المشهد الأول:-ــــــــــــــــــــــــــــــ
تزوجته بعد قصة حُب استمرت سنوات وأنجبت له البنت والولد وبعد زواج لم يستمر أكثر من خمس سنوات مرضت بالمرض الخبيث وماتت.
وقبل الأربعين تزوج بأخرى دون أى مراعاة لمشاعر أهلها ورفض أن يعطى لحماته ملابس ابنتها وكل ما أعطاه لهم أبنائه كى يتفرغ للزوجة الجديدة.
المشهد الثانى:-
ــــــــــــــــــــــــــــ
تحكى لصديقتها على كل شئ. وعلى أدق أسرارها. وإذ بهذه الصديقة التى لاتستحق هذا اللقب. تقول هذه الأسرار لصديقة أخرى لها.والأخرى تقول للأخرى ...وهكذا .إلى أن وصل الأمر إلى ألد أعدائها.
المشهد الثالث:-
ـــــــــــــــــــــــــــــ
لم يحرم ابنه الوحيد من شئ. ومع ذلك رفع الابن عليه قضية حجر. ووقف أمام والده فى المحاكم. وتم فضيحة رجل الأعمال الشهير على يد ابنه الوحيد.
المشهد الرابع:-
ــــــــــــــــــــــــــ
ابنها طلق زوجته وجائت الزوجة لتأخذ منقولاتها. فإذ بحماتها تقول لها: لا تأخذى كل هذه الأشياء واتركى غالبيتهم ابنى هيرجعك تانى. وهى تعلم جيداً نية ابنها ولكنها تريد الإستيلاء على ماليس لها.
المشهد الخامس:-
ـــــــــــــــــــــــــــ
غضبت زوجة أخيه. وذهبت إلى منزل أهلها فذهب لها قائلاً:لو عايزة تفضلى هنا على طول خليكى.
فقال ولى أمرها:لو كنتم مستغنيين عنها اوى كده يبقى كل واحد يروح لحاله.
وما كان من أخو الزوج إلا الإتصال بأخيه قائلاً:تعالى دلؤتى اتفقنا إنك هتطلق مراتك.
وتم الطلاق!!!.
المشهد السادس:-
ـــــــــــــــــــــــــ
بعد تأدية مناسك العُمرة مع زوجها تطلب منه أن يعاهدها بألا يفشى لها سراً. وبعدها بأسبوع يقول أدق أسرارها لوالدته والذى بدورها عملت نشراً تفصيلياً عن حياة زوجة ابنها الخاصة.
المشهد السابع:-
ــــــــــــــــــــــــ
تنتظر على الطرقات حتى تقع أى حادثة وتقوم بسرقة المصابين.
المشهد الثامن:-
ـــــــــــــــــــــــ
اتفق مع زوجته أن يتناولا الغدا مع حماته وطلب منها ان تعد له الأصناف التى يشتهيها.سبقته الزوجه وحين جاء وقت الغدا تتصل به فلا مجيب. وحينما تقلق على زوجها فتذهب إلى المنزل تجده ترك الشقة خاوية تماماً إلا من ورقة الطلاق.
المشهد التاسع:-
ـــــــــــــــــــــــ
مُمرضة تضرب المرضى لأنها لا تتحمل أن تسمع تأوهاتهم.
المشهد العاشر:-
ــــــــــــــــــــــــــ
غارت من زوجة ابنها العروس وقامت بالتفريق بينهم وجعلت ابنها يطلق زوجته غدراً واستولت على كل شئ .
هناك 55 تعليقًا:
هيه مش مشاهد محزنة
ديه مشاهد تفرس الصراحة
و تغيظ
و لشة مشهد تاني لسة شايفاه فى التلفزيون
الممرضة و التمرجي تجار اعضاء بشرية
التمرجي معاه لاب توب لزوم التواصل مع الناس اللى عاوزين اعضاء برة
و الممرضة بتسهل المواضيع جوة
و المصيبة ان فيه دكتور شغال فى النص
"ولا تحسبن الله غافلا عما يعمل الظالمون انما يؤخرهم ليوم تشخص فيه الأبصار,مهطعين مقنعي رؤوسهم لا يرتد اليهم طرفهم وافئدتهم هواء"
انتظري يا اختي....ولا تتعجلي
لن تلهبنا مشاعر اغبياء
لن نكرمهم ونقول حيوانات
فهم حثالة الحثالات
لم يتعلموا ان الدين سلوكيات
وليس مناسك تؤدى فى الصلوات
هم كما رايتى وذكرتى وعبرتى
لم يعرفوا معنى الامانه والامانات
هم من الاساس غوغاء من الساس للراس
ارى فى عيونك قول لالالالالالالالالا
وانهم يستحقون التعليم من الاساس
ان ادركوا معنى الدين والاديان
فهل ستريهم فى هذا المكان من الاساس
اراكى ضعفتى واخترتى طرح الموضوع وخلاص
لالالالالالالالالالالالالالالالالالالالالالالالالالالالالا
من عاش هكذا
فهم القوم بلا احساس
يداسوان بالاقدام لن تبكى العين من الاساس
سيدتى
نسوا الدين فأنسهم الله الاساس
فلا تضعى فى نفسك شيىء
فهم لا شيىء
انظرى الى الامام
فهولاء طفليات الدنيا
فمن نظر اليهم تأخر
ولا نملك لهم الا الدعاء وخلاص
تحياتى على رقة مشاعرك وخوفك والمك
ولكن
الخير فى وفى امتى الى يوم يبعثون
ومشاهد كتيييرة اوى تانى فى حياتنا محزنة اوى
احنا عاوزين نتقى ربنا بجد يمكن نبطل نشوف الاحزان دى كلها:(
اول مشهد خلي دموعي تنزل بهستيريا
يا رب متوريهاش لحد ابدا يارب يااااارب
الغدر دا وحش اوي ولما يجي من القريب بيبقي زي الحكم بالاعدام علي غفلة
كفانا الله واياكم الغدر والغادرين ولا ارانا واياكم مكروه في حد ابدا يارب
هي الدنيا ليه كلها وجع الايام دي كده!!
اللهم لا اعتراض
يا رب تكوني بخير
عندك حق اكثر من محزنه مؤلمه تكسر بجد
اللهم احفظنا امين يا رب
السلام عليكم
ايه كمية القسوة دى !!!!!!!!!!
فين الرحمة
لكن بعض المشاهد المحزنة قد تكون تحت عنونا داين تدان فهذا عدل وتصفية حساب وخير أن يحاسب فى الدنيا
والبعض الآخر ظلم بين وهذا أيضا خير لأن دعوة المظلوم لا ترد وأن يقول انى مغلوب فانتصر يسمعها مالك الملك العدل فلا ظلم عند رب العالمين
كل أمر المسلم خير
لكن الغدر يترك عاهة مستديمة فى النفس ونصف مشاهدك لمشهد واحد من حالة غدر تدمى القلب
ولكن
الله موجود
فهنيئا لمن ظُلم
ووعيدا لمن ظَلم
أمهلهم رويدا
فعلا زى واحده مفروسه ماقالت
دى حاجات تفرس وللأسف حقيقيه وبتحصل كتير
وفعلا دعوة المظلوم مستجابه
ربنا يهدى البشر
مشاهد مؤلمة جداً
لكن يبدو إنه لا مناص من الألم
قلبى على قلبك
انا اضك صوتى للى قالوا انها مشاهد مفرسة لكن للاسف هى بتحدث فى واقعنا
و السبب هى غياب التدين فى حياتنا
ماعرفش الواحد ممكن يعلق يقول اية بس دة فعلا موجود و بيحصل ... للأسف
هذه الدنيا وفيها الاكثر من ذلك
"ولا تحسبن الله غافلا عما يعمل الظالمون "
والحمد لله اولا واخيرا
هذه ابتلاءات يثاب الصابرون عليها
اللهم اجعلنا من الصابرين واكفنا شر
شياطين الانس اللهم امين
حفظك الله ابنتي الغالية
ايه بس المشاهد اللى تخلى الواحد يحس اننا عايشين فى غابه
دى مش غابه
دا سيرك
لا مش سيرك
محتار اصف احنا فين
يااااااااه انتي بجد جبتي اقسي واصعب مشاهد
هذا انما يدل يدل على انعدام القيم والأخلاق فى هذا الزمان وغلبة الهوى والشيطانية على الشريعة والعقل وسيادة مبدأ الأنا...
حفظك الله وإيانا من شرور الناس
د إبراهيم
ده كل مشهد عايز يفرد له صفحات للتعليق عليه,
بس فعلا كا عنونتي المقاله
هي مشاهد محزنه
نسال الله لأمثال هؤلاء الهدايه
دمتي بكل خير
ياااااااااااااه
دى معظم مشاهد الحياة !!!!
أد كده حياتنا محزنة وكئيبة
ربنا يرحمنا برحمته
مالقيتش ابلغ من التعليق ده
"أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ كَانُوا أَشَدَّ مِنْهُمْ قُوَّةً وَأَثَارُوا الْأَرْضَ وَعَمَرُوهَا أَكْثَرَ مِمَّا عَمَرُوهَا وَجَاءتْهُمْ رُسُلُهُم بِالْبَيِّنَاتِ فَمَا كَانَ اللَّهُ لِيَظْلِمَهُمْ وَلَكِن كَانُوا أَنفُسَهُمْ يَظْلِمُونَ " سورة الروم
"مَنْ عَمِلَ صَالِحاً فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلَّامٍ لِّلْعَبِيدِ" سورة فصلت
محزنه ومبكيه
بس اول فقره فيها توارد خواطر غريب كنت لسه رايحه اكتب بوست قريب جدا من المعنى ده بعنوان كيف استطاع ان يفعلها
ازاى كل النماذج اللى اتكلمتى عنها دى تمتلك كم القسوه دى كلها؟
ازاى قادرين يعيشوا ويتنفسوا والشر مليهم كده؟
عارفه انهم كتير والمصيبه انهم مش حاسين ببشاعتهم ياريت يبقى فيه مرايه للارواح عشان يعرفوا حقيقتهم
ربنا يهديهم ويهدينا ويدينا القوه والصبر
وان شاء الله ربنا هيرد لكل واحد حقه اما فى الدنيا واما فى الاخره
والامل كله فى عدل الله ورحمه
ربنا يعينك ويكرمك
تحياتى
لا حول ولا قوة إلا بالله
كلها مشاهد تمت بسبب شيئين
صراع على المال
أول زلة لسان وسوء ظن
اللهم انا نعوذ بك من الفتن ما ظهر منها وما بطن
فعلا مشاهد تدمى القلب
تقبلى تحياتى أختى العزيزة
طبيعيييييييييييي
الإنسان خُلق ظلوما جهولا
و بدون الدين و الالتزام بيه .. لازم هيعمل أي حاجة وحشة يمليها عليه هواه و شيطانه
إذ لا وازع لديه ..
تحيتي
ليه بس كدة موناليزا الدنيا اكيد فيها الحلو والوحش
اكيد فيه ناس مخلصه ناس امينه
انا جالى اكتئاب من المشاهد
ربنا يبعدك ويبعدنا عن هذه المشاهد اللهم امين
ربنا يكرمك موناليزا ويسعد كل ايامك
أبحث عن المشاهد المفرحة
المبهجة
أحاول اقتناص فرصة سعادة هزيلة
من بين ركام الأحزان
وأهاويل الإحباط المحيطة بنا
لذا مررت مرور الكرام
عذرا سيدتي
دمت بكل خير
للاسف يا مونا اغلب مشاهد الحياه بقت بالشكل ده
فتلاقى الحياه فى الغالب فيلم حزين عند البعض وكوميدى عند القله
........
على فكرة اذا كانت الكشاهد دى بتمثل 50% من المجتمع وهى فى الحقيقة اقل ف لسة الدنيا بخير
ممكن نعالج اى مشكله بهدوء بس احنا اللى بنحب ...........
لا حول ولا قوه الا بالله
بجد الناس بقت صعبه جدا
ربنا يهدى يارب
الطف بينا يارب
دعوة المظلوم
ما بينها وبين الله حجاب
جميل موضوع التدوينه
طرح مميز :)
مشاهد محزنه من واقع اليم
تحدث عندما يغيب الضمير
وتقتل الاخلاق
وتغتال التقاليد
تبقى المشاهد المحزنه
خالص تحياتى
الحياة ممتلئة بالجيد و السئ
انتى جبتى كل السئ
تفائلى خيرا و ثقى بالله
دعوة المظلوم لا ترد ابدا
موناليزا
لا بجد ايه المشاهد المتوحشة دي ...
اللهم إعفينا منها يارب
و ربنا يرحمنا برحمته ... الدنيا بقت و حشة جدا
و لكن يبقى الامل دائما أن هناك أناسا طيبون ... ولن أتخلى عن الأمل أبدا ...و لكني حريصا دائما في دنياى
و الحمد لله رب العالمين على كل شئ
تحياتي ...
السلام عليكم
فعلاً مشاهد محزنه
وما يحزننا أكثر أنها أصبحت مشاهد طبيعيه وعادية جداً في مجتمعنا الحالي
بأحييكي بجد على الموضوع المتميز ده
لسلام عليكم ورحمة
الله تعالى وبركاته
ماكل هذا الغدر
اي نعم الدنيا مليانة
بس برضه الخير فيها كتير
وعن المشهد الثانى اقول لك
فعلا أن سرك إن لم تحفظه انت
فلن يحفظه غيرك والمثل البلدى
بيقولك حرص ولا تخونش يعنى اسرارنا
لابد وان نحتفظ بها لانفسنا فقط.
الدنيا بخير لسه لكن
الحرص واااااجب.
اعوذ بالله
فى ناس بالشر ده يملا قلبهم (يابخت الحيوانات)
فى ناس للدرجه دى معندهاش دين ولا اخلاق
(يابخت الحيوانات)
للدرجه دى فى ناس بتحب الخراب والدمار وقلبها مليان كراهيه
(يابخت الحيوانات)
اعصب مافى موضوعك يا موناليزا انه واقعى جداً
ربنت يكفى المسلمين الشر
تحياتى
مشاهد محزه فعلا وبتحصل كتير للأسف
حسبنا الله ونعم الوكيل
كل تلك المواقف تحكي خلاً في مجتمعاتنا ... نعانيه بشده ولا ندري له علاج
تحياتي
السلام عليكم
فعلا مشاهد محزنة
ولكن ما السبب هل الناس هم الافيهم العيب ولا ظروف الحياه هى الا فرضت علينا هذه المشاهد
السبب الوحيد هو اننا بعدنا عن ربنا كل البعد
لو عرفنا الله حق معرفه
ورجعنا الى ديننا
وفهمنا ديننا لتغير الوضع تماما
وكانت هناك
مشاهد مشرفة
بس ده فعلاً اللى بيحصل وواقع ملموس فعلاً
الناس دلوقتى أصبحت غير الأول
تحياتي
مشاهد كئيبة...غريبة من اشخاص مات
الضمير...و ضاع الدين من حياتهم فانقلبوا وحوش كاسرة...و لا حول ولا قوة الا بالله العلي العظيم...نسأل الله السلامة لنا جميعا.
تحياتي و تقديري
لاحول ولا قوة الا بالله
دى مشاهد تخنق وتكرة الواحد فى الحياه
ولو المشاهد دى بتتكرر كتير فى زمانا يبقى عليه العوض بجد
سلام
يا نهار
لا حول ولا قوة الا بالله
الال اللى مستينة حادثة تحصل دي عشان تسرق المصابيين
في ايه بجد
فعلا والل في ناس مش ناس اصلا
والمشكلة فى اللى بيظلم انه مش بيبقه متخيل انه بيظلم
وشايف انه سعات كمان بيبقه مظلوم
بس جبتي كل القصص دي منين
هي عموما كلها فعلا قصص واقعية ومؤلمة
مشاهد محزنة فعلا، وبنستنكرها طبعا
لكنى هتوقف عند أول مشهد
أنا شايف إن مفيهاش حاجة لما الزوج يتجوز مرة تانية بعد وفاة زوجته ، لكن الشق الخاطى فى المشهد هو تركه وإهماله للأولاد
دمتى بكل خير .. تحياتى
ممكن تشوفي موضوعك منشور هنا يا امةالله
http://nas.mbc.net/blog.php?b=29321
تقبلي مروري
:)
لا حول ولا قوة إلا بالله.
أيه دا كله ؟
أنا عارف إنه بيحصل
بس اللي مش لاقيله سبب هو بيحصل ليه ؟
فين عقول البشر اللي ربنا كرمهم بيها عشان يتصرفوا كده ؟
ربنا يهدي الجميع يارب
السلام عليكم
انها مواقف محزنة نجدها كل يوم في حياتنا من حولنا خاصة ما تعرضها برامج التك شو علي الفضائيات حيث نري ونسمع العجب
واسفي علي قلبي الذي
احبك وتأوه واحتار
غرق في العشق وكاد ينهار
تجربةًً قاسية
ولكنني غير نادمة
و يبقي شيءً واحداُ*
ألا وهو صحة الاختيار
وعجبي
اتمني لكي كل خير في كل اختيار لدنياكي و اخرتك
نور
جميع المشاهد التى ذكرت تنم عن غدر وخسه ونذاله .. بالله ماذا ينتظرمن الندل .. والخسيس .. انه احدى الحالات التى ذكرت
اللهم لاتجعلنا ظالمين
وحسبي الله ونعم الوكيل في الظالم والمفتري
وكل اقوي فيه اللي اقوي منه وهو رب العزه
بوست جميل ومشاهد محزنه فعلا
السلام عليكم ورحمة الله وبركاته
أختاه .......
تتواجد هذه المشاهد كثيرا ..... ولكن كما نعلم فعاقبة الظلم ظلمات عافانا الله وإياكم منه ...... وما يجعلنا نصبر ونرجو من الل العون في حال عجزنا إلا قوله سبحانه "إنما يوفي الصابرون أجرهم بغير حساب"
وما ذكر في نهاية احدي القصص والمرويات إن إمهالي الظالمين جعل المظلومين ف أعلي عليين...... دمت بخير
وبعدين بقى
اروح مدونة منى الاقى تقريبا نفس الموضوع
حسبى الله ونعم الوكيل
بس هقولك حاجه كما تدين تدان
والحمد لله الذى عافانا
وربنا يصبر اهل كل منهم
اسلوبك جميل يا مونى تسلمى
السلام عليكم
حسبى الله ونعم الوكيل يمهل ولا يهمل
هذا ليس بكثير بما يحدث بين البشر
وما الدنيا الا اختبار كبير
فكل الويل ....
خالص تقديرى .......
حسبى الله ونعم الوكيل
مشاهد محزنه فعلا ابطالها جميعا تجمعهم صفة الـ لا انسان
موناليزا الرقيقه
دوما اجد فى رحابك هدوء نفس و اليوم
امتلئت حزن
اللهم انصر من ظُلِم
فعلا مشاهد محزنة
أحبائى فى الله
أشكركم جدا لتعليقاتكم وأعتذر لعدم ردى
فهذه المشاهد حدثت فى واقع حياتى بعضها حدث لشخصيات معرفتى بهم معرفة سطحية والبعض حدث لاشخاص قريبين جداً منى والآخر حدث لى شخصياً.
ومع ذلك ورغم اختلاف درجة الصِلة فى كل مشهد الا ان انهيار دموعى والام حزنى كانت واحدة وكأن كل هذه المشاهد حصلت لشخصى.
أشكركم جدا لمشاركتكم وأعتذر إذا كنت سببت حزنا أو ضيقاً لأحدكم.
سائلة المولى عز وجل ان يجعلنا دائما من السعداء الراضيين بقضاء الله.
نورتونى وأسعدنى تواجدكم.
إرسال تعليق