الثلاثاء، 11 مارس 2008

شعار الحضارة


كثيراً ماينادون بسلام الشعوب ويعقدون لها مؤتمرات وندوات يحضرها سادة الشعب ولكن هناك سلام أهم من سلام الشعوب لايهتم به أحد وهو السلام الداخلى الذى يشعر به الفرد حين يتصالح مع نفسه.

فما أجمل أن يحيا الإنسان حياة هادئة مع الذات خالية من أي صراع حول لاشئ.

ما أجمل أن يسمو بانفعلاته إلى الحد الذى يجعله يتحكم فيها.

ما أجمل أن يرضى بذاته ويتقبلها كما هى.

ما أجمل أن يشعر بفيضاً من الرضا الداخلى.

ما أجمل أن يعلم أن الحياة ليست كما يحب أن تكون ولكنها تكون كما قدر لها.

ما أجمل أن يشعر بسلام مع نفسه حتى يستطيع أن يشعر به مع الآخرين.

ما أجمل أن يعرف الهدف الحقيقى لوجوده ويعمل على تنفيذه.

ما أجمل أن يشكر الله على المحن وليس على النعم فقط.

ما أجمل أن ينظر الى الحياة نظرة وردية خالية من التعقيدات.

ما أجمل أن يوقن أن لكل باب مفتاح.

ما أجمل أن يتذوق حلاوة الايمان.

ما أجمل أن يوقن بأن الله هو مالك الملك.

وما أغلى هذا السلام لو وجد عند كل إنسان.

هناك 45 تعليقًا:

د/اجدع بنوته يقول...

مااجمل انى ادخل مدونتك ياشيخه

يااااه ع كمية الهدوء النفسى

اللى بحسه لما بقرى كلامك

بجد

بجد

بحبك ف الله

بارك الله فيكى

موناليزا يقول...

أختى الحبيبةد/ أجدع بنونة
أحبك الذى أحببتنى فيه ربنا يبارك فيكى ويمتعك بالصحة والعافية يارب
بتسعدنى زيارتك جدا ومتعرفيش كلامك الحلو ده بيشجعنى ازاى على الكتابة ربنا يجازيكى خير ويارب أفضل عند حسن ظنك دايما

Hossam Nasr يقول...

السيدة monaliza

لو وجد كل منا السلام مع نفسه وأستطاع أن يستعصم به لفاز بالجنة مرتين! ولكن الكريم المتعال قال "لقد خلقنا الإنسان في كبد" أي في مشقة وتعب متواصل "وهديناه النجدين" وعليه أن يختار. يدعي البوذيون أنهم يتواصلون مع أرواحهم وترقي بهم لأعلى من مستوى الجاما الذي يعني الراحة والإسترخاء والسلام النفسي وهم أبعد الناس عن ذلك فهم لا يعرفون الواحد الحق الرحمن. رأيي الشخصي أن السلام الحقيقي في دار الخلد، فهذا هو السلام الدائم الغير منقطع. أما الملك الذي وصل إليه السلف وأقسموا أنه لو علم عنه الملوك وأبناء الملوك لجالدوهم عليه فهو محفوف بحروب مع الشيطان وأنتكاسات وعودة وثبات ومعصية وتوبة وتقصير وعودة. والثبات على المنهج هو الطريق لا السلام والأمان النفسي بحد ذاته.

أسلوبك الماتع هذا وإخلاصك في كلامك هو ما يجبرني على تناول موضوعاتك بالتدبر والتفكير وكثير من التأمل فاستمري على بركة الله في إمتاعنا

تقبل الله منا ومنكم صالح الأعمال

كرياكو يقول...

فعلا انا حسيت بهدوا وانا بقرا كلامك
دى تانى مرة ادخل فيها مدونتك
المرة اللى فاتت معرفتش اسيب فيها كومنت
بس المرادى مش هقول جزاكى الله خيرا
عما فعلتية بداخيلى

الفارس الملثم يقول...

كل تلك الاشياء لو سادت بين البشر لتحولت الارض لجنة , لكن للاسف مثلما يوجد الخير توجد نزعة الشر في نفس كل انسان فهو لا يرضي ولا يقنع ولا يغفر بسهولة ..

جميل اوي الصفاء النفس التي تنبض به كلماتك ونرجو مثلك ان يكون العالم بهذا الجمال التي تمنيتيه..

تقبلي مروري

على خطى الحبيب يقول...

بتحيه الاسلام ألا وهى (السلام),
السلام عليكم ورحمه الله وبركاته..
أعلم جيدا ان هذه الكلمات تخرج من قلب نابض بالايمان,قلب يحيى بحب الله لطاعه الله,ومنها
بحييكى على محاولاتك المستمرة من أجل العمل على أحياء قلوب كل من يزور هذه المدونه الرائعه,
((اللهم أحيي قلوبنا يارب..اللهم أحيينا مسلمين وأمتنا مسلمين)يارب العالمين.
تمنياتى ليكى بمزيد من التفوق والنجاح
(وأحتسبى الآجر من الله عز وجل).
...تحياتى

الطائر الحزين يقول...

من وجد الله فماذا فقد


الحمامة وغصن الزيتون

قتلوا الحمام
واحرقوا اغضان الزيتون


تحياتى

مدحت محمد يقول...

مفيش اجمل من السلام النفسى فعلا
عارفة الانسان اللى بيبقى دايما قريب من ربه
دايما بيبقى عايش فى هدوء وراحة نفسية

الف تحية ليكى

khobayb يقول...

ما أجمل أن يشعر بفيض من الرضا الداخلى.

ما أجمل أن يعرف الهدف الحقيقى لوجوده ويعمل على تنفيذه.


---


راااااااااااااااااااائعة

شكرا جزيلا جزيلا جزيلا

شريف طلال يقول...

جميييييييل جداً كلامك
بجد هايل و مدونتك ممتازه
يا ريت تستمرى
شكراً ليكى
تحياتى

موناليزا يقول...

whispers just for anight
الاخ الفاضل/يسعدنى تعليقك وتناولك لما أكتب بهذا التدبر فهذا يفيدنى حقا
جزاكم الله خيرا

*********************************
كرياكو
هذا من فضل ربى
نورت مدونتى وتسعدنى زيارتك دائما
********************************
الفارس الملثم
يسعدنى مرورك دائما ولتعتبر كلماتى دعوة منى للتصالح مع النفس
******************************
راجى عفو ربه
وعليكم السلام ورحمة الله وبركاته
أشكرك جدا على متابعتك لكتاباتى وأسعدنى تعليقك
اللهم يامقلب القلوب ثبت قلوبنا على دينك
تقبل الله منا ومنكم صالح الاعمال
**********************************
الطائر الحزين
يعجبنى دائما أسلوبك فى التعليق
جزاكم الله خيرا
*****************************
مدحت محمد
معاك حق فعلا انت تقدر تحكم على الشخص من خلال تحكمه فى انفعالاته يعنى العصبى طول الوقت تحس ان عنده مشكله جواه فى السلام النفسى وصدق رسولنا الحبيب صلوات الله وسلامه عليه حينما قال "من كظم غيظا وهو قادر ان ينفذه دعاه الله على رؤس الخلائق يوم القيامة يخيره من الحور العين ما شاء" فعلا قليل من يستطيع التحكم فى انفعالاته
اللهم ارزقنا رضاك والجنة
اللهم ارضنا بقضائك
دمت طيبا ولمدونتى زائرا
*****************************
خبيب
ربنا يكرمك
نورت مدونتى وأشكرك على تعليقك

موناليزا يقول...

شريف طلال
أشكرك على هذة الكلمات المشجعة
دمت طيبا ولمدونتى زائرا

belal يقول...

في الجنة بإذن الله
..

belal يقول...

تعليق جانبي بس
بلاش حكاية مراجعة التعليقات دي
..

موناليزا يقول...

other_ things
اهلا بيك
خليك متفائل واطلب السلام الداخلى من ذاتك ويارب ارزقنا جميعا الفردوس الاعلى
براجع التعليقات عشان أضمن انى اقراجميع التعليقات على جميع المواضيع ومن ثم أستطيع الرد وبعدين الموضوع ده مضايقك ليه كده
نورت مدونتى

belal يقول...

في حاجة أسهل من كده عشان تقري كل التعليقات على كل المواضيع ادخلي عندي هتلاقي عالجنب آخر التعليقات
وهتلاقي تحت التعليقات مكتوب


Add this widget to your blog

دوسي عليها واشتركي في الخدمة دي
وانتي براحتك تحددي كمية التعليقات اللي تظهر
..

موناليزا يقول...

أشكرك على اهتمامك وعلى النصيحة وان شاء الله هجربها
دمت طيبا ولمدونتى زائرا

ahmed mefrh يقول...

السلام عليكم
وما اجمل مما قلتيه اختنا ......و لكنها النفس

تحياتى ابو مفراح

كريم بهي يقول...

موناليزااااااا

لما دخلت عندك حسيت بالهدوووووء حتى قفلت الاغنية عشان اقرا وصورة الحمامة اشعرتنى بالامان اوى

بجد كلامك جميل والسلام اللى بتكلمى عليه نابع من سلامك مع نفسك والاخرين حقيقى
تحياتى
تحياتى جدا

كريم بهي

غير معرف يقول...

موناليزا
انا بجد سعدت جدا بقراءه ما خطته اناملك
فما اجمل ان يرضي الانسان عن ربه و يرضي بما قسمه الله له
السلام الحقيقي يكمن في مصالحه النفس فالرضا كنز
و كلماتك كنز
سعدت بمروري علي مدونتك الاكثر من رائعه غاليتي
بارك الله فيكي

غير معرف يقول...

اختي الغاليه موناليزا
انتي رائعه فما اجمل ما خطته اناملك من كلمات تحمل اغلي المعاني
فما اروع ان يعيش الانسان في سلام مع نفسه
ان يرضي عن ربه
و ان يرضي بما قسمه الله له
فيرضي عنه الله
و يفوز بالدنيا و الاخره
اسال الله ان يجمعنا و اياكي في الجنه
بارك الله فيكي اختي الحبيبه
سعدت بالمرور علي مدونتك الرائعه

DayDreaming يقول...

ما اجمل كلماتك وما اجمل الاحساس بها

Hosam Yahia حسام يحيى يقول...

ماشاء الله بوست

رااااااااااااااااااائع

وفقك الله

الى الامام دائما

Eman Eltaher يقول...

فعلا مفيش اجمل من السلام الداخلى
السلام الروحانى


تعقيب معلش : انتى كان قصدك اشتريت ايه بالظبط ؟؟
البوست كله مفيهوش بيع و لا شرا !!

dina seliman يقول...

ما أجمل أن ينظر الى الحياة نظرة وردية خالية من التعقيدات.

ما أجمل أن يوقن أن لكل باب مفتاح.


ما اجمل ما كتبتى عزيزتى

dr_modymodak يقول...

بسم الله ما شاء الله

بارك الله فيكي يا موناليزا انا ندمان اني مدخلتش المدونه دي قبل كده

طبعا عندك حق في كل كلمه قلتيها

تقبلي مروري

only spot يقول...

ما اجمل ان يتعرف المرء على مدونه رقيقه وجميله وشفافه مثلك
كم سعدت فعلا بزياره مدونتك واتمنى لك التوفيق والفوز برضا الله
تحياتى

مجداوية يقول...

ما اجمل ان تصلى لليقين وهى ان هذه الدنيالا تستحق كل هذا الصراع وكل هذاالعناء وكل هذاالقتل وسفك الدماءوكل هذاالجبن وكل هذا الاستسلام والذل ,,يا ليت الكل يدرك هذا الجمالولكن لو أدركه الكل لكانت الدنيا جنة وهى ليست كذلك

la3lahakhier يقول...

يا ستى ما اجملك

صوت من مصر يقول...

كلام جميل بجد

همس الاحباب يقول...

العزيزة موناليزا
تقبلى مرورى لمدونتك الرائعة
وحقا ما اجمل السلام مع النفس
سلمت يداكى ووفقك الله
بوست رقيق ورائع
تحياتى خالد

arsenalwy يقول...

ما اجملك

فقد جمعتى كل الاشياء التى تجعل الانسان مستريح نفسيا

شكرا

فزلوكة يقول...

موناليزا
طبعا أول مرة آجى هنا
لكن إن شاء الله مش آخر مرة

السلالالام الداخلى
أعتقد إنه نابع من سلامنا مع الله عزوجل

لما بنرضى عن نفسنا وكل تفصيلات حياتنا

دمت بسلام وهدوء

dr.gesho يقول...

راااااااائع
تعرفى لو عملنا كده فعلا مشاكل كتير جدا من اللى بنعيشها هتحل
المشكله مش فى الغلاء ولا الحكام و لا الفساد
المشكله فى الفرد لو كل واحد اصلح من نفسه اكيد هنبقى حاجه تانيه
استمرى
تحياتى

ابو صهيب ( الجمعاوي الاصيل)سابقاً يقول...

بارك الله فيكي

وحقق احلامك

معلش انا سمتها احلام

بجد مش حاسس انها غير احلام

Desert cat يقول...

رضا الذات ياتينا من رضا الله علينا
وحبنا للآخرين ومساعدتهم لفعل الخير والشد من أزرهم
هذا هو الرضا التام لله سبحانه وتعالى ثم لذاتنا
تحياتى

Unknown يقول...

ما راوعة سلام وما اصعبة فى نفس الوقت
تحياتى

الزواج.....روضة الحب يقول...

فعلآ ماشاء الله إسلوبك مبعث هدوء وكلآمك حلو اوى ،بس معلش سامحينى يمكن ماتعرفيش إن العلامات التنجيمية والابراج والحاجات دى حرام ،ياريت تحزفيها من عندك وربنا يوفقك لرضاه0

موناليزا يقول...

ابو مفراح
وعليكم السلام ورحمة الله ويركاته
أهلا بيك استاذ ابو مفراح
أشكرك على تعليقك ونورت مدونتى
********************************
كريم بهى
اهلا بيك يا استاذ كريم
ربنا يبارك فيك ويكرمك
أسعدنى تعليقك جداو
نورت مدونتى
**********************
عاشقة الجنة
أختى الحبيبة/مرورك لمدونتى أفتخر به وتعليقك بهذة الكلمات الرائعة لشرف لى
يسعدنى دائما تواصلك معى
اللهم اجمعنا فى ظل عرش الرحمن فى يوم لاظل فيه الا ظله
********************************
daydreaming
ربنا يكرمك
نورت مدونتى وأشكرك على تعليقك
*******************************
حسام يحيى
ربنا يكرمك والحمد لله ان البوست نال اعجابك فهذا بفضل الله
دمت طيبا ولمدونتى زائرا
*****************************
eman eltaher
نورتى مدونتى واسعدتينى بتعليقك
وانا فعلا البوست بتاعى مفيهوش بيع وشرا
***************************
dina
اختى العزيزةوالاجمل هو زيارتك
نورتى مدونتى واشكرك على تعليقك
*********************************
modymodak
اهلا بيك واسعدنى مرورك جدا
وده من ذوقك ويارب تفضل كتاباتى عند حسن ظنك دايما
دمت طيبا ولمدونتى زائرا
*******************************
onlyspot
ربنا يكرمك وده من ذوقك
نورت مدونتى وأشكرك على تعليقك
**********************************
مجداوية
انا معك عزيزتى ان الدنيا فعلا ماتستاهلش لان محدش واخد منها حاجة وده يخلينى احلم واحاول تحقيقه

موناليزا يقول...

la3alahakhier
أختى الحبيبة يسعدنى مرورك دائما
******************************
صوت من مصر
الاجمل تعليقك وزيارتك
نورتى مدونتى وأشكرك على تعليقك
************************************همس الاحباب
الاخ الفاضل/خالد
ده من ذوقك وربنا يكرمك
نورت مدونتى وشكرا على تعليقك
***********************************
arsenalwy
أهلا بيك وياريت الكل يستخدم هذه الاشياء
نورت مدونتى واشكرك على تعليقك
********************************
فزلوكة
نورتينى وتسعدنى زيارتك دائما
وانا معاكى فعلا المهم الرضا
******************************
dr.gesho
معك حق وانا شايفة فعلا ان قمة التحدى انك تكون راضى مهما اشتدت الازمات
نورت مدونتى واشكرك على تعليقك
********************************
الجمعاوى الاصيل
اهلا بيك ومعك حق فهى احلا وليس لنا غيرها فلو بطلنا نحلم نموت
نورت مدونتى وشكرا على تعليقك
*********************************
desert cat
فعلا ياقطتى الجميلة والاجمل ان نرضى عن افعال الله
دمتى طيبا ولمدونتى زائرة
**********************************
ايوية
اختى العزيزة
انا معاكى انه صعب يتحقق بس مش مستحيل وده معناه انه ممكن يحصل
نورتى مدونتى واشكرك على تعليقك
*********************************
مدونات زوجة عاشقة
نورتى مدونتى واشكرك على تنبيهى
جزاكم الله خيرا

Amir ELmasry يقول...

ما شاء الله اختي العزيزه
بارك الله فيكي

شكراً علي زيارة مدونتي المتواضعه ايتها الاخت الغاليه مدونتك اكثر من رائعه تحياتي

السلام عليكم ورحمة الله وبركاته

klmat يقول...

كلامك جميل جدا وبيريح نفسيا
ده مش التدوينه دى بس انا اقصد
مدونتك كلها. استمتعت بقرأه معظمها
من كان الله فى قلبه فهو سعيد
ربنا يزيدك ايمان وعلم ويسعدك
دايما
خالص حبى وتقديرى

موناليزا يقول...

أمير المصرى
وعليكم السلام ورحمة الله وبركاته
نورت مدونتى وأسعدتنى زيارتك
واشكرك على تعليقك
******************************
klmat
اختى الحبيبة:من دواعى سرورى أن يبعث كلامى على الراحة النفسية التى شعرت بها وأسعدنى جدا قراءتك لمعظم المدونة وكنت اتمنى تعلقى عليها جميعا
ربنا يبارك فيكى ويكرمك على تعليقك الجميل
دمتى طيبة ولمدونتى زائرة

صاحبة هدف يقول...

جزاك الله خيرا كثيرا

بارك الله لك في مدونتك وفي كل ما يسطره قلمك

موناليزا يقول...

shayma
ربنا يكرمك واسعدنى تعليقك جدا فجزاكم الله خيرا
نورتى مدونتى وارجو دوام التواصل