الأربعاء، 23 يوليو، 2008

مين حبيب ماما وبابا

فاكر لما كنت طفل صغير وكنت دايما بتحتاج ليهم.
فاكر أول خطوة فى حياتك مين علمهالك.
فاكر أول كلمة نطقتها مين اللى قاللها قدامك عشان تقلده وتتكلم.
فاكر مين كان بيأكلك قبل مايعلمك ازاى تمسك المعلقة.
فاكر حضن مين اللى كنت بترمى نفسك جواه لما تكون خايف أو تكون عايز تنام.
فاكرأول مرة كتبت فيها اسمك والفرحة التى كانت على وجههم وكأنك حررت القدس.
فاكر لما كانوا بيخرجوك لأى حديقة خاصة بالطفل لمجرد أن تستمتع بوقتك وبطفولتك وكانت متعتهم وقتها مشاهدتك وانت بتلعب ومبسوط.
فاكر أول يوم ليك فى المدرسة ولما كنت ماسك فيهم ومش عايزهم يسيبوك لوحدك.
فاكر لما كانوا بيجولك المدرسة ويسألوا عليك ويجيبولك حلويات.
فاكر اللعب الكتير اللى كانت عندك وذكرى كل لعبة فيهم.
فاكر خوفهم الدائم عليك.
فاكر حبهم وحنانهم وكل حاجة حلوة عملوها لك.
المقدمة دى انا بهديها لكل عاق ناسى حقوق والديه
وعايزة افكرك بشوية حاجات سيادتك بتعملها معاهم دلؤتى
افتكر كده ردود فعلك البايخة لو انت نايم للعصر مثلا وحد فيهم بيصحيك
أو لو وراك مدرسة أو كلية أو شغل أو حتى كنت عاطل.
افتكر برضه لما كنت صغير وهما يلبون جميع طلباتك التى لاتنتهى وقارن بقى لو هما طلبوا منك اى حاجة دلؤتى حتى لو كنت هتنزل تجيب كيس عيش.
افتكر مين اللى علمك ازاى تتكلم ودلؤتى كلامك ليهم يحرق دمهم ولوكانوا يعرفوا ماستقول لهم حين تكبر لًتمنوا أن تكون أخرس ولا أن ترد عليهم بقلة أدب أو تعلى صوتك عليهم.
ياترى لو كنت أب وابنك علّى صوته عليك هتعمل معاه إيه؟ هتبقى مبسوط لو ضربوك فى السن ده ولا هترد وتقول محدش يقدر يضربنى.
ياترى بتعامل الناس بره بالطريقة دى ولا بتبقى راسم دور الأدب .
طرق العقوق كتيرة منها
إنك ماتقولش انت خارج رايح فين ولو سألوك ترد بقلة ذوق او ممكن تكذب عليهم
-يكلموك وانت بره وماتردش عليهم رغم أن الموبايل اللى بتتمنظر بيه قدام أصحابك هما اللى جايبنهولك بس طبعا مش عشان تتمنظر ولكن عشان يطمنوا على سيادتك.
ليك تاكل وتشرب وتنام وتلبس وكل حاجتك مقضية طب ياترى هما حقوقهم عليك ايه؟
تعرف ليه ربنا ماوصاش الوالدين على ولادهم لأن حبهم لأبنائهم فطرى ينشأ عند الأم منذ حدوث الحمل وعند الأب منذ لحظة الولادة.
لكن الأبناء حبهم لآبائهم مكتسب.
مهما الأبناء يعملوا الآباء بتسامحهم ومايقدروش على زعل ولادهم لكن ممكن جدا الأبناء يخاصموا والديهم بالشهور وربما بالسنين.
ومن هنا جاء الجهاد مع النفس حتى لو تصرفاتهم مش عاجباك ومش محققين لك اللى أنت عاوزه أو محتاجه منهم لاتملك سوى برهما وطاعتهما حتى لو طلبوا منك أن تشرك بالله ماتسمعش كلامهم ولكنك ملزم ببرهما.
شوف هما بيعملوا عشانك ايه وانت بتعمل عشانهم ايه!
ممكن جدا يحرموا نفسهم من أى حاجة عشان يوفروا لك فلوس ممكن تستخدمها فى الهيافة لأنك مش حاسس بقيمة الفلوس اللى هما تعبوا فيها ولكنهما يؤثروك على نفسهما.
ويقولوا دايما ولادنا أولىَ
شوف ممكن يعملوا إيه لو أنت حطيت نفسك فى ورطة وإزاى هيحاولوا يخرجوك منها.
شوف يوم ماتمرض أو تزعل بيعملوا معاك إيه واهتمامهم بيك بيضاعف إزاى.
حتى بعد جوازك واستقلالك عنهم بيفضلوا برضه شايلين همك وحاسين بمسئوليتهم تجاهك.
تخيل حالك لو لاقدر الله فقدت أحدهما أو كليهما وأنت على هذا الحال.
انتهز فرصة وجودهما على قيد الحياة وخد ثواب برهما حتى تفوز برضا الله وبالسعادة فى الدنيا والآخرة.
انتهز وجودهم واطلب منهم دايما يدعولك ومتنساش أن دعوة الوالد لاترد.
لا تتسبب فى إحمرار وجهم من الغضب.
لا تتسبب فى نزول دموع من العيون التى فرحت يوم رؤيتك
لا تجعلهم أبدا يناموا وهم غاضبين عليك.
فما أجمل دعائهم لنا.
وما أجمل وجودهم فى حياتنا وشعورنا بالأمان لمجرد وجودهم.
وما أجمل مباركتهم لك فى كل ماتفعل.
بجد لاأجد من الكلمات التى تستطيع أن توفى فضل الوالدين.
ولا أملك سوى الدعاء لأبى ولأمى ربنا يخليكوا ليا وماتحرمش من وجودكم فى حياتى أبدأَ.







هناك 67 تعليقًا:

semsem يقول...

الله
يا مناليزا
جزاكى خيرا اختى بجد
ع التكرة الجميله
كلنا طبعا محتاجينها
الام والاب دول هما الحياه
انا بحس انى ممكن اموت من غير امى
ربنا يخليهم ليا يااااااااااااااارب
ويخلى كل مهماتنا وبهبهاتنا

فارس بلا جواد يقول...

السلام عليكم ورحمة الله وبركاته
ازيك يا موناليزا
جزاكى الله خيرا
ربنا يخليلك بباكى ومامتك
طبعا الاب والاهم اهم حاجه
ربنا يخليهموملنا كلنا
تحياتى

و القادم....أجمل يقول...

بس لازم المسألة تكون متوازنة
يعني واجبات و حقوق

ليا حقوق
و عليا واجبات

فيه عقوق أبناء
و عقوق آباء و أمهات

صح ؟؟؟!!!

===========

تسلمي على الموضوع
جزاك ِ الله خيرا على التذكرة

rovy يقول...

ما شاء الله عليكى اختى الحبيبه ربنا يكرمك يا رب
ما بتنسيش حاجه و دى طبعا مش اى حاجه اد ايه جميل البوست ربنا يجعله فى ميزان حسناتك و يهدى كل عاق يا رب .

تعرفى حسيت قوى بالايه الكريمه دى .. وقل ربى ارحمهما كما ربيانى صغيرا .. عارفه امتى فى لحظه ما دفنا بابا الله يرحمه يارب و لقيت لسانى بيرددها و انا باقول معاها مفيش ارحم منك اسيبه معاه .. الله يرحمه
ربنا يكرمك و يخلى لكى بابا و ماما و ما يحرمك منهم ابدا يا رب

جزاكى الله خيرا
دمتى بخير فى حفظ الله
كل الود غاليتى
تحياتى

sakayar يقول...

اول زيارة وان شاء الله تاني تعليق
بجد جزاكم الله خير على الموضوع
اللهم بارك لنا في آباءنا وأمهاتنا وارحم من مات من آباء وأمهات المسلمين
اللهم ارحمهما كما ربيانا صغاراً
بوركتم اختنا موناليزا

أحمد كمال يقول...

جزاك الله خيرا يا أمة الله على التذكرة ، العقوق فعلا سمة منتشرة ، و لا يكاد بيت يخلو منها و نسأل الله العافية ، و الحقيقة بر الوالدين باب عظيم لرضا الله عز و جل ، و دعائهم لنا كفاية ، و على فكرة في حاجة تانية في البر ماحدش بيتكلم عنها أبدا : بر الوالدين بيسبب إحساس جميل جدا عند الابن البار ، إحساس بالنجاح و الوفاء و الاعتزاز .

تحياتي

موناليزا يقول...

semsem
اختى الحبيبة:ربنا يكرمك وجزاكم مثله
ربنا يخليلك مامتك وماتتحرموش من بعض ابدا ويكرم باباكى ويفرحوا بيكى يارب
نورتينى ياسمسم ودمتى بخير
***********************************
فارس بلا جواد
وعليكم السلام ورحمة الله وبركاته
اهلا بيك يافندم
ربنا يكرمك وجزاكم مثله
ربنا يتقبل دعائك ونكون لهم نِعم الابناء
دمت طيبا ولمدونتى زائرا
***********************************
والقادم اجمل
اختى الحبيبة:معاكى طبعا ولكن هذا البوست للابناء فقط
بوست الاباء فى الطريق
ربنا يكرمك وجزاكم مثله
نورتينى ياقمر ودمتى بخير
***********************************
rovy
اختى الحبيبة:ربنا يسعدك ويتقبل دعائك والحمدلله الذى هدانى لهذا فماتوفيقى الا بالله
ياحبيبتى ربنا يرحمه ويغفرله ويجعل مثواه جنة الخلد
اشكرك جدا لدعائك لى ولوالدى ربنا يتقبل دعائك ويرزقك بكل السعادة ويمتعك بصحتك ويباركلك فى بناتك يارب
نورتينى غاليتى ودمتى بخير
وفى حفظ الرحمن
***********************************
sakayer
اهلا بيك يافندم
ربنا يكرمك وجزاكم مثله
تقبل الله دعائك ورزقك بكل الخير
نورت مدونتى واشكرك جدا لمشاركتك
***********************************
احمد كمال
اهلا بيك استاذ احمد
ربنا يكرمك وجزاكم مثله
نعم اخى الكريم فعقوق الوالدين من الكبائر
عفانا الله من ان نقترف اى كبيرة من الكبائر او صغيرة من الصغائر
دمت طيبا ولمدونتى زائرا

أليس في بلاد العجائب يقول...

بارك الله فيكي و جعلك الله ابنة بارة بوالديكي :)

بلاش كل اللي قولتيه علشان يخلينا بارين بأبائنا .. كفاية بس ان مشيئة ربنا في ان تكون امي هي امي وابويا هو ابويا .. والله العدل الرحمن الرحيم يعني اكيد اكيد هما دول انسب حد يكون ابويا و امي :)

الحمد لله علي كل حال والله المستعان و قادر ربنا يعيننا علي برهم و يجعلهم سبب في دخولنا الجنة برضاهم عنا :)

ادم المصرى يقول...

مشاء الله على اجمل بوست بجد الاتنين دول قطبين من قطب الحياااااااااااااااه كلها من غيرهم الحياه تفنى من غيرهم يتشتت الاطفال والابناء من غيرهم لا يوجد حنان بجد الله يباركلك

wanna b a physician يقول...

جزاكى الله خيرا على انك تذكرى الناس بحاجة مهمه زى كدا
وادام الله عليكى السعادة والبر

Khaled يقول...

من نعم الله علينا إنة بيزرع فى قلوب الوالدين حب أبنائهم لدرجة انهم بيفضلوهم على أنفسهم فى كل شىء
بوست جميل يشير لأهمية الأباء و الأمهات
تقبلى تحياتى

نونو يقول...

السلام عليكم
الله يا امة الله
تدوينة من القلب وللقلب
وعبرة لمن يعتبر
وبالوالدين احسانا
ربنا يبارك فيكي
تحياتي وتقديري

عـــفـــراء يقول...

السلام عليكم
حبيبتى كل الخير لكى على ماكتبتى
فالوادين هما روح البيت والحياة باكلمها ولولاهما ماكنت حياة
وعلى وجهة التحديد حبيتى وصديقتى واختى وكل ما املك والدتى الحبيبة شفاها الله وجعل لها قصر فى الجنة وحفظها لنا وجعلنى بلقاء ربى قبلها
رب ارحمهما كما ربيانى صغيرا
كل التحية والتقدير......

zOzO يقول...

عندك حق والله
في كل كلمه
كتير مش بيسمع كلام مامته او باباه


تذكره جميله
وانتي اجمل كعادتك
تحياتي
وجزاكي كل خير يا رب دايما

.:.-=- ELGaZaLy-=-.:. يقول...

ربما لم انتهز الفرصة وهو حي...

رحمك الله يا ابى ...واطال فى عمرك يا اميتى..

بحق البوست اكثر من ان يقال علية رائع...ربنا يجازيكى كل خير على البر دة

همس الاحباب يقول...

بسم الله ماشاء الله
تذكرة جميلة باسلوب جميل
جزاكى الله خيرا
وربنا يرحم اباء وامهات المسلمين جميعا الاحياء منهم والاموات
وربنا يديهم طولة العمر ويبارك لنا فيهم
تحياتى اختى العزيزة

موناليزا يقول...

أليس فى بلاد العجائب
................
أختى الحبيبة:ربنا يكرمك ويتقبل دعائك ولك بالمثل ان شاء الله
معاكى حق انا ماتخيلش ان حد تانى ممكن يحل محل ابوياو امى ربنا يخليهم لنا ويجعلهم سبب فى دخولنا الجنة
نورتينى حبيبتى ودمتى بخير
***********************************
ادم المصرى
ـــــــــ
اهلا بيك استاذ ادم
ربنا يكرمك على تعليقك الذى يدل على امتنانك لهما ربنا يخليهم لك ويباركلهم فيك
دمت طيبا ولمدونتى زائرا
***********************************
wanna b a physician
ــــــــــــــــــــ
اهلا بيك يادكتور
ربنا يكرمك وجزاكم مثله والحمدلله الذى هدانى الى هذا
دمت طيبا ولمدونتى زائرا
***********************************
khaled
ــــــ
اهلا بيك استاذ خالد
صدقت اخى الكريم ولذلك على الابناء مراعاة هذا وان يبروا ابائهم حتى يسعدوا فى الدنيا والاخرة
دمت طيبا ولمدونتى زائرا
*********************************
نونو
ــــ
وعليكم السلام ورحمة الله وبركاته
اختى الحبيبة:ربنا يكرمك ولعلها تكون سبب فى هداية اى ابن عاق
عافانا الله من عقوق الوالدين ورزقنا برهم
ربنا يباركلك فى ابنائك ويرزقهم برك وبر والدهم اللهم امين
نورتينى حبيبتى ودمتى بخير
***********************************
عفراء
ـــــ
وعليكم السلام ورحمة الله وبركاته
اختى الحبيبة:ربنا يكرمك ويشفى والدتك ويمتعها بصحتها ويخليهالك ويباركلها فيكى ومايحرمكوش من بعض ابدا
نورتينى حبيبتى ودمتى بخير
***********************************
zozo
ــــ
اختى الحبيية:ربنا يكرمك وجزاكم مثله
ومبروك ياجميلة على المدونة الجديدة
نورتينى حبيبتى ودمتى بخير
********************************
elgazaly
ــــــــ
اهلا بيك استاذ محمد
ربنا يكرمك وجزاكم مثله
واسمحلى اذكرك ببر الوالدين حين وفاتهما
وهى اخى الكريم الدعاء الدائم او الصدقة او الحج او العمرة وبر من كان يحبه وتنفيذ وصيته
اطال الله فى عمر والدتك ورزقك برها وغفر لوالدك وجعلك سبب فى دخوله الجنة
دمت طيبا ولمدونتى زائرا
**********************************
همس الاحباب
ـــــــــ
اهلا بيك استاذ خالد
ربنا يكرمك ويتقبل دعائك ويرزقك بكل الخير
دمت طيبا ولمدونتى زائرا

blue-wave يقول...

مين حبيب بابا؟
انا:))
بجد ياريتنا نقدر نوفى الوالدين حقهم
تحياتى

أسوور يقول...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

نعكشة يقول...

:(

تسلمي

سلامٌ عليكي

المنسى يقول...

الأب والأم من اجمل نعم الله علينا
وعاطفتهم الجياشة المعطاءة
التى لا تشبهها عاطفة
أدعو الله لهم أن يرزقهما فسيح جناته

وكل مسلمينا
اللهم أمين

ربنا يخليكى ليهم
ويخليهم ليكى
تحياتى

قلب الشبح يقول...

ازيك يا حبيبتي ليكي عندي تاج تعالي خوديه
بمناسبه البوست بتاعك ادعي لماما
وكل الي يقرا تعليقي يدعي لامي ويتقبل منكم ومني باذن الله بجد ماما محتاجه الدعاء ليها لانها تعبانه جدا ادعولها ارجوكم

مي

semsem يقول...

حبيبتى مناليزا ليكى تاج عندي ياحبى

منى يقول...

ربنا يخليهم ليكى ويخليكى ليهم
ويبارك لنا فىكل الامهات والابهات
فعلا وجودهم لوحده كفايه

ابا دايما بيقول
انت مهما عملت مش هتدى لوالديك حقهم
لانهم كانوا بيعملوا كل حاجه ليك بحب ورضا
لكن انت فى الغالب لو حتى ابن بار فتبقى بتعمل واجب ومطمن انههم بقلبهم اللى بيحبك هيغفروا ليك
ربنا يجعلنا من البارين
ويرزقنا الابناء الصالحين
تحياتى

موناليزا يقول...

blue_wave
ــــــــــــ
اهلا بيك يادكتور
طب ومين حبيب ماما؟
اللهم اجعلنا ابناء بارين
دمت طيبا ولمدونتى زائرا
***********************************
أسوور
ــــــــــ
اهلا بيك يافندم
شكرا لمرورك
***********************************
نعكشة
ـــــــــ
اختى الحبيبة:الله يسلمك من كل شر
نورتينى حبيبتى ودمتى بخير
***********************************
المنسى
ــــــــ
اهلا بيك يافندم
ربنا يكرمك ويبارك فيك ويرزقنا برهم احياء واموات
دمت طيبا ولمدونتى زائرا
***********************************
قلب الشبح
ـــــــــــ
اختى الحبيبة:اشكرك ع التاج واعذرينى فى الاجابة على الاقل فى هذه الفترة
ياحبيبتى ربنا يشفيها ويخفف عنها ويجعل الامها فى ميزان حسناتها اللهم امين
نورتينى مى الجميلة ودمتى بخير
***********************************
semsem
ـــــــــ
اختى الحبيبة:ميرسى ياقمر ولكن اعذرينى فى الاجابة حاليا
نورتينى حبيبتى ودمتى بخير
***********************************
منى
ـــــ
اختى الحبيبة:فعلا والله مهما نعمل بيسامحونا ربنا يخليهم لنا يارب
ربنا يكرمك ويتقبل دعائك اللهم امين
نورتينى حبيبتى ويارب دلؤتى تكونى احسن

Jana يقول...

عقوق الوالدين بالأخص . يرى صاحبه جزائه المؤسف فى دنياه قبل آخرته ...
ويا ليته يخفف عنه عذاب الآخرة
فيلقى أكثر ما عانى منه والديه وأشد
عافانا الله منها

رزقك الله خير الجزاء
قد تكون كلماتك .. سببا فى اصلاح شأن أحدهم الآن.. بعد طول عقوق
من يعلم!!؟

الله يباركلك موناليزا الجميلة

صحيح فاتنى التعليق على التدوينة اللى فاتت ..وعايزة اقولك انها قتلتنى شوقا لأبن اختى فى أمريكا
فقد كان حالنا قديما ..هو ما تحكين تماما

ربنا يحفظهم جميعا
سأذهب لأحدثه هاتفيا .فقد أوجعتى قلبى شوقا

مين حيدفع المكالمة دى!!؟؟
:)))

واد غلبان يقول...

سبحان الله
كأنك كنت معايا
الصراحة تقريبا كل الحاجات البسيطة دى"انا كنت فاكرها كده"وكنت باعملها
بالذات موضوع انت رايح فين ده
مش عارف ممكن اعمل ايه لو حصل لحد فيهم حاجة
معتقدش ان انا ممكن اغير كل ده النهاردة انما ممكن انزل دلوقت اجيب العيش
عن اذنك
تحياتى

oRiGiNaL HeArT يقول...

ربنا يهدينا ويجعلنا بارين بآبائنا
بجد احنا كتير بدل ما نستغل نعمة الاب والام ونحاول نرضى ربنا عنا عن طريقهم بنغلط كتيير وبناخد ذنوب من غير ماندرى من طريقة ماعملتنا ليهم
نكلمهم بصوت عالى ولو قالو عيب نقول احنا كدة مبنعرفش نتكللم بصوت واطى
طلبو طلب يبقى كانهم بيرمونا فى النار ولا بنفكر نعملهلهم بسماحة لو عمالناه يبقى بعد طلوع الروح
بجد فى اخطاء كتييير اوى بنرتكبها من غير ما ناخد بالنا ولغاية مابقت شئ عادى فى حياتنا..
ربنا يهدينا ويرضى عنا ويُرضيهم عنا
جزاكِ الله خير الجزاء
موضوع مهم جدا احييكٍ عليه
دمتى سالمة

فى القلب يقول...

عارفه يا موناليزا أسعدحاجه فى حياه بابا وماما أنهم عندهم بنت فى مثل خلقك لأنهم بيحسوأن تعبهم مش راح

رنا يحفظك لوالديك وتكونى قره أعينهم

mohamed ghalia يقول...

اللهم احفظ والدينا وبارك لنا فيهم
ولله در الشاعر

لسوف أعود يا أمي
أقبّل رأسك الزاكي
أبتّك كل أشواقي
وأرشف عطر يمناك
أمرغ في ثرى قدميك
خدي حين ألقاك
أوري الترب من دمعي
سرورا في محياك
فكم أسهرت من ليل
لأرقد ملأ أجفاني
وكم أظمأت من جوف
لترويني بتحناني
ويوم مرضت لا أنسى
دموعا منك كالمطر
وعينا منك ساهرة
تخاف علي من خطر
ويوم وداعنا فجرا
وما أقساه من فجر
يحار القول في وصف الذي
لاقيت من هجري
وقلت مقولة لا زلــت
مدّكرا بها دهري
محال أن ترى صدرا
أحن عليك من صدري
ببرك يا منى عمري
إله الكون أوصاني
رضاؤك سر توفيقي
وحبك ومض إيماني
وصدق دعائك انفرجت
به كربي وأحزاني
ودادك لا يشاطرني
به أحد من البشر
فأنت النبض في قلبي
وأنت النور في بصري
وأنت اللحن في شفتي
بوجهك ينجلي كدري
إليك أعود يا أمي
غدا أرتاح من سفري
ويبدأ عهدي الثاني
ويزهو الغصن بالزهر
تحياتى وشكرا للمرور

فاتيما يقول...

مون مون
بقالك شوية كدا بتيجى على الدرر و تلمعيها و تبرق فى عيونا تانى فنحس بقيمتها
كلماتك عن الأب و الام منتهى الصدق و أنا شخصياً خدت وقت طوييييل قوى عشان أقدر قيمة اللى عملوه عشانى و أنا مقبلتوش بالتقدير الكافى
لكن بعد ما بقيت ام و أم مش عادية لأ بالظروف اللى إنتى عارفها دى
عرفت قيمة امى و أبويا و بقيت بتمنى الزمن يرجع عشان أعوضهم و أخلى الحياة تمشى بمسار مختلف
لكن ما قدر الله فعل و دا كان المكتوب
آخر كام جملة و نصيحة فيها الخلاصة
و ربنا يقدرنا كلنا على إتباعها
و تعويض أهلنا عن كل تعبهم معانا
و لن نقدر مهمها فعلنا
تحياتى ليكى يا حبيبتى
و يا رب تكونى بخير و روحك مرتاحة دلوقتى بعد الدوامة اللى كنتى فيها
تحياتى يا حبيبتى

دنيتى الجميله يقول...

بجدتسلم ايدك على الموضوع الجميل ده
انا بحب جدا ادعى لأبى وامى حفظهم الله ربى ارحمهما كما ربيانى صغيراودايما بدعيلهم بحسن الختام
وبتمنى ان ولادى يبرونى لما أكبر

يوميات فنانه مفروسه جداا يقول...

ربي ارحمهما كما ربياني صغيرا

وجزاكي الله خير يا موناليزا عالتذكره والله

ويخليلك بابكي ومامتك يكرمهم يا رب

دومتي بخير يا اختي

egyboy يقول...

كرا يا موناليزا على التذكره الأكثر من هائلة دى وللأسف كثير مبعرفش فضل الأب والأم الا لم يفقدهم فجميل انك ذكرى بكدا ودمت مبدعة دوما

شكرا

مصطفى

lyssandra يقول...

بحب موضوعاتك أوي يامونا

----------

عارفه

لسه صاحبتي المقربة جدا جدا جدا مكلماني من شويه في التليفون

عندها طفل صغير
وهيا متوترة بيه أوي


عارفه بتقولي ايه ؟؟

انا بقيت بحس بالذنب بجد لما بازعق مع ماما

قبل كده كان عادي
انما دلوقتي بعد حبي لإبني واللي بحسه نحوه
بقيت بازعل من نفسي أوي لو كلمت ماما او بابا بعصبية أو نرفزة

========================

ربنا يكرم آبائنا بالخير اللي قدموه لينا

ويكرمك انتي كمان ياقمراية ع الموضوعات الممتازة دي

سلام

lyssandra

mohra يقول...

كلامك جميل يا موناليزا
ربنا يعينا و نردلهم جزء من جميلهم معانا

Gannah يقول...

اللهم اعنا على بر والدينا
اللهم ارحم والدى وكل موتى المسلمين
موناليزا
ازيك؟؟
انا مقصرة بس السفر
ارجو ان تكونى بخير
تحياتى

الراقص مع الذئاب يقول...

السلام عليكم
ربنا يجازيكي خير ويرزقك ويرزقنا بر والدينا
رب ارحمهما كما ربياني صغيرا
موضوع اكثر من رائع يا اختنا الكريمة

بنت مصريه يقول...

الله عالبوست الرائع يا موناليزا
بجد بوست بيتكلم عن اهم اتنين ف حياه كل واحد
ابوه وامه
ربنا يخليلى ماما وبابا يا رب ويرزقهم الجنه ويجازيهم خير على حسن تربيتى
بوست هايل احييكى

موناليزا يقول...

jana
ـــــــ
اختى الحبيبة:ربنا يكرمك وفعلا ياجميلة يكفى ان العقوق من الكبائر عفانا الله واياكى منها
ويسمع منك ربنا يارب وتكون كلماتى سبب فى هداية ولو واحد
ياحبيبتى يارب تشوفى ابن اختك قريب وربنا يحميه وعقبال ماتشوفى ولادك يارب
المكالمة معلش ياقمر خليها منك المرة دى انتى عارفة احنا فى اخر الشهر دلؤتى )):
نورتينى حبيبتى ودمتى بخير
***********************************
واد غلبان
ـــــــــــــــ
اهلا بيك يافندم
ربنا يبارك فيك ويهديك ويرزقك برهم بالطريقة اللى ترضى ربنا
بس على فكرة انت لو عايز تتغير هتتغير والدليل انك هتنزل تجيب العيش )):
خليهم يرضوا عنك واطلب دعائهم دايما
دمت طيبا ولمدونتى زائرا
**********************************
original heart
ــــــــــــــــــــ
اختى الحبيبة:ربنا يكرمك ويتقبل دعائك ويرزقنا رضا الوالدين فنسعد فى الدنيا والاخرة
ولاتنسى حبيبتى بان جهاد النفس اكثر انواع الجهاد صعوبة فلنجعل جهادنا هذا سبب فى دخولنا الجنة باذن الله
نورتينى حبيبتى ودمتى بخير
***********************************
فى القلب
ـــــــــــ
اختى الحبيبة:ربنا يكرمك ويبارك فيكى ويتقبل دعائك وبجد ياريت يكونوا فرحانين بيا انا بحس دايما انى مقصرة معاهم ونفسى اعمل اى حاجة تسعدهم
اللهم ارزقنا برهم
نورتينى حبيبتى ودمتى بخير
***********************************
mohamed ghalia
ـــــــــــــــــــ
اهلا بيك استاذ محمد
ربنا يكرمك ويتقبل دعائك
اشكرك لهذه القصيدة الرائعة وليتنا نعود سريعا قبل فوات الاوان
دمت طيبا ولمدونتى زائرا
**********************************
فاتيما
ــــــــــ
اختى الحبيبة:اهلا اهلا بأم يوسف الغالية
ربنا يكرمك ويبارك فيكى معاكى والله حق احنا لازم يحصل حاجة فى حياتنا عشان ناخد بالنا من الكنوز اللى معانا
انتى عارفة المثل بتاع"معرفتش قيمة امى غير لما اجرب مراة ابويا" اهو ده بالظبط اللى حصل معايا لانى كنت عايشة مع حماتى فى شقة واحدة فلكى ان تتخيلى
اشكرك لسؤالك وانا الحمدلله احسن كتير ولو ان الدوامة لم تنتهى بعد بس انا املى فى ربنا ان تنتهى قريبا على خير ان شاء الله
نورتينى ياطماطم واسعدتنى زيارتك
ربنا يسعدك ودمتى بخير
***********************************
دنيتى الجميلة
ــــــــــــــ
اختى الحبيبة:اهلا اهلا فينك من زمان ياقمر وحشتينى حبيبتى ويارب تكونى بخير
ربنا يكرمك ويرزقك بر الوالدين ويرزق ابنائك برك اللهم امين
نورتينى حبيبتى ودمتى بخير
***********************************
يوميات فنانة مفروسة جدا
ـــــــــــــــــــــــــــ
اختى الحبيبة:وحشتينى ياسمسومة
اذيك ياقمر يارب تكونى بخير
ربنا يكرمك ويتقبل دعائك
نورتينى حبيبتى ودمتى بخير
*********************************
egyboy
ـــــــــ
اهلا بيك استاذ مصطفى
ربنا يكرمك وهذا الموضوع يستحق التحدث فيه حقا فالعقوق من الكبائر
عافانا الله منها ورزقنا بر الوالدين
دمت طيبا ولمدونتى زائرا
***********************************
lyssandra
اختى الحبيبة:وحشتييييييييينى جدا
ربنا يكرمك وانا بحب زيارتك جدا وطلتك عليا ماتحرمش منك ابدا
تعرفى صاحبتك بتفكرنى بناس كتير مايحسوش باللى كانوا بيعملوه فى اهلهم الا لما ربنا يرزقهم بابناء
ربنا يهدى ابناء المسلمين جميعا ويرزقهم بر الوالدين
نورتينى ياجميلة ودمتى بخير
**********************************
mohra
ــــــــــ
اختى الحبيبة:ربنا يكرمك ويتقبل دعائك
نورنينى حبيبتى ودمتى بخير
**********************************
gannah
ــــــــــــ
اختى الحبيبة:حمدالله ع السلامة ياقمر مصر نورت اجازة سعيدة يارب ان شاء الله
ربنا يكرمك ويغفر لوالدك جميع ذنوبه ويخليلك والدتك وتفرح بيكى قريب يارب
انا الحمدلله بخير
المهم انتى حاولى تنبسطى فى اجازتك ربنا يسعدك ويفرح قلبك يارب
نورتينى حبيبتى ودمتى بخير
***********************************
الراقص مع الذئاب
ــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك
واشكرك جدا لرايك
دمت طيبا ولمدونتى زائرا
***********************************
بنت مصرية
ــــــــــــ
اختى الحبيبة:ربنا يكرمك ويتقبل دعائك
وفعلا وجودهم فى حياتنا نعمة نستحق الشكر
فياربنا لك الحمد كما ينبغى لجلال وجهك وعظيم سلطانك
نورتينى حبيبتى ودمتى بخير

أسير حبيبتي يقول...

السلام عليكم

اختي موناليزا
جزاكِ الله كل الخير
و ادخلكِ الجنه
برضا ابيكِ و امكِ عليكِ

تحياتي
عدنان

نهر الحب يقول...

مصدر وسبب الحياة
رحم الله ابى
وبارك الله فى عمر ماما
وجزاك الله خيرااا يا موناليزا دايما رائعه

ahmed_k يقول...

الوالدين هما سبب وجود أي فرد منا
وقد أمرنا الله ببرهما والأحسان اليهما
وأمرنا بالدعاء الدائم لهما حيث قال
(وأخفض لهما جناح الذل من الرحمه*
وقل رب ارحمهما كما ربياني صغيرا)صدق الله العظيم

موضوعك قيم
جزاكي الله خيرا علي التذكير به

دمتي بخير

همس الاحساس يقول...

وقال تاعلى (ووصاينا الانسان بوالديه احسانا ....)


الام والاب نعمة لا يعرف قيمتهم الا الذى لم يذق حنانهم

ربنا يباركلك فيهم ويبارك للجميع


تسلمو اختى الغالية


بجد البوست رائع

وكتابتك رائعه وجذابة

الافغاني يقول...

ربنا يكرمهم يارب ويجازيهم خير الجزاء

عن كل ما فعلوه من اجلنا

اللهم تقبل منهم يارب

جزاكي الله خيرا علي هذه التدوينة الرائعة يا موناليزا

الرسائل الرومانسية يقول...

اللهم ارحم ابى يارب العالمين واغفر له

واحفظ امى انك على كل شىء قدير وصلى اللهم على سيدنا محمد واله وصحبه وسلم تسليما كثيرا

بحبك يامصر يقول...

جزاكى الله خيرا
متشكرين عالتذكره المهمه دى
رحم الله ابى وجعله منعم فى الجنه التى اعدت للمتقين
وبارك الله فى صحة والدتى ويخليها لينا بصحه وعافيه
تحياتى

سلوى يقول...

الله عليكي

ربنا يبارك فيك ويجازيك كل الخير

تسلمي على سؤالك يا منمن

ربنا يخليك

دمتى بكل الخير

دكتور بهــدوء يقول...

يارب خليهملي ورضيهم عني يارب
واجعلني صالحا بارا بهم دوما







روعه بجد
لفته ظريفه جدا

رئـــــيسـة حزب الأحلام يقول...

جميلة جدا هذة الخاطرة
وجعلها الله فى ميزان حسناتك
تحياتى لكى

canary يقول...

والله كلمتين حلوين
بس الواحد لما بيزعل من امه او ابوة مش بيوصل الامر لدرجه العقوق دى بتبقى حالات قليله الزعل او الزعاق الاب والام بيسموة دلع او لسه صغير وميعرفش او مجربش يبقى اب او تبقى ام
برضه هما اللى خلفونا واحن علينا من نفسنا
شكرا للتذكرة

pusssssy يقول...

بجد موضوعك فى الجول............
لاننا كلنا بلا استثنا _ سواء بارين اوعاقين _ كنا محتاجين الكلام ده عشان نفتكر ان من اهم وسائل التقرب لله هى الاحسان للوالدين . لان كلنا فاكرين ان عشان نتقرب لربنا يبقى لازم نعبده كويس بالصلاة وقراءة القرأن وخلاص ونسينا او تناسينا ان ربنا قال ان كمان الاحسان للوالدين عبادة.......

بجد شكرا ياقمر وجزاكى الله عنا خير الجزاء ان شاء الله...........

مع حبى...............

Pusssssy

د/اجدع بنوته يقول...

الله افتقدت كثيرا السلام النفسى ومدنتك الرائعه

وكالعاده .. تستحقين اعجابى

ربنا يخليهم ليا يارب ويحسن خواتيم اعمالهم

اسلوب رائع كما هو معتاد

ســمـــر احمد يقول...

الغالية موناليزا
جواك الله بكل حرف خيرا .. و هدانا و اياك الى صالح العمل ..
تعرفى .. كل ما اكون مضايقة باجى مدونتك ارتاح
ربنا يكرمك يا قمر

Sometimes يقول...

يارب لك الحمد كما ينبغى لجلال وجهك وعظيم سلطانك

ربنا يكتبها فى ميزان حسانتك اللهم امين
ربنا يكرمك ويوفقك الى ما يحبه ويرضاه
اللهم امين

الربان يقول...

تحياتي


ربنا يبارك فيك و في والديك...و يجزيهما خير الجزاء علي ماقدماه....


و اشكرك كل الشكر علي لفتاتك الطيبة و دعائك لي و لاخي ....اسال الله لك و للجميع موفور الصحة و السعادة.


تحياتي و تقديري

موناليزا يقول...

أسير حبيبتى
ـــــــــــــــ
وعليكم السلام ورحمة الله وبركاته
اهلا بيك استاذ عدنان
ربنا يكرمك واشكرك جدا على دعائك لى ربنا يتقبل ولك بالمثل ان شاء الله
دمت طيبا ولمدونتى زائرا
***********************************
نهر الحب
ــــــــــــــ
اختى الحبيبة:ربنا يكرمك وماتحرمش منك ياقمر ده بس من ذوقك
ربنا يغفر لوالدك ويخليلك مامتك ويمتعها بصحتها وتفرح بيكى قريب يارب
نورتينى ريحانة الجميلة ودمتى بخير
**********************************
ahmed_k
ـــــــــــ
اهلا بيك استاذ احمد
ربنا يكرمك وجزاكم مثله
وفعلا الوالدين وجودهما فى حياتنا نعمة غالية فلنشكر الله على هذه النعمة ونعمل على برهم دائما
دمت طيبا ولمدونتى زائرا
**********************************
همس الاحساس
ـــــــــــــــ
اختى الحبيبة:اشكرك جدا لمشاركتك
وفعلا لا يشعر بقيمتهم الا من فقدهم
ربنا يبارك فى ابائنا وامهاتنا
نورتينى حبيبتى ودمتى بخير
***********************************
الافغانى
ــــــــــ
اهلا بيك يافندم
ربنا يكرمك ويتقبل دعائك
ورزقنا الله برهم احياء واموات
دمت طيبا ولمدونتى زائرا
**********************************
الرسائل الرومانسية
ــــــــــــــــــــــ
اهلا بيك استاذ مدحت
ربنا يتقبل دعائك ويرزقك بر والدتك
دمت طيبا ولمدونتى زائرا
***********************************
بحبك يامصر
ــــــــــــ
اهلا بيك يافندم
ربنا يكرمك ويرزقك بر والدتك
دمت طيبا ولمدونتى زائرا
***********************************
سلوى
ـــــــــ
اختى الحبيبة:اهلا اهلا اذيك حبيبتى وحشتينى والحمدلله انك بخير
ماتتاخريش علينا تانى
نورتينى سلوتى الجميلة ودمتى بخير
***********************************
دكتور بهدوء
ـــــــــــــ
اهلا يادكتور
ربنا يكرمك ويتقبل دعائك
والحمدلله الذى هدانى الى هذافما توفيقى الا بالله
دمت طيبا ولمدونتى زائرا
***********************************
رئيسة حزب الاحلام
ـــــــــــــــــــ
اختى الحبيبة:ربنا يكرمك واشكرك جدا لمشاركتك
نورتينى حبيبتى ودمتى بخير
**********************************
canary
ــــــــــــ
اختى الحبيبة:بس اوقات كتير الدلع بيزيد عن حده وبعدين اذا كان حبيبك عسل
ربنا يخليهوم لنا ويرزقنا برهم
نورتينى حبيبتى ودمتى بخير
**********************************
pusssy
ـــــــــــ
اختى الحبيبة:ربنا يكرمك واشكرك جدا على تعليقك ومشاركتك
نورتينى حبيبتى ودمتى بخير
**********************************
د/اجدع بنوتة
اختى الحبيبة:اهلا بسمسم القمر اذيك حبيبتى عملتى ايه فى الامتحانات يارب بالنجاح وباعلى تقدير كمان
كنت مفتقداكى جدا ربنا يكرمك ويتقبل دعائك
نورتينى حبيبتى ودمتى بخير
**********************************
سمر احمد
ـــــــــــــ
اختى الحبيبة:ربنا يكرمك ويتقبل دعائك
وبجد اسعدتينى بتعليقك وبزيارتك
ويارب دايما تكونى بخير
نورتينى سمورة الجميلة ودمتى بسعادة
***********************************
sometimes
ــــــــــــــ
اختى الحبيبة:ربنا يكرمك ويتقبل دعائك ولكى بالمثل ان شاء الله
نورتينى ياجميلة ودمتى بخير
**********************************
الربان
ــــــــــــــــ
اهلا بيك يافندم
ربنا يكرمك واشكرك جدا على دعائك
ولا داعى للشكر اخى الفاضل فهذا حقكم علىّ ويارب يكون دلؤتى احسن وان شاء الله ربنا يتمم شفاه على خير
دمت طيبا ولمدونتى زائرا

mony يقول...

موناليزا


الموضوع فعلا حسااااااااس جدا

و عايزين دايما نتكلم فيه و ننفزه كمان عملي


و بعدين البر ده بيعود علينا في المقابل بالبركة في الرزق و العمر و الصحة

ده غير انه بيترد بالسنتي في ولادنا

يعني اللي بنعمله بيتعمل فينا


جزاك الله خير الجزاء علي التذكرة الجميلة ديه

رندا يقول...

مشاء الله عليكى ياموناليزا
فعلا السمة الغالبة عقوق الوالدين فى هذا الزمن
للبعد عن الدين والبعد عن العادات والتقاليد وعلى فكرة
الاهل من احدى هذة الاسباب مش الاولاد فقط
من شاب على شئ شاب علية ولو تعلموا مذ الصغر يعنى اية احترام ويعنى اية عقوق الوالدين كيف هيفعلوا هذا عندما يكبرون

ربنا يبارك فيكى ياقمر

بوست هااااايل

كل الود

رندا

dina يقول...

و الله فكرتينا بلحظات حلوة فكرتنا بأهمية اننا فعلا نكون تحت رجل الناس دى
تحياتى

L0vElYGh0sT14 يقول...

مافيش أحلا من بركة دعاء الوالدين صراحتن ... بيحبونا اوي واحنا مش حاسيبن كدة على فكرة ... بس لما نكبر ونخلف هنحس بالموضوع دة ... وهنقول سبحان الله اننا كنا بنعامل اهلنا بالطريقة دي ومكناش حاسين بالحب اوي كدة.
تقبلي تحياتي.

amal يقول...

بجد جميل اوى البوست
برافو عليكى
وعجبتنى حتة ان ليه ربنا موصاش الاب والام على اولادهم

بس مع ذلك انا بستغرب على حالات الاباء والامهات اللى بيتنكروا لاولادهم ومش بيحبوهم
بتحصل و الله للاسف ومستغربه

عارفه
من فتره مش كبيره واحده قريبتى وهى ماشيه فى الشارع سمعت صوت طفل بيبكى

لما قربت لاقت طفل مرمى فى الشارع ع الارض
شالته وراحت بيه ع القسم
وهناك حولوه لدار ايتام
وعرفنا بعدها انه كان بقاله كام ساعه بس مولود

مش عارفه اذاى ممكن ام ترمى ابنها اللى عاش جواها تسع شهور

الله اعلم بظروف ولادته بس مين يقدر يرمى طفل لسه مولود فى الشارع جمب صندوق زباله والقطط بتجرى حواليه !!!!!!

ليه عمر مكتوب
بس واحد ذى دا لما يعرف انه جاى من الشارع
توقعى منه اى شئ !!

موناليزا يقول...

mony
ـــــــــ
أختى الحبيبة:طبعا لازم ننفذه عملى لان ده فرض من الله عز وجل وباب بر الوالدين من ابواب الخير لنا فى الدنيا والاخرة
رزقنا الله برهم واعاننا على طاعتهم
نورتينى حبيبتى ودمتى بخير
**********************************
رندا
ـــــــــ
اختى الحبيبة:انا معاكى طبعا ان فيه والدين مابيساعدوش ولادهم على برهم ولكن هذا لايمنع حقوقهم علينا مهما فعلوا ولنطيع الله فيهم لعلنا بسببهم ندخل الجنة
رزقنا الله بر الوالدين واعاننا على طاعتهم
نورتينى حبيبتى ودمتى بخير
***********************************
dina
ــــــــــ
أختى الحبيبة:احلى حاجة اننا نكون بنفكر بعض دايما لفعل الخير واداء فروض الله
نورتينى حبيبتى ودمتى بخير
**********************************
lovflyghost14
ــــــــــــــــــ
اهلا بيك يافندم
بس هو احنا لسه هنستنى لما نبقى نخلف عشان نحس باللى بعملوه علشانا
انا شايفة اننا نبدأ من دلؤتى ويكفى ان نتذكر مجهودهم معانا فى الصغر
دمت طيبا ولمدونتى زائرا
**********************************
amal
ــــــــــ
اختى الحبيبة:اشكرك جدا لرايك فى البوست
وبيحصل اكتر من المشهد ده بكتير
بس انا بقصد الناس الطبيعية اللى اهلهم قايدين صوابعم شمع عشان ولادهم وبرضو مابيطمرش فيهم
ربنا يهدينا جميعا لما فيه الخير
نورتينى حبيبتى ودمتى بخير

nour shahen يقول...

ربنا يبارك فيكى يا موناليزا يا رب
ويجعل الموضوع الجميل دا في ميزان حسناتك
وفعلا لازم الواحد يدعى للأب والام بكل الخير لأنه اتحملوا علشانا كتير قوى ولازم نوفى ليه ولو جزء بسيط من حقهم
حتى لو في أهل قلوبهم قاسيه نتحمل يا جماعه على الاقل يشفع ليهم انهم الأم والأب
تحياتى ليكى وربنا يوفقك عزيزتى

موناليزا يقول...

نور شاهين
ـــــــــــــــ
اختى الحبيبة:ربنا يكرمك ويتقبل دعائك
معاكى حق ياجميلة مهما يعملوا لازم برضه نبرهم يكفى انهم السبب فى وجودنا
اللهم ارزقنا بر والدينا وادخلنا معهم جنة الخلد
نورتينى حبيبتى ودمتى بخير

Ahmed Talk يقول...

بارك الله فيكي أختي

كنت في حاجة لمثل هذه الكلمات

جزاكي الله خيرا

موناليزا يقول...

أحمد تاك
ــــــــــ
اهلا بيك استاذ احمد
ربنا يكرمك واشكرك جدا لمشاركتك وسعيدة جدا بزيارتك
دمت طيبا ولمدونتى طيبا