الأربعاء، 10 يناير 2018

غض البصر






{قُلْ لِلْمُؤْمِنِينَ يَغُضُّوا مِنْ أَبْصارِهِمْ وَيَحْفَظُوا فُرُوجَهُمْ ذلِكَ أَزْكى لَهُمْ إِنَّ اللَّهَ خَبِيرٌ بِما يَصْنَعُونَ (30)}
غض البصر أمر ألهي واضح وصريح ومافيهوش جدال أو أي تأويل محتمل.
غُض البصر لما تشوف واحدة ماشية في الشارع.. واعرف انك أكيد عندك زيها في البيت (أمك، أختك،بنتك، زوجتك......
غُض البصر لما تلاقي واحدة طرحتها الهوا بيطيرها ولا فستانها اترفع ولا حتى وقعت (بتبص على إيه!! ماتحترم نفسك)
غض البصر لما جيرانك يكونوا فاتحين شباك ولا مواربين باب وباين تفاصيل حياتهم (خليك في حياتك أنت.. ده مش تليفزيون)
غض البصر قبل ماحد يفتح لك الباب .. مش لازم تبقى واقف قريب أوي من الباب وعينك راشقة في اللي فاتحلك (ابعد شوية علشان النفس)
غض البصر لما تزور حد.. مالوش لازم تجيب المكان من فوقه لتحته بعينيك وتحفظ شكل السجادة وتقيم ماركتها ونوع النجفة وطقم الأنتريه (أنت مش جاي تشتري)
غض البصر لما تكون طبيب ومسموح لك تطلع على الأجساد.. مالوش لازمة تبقى مركز حتى في نوعية الملابس الداخلية (خليك في شغلك وبس)
غض البصر مع صاحبك اللي معندوش غير طقم واحد بيلبسه دايما وبلاش تعليقاتك السخيفة (أنت مابتقبضوش من جيبك)
غض البصر عن اللي اتطلقت واللي اتجوزت واللي خلفت واللي سقطت مثلا ومالوش لازمة تتابعوا حياة الناس وعوراتهم (افتح التليفزيون وسلي نفسك زي مايعجبك)
غض البصر مش مقتصر على نوع بعينه
ده للذكر مع الذكر والأنثى
وللأنثى مع الذكر والأنثى
غضوا البصر
لا تجسسوا
الحياء شعبة من شعب الإيمان



هناك تعليقان (2):

محمود حسن العدل يقول...

احسنتى اختى الكريمه امه الله
بوست هايل هادف غض البصر
لو فعلا كل واحد قبل مايفكر يسلط نظرة على حرمات الغير ان فى حد تانى هايعمل نفس الشيئ واكثر لان الجزاء من نفس العمل اعتقد ماكنش حد فكر مجرد تفكر انه ينتهك حرامات غيرة
اللهم ارحمنا واخرجنا سالمين امين .. وانت ياارحم الرحمين راضى عنا
تحياتى الى شخصك الكريم واسال الله ان يجعل موعظتك فى ميزان حسناتك

مملكة نادية سعيد يقول...

احسنتي حبيبتي موضع هايل فعلااويستحق الوقفه امامو تحياتي اختي وموفقه باذا الله