الأربعاء، 25 يناير، 2017

من كتاباتي (55)






1- قال: أنا مش مقتنع بالحجاب

ردت: خلاص ماتلبسوش 

=====

2- وعادي جدا تكون اتجوزت لكن ما تحضنتش

 ولا اتباست ولا اتشافت ولاحتى ايديها اتمسكت

يادوب فقدت عذريتها بالحلال مع زوج فرغ بها شهوته

وعادي برضه لما تطلق تبقى في نظر المجتمع مستعملة ومعيوبة

=====


3- اوعي تتنازلي عن دينك ومبادئك علشان ترضي حد لأنك من غيرهم ولا حاجة.

=====

4- في بلد أكثر تحضرا ورقيا

محدش يقدر يهدد حد بصور أو رسايل لأن ده هيعتبر انتهاك للخصوصية

 تستوجب العقاب

======

5- "أوبن مايند" مصطلح كثر استخدامه مؤخرا

بالنسبة لي اعتبر من يتسم بالفكر الواسع هو من يتقبل الآخر مهما اختلف معه

 وأعطاه مطلق الحرية في التعبير دون أن يسخر منه

ومن ثم لايفرض آراءه على الآخرين.

======


6- لما يكون عندك ضيوف ومعاهم أطفال

طبيعي تقدمي للأطفال من واجب الضيافة اللي هتقدمي منه للكبار

مش تعتبريه نكره أو حاجة مش موجودة والواد يفضل يبص للي في إيديهم بحسرة.

====


7- 

عزيزي الرجل: الفرق بين انك تتجوز واحدة من اختيارك وباقتناعك التام

 وبين اختيار الست الوالدة

زي بالظبط الفرق بين ذوق الهدوم اللي كانت امك بتشريهالك وانت صغير

 وبين ذوق الهدوم اللي بقيت تشتريها لنفسك بعدين.






هناك تعليقان (2):

P A S H A يقول...

أول واحدة عجبتني .. رد مفحم الصراحة
:)

محمد سلامة يقول...

الهدوم اللي كانت بتجيبها أمي أحسن وبراند :))