الأربعاء، 7 ديسمبر، 2016

لم تك بغيا







إيمان العاصي اتخطبت
كندا علوش اتكتب كتابها
خبر الارتباط عادي ياخد المساحة دي في حياة الفنانين
لكن اللي لفت نظري في الخبرين تعليقات الناس
إيمان اتخطبت رغم انها مطلقة ومعاها طفلة 
وكندا اتكتب كتابها رغم انها مطلقة ومعاها ولدين
والعرسان ما اتجوزوش قبل كده
وكأن العرسان دول فدائيين وضحوا بالغالي والنفيس علشان يرتبطوا بالعرايس المذكورة!!
أحب قول لـأصحاب التعليقات دي
إن لو العروسة معيوبة أو العريس شايفها مش مناسبة ليه لو كانت ملكة جمال مكنش بص لها
أنتم بس اللي شايفينها معيوبة مش حد تاني
هو ما منش عليها بارتباطه بيها..
ده غير إن لفظ (مطلقة) مش عار.. علاقة تمت في الحلال وانتهت .. مفيش جرم حصل.
الدور والباقي على العريس اللي وارد يكون اتجوز عرفي قبلها ومحدش يعرف، أو كان مقضيها من غير جواز أصلا وعايش حياته طول وعرض ولا حد يقدر يمسك عليه ورقة تدينه!!
مين هنا يستاهل الاحترام
العروسة اللي اتجوزت قبل كده في النور
ولا العريس اللي غلط ومحدش يعرف غير بس شريكته في ده.
(ده مجرد مثال مش اتهام للعرسان المذكورة)








هناك تعليق واحد:

P A S H A يقول...

الأولانية كانت جارتنا زمان ،، وكانوا ساكنين في البلكونة اللي تحت اللي قدامنا في شقتنا القديمة وأعرف أسرتها كلها .. كبرت و بقت ممثلة و مشهورة و اتجوزت و خلفت و اتطلقت و اتخطبت تاني. كل ده حصل امتى ؟؟ .. دي أختها الكبيرة أصغر مني بأربع خمس سنين؟؟
ربنا يصلح حال الجميع .. البوست ده بيفكرني باحتفالك السنوي بمدونتك؛ اللي كل ما أشوفه أقول: يا سبحان الله هي السنة لحقت خلصت؟؟
العمر بيجري بسرعة قوي ..
قوي