

ربنا يكرمك فما توفيقى الا بالله
أشكرك جدا لتعليقك
يسعدنا دوام التواصل



*********************************



د. ايمان مكاوى
ـــــــــــــــ
أهلا اهلا بالقمر
ده حقيقى
أشكرك جدا لتعليقك
نورتينى حبيبتى واسعدنى تواجدك

ليس فقيرا من يحب يقول...

السلام عليكم

ازيك يا موناليزتى وازى اخبارك

ان شالله تكونى بالف خير يا حبيبتى

ربنا يبارك فيك على البوست القيم ده

ويجعله فى ميزان حسناتك

السؤال صعب اوى يا ميس عصرت مخى مش عرفت اجاوب عليه

وحشانى جداااااااا

محمود(باحث عن حب) يقول...

السلام عليكم
كلامك صحيح مش لازم الانسان
يحط نفسه
فى
مواطن الشبه
علشان ميقولش ياريت اللى جرا ما كان
بارك الله فيكى واعطاكى الاجر والثواب

داليـ ـ ـ ـ ـ ـ ــــا يقول...

قصه جميله جدا

فكرتنى باأيام الاعدادى بتاعتى


بس ليا تعليق بقه ع الناس
والله والله والله
ان فى واحده ممكن تكون فى حالها جدا وبتتعامل مع الناس تمام التمام ومحترمه زى ما بيقولوا العيبه عمرها ما تطلع من بقها ولا من اخلاقها

بس الناس بقه هى الا لسانها زى الفرئله
من الاخر

تحياتى

richardCatheart يقول...

فى حاجه فى كلامك انا مش معها اننا مانعملش كل ماهو شبهه علشان الناس
ودا انا مش معه على طول الخط المفروض انى معملش دا علشان نفسى مالبسش لبس خارج لانى مش سلعه مارفقش اصحاب السؤ لانى حتى لو كويسه هاشجعهم على اللى بيعملو
مش علشان الناس
الناس فى كل الاحوال بتشوف اللى عايزة تشوفه وممكن ناس تشوف دا كويس وممكن ناس تانيه لاء ودا حسب البيئه المحيطه بالانسان
انما المتفق عليه هو ارضاء الله لانه ثابت
وواضح ومعروف
انا عن نفسى مابلتفتش للناس
لان كل واحد حر وكل واحد ليه عقله واتجاهه وتفكيره
اما موضوع الشبهه دا ماعتقدش انى حطيت نفسى فى وضع شبهه الااذا كان غير مقصود واللى قدامى هو اللى اخده شبهه

على فكره موضوع بلاش اللى بالى بالك دا حلو اوى
ودا ابسط قواعد الدين والادب
شكرا جدا عليه وعلى بوستك الحلو

أحمد شريف يقول...

لا فَض فوك

يقول سيد الأنام صلوات الله وسلامه عليه
" المرء على دين خليله فلينظر أحدكم من يخالل "

واثقة بربها يقول...

السلام عليكم
عجبى البوست جدا
هو انتى عندك حق فى قصة اتقاء الشبهات بس مش معنى كده انى احاول ارضى الناس فى كل افعالى لحسن الناس تتكلم عليا او تقول عليا المهم ان يكون اى فعل بما يرضى الله لان الناس مش بتبطل كلام و مافيش حد يجمع على انك صح حتى لو معملتيش حاجه غلط

تحياتى على المدونة الرائعة :)

وحـدي يقول...

سلام الله على أمته..

قصة منتقاة بعناية ووظفت جيدًا..رغم أنها تركت تساؤلات أخرى في غير موضوع التدوينة :)

وعلى كلٍ..أفعال الشخص هي التي تعطي الإنطباعات..!!

اما عن سؤالكم سيدتي..فمن المؤكد أني وقعت في هذا الزلل من قبل لكنِّي لا أذكر الواقعة تمامًا..

تقبلوا أول زيارة لنا..واسمحوا لنا بتكرارها !

أبعد المولى عنكم الشبهات.

موناليزا يقول...

ليس فقيرا من يحب
ــــــــــــــــ
وعليكم السلام ورحمة الله وبركاته
أهلا اهلا بالقمر
أنا الحمدلل بخير ماتحرمش من سؤالك
ازيك انتى ياجميلة؟
ربنا يكرمك ياحبيبتى اشكرك جدا لرأيك

:) بقى لى كتير محدش قالى يا ميس وعشان كده خلاص سماح المرة دى:)

نورتينى حبيبتى وماتغيبيش علينا كتير



**********************************


محمود باحث عن الحب
ـــــــــــــــــ
وعليكم السلام ورحمة الله وبركاته
أهلا بيك أستاذ محمود فى زيارتك الاولى
ربنا يكرمك واشكرك جدا لتعليقك
نورت مدونتى ويسعدنا دوام التواصل



**********************************


داليا
ــــــــ
أهلا اهلا بالقمر
:) اشكرك جدا لرايك ومبسوطة انها فكرتك بايام الاعدادى

ده حقيقى فيه ناس هوايتها الخوض فى الاعراض
بس احنا نعمل اللى علينا ومانديش لحد الفرصة انه يمارس هوايته البذيئة دى علينا:)

نورتينى داليا الجميلة واسعدنى تواجدك



*********************************


ريتشارد قلب القطة
ـــــــــــــــــــ
أهلا اهلا بالقمر
أنا معاكى فى كلامك المفروض اى حاجة نعملها تكون فى الاول لله مش لحد تانى
بس فيه ناس ممكن تعمل ده بسوء تصرف
هحيلك على مشكلة كانت فى احد الفضائيات.. صاحبها بيقول
انه بيساعد سيدة فقيرة بس زوج السيدة دى بيسئ معاملتها
رد عليه الشيخ وقاله وانت تساعد سيدة فقيرة ليه؟ ماتساعد زوجها هو أولى بالمساعدة لانه راجل زيك
فاهمانى حبيبتى انا اقصد ايه؟

أشكرك جدا لرايك فى الموضوعين
نورتينى ياجميلة واسعدنى تواجدك



*********************************


أحمد شريف
ــــــــــ
أهلا بيك أستاذ احمد
ربنا يكرمك واشكرك جدا لتعليقك
يسعدنا دوام التواصل



*********************************


واثقة بربها
ــــــــــ
وعليكم السلام ورحمة الله وبركاته
أهلا بيكِ فى زيارتك الاولى
أشكرك جدا على تعليقك ولكنى اردت تذكير نفسى واياكم بان تجنب الشبهات امر واجب
تسلميلى حبيبتى على رأيك
نورتينى وفى انتظارك دائما



*******************************


وحدى
ــــــــ
وعليكم السلام ورحمة الله وبركاته
أهلا بيك يافندم فى زيارتك الاولى
ربنا يكرمك واشكرك جدا لتعليقك
نورت مدونتى وفى انتظاركم دائما

م/محمود فوزى يقول...

السلام عليكم
فعلا قصه معبره والاستنتاجات مهمه جدا

لان المفروض متتوقعش ان الناس كلها هاتفترض حسن النيه فى حين ان انت نفسك حاطط نفسك فى موضع شبهه بلا داعى

واحيانا موضع الشبهه ده بيجر الشخص للكوارث
زي اللى يقعد مع ناس بتحشش او بتشرب خمر
مع الوقت حتى ولو كان مش بيشاركهم ممكن ييجي اليوم اللى يشاركهم وهكذا

برضه فيه نقطه بتغيظني انه احيانا بالاقى واحد وواحده فى المواصلات يقعدوا فى اخر العربيه او الاتوبيس وتلاقيهم براحتهم شويه
فباتكلم مع الشاب فى ودنه بهدوء
صحيح ان اغلبهم بيستجيب بسرعه
لكن فعلا المنظر بيكون سئ جدا وبيشوه صوره الولد والبنت

اسف للاطاله
ربنا يكرمك ويسعدك

TIMMY !! يقول...

أذكر واقعة لست متأكدا من صحتها , أن عمر ابن الخطاب سمع رجلا يقول : و الله ما أبي بزانٍ و لا أمي بزانية ,
فأقام عليه حد القذف !!

كوكتيل يقول...

فعلا لازم نجتنب الشبهات

لان مو حلوة الواحد يحط نفسه بهذي المواقف أبدا

ليله شتاء يقول...

السلام عليكم
القصة جميلة جدااا
" يا أيتها نفسي اذا أردتى لوم أحد على سوء ظنه بيكي فلا تلومى الا أنا !!!!!!!

معتقدش أنى وضعت نفسى موضع فيه اى شك قبل كده
موضوعك جميل اوى ومميز

دمتى بخير

قطرة وفا يقول...

اسجل اعجابي بالموضوع

دمت بود :)

Dody يقول...

فعلا الاانسان هو الى بيحط نفسه فى موضع شبهات وبعدين يرجع يشتك

بوست جميل

محمد يقول...

السلام عليكم ورحمة الله وبركاته

أختي العزيزة


كلماتك رائعة جميلة معبرة ... والأبهي من ذلك طريقة اغراقنا رويدا رويدا في القصة فجزي الله خيرا قريحتك البكر التي تدعو إلي الخير ورزقنا أن نكون ممن يستمعون القول فيتبعون أحسنه

صادق مودتي وخالص دعائي

موناليزا يقول...

م. محمد فوزى
ـــــــــــــ
وعليكم السلام ورحمة الله وبركاته
أهلا بيك أستاذ محمد فى زيارتك الاولى
أشكرك جدا لرأيك ولتعليقك
وعجبنى استشهادك بموقف المواصلات لانه فعلا بقى منتشر جدا وربنا يهدى الجميع

يافندم انا مش شايفة اطالة ولا حاجة حضرتك تعتبرها زى مدونتك وتاخد راحتك فى التعليق على الآخر:)

نورت مدونتى ويسعدنا دوام التواصل



********************************



تيمى
ــــــ
أهلا بيك يافندم
الواقعة صحيحة ونشكرك على الاستشهاد بها
يسعدنا دوام التواصل



**********************************


كوكتيل
ــــــــــ
أهلا اهلا بالقمر
عندك حق جدا
نورتينى ياجميلة واسعدنى تواجدك



**********************************


ليلة شتا
ــــــــــ
وعليكم السلام ورحمة الله وبركاته
أهلا اهلا بالقمر
أشكرك جدا لرأيك ولتعليقك المميز
نورتينى ياجميلة واسعدنى تواجدك



*********************************


قطرة وفا
ـــــــــــ
أهلا اهلا بالقمر
أشكرك جدا لرايك
نورتينى ياجميلة واسعدنى تواجدك



**********************************



دودى
ــــــــ
أهلا اهلا بالقمر
أشكرك جدا لرايك ولتعليقك
نورتينى دودى الجميلة واسعدنى تواجدك



*********************************



محمد
ــــــــ
وعليكم السلام ورحمة الله وبركاته
أهلا بيك أستاذ محمد بعد طول غياب

ربنا يكرمك وأشكرك جدا فقد كنا نفتقد حقا تعليقاتك المميزة

يسعدنا دوام التواصل