الخميس، 25 ديسمبر 2008

كشف حساب

فى البداية أحب أهنئكم بحلول عام هجرى جديد ويارب تكون سنة سعيدة علينا جميعا.(لمن لايعلم نحن فى انتظار عام1430هـ)
وبما أننا على مشارف عام جديد. يبقى لازم نعمل جرد سنوى لما مر فى حياتنا هذا العام.نتذكر من خلالها كم من المواقف التى مرت بحياتنا فأثرت فيها سواء بالإيجاب أو بالسلب.
ماهى أكثر المواقف التى أثرت فى حياتك بشكل عام؟. تقدر تذكر لحظات غيرت خططك لمستقبلك وما كان وقع هذا التغير عليك؟.
وهل عندما تنظر إلى هذا التغير من بعيد هل تقول عن إيمان ويقين"وعسى أن تكرهوا شيئاً وهو خيرٌ لكم وعسى أن تحبوا شيئاً وهو شرٌ لكم والله يعلم وأنت لاتعلمون"
وهل ياترى لو كانت حياتك صارت كما كنت تتمنى هل كنت ستتعلم وتكتسب هذه الخبرات.
هسيبك مع نفسك لتستعيد ذكرياتك لعلك تقول سبحان الله.
أما عن الجرد السنوى سأساعدكم بطرح هذه الأسئلة وأرجو الإجابة عليها:-
1-هتاخد إيه معاك للسنة الجديدة وهتسيب ايه؟.
2-مين أفضل حد عرفته على المستوى الشخصى فى هذه السنة؟.
3-ما أهم إنجازاتك هذا العام؟.
4-أذكر موقف ندمت على فعله هذا العام؟.
5-ما أهم أحلامك للعام القادم؟.
6-أذكر أجمل وأسوأ لحظة مرت عليك هذا العام؟.
7-لمن تهدى باقة "تقدير وعرفان بالجميل"لهذا العام؟.
8-زيارة مؤجلة ياترى لمين وليه؟.
9-كسبت كام شخص وخسرت كام شخص؟.
10-كام واحد زعلان منك ومنتظرك تصالحه؟.





هناك 68 تعليقًا:

Kiara يقول...

فعلا لازم نعمل كشف حساب عشان مش نغلط اللي غلطناه قبل كدا

والف الف مبرووووووووك لمنمون علي الخطوبه وربنا يباركلها فيه

حاجات جوايا يقول...

السلام عليكم أختى الحبيبة

كل سنة وانتى طيبة وبالف خير
اعاد الله عليك العام الجديد بكل الخير والبركة والهنا والسعادة وراحة البال

والحمد لله على كل ما حدث فى هذا العام من خير ومن شر وادعوا الله ان يكون العام القادم خير وأفضل

بالنسبة للاسئلة هجاوب عليها فى المساء ان شاء الله لضيق الوقت

دمتى فى حفظ الله اختى الحبيبة
سالى

موناليزا يقول...

مولان
ـــــــــ
اختى الحبيبة:كنا عايزين نعمله سوا:)
الله يبارك فيكى ياقمر وعقبالك يارب
نورتينى حبيبتى ودمتى بخير

*********************************

حاجات جوايا
ــــــــــــ
وعليكم السلام ورحمةالله وبركاته
اختى الحبيبة: وانتى طيبة وبالصحة والسلامة ياسالى ياجميلة
علينا وعليكى يارب بكل الخير
ربنا يتقبل دعائك وتكون سنة سعيدة على الجميع
فى انتظارك ياجميلة
نورتينى حبيبتى ودمتى بخير

princess يقول...

الانسان لو محاسبش نفسه هيروح سكة تانية خالص
ربنا يغفر لينا جميعا ويثبتنا اللهم امين
تحياتى
وكل سنة وانتى بخير وكل الناس بخير

(صندوق الدنيا) يقول...

كل عام وانت بخير اختي

SHAPE YOUR LIFE (ABOALI) يقول...

الووووووووووووووووووووو
نحن هناااااااااااااا
فى العام الجديد
1- هاااااااخد التصميم والاردة والصبر
( سلامة القلب وضوح الهدف-صدق الاهتمام)
2- افضل شيىء عالم التدوين
3- ياااااااااه كتير اترقيت فى الشغل
4- الصلاة اولا مهما كانت الظروف
5- القرب من تطبيق الدين
6- اجمل شيىء تفاؤلى واسوأ لحظه قراءة مدونة قطة الصحراء
7- الى كل من علق عندى فى المدونه
8- الزيارة المؤجله لصديقى عبد الله
لييييييييييه بعيد عنى وانا قريب منك
9- الحقيقه انا اكسب اصدقاء ولا اخسر احد لاءن ليا عنوان اسمه كله انسان
بس الناس مستويات فى القرب
10- كلنا بنزعل بدون ما نشعر
بس فيه شخص زعلته لمصلحته ومش مهم يا سيدى كلامك عنى انا مسامح


صدقا" يا موناليزا انتى انسانه من موضوعاتك بيبان انك دكتور نفسانى
ملم بمشاكل المجتمع
واكتر حاجة بتخلينى ابتسم
لما تردى على التعليق
تقولى
اهلالالالالالالالالالالالالالالالالالالالالالالالا" بيك يا فندم
العبارة دى تخلينى اممممممممممموت من الضحك
بس دليل على تربيتك واخلاقك يا فندم

ومبروك لمنى بالخطوبه والفاتحه وعقبال التشهد

وكل عام وانتى بخير ياااااا فندم

غير معرف يقول...

مونمون الجميلة،، انا ماليش دعوة هجاوب على أسئلتك ،، هه ،، بس

1-هتاخد إيه معاك للسنة الجديدة وهتسيب ايه؟

هاخد ضحكتي الملعلعة وهسيب الوش الكئيب، أو هحاول على أد ما اقدر
*******************************

2-مين أفضل حد عرفته على المستوى الشخصى فى هذه السنة؟

عرفت صحابي التلاتة على حق ، والله ما كنتش واخده بالي منهم :)
*******************************

3-ما أهم إنجازاتك هذا العام؟

صحبة الخير والاخوة في الله، واثبت لنفسي ان لما احب اشتغل بضمير واحقق ارقام بعمل ده..
******************************

4-أذكر موقف ندمت على فعله هذا العام؟

كتيييييير
******************************

5-ما أهم أحلامك للعام القادم؟

أتغير
********************************

6-أذكر أجمل وأسوأ لحظة مرت عليك هذا العام؟

أجمل لحظة لما فكرت وعملت حاجة واسوأ لما اتصدمت عشان اتفهمت غلط
*******************************

7-لمن تهدى باقة "تقدير وعرفان بالجميل"لهذا العام؟

لصحبة الخير
******************************

8-زيارة مؤجلة ياترى لمين وليه؟

لواحدة صحبتي اتجوزت وعندها اطفال ولسه ما زرتهاش :)
******************************

9-كسبت كام شخص وخسرت كام شخص؟

كسبت تلاتة وما خسرتش حد،، لغاية دلوقتي
*******************************

10-كام واحد زعلان منك ومنتظرك تصالحه؟

اتنين
******************************

يا جامدة يا مونمون
على فكرة انا كان بقالي كتير ما دونتش
انا اخيرا كتبت تاني بعد حبة غياب كتار

مها ميهوووو

منى يقول...

حبيبتى موناليزا مش عارفه اقولك ايه
ربنا يكرمك يا رب ويسعدك ويفرحنا بيكى
ودمتى لى اخت وصديقه وحبيبه
وسلمى لى على مروه
قولى لها انى منستهاش وبتمنى لكم كل خير
اما بالنسيه للبوست والاسله اكيد لازم اسالهم لنفسى واجاوب عليهم
كل سنه وانتى بالف خير
تحياتى

ماء تشرين يقول...

كل سنه وانت طيبه ياقمر ويارب تكون السنه الجديده سنه سعيده يارب عليكى وكل عام ونحن الى الله اقرب يمكن دى احلى دعوه نتمنى تتحقق ولا تنسينا من صالح دعائك
ماء تشرين

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة كل عام وانتى وكل أمتنا الاسلامية بكل خير
وإن شاء الله العام القادم يكون أجمل وأسعد على أمتنا ونكون فيه أنفع لديننا
(على فكرة اللى قالت قبلك على كشف الحساب أمة الله [مدونة وعجلت اليك ربى لترضى]ياسبحان الله فهى اسمها على اسم مدونتك )
وفقنا الله واياكم لما يحب ويرضى
اه كنت هنسى
الف مبروك للاخت منى وربنا يبارك لها هى وخطيبها ويجمع بينهم بكل خير ويسعدهم ان شاء الله
كل عام وانتى وامتنا بكل خير
والسلام عليكم ورحمة الله وبركاته

ندا منير يقول...

كلام رائع جدا يا موناليزا
واحسن شئ ان الانسان يحاسب نفسه اول باول
ويحاسب نفسه كل يوم عن اخطائه وعن كل شئ
بس فى كتير مش بيرضوا يحاسبوا نفسهم على اللى بيعملوه عشان مش بيحبوا يغلطوا نفسهم

حاول تفتكرنى يقول...

المحاسبة
ترى هل نستطيع أن نقيمها بكل حيادية ، وبمنتهي العدل

سنحاول بموضوعية اعداد كشف الحساب هذا حتى لو لم تكن اجابتنا علنية

لن انسي هذه المرة ان اعلن عن ان مدركاتي تزيد كلم دخلت هنا

فأشكرك بصدق

حاسوباتيه يقول...

عندك حق والله وانا فعلا كنت فكرت اعمل كده قبل ما اقرا البوسا ده بس هجاوبك بقى بسم الله

هتاخد إيه معاك للسنة الجديدة وهتسيب ايه؟

هاخد احلام لسه عايزه احققها وهسيب التعليم اخيرا لاني خلصت كليه السنادي لسه

مين أفضل حد عرفته على المستوى الشخصى فى هذه السنة؟

خطيبي ربنا يخليهولي يارب
-ما أهم إنجازاتك هذا العام؟

اتخرجت بعد عناء من التعليم اخيرا

-أذكر موقف ندمت على فعله هذا العام؟.

يعني كان موضوع كده وخلص ومش عايزه افتكره المهم اني ندمت واتعلمت


5-ما أهم أحلامك للعام القادم؟
نفسي تكون سنه احسن من الي قبلها اتقرب لربنا اكتر وربنا يوفقي يارب ويوفق كل المسلمين

-أذكر أجمل وأسوأ لحظة مرت عليك هذا العام؟
اجمل لحظه يوم خطوبتي ويوم حفله التخرج

اسؤ لحظه يوم وفاه جدتي الله يرحمها

7-لمن تهدى باقة "تقدير وعرفان بالجميل"لهذا العام؟.

لماما وبابا ربنا يخلهوملي

-زيارة مؤجلة ياترى لمين وليه؟
لعمتي مازورتهاش من فتره

-كسبت كام شخص وخسرت كام شخص؟
كسبت كتير والي خسرتهم اما بسبب ظروف او الموت بعيد الشر

-كام واحد زعلان منك ومنتظرك تصالحه؟

لا مافيش الحمد لله افتكر

أحمد سعيد بسيوني يقول...

كل عام وانتم الى الله اقرب

اقترح ان نحول الاسئلة الجميلة دي الى تاج

دمتم

rovy يقول...

الحبيبه المتميزه دائما موناليزا
كل عام وانتى بالف خير و دايما سباقه بالخير غاليتى
كشف الحساب مطلوب فى حياتنا يوميا
اما مع توديعنا لعام و استقبالنا عام جديد ندعوا الرحمن ان يكون خيرا مما سبقه على كل امتنا ياارب فبيكون له فعلا طعم تانى و كأننا بنحصر او بنجرد ايام عام مضى من عمرنا تعرفى احلى حاجه حصلت لى العام اللى فات و بمنتهى الصراحه هو دخولى عالم التدوين و تعرفى عليكى و على جنه و كمان اصدقاء كثير ربنا من بهم عليا لن اطيل عليكى بذكرهم جميعا و لكنى حقا اشعر بالسعاده لأنى كسبت اصدقاء كثيرين جدا
اما عن اللى ممكن اكون خسرته السنه دى فمع كل الاسف صديقه واحده جمعتنى بها عشره كبيره حاولت مرارا و تكرارا و الله اعلم انى اعطيها الفرصه كى لا اخسرها لان عشرتها بالنسبه لى غاليه الا انها مع الاسف ابت فى كل مره خذلتنى على مضى ما يقرب من اكثر من 10 سنوات و انا اسامحها و التمس لها الاعذار حتى كانت منها ضربة اخيرة المتنى فتجنبتها تفتكرى غلطت ؟؟
اسفه طولت عليكى ..و لسه بقيت الاسئله
اما اهم انجازات هذا العام فافضل انى اقولك بينى و بينك ..
احلامى للعام القادم و كل عام ان ربنا يحفظ بناتى و بنجحوا بتفوق و يبارك لى فيهم و يبارك و يحفظ كل احبابى
اجمل لحظه مرت عليا هى لحظه بينى و بين ربنا سبحانه و تعالى و الحمد لله كل الحمد
اسؤا لحظه هى لما قررت انى اتجنب الصديقه اللى قلت لك عليها لما سقط عنها القناع نهائيا و احسست اننى لا اعرفها و لكنى من الحين للاخر ادعوا الرحمن ان لا اكون قد ظلمتها ..
باقة الورد بأهديها لامى الحبيبه و لروح ابى الحبيب الغالى رحمه الله و ايضا روح الدكتور الغالى عندى جدا سمير السهوى الله يرحمه .. عمرى ما حأنساهم و دايما حاقدم لهم باقة ورد و عرفان بالجميل ..
زياره مؤجله و هى زيارتى للرسول عليه افضل الصلاة والسلام و ده لأن لسه ربنا لم يؤذن لى اتمنى ان يدعونى لألبى النداء ..
كسبت بمنتهى الصدق ناس كثير و زى ما قلت لك مع كل الاسف خسرت شخص او صديقه واحده..
الحمد لله لا احد زعلان منى اما عن الصديقه التى ذكرتها فالمفروض انى انا اللى زعلانه و مسمحاها والله و بأدعى لها بالخير و لكنى افضل تجنبها على الاقل فى الوقت الحاضر
يارب اكون وفيت الاجابه و ماطولتش عليكى قوى ..
واكيد الف مبروووك لمنى الغاليه ربنا يتمم لها بخير و ان شاء الله عقبال ما نبارك لك قريب

دمتى بكل ود و خير
تحياتى

رندا يقول...

مون

كل عام وانتـِ بخير عيد هجرى كلة سعادهـ ان شاء الله

ومبروكـ الخطوبة لصديقتكـِ (منى)

*عقبال كل احبابكـِ ياربــ

موناليزا يقول...

برينسيس
ــــــــــ
اختى الحبيبة:معاكى حق
ربنا يتقبل دعائك
وكل سنة وانتى طيبة
فى انتظار اجابتك على الاسئلة المطروحة:)
نورتينى حبيبتى ودمتى بخير

********************************

ام البنين
ــــــــ
اختى الحبيبة:وانتى طيبة ياقمر وبالصحة والسلامة
مش هتشاركينا فى الجرد السنوى ولا ايه؟:) هنستناكى
نورتينى حبيبتى ودمتى بخير

*********************************

ابو على
ـــــــــ
:)اهلا بيك يافندم
(هو المفروض أقول حاجة تانية؟)

ما اجمل الاشياء التى ستأخذها معك ويارب يفضلوا معاك دايما
الف مبروك للترقية ويارب دايما فى نجاح وتقدم
ولماذا تقرأ مدونة لاتعجبك؟
وان شاء الله تشوف عبدالله قريب بس مفهتش ازاى انت قريب منه وهو بعيد يعنى لو رحتله مش هيقابلك مثلا!!

والشخص اللى زعلته لمصلحته مش هتصالحه ولاايه؟يعنى قرب وجهة نظرك ليه وبين له غلطه بهدوء وعرفه حقيقة مشاعرك ليه وانك خايف عليه(عايزين نبدأ سنة جديدة من غير زعل:))

ربنا يكرمك اخى الفاضل ده بس من ذوقك فماتوفيقى الا بالله
:)جعلتنى ابتسم حقا مكنتش اعرف انها بتضحك
عموما لو تحب ترحيب اخر بلقب مختلف احنا فى الخدمة:)

اشكرك جدا لمشاركتك
والله يبارك فيك يافندم:) وعقبال مانباركلها على الزفاف
وكل عام وانت والامة الاسلامية فى خير حال
دمت طيبا ولمدونتى زائرا

***********************************

احسن تستاهل
ــــــــــــــ
اختى الحبيبة:اهلا اهلا بعد طول غياب
:)ده شئ يسعدنى يامهاميهو ياقمر

*أحلى حاجة هتاخديها بجد يارب تفضل معاكى دايما:)
*حافظى عليهم بقى قليل لما بنلاقى اصحاب بجد
*يارب يديمهم عليكى.. عشان تعرفى بس ان جواكى قدرات هائلة:)
*مستنية ايه عشان تزوريها؟ لما تجوز العيال ولا ايه؟:)ايه يامها الكسل ده
*اتنين بحالهم زعلانين منك طب ومش ناوية تصالحيهم ولا ايه؟

واخدين بالنا على فكرة من غيابك وكنا عايزين تفسير:)
عموما اهلا بعودتك ويارب دايما تكونى بخير
اشكرك جدا لمشاركتك ونورتينى

**********************************

منى
ــــــــ
اختى الحبيبة:اهلا اهلا بالعروسة
الف مبرووك ياحبيبتى ربنا يسعدك
انتى قلتى لى بجد اجمل خبر سمعته السنة دى وماتتخيليش فرحانة ليكى قد ايه:)
ياحبيبتى ماتحرمش منك ابدا وببلغها سلامك دائما وهى الحمدلله بقت احسن كتير
ربنا كبير
ربنا يتقبل دعائك ويبارك فيكى

ايه ده! نفهم من ده انك مش هتشاركينا الاجابة ولا ايه؟
مفيش اعذار على فكرة مستنيينك:)
وكل سنة وانتى سعيدة ومبسوطة
نورتينى حبيبتى ودمتى بخير

*********************************

ماء تشرين
ــــــــــ
اختى الحبيبة:وانتى طيبة ياحبيبتى وفى احسن حال وتكون سنة سعيدة علينا وعليكى يارب
اللهم استخدمنا ولاتستبدلنا
لو عايزة دعاء معين ابعتيهولى وانا مش هنشره وان شاء الله افتكرك بيه دايما
فى انتظار اجابتك على الاسئلة المطروحة
نورتينى حبيبتى ودمتى بخير

********************************

المعتصم
ـــــــــ
وعليكم السلام ورحمة الله وبركاته
اهلا بيك يافندم
وانت بخير وبصحة وسعادة وربنا يتقبل دعائك
فعلا سبحان الله شوقتنى لقراءة ماكتبَت
الله يبارك فيك يافندم ويكرمك يارب
وانت طيب وبكل الخير
ملحوظة:نحن فى انتظار اجابة الاسئلة المطروحة
دمت طيبا ولمدونتى زائرا

***********************************

ندا منير
ــــــــــ
اختى الحبيبة:طبعا لازم نحاسب نفسنا قبل ماربنا يحاسبنا
ودعينا لا نلتفت للنماذج السلبية ونكون ايجابيين ونبدأ بأنفسنا
فى انتظار اجابتك
نورتينى حبيبتى ودمتى بخير

**********************************

حاول تفتكرنى
ــــــــــــ
اهلا بيك يافندم
نحاول جاهدين فالقاضى هنا هو الضمير فحسب
واحتراما لرغبتك يكفينا ان تتم المحاسبة سرية
الشكرلله اخى الفاضل ربنا يكرمك
اشكرك جدا لمشاركتك
دمت طيبا ولمدونتى زائرا

********************************

حاسوباتية
ــــــــــ
اختى الحبيبة:جميل بجد اننا نفكر فى كده
*مبروك التخرج ياقمر
*ربنا يباركلكم ويجمعكم ببعض على خير
*صح جدا المهم اننا نتعلم مش نندم وخلاص
*ربنا يوفقك ياحبيبتى لما يحبه ويرضاه
*الف مبروك على الخطوبة وعقبال مانباركلك قريب على الزفاف
*الله يرحمها ياحبيبتى تعيشى وتفتكرى
*ربنا يخليلك مامتك وباباكى ويباركلك فى عمرهم
*طب ومش ناوية تزوريها قريب ولا ايه؟

اشكرك جدا لمشاركتك
نورتينى حبيبتى ودمتى بخير

*********************************

احمد سعيد بسيونى
ــــــــــــــ
اهلا بيك استاذ احمد
وانت طيب وبالصحة والسلامة
اعتبرها تاج يافندم
وفى انتظار اجابتك عليه
دمت طيبا ولمدونتى زائرا

*********************************

روفى
ــــــ
اختى الحبيبة:وانتى طيبة وبصحة وسعادة انتى وجميع من حولك
ربنا يديم علينا وعليكى الحب فيه ويباركلك فى كل شخص عرفتيه ونكون سببا فى دخول بعضنا لبعض فى الجنة باذن الله
*انتى تطولى براحتك اشعر بما تشعرين به فقد جربته مسبقا مع صديقة طفولتى
وهذا الوضع افضل كتير فما فائدة وجود اشخاص فى حياتنا يكون هدفهم الوحيد تسبيب الالام لنا
قولى دائما هذا الدعاء وان شاء الله سيعوضك الله بخيرا منها"اللهم أؤجرنى فى مصيبتى واخلفنى خيرا منها"
*ماشى ياقمر فى انتظارك:)
*ربنا يحفظلك بناتك ويباركلك فيهم وتفرحى بيهم يارب
*ربنا يكون فى عونك ويارب ماتجربى الاحساس ده تانى ابدا
*ربنا يبارك فيكى انتى بجد حد جميل اوى ربنا يخليلك مامتك ويرحم والدك والدكتور سمير
*ربنا يكتبهالك يارب ونكون صحبة باذن الله
اسعدتينى بمشاركتك جدا
ماتحرمش منك ياجميلة الله يبارك فيكى
ان شاء الله ياحبيبتى
نورتينى غاليتى ودمتى بخير

********************************

رندا
ـــــــ
اختى الحبيبة:اهلا اهلا ببقى مبسوطة بجد بزيارتك
وانتى بخير ياحبيبتى وبالصحة والسلامة
الله يبارك فيكى وعقبال ولادك يارب

مش هتشاركينا فى الجرد السنوى ولا ايه؟
هنستناكى:)
نورتينى حبيبتى ودمتى بخير

من غير عنـــوان يقول...

فكرة محاسبة النفس .. ممتازة...
يوميا
شهريا
سنويا

ياليتنا نفعل هذا بصدق

تحياتي

blue-wave يقول...

انا لو عملت كشف حساب
هاطلع خسرت حاجات كتير
وهاكتئب
علشان كدا مش هاعمل حاجه

همس الاحباب يقول...

كل سنة وحضرتك بخير
وعام سعيد عليكى باذن الله
ولا بد من كشف حساب مع النفس
والف مبروك للاخت منى
وربنا يتمم بخير
تحياتى وتقديرى

محمد يقول...

السلام عليكم ورحمة الله وبركاته

أختنا العزيزة موناليزا

يا رب يوفقك للخير دوما وأن يجعلنا ممن يستمعون القول فيتبعون أحسنه .... جميله جدا موضوعاتك السابقة الثلاث وعذرا لتأخري ف التعليق وذلك لظروف خارجة....ربنا يوفقك ولا تنسينا من خالص وصادق دعائك بظهر الغيب ...... آه وبالحق الف مبروك لصاحبتك ويتتمم بخير ونقولها زي ما نقولك ان كمان ان شاء الله قريبا بارك الله لكما وبارك عليكما وجمع بينكما ف خير ..... شكري وتقديري وعيد جديد سعيد وأنت إلي الله أقرب وع طاعته أدوم

نور الدين (محمد الجيزاوى) يقول...

كل سنة وانت طيبة وبألف خير
والله انا فى غاية السعادة من تضافر المدونين على التهنئة والاهتمام بالعام الهجرى لأن الناس كانت فعلا نسيت حتى اسم الشهور الهجرية وترتيبها

كلمات رائعة واسئلتك مهمة انا شخصيا سابحث فى نفسى عن اجابات عنها

كل تحية وود ايتها الاخت الكريمة
..
نور الدين محمود

Hanan Elshafey يقول...

جميلة الجميلات موناليزا مهم جدا نحاسب نفسنا كل وقت مش بس دلوقت وكمان مهم جدا نشوف عملنا ايه كويس عشان الاكتئاب والهم والغم والكرب العظيم كل سنه وانتي وكل الناس بخير
ومبروك لمني اختنا كلنا

غني يابهيه يقول...

أحلى حاجه عملتها السنه دي انى دخلت المدونه دي
وعملت لنفسي فيها كشف حساب

تحيات بهيه

موناليزا يقول...

من غير عنوان
ـــــــــــــــ
اهلا بيك يافندم
معك حق ولذلك أردنا أن نبدأ سويا
وتشاركنا فى اجابة الاسئلةالمطروحة
دمت طيبا ولمدونتى زائرا

*********************************

بلو واف
ــــــــــ
اهلا بيك يادكتور
طب مش يمكن لو عملته تلاقى حاجة ولو صغيرة كسبتها:)
يارب العام الجديد يكون محمل بالخير والسعادة للجميع
دمت طيبا ولمدونتى زائرا

*******************************

همس الاحباب
ــــــــــ
اهلا بيك استاذ خالد
وحضرتك بخير وبصحة وسعادة انت وكل من حولك
وعام سعيد علينا وعليك يارب
وفى انتظار ان تعمل هذا الكشف معنا هنا من خلال الاجابة على الاسئلة المطروحة:)
الله يبارك فيك اخى الكريم وعقبال همس
دمت طيبا ولمدونتى زائرا

**********************************

هذه حياتى
ـــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك
عذرك معاك اخى الفاضل ربنا ييسر لك الامور
ربنا يرضى عنك ويكتب لك سعادة الدارين اللهم امين
:)اشكرك جدا والله يبارك فيك
وكل عام وانت بالف خير
وفى انتظار الاجابة على الاسئلة المطروحة
دمت طيبا ولمدونتى زائرا

**********************************

نور الدين
ـــــــــــ
اهلا بيك استاذ نور الدين
وانت طيب وبصحة وسعادة انت وجميع من حولك
الحمدلله الذى هدانا الى هذا:)
ونحن فى انتظار اجابتك عليها
دمت طيبا ولمدونتى زائرا

***********************************

حنان الشافعى
ـــــــــــــــ
اختى الحبيبة:ربنا يكرمك على هذه المجاملة الرقيقة:)
معكى حق مهم جدا طبعاولذلك نريد مشاركتنا فى اجابة الاسلة المطروحة:)
وكل سنة وانتى بالف خير ياجميلة
والله يبارك فيكى وعقبالك ان شاء الله
نورتينى حبيبتى ودمتى بخير

***********************************

غنى يابهية
ـــــــــــ
اهلا بيك يافندم
:)يعنى المفروض بعد الكلمتين الحلوين دول مانطلبش الاجابة العلنية ولا ايه؟
دمت طيبا ولمدونتى زائرا

فـتـفـوتـة فتافيت يقول...

السلام عليكم ورحمة الله

كل عام وأنتم بخير
وعلى طاعة الله دائمين
ومنه قريبين

وأما بالنسبة لكشف الحساب
أعتقد أنه مهم جدًا ليس فقط من العام للعام ولكن بشكل يومي وأسبوعي وشهري ثم بعد ذلك يأتي سنويا لتقيم كل مجريات العام
وده هايكون أسهل أننا نغير سلبياتنا بشكل أسهل وأسرع
ولا ننتظر مرور عام كامل عليها


سلام

kmt يقول...

السلام عليكم ورحمة الله وبركاته

اولا سعيده بمرورك وان قابلتيه ابقي قوليلي

ثانيا كل سنه وانت طيبه وبراحة بال

اهم الانجازات :!
الانجاز بمعني الشئ الكبير المهم تقريبا مش في بس ان شاء الله هانجز في العام الجاي

الندم ؟
هو مش على مواقف بس على حاجات في العبادات ممكن في التصرفات ندم من باب المحاولة للوصول للاحس لكن معودتش نفس اني اندم الندم السلبي على مواقف صعب تتصلح .

اهم احلامك للعام القادم بس
هي مش احلام هي اهداف يعني اظبط شوية كورسات
لكن الاحلام فهي مداها مش العام القادم الله اعلم يمكن تكون العام القادم ويمكن تكون بعد ويارتها تكون دلوقت :)

اجمل لحظة كانت امبارح كان في سوء تفاهم مع شخص عزيز عليا اوي زكنت ممكن اخسره للابد لوماكنتش اتكلمت معاه ولو كانش هو كمان ادي لنفسه فرصة يسمعني يعني ( تكلم حتى اراك )والحمد لله الكلام ورانا بعض

اما اسواء لحظه هي لحظة الفراق ودي للاسف بتتكرر كتير

لناس كتير
وقبل الناس الكتير اهدي باقة توبة وحب ورجاء لله لانه الواحد والوحيد الاحد اللي كان ديما جنبي من غير مواعيد وعز اخطائي كان ديما بابه مفتوح ادامي وكنت ديما بحس بحنية الاله الحمد لله

اما للناس فلاعز اصدقائي
ولشخص اللي سمح لنفسه انه يسمعني

الزيارة والله لعمي اللي فوقنا تخيلي في بيت واحد وبقالي كتير مش زرتهم

كسبت كل المدونين اللي بزورهم
اما الخسارة فالحمد لله ماارتكبتش خطأيخليني اخسر انسان ودا مش غرور والله

زعلان مني ؟! مش عارفه
اوقات بيكون في ناس تزعلي معاها وماتحوليش انك تصالحيها اوقات بيكونوا ما يستحقوش ودا طبعا نتاج تجارب سيئه كتييييييييير معاهم

صدعتك
كل يوم وانت برضا الرحمن عايشه

تحياتي
الي اللقاء

ماء تشرين يقول...

اى دعاء منك ياجميل كفايه انك تحس انو في ناس بتدعيلك ومش محتاجه منك حاجه وطبعا انت عارفه احنا بندعى بطمع شويه مهى رحمة ربنا واسعه
هخد ايه لسنه الجديده
اكيد هاخد احساسي الجميل انى كمدرسه باثر في الولاد البدرسهم واكون بجد ليهم مثل كويس
مش هخد ايه مش عارفه بس نفسي اسيب كل حاجه مش كويسه
افضل حد عرفتو
رودينا صاحبة المدونة الفراشه الصغيره وطبعا مدونيين كتير
اهم انجازاتى
مش عارفه بس حاسه انى بقيت بفهم في شغلى
حاجه ندمت عليها
انا مبحبش الندم لانى مقتنعه انو كل حاجه مكتوبه فالواحد ممكن يحاول يصحح لو غلط ويقلل الاثار بتاعت الغلط بتاعو بس بس يمكن في حد كده ندمت انى عرفتو
اهم احلامى
طبعا زاى اى بنت نفسي اكون بيت مسلم انشاء الله
اجمل لحظه
جواز اخويا الكبير بجد مبسوطه ليه جدا ربنا يكرمو يارب
اسؤ لحظه
لا مفيش امر المؤمن كله خير
باقه العرفان
لبابا وماما
زياره مؤجله
لبيت الله انشاء الله يكتبهالى تانى
كسبت
كتييييير كل صحابي الفي المدرسه والتلاميذ كلهم
خسرت
4بنات غلط انى عرفتهم اصلا
كام واحد زعلان
واحد واكيد هصالحها
اهو جوبت مفيش جايزه ولا حتى كبايه عصير

موناليزا يقول...

فتفوتة فتافيت
ـــــــــــــ
وعليكم السلام ورحمة الله وبركاته
اختى الحبيبة:اهلا بيكى فى زيارتك الاولى
وانتى طيبة وبالصحة والسلامة
وجهة نظر تحترم طبعا
ولكننا نريد جرد سنوى من خلال اجابتك على الاسئلة المطروحة حتى نتشارك سويا ونزيل هموم العام بكل ماكان فيه
منتظرين مشاركتك
نورتى مدونتى وارجو دوام التواصل

**********************************

كيمت
ـــــــ
وعليكم السلام ورحمة الله وبركاته
اختى الحبيبة:اهلا بيكى فى زيارتك الاولى
وانا كمان سعيدة بهذا المرور:)
وانتى طيبة ياجميلة وبالصحة والسعاة

*يارب ياحبيبتى يكون العام الجديد ملئ بالانجازات المثمرة
* ربنا يوفقك ياحبيبتى ويبعد عنك اى لحظات فيها ندم
*الحمدلله انكوا اتصالحتوا
*طب ناوية تزوريه امتى؟

ماتقوليش كده ياجميلة انا مبسوطة جدا بزيارتك وبمشاركتك
نورتينى حبيبتى ودمتى بخير

*********************************

ماء تشرين
ـــــــــــ
اختى الحبيبة:اهلا بعودتك
ربنا يكتبلك السعادة ياحبيبتى
*تعرفى احساسك كمدرسة ده جميل اوى ربنا يقدرك وتكونى ليهم نعم القدوة
*جميل بجد اننا نتعلم من غلطنا مش نندم وبس
*ربنا يقدرك ياجميلة وتكونى بيت مسلم يكون رمز فعلا للاسلام
*الف مبروك لاخوكى وعقبال البكارى:)
*ربنا يخليلك بابا وماما ويباركلك فى عمرهم
* ربنا يكتبهالنا جميعا مرات ومرات
*المهم تصالحيها قبل العام الجديد

مبسوطة جدا بمشاركتك وباهتمامك
وايه رايك بدل العصير فى كوباية شاى بلبن سخن عشان الجو برررد:)
نورتينى حبيبتى ودمتى بخير

بنت أبيها يقول...

حساب النفس قبل ان تحاسب

بس ايه يا بنتي الاسئلة الحلوة دي

دي تنفع تاج

يلا عام هجري سعيد عليكي

بنت أبيها يقول...

اة نسيت اقولك

جميلة قوي الكلمات اللى في الصورة الاخيرة


والف مبروك لمنى ربنا يتمملها على خير

موناليزا يقول...

بنت ابيها
ـــــــــــ
اختى الحبيبة:بدل حلوة الاسئلة ليه ماجاوبتيش عليها؟:)
اعتبريها تاج وجاوبيها هنا:)
عام هجرى سعيد علينا وعليكى ياحبيبتى
الكلام اللى فى الصورة نصيحة واقعية فلنعمل بها جميعا
والله يبارك فيكى وعقبالك ياقمر
نورتينى حبيبتى ودمتى بخير

(green eyes) يقول...

كل سنة وانتي طيبة
وان شاء الله السنة دي تكون احسن من اللي فاتت

موناليزا يقول...

جرين آيز
ـــــــــ
اختى الحبيبة:وانتى طيبة ياقمر
ان شاء الله سعيدة علينا وعليكى يارب
نورتينى حبيبتى ودمتى بخير

romansy يقول...

اان شاء الله نكون على قد المسئوليه ونتحمل اخطائنا مهما كانت ونواجه بيها نفسنا
كل سنه وانتى طيبه
وكمان الف الف مبروك لمنى

مدحت محمد يقول...

كشف حساب

بجد الاسئلة بتاعتك خلتنى وقفت قصادها

هجاوب سؤال واحد

هو خروجى من تجربة عاطفية

خلتنى هدمت كل القصايد

وعمرى ماهعرف احب تانى عشان اكتب تانى

موناليزا يقول...

رومانسى
ـــــــــــ
اهلا بيك يافندم
ربنا يعينك على هذه المواجهة
وانت طيب اخى الكريم
واله يبارك فيك وعقبالك ان شاء الله

********************************

مدحت محمد
ــــــــــ
اهلا بيك استاذ مدحت
احتراما لحالتك النفسية مش هنطالبك بإجابة الاسئلة ونكتفى باجابة السؤال اللى انت اختارته
ولكن اخى الكريم ماسمى القلب قلبا الا من كثر تقلبه فتأكد انك ستحب من جديد وستقابل من يضحى عشانك فقط اذا كنت تريد ذلك
فلا تغلق ابواب قلبك واعطى الفرصه له مرة اخرى
تمنياتى لك بعام هجرى سعيد ملئ بما يهون عليك
دمت طيبا ولمدونتى زائرا

اوعى تفكر يقول...

جزاكم الله خيرا
وفعلا لازم لكل واحد فينا يبقاله كشف حساب على الاقل ورد يومى مينمش الا لما يشوفه
وكل عام وحضرتك بخير

momken يقول...

كل عام وانتى بخير

البوست رائع فى وقت رائع

وياخذ بالقول حاسبوا انفسكم قبل ان تحاسبوا

بارك الله فيكى
وثبتك وجعل افضل اعمالك خواتيمها

تحياتى

موناليزا يقول...

اوعى تفكر
ــــــــــــ
اهلا بيك يافندم
ربنا يكرمك واشكرك جدا لرايك
وعام هجرى سعيد علينا جميعا
دمت طيبا ولمدونتى زائرا

**********************************

ممكن
ــــــــ
اهلا بيك يافندم
وانت طيب وبالصحة والسلامة
ربنا يكرمك ويتقبل دعائك ولك بالمثل ان شاء الله
دمت طيبا ولمدونتى زائرا

حـــــدوتـــــة يقول...

السلام عليكم

كل سنة وانتى طيبة وبخير
مواضيعك دائما هامة ومثيرة

انا السنة اللى فاتت تعتبر بالنسبالى احسن بكتير من اللى قبلها
عشان السنة اللى فاتت انا خلصت الجيش والحمد لله
وبدأت مشروع خاص والحمد لله ماشى كويس
والحمد لله كسبت ناس كتير ومخسرتش حد

والواحد اتعلم ان اى حاجة يجيبها ربنا خير
ومهما خطط ورسم مش هيعرف يجيب احسن من المكتوب

سلالالالالالالالالالالالالالالالالالالالالالالالالالالالالالام

موناليزا يقول...

حدوتة
ـــــــ
وعليكم السلام ورحمة الله وبركاته
اهلا بيك يافندم
وانت طيب وبالصحة وبالسلامة
ربنا يكرمك اشكرك جدا فماتوفيقى الا بالله
يارب دايما فى نجاح وتفوق وتقدم
ومعك كل الحق ولكنها اجتهادات
اشكرك جدا لمشاركتك
دمت طيبا ولمدونتى زائرا

المعتصم يقول...

بسم الله الرحمن الرحيم
السلام عليكم
أختى الكريمة موناليزا
كل عام وانتى وامتنا الاسلاميه بخير
ونسأل الله ان يكون عام هجرى جديد فيه النصر والوحده والتكاتف والعزة للاسلام والمسلمين وان يرفع ربنا البلاء عن اخواننا فى فلسطين المحتلة وفى كل بقاع الارض
اللهم آمين
أما بالنسبة للاجابة عن الاسئلة فعذرا لتأخرى عنها نظرا لظروف العمل وان شاء الله اجاوب قريب وربنا يكرمنا ونكون من الناجحين
تقبلى مرورى وتحياتى
والسلام عليكم ورحمة الله وبركاته

بنت الصالحين يقول...

مبااااااااارك لمووووووون

وبالنسبة لكشف الحساب فانا بقالي كتير عملاه لنفسي


شوف ياموووون

ادخلي اخر تدوينه ليه وشوفي التتحديث
وقولي ها
ممكن تعملي ايه
ولامتقدريش تكوني زي اللي عملوه الشباب الجزائرين والمغاربة؟؟؟؟؟



وحشتيني اوي علي فكره

و القادم....أجمل يقول...

كل سنة و إنتي طيبة
و إن شاء الله يكون عام جديد
يحمل الخير و السعادة للجميع
بالنسبة للأسئلة
------------
1-هتاخد إيه معاك للسنة الجديدة وهتسيب ايه؟.

هحاول أخد كل فرحة و أسيب أي حزم
------------------

2-مين أفضل حد عرفته على المستوى الشخصى فى هذه السنة؟.

فيه أصدقاء كتير عرفتهم و بجد سعيدة بيهم
و منهم صديقتي " تحت الياسمينة "

---------------------

3-ما أهم إنجازاتك هذا العام؟.

خلصت الدراسة الحمدلله و دخلت سنة
الإمتياز

---------------------

4-أذكر موقف ندمت على فعله هذا العام؟.

إني إتكلمت كتيييييييير

---------------------

5-ما أهم أحلامك للعام القادم؟.

ربنا يكتب للجميع الخير
و إن شاء الله أحقق اللي نفسي فيه

---------------------

6-أذكر أجمل وأسوأ لحظة مرت عليك هذا العام؟.

أجمل لحظة لحظة سعادة و إبتسامة
أسوأ لحظة لحظة حزن و دموع و وحدة

----------------------

7-لمن تهدى باقة "تقدير وعرفان بالجميل"لهذا العام؟.

لهذا العام و كل عام " أمي حفظها الله "

---------------------
8-زيارة مؤجلة ياترى لمين وليه؟.
57357 عشان أشوف الأطفال :)

---------------------

9-كسبت كام شخص وخسرت كام شخص؟.

كتيييييييييييييير في الحالتين
حتى لو مكنتش خسارة فعلا
بس ممكن أكون غلطت معاهم
بكلمة بنظرة بموقف و أكيد بيني و بين
نفسي خسرتهم

---------------------

10-كام واحد زعلان منك ومنتظرك تصالحه؟.

ممممممممممممممممم

و الله معرفش دي
بس معتقدش إني مزعله حد
أنا صفيت يعني كل خناقاتي
:D

-----------------

بالتوفيق إن شاء الله
:)

mnoon يقول...

السلام عليكم ورحمه الله وبركاته

موناليزا

أولاً ألف مبروك لمنى وعقبالك يارب
يرزقك ربنا بالزوج الصالح

أما بالنسبه لكشف الحساب

فقولك اللى قدرت أجاوب علي

أفضل حد عرفته على المستوى الشخصى

حسام زوجى

وأهم إنجازاتى العام ده

إنى حطيت لنفسى 3 أهداف

وحققتهم بنسبه كبيره

واللى بندم عليه إنى مش بستمر على حاجه لحد أخرها

ونفسى أغير من نفسى

وبندم كتير على إنى غير منظمه فى حياتى

أحلامى للعام القادم إنى أكون محدده أهدافى للعمر كله مش لسنه واحده وبس

أجمل لحظه مرت بيها
كنت قريب قوى
واللحظه دى اللى سلمنى أبويا فيها لزوجى كانت من أجمل اللحظات

واللحظه اللى قعدت فيها قدام قبر ستى
حسيت براحه لا يمكن وصفها

أصعب لحظه
لما أمنيه بنت أختى كلمتنى فى التيلفون
وحشااااااااااانى قوى ونفسى أخدها فى حضنى بس أنا بعيد عنها دلوقت


باقه التقدير والشكر والعرفان وكل شئ جميل أهديها للست أمى
أكتر حد تعب علشان فى الدنيا دى
وأكتر واحده شالت همى

زياره مؤجله
!!!!!!!!!!!!!!!
الفيس بوك
وبالتحديد جروب عروسه من غير شبكه


كسبت كام شخص
يااااااااااااام كسبت ناس كتير قوى
السنه دى أكبر عدد كسبته من الناس الطيبه
ربنا يخليهملى

خسرت كام
مبحبش أخسر بنى أدمين
لأن كل واحد فيه الحلو والوحش
أنا ديماً ببص للحلو فى أى حد بعرفه
وإلا مكنتش حكلم حد
حتى نفسى كنت هخسرها

كام حد زعلان منى
الحمدلله محدش زعلان منى ولله الحمد

mnoon يقول...

على فكره أنا مكتبتش من زمانى عن نفسى علشان كده خدتها فرصه وكتبت كتير
:)
بس إنت اللى سألتى
:)

كل سنه وإنتى بخير ياموناليزا

Zanooba (Zeinab sab9n) يقول...

أولاً أنا سعيدة بتواجدي في المدونة :) ثانياً أن معجبة جداً بيكي لأنك بتطرحي الإسلام بطريقة عملية :) أو مفهومة بمعني أصح أتمنى دوام التواصل

موناليزا يقول...

المعتصم
ــــــــ
وعليكم السلام ورحمة الله وبركاته
اهلا بيك يافندم
وانت بخير اخى الكريم وامتنا الاسلامية يارب فى افضل حال
ربنا يتقبل دعائك عاجلا اللهم امين
اعتذار مقبول من اخ كريم كان الله فى عونك وربنا ييسرلك جميع امورك وفى انتظارك فى اى وقت تريد
دمت طيبا ولمدونتى زائرا

*********************************

عاشقة الفردوس
ـــــــــــــــــ
اختى الحبيبة:اهلا اهلا بالقمر اذيك ياحبيبتى عاملة ايه؟ يارب تكونى بخير

الله يبارك فيكى عقبالك يارب

دخلت ياحبيبتى وأبكيتينى حقا
اللى عملته ياستى بدعى لهم وخصوصا فى الفجر وكنت صايمة النهاردة وان شاء الله فى صيام مستمر
اما عن مافعلوه الجزائريين فهذا فوق قدراتى ده غير انى مش عارفة ده هيفيد بإيه فالضربات مازالت مستمرة سواء باختراق مواقع او لا
حقا لانملك لهم سوى الدعاء
اللهم فك كربهم وفرج همهم واجعل الدائرة على اعدائهم اللهم امين

وانتى كمان ياحبيبتى وحشتينى جدا وقلقانة عليكى على فكرة وياريت تطمنينى
نورتينى ياقمر ودمتى بخير

**********************************

والقادم اجمل
ــــــــــــــــ
اختى الحبيبة:وانتى طيبة ويارب يكون عام سعيد علينا وعليكى وعلى الامة الاسلامية جميعا

*يارب دايما فى افراح ومايبقى فيه احزان
*هنيئا لكى بهم وربنا يبارك لك فيهم
*ان شاء الله بالتوفيق
*ربنا يخليلك مامتك ويباركلك فى عمرها
*ومستنية ايه طيب بلاش كسل بقى:)
*جميل ان صفيتى كل الخناقات قبل السنة الجديدة:)
اشكرك جدا لمشاركتك
نورتينى حبيبتى ودمتى بخير

**********************************

منوون
ــــــ
وعليكم السلام ورحمة الله وبركاته
اختى الحبيبة:اهلا اهلا بالعروسة
الله يبارك فيكى ياحبيبتى
ان شاء الله دعواتك

*ربنا يباركلك فى زوجك ويكون ليكى نِعم الزوج
*نصيحة اخوية محتاجة النظام جدا وخاصة فى حياتك الجديدة فتعودى بقى:)
* ربنا يخليلك مامتك وباباكى ويباركلك فى عمرهم
*بالنسبة لى زيارة غير متوقعة ههههههه
بس اكيد الجروب فى انتظارك:)
*يارب ماتخسرى حد ابدا

وانا مبسوطة بهذا السبق الرائع
والف مبرووك ياحبيبتى وربنا يهنيكم ببعض
وعام هجرى سعيد علينا جميعا
نورتينى حبيبتى ودمتى بخير

***********************************

زنوبة
ــــــ
اختى الحبيبة:انا الاسعد بزيارتك الاولى وفى انتظارك دائما
الحمدلله ياحبيبتى فماتوفيقى الا بالله
ويارب اكون بفيد حد فعلا
نورتينى حبيبتى وتسعدنى زيارتك دائما

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة موناليزا تحياتى وتقديرى
وندخل فى الموضوع على طول عشان انا شايف انى اتاخرت فى الاجابه ويادوب نلحق اخر ربع ساعه
1 - هاخد معايا الامل وهسيب اليأس والاحباط
2 - افضل حد عرفته أستاذى الشيخ محمد ربنا يديله الصحه وهو راجل كله بركه واى حاجه بتكون مضايقانى بروح احكيلة على طول واخد منه النصيحه
3-على مستوى العمل اهم انجازاتى انى ابتديت مشروعى الصغير وربنا يكرمنى فيه وينجح وعلى مستوى الحياة محاولة التوبه والعودة الى الطريق القويم
4-موقف ندمت عليه فعلا كان لما حاولت انتحر
5- احلامى ان ربنا يقبل توبتى فعلا وتكون نصوحه واكمل طريقى وربنا يكرمنى وازور الكعبة
6- اجمل لحظة مرت عليا وانا بشيل مصطفى ابن اخويا الصغير اول مااتولد وأذن له فى ودانه
وأسواء لحظة لما والدى دخل فى حاله مرضيةوأغمى عليه قدامى وكنت فى البيت وحدى مش عارف اعمل ايه
7- باقة تقدير وعرفان لأمى الحبيبة ربنا يديها الصحة ويطول لى فى عمرها ويقدرنى انى اوديها الحج السنة الجاية ان شاء الله
8- زيارة مؤجله: هى بصراحة زيارات كتيييييييير وظروف الحياة هى اللى معاكسه فيها
9- كسبت كام شخص الحقيقة مش عارف انا كل يوم بقابل ناس والعلاقه الحمد لله بتكون كويسه بس اللى هما قووى يعنى اعتقد والله اعلم تلاته
والحمد لله على مااظن انى ماخسرتش حد وربنا يكفينا شر الخسارة
10- كام واحد زعلان منى مش عارف بس انا بحاول انى ماازعلش حد منى
ادى الاجابات وربنا يسترها معانا ونجيب حتى مقبول المهم اننا نعدى (ده المبدأاللى خرب بيتنا فى التعليم)وربنا يسترها
أختى الكريمة تقبلى تحياتى ودمتى بكل خير وود
والسلام عليكم ورحمةالله وبركاته

KHALED يقول...

كل عام وانتم بخير مع بداية العام الهجرى الجديد
نتمنى لكم دوام العافية و السعادة

الربان يقول...

تحياتي

اولا كل عام و حضرتك بالف خير...و عام جديد علي الجميع سعيد باذن الله.

هاخد ايه السنه الجديدة...بالتأكيد الامل في عفو ورحمة ربنا....

افضل شخص عرفته....هم كثيرين عرفتهم
من خلال التدوين و احسبهم علي دين و خير ان شاء الله....و احببتهم في الله.

اهم الانجازات تقريبا كلها في مستوي واحد و هي ليست بالكثيرة.

ندمت انني لم اعتمر خلال العام الذي مضي.

احلم بالحج لمرة اخري...او علي الاقل عمرة.

اجمل لحظة بتكون لقاء الاهل بعد العودة من السفر....و اقسي لحظة كانت حضور وفاة شقيقي رحمة الله في رمضان.

اهدي باقة التقدير و العرفان بالجميل هذا العام و كل عام و كل اللحظات الي امي ، متعها الله بالصحة و العافية، و افرغ عليها صبرا و سلوانا.

الزيارة المؤجلة الي ماليزيا...ارغب في زيارتها في العام الجديد ان شاء الله.

كسبت اشخاص عدة....و خرج من حساباتي
اشخاص اخرين.

لا يوجد احد في زعل معي و الحمد لله لان اصدقائي المقربين قله قليلة...و دائما
ما احاول ان ازيل ما قد يعلق في النفس
البشرية حتي و ان لم يظهر...و الكلمة الطيبة و المبادرة بالسؤال تجلو النفوس
و تريح الخاطر....


اشكرك لانك ايقظتي داخلنا المسألة و النفس اللوامة التي لو صلحت داخل كل منا لانصلحت احوالنا.


تحياتي و تقديري

طوبه فضه وطوبه دهب يقول...

كل سنه وانتى بالف خير وصحه وسعاده ويارب سنه جديده سعيده على كل الامه الاسلاميه نستغفر فيها عن كل ذنوبنا ونتمنى من ربنا فيها ليه يقربنا وتسلم ايدك ياجميله والف مبروك لمنى بس انا ما اعرفهاش

موناليزا يقول...

المعتصم
ـــــــ
وعليكم السلام ورحمة الله وبركاته
اهلا بيك يافندم وبإجابتك التى انتظرناها:)
* أحلى حاجة بجد هتاخدها ويارب مايبقى فيه احباط ولا يأس ابدا
*ربنا يباركلك فيه ويديم عليكم الحب فى الله
*ربنا يوفقك فى حياتك جميعها
*فعلا موقف يستحق الندم والشكر على عدم الاقدام على هذا الفعل
نصيحة اخوية:استعن بالله دائما ومهما ضاقت بك الحياة تأكد بأن الفرج قريب
يارب ماتمر بالحالة دى تانى ابدا
*أبشر اخى الكريم فالتائب من الذنب كمن لاذنب له المهم تكون توبة نصوحة فعلا ويارب تزور بيت الله قريبا(وماتنساش تدعيلنا وانت هناك)
*ربنا يباركلكم فيه وعقبال ماتشيل ولادك
وربنا يمتع والدك بصحته وماتشوف فيه مكروه ابدا
*ربنا يخليهالك ويكتبلكم الحج السنة الجاية ان شاء الله(فى الحالة دى هتدعولى مع بعض)
*طب حاول تعمل اى زيارة خلال الاسبوع ده بنية صلة الرحم او زيارة مريض وانت هتشوف احساسك بعدها هيبقى عامل ازاى..بس جرب
*اللى كسبتهم دول بقى حافظ عليهم كويس
*ان شاء الله مايكونش فيه حد زعلان منك

اشكرك جدا لاهتمامك ولمشاركتك وحقا اسعدتنى بصراحتك فى الاجابة ربنا يكرمك ويرضى عنك
(فعلا مبدأ المهم ننجح ده من اسوا المبادئ)
دمت طيبا ولمدونتى زائرا

********************************

خالد
ــــــ
اهلا بيك استاذ خالد
وانت طيب وبالصحة والسلامة ويارب يكون عام هجرى سعيد علينا جميعا
ملحوظة:مش هتعمل الجرد السنوى معانا ولا ايه؟
دمت طيبا ولمدونتى زائرا

*******************************

الربان
ـــــــــ
اهلا بيك يافندم
وحضرتك بخير وصحة وسعادة انت وجميع من حولك
*أجمل شئ فعلا كلنا محتاجين ناخده معانا
*يارب دايما فى ازدياد وتكون صحبة خير
* ان شاء الله هذا العام تحقق الكثير من الانجازات
*ربنا يكتبلك زيارة بيته قريبا (وماتنساش تدعيلى)
* يارب ماتجرب اسوأ اللحظات دى تانى ويخليلك اهلك دائما لكى تسعدوا ببعض حين عودتك من السفر
*ربنا يخليلك والدتك ويرزقها عنكم خير الجزاء
*ان شاء الله تزورها قريبا وتيجى تحكيلنا:)
*جميلة هى الكلمة الطيبة حقا فلها عامل سحرى عند التعامل(نصيحة غالية)
انا اللى بشكرك جدا لاهتمامك ولمشاركتك
ربنا يكرمك ويرضى عنك
دمت طيبا ولمدونتى زائرا

***********************************

طوبة فضة وطوبة ذهب
ـــــــــــــــــــ
اختى الحبيبة:وانتى طيبة ياقمر وبالصحة والسلامة ويارب سنة سعيدة علينا جميعا
وفى انتظار اجابتك على الاسئلة المطروحة
الله يبارك فيكى ياحبيبتى عقبالك
(ادخلى عندها المدونة وانتى تعرفيها
قد ايه انسانة جميلة واحساسها راقى وتستاهل كل خير)
نورتينى حبيبتى ودمتى بخير

كراكيب يقول...

1-هتاخد إيه معاك للسنة الجديدة وهتسيب ايه؟

**هاخد ايه هاخد ايه
بصي يا بنتي هو انا محفظتي ضايعه وموبايلي مسروق وشنطتي اتخطفت مني فانا اساسا مش معايا دلوقتي غير قلم سنون فاضي هجيبله سنون سبعه ملي وادخل على 2009 عدل

2-مين أفضل حد عرفته على المستوى الشخصى فى هذه السنة؟.

**بنوتة قابلتها في رمضان في بنك الطعام واسمها رودي

3-ما أهم إنجازاتك هذا العام؟.

**انجازاتي بقى فماتتعدش.. وضبت الدولاب واتعلمت ألمع الشبابيك وعملت فول بالأوطة -هو اترمى اه بس هو انجاز في حد ذاته- و كماااااان علقت الستاير
آآآه صحيح جيبت بـ35 جنيه شيكولاتة سنيكرز

4-أذكر موقف ندمت على فعله هذا العام؟.

** بعت ميل غبي كدة لحد غبي برده فغباء مع غباء عملوا تلاحم فكان موقف غبي كدة كله على بعضه.. ماعلينا يعني

5-ما أهم أحلامك للعام القادم؟.

**غزة بقى ياااااااااارب تاخد حقها بقى يارب من الكلاب ولاد الكلاب

كفاية بقى لحد هنا علشان الاسئلة اللي بعد كدة صعبة وشكلها من برا المنهج اصلا..

يارب السنة الجاية تبقى احسن من اللي فاتت واللي قبلها واللي قبلها عليكي وعليا وعلى الكل
وhappy new year
;)

miro el niro kwaniro

Unknown يقول...

السلام عليكم ورحمة
الله تعالى وبركاته
أنا سيباها !!!!!
عارفة انى غلطانه ولازم اخطط واحسب
لكن صدقينى والله جربت وكل ما اخطط لشىء
تيجى حاجة تانية تعطلنى عن الاستمرار .
لى ثوابت لااحيد عنها منهادينى ,شغلى,
اهلى ,بعض اصدقائى لكن اكتر من كده صعب او مابحبش اخطط له(أقولك حاجة وتصدقينى فيها ؟بكرة ده مش فى بالى لانى مش عارفة انا حاكون موجودة ولا لأ)

عاشقة القمر يقول...

سلام عليكم وكل سنه وانتي طيبه فعلا احد لازم يعمل كشف حسا ي نستفيد من اي حاجه بنعمل غلطه يارب سنه جديد تكون سنه كويس نكون حررنا القدس يعم السلام علي جمبع دوا لعربيه



انتي زعلتي مني ولا ايه مش دخلتي مدونتي تاني

ghorBty يقول...

فينك اختي موناليزا

ان شاء الله المانع خير

**************

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

دينا حامد يقول...

عجبني البوست جدا

بالنسبة للاسئلة
1/ هاخد حاجات كتير بس هسيب غلطة عمري ورايا

2/ ماعرفتش حد السنة دي

3/ اني نجحت وعملت مدونة بس

4/ المواقف كتيييييييييييييير

5/ انجح واتمنى اني اقدر اشوف شخص عزيز عليا

6/ اجمل لحظة لما شوفت ابن اختي النونو
أسوأ لحظة لما اكتشفت اني كنت هبله قووووووووووووي

7/ طيبة

8/ لدهب صاحبتي ليه لاني كل مرة انسى

9/ كسبت 4 وخسرت 1 بس خسارتها مكسب يعني

10/ ولا واحد الحمد لله

حلو البوست
تحياتي

موناليزا يقول...

كراكيب
ــــــــــ
اختى الحبيبة:اهلا بيكى
*:)بجد مش عارفة اقوللك ايه بس ربنا يعوض عليكى وتكون يارب سنة خير علينا جميعا
*يارب تكون معرفة خير
*:) حد قالك انك عسولة ودمك خفيف قبل كده!:)بس ليه رميتى الفول ده يبيقى جميل بالطماطم
* يارب كل الايميلات الجاية سواء مرسلة او راسلة تكون جميلة وبها كل الخير
*ربنا يسمع منك
:)كده ياميرو بتهربى فى النص كده
ماشى ياقمر سماح المرة دى
وكل سنة وانتى بالف خير ويارب تكون سنة سعيدةعلينا جميعا
نورتينى حبيبتى ودمتى بخير

**********************************

نوراهاتى
ــــــــــ
وعليكم السلام ورحمة الله وبركاته
اختى الحبيبة:أحييكِ جدا على هذا التفكير
ولكنى هنا أردت أن نستعيد أحداث عام مضى وتأثيره فى حياتنا وماهى الدروس المستفادة وما إلى ذلك
(يعنى هعتبر دى اجابة السؤال الاول فين باقى الاجابات؟:))
يارب السنة الجديدة تكون خير علينا كلنا
نورتينى حبيبتى ودمتى بخير

**********************************

عاشقة القمر
ــــــــــــــ
وعليكم السلام ورحمة الله وبركاته
اختى الحبيبة:وانتى طيبة وبالصحة والسلامة
(ليه ماجاوبتيش على الاسئلة المطروحة)
يارب عام سعيد علينا جميعا
لأ ياحبيبتى مش زعلانة ولا حاجة انا بس أوقات كتير مش بعرف أعلق على مواضيعك
بشكرك جدا لاهتمامك ولتفقدك لى
نورتينى حبيبتى ودمتى بخير

*********************************

غربتى
ـــــــ
اختى الحبيبة:مشكورة جدا لسؤالك أنا الحمدلله بخير ولكنى طريحة الفراش دعواتك لى بالشفاء
وتواجدى قليل جدا فارجو المعذرة
هدخل الرابط من عينيا حبيبتى
اللهم انصر الاسلام واعز المسلمين فى كل مكان
نورتينى ياجميلة ودمتى بخير

***********************************

دينا حامد
ــــــــــــ
اختى الحبيبة:الحمدلله ياجميلة انه عجبك:)
* بدل غلطة سيبيها بقلب جامد
*يارب السنة دى تتعرفى فيها على صحبة خير
* يارب دايما فى نجاح
*المهم نستفيد من الندم ده
*يارب تنجحى وتشوفى كل اللى بتحبيهم
*ياحبيبتى ربنا يخليهولكم وعقبال ماتشوفى ولادك
-محدش بيتعلم ببلاش
*طيبة دى صفة فيكى ولا اسم حد تعرفيه:)بجد حيرتينى عندها
*طيب بما اننا فكرناكى يلا زوريها بسرعة قبل ماتنسى:)
*يارب دايما فى مكاسب وماتخسرى حد ابدا
*جميل جدا ويارب دايما
اشكرك جدا لرايك ولمشاركتك التى اسعدتنى
ويارب يكون عام جديد سعيد علينا جميعا
نورتينى حبيبتى ودمتى بخير

عـــفـــراء يقول...

السلام عليكم
ازيك يامنى يارب تكونى بكل خير وسعاده
وكل سنه وانتى الى الله اقرب ودايما سنه سعيدة وموفقه لكى ولجميع احبابك
دائما انظر عندك بجديد يشعرنى بالفضفضه
والتحاور نتيجة لما تعرضيه حتى لو كانت تؤلم بعض الشئ
توقفنى اسئلتك فى كل المرات بل تعيدنى الى انا ابحث بداخلى من جديد عن شئ افتقده واحاول البحث عنه ...
-فى البدايه سوف اطرد الحزن واليأس
وهأخذ معى نفسى من جديد
- عرفت الكثير فى عامى هذا اما الافضل فهنا بينكم الاقيه
-انجازاتى تتركز فى عملى الخيري راجيه من الله تقبلها
- اكثر من موقف ولعل الندم يفيد

-كثيره لحظاتى المؤلمه فهى اكبر من ان تعد فحمدا لله عليها
-اهديها لامى الحبيبه متمنيه من الله شفاؤها ودوامها لى بكل صحه

-لواحدة صحبتى لانها بعيده عنى وكانت عشرة سنوات دراستى الجامعية

-كسبت نفسى قبل مااخسرها

-مش عارفه بصراحة لانى مش بزعل حد
ولو بدون قصد فكلى نقاء الحمد لله

خالص تقديرى لكى ولما تكتبى

Unknown يقول...

كل و أنتى بخير

و ألف مبروك لمنى

كشف الحساب بقى صعب بصراحة يا صديقتى بقيت اتهرب منه

Gannah يقول...

حبيبتى موناليزا
عام هجرى جديد سعيد عليك
للاسف ما يحدث فى غزة جعلنى لا أستطيع أن اشعر بما حدث فى السنة السابقة فكل تفكيرى مركز فيه
اتمنى من الله لأهل غزة ان يشهد العام الهجرى الجديد مزيد من الصمود والمقاومة
واتمنى لك بداية جديدة فى حياتك تنسيكى آلام العام الماضى
تحياتى

BT.. twins يقول...

thanks alot monalesa..we hope to be in the safety world and fill of green..that we had dreams..that is our hope..

that's is onley dream in fact..

thanks alot and bay

عاشقة القمر يقول...

ياحبيتي انا مش رادت عشان لان ل سنه كلها الحزن فقدت جدتي وعمي ربنا يجعلهم مع الشهداء
تانيا يفرقنا انا واخوايا عشان هو راح ماليزيا لي دراسه

ام نا حية خسرت صديقتي كنت تمناه ان نرجع الي بعض
بس يعني مش كنت اناغلطان بس في ناس بستقلوا لو احد طيب
ثم تاني برضو حاجه انا داينا سنه صحابتي كله اشتقوا بواسطه ماعداء انا دي بجد متعابني جدا


ام حاجه حلو انو عرفت برنيس
بجد بنت عسل

تمني من الله انو سنه جديد اكون اشتغلت
نفسي رواح العمر او الحج
انو ربنا يفرجها علي اهل غزه ودافور
العرق
يزدني طاعة الي ربنا يخلي لي ماما وبابا
ام انا حاجات عام دي مش عايزه شيل معاي حاجه ههههههههه خليه في مكان
بس تغير في العام داه
معليش راغت كثير
ام مش فاهمه يعني انتي مش بتفهمي مواضيع بتاعتي

موناليزا يقول...

عفراء
ـــــــ
وعليكم السلام ورحمة الله وبركاته
اختى الحبيبة:انا الحمدلله بخير اشكرك جدا لسؤالك
يارب علينا وعليكى
رأيك هذا يسعدنى كثيرا والحمدلله فماتوفيقى الا بالله
*اختيار موفق جدا
*ربنا يديم عليكى حب الناس وحبك ليهم
*ربنا يتقبل ويجعله فى ميزان حسناتك اللهم امين
* بما اننا اتوجعنا منه يبقى اكيد هيفيد
*الحمدلله انها انتهت ويارب ماتتكرر تانى
*ربنا يتمم شفاء مامتك على خير ويخليهالك ويباركلك فى عمرها
*يارب تتقابلوا قريب
*ما اجمله من مكسب
*يارب دايما ماحد يزعل منك
أنتى جميلة اوى على فكرة وهذا النقاء والصفاء الداخلى يجعلك متميزة دائما
فتمنياتى لكى بكل الخير والسعادة

-----------------------------------

عاليا حليم
ـــــــــــ
اختى الحبيبة:اهلا اهلا فينك من زمان لعل المانع خير
وانتى طيبة ياجميلة
الله يبارك فيكى ياحبيبتى عقبالك يارب قريب
تأكدى ان هذه الفترة التى تخشين فيها من كشف الحساب ستمر سريعا:)
ابتسمى حبيبتى فالقادم أكيد أجمل
نورتينى حبيبتى ودمتى بخير

*----------------------------------

جنة
ـــــ
اختى الحبيبة:اهلا اهلا بجنتى الرقيقة وحشتيييييينى جدا ويارب دايما تكونى بخير ومااتحرم من طلتك الجميلة
يارب يكون عام سعيد علينا جميعا وعلى الامة الاسلامية ويكون عام النصر لنا
ومين سمعك انا من يومها فى السرير:) ذى ماتقولى كده انها القشة الذى قصمت ظهر البعير ربنا يرفع الغمة عننا جميعا
ربنا يخليكى ليا غاليتى الجميلة وماتحرمش من دعائك ابدا
تمنياتى لكى بكل الخير والسعادة وتكون سنة فرح ليكى يارب
نورتينى حبيبتى ودمتى فى رعاية الله

*********************************

توينز
ــــــ
اختى الحبيبة:اهلا بيكى فى زيارتك الاولى
ما اجمل أمنيتك فى العام الجديد وهذا ايضا مانتمناه جميعا
طيب وماذا عن باقى الاسئلة؟
الشكر لمشاركتكم لى
ملحوظة:لماذا لاتكتبون باللغة العربية
نورتونى وفى انتظاركم دائما

---------------------------------

عاشقة القمر
ـــــــــــــ
اختى الحبيبة:اشكرك لعودتك ولاهتمامك
ياحبيبتى انا اسفة جدا مكنتش اعرف
البقاء لله
*وربنا يرجعلك اخوكى بالسلامة
-وربنا يعوض عليكى بصديقة احسن منها
*وماتزعليش ياحبيبتى دى ارزاق
*ربنا يديم هذه المعرفة الطيبة
* ربنا ينولك كل اللى بتحلمى بيه
تمنياتى بعام سعيد علينا جميعا
نورتينى حبيبتى ودمتى بخير

سندس وأمل يقول...

انا جاوبت على اسألتك بس طوييييييييله

لو اتكتبت هتطلع اطول من البوست....

نرجوا الدعاء لغزه ولاهلها....

اللهم ادفع عنهم كل دمار...

سندس

موناليزا يقول...

سندس وأمل
ــــــــــــــ
أختى الحبيبة:ولا يهمك كنتى اكتبيها براحتك :)
طيب ابعتى أمل برضه تجاوب بس مش بينها وبين نفسها:)
اللهم اعز الاسلام وانصر المسلمين فى كل مكان
ربنا يتقبل دعائنا اللهم امين
نورتينى حبيبتى ودمتى بخير