الخميس، 5 أغسطس 2010

صاحبة المايوه

رأيت العيون تنهش جسمها وهى لا تبالى.. وعدم لا مبالاتها من وجهة نظرى ترجع لسبب من إتنين.. يا إما مش واخدة بالها ومعتقدة أنها عادى.. يا إما هى اللى قاصدة أن يتم النظر إليها بهذه الطريقة.
ولذلك أردت أن أوجه رسالتى إليها.. ليس باسم الدين الذى تتوقع أنه قيد لحريتها ولكن باسم كونك إنسان كريم فضله الله على جميع المخلوقات.
إليكِ يا صاحبة الشعر الناعم المنسدل على طول ظهرك.. يا من حباكِ الله بجمال وجسد ممشوق تعتقدين أنه فقط للعرض.
يا من تستمتعين بالمعاكسات اللفظية والنظرات الشهوانية وربما بعض التحرش.
هل تقبلين أن يتم تصويرك هكذا من قبل شخص ما ليحتفظ بالصورة لديه لتثيره من آن لآخر وربما أرسلها لمن هم على شاكلته؟.
هل تقبلين أن تصبحى مجرد سلعة يتم مشاهدتها فقط؟.
ماذا سيكون موقفك إذا تعرضتِ للتحرش أو للإغتصاب.. هل ستستطيعين وقتها أن تلومى من فعل بكِ هذا.. وكيف تفعلى وأنتِ من شجعتيه على هذا!!!.
هل تقبلين أن تموتى على ما أنتِ عليه من عرى؟ وماذا ستقولين لله وقتها فسيبعث المرء على ما مات عليه.
كيف يعطيكِ الله أمانة وتستهترى فى الحفاظ عليها بهذه الطريقة!!.
فشكر النعمة فى الحفاظ عليها.
ليه تتركى انطباع عند أى حد يشوفك إنك رخيصة .. أصل الحاجة الغالية دايماً بتكون متغطية ومستورة للحفاظ عليها من العيون ومن التراب ومن لمس العابثين.

يمكن تكونى مش هتقدرى تمنعى حد من أنه يتحرش بيكِ أو يصورك وأنتِ كده بس الأكيد إنك لو متغطية كويس محدش هيفكر يأذيكِ لأنك ببساطة ماستفزتيش اللى حواليكِ بلبسك.
وعلى فكرة مش معنى إنك فى مصيف أو حتى فى شاطئ خاص أو فى حمام السباحة فى بيتك بس الخدامين عندك موجودين ده يعطيكِ الحق فى إرتداء ملابس فاضحة.
وبالنسبة للمايوه اللى بيقال عليه مجازاً شرعى فأنه يظهر أكثر ما يستر لأنه يلتصق بالجسد وهذا حال جميع الملابس إذا ما جاء عليها ماء وهى ملبوسة.. يعنى برضه ماينفعش تلبسى عباية وطرحة وتنزلى البحر لأن لما هتطلعى كل اللى أنتِ لابساه هيكون ملتصق على جسدك ومن أهم مميزات اللبس الساتر بأنه لا يصف ولا يشف.



إذا كنتى معترضة على كلامى فأرجو توضيح مفهوم العرى من وجهة نظرك؟؟
مع ملاحظة أن اللى سايبة شعرها بيقال عليها معرية رأسها.
وأخيراً ماتزعليش من كلامى وأسلوبى معاكى لأن ده من غيرتى عليكى لإنك إحدى محارم الله التى لا أحب أن تنتهك.
قومى بقى غطى نفسك من ساسك لراسك زى ما بيقولوا.





سؤال جانبى:
ــــــــــــــــــــــ
* خاص بالنساء.
هل تنزلى البحر؟
لو كانت الإجابة نعم.. بتبقى لا بسة إيه؟.
لو كانت الإجابة لا.. ليه؟.
* خاص بالرجال.
ما انطباعاتك عن النساء اللى بينزلوا البحر عموما سواء بمايوه أو بملابس عادية؟.

هناك 27 تعليقًا:

أنا - الريس يقول...

أنا عن نفسي معنديش مانع إن الواحدة تنزل البحر في حالة واحدة وبمايوه كمان لما تكون هيا وجوزها في مكان مفهوش حد وعلي فكرة حدود البحرية كبيرة يعني مش لازم تروح مصيف فيه ناس عشان تصيف .
لكن البنات اللي بتنزل المية بأمانة الله يكون في عونها .. والشباب بتنزل أصلا غير التصيف عشان البنات إلا من رحم ربي .
المصيف أصلا مشروعيته حلال لكن اللي بيحصل فيه من فتن ربنا يسترها علي بناتنا واخواتنا وزوجتنا وامهاتنا قادر يا كريم .

فيه بلاد كتير علي البحر الأحمر عدد الناس فيها قليل والمصايف في شهر 5 بتكون معظمها فاضية وفي مصايف في بورسعيد أوقات السنة اللي بتكون زاجمه هيا فاضية . دا مش اعلان والله بس عشان اللي بيفكر يصيف ويستجم بدون سيئات ونظرات شهوانية لا من الصبيان ولا من البنات .

الزهرة البرية (Joudy) يقول...

أولا يامونى جزيتك بجد على كلامك ده اللى لبسين شرعى مش بيسلموا ما بالك اللى بيتعروا ربنا يهدينا جميعا ويسترنا فى الأرض وفى السماء ويم العرض بإذن الله

هجاوب على أسئلتك كلها اللى خاص بالنساء وبالرجال كمان

أنا أذكر إن أخر مرة نزلت فيها البحر تقريبا من أكتر من 11 سنة أما دلوقتى لو فكرت أنزل هيبقى مجرد ان الميه تلمس رجلى وطبعا هكون بلبسى عادى

أما بالنسبة إلى ان رأيى فى اللى بتنزل الميه أو بمعنى أصح اللى لبسها بيصف فبصراحة أنا نفسى ببقى محروجة ليها ولو بالصدفة شوفت شاب بيدقق النظر فيها بتكسف جدا ومش أنا بس أغلب البنات اللى عندهم حياء كده ربنا يحفظنا جميعا ويسترنا

دمتى بكل الخير والحب والسعادة

lina يقول...

اختي الفاضلة امة الله

السلام عليكم و رحمة الله و بركاته..

بارك الرحمن فيكِ و جزاك خير الجزاء على هاته الكلمات..اسال الله ان ينفع بكِ

اشكرك من الاعماق..

لينا.

طوبه فضه وطوبه دهب يقول...

ربنا يكرمك ويجعله فى ميزان حسناتك وكل عام وانتى بالف خير

جنّي يقول...

السلام عليكم

جزاكي الله خيرا ..

موضوعك مقنع جدا لكل ذات عقل ولكن ما العمل مع من فقدت عقلها .. هداها الله ...

اما عن سؤالك فلا ارى امرأة ذات دين تنزل البحر بملابس او بغيرها امام الاغراب ..

The illusionist يقول...

انا قريت بس معرفتش اعلق عشان النت كان واقف

وبجد من اكتر مدونتين احب اقرالهم

حضرتك وخواطر شابه

مدونات فعلا ليها قيمه

موضوعك بصراحه مش عارفله حل
ممكن ينزلوا بعبايات برضو
اعتقد هتبقى ساتره اكتر
بس مبيعملش كده غير الامهات الفاضلات اللى متجوزين وعارفين الصح من الغلط
قليل لما بنت تعمل كده
وبصراحه النظره اللى هتخرج من الرجل مش بايده

هتبقى نظره كلها شهوه غير محسوبه كمان
اذا كان بيشوف الحاجات دى فى التلفزيون
وبتنطلق نفس النظرات
واحيانا بيبقى مضايق ان ده تلفزيون
ما بالك قدامه
غالبا نظرات حقيره جدا
وغالبا نيات احقر
فغالبا يعنى يا موناليزا
هيبقى الراى العام من الراجل المحترم
انها غير محترمه
ومش متربيه ولا متدينه
ومن الرجل الغير متحضر الشهوانى


.............................


كلام لا يصلح للنشر اكيد

وشوكرا

rack-yourminds يقول...

طب هنعمل ايه في الافكار الغربيه اللي البنات بتقلدها

ولو حاولت تجادل يبقي انت رجعي ومتعصب وغيرها من الاتهامات
______________-

حقيقة غالبية البنات اللي بنشوفها في المصيف اعطت كثير من الشباب انطباع سئ عن الفتيات عموما....لكن اكيد فيه فتيات مازلن يسبحن ضد التيار ويقبضن علي الجمر في هذا الزمن امثال حضرتك بارك الله فيكي

_______________

وزي محضرتك قلتي جميع الملابس لما بتيجي عليها الماءبتلتصق بالجسم ,,,الغريبه بقي انه فيه فتيات لابسه نقاب ونازله البحر!!

______________-

بارك الله فيكي

وحي القلم يقول...

السلام عليكم
أنا مش بحب ان الوحدة تنزل البحر
بس ياريت لو يعملو شاطيء للنساء فقط

Unknown يقول...

السلام عليكم
موضوع يستحق الطرح وتبادل الآراء فيه...

طبعا المصيف أو الاستمتاع بالبحر عامة فهو أكيد مشروع لكن غير المشروع هو طريقة الاستمتاع إن كان فيها ما يغضب الرب..

إذن ما الحل بالنسبة للنساء الملتزمات اللاتي يردن الاستمتاع بما أحله الله؟

1- كما قال البعض، الذهاب إلى مكان هادئ في وقت ليس فيه آخرين، وإن كنت لا أفضل هذا، فما دام الأمر في الخلاء (أي ليس بين جدران) فلا شيء مأمون، لكن إذا حدث فليكن أيضا بملابسها الشرعية، وعلى زوجها (أو محرمها) أن يكون بجوارها حتى يسترها إذا انكشف شيء من ملابسها عرضا.

2- وهو الأفضل في رأيي: هو أن تستأجر المرأة الملتزمة مع مجموعة من رفيقاتها فيلا بها حمام سباحة مغلق لمدة يوم كامل (وهذا الأمر تفعله أختي كثيرا) وتستمتعن
كما يحلو لهن بما أحل الله وفي أمن من عيون الأجانب..

دمتِ سالمة أختي الفاضلة أنتِ وزوارك.

همس الاحباب يقول...

جزاكى الله خيرا
وجعل كلامك تذكرة لكل انسانة تحترم ادميتها وكونها انسانة فضلها الله على سائر المخلوقات
اما ما دون ذلك فالله يهديهم الصواب
هو ارحم بعباده
انا مش من هواة نزول المياه كرجل والحمد لله انى فى نعمة لانى ببقى مشغول طول الصيف فى العمل يعنى لامجال لمصايف والحمد لله
اما بالنسبة للسؤال الجانبى
فاكيد انطباع مزدوج احيانا
هناك اماكن واوقات تكون مناسبة لنزول السيدات بشرط ارتداء ملابس مناسبة
تحياتى

r يقول...

السلام عليكم يا موناليزا
كل سنه وانتى طيبه

من حق البنات بردوا يا موناليزا انها تنزل البحر بس المشكله فين؟

انا السنه دى رحت سفاجا والغردقه
صراحه سفاجا كانت ممتازه وكان بإمكان الاسر والبنات تنزل لانى لم ارى حقا
اى شئ مخل بها ولا اى معاكسات البلد هاديه جدا جدا وبحرها جميل
بس دا الصراحه لم يعطينى الحق فى النزل طبعا
دى السنه الثانيه لى اتخلى عن نزول البحر
اقتناع شخصى

واعتقد ان الجينز افضل لبس لنزول البحر لانه حتى لو مبلول مش بيلزق زى كل اللبس الثانى اكتر شئ بيستفزنى فى البنات او النساء هو العبايات والجلاليب اللى بينزلوا بيها بتكون فظيعه جدا

بالنسبه للغردقه فكل ما كتبتى ينطبق تماما عليها- المناظر المصريه والاجنيه هتخليكى نفسك غير مستريحه الى بتشسوف وانتى بنت زيهم
حاجه تكسف من الاخر بس للاسف مافيش حياء سواء لهم او للرجال ومن اسرهم فى الغالب اما الاغراب فقاموا بالفرجه ببلاش

لازم يا موناليزا بردوا نحط المحجبات فى بالنا لان من حقهم ان ينزلوا البحر ويستمتعوا ودا كانت قريبه لى منقبه تفعله لما كنا بننزل العجمى السنين السابقه نكون على البحر من 7 صباحا مثلا هتلاقى فى بعض المنتجعات خاليه فعلا
ودا افضل وقت لنزول النساء
وربنا يهدى حالنا جميعا ويصلحه
كل الود

MOHAMMED ELBANNA يقول...

أمة الله
موضوع جميل موناليزا .
وأنا معاكي تماماً في موضوع المايوه الشرعي ده .
هو لا شرعي ولا حاجه ... دي كدبة بنضحك بيها على أنفسنا علشان تأنيب الضمير .
تقبلي تحياتي
محمد البنا

نور الدين (محمد الجيزاوى) يقول...

السلام عليكم
ربنا يكرمك ياموناليزا والله

طبعا هو السبب الاساسى الرغبة فى الحصول على إقرار بالانوثة
ودة السبب اللى وراه بتلهث معظم الفتيات وخير نوع من الاعترافات بامتلاكهن رفاهية الانوثة هى نظرة جائعة او كلمة خادشة
وطبعا دة عند البنات ضعيفات الشخصية رقيقات الدين
..
شخصيا لا احترم اى بنت تنزل شاطيء عام مختلط حتى لو نزلت بنقابها

تحياتى لك

salwa يقول...

السلام عليكم اخت موناليزا
نعم في هذه الحالة يكونون كساة عراة
تسلم الايادي و جزاكي الله كل خير
رمصان مبارك
سلام

abdo يقول...

بارك الله فيكى وجزاكم الله خيرا كثيرا

-_- يقول...

ماذا سيكون موقفك إذا تعرضتِ للتحرش أو للإغتصاب.. هل ستستطيعين وقتها أن تلومى من فعل بكِ هذا.. وكيف تفعلى وأنتِ من شجعتيه على هذا!!!.

معقولة ؟


ايه اللي حصل يا جماعة ؟ بقينا بندي اعذار للمتحرش انه يتحرش و يغتصب ؟

البنت اللي لابسة مايوه ممكن تبقى احسن كتير من بنات تانية بتدارى وراء حجاب او نقاب

ان اكرمكم عند الله اتقاكم و التقوى محلها القلب

كفاية تمسكا بالقشور و اكتبوا عن العقيدة اللي بقت لعبة في كل من هب و دب و اصبح الدين مجرد طرحة او نقاب

البنات بقت محجبة و مبتعرفش تصلي ! او مش حافظة اي حاجة من القران .

موناليزا يقول...

مستر بريزيدنت
ـــــــــــــــ
أهلا بيك
مع احترامى لرأيك أنا شايفةإن مفيش حاجة مضمونة واللى هيبص مش هيعمل اعلان لنفسه ويكفى انه مكان مفتوح ويعتبر فى العراء

أشكرك لتعليقك
يسعدنا دوام التواصل

*****************************


الزهرة البرية
ــــــــــــــ
أهلا بيكِِ
وأشكرك جدا لمشاركتك
نورتينى حبيبتى واسعدنى تواجدك


*********************************


لينا
ــــــــ
وعليكم السلام ورحمة الله وبركاته
أهلا بيكِ فى زيارتك الأولى
وأشكرك جدا على رأيك وربنا يكرمك فما تونفيقى الا بالله
نورتينى واسعدنى تواجدك



**********************************



طوبة فضة وطوبة دهب
ــــــــــــــــــــ
أهلا بيكِ
ماتحرمش منك ياحبيبتى
وربنا يبلغنا رمضان ويعيننا على صيامه وقبامه
نورتينى ياقمر واسعدنى تواجدك


**********************************


جنى
ــــــ
وعليكم السلام ورحمة الله وبركاته
أهلا بيك أستاذ سعيد
ربنا يكرمك واشكرك جدا لرأيك ولمشاركتك
يسعدنا دوام التواصل


********************************


زا اليوسينت
ـــــــــــــ
أهلا بيك
ربنا يكرمك يارب وأشكرك جدا على رأيك فيما أكتب فماتوفيقى الا بالله

مع احترامى لرأيك العبايات هتكون ملتصقة على جسدهم وهما طالعين من البحر يعنى ولا كأنهم لابسين حاجة ولأنهم أمهات فاضلات المفروض يحترموا سنهم

وأحييك على رأيك الصريح يمكن اللى بتلبس مايوه تقرأه وتتكسف

أشكرك لمشاركتك
ويسعدنا دوام التواصل


***********************************


راك يورمايند
ـــــــــــــ
أهلا وسهلا
أتمنى ان تقرأ تعليقك كل من تنزل البحر

أشكرك لمشاركتك
يسعدنا دوام التواصل


********************************


مصعب صلاح
ـــــــــ
وعليكم السلام ورحمة الله وبركاته
أهلا بيك
أشكرك جدا لمشاركتك
يسعدنا دوام التواصل


*********************************

ماجد القاضى
ــــــــــــــ
وعليكم السلام ورحمة الله وبركاته
أهلا بيك أستاذ ماجد
أشكرك جدا لرأيك فى الموضوع
واسمحلى أرد
1- حتى لو أحد محارمها معاها هيعمل ايه والملابس ملتصقة أصلا على جسدها
2- هذا الأمر أيضاً لا أستسيغه لأن هناك حديث فيما معناه إذا خلعت المرأة ملابسها فى غير بيتها فقد هتكت مابينها وبين الله.. ده غير أن الامر اكيد هيكون مكلف ومش كل النساء تقدر على ده
أنا عن نفسى شايفة لو النساء مانزلتش البحر مش هيحصلهم حاجة يعنى

أشكرك جدا لمشاركتك
يسعدنا دوام التواصل


********************************

موناليزا يقول...

همس الاحباب
ــــــــــ
أهلا بيك استاذ خالد بعد طول غياب
ربنا يكرمك
واشكرك جدا لتعليقك
يسعدنا دوام التواصل


********************************

بسنت
ــــــ
وعليكم السلام ورحمة الله وبركاته
أهلا بيكِ بعد طول غياب
وانتى طيبة ياحبيبتى وبالصحة والسلامة

وفيها ايه يا بسنت لو البنات اتنازلت عن الحق ده مقابل سترها لجسدها وعدم تعرضها لأى شئ يؤذيها

:) ربنا يعزك عجبنى بجد اقتناعك بحاجة وتنفيذك ليها

وانا معاكى ان الجينز كويس بس أصلا البناطيل لوحدها كده حرام لانها بتصف حجم كل ساق على حدة وحتى لو هتلبس عليها بلوزة طويلة طيب ماهى البلوزة هتكون ملتصقة عليها

ماهو لأنى محجبة شايفة ان مفيهاش حاجة لو النساء امتنعت عن نزول البحر.. أنا عن نفسى بصيف وبستمتع بوقتى من غير ماانزل البحر:)

ماهو لو كل واحدة راحت الساعة 7 الصبح ومعاها احد محارمها مش هيكون مكان قاضى:)

أشكرك لتعليقك
واسعدنى تواجدك


*********************************


محمد البنا
ـــــــــــ
أهلا بيك أستاذ محمد
أشكركجدا على تعليقك ومشاركتك
يسعدنا دوام التواصل


*********************************


نور الدين
ـــــــــــ
وعليكم السلام ورحمة الله وبركاته
أهلا بيك أستاذ نور
الله يخليك

أشكرك جدا لتعليقك وياريت اى واحدة بتنزل البحر تقرأه

يسعدنا دوام التواصل


**********************************


سلوى
ـــــــ
وعليكم السلام ورحمة الله وبركاته
أهلا بيكِ
ربنا يكرمك واشكرك جدا لتعليقك
نورتينى ياجميلة واسعدنى تواجدك


********************************



عبده
ــــــ
أهلا بيك
الله يكرمك
أشكرك جدا لتعليقك
يسعدنا دوام التواصل


********************************


شارم
ــــــ
أهلا بيك
مين قال يافندم اننا بنعطى اعذار للمتحرش والمغتصب !!!!
كلامى للمرأة لكى تعرف ما يمكن ان يحدث وبكل سهولة لها نتيجة اثارتها لمن حولها وهذا غير مستبعد .. اذا كانت المرأة المحجبة والمنتقبة يتم اغتصابها والتحرش بها فما بالك بمن هى شبة عارية

وانا مابكلمش عن الاخلاق والطباع لان دى حاجات مابتبانش غير فى التعامل المباشر ولكن يظل الانطباع عن الكاسية العارية غير ظريف
ولا أناقش هنا موضوع الحجاب والالتزام واداء الصلوات
فانا هنا اتحدث للمرأة عموما سواء مسلمة أو لا
لكى تعرف بأن جسدها غالى وليس سلعة للعرض

أشكرك لتعليقك
يسعدنا دوام التواصل

-_- يقول...

اشكرك
------------------------
مين قال يافندم اننا بنعطى اعذار للمتحرش والمغتصب !!!!
------------------------

اختي الفاضلة , كلامك وصللي كده و مش انا بس والله و دي مش غلطتك و لكن المجتمع فيه اخطاء فمش لازم نيجي على المرأة انها سبب الفساد في الارض و هقولك ايه اللي ضايقني في البوست

--------------------
يا صاحبة الشعر الناعم المنسدل على طول ظهرك ...... هل تقبلين أن يتم تصويرك هكذا من قبل شخص ما ليحتفظ بالصورة لديه لتثيره من آن لآخر وربما أرسلها لمن هم على شاكلته؟
--------------------

طيب , شوفي انتي كتبتي ايه ؟ واحد انتهك حرية واحدة و جايبين اللوم على صاحبة الشعر الطويل انها هي اللي غلطانة ! في اي دولة محترمة اللي يعمل كده بيتحاكم


-------------------
.ماذا سيكون موقفك إذا تعرضتِ للتحرش أو للإغتصاب.. هل ستستطيعين وقتها أن تلومى من فعل بكِ هذا.. وكيف تفعلى وأنتِ من شجعتيه على هذا!!!
-------------------

نفس الحاجة , انتي تقولي ان المرأة كده هي سبب الفساد و هي اللي شجعته مع المفروض نقول اننا بنطالب مثلا بتغليظ العقوبة على كل واحد ينتهك حرية انثى ؟, عندنا في امريكا اللي بيخطف انثى يوم واحد بيتحكم عليه بؤبد ! تخيلي ؟ لو خطف انثى كأنه قتل !! فبجد مع كل مظاهر عدم الحشمة متلاقيش واحد بيعاكس , المشكلة عندنا اننا قالبين الاية , البنت هي اللي غلطانة لو حد عاكسها و البنت هي اللي مفروض تتحبس في البيت عشان محدش يبصلها

عايز اقولك انا معجب بفكرة اننا نتكلم عن فكرة الاحتشام في الملابس بوجه عام و جزاكي الله كل الخير و ان كنت اتمنى ان اجد في المدونات عما قريب موضوعات تتكلم عن عقوبات حقيقية لكل من يتحرش بأنثى ..

ويكا يقول...

يا نهااااااار ابيييييض

دا انا بقالى تلات ايام بحاول ابعتلك التعليق ومش عارف.

عموما انا نسيت كنت هكتب ايه :
بس بصراحه الله ينور ، ويكرمك

بجد انا احترمتك فوق العادى ، بجد بنت بنت يعنى.

عموما ، انا بستأذنك انى اخدت البوست زى ما هو بالظبط ونشرته هناك عندى باسمك طبعاً ، لانه بجد جه فى وقته بطريقه غريبه .

وغالبا لخص كل اللى كنت عايز اكتبه

لو مش موافقه ، يبقى هنشره برده.

ههههههههه
لانى نشرته خلاص

شكرا ياباشا

♥ ♥ Amira Samy ♥ ♥ يقول...

جزاك الله أختى على الموضوع
و النصائح و انا بنزل البحر
بس بحاول على قد ما اقدر
ألبس لبس مغضبش ربنا فى لبسى
أشكرك مرة تانية على النصائع
و أعدك أن أخذ بها
تحياتى لك و بارك الله فيك
رمضان كريم و كل عام و انتى بخير

ذكرى رحيل قلم يقول...

السلام عليكم
كل سنة وانت طيبة اللهم بلغنا رمضان

نسأل الله العفو والعافية

ربنا يهدينا جميعا

موناليزا يقول...

شارم
ــــــــ
أهلا بيك يافندم

أعتذر عن عدم قدرتى فى توصيل المعنى بطريقة واضحة
وأشكرك لتوضيح النقاط التى لم تعجبك فى الموضوع

ولكنى أوجه كلامى للنساء حتى تشعر بسلبيات ما ترتدى
وطبعاً لا أعطى الحق فى انتهاك الحرية أو فى التحرش والإغتصاب ولكن هذا بالفعل ما سيحدث من أى شخص مريض نفسياً- وهم كثر- وبغض النظر عن سلوك الفتاة هى بالنسبة له أنثى عارية تثير غرائزه
وطبعا هو ممكن يتحاكم لو البنت عرفت أصلاً أنه صورها أو قدرت حتى تعرف اسمه وبعدين اللى بيعمل كده بيكون زى الحرامى اللى بيسرق وبيطلع يجرى قبل ما حد يمسكه
ولو حصل واتمسك اى محامى شاطر ممكن جدا يطلعه براءة ومش بعيد يتبلى عليها كمان وانها هى اللى شجعته
أخى الكريم أنا أتحدث عن أرض الواقع وليس عن المدينة الفاضلة
وبعدين فيها ايه لو هى صانت جسمها وغطته!!

:) عندنا فى مصر الوضع مختلف

وانا معاك طبعا ان المفروض العقوبة على المتحرش أو المغتصب تكون قاسية بحيث انه يكون عبرة لغيره ولكن هذا ليس مجال موضوعى
فأنا أتحدث للمرأة لكى تصون جسمها مهما كانت ديانتها

ويبقى أن تجيب على السؤال الخاص بالرجال
ما انطباعاتك عن النساء اللى بينزلوا البحر عموما سواء بمايوه أو بملابس عادية؟
وأضيف ليك سؤال بصفة خاصة
هل تقبل على زوجتك أو أحد من نساء بيتك أن ترتدى مايوه؟؟ ولماذا؟.

أشكرك جدا لمتابعتك
ويسعدنا دوام التواصل



**********************************


ويكا
ــــــ
أهلا بيك يافندم
معقول:)
ولا حتى بعد ما عملت ريفريش للصفحة!
معلش يافندم عندى أنا المرة دى

بتحصلى كتير الحركة دى وخصوصا فى المدونات اللى مربع التعليقات بيكون فى نفس صفحة الموضوع
عموما عودا أحمدا:)


الله يخليك.. أشكرك جدا لرأيك والحمدلله الذى هدانى لهذا

:) تحت أمرك يافندم
وبشكرك جدا

نورت مدونتى
ويسعدنا دوام التواصل


*********************************


سلسبيل
ــــــــ
أهلا اهلا بالقمر
تعليقك اسعدنى بجد
وربنا يعزك ياحبيبتى ويثبت ويحفظك من كل شر

وكل سنة وانتى طيبة ويارب مضان يكون شهر ملئ بالطاعة والخير علينا جميعا
نورتينى ياجميلة
واسعدنى تواجدك


********************************


رهف قلبى
ـــــــــ
وعليكم السلام ورحمة الله وبركاته
أهلا اهلا بالقمر
وانتى طيبة ياحبيبتى وبالصحة والسلام
ونسأل الله العفو والعافية والهداية لنا جميعا
نورتينى حبيبتى واسعدنى تواجدك

-_- يقول...

ما انطباعاتك عن النساء اللى بينزلوا البحر عموما سواء بمايوه أو بملابس عادية؟

عادي , دول او دول عادي ! لا اقدر اقول عن واحدة نزلت البحر بمايوه انها كافرة او داعرة ! ولا اقدر اقول عن واحدة منزلتش خالص انها محترمة و مؤدبة !

كل انسان حر في حياته !


================

هل تقبل على زوجتك أو أحد من نساء بيتك أن ترتدى مايوه؟؟ ولماذا؟.


لا طبعا , لان ده مخالف لعادتنا و تقاليدنا الاسلامية في الملابس المحتشمة عموما

أتنين حبيبين يقول...

السلام عليكم ورحمة الله وبركاته
جزاكى الله كل الخير غاليتى أمة الله
وجعل البوست بميزان حسانتك
ونفع بكى

هل تنزلى البحر؟
لو كانت الإجابة نعم.. بتبقى لا بسة إيه؟.
لو كانت الإجابة لا.. ليه؟

أه بنزل البحر بس بصراحه مش بنروح غير كل كام سنه مره وبيكون صدفه
بنزل بأسترتش وعليه تشيرت
اه بجد والله وصح زى ما قولتى بيكون منظرنا مش حلو لان لما بنتبل بيبان كل شىء
ربنا يسمحنا ويغفر لينا
وكل سنه وانتى طيبه
ورمضان كريم

ومتشكره على مرورك اللى اسعدنى اووى ويبقا التواصل ان شاء الله
منتظراكى حسام خطيبى عمل بوستت ويهمنا مشاركتك
مودتى

ستيتة يقول...

كل عام وانتي بألف خير وسعادة
ربنا يتقبل منا ومنك رمضان
ويعيده عليكي بكل خير وسعادة يارب
تحياتي

موناليزا يقول...

شارم
ــــــــ
أهلا بيك
أشكرك جدا لمشاركتك
يسعدنا دوام التواصل



********************************


اتنين حبيبن
ــــــــــ
وعليكم السلام ورحمة الله وبركاته
أهلا بيكِ
أنا سعيدة جدا بتعليقك
وربنا يرشدك للطريق الصح ويحفظك من اى شر
نورتى مدونتى وفى انتظارك دائما



*********************************



ستيتة حسب الله الحمش
ــــــــــــــــــــ
أهلا اهلا بنبض الحكمة
وانتى طيبة ياحبيبتى وبالصحة والسلامة
ويارب يكون شهر ملئ بالخير والطاعة علينا جميعا
نورتينى واسعدتينى بتهنئتك الرقيقة