السبت، 1 نوفمبر 2008

أبو العروسة

بنتك الصغيرة كبرت والعرسان بدأت تتقدم لخطبتها.وأنت محتار ومش عارف توافق على مين وترفض مين!.
ولذلك سنعرض بعض النقاط التى ستساعدك على الإختيار الصحيح.
*لا تعتبر ابنتك مجرد سلعة تريد أن تبيعها لمن يدفع أكثر.
*إسأل عليه جيداً من حيث أخلاقه وكيفية تعاملاته مع الآخرين.
*اعرف من هم أصدقائه.فالمرء على دين خليله.
*إسأل عليه من لهم علاقات مادية معه,وأقاربه, وجيرانه,وزملائه فى العمل...
*لا تتعجل فى عقد القران والزفاف قبل أن تتأكد من توافقه مع ابنتك.
*لا تتنازل عن أى حق من حقوق ابنتك والتى شرعها لها الله من مهر وشبكة وكتابة قائمة ومؤخر صداق ووجود سكن خاص بها ومعرفة مقدرته فى الإنفاق عليها وما إلى ذلك.
*تحدث معه قبل أن تحكم عليه وشوف إتجاهاته وميوله وطريقة تفكيره.
*اقتنع أولاً بشخصيته لا بأمواله.
* لا تعتبر كل ما يقوله أمر مُسلم به وتصدقه فى كل مايقول بل عليك التأكد من صحة مايقول.
*لا تهمل رأى ابنتك.إسمعها وافهم وجهة نظرها وطريقة تفكيرها.ولا تبخل عليها أبدا بالنصيحة.
*اعطيها فرصة أيام الخطوبة أن تتعرف على عريسها جيدا ولكن تحت إشرافك.
*إذا أرادوا الخروج معا أيام الخطوبة لاتمنعهم ولكن إذهب معهم.
*لا تنسى الكشف الطبى قبل الزواج.
*لا تجعل عريس بنتك يشعر أنها من أسرة متحررة .(يعنى مثلاً تحدد له وقت معين للزيارة وللإنصراف فلكل بيت حُرمته وهو مازال غريب عنكم.تكون دائما موجود أثناء زيارته .مش شرط تكون قاعد معاهم بس على الأقل تكون شايفهم.)
*لا تجعل ابنتك تشعر أنك موافق عليه وتحاول أن تقنعها به. بل اترك لها حرية القرار مع لفت نظرها لما تراه مناسباً بحكم خبرتك فى الحياة.
*ابنتك غالية جدا فلا تزوجها إلا لمن يتقى الله فيها.الذى إذا أحبها اكرمها وإذا كرهها لم يهنها.
فإذا وجدت هذا العريس الذى يخشى الله فى جميع تعاملاته لا تفرط فيه أبداً . فهم قِلة قليلة.
**************
يسعدنى إضافة هذا التعقيب من الأخ الفاضل الربان
*ممكن الأب يتنازل قليلاً بالنسبة لقيمة الشبكة أو المهر إن كان المتقدم علي دين و خلق..
*.كما أنوه إلي ضرورة أن يكون هناك للمتقدم مرجعية...بمعني شخص ما له كلمة يستطيع أن يلزمه بما يتم الإتفاق عليه...فمثلاً قبل الزواج يمكن أن يوافق المتقدم علي عمل الزوجه...لكنه قد يتراجع عن ذلك بعد الزواج...بعض الشباب لا مرجعية لهم...و حضور أهلهم قد يكون مسألة شكلية فقط...يرجي الحذر من ذلك.


******************************
إنا لله وإنا إليه راجعون
أنتقل إلى رحمة الله شيخنا الجليل الدكتور /محمد المسير.

رحمك الله شيخى الجليل وجعل مثواك جنة الخلد.

هناك 68 تعليقًا:

*الطالبة عفو الله *زوزو يقول...

اتوقع اننا اول تعليق اذا مكنش حد سبقني

المهم حروح اقرا و ارجع اعلق

سلام

*الطالبة عفو الله *زوزو يقول...

انا جيت

الموضوع قيم فعلا

و بيشغل تفكير العديد من الاباء الي عندهم بنات

اكيد الاب لازم قبل مل شيء يتاكد من دينه و اخلاقه

و بعده تاتي النقاط الي ذكرتيها

و كمان شيء مهم انه يكون في قبول بين الطرفين

ربنا يرزق كل البنات المسلمات الازواج صالحة مصلحة باذن الله

بارك الله فيك اختي

في امان الله

دنيتى الجميله يقول...

السلام عليكم ورحمه الله وبركاته
موناليزا انتى عندك كام سنه وطبيعه حياتك ايه ووظيفتك ايه؟
دى تانى مرة اسألك على فكرة
ماشاء الله عليكى
ربنا يبارك فيكى
انتى على فكرة فكرتينى بوالدى لما جانى زوجى وطلب ايدى
نفس الاشياء اللى انتى ذكرتيها هو عاملها بالطبط
وفعلا موضوع انها مش من عيله متحررة ده شىء مهم جدا لانى وجدت اسر بتبان متحررة وده بينعكس على صورتهم ايام الخطوبه وللاسف بتنتهى الخطوبه بالفشل
دامت لنا نصائح الغاليه يا غاليه

SHAPE YOUR LIFE (ABOALI) يقول...

قائمة طويله اعتقد
ملخصها من ترضون دينه
بس خلى بالك من الوجه الاخر
وهو ست الحسن والجمال اللؤلؤه المكنونه
هل هى الاخرى مستعده
علاقة ادم بحواء هى علاقة اكتمال لا مشاركة ولا نص ونص ولا شخصية وشخصية
فمن كان عنده نقص فى شيىء يكمله الاخر
لذا ان كان البعض ينظر انا الذى امامه ملاك فلينظر الى نفسه ايضا انه ليس مريم العذراء
الاكتمال ضرورى بين حواء وادام
ولعلك قراءتى عندى
بوست فى الشر يكمن الخير
لتعرفى قيمة الزوجة

الاب يحتاج فقط سؤال واحد ليسئله الى العريس
لماذا تتزوج ؟
فاءن اجاب لاءكمل نص دينى وضحك
اعرفى انه فاشل
ونفس السؤال للعروسه
لماذا ستتزوجى وماذا ستقدمى لزوجك؟
فاءن قالت كفايه انه واخدنى
اعرفى انها فاشلة

الموضوع اعمق من ان نجمله فى تعليق
ولك عظيم شكرى على التوجيهات الموجه لصلاح خلل حدث فعلا فى تلك العلاقه بين حواء وادم
واتمنى لك كل الخير

Mony يقول...

جزاك الله خيرا علي الموضوع

كل مواضيعك فعلا هادفة

جزاك الله خيرا

بس انا اعتقد ان اللي المفروض نديله النصايح ديه هي ام العروسة

لان الاب بغريزة الغيرة اللي عنده هيعمل كده و زيادة

انما الام هي اللي ممكن تتعامل مع الخطاب علي ان بنتها سلعة و خصوصا لو بها شئ من الجمال

جزاك الله خيرا

محمد يقول...

السلام عليكم ورحمة الله وبركاته
روعة والله وربنا يبارك فيكم ويجعل الخير دوما يجري نتيجة مساعيكم.
بوركت أختي الكريمة ولك مني كل التقدير والإحترام.

عين فى الجنة يقول...

اكرمك الله وجزاك كل خير

KHALED يقول...

لو سمع كل أب شوية النصايح دى و عمل بيها ..
حاتختفى معظم المشاكل المتعلقة بالزواج و خلافة ...
ولكن للأسف ينظر الكثير من الأباء للقدرة المادية على أنها أهم شىء متناسين أن المال قد يجلب القليل من السعادة ولكن الكثير من الهم
أما التوافق من مختلف جوانبة فنتيجتة معروفة دائما وهو نجاح العلاقة
لكن لايزال هناك الكثير من الأباء أصحاب التفكير السليم يرجحوا فى أختيارهم أصحاب الدين و الأخلاق ..

مميزة دائما

أمل حمدي يقول...

ابنتي موناليزا

ربنا يرزق كل البنات المسلمات الازواج

الصالحة

انت عارفة ان الحكاية دي بقت صعبة قوي الايام دي
مش عارفة حاسة جوايا بخوف لما ييجي عريس لبنتي
حاسة بمسئولية كبيرة
بدعي الله انه يوفقني ويعيني انا ووالدهم عليها
موضوع مهم
تقديري

موناليزا يقول...

الطالبة عفو الله
ـــــــــــــــــ
اختى الحبيبة:ايوة ياجميلة انتى اول تعليق براااافو
ربنا يكرمك يازوزو واشكرك جدا لمشاركتك
وربنا يتقبل دعائك ويرزق الجميع بنصفهم الاخر الذى يتقى الله
نورتينى حبيبتى ودمتى بخير

*********************************

دنيتى الجميلة
ـــــــــــــــــ
وعليكم السلام ورحمة الله وبركاته
اختى الحبيبة:شكلك كده مش بتابعى ردى على تعليقاتك:)
ربنا يكرمك ويتقبل دعائك
اشكرك جدا لرايك ولمشاركتك
نورتينى حبيبتى ودمتى بخير

**********************************

ابو على
ــــــــــــــ
اهلا بيك يافندم
اعتذر للاطالة اخى االكريم ولكنى حاولت اختصار النقاط قدر المستطاع
اما عن ست الحسن فهيكون ليها موضوع منفرد لها وحدها
اما عن اضافتك لسؤال العريس والعروس لماذا يتزوجوا فهو حقا فى محله ويستحق ايضا موضوع منفرد
ربنا يكرمك لمشاركتك التى تفيدنى دائما
دمت طيبا ولمدونتى زائرا

*********************************

مونى
ـــــــــ
اختى الحبيبة:ربنا يكرمك فماتوفيقى الا بالله
انا قصدت اتكلم مع الاب فى النقاط دى بالذات على اعتبار انه راجل البيت مش العكس هههههه
يعنى لو الام هى اللى عملت كده هتبقى وحشة اوى فى حق الاب
مش كده ولا ايه؟
نورتينى حبيبتى ودمتى بخير

********************************

محمد
ـــــــــ
وعليكم السلام ورحمة الله وبركاته
اهلا بيك استاذ محمد
ربنا يكرمك واشكرك جدا لرايك ولمشاركتك
دمت طيبا ولمدونتى زائرا

********************************

راجى
ــــــــ
اهلا بيك استاذ راجى
ربنا يكرمك واشكرك جدا لمشاركتك
دمت طيبا ولمدونتى زائرا

*********************************

خالد
ـــــــــ
اهلا بيك استاذ خالد
اشكرك جدا لرايك ولمشاركتك
وفعلا التوافق من اهم اسباب النجاح
دمت طيبا ولمدونتى زائرا

*******************************

ماما امولة
ـــــــــــــ
اختى الحبيبة:ربنا يكرمك ويتقبل دعائك اللهم امين
ربنا يوفقكم يارب ويعينكم ويساعدكم على اختيار الزوج الصالح لانها فعلا مسئولية كبيرة اوى
اشكرك جدا لمشاركتك
نورتينى حبيبتى ودمتى بخير

غير معرف يقول...

جزاك الله خيرا ياموناليزا
بس للاسف ياحبيبتي عكس ده هو اللي بيحصل الايام دي
واللي بيعمل اللي انت قلت عليه الناس بتبص له علي انه غير سوي
لنا الله بقي

أميرة يقول...

السلام عليكم ورحمة الله وبركاته

بارك الله فيكي يا حبيبتي في الله :) دايما سباقة في الخير يا أمة الله تقبل الله منك

فرحت لما لقيت من التعليقات ان في ناس بتعمل كده فعلا.. اللي الواحد بيسمعه الايام دي من السيء للاسوء .. دا اصلا ان دخل حد من الباب علشان يتقدم

فكرتيني بأب مش عايز بنته تتجوز علشان خايف علي فلوسه
وأم مش عايزة البنت تسيب البيت علشان بتخدمها و بكرة يجيلها الي احسن
فكرتيني بأب دور علي الحسب والنسب من غير لا دين ولا اخلاق ورجعتله بنته بعد شهرين مطلقة
واب وام ارتضوا دين عائلة ملتزمة وبعد سنة جواز البنت سابت البيت بالهدوم اللي عليها علشان تهرب من جحيم تدخلات ابوه وامه حتي في نوعيه البامبرز و نضافة الببرون !!

اللي عايزة اقوله ان الانسان ابن كل حاجة اثر فيها واتاثر بيها .. اللي عايزة تعرف حد علي حقيقته لازم تختبر الحاجات اللي مش شايفاها

سواء هي او ابوها او اي حد تاني .. المهم ميبقاش واحد داخل البيت مجرد اسال ابوه مين و عمه و بيشتغل فين و يلا يا ابني موافقين .. المشكلة بتقع في انت مين ؟ حقيقي مين ؟ من وراء البدلة والمظهر ؟ مين انت حقيقي

سؤال صعب اوي علشان اجابته مش سهله ابدا و نادرا ما هتلاقي حد يجاوب اجابة صادقة

الله يهدي حالنا و يرزق المسلمين جميعا العفة و الذرية الصالحة :)

الرومـيصاء يقول...

دائما ما تأتى بما يشغل بالنا

وكم دعونا الناس الى مثل هذه الاشياء

ان ييسروا الزواج
وان لايغالوا فى المهور
اصبح الزواج فى هذه الايام
اشبه بتحقيق حلم مستحيل

بارك الله فيكى اوخيتى

romansy يقول...

مين اللى يسمع
دول بيطلعوا العريس منفض
وممكن كمان يخدوا البدله

ربنا يستر

mohamed ghalia يقول...

حقيقى لخطتى الكلام فى اخر المقال بالحديث الشريف
إذا جائكم من ترضون دينه وخلقه فزوجوه)
تحياتى على المقال الرائع
دمتى بود

رحيق الحياة يقول...

و إذا لم أجد أبا يقف إلي جانبي في مثل هذه اللحظة؟؟ إذا وجدت عما يحملني مسؤولية إختياري أو خالا يقول هل أنتي موافقة؟ إذن لا مشكلة نحن موافقون....ألن تسألوا عن أخلاقه؟ لا فأنتي من إخترتيه إذن أكيد أنك لم تخطئي الإختيار....لما لا تسأل نه؟؟ لا وقت لدي فأنا لدي بنات....و أنا ماذا؟؟ إنتي ابنة الاخ (او الاخت).....

موناليزا إذا من تمنيت و تمني أن يفعل كل ما قلتي قد رحل فماذا أفعل؟؟

إذا ما لقيتش إلي يقدر إني غالية و يقول ما دام إختارت يبقي تتحمل أعمل إيه؟؟؟

أتغاضي عن كل ده و اتجوز و اتحمل مسؤوليتي و لا بلاش جواز؟؟؟

يااااااه دموعي نزلت و انا أقري كلامك، تصدقي أتمني لو كان بابا موجود و يتشرط ويقول بنتي غالية و يسأل و يجيني و أسمع كلمة يا بنتي إيه رأيك؟؟ ياااااااه الأماني صعبة جداا
******

موضوع رائع

تحياتي

رغدة

ahmed_k يقول...

السلام عليكم
أتفق معكي تماما في كل ما طرحتيه
من أمور يسترشد بها الآباء لمعرفة الأصلح
فيمن يتقدمون لخطبة إبنته ,
ولكني اختلف معكي حول نقطة القائمه
فهي ليست من مستحقات الزوجه الشرعيه
وهي قد تكون وسيلة ضغط على الزوج أو إزلاله حتي لو كانا مازالا زوجين,
فهي قد تعد عرف أو تقليد إجتماعي
ولكن كحق شرعي للبنت فهذا غير صحيح ,

وتقباي خالص تحياتي

انت تسال والكمبيوتر يجيب يقول...

دعوه
يسعدنا ان نسمع تعليقاتكم
على ما نطرحه من موضوعات فى برنامجنا الأذاعى وهو الأول فى الشرق الأوسط عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عذا الجمعه التاسعه وعشر دقائق صباحا على موجات أذاعة البرنامج العام
ونرحب بنشر بعض موضوعات مدونتك المتميزه
المدونه
http://netonradio.blogspot.com

(صندوق الدنيا) يقول...

عليكم ورحمة الله وبركاته
مونايزا
كلامك جميل
والأمر سهل عندما لا يستهدف أي طرف الآخر...
وعندما تغلق الآذان ونتوقف عغن إنتظار آراء الآخرين
وأيضا سهل عندما يقدر ((العريس)) تساهل الأب في الإتفاق...ولا يظنها تقليلا من شأن عروسه
بارك الله فيك يا أختي

كـــيــــــــارا يقول...

صح كده


اصبتي بجد

الله عليكي ياموناليزا ياريت فعلا نخلي بالناا من كل ده

الازهرى يقول...

موناليزا
اختى فى الله

موضوع جميل وحيوى كالعادة
وجملة
*لا تعتبر ابنتك مجرد سلعة تريد أن تبيعها لمن يدفع أكثر

هى الجامعة للكثير من المعانى فلو اعتبرها كما تنصحين فستحرى ان يختار الصالح لها لا الصالح للشكليات فقط

تحياتى

(green eyes) يقول...

اتفق معاكي في كل الكلام
دماغك عجباني اوي
واضح انك ناضجة
تحياتي

أميرة يقول...

بيتهيالي اللي قالتله رحيق الحياة مع اللي قولته يوصلنا لمربط الفرس

الناس مبقتش مهتمة بتتاكد و تبحث و تدقق ورا كل معلومة عن اللي جاي ياخد بنتهم .. كل اللي في بالهم يلا ادينا بنسترهم و يروحوا بيوتهم وطالما دفع يبقي يستلم :(

وحسبنا الله ونعم الوكيل

mahasen saber يقول...

هو يا موناليزا الكلام المفروض يوجه للبنت لان معتقدش ومش المفروض ان الاباء يختاروا شريك الحياه لاولادهم ...بس التوجيه ضرورى
بس البوست قيم جدا ربنا يجعله فى ميزان حسناتك ان شاء الله
وشكرا على اهتمامك وسؤالك عليا ربنا يكرمك ويباركلك فى كل من تحبين
.....

☼♫♪ عمــاد الدين يــوسف ☼♫♪ يقول...

جزاكي الله بالخير

ياريت آباء اليوم يتعلمون من آباء الغد

تحياتي

همس الاحباب يقول...

يعنى انا اقعد اذاكر فى البوست ده
لحد همس ما تكبر
يعنى هى 4 سنين يدوب اقرا كل يوم كلمة
واحفظها
هههههه
جزاكى الله خيرا
ومتعك بالصحة والسعادة
تحياتى

mohamed ghalia يقول...

أختى العزيزة
فى تاج هدية ليكى ياريت تقبليه وتجاوبية
تحيانتى
فى إنتظار إجاباتك

موناليزا يقول...

ميادة
ـــــــــ
اختى الحبيبة:ربنا يكرمك واشكرك جدا لمشاركتك
واعقل الناس من لايهتم بكلام الناس اذا كان يفعل مايرضى الله
نورتينى حبيبتى ودمتى بخير

**********************************

أليس فى بلاد العجائب
ــــــــــــــــــــــ
وعليكم السلام ورحمة الله وبركاته
اختى الحبيبة:ربنا يسعدك يارب ويتقبل دعائك والحمدلله فهذا من فضل ربى
ولذلك حبيبتى الغالية كانت مسئولية ولى الأمر غاية فى الاهمية وسيسأل يوم القيامة عن هذه الامانة(العروسة) ويإما يعذب بسببها أو يدخل الجنة ولذلك أردنا التنبيه الى ان زواج الابنة مش بالساهل كده واى عريس كويس وخلاص
لأ ده الموضوع كبير ومحتاج تأنى وعدم التسرع
ربنا يكرمك يارب ويرزق بنات المسلمين جميعا بالزوج الصالح
نورتينى حبيبتى ودمتى بخير

***********************************

الروميصاء
ـــــــــــ
اختى الحبيبة:الحمدلله فما توفيقى الا بالله
فعلا ليتهم يهتموا بالشخص نفسه لا بامواله
نورتينى حبيبتى واشكرك جدا لمشاركتك

**********************************

رومانسى
ــــــــــــ
اهلا بيك يافندم
ههههههه معقول توصل للدرجة دى!!!
نورتنى واشكرك جدا لمشاركتك

*******************************

محمد غالية
ـــــــــــــــــ
اهلا بيك استاذ محمد
اشكرك جدا لرايك ولمشاركتك
وكما قال رسولنا الحبيب صلوات الله وسلامه عليه فيما معناه"تركت لكم شيئين كتاب الله وسنتى"
اللهم اجعلنا ممن يستمعون الى القول فيتبعون احسنه
دمت طيبا ولمدونتى زائرا

*********************************

رحيق الحياة
ــــــــــــــــ
اختى الحبيبة:امثال هؤلاء ممن ذكرتيهم سيسألون عنك شائوا أم رفضوا لانك اصبحتى أمانة لديهم ولن يدخلوا الجنة اذا لم يصونوكى
وانتى غالية فعلا ومش محتاجة حد يأكد ده
واذا لم تجدى أحدا بالفعل فانظرى لنفسك وتعاملى معها على هذا الاساس انك غالية جدا واجبرى من حولك ايضا ان يتعاملوا معكى على هذا الاساس
وقبل اى موضوع صلى استخارة وادعى الله كثيرا وتاكدى انه لن يخذلك وباذن الله هيوفقك وهيرشدك للخير
وعلى فكرة رب اخ لك لم تلده امك ممكن جدا يكون موجود ناس بيحبوكى فعلا كاختهم او بنتهم وهما مش من دمك سواء اصدقاء الوالد او الجيران او حتى الاصدقاء او اقارب من بعيد
تعرفى انا شوفتها قدامى واحدة ابوها موجود وبكامل صحته ولكن العروس واثقة اكتر فى ابن عم ابوها لانها بتقول ان ابوها طيب وعلى نياته وفعلا ابن عم الاب هو اللى اتفق مع العريس وقرايبه ويوم مابتحصل مشكلة بينهم بيستدعوه يعنى مش مهم حتى درجة القرابة ونوعها المهم وجود رجل ناضج وقد المسئولية
وفيه ناس تانية ابو العريس بيبقى مسافر مثلا وام العريس هى اللى تتفق وتخلص كل حاجة ولا اجدعها راجل
فامانة عليكى ماتخليش الموضوع ده يضايقك او يأثر فى نفسيتك واعرفى ان اللى خالقنا احن وارحم علينا من اى حد
أوجعتينى حقا ولو كنت معاكى كنت مسحت دموعك(معايا مناديل كتير على فكرة):
لانها بجد غالية اوى وتأكدى ان دموعك دى بتوجع والدك جدا فيرضيكى تكونى سبب فى قلقه ادعيله حبيبتى بالرحمة فهو يحتاج دعائك اكثر
ربنا يسعدك ويفرح قلبك ويرزقك يارب بالزوج الصالح
نورتينى حبيبتى ودمتى بخير

**********************************

احمد-ك
ـــــــــ
وعليكم السلام ورحمة الله وبركاته
اهلا بيك استاذ احمد
احترم اختلافك معى ولكن كيف تكون القائمة مش من حق الزوجة!!
اخى الكريم نحن متفقين ان المهر قد شرعه الله للزوجة طيب المهر ده بيروح فين
مش المنقولات الزوجية تُشترى بهذا المهر بالاضافة الى مايساهم به والد العروس
تبقى ازاى مش من حقها؟؟؟
اما عن استخدام البعض وليس الكل لها لاذلال الزوج فهذا اعتقد انه لايحدث طالما ان هذا الزوج يتقى الله فى ابنتهم
اما عن صحتها من حيث الشرع فلا يجوز ان تنكح المرأة بدون مهر الا اذا ارتضت ذلك
نورتنى يافندم واشكرك جدا لمشاركتك

*********************************

انت تسأل ولكمبيوتر يجيب
ــــــــــــــــــــــــــ
اهلا وسهلا
قبلنا الدعوة وسنكون عندكم قريبا باذن الله

********************************

ام البنين
ـــــــــــــ
وعليكم السلام ورحمة الله وبركاته
اختى الحبيبة:فعلا كما قلتى
اوقات كتير لايقدر العريس تنازلات الاهل من اجل اتمام الزيجة ومراعاة ظروفه
ولذلك علينا بتنفيذ وصية النبى عليه الصلاة والسلام ونبحث عن الدين والاخلاق
نورتينى حبيبتى واشكرك جدا لمشاركتك

*******************************

كيارا
ـــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتى بخير

********************************

الازهرى
ــــــــــ
اهلا بيك يافندم
اشكرك جدا لرايك فماتوفيقى الا بالله
فعلا اخى الكريم بناتنا اغلى من ان تكون مجرد سلع تباع وتشترى
اشكرك جدا لمشاركتك
دمت طيبا ولمدونتى زائرا

*********************************

جرين آيز
ـــــــــــ
اختى الحبيبة:ربنا يكرمك واشكرك جدا لرايك ولمشاركتك فماتوفيقى الا بالله
نورتينى حبيبتى ودمتى بخير

***********************************

اليس فى بلاد العجائب
ــــــــــــــــــــــ
اختى الحبيبة:اسعدتينى بتعليقك مرة اخرى وفعلا كما قلتى بقى المهم الفلوس وكأنه بيبيع موبايله او عربيته مش بينقل بنته لحياة جديدة تماما غير حياتها فى بيته
ولذلك انتشرت ظاهرة الطلاق بكثرة نتيجة سوء الاختيار
عافانا الله واياكم من هذا
نورتينى حبيبتى ودمتى بخير

******************************

محاسن صابر
ــــــــــــــ
اختى الحبيبة:ايوة طبعا بس ولى الامر له دور اساسى لايمكن ان نغفله او نتجاهله وبعد مايوافق ويقتنع يبقى يترك حرية الاختيار لابنته
لاشكر على واجب يامحاسن ده حقك عليا كمسلمة
ربنا يفرح قلبك ويطمنك على مامتك يارب
نورتينى حبيبتى ودمتى بخير

**********************************

عماد الدين يوسف
ــــــــــــــــــــ
اهلا بيك استاذ عماد
ربنا يكرمك واشكرك جدا لمشاركتك
دمت طيبا ولمدونتى زائرا

********************************

همس الاحباب
ـــــــــــــــ
اهلا بيك استاذ خالد
ايوة طبعا انت عارف همس غالية قد ايه ولازم تديها للى يقدرها ويتقى ربنا فيها
ربنا يخليهالك ويخليك ليها ويرزقها بالزوج الصالح ويرزقك بكل الخير
دمت طيبا ولمدونتى زائرا

**********************************

محمد غالية
ـــــــــــــ
اتهلا بيك استاذ مححمد
هدية غالية وسأجاوبه قريبا باذن الله
دمت طيبا ولمدونتى زائرا

واد غلبان يقول...

howdy?
شروط جميلة ومحددة
انا حاسس انك بتحاولى تقمى بدور ايجابى فى المجتمع

Geo Amr يقول...

بجد نصائح غاليه جداااااااا بس ياريت الاهل مش تكون معقدة فى مطالبها لانى طبعا الظروف الاقتصادية مش هتسمح بذلك يعنى بلاش نزودها ياريت نتقى ربنا فى الشباب وجزاكى الله خيرا على هذه النصائح

اقصوصه يقول...

طبعا الكاريكاتير روووووووعه

والموضوع فعلا مهم

الناس صارت سطحيه بتفكيرها

ما يهمها غير المظهر

ومش مهم جوهر الانسان

مع ان موضوع الارتباط بالذات

ما اعتقد انه التفكير لازم يكون سطحي فيه

لان بهالحاله النتيجه بتكون مرزيه اكيد!

جزاك الله خير ع الطرح المثمر:)

rovy يقول...

الله عليكى اختى الحبيبه
ادامك الرحمن لنا و ادام حكمتك و نصائحك الغاليه ..
يا ريت كل اب و ام ايضا تقرأ هذا المقال .. اكيد حيستفادوا كثير

المشكله كمان اننا اصبحنا فى زمن المظاهر و اهم حاجه الاب بيدور عليها هى اسم العائله و مهنة العريس المشرفه حتى لو كانت شخصيته غير متوافقه مع ابنته او ربما لايوجد قبول نهائى ..
حقيقى تسلم ايديك على هذا المقال الرائع و تسلمى لى اخت و حبيبه فى الله

وحشااانى جدا ..
ادعوا الرحمن ان تكونى فى احسن حال

دمتى بكل خير فى حفظ الله

تقديرى و ودى و تحياتى
احبك فى الله

الربان يقول...

تحياتي أختي الفاضلة

اولا بارك الله فيك علي هذه النصائح الغالية...و التي فعلا مطلوبة لتنير الطريق للبعض منا ممن يمرون بمثل هذه التجربة....

و اسمحي لي ان اضيف ان ممكن الاب يتنازل قليلا بالنسبة لقيمة الشبكة او المهر ان كان المتقدم علي دين و خلق...

كما انوه الي ضرورة ان يكون هناك للمتقدم مرجعية...بمعني شخص ما له كلمه
عليه يستطيع ان يلزمه بما يتم الاتفاق عليه...فمثلا قبل الزواج يمكن ان يوافق
المتقدم علي عمل الزوجه...لكنه قد يتراجع عن ذلك بعد الزواج...
بعض الشباب لا مرجعية لهم...و حضور اهلهم قد يكون مسألة شكلية فقط...يرجي الحذر من ذلك.

تحياتي و بارك الله فيك علي نصائحك الغالية...

Unknown يقول...

موضوعك حلو كالعادة
ترشدينا الى ما قد يتوه عن البعض فى زحمة الحياة وفقنا الله واياكى لما فيه الخير والصلاح
جزاكى الله خيرا اختى الغالية

رفقة عمر يقول...

طيب اللى والدها توفى تعمل ايه
رحم الله والدى رحمه واسعه عمرة ما ضغط عليا فى موضوع الزواج دة وكان تارك لى حريه الاختيار تماماكان نفسى اتجوز فى حياته بس الحمدلله القدر لم يحقق لى ذلك
ربنا يكرمك موناليزا على موضوعاتك الجميله الراقيه

شيماء زايد يقول...

موناليزا
هايل جدا جدا
بجد رؤيه واصحة وجميله
جزاكي الله كل خير

موناليزا يقول...

واد غلبان
ــــــــــــــ
اهلا بيك يافندم
أشكرك جدا لرايك ولمشاركتك
واحساسك فى محله اخى الكريم
دمت طيبا ولمدونتى زائرا

**********************************

جيو عمرو
ــــــــــــــ
اهلا بيك يافندم
اشكرك جدا لرايك ولمشاركتك
وبالمقابل ياريت الشباب يتقوا الله فى اى بيت يدخلوه
دمت طيبا ولمدونتى زائرا

********************************

اقصوصة
ــــــــــ
اهلا بيك يافندم
اشكرك جدا لرايك فى الكاريكاتير وفى الموضوع
ربنا يكرمك على هذا التعليق الصائب
دمت طيبا ولمدونتى زائرا

********************************

روفى
ـــــــــ
اختى الحبيبة:ربنا يكرمك ويفرح قلبك اخجلتم تواضعنا غاليتى كتير عليا اوى الكلام ده فما توفيقى الا بالله
يارب دايما تكونى بخير
ويارب اشوفك قريب لانك وحشتييييينى جدااا وسلامى للقمرات
وانا ايضا احبك فى الذى أحببتنى فيه
نورتينى حبيبتى ودمتى بخير وسعادة

********************************

الربان
ـــــــــــ
اهلا بيك يافندم
اشكرك جدا لرايك ولمشاركتك
واضافة غالية منكم اخى الكريم وسأضيفها للموضوع حتى يستفيد منها الجميع
دمت طيبا ولمدونتى زائرا

*********************************

نهر الحب
ـــــــــــ
اختى الحبيبة:اهلا اهلا بالقمر ايه الغيبة دى كلها وحشتينى حبيبتى ويارب تكونى بخير

ربنا يكرمك واشكرك جدا لرايك ولمشاركتك
نورتينى حبيبتى ودمتى بخير

*********************************

رفقة عمر
ــــــــــــ
اختى الحبيبة:رحم الله آباء المسلمين جميعا وجعل مثواهم جنة الخلد
ومن يتوفى عنها والدها ينوب عنها ولى امرها أو من ترضاه وكيلا لها
ربنا يرحم والدك ويجازيه عنكى خير الجزاء ويرزقك بالزوج الصالح اللى يتقى ربنا فيكى ويسعد قلبك يارب
ربنا يكرمك لمشاركتك الغالية
نورتينى حبيبتى ودمتى بخير

*********************************

شيماء زايد
ــــــــــــــ
اختى الحبيبة:ربنا يكرمك
واشكرك جدا لرايك ولمشاركتك
نورتينى حبيبتى ودمتى بخير

حاول تفتكرنى يقول...

دائما تتناولين موضوعات من الأهمية لدرجة تجبرنا على إعادة القراءة
والاستمتاع بها

تحياتي

مجداوية يقول...

السلام عليكم

أولا رحمة الله على الشيخ المسير وندعو الله له بالرحمة والمغفرة
ثانيا موضوعك هام جدا وكل ما قدمتيه من نصائح بالفعل معينة وقد تفلح بنسبة كبيرة فى اختيار زوج يتق الله
ولكنك كما نوهتى عددهم قليل جدا والاناث نسبتهم أكبر من الذكور اذان الذى يصلح لن يكفى عددهم وبالتالى هناك سؤال منى
هل لو لم تجد الفتاة زوجا تتوافر فيه هذه الشروط تمتنع عن الزواج أم تغامر مع علمها بوجود نواقص عديدة وتوافق عليه حتى لا تصبح عانسا ؟؟؟

أنا عندى اجابة عليه من وجهة نظرى ولكن هل اجابتى ستكون واقعية ؟؟؟
بالنسبة لى وبكل يقين وايمان بما أقول أن عدم الزواج فى هذه الحالة أفضل لأن تكملة الحياة مع زوج أغمضت فيه لكى لا تكون عانسا فهذا زواج ليس به مودة ورحمة والزوجة فالرضا والتكافؤ وصلاح الزوجين هم سعادة الدنيا فاذا لم تتوافر هذه المعادلة فلا معنى للشقاء من أجل كلام الناس !!!
ولى سؤال آخر ولكن لا أعرف الاجابة عنه
هل حقا قائمة العفش من الشرع ؟؟؟!!!!
فهناك زيجات لا تتم بسبب هذا الموضوع
وجزاك الله خيرا أختى الحبيبة على موضوعاتك المفيدة الرائعة

Abo 7anf يقول...

السلام عليكم
قايمه طويله بس جميله
بس للاسف كتير ظروف المعيشه بتخلى الناس تتغاضى

Unknown يقول...

السلام عليكم
ورحمة الله تعالى وبركاته
أولا رحمة الله تعالى لشيخنا محمد المسير ولامى ولابى ولاموات المسلمين أجمعين.أمين
ثانيآ فبعد كلامك وتعقيب الربان بخصوص المرجعية(او بالبلدى الكبير بتاعه مين زى ما بنقولها بالبلدى)اقول بعد قولكم وقول الاخت العزيزة مجداوية لم يبق لى شىء لاضيفه الا اننا نأخذ بالاسباب أما النتائج فيعلمها الله وحده وهو الموفق من قبل ومن بعد.
موضوع جميل ومتسلسل حلو فى افكاره.

tarek momen يقول...

جزاك الله خيرا علي الموضوع
واهنئك علي سلاسة الأسلوب
وادعو الله ان يستفيد الناس بالنصيحة
تحياتي

الطائر الحزين يقول...

جزاك الله خيرا

من يسمع ومن يعى

funckydoctor يقول...

تسلم ايدك
والله بابا عمل أكتر من كده مع عريس أختى لدرجة ان الناس كانت مستغربة جدا
أنا كنت بقوله أكيد ربنا هيرزق أولاده باللى يعاملهم كويس
معنى كلامى كما تدين تدان
عندك بنت هتجوزها افتكر ان كمان عندك ولد وهيتجوز ان شاء الله راعى اللى بيتقدملك وربنا هيوفقك أكيد لحد أحين تتقدمله
بجد تحياتى

PrInCeSS BeRy يقول...

ازيك يا حببيتى ما اجمل نصايحك بجد ما شاؤ الله عليكى فى الجون كلها ربنا ينفعنا بنصايحك يا عثل ويكرمك

مؤمنه يقول...

السلام عليكم ورحمة الله وبركاته

جزاكى الله كل خير على هذا الموضوع يا موناليزا
شروط وضعتيها مفيده جدا ومحددات فى امس الحاجه اليها
وختمتى بخلاصة الموضوع من جائكم من ترضون دينه وخلقه فزوجوه
وزوجها للمتقى فان احبها اكرمها وان كرهها لم يهنها

واخيراالتيسير لا التعسيير هى التى تولد البركه فى حياتهم بعد ذلك ان شاء الله

بالاضافه يجب ان لا يغيب على اذهان الخطاب ان فترة الخطوبه فترة تعارف لا اكثر فلا يسمح فيها بالكلام الذى لا يصير الا بين الازواج ...وذلك لمن اراد ان يبارك الله له فى حياته

موضوع هايل يا موناليزا زى ما عودتينا
تسلملنا ايدك
ودومتى باطيب حال
والسلام عليكم ورحمة الله وبركاته
دومتى باطيب حال

موناليزا يقول...

حاول تفتكرنى
ــــــــــــــ
اهلا بيك يافندم
ربنا يكرمك اخى الكريم واشكرك جدا لهذا الاطراء فماتوفيقى الا بالله
نورتنى يافندم واسعدنى تعليقكك

**********************************

مجداوية
ـــــــــــــ
وعليكم السلام ورحمة الله وبركاته
اختى الحبيبة:شكر الله سعيك واللهم امين يارب هو وموتى المسلمين

واجابة سؤالك الاول انا متفقة معك فيه فالزواج عبادة لله فكيف تتم من طرف واحد!!
وقليلا ايضا مايفكرون بهذه الطريقة.

اما سؤالك الثانى اجابته تتلخص فى هل مهر العروس الذى شرعه الله لها تأخذه كاملا فى يدها وتمتلك حرية التصرف فيه ام انه يدخل من ضمن أثاث الشقة؟
وهل ابو العروس لايتكفل باى مصاريف تجاه ابنته؟
وهل يتم كتابة مؤخر صداق يرضى الزوجة فى قسيمة الزواج؟
اذا كان كل هذا يحدث فلا مجال لوجود القائمة
لانها ببساطة تضمن حقوق الزوجة التى تنازلت عنها مقابل اتمام الزيجة من اخذ مهر وعدم تكفل الاهل بزواجها وعدم كتابة مؤخر صداق وما الى ذلك
هذا والله اعلم

اما عن فشل الزيجات بسبب القائمة فيكون هذا من حسن حظ العروس الذى اكتشفت حقيقة العريس الذى يرفض الامضاء على ورقة تثبت فيها حقوقها فى الوقت الذى تتنازل فيه هى عن كل شئ بما فيهم نفسها(لان فى الزواج تصبح القوامة للزوج عليها ولايجوز لها فعل اى شئ الا باذنه)
وافضل ايضا من ان تتم الزيجة وهو شايل فى نفسه منها ومن اهلها ومش مقتنع ان ده حقها
رزق الله بنات المسلمين بازواج صالحين يتقوا الله فيهن
نورتينى حبيبتى واشكرك جدا لمشاركتك التى فتحت مجال للمناقشة

**********************************

ابو حنف
ــــــــــ
وعليكم السلام ورحمة الله وبركاته
اهلا بيك يافندم
اعتذر للاطالة اخى الكريم اريد فقط لفت الانتباه بان البنت امانة لدى الاب وسيسلم هذه الامانة للعريس الذى نأمل ان يصونها
ومعك كل الحق فالظروف تجعل الكثير يتغاضون عن كل شئ
اشكرك جدا لرايك ولمشاركتك
دمت طيبا ولمدونتى زائرا

*******************************

نور اهاتى
ــــــــــــــــ
وعليكم السلام ورحمة الله وبركاته
اختى الحبيبة:شكر الله سعيك وتقبل دعائك اللهم امين
ومعكى حق حبيبتى علينا فقط الاخذ بالاسباب حتى لا نلوم انفسنا فيما بعد
نورتينى حبيبتى ودمتى بخير

********************************

طارق مؤمن
ـــــــــــــ
اهلا بيك استاذ طارق
ربنا يكرمك واشكرك جدا لرايك ولمشاركتك
دمت طيبا ولمدونتى زائرا

*******************************

الطائر الحزين
ـــــــــــــــــ
اهلا بيك يافندم
ربنا يكرمك وجزاكم مثله
"وذكر فان الذكرى تنفع المؤمنين"
دمت طيبا ولمدونتى زائرا

*********************************

فنكى دكتور
ـــــــــــــ
اهلا بيك يادكتور
اشكرك جدا لرايك وعلى مشاركتك القيمة
ورزقك الله بالزوجة الصالحة واسعد اختك وبارك فى والدك اللهم امين
دمت طيبا ولمدونتى زائرا

********************************

برينسيس بيرى
ــــــــــــــــ
اختى الحبيبة:انا الحمدلله بخير اذيك انتى ياقمر
ربنا يسعدك يارب واشكرك جدا لرايك ولمشاركتك
نورتينى ياجميلة ودمتى بخير

********************************

مؤمنة
ـــــــــ
وعليكم السلام ورحمة الله وبركاته
اختى الحبيبة:تسعدينى دائما بمشاركتك وباطرائك لما اكتب ربنا يسعدك ويرزقك بالزوج الصالح اللى يتقى ربنا فيكى اللهم امين
فماتوفيقى الا بالله
ومعكى حق فالخطوبة وعد بالزواج وليس زواج ولذلك على ابو العروسة عدم ترك الحبل على الغارب كما يقال
نورتينى حبيبتى ودمتى بخير وسعادة وراحة بال

دينا حامد يقول...

موضوعك جميل جدا
وفعلا في كتير من الاباء كل المهم عندهم المستوى المادي واي حاجة غير كده مش مهم
وطبعا ده اكبر غلط
ياريت يطبقوا كلامك لانه هيغير حاجات كتير
شكرا لموضوعك القيم




باذن الله مغفور له
البقاء لله

منى يقول...

انا موافقه
على الكلام يعنى
ههههههههه
عندك حق فى كل كلمه
ربنا يعمل الخير للناس كلها
ويعينا على رضاه
حاسه انك وحشانى اوى

صاحبة هدف يقول...

جزاكم الله خيرا

موضوعك مهم جدا..محتاج أب يعقل وأم تفهم وفتاة تحسن الإختيار

بارك الله فيك

TIMMY !! يقول...

اممم
للأسف .. مع زيادة عدد الإناث عن الذكور ..

أصبح الاختيار لهن أصعب من ذي قبل ..

يعني الأهل لما يصدقوا أي حد يتقدم أحسن ما حدش ييجي بعده .. و عصفور في اليد خيرؤ من عشرة على الشجرة ..

فيقعدوا يلمعوه و يشوفوا الجوانب الإيجابية فيه بس .. و يتعاموا عن الجوانب السلبية ..

ربنا يرزق الجميع العفاف ..

تحيتي ..

عـــفـــراء يقول...

السلام عليكم ورحمة الله وبركاته
ازيك يامونى يارب بخير دايما
ابو العروسة ياااااااة بيشيل كتير اوى يامنى
تعرفى موضوعاتك ديما بتفكرنى بمواقف شخصية بتمر عليا
فعلا هتلاقى ناس كتير اوى كل الى يهمها انها تجوز وخلاص مين الشخص دة واية مواصفاته ماتفهميش
بتمر علينا هنا فى الجمعيه حالات كتير ومطلقات كتير
وبتكون النتيجة اطفال ابرياء والسبب هو مواصفات العريس المبجل التى لم تظهر الا بعد الزواج
ماشاء الله عليكى دايما كدة بتمتعينا بمواضيعك المثيرة والتى تكون محل نقاش
انا عارفة انى بتاخر عليك بس معلش بقى سامحينى
تحياتى وتقديرى لكى .....

حبيبة الروح يقول...

جزاكي الله كل خير وحشتيني جدا انا رجعت المدونه يا ريت مش تكوني زعلتي مني
مي

Dr. Ibrahim يقول...

بارك الله فيكم

وهو ده المفروض

د/هيما

موناليزا يقول...

دينا حامد
ـــــــــــــ
اختى الحبيبة:اشكرك جدا لرايك ولمشاركتك
صدقتى وكأن المال اصبح كل شئ!!!
نورتينى حبيبتى ودمتى بخير

*******************************

منى
ــــــــ
اختى الحبيبة:اذيك ياقمر وحشتينى جدا وده معناه ان القلوب عند بعضها
ادام الله علينا الحب فى الله
ربنا يكرمك يارب ويتقبل دعائك
نورتينى حبيبتى ودمتى بخير

********************************

شيماء
ـــــــــــ
اختى الحبيبة:ربنا يكرمك يارب
لخصتى بكلمات قليلة ما اردت قوله
اشكرك جدا لرايك ولمشاركتك
نورتينى حبيبتى ودمتى بخير

*********************************

تيمى
ـــــــــــ
اهلا بيك يافندم
انها ثقافة مجتمع اخى الكريم التى تريد تزويج الفتاة سريعا حتى لا تاخذ اللقب الذى يخشى منه الاهالى على بناتهم
اشكرك جدا لرايك ولمشاركتك
دمت طيبا ولمدونتى زائرا

*********************************

عفراء
ــــــــ
وعليكم السلام ورحمة الله وبركاته
اختى الحبيبة:انا الحمدلله بخير اذيك انتى حبيبتى
ربنا يكرمك واشكرك جدا لرايك ولمشاركتك
عذرك معاكى ياجميلة المهم انك تطمنينى عليكى وتسعدينى دائما بزيارتك
نورتينى حبيبتى ودمتى بخير

******************************

حبيبة الروح
ـــــــــــــــ
اختى الحبيبة:حمدالله على السلامة ياجميلة
ربنا يكرمك يامى وانا عمرى ماازعل منك ياقمر
نورتينى حبيبتى ودمتى بخير

**********************************

د/هيما
ــــــــــ
اهلا بيك يادكتور
ربنا يكرمك واشكرك جدا لمشاركتك
دمت طيبا ولمدونتى زائرا

Butterfly يقول...

بجد دى مشكله جامده جدا
المفرود زى ما الراجل بيدور على ذات الدين الأهالى والبنات كمان أول حاجه تهتم بيها الدين
ربنا يهدى الناس ويبطلوا الطمع والجشع والغفله اللى هما فيها دى .

Gannah يقول...

موناليزا
رحم الله الشيخ المسير وجزاه خيرا عن الاسلام والمسلمين
هو لو طبقتى الكلام ده نصف البنات مش هتتجوز
وانا شخصيا حافظة مثل جميل"قعدة الخزانة ولا جوازة الندامة"
والاهل لازم يدققوا بالذات ان الرجالة اللى عن حق بقوا عملة نادرة
انا لا أظن أن القائمة حق شرعى دى اختراع مصرى
ولا المودة تروح هيعمل اللى الاثاث
ربنا يرزق جميع البنات بالازواج الصالحين
تحياتى

موناليزا يقول...

بتر فلاى
ـــــــــــ
اختى الحبيبة:اشكرك جدا لمشاركتك
وفعلا على الجميع الانتباه
نورتينى حبيبتى ودمتى بخير

**********************************

جنة
ـــــــــ
اختى الحبيبة:ربنا يرحم موتى المسلمين ويتقبل دعائك اللهم امين

متفقة معكى جدا وبالنسبة للقائمة فالشرع لايجبر والد العروس ان يساعد فى تأثيث مسكن الزوجية وبما انه يساعد بالفعل ولا تأخذ ابنته مهرها ولكنها ايضا تضعه فى تأثيث الشقة يبقى أكيد حقها
ربنا يسعدك ويتقبل دعائك ويرزق بنات المسلمين بمن يتقى الله فيهن
نورتينى حبيبتى ودمتى بخير

Rania Lelah يقول...

لو بجد كل اب و ام فكروا و عملوا بالنصايح دى اكيد كانت نسبه الطلاق هتنخفض و جدا
ربنا يهدى الجميع

تحياتى

رئـــــيسـة حزب الأحلام يقول...

نصائح غالية جدا للاباء
وقد تكون البعد عن بعض النقاط لبعض العائلات تكون سببا فى عنوسة بناتها
تحياتى لكى

د/ رامي شهاب الدين يقول...

جزاكى الله خيرا على هذا الموضوع الهادف ومحتواه القيم

دمتى بكل خير .. تحياتى

حاجات جوايا يقول...

عندك حق والله جدااااا
بس الحقيقة ان الكلام ده تقريبا مش بيطبق خالص دلوقت .. ونتيجة كده كترت حالات الانفصال بين المتزوجين حديثا

ورغم اننا فى الألفية الثالثة الا ان الاهل ما زال لهم السطوة على اختيارات بناتهم حتى لو كان بناتهم محقين فى رفضهم بحجة ان معندهمش خبرة

ربنا يصلح الحال
فيه مشاكل نفسية واجتماعية كتير جدا فى مجتمعنا وفعلا محتاجين اننا نسلط الضوء عليها ونوعى بعض

جزاكى الله كل خير أختى الحبيبة

دمتى فى حفظ الله

سالى

zOzO يقول...

اولا وحشاااااني اوي اوي
معلش مش بدخل والله كتير

ثانيا البوست قيم جدا كالعاده
كتير من الاهالي بيعبتروا بنتهم سلعه وعايزين يخلصوا منهم ومبس

يعني في بنات قدي والله واصغير تخيلي اتجوزوا
شوفتي
وعشان ايه اكيد العريس ملو هدومه

دمتي بخير دايما
في حفظ الله

مدحت محمد يقول...

انا لله وانا اليه راجعون

رابطة هويتي اسلامية يقول...

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية


حياتنا الزوجية بنصيحة من مجداوية

موناليزا يقول...

رانيا
ـــــــــــ
اختى الحبيبة:صدقتى ياجميلة
اشكرك جدا لمشاركتك
نورتينى حبيبتى ودمتى بخير

********************************

رئيسة حزب الاحلام
ـــــــــــــــــــ
اختى الحبيبة:قالت لى أختى الحبيبة"جنة"هذا المثل"قاعدة الخزانة ولاجوازة الندامة"
اجده ملائما لمن يخشون لقب عانس
فما فائدة زيجة لن تكتمل
اشكرك جدا لمشاركتك
نورتينى حبيبتى ودمتى بخير

**********************************

د/رامى شهاب الدين
ـــــــــــــــــــ
اهلا بيك يادكتور
ربنا يكرمك واشكرك جدا لمشاركتك
دمت طيبا ولمدونتى زائرا

*********************************

حاجات جوايا
ــــــــــــــ
اختى الحبيبة :سالى الجميلة اهلا اهلا فينك من زمان يارب دايما تكونى بخير

صدقتى حبيبتى وكما قالت اختنا الحبيبة"رئيسة حزب الاحلام"الغالبية يخشون العنوسة
اشكرك جدا لرايك ولمشاركتك
نورتينى حبيبتى ودمتى بخير

*********************************

زوزو
ــــــــــ
اختى الحبيبة:اهلا اهلا فينك من زمان ياجميلة وحشتينى جدااا
عذرك معاكى ياقمر ولايهمك المهم شدى حيلك فى المذاكرة

اشكرك جدا لرايك ولمشاركتك
وربنا يرزق بنات المسلين جميعا بازواج صالحين يتقوا الله فيهن
نورتينى حبيبتى ودمتى بخير

********************************

مدحت محمد
ـــــــــــ
اهلا بيك استاذ مدحت وعودا احمدا
عظم الله أجرك ورحم موتى المسلمين جميعا

********************************

رابطة هويتى اسلامية
ـــــــــــــــــــــ
اهلا وسهلا
رغم عدم اطلاعى على كيفية المشاركة ولكن يكفى الاسم المختار ويكفى ان اختنا الحبيبة مجداوية هى صاحبة الاقتراح
قبلنا دعوتكم وسنذهب لكم حالا

مجداوية يقول...

السلام عليكم

سؤالى عن القائمة لا دخل له بالعرف ولكن أسأل عن الشرع فالكثير منا لا يعرف أن مؤخر الصداق معناه مؤخر المهر أى هو والمقدم كله مهر واذا لم يدفعه الزوج أو مات ولم يوفه لزوجته أصبح دينا عليه لا بد أن يقضى
أما تنازل البنت عن المهر لأهلها لكى تجهز به الأثاث فهذا برضاها وبمعرفتها حتى لو بالجهل لأنها لا تعرف أن مهرها هى الوحيدة التى حق التصرف فيه ولا يحق لأهلها أن يأخذوا منه شيئا الا برضاها

فى مصر بالتحديد خلطنا العرف بالشرع فلم يعد معروف ماهو شرع وحق لا يحق لنا التصرف فيه أو تغييره وما هو عرف

نرجع لنفس السؤال من الناحية الشرعية ؟
هل القائمة حق شرعى للعروسة أم انها عرف ؟؟؟
وترشيحى لآسمك عند رابطة هويتى اسلامية هو مجرد توجيه الى من ينطبق عليهم الوصف ويتوسم فيهم الخير وهو عندك كثير وعطائك بلا حدود
فالشكر لك

موناليزا يقول...

مجداوية
ــــــــــ
اختى الحبيبة:ربنا يكرمك على ثقتك الغالية ويارب اكون قدها
اما عن سؤالك فسأنتظر الاجابة منك لانك ماشاء الله اصبحتى صاحبة عِلم وبتقدير امتياز كمان:)
انا جاوبت حسب معلوماتى البسيطة وباذن الله ساحاول ان اسأل دار الافتاء فى هذا الشأن قريبا
تسعدنى دائما زيارتك وتعليقاتك
فى امان الله غاليتى