السبت، 4 أكتوبر 2008

توابع رمضان

إبدأها دايما بسم الله
رزقى ورزقك على الله
انسى همومك
مين هيلومك
وماتلجأش لغير الله
خلى توكالك على الرحمن
دى الصحرا تبقى بأمره طوفان
لو جوه قلبك نار بركان
مين هينجيك غير الله
يمكن بروح مليانة إيمان
تشوف رسول الله فى منام
وتنول رضا ربك وأوام
تلاقيها فرح بإذن الله
وآه لو تبت كده لله وبكيت
وربنا خلاك زرت البيت
وجنب رسول الله صليت
تشكر مين بقى غير الله

(مقدمة برنامج الكنز المفقود)

*******************

يا من إذا دعوناه وجدناه قريب. نسألك يا الله ياملاذ كل غريب .أن ترزقنا الحياة على خطى الحبيب.

(مقدمة برنامج على خطى الحبيب)

***************************

لسانى دائما أجده يردد هذه الكلمات ولِمَ لا وقد استمعت إليها طوال شهر رمضان وهذا نبهنى إلى شئ هام جداً وهو أن كثرة استماع الشئ تجعلك لا إراديا تحفظه وتردده. يعنى لو عايزة أحفظ أغنية معينة يكفى إنى أسمعها يومين تلاتة وأنا أحفظها.وبرضه لو عايزة أحفظ سورة معينة من القرآن أسمعها كتير وأنا أحفظها على طول.

ولذلك عايزة أعرف إيه اكتر حاجة لسانك بيرددها اليومين دول؟؟





هناك 50 تعليقًا:

رندا يقول...

او تعليق هية هية هههه علشان اقولك كل سنة وانتى طيبة يامون

وكل سنة وانتى بتحققى كل آمالك واحلامك يارب

رندا

محمود حسن العدل يقول...

السلام عليكم ورحمة الله وبركاتة
لا استطيع التعليق كلامك بسم الله ماشاء الله
بارك الله فيكى .
ودايما كدة تهدينا وتذكرينا بااجمل الكلمات .
بجد بوست رائع تستحقى علية التقدير
اخر مااقولة هو
لاالة الا الله وان سيدنا محمدا رسول الله
تحيااااااااااااااااااااااااااااااتى

romansy يقول...

يارب يجعله دايما فى ميزان حسناتك
ودى اجمل توابع
وياريت نقتنع بيها كلنا
ونثق ان الرزق دا بيد ربنا
بس احنا نسعى بس
كل سنه وانتم طيبن

زى الهوا يقول...

اه انا ديما برده لسانى بيكرر ابدأها ديما بسم الله , وامين يارب العالمين علشان فى الموبايل عندى وربنا يستر ادعيلى ربنا يهدينى وانسى حاجة اسمها الاغانى

موناليزا يقول...

رندا
ـــــــــــ
اختى الحبيبة:وانتى طيبة ياجميلة
ويارب انا وانتى وكل المسلمين يارب
نورتينى حبيبتى ودمتى بخير
******************************

محمود حسن العدل
ـــــــــــــــــــ
وعليكم السلام ورحمة الله وبركاته
اهلا بيك استاذ محمود
ربنا يكرمك يارب فماتوفيقى الا بالله
بس عشان نعطى الحقوق لصحابها ليست هذه كلماتى انها كلمات تتر برامج شاهدتها فى رمضان
وبعد ماقلت أحب كلمة الى قلبى وهى لا اله الا الله محمد رسول الله
لا املك سوى الدعاء لك بكل الخير ويرزقك سعادة الدارين
نورتنى واسعدنى تعليقك

*********************************

رومانسى
ـــــــــــــ
اهلا بيك يافندم
ربنا يكرمك ويتقبل دعائك
ومعك حق على المرء ان يسعى وليس عليه ادراك النجاح
وانت طيب وبصحة وسلامة
نورتنى يافندم ودمت بخير
***********************************


زى الهوا
ــــــــــــ
اختى الحبيبة:اقولك على وصفة انا شخصيا جربتها ونجحت جدا وهى ان اسمع قران كتير لشيخ انتى بتحبى صوته وتاخدى كذا نية بقى مثلا انك هتاخدى باستماعك للقران ثواب وفى الاغانى لا
وهتقدرى تحفظى قران وده هيفيدك اكتر ماتحفظى اغانى
ده غير ان المكان اللى هتبقى فيه هيبقى فيه ملايكة
وكده يعنى
وربنا يهديكى ويرزقك حلاوة الايمان
نورتينى ياقمر ودمتى بخير

Gannah يقول...

موناليزا
انا استمتعت جداااا ببرنامج الكنز المفقود لمصطفى حسنى
فى كل حلقة رسالة تتسلل الى القلب فى يسر وسلاسة
المقدمة كمان كلماتها جميلة
خاصة الجزء ده

يمكن بروح مليانة إيمان
تشوف رسول الله فى منام
وتنول رضا ربك وأوام
تلاقيها فرح بإذن الله

احيى ذكائك فى اللمحة التى خرجتِ منها من تكرار الشىء
كل عام وانت بخير
تحياتى

mohamed ghalia يقول...

اللهم تقبل منا رمضان وأدم رمضان علينا سنوات عديدة وأزمنة مديدة
اللهم ارزقنا الثبات على الطاعة بعد رمضان.
كل سنة وحضرتك بخير
تقبلى تحياتى

بنت الصالحين يقول...

اللي بردده كتير اليومين دول


الايه الكريمه

وتحسبونه هينا وهو عند الله عظيم

والذكر

لاحول ولاقوه الا بالله
وكمان حسبنا الله ونعم الوكيل


سلامي ليكي ياقمر

موناليزا يقول...

جنة
ـــــــــ
اختى الحبيبة:فعلا كان برنامج قيم واسلوب مصطفى حسنى كمان ربنا يكرمه ويجازيه عننا كل خير
فعلا جزء مؤثر وأمل غالى اوى نرجو تحقيقه
ربنا يكرمك يارب دايما بحس انك اختى
وبحبك جدا
وكل سنة وانتى بالف خير
*******************************
محمد غالية
ـــــــــــــــــ
اهلا بيك استاذ محمد
ربنا يكرمك ويتقبل دعائك ويرزقنا جميعا الاخلاص فى القول والعمل
وكل عام وانت بخير

ahmed_k يقول...

جميله كلمات تلك المقدمات التي ذكرتيها
وفيها من الروحانيات الكثير

وأنا كثيرا ما اردد أبيات لعمر الخيام
فهذا الشاعر الذي حورب في حياته
إتخذ الصوفيه من أشعاره وكلماته
نبراسا وأناشيد يتغنوا بها

وكل سنه وأنتي طيبه

موناليزا يقول...

عاشقة الفردوس
ــــــــــــــــــ
اختى الحبيبة:ربنا يقوى ايمانك ويرزقك رضا الله وسعادة الدارين
نورتينى حبيبتى ودمتى بخير

*****************************
احمد-ك
ـــــــــــ
اهلا بيك استاذ احمد
ربنا يكرمك واشكرك لرايك
وكنت ارجو ان تكتب لنا بعضا منها لنعلمها جميعا
دمت طيبا ولمدونتى زائرا

Mony يقول...

جزاك الله خيرا علي التذكره

بس اعتقد ان طول اليوم لساني بيقول:

ياااااااااااا عبد الله

سيب اختك في حالها

حتي بقيت بقولها وانا نايمة

بس بحاول اخلي لساني في ذكر


و ربنا يرزقنا حفظ القرأن و العمل بيه

KHALED يقول...

ههههههههههه
تعليق مونى فطسنى من الضحك

************
بس اعتقد ان طول اليوم لساني بيقول:
ياااااااااااا عبد الله
سيب اختك في حالها
حتي بقيت بقولها وانا نايمة
************

عموما
أنا دايما باقول فى كل وقت و مش فى رمضان بس ..

ربى إنى ظلمت نفسى ظلما عظيما و إن لم تغفر لى و ترحمنى لأكونن من الخاسرين

موناليزا يقول...

مونى
ـــــــــ
اختى الحبيبة:ربنا يكرمك وضحكتينى بجد
ربنا يهدى عبد الله ويسيب اخته فى حالها
ويعينك حبيبتى على تربيتهم والعناية بهم
ربنا يتقبل دعائك ويجعل لساننا يذكر الله دائما
نورتينى ياقمر ودمتى بخير
********************************
خالد
ــــــــــــ
اهلا بيك استاذ خالد
ومين سمعك والله بس هى معاها حق الاطفال محتاجين طولة بال غير عادية

الله دعاء حلو اوى ربنا يتقبل
ويرزقنا جميعا الاخلاص فى القول والعمل
دمت طيبا ولمدونتى زائرا

ســـــــهــــــــــر يقول...

كل سنه و انتى ( امة الله ) و احسن صوره لامه من اماء الله

Mafrousa يقول...

مووونتى كل سنة و انتى طيبه و بخير با رب
انامش بحب الغريبه على فكرة
البوست تحفه و انا تصدقى انى اتفرجت عل البرامج لكن مش تمعنت فى الكلام كده
ربنا يكرمك
الدعوه بقا
لا اله الا انت سبحانك انى كنت من الظالمين

سلوى يقول...

جمييييييييييييل
جميل بجد موناليزتي

وجميله فكرة إن زي ما بتحفظ أغنيه بالتكرار

فممكن برضه تحفظ القرآن

أنا أردد

مولاي إني ببابك :) أنشوده النقشبندي

كل سنه وانت طيبه
حفظك الله ورعاكي

المستنصر بالله يقول...

جميله فعلا وفكرة حلوة ايه اكتر شئ بنردده
انا بالنسبه لى الاستغفار دائما والدعاء لوالدى رحمه الله عليهولاموات المسلمين جميعا

تحياتى لحضرتك

amr يقول...

جميله فكره الموضوع

جزاك الله خيراااااااا

انا بردد اليومين دول

استغفر الله الذى لا اله الا هو الحى القيوم واتوب اليه

خالص تحياتى

كـــيــــــــارا يقول...

لو جوه قلبك نار بركان
مين هينجيك غير الله

بجد اللله عليييييييكي

جزاكي الله خيرا

تحياتي

كيارا

موناليزا يقول...

سهر
ـــــــــ
اختى الحبيبة:تعرفى ان ده أغلى تعليق جالى
ماتتخيليش مبسوطة بيه قد ايه
ربنا يسعدك ويرزقك بكل الخير
ويارب نكون دايما طائعين لله عابدين بالوجه الذى يرضى به عنا
نورتينى حبيبتى ودمتى بخير

*******************************

واحدة مفروسة
ـــــــــــــــــ
اختى الحبيبة:وانتى طيبة ياقمر
عايزة اجيبلك حاجة جديدة طيب ايه رايك فى البتيفور؟ وخلى الغريبة لما اجيلك تقدميلى منها):
مبسوطة بجد انه عاجبك وانى وصلتلك كلام جميل ذى ده
ربنا يتقبل دعائك ويرزقك بكل ماتتمنى
نورتينى ياجميلة ودمتى بخير

*********************************

سلوى
ـــــــــــــ
اختى الحبيبة:الجميل بجد تعليقك ومبسوطة انه عاجبك ولاقى هذا الاستحسان
ايوة الانشودة دى انا عارفاها وجميلة فعلا
ربنا يرزقك بكل الخير ويرزقك رضا الله وجنته
نورتينى حبيبتى ودمتى بخير

********************************

المستنصر بالله
ــــــــــــــــ
اهلا بيك يافندم
ربنا يكرمك واشكرك جدا لرأيك
وربنا يغفر لك ويرحم والدك
ويرزقك بكل الخير
دمت طيبا ولمدونتى زائرا

********************************

عمرو
ـــــــــــ
اهلا بيك استاذ عمرو
اشكرك لرأيك والحمدلله ان نالت الاستحسان
وجزاكم مثله
وما اجمل ماتردده اخى الكريم
وربنا يغفرلنا جميعا ذنوبنا
دمت طيبا ولمدونتى زائرا

********************************

كيارا
ــــــــــــ
اختى الحبيبة:مبسوطة بجد انها عجبتك ربنا يكرم كاتبها
أمال لو كنتى سمعتيها بصوت محمد فؤاد
ربنا يجازى كل معديها كل الخير
ويبارك فيكى ياجميلة
نورتينى حبيبتى ودمتى بخير

الازهرى يقول...

صديقتى العزيزة

خلى توكالك على الرحمن
دى الصحرا تبقى بأمره طوفان
لو جوه قلبك نار بركان
مين هينجيك غير الله


ارجوا ان تدعوا لى فقد قيل

فقلت ادعوا وادعوا فانه
اندى لصوت ان ينادى داعيان

وانا محتاج اليه بالفعل

جزاك الله خيرا على هذا الموضوع

مؤمنه يقول...

السلام عليكم ورحمة الله وبركاته
كل سنه وانتى طيبه وتقبل الله منا ومنكى والمسمين اجمعين وبلغنا واياكى رمضان المقبل ان شاء الله
الاغنيه دى عجبتنى اوى ولمست احساسى وعلقت معايه وكمان اغنية ققصص القران لعمرو خالد
وفيه بعض ايات فى القران بحب امعها
دومتى بخير
والسلام عليكم ورحمة الله وبركاته

غير معرف يقول...

دايما بقول بجد والله :) ربنا يستر ويثبتني وافضل اقول يختييييييييي ربنا يستر
ههههههههههههههههه

مها ميهوووو

momken يقول...

اسال الله ان يجعل لسانك دئما رطبا بذكره وقلبك دئما حياً بذكره
وحياتك دئماً طيبه بذكره


انا هتابع نفسى واعرف اكتر حاجه بقولها وابقى ابلغ

البوست جميل

تحياتى

ahmed_k يقول...

إن شاء الله
حنزل بوست كامل عن حياة عمر الخيام
وأجمل رباعياته قريبا

دمتي بكل خير

منى يقول...

اقولك يا ستى الايه اللى برددها دايما بس من غير صوت
ومن يتق الله يجعل له مخرجا

وربنا يستر بقولها كتييييير خصوصا اليومين دول
تحياتى وحبى

حـــــدوتـــــة يقول...

السلام عليكم

والله فى اغنيه عاملها حسين الجاسمى بتقول

ربنا ربنا يا ولى النعم

اغنيه رائعة ديما على لسانى

سلالالالالالالالالالالالالالالالالالالالالالالالام

موناليزا يقول...

الازهرى
ــــــــــــ
اهلا بيك يافندم
بداية:أفضل كلمة "أختى" وليس "صديقتى"
ربنا يفرج همك ويفك كربك
وكنت اتمنى لو كنت طلبت منى تخصيص دعاء معين ومع ذلك سأدعو لك بتيسير الامور وتذليل الصعاب لك وربنا يتقبل ويفرحك يارب

**********************************

مؤمنة
ـــــــــــــ
وعليكم السلام ورحمة الله وبركاته
اختى الحبيبة:وانتى طيبة ياقمر وربنا يتقبل دعائك
ومعاكى حق الاغنية احساسها عالى اوى
نورتينى حبيبتى ودمتى بخير

********************************

احسن تستاهل
ـــــــــــــــــــ
اختى الحبيبة:ان شاء الله هيسترها معانا جميعا
بس انتى خليكى ادعى كده على طول
نورتينى حبيبتى ودمتى بخير

***********************************

ممكن
ـــــــــــ
اهلا بيك يافندم
اشكرك جدا لهذا الدعاء الجميل وربنا يتقبل دعائك ولك بالمثل ان شاء الله
ونحن فى الانتظار اخى الكريم

*********************************

أحمد-ك
ــــــــــــ
اهلا بيك استاذ احمد
اشكرك لتبليغى ونحن فى الانتظار

**********************************

منى
ــــــــــ
اختى الحبيبة:ان شاء الله هيستر وهييسرلك جميع امورك باذن الله
وماتنسينيش من دعائك
نورتينى حبيبتى ودمتى بخير

*********************************

حدوتة
ــــــــــــ
وعليكم السلام ورحمةالله وبركاته
اهلا بيك يافندم
عارفاها سمعت اولها فى اعلان الكول تون
وجميل ان يتجه المطربين لهذا النوع من الغناء
دمت طيبا ولمدونتى زائرا

عــلاء ســالـــم يقول...

السلام عليكم

فعلاً كلمات عذبة مازالت تسكن في آذاننا

وفعلاً كثرة سماع الشيء يجعله يعلق في قلبة وبالتالي في لسانه

وفقنا الله إلى الخير

خالص تحياتي

اوعى تفكر يقول...

كل سنه وانتم طيبه
ربنا يكرمك ويجعل لساننا دائما رطبا بذكر الله

صاحبة هدف يقول...

جزاكم الله خيرا كثيرا
وكل عام وأنتِ إلى الله أقرب

سبهللة يقول...

من اول يوم رمضان
وانا لسانى بيردد الدعاء دة
اللهم اعنى على ذكرك وشكرك وحسن عبادك
انا داخلة اقولك كل سنة وانتى طيبة
وتقبل الله منك صيامك وقيامك وقرانك وجعلك من عتقائه فى رمضان

SHAPE YOUR LIFE (ABOALI) يقول...

سؤال جميل
ايه اكتر حاجة بترددها اليومين دول؟
كتير منها
ان لله وانا اليه راجعوان
مهما طال الليل فالابد من طلوع الفجر
ومهما طال العمر فالابد من دخول القبر
سبحان من نفر منه اليه
من وجد الله فماذا فقد ومن فقد الله فماذا وجد

كمان دايما على لسانى
كلناااااااااا انسان

تبسم فاءن البسمة عنوان الحياه
خير ان شاء الله خير


تعرفى كلمة توابع رمضان دى مش فى محلها
لاءن توابع معانها انها تقل شويه شويه
على اساس انها تابع مثل توابع الزلازل كده
ممكن تكون بشاير رمضان
يمكن تكون احلى
بس سيبك انتى كلامك هو الاحلى

لك تحياتى

الســـاحر يقول...

الله على الايمان الواضح جدا فى مدونتك
وكل سنه وانتى طيبه
ولعل تكونى حققتى المطلوب فى رمضان هذه السنه زكل سنه وانتى طيبه

oRiGiNaL HeArT يقول...

السلام عليكم ورحمة الله وبركاته
فعلا والله لما بسمع حاجة باستمرار بحفظها اوى
انا الايام دى عمالة اقول رمضان ولى هلالــــــــــه
هههههههه
علشان كنت بسمعها دايما فى التواشيح قبل الفجر :)

عاشقة القمر يقول...

كلمات جميل بجد بوست جميل اوي ربنا يجعل في فى ميزان حسناتك
علي فكرها انا صلحت الاخطاء عندي
شكرا لك ياريت زرياتك لاتنقطع

موناليزا يقول...

علاء سالم
ـــــــــــــــ
وعليكم السلام ورحمة الله وبركاته
اهلا بيك استاذ علاء
معنى كده انك ايضا تردد هذه الكلمات
اشكرك جدا لمشاركتك
دمت طيبا ولمدونتى زائرا

********************************

اوعى تفكر
ــــــــــــ
اهلا بيك يافندم
وانت طيب وبالصحة والسلامة
وربنا يتقبل دعائك ولك بالمثل ان شاء الله
دمت طيبا ولمدونتى زائرا
********************************

شيماء
ــــــــــ
اختى الحبيبة:اشكرك لمشاركتك وجزاكم مثله
وكل سنة وانتى بالف خير
نورتينى ياجميلة ودمتى بخير

*******************************

سبهللة
ـــــــــــــ
اختى الحبيبة:وانتى طيبة ياقمر وربنا يتقبل دعائك ولكى بالمثل ان شاء الله
والدعاء فعلا جميل واقوله دائما عقب كل صلاة
نورتينى حبيبتى ودمتى بخير

*******************************

ابو على
ــــــــــــ
اهلا بيك يافندم
اشكرك لرايك
وماشاء الله على كل الكلمات الجميلة التى ترددها ونشكرك جدا على مشاركتنا فيها

احترم وجهة نظرك جدا بس انا اقصد بالتوابع انها بتيجى بعد الحاجة اما البشاير فاعتقد انها بتيجى قبلها هذا والله اعلم وعلى حسب ظنى البسيط
اشكرك مرة أخرى لرايك والحمدلله الذى وفقنى لهذا
نورت مدونتى ودمت بخير

********************************

الساحر
ـــــــــــ
اهلا بيك يافندم
ربنا يكرمك فماتوفيقى الا بالله
والحمدلله قمنا فى رمضان بقدر مانستطيع وتقبل الله منا ومنكم صالح الاعمال
وكل سنة وانت طيب وبصحة وسعادة
نورت مدونتى ودمت بخير

*********************************

اوريجينال هيرت
ــــــــــــــــــ
وعليكم السلام ورحمة الله وبركاته
اختى الحبيبة:اشكرك لمشاركتك
نورتينى حبيبتى ودمتى بخير

***********************************

عاشقة القمر
ـــــــــــــــــ
اختى الحبيبة:اشكرك جدا لرايك وربنا يكرمك فماتوفيقى الا بالله
اشكر لكى تقبلك للنصيحة
نورتينى حبيبتى ودمتى بخير

EMMY BABY يقول...

بجد ربنا يكرمك

المقدمة فظيعة بجد تحفة جدااااااااااااا


وكلامك روعة جزاكى الله كل خيرا وربنا يثبتك وادعيلى كتير

ربنا يرحم اخو الريان ويدخله فسيح جناته

تسلم ايدك

تحياتى

ايمى

ojg يقول...

ازيك يا قمر
شوفي يا ستي
أولا يعني
في حاجات كده مش راضية تروح عن بالي
زي مانتي بتقولي كده توابع رمضان
كلمات كتير في القرآن بلاقيني بفتكرها أوي وكأن حد قاعد جنب ودني يقولهالي
وأدعية كمان
بخاف والله يكون ده بس عشان رمضان كان قريب هنا
اتمنى والله ان ده يستمر
:(

موناليزا يقول...

ايمى بيبى
ـــــــــــــ
اختى الحبيبة:اشكرك جدا على رايك والحمدلله انها عجبتك
وربنا يتقبل دعائك ولكى بالمثل ان شاء الله
تحبى ادعيلك بإيه؟
ربنا يسعدك ويثبتك على الطاعة يارب
نورتينى حبيبتى ودمتى بخير

********************************
أوج
ــــــــ
اختى الحبيبة:الحمدلله ياجميلة انا بخير
تصدقى برضه وانا كمان
بس احنا بقى ان شاء الله هنفضل على الطاعة دايما مش عشان رمضان وبس
نورتينى حبيبتى ودمتى بخير

راعى الناقه يقول...

كلمات رائعه والاروع منها كلمات الفرآن يا سلام لو كل واحد وهوا ماشى يردد ايات القرآن فعلا مش هيعيش في هم ولاا غم وسوف يجد حلاوة الايمان
بارك الله فيك

GiGi world يقول...

انتى جميله دايما فى موضوعاتك ربنا يكرمك يارب
كل عام وانت طيبه وبخير ياااااااااااااااااااارب

احساس لسه حى يقول...

عزيزتى
كل سنه وانتى طيبه وعيد سعيد

والبقيه فى حياة الربان وربنا يرحم شقيقه والمسلمين جميعا يارب

كلمات مقدمة البرامج اللى اخترتيها جميلة اوى

بحسها كانها دعوة رجاء من انسان حبا خالصا لله

ربنا يباركلك

تحياتى
سلام

Yasmine يقول...

بلجأ لمين فى شكوتى
بلجأ لمين فى خنقتى
لحظة ما تنزل دمعتى
ساعة ما تعلى ضحكتى
بلجأ لمين افضفض احكى شيء تاعبنى
لو ان ابويا ولا ضاقت يوم على امى
لو شيء صغير مس ابنى ولا بنتى
بلجأ لمين
لرب العالمين
دى اغنية شيرين..مقدمة الدعاء اللى كانوا بيقولوه بعد اذان المغرب

مشتاق لله يقول...

نبداها دايما بسم الله

☼♫♪ عمــاد الدين يــوسف ☼♫♪ يقول...

موناليزا
بعد كل عام وانتي بخير
سعيد بزيارتك لمدونتي وتعليقك
وسعيد اكتر بالتعرف على مدونتك الشيقه
واتمنى دوام التواصل
----------

اما بخصوص الموضوع فانا اجد كلمات انطقها كلما تنبهت اني في وضع انتظار او حال يمكنني من التفوه ببضع كلمات وهي
لا اله الا الله وحده لاشريك له ، له الملك وله الحمد وهو على كل شئ قدير

تحياتي

Abo 7anf يقول...

السلام عليكم
ازيك يموناليزا
اهم حاجه فعلا نثبت بعد رمضان

Rania Lelah يقول...

رائعه هى كلها
تلمس القلوب و تهز المشاعر
لا اله الا الله

تحياتى

موناليزا يقول...

راعى الناقة
ــــــــــــــ
اهلا بيك يافندم
معك حق أخى الفاضل ومَن أحسن مِن الله قيلا
اللهم ارزقنا تلاوة القرآن الكريم آناء الليل وأطراف النهار
نورت مدونتى واشكرك لمشاركتك

*********************************

جيجى
ـــــــــــ
اختى االحبيبة:ربنا يكرمك ياقمر فماتوفيقى الا بالله
ومبسوطة جدا من تعليقك واشكرك جدا لرايك
وكل سنة وانتى بالف خير ياحبيبتى
نورتينى ياجميلة ودمتى بخير

*********************************

احساس لسه حى
ــــــــــــــــــ
اهلا بيك يافندم
ملحوظة:لا أفضل كلمة "عزيزتى"
وانت طيب وربنا يكرمك والبقاء لله
فعلا اخى الكريم من صِدقها تأثر بها الجميع
رزقنا الله جميعا الاخلاص فى الفعل والقول والعمل
دمت طيبا ولمدونتى زائرا
*********************************

بنوتة مصرية
ــــــــــــــــــ
اختى الحبيبة:اشكرك لمشاركتى هذه الكلمات الجميلة لأنى ماسمعتهاش قبل كده
وما اجمل ان يكون كل مايردده لساننا ابتهالات لله
نورتى مدونتى ودمتى بخير

********************************

مشتاق لله
ـــــــــــ
اهلا بيك يافندم
ونِعمَ ما تبدأ به
دمت طيبا ولمدونتى زائرا

**********************************

عماد الدين يوسف
ــــــــــــــــــــ
اهلا بيك استاذ عماد
وانت طيب وبالصحة والسلامة
وأشكرك على هذا الترحيب
وما اجمل ماتتفوه به اخى الكريم لما فيها من ثواب عظيم
رزقنا الله واياك ذكر الله دائما وابدا
نورت مدونتى ودمت زائرا

**********************************

ابو حنف
ــــــــــــ
وعليكم السلام ورحمة الله وبركاته
اهلا بيك يافندم
واشكرك لسؤالك وانا الحمد لله بخير
ان شاء الله ربنا يثبتنا ويجعل طاعته احب الاعمال الى قلوبنا
دمت طيبا ولمدونتى زائرا

*********************************

رانيا
ـــــــــــ
اختى الحبيبة:اشكرك لرأيك
نورتينى ياجميلة ودمتى بخير