الأحد، 6 يوليو، 2008

آخر الأخبار

سمعت آخر الأخبار بيبو فرقع جيجى واااووووو
ليه مابنقولش غير الأخبار التافهة ونظل نتداولها على أنها أهم الأخبار!!
كان الشيخ الشعراوى رحمه الله يقول:من حبى لهذا الدين أردت أن أُعرف الناس به.
وأنت بقى ياترى إيه اللى تعرفه وعايز الناس تحبه!
تذكرت هذا الموقف وهذا مادفعنى لكتابة هذا البوست
ابن يشاهد والده يلعب طاولة .الابن يعلم بأن الطاولة حرام .ولذلك إتفاجئ بوالده وذهب إلى البيت وهو عازم أن يتحدث مع والده عن هذا وحينما عاد الأب أخبر ابنه بأن جارهم الذى يصلى دائما مع والده فى المسجد شاهده أيضا وأخبره بالحديث الشريف"من لعب بالنرد فقد صبغ يده بدم خنزير"أخبره الأب بأن هذه أول مرة يسمع فيها هذا الحديث واستغفر لذنبه فقال له الابن: قد شاهدتك أيضا وتعجبت نظرا لحرمانيتها
فقال له الأب :ولما لم تنبهنى وقتها وكيف تتركنى هكذا دون نصيحة؟!!
تعجبت من هذا المشهد وبأن الابن يعلم أكثر من والده وظن بأنها معلومة بسيطة
ولكن ماذا لو لم ينصح الأب أحدا!!
يعنى الموضوع مش مقتصر على سن أو تعليم ولذلك أريد أن نتشارك معلوماتنا سويا مهما كانت من وجهة نظركم بسيطة فقد يكون بيننا من لايعلمها.
فيه حاجات كتير جميلة وتهمنا جدا وياسلام لو شاركناها مع من حولنا
يعنى مثلا
- الصدقة تطفئ غضب الرحمن.
- ابتسامك فى وجه أخيك صدقة.
- من آتى عرافا أو كاهنا فصدقه بما يقول فقد كفر بما أنزل على محمد.
- إماطة الأذى عن الطريق صدقة.
-تهادوا تحابوا.
- ثلاث دعوات لاترد:دعوة الوالد, ودعوة المظلوم , ودعوة المسافر.
- الدعاء لايرد بين الآذان والإقامة.
- من صام يوما فى سبيل الله باعد الله بينه وبين جهنم سبعين خريفا.
- أقرب مايكون العبد من ربه وهو ساجد.
- الشيطان ينفر من البيت الذى يقرأ فيه سورة البقرة.
وغيرها من البشارة
وإذا كان على أخبار السينما فهذا أحدث خبر وصلنى.
بعد الفيلم المسئ أسلم كثيرين بعدما قرأوا سيرة رسولنا صلى الله عيه وسلم.
وياترى لو عرفت أن تحية الإسلام هى السلام عليكم ورحمة الله وبركاته هتقوللها بدلا من هاى وآلو!!
ولو عرفت كمان أن باى باى معناها فى حفظ البابا هتفضل تقوللها ولا هتستبدلها ب فى حفظ الله أو مع السلامة.
ولو عرفت أن كلمة إن شاء الله تكتب هكذا وليس إنشاء لأن الإنشاء جاية من النشأة.
ولو عرفت أن المزمار صوت الشيطان لسه هتسمع أغانى.
ولو عرفت أن ذكر الله تحصين من الشيطان هتذكره ولا لأ.
عموما دى كانت شوية حاجات عرفتها وحبيت تعرفها معايا.
ياريت بقى تبعت لى حاجة عرفتها وعايز الكل يعرفها.
وتذكر أنه من تبادل المعلومات تخلد الشخصيات.

مستنية آخر أخبارك.




يسعدنى انضمام مشاركات إخوانى فى الله
Mero
*صلاة الضحى تؤدي الصدقة الواجبة عن العبد كل يوم عن كل عظمة في جسمه..
*سورة الملك كل يوم قبل النوم تقي من عذاب القبر..
*"سبحان الله مدد خلقه ، سبحان الله رضا نفسه ، سبحان الله زنة عرشه ، سبحان الله مداد كلماته"كل يوم الفجرتغنى عن عبادة تلت ساعات
الحديث في صحيح مسلم
*كلمتان خفيفتان علي اللسان ثقيلتان في الميزان حبيبتان الي الرحمن سبحان الله وبحمده سبحان الله العظيم
* قال المصطفي من قال عشر مرات قبل أن تطلع الشمس وقبل غروبها: " لاإله إلا الله وحده لاشريك له، له الملك وله الحمد يحيي ويميت ويميت ويحيي وهو حي لايموت، بيده الخير وهو على كل شئ قدير " كانت كفارة لذنوبه ذلك اليوم
*الرفق ما كان فى شىء الا زانه وما نزع من شىء الا شانه
*الدعوة الى الله لها شروط وهى العلم بما تدعو اليه....الاخلاص....ان تكون وفق الفرآن والسنه....ان تكون بالحسنى والموعظة الحسنه.....ان تكون انت اول من يطبق ما تدعو اليه والا كنت ممن يدعون الناس الى البر وينسون انفسهم.
*اذا رأيت ما يعجبك فى نفسك او عند غيرك فقل ما شاء الله لا قوة الا بالله.
*بر الوالدين يزيد فى العمر والرزق.
*اذا اصابك مكروه فقل انا لله وانا اليه راجعون اللهم اجرنى فى مصيبتى واخلف لى خيرا منها
Abo-Harees
قال رسول الله صلى الله عليه وسلم "إنما بعثت متمماً لمكارم الاخلاق " صدق رسول الله صلى الله عليه وسلم
أنما كان اساس بعثته هو إتمام مكارم الأخلاق والتى إن عرفناها وتمسكنا بها كان حقاً علينا معرفة الله والإنحناء امام عظمته وكبريائه لو عرفنا الصدق مثلا لطبقنا مع الله أولا.
ولو عرفنا الأمانه لصناها مع الله أولا.
ولو عرفنا الأدب لطبقناه مع الله أولا.
فكان حقاً علينا أن نلتزم بالأخلاق قبل العبادة وبالأدب قبل الخشوع وقال أيضاً إن أكرمكم فى الجاهلية أكرمكم الإسلام لو فقهوا أو كما قال صلى الله عليه وسلم لأننى لا اتذكر لفظ الحديث.
قال صلى الله عليه وسلم{عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد }.

هناك 47 تعليقًا:

Khaled Farag يقول...

طول عمرك مميزة بمواضيعك الجيدة
جذاك الله خيرا

هيثم الدهشان يقول...

معلوماتك دايما مفيدة موناليزا
جعلها الله فى ميزان حسناتك


تقبلى تحياتى

أسير حبيبتي يقول...

السلام عليكم
مواضيعك قيمه و تحمل هدف كالعادة
احييكي و اشكرك جدا للمعلومات القيمه
و اسأل الله ان يزيدك من فضله
و ان يثبتك على الصواب

تحياتي
عدنان

المهـ إلي الله ـاجر يقول...

جزيت الجنة أختنا الفاضلة .. قلمك رشيق ما شاء الله . بارك الله فيك وثبتك وجعلك من دعاته المخلصين

نهر الحب يقول...

السلام عليكم ورحمة الله وبركاتة
ازيك موناليزا
الحمد لله للمرة الاولى اول تعليق عندك ولى الشرف والله
موضوعك جميل وثرى جداا
وما اقدر اقول غير جزاك الله خيررا
حلو اوى محاولة نشر تعاليم الاسلام بشكل مبسط وسلس
ويارب يجلعنا مما يستعمون للقول فيتبعون احسنه
بارك الله فيك

سارة علي يقول...

جزاك اللةعنا خير يا موناليزا على تلك المعلوماتالقيمة ربنا معاكى
تقبلى مرورى

الهدهد الطائر يقول...

القلب يعمل دون توقف فيجب أن يمتلئ بالدماء ليضخها إلى الجسم.. كذلك العقل لا يمكن له أن يكون فارغ.. يجب أن يمتلئ بما هو مفيد أو بالسخافات أو حتى بالهواء.

.......تحياتي.........

أمل فتحى عزت يقول...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

نطرق باب النابغةالدكتور /أسامة السعداوى لنعرف منه الحقيقة
قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

بحبك يامصر يقول...

السلام عليكم ورحمة الله وبركاته
لى لشرف ان اكون ول تعليق عى هذه التدوينه الجميله لان كلها خير وتدعو الى مشاركة بعضنا البعض فى الخير التدوينه هدفها نبيل جدا وان شاء الله ربنا يجازيكى عنها خير الجزاء
تحياتى

منى يقول...

جميل امر هذا الاب الذى لم يستكبرعلى اخذ العلم او المعلومه من فتى فى عمر ابنه

وجميله بالطبع تلك الاحاديث السوكيه كما اسميها
فالدين المعامله والمعامله معظمها قول
ادعو الله ان يحسن اقوالنا وافعالنا
على فكره البوست اللى فات كان فيه تعليق تانى بس مش وصل
يارب تكونى بخير دايما
قوليلى ايه اخر اخبارك صاحبتك اللى كانت تعبانه؟
سلام يا قمر

رفقة عمر يقول...

:) ايه دة اول مره اكون من اوائل المعلقين عندك او مرة مش اجى متاخر
جزاكى الله خيرا على التذكره الجميله التى خرجت من القلب ودخلت القلب
لانى مع اننى اسمعها كثيرا ولكنى حاسيتها لما قراتها عندك
ربنا يكرمك ويفرج كربك ويصلح لك الاحوال اللهم امين يارب العالمين

حسن محمد توفيق يقول...

العزيزة الغالية

موناليزا

شكرا لك معلوماتك القيمة وجعلها الله

فى ميزان حسناتك .. وعلى العموم

********دعوة *********

للمشاركة فى حملة الايجابية والاصلاح

من اجل فلسطين

ومن اجل اسرى المسلمين فى سجون

الصهاينة وجوانتاناموا

فى انتظار تواصلك معنا ولك كل التحية

موناليزا يقول...

khaled farag
اهلا بيك استاذ خالد
ربنا يكرمك ويبارك فيك يارب وهذا من فضل ربى فما توفيقى الا بالله
دمت طيبا ولمدونتى زائرا
***********************************
هيثم الدهشان
اهلا بيك استاذ هيثم
ربنا يكرمك ولك بالمثل ان شاء الله
فماتوفيقى الا بالله فلله الحمد والشكر
دمت طيبا ولمدونتى زائرا
********************************
اسير حبيبتى
وعليكم السلام ورحمة الله وبركاته
اهلا بيك استاذ عدنان
ربنا يكرمك وهذا من فضل ربى فماتوفيقى الا بالله
ولاتتخيل سعادتى بدعائك لى ربنا يتقبل ولك بالمثل ان شاء الله
دمت طيبا ولمدونتى زائرا
***********************************
المهاجر الى الله
اهلا بيك اخى الفاضل
ربنا يكرمك فهذا من فضل ربى
وجزاكم الله خيرا على دعائك لى ربنا يتقبل ولك بالمثل ان شاء الله
دمت طيبا ولمدونتى زائرا
***********************************
نهر الحب
وعليكم السلام ورحمة الله وبركاته
اختى الحبيبة:انا الحمدلله بخير اذيك انتى حبيبتى
كأنك أول تعليق ياغالية فزيارتك دوما تسعدنى
ربنا يسعدك ويكرمك ويجازيكى مثله يارب فماتوفيقى الا بالله
نورتينى حبيبتى ودمتى بخير
**********************************
سارة على
اختى الحبيبة:ربنا يكرمك وجزاكم مثله ان شاء الله
نورتى مدونتى وتسعدنى زيارتك دوما
*********************************
الهدهد الطائر
اهلا بيك يافندم
اشكرك جدا على هذا التعليق البليغ
دمت طيبا ولمدونتى زائرا
*********************************
امل فتحى عزت
اختى الحبيبة:سأزور مدونتك حالا حتى افهم الموضوع بشكل اوضح
نورتينى واشكرك على دعوتى
**********************************
بحبك يامصر
وعليكم السلام ورحمة الله وبركاته
اهلا بيك يافندم
يسعدنى دائما تعليقك مهما كان رقمه
ربنا يكرمك وارجو ان تجد صداها
دمت طيبا ولمدونتى زائرا
***********************************
منى
اختى الحبيبة:معكى حق فكثيرا مايستكبرون عن اخذ المعلومة ممن هم اصغر منهم
ربنا يكرمك وانا الحمدلله بخير وليت تعليقك كان وصل فانا استمتع بتعليقاتك جدا ولكن قدر الله وماشاء فعل
سبحان الله يامنمن كنت لسه عندها امبارح وبلغتها سلامك تانى وقد ايه كانت فرحانة هى الحمدلله بقت احسن احنا كنا فين ده ربنا كريم اوى هو اه التحسن بطئ ولكن الامل موجود ويكفى انها مازالت على قيد الحياة
نورتينى حبيبتى واسعدتينى جدا بمشاركتك وبسؤالك عن صديقتى فجزاكم الله خيرا ورزقكى الفردوس الاعلى
**********************************
رفقة عمر
اختى الحبيبة:انتى تنورينى فى اى وقت فتسعدنى حقا زيارتك وتعليقك
ربنا يكرمك ويعزك فالحمدلله فهذا من فضل ربى
وجزاكم الله خيرا على دعائك لى ورزقكى الفردوس الاعلى يارب
نورتينى حبيبتى ودمتى بخير
*********************************
حسن محمد توفيق
اهلا بيك استاذ حسن
ربنا يكرمك واشكرك لمشاركتك ولهذه الدعوة
دمت طيبا ولمدونتى زائرا

GeHaD-----(male) يقول...

جزاكى الله كل خير
انا اول مره اسمع الحديث بس الحمد لله مليش في الطاوله

ربنا يكرمك وتفيدي دايما
السلام عليكم ورحمه الله وبركاته

Bongo يقول...

كلامك دايما جميل يا موناليزا
ما شاء الله موضوع حلو جداا

و فعلا النصيحة مش بالسن , المهم ان الناس لما تشوف حد بيعمل حاجه غلط تنصحة و تعرفه ان اللي بيعمله غلط

كلام جميل جدااا و يستحق القراءة
ربنا يجعله في ميزان حسناتك
و يجعلنا ممن يسمعون الكلام فيتبعون احسنه

اللهم أمين

تحياتي لكِ ,,
سلام

بطوط حبوب يقول...

جزاك الله خيرا

DoMaLaYs يقول...

جزاك الله كل خير سيادتك

على الموضوع فوق الرائع ده

و في انتظار جديدك

نهر الحب يقول...

كدة منى ؟
من غير ليزا مش انا الاولى؟
طيب عموما الله يوفقك يارب وبجد متميزة على طول
كل الود فى الله

NilE_QueeN يقول...

موضوع كله خير وبشاره وتعاون

جزاك الله خير

zOzO يقول...

بجد طول عمرك متمزه ف موضوعاتك
الله عليكي
فعلا والله مش بالسن خالص
ان شاء الله
انا ناويه اعمل بلوج خاص
حاجات ايمانيه زي دي مثلا
انا عندي كتاب احمد اخويا
بعته لينا من السعوديه
وان شاء الله هكتب منه او من اي كتاب تاني من عندنا
احنا عندنا مكتبه كتب
بس مين بيفتح
ربنا يسهل واعمل الفكر دي
ولو حابه نتشترك اوكي
تحياتي للابداعك

A7MeD F@hMy يقول...

جزاكي الله خيرا فعلا استفدت كتير من البوست دة
بوست قيم جدا
تحياتي

rovy يقول...

بارك الله فيكى اختى الحبيبه ..
كلامك دايما مفيد و نصائحك غاليه ..
جزاكى الله كل خير و هدانا جميعا لما فيه الخير ..
جعله الرحمن فى ميزان حسناتك و رزقكى سعادة الدارين و يا رب تكونى بالف خير
دمتى اختى الحبيبه بكل خير ان شاء الله
كل الود غاليتى و التقدير

احبك فى الله

تحياتى
rovy

موناليزا يقول...

gehad
وعليكم السلام ورحمة الله وبركاته
اهلا بيك استاذ جهاد
ربنا يكرمك وجزاكم مثله ان شاء الله
دمت طيبا ولمدونتى زائرا
**********************************
bongo
اختى الحبيبة:ربنا يكرمك ويبارك فيكى فماتوفيقى الا بالله
ومعكى حق ياجميلة رغم ان قليلين مايتقبلون النصيحة ولكن الدين النصيحة فلننصح والهادى هو الله
اشكرك جدا لمشاركتك وسلامى ليوكى
نورتينى حبيبتى ودمتى بخير
***********************************
بطوط حبوب
اهلا بيك يادكتور
حمدالله ع السلامة وامتحانات موفقة بإذن الله
ربنا يكرمك وجزاكم مثله
دمت طيبا ولمدونتى زائرا
**********************************
domalays
اهلا بيك يافندم
ربنا يكرمك فماتوفيقى الا بالله
ويسعدنى زيارتك الدائمة وانتظار الجديد
دمت طيبا ولمدونتى زائرا
*********************************
نهر الحب
اختى الحبيبة:مقدرش على زعلك ياقمر ان شاء الله البوست الجاى اول مانزله هقوللك عليه عشان تبقى اول تعليق
صافى يالبن... مش كده
نورتينى حبيبتى وبحبك جدا
***********************************
nile quieen
اختى الحبيبة:ربنا يكرمك وجزاكم مثله
فهذا من فضل ربى
نورتينى حبيبتى ودمتى بخير
***********************************
zozo
اختى الحبيبة:ربنا يكرمك والحمدلله فهذا من فضل ربى
ربنا يقدرك ويوفقك دايما لفعل الخير وفعلا فكرة تستحق التقدير فلا تترددى
ويسعدنى طبعا ان اشترك معاكى فى حاجة ذى دى
تقبل الله منا ومنكم صالح الاعمال
نورؤتينى حبيبتى ودمتى بخير
*********************************
ahmed fahmy
اهلا بيك استاذ احمد
ربنا يكرمك ولاتتخيل سعادتى باستفادتك من هذا البوست
فياربنا لك الحمد كما ينبغى لجلال وجهك ولعظيم سلطان
دمت طيبا ولمدونتى زائرا
***********************************
rovy
اختى الحبيبة:ربنا يسعدك ويبارك فيكى فماتوفيقى الا بالله
غاليتى احبك الذى احببتنى فيه وظلنا تحت ظله يوم لاظل فيه الا ظله حينما ينادى اين المتحابين فى فتتشابك ايدينا ونكون سويا نحن وجميع من نحبهم فى الله
نورتينى وتسعدنى دائما زيارتك ودعائك لى ربنا يتقبل ولكى بالمثل ان شاء الله

Mero.. يقول...

همممممممم
انا بجد مش عارف اقولك ايه ؟؟
سعيد فعلا إن فيه ناس بتكتب بوستات زي دي..
أحف أضيف..
صلاة الضحى تؤدي الصدقة الواجبة عن العبد كل يوم عن كل عظمة في جسمه..سورة الملك كل يوم قبل النوم تقي من عذاب القبر..
"سبحان الله مدد خلقه ، سبحان الله رضا نفسه ، سبحان الله زنة عرشه ، سبحان الله مداد كلماته"كل يوم الفجر عن عبادة تلت ساعات الحديث في صحيح مسلم
بارك الله فيكي :)

رحــــيـل يقول...

موناليزا اخبارك ايه ؟ يارب تكونى بخير

جزاك الله خيرا عهلى معلوماتك
انتى سردتيها فعلا بشكل مميز وجميل جدا


تحياتى وحبى

محمود حسن العدل يقول...

بارك اللة فيكى
وكتر من امثالك
بصراحة من كتر التعليقات اللى اتكتبت مش لاقى تعليق اقولة غير اللة قولتة مع انى عارف انة اقل الاقليل عليكى
تحياتى الف مرة ليكى

GiGi يقول...

بوست هايل
بجد تحفه ربنا يكرمك يارب
بس ليا ملاحظه لما يكون فى حيث ابقى اكتبلنا الراوي بعد اذنك
جزاك الله خيرا

semsem يقول...

مميزة دايما يا مناليزا

ahmed_k يقول...

اختي موناليزا
اسعدك الله
موضوعاتك دائما تحمل المفيد والمجدي لجميع من يقرأها
وجهدك مشكور
وجعله الله في ميزان حسناتك
بالنسبه لحديث النرد ,انا اول مره اسمعه
فهلا تأكدتي بانه حديث صحيح
او قد تكون الحرمانيه من حيث اللهو عن ذكر الله وعن الصلاه,فاذا لم يلهي عن الصلاة فلا حرمانية فيها
انا سوف اقوم بابحث في هذا الحديث وان شاء الله ارد عليكي هنا بما توصلت اليه

واسمحي لي أن آخذ بعض الصور من مدونتك واضعها في مدونتي

بارك الله فيكي وأكثر من امثالك

وتقبلي خالص تحياتي

فارس بلا جواد يقول...

جزاكى الله خيرا
تحياتى

موناليزا يقول...

mero
اهلا بيك يافندم
ربنا يكرمك ويبارك فيك
وجزاكم الله خيرا على اضافتك القيمة انها حقا تذكرة غالية واشياء فعلا بسيطة بالنسبة لنا ولكنها لها عظيم الاجر عند الله فلنحرص عليها جميعا
نورتنى واسعدتنى بمشاركتك
دمت طيبا ولمدونتى زائرا
**********************************
رحيل
اختى الحبيبة:انا الحمدلله بخير وعارفة انى مقصرة معاكى بس انا طمعانة فى كرمك انك تعذرينى
ربنا يكرمك ويبارك فيكى حبيبتى فهذا من فضل ربى
نورتينى ياقمر ودمتى بكل الخير
**********************************
محمود حسن العدل
اهلا بيك استاذ محمود
ربنا يكرمك فهذا من فضل ربى
اللهم لاتؤاخذنى بمايقولون واغفرلى مالايعلمون واجعلنى خيرا ممايظنون
نورتنى يافندم
دمت طيبا ولمدونتى زائرا
**********************************
gigi
اختى الحبيبة:ربنا يكرمك واشكرك جدا للفت انتباهى لهذه الملاحظة وستكون فى اعتبارى باذن الله
نورتينى حبيبتى ودمتى بخير
*********************************
semsem
اختى الحبيبة:اذيك ياقمر وحشتينى ويارب تكونى بخير
ربنا يكرمك فهذا من فضل ربى
نورتينى حبيبتى ودمتى بخير
**********************************
ahmed_k
اهلا بيك استاذ احمد
ربنا يكرمك فهذا من فضل ربى وماتوفيقى الا بالله
اما عن الحديث فهذا نصه"قال رسول الله صلى الله عليه وسلم:من لعب بالنردشير فكأنما صبغ يده فى لحم خنزير ودمه" رواه مسلم
ويسعدنى ان تقوم بالبحث عن اصول الاحاديث وافادتى بها فجزاكم الله خيرا وتقبل الله منا ومنكم صالح الاعمال
اذا كانت صور دينية فطبعا اسمحلك لاننا سنتشارك الثواب سويا اما غير هذا فلاداعى إلا للاهمية
اشكرك جدا لاحترامك لى واستئذانك فهذه اخلاق المسلم الحق
اسعدك الله ورزقك بكل الخير
دمت طيبا ولمدونتى زائرا
**********************************
فارس بلاجواد
اهلا بيك يافندم
ربنا يكرمك وجزاكم مثله
نورت مدونتى واشكرك لمشاركتك

ghoneem يقول...

السلام عليكم

أخبارك قديمة يا موناليزا ...بيبو وجيجي اتجوزو
:)

موضوع جميل وقيم بجد ربنا ينفع بيكي دايماً

ممكن أقول كلمتان خفيفتان علي اللسان ثقيلتان في الميزان حبيبتان الي الرحمن سبحان الله وبحمده سبحان الله العظيم

قال المصطفي من قال عشر مرات قبل أن تطلع الشمس وقبل غروبها: " لاإله إلا الله وحده لاشريك له، له الملك وله الحمد يحيي ويميت ويميت ويحيي وهو حي لايموت، بيده الخير وهو على كل شئ قدير " كانت كفارة لذنوبه ذلك اليوم

وهفتكر تاني كدة وهبقي اجي ان شاء الله

أشكرك علي الفائدة والتذكرة وربنا يجعله في ميزان حسناتك

تحياتي

بالتوفيق.............

جنّي يقول...

السلام عليكم

شكرا أختاه على تذكرتك لنا وندعو الله أن يخلصنا مما يغضبه ..

أكرمك الله وأعزك

mostafa rayan يقول...

موضوع مميز
تحياتي لكي

Heart Whispers يقول...

سيبتلك واجب يالا بقى حليه :)

نهر الحب يقول...

موناليزا
انا كمان احبك فى الله
احبك الله وغفر لنا ولك
على فكرة لنا بيت فى المنصورة يعنى ممكن نكون جيران هههه
سلام ياقمر

Gannah يقول...

موناليزا
جزاك الله خيرا
انكار المنكر يحتاج الى قوة نفسية وشجاعة قد نجدها عن الصغير دون الكبير احيانا
اليك ما خطر على بالى
----------------------------------
الرفق ما كان فى شىء الا زانه وما نزع من شىء الا شانه

الدعوة الى الله لها شروط وهى العلم بما تدعو اليه....الاخلاص....ان تكون وفق الفرآن والسنه....ان تكون بالحسنى والموعظة الحسنه.....ان تكون انت اول من يطبق ما تدعو اليه والا كنت ممن يدعون الناس الى البر وينسون انفسهم

اذا رأيت ما يعجبك فى نفسك او عند غيرك فقل ما شاء الله لا قوة الا بالله

بر الوالدين يزيد فى العمر والرزق

اذا اصابك مكروه فقل انا لله وانا اليه راجعون اللهم اجرنى فى مصيبتى واخلف لى خيرا منها

جزاك الله خيرا
دمتى بخير

محبط افندى يقول...

السلام عليكم

مدونة محبط أفندى

مدونة ..بس للمحبطين ..
ومين فينا مش محبط من حاجة ؟؟

بس يلا بينا ..نحاول اننا نخرج من الاحباط دة

ونشوف اخرتها ايه!!

ونعيش مع الامل ..وياااارب
:)

نتمنى من الجميع المتابعه .. والمشاركة ..والمساعده


الميل ..
amohbat@yaho.com

amal يقول...

جزاكى الله خير على البوست دا
بجد انا سعيده جدا بدخولى مدونتك والتعرف على مواضيعها

تعرفى انا كمان مكنتش اعرف ان الطاوله حرام
واول مره اسمع الحديث

مع ان الناس كلها بتلعبها ع القهاوى عادى جدا !!!!

اعتقد برضه كتير منهم ميعرفش
والله اعلم بالنفوس

مرسى على البوست

موناليزا يقول...

ghoneem
وعليكم السلام ورحمة الله وبركاته
اهلا بيك يادكتور
هههه كده مايعزمونيش!

ربنا يكرمك فهذا من فضل ربى
جزاكم الله خيرا على هذه التذكرات الرائعة وسأضيفها للموضوع حتى يستفيد منها الجميع
نورتنى يافندم واشكرك جدا لمشاركتك
وتقبل الله منا ومنكم صالح الاعمال
دمت طيبا ولمدونتى زائرا
**********************************
جنى
وعليكم السلام ورحمة الله وبركاته
اهلا بيك استاذ سيد
ربنا يكرمك ويتقبل دعائك ولك بالمثل ان شاء الله
دمت طيبا ولمدونتى زائرا
**********************************
mostafa rayan
اهلا بيك استاذ مصطفى
ربنا يكرمك وارجو ان يستفيد منه الجميع
دمت طيبا ولمدونتى زائرا
**********************************
heart whispers
اختى الحبيبة:اشكرك لتمرير الواجب بس انا كبرت على الواجبات ههههههه
*******************************
نهر الحب
اختى الحبيبة:ربنا يكرمك واحبك الذى احببتنى فيه وظلنا فى ظله فى يوم لاظل فيه الا ظله
ليا الشرف ياجميلة انك تكونى جارتى وياريت لو هتنزلى قريب تعرفينى ونتقابل
نورتينى حبيبتى ودمتى بالف خير
**********************************
gannah
اختى الحبيبة:ربنا يكرمك وجزاكم مثله يارب
واشكرك جدا على اضافتك القيمة وسوف اضيفها للموضوع حتى يستفيد منها الجميع
تقبل الله منا ومنكم صالح الاعمال
نورتينى حبيبتى ودمتى بخير وسعادة
***********************************
محبط افندى
وعليكم السلام ورحمة الله وبركاته
اهلا بيك ياستاذ محبط
مع احترامى لرايك ولكن عن تجربة الدنيا ماتستاهلش
وتذكر بانه
من جعل الله همه كفاه الله ما اهمه
نورتنى وكنت اتمنى مشاركتك فى هذا البوست
**********************************
amal
اختى الحبيبة:ربنا يكرمك وجزاكم مثله
لاتتخيلى سعادتى بزيارتك وتعليقاتك والحمدلله انها تفيدك فهذا من فضل ربى
وعشان كده حبيبتى عايزين نتشارك سويا اى معلومة مهما كانت بالنسبة لنا بسيطة لعلها تهدى احد او تبعد عن معصية
هدانا الله جميعا لما فيه الخير
نورتينى حبيبتى ودمتى بخير

زى الهوا يقول...

جميل البوست اوى , وجزاك الله عنه خير , مش حاضر عندى حاجة دلوقتى , او ممكن اكون مش باعرف افتكر غير مع الموقف نفسه

بالنسبة لحكاية السن فانا معاكى فى الحكاية دى , انا فى حاجات عرفتها وانا كبيرة , باعرفها لاختى الصغيرة دلوقتى وبالاقيها بترددهالى وبابقى مستغربة اوى

bar2ash يقول...

السلام عليكم

ازيك يا موناليزا
جزاك الله عنا كل خير
انا بجد استفدت وربنا يجعله في ميزان حسناتك

ربي يوفقك

تحياتي

موناليزا يقول...

زى الهوا
اختى الحبيبة:اهلا بيكى فى زيارتك الاولى
ربنا يكرمك وجزاكم مثله
وفعلا سبحان الله التقدم العلمى دلؤتى اجتاح العالم والمعلومات اصبحت فى يد الجميع ولكن من يبحث!!!
نورتى مدونتى واشكرك لمشاركتك
***********************************
bar2ash
وعليكم السلام ورحمة الله وبركاته
اهلا بيك يافندم
انا الحمدلله بخير اشكرك لسؤالك
ربنا يكرمك والحمدلله لاستفادتك فهذا يسعدنى جدا فماتوفيقى الا بالله
اسعدك الله وبارك فيك
دمت طيبا ولمدونتى زائرا

Abo-Harees يقول...

قال رسول الله صلى الله عليه وسلم
إنما بعثت متمماً لمكارم الأخلاق
صدق رسول الله صلى الله عليه وسلم
وقال أيضاً فى أخر حديثه المشهور
قالوا هلا وضعت هذه اللبنة قال أنا اللبنة وأنا خاتم النبيين
نفهم من هذه الحديثين أمورا عظيمة
ومن اهمها أنه صلى الله عليه وسلم ما بعث ليأمر الناس بالصلاة والصيام والعبادات المعروفة
أنما كان اساس بعثته هو إتمام مكارم الأخلاق والتى إن عرفناها وتمسكنا بها كان حقاً علينا معرفة الله والإنحناء امام عظمته وكبريائه
لو عرفنا الصدق مثلا لطبقنا مع الله أولا ولو عرفنا الأمانه لصناها مع الله أولا ولو عرفنا الأدب لطبقناه مع الله اولا
فكان حقاً علينا أن نلتزم بالأخلاق قبل العبادة وبالأدب قبل الخشوع
فإن رسول الله كان يحرتم عنترة وغيره الكثير ممكن ماتوا قبل البعثة لأنهم أهل أخلاق ومروءة
وقال أيضاً إن أكرمكم فى الجاهلية أكرمكم الإسلام لو فقهوا أو كما قال صلى الله عليه وسلم لأننى لا اتذكر لفظ الحديث

فهل يا ترى التزمنا الادب وتخلقنا بالأخلاق الإسلامية التى دعى بها جميع الرسل والأنبياء
هل تلمسنا سير المؤمنين النبلاء
هل حاولنا أن نغير ما فينا من صفات مذمومة فى الشرع
ماذا فعلنا ؟؟؟

الراعى

موناليزا يقول...

abo harees
اهلا بيك يافندم
جزاكم الله خيرا على تعليقك وساضيف اجزاء منه فى الموضوع
وبالنسبة لاجابة سؤالك "ماذا فعلنا؟
ساقول :نحاول جاهدين ان نكون كما يريدنا الله
ولذلك لنجتهد فى ان نشارك الاخرين بمعلومات عن ديننا الحبيب
دمت طيبا ولمدونتى زائرا

Mezo يقول...

موضوع جميل ما شاء الله
قال صلى اله عليه وسلم
{عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد }
http://mezoderm.blogspot.com/

موناليزا يقول...

ميزو
ـــــــــــ
اهلا بيك يافندم
واشكرك جدا لرايك فماتوفيقى الا بالله
اشكرك ايضا على مشاركتك وقد قمت بإضافتها الى الموضوع
جزاكم الله خير
نورت مدونتى