السبت، 10 يناير 2009

ننوس مامته

- لمن يريد أن تصبح زوجته نسخة طبق الأصل من أمه.
- لمن يأخذ رأيها فى كل شئ ولايتحرك إلا بمشورتها.
- لمن يخبرها عن أدق أسرار زوجته.
- لمن يحكى لها كل ما يحدث مع زوجته.
- لمن حياته مع زوجته كتاب مفتوح يقرأه الجميع.
- لمن يتزوج خصيصاً ليأتى بخادمة لها رغم إكتمال صحتها.
- لمن يعطى لها أكثر من حقها ولا يعطى لزوجته أى حق.
- لمن يأخذ حقوقه من زوجته كاملة بِِاسم الدين ومتجاهل واجباته.
- لمن على أتم استعداد أن يطلق زوجته فقط لكى يرضيها.
- لمن يتحدث مع زوجته دائما عنها وكأن ليس لها مثيل.
- لمن يأخذها معه فى أى مكان طالما يصطحب زوجته معه.
- لمن لا يستطيع فراقها بعد الزواج ويجلس معها فى نفس الشقة.
- لمن يجعل زوجته تشعر دائما بأنها غريبة بينهما.
- لمن يشركها فى أدق تفاصيل حياتهما .
- لمن يشترط إصطحابها معهما للطبيب إذا مرضت الزوجة رغم عدم ارتياح الزوجة لهذا الوضع.
- لمن يطلب من زوجته أن تضعها على رأسها رغم عدم تقصير الزوجة وبالمقابل هو لايهتم أصلاً بأهلها.
- لمن يستخسر كل شئ فى زوجته ويعطيه لها.
- لمن يسمح لها بأن تهين زوجته أمامه وبدون سبب سوى أنها متنرفزة شوية.
- لمن لا يتأخر عن سَب زوجته وإهانتها أمامها ليثبت لها أنه الرجل.
- لمن يمزح مع زوجته أمامها فقط وبطريقة مستفزة تحرج الزوجة وتضايقها فقط ليجعلها تضحك.
- لمن يجعلها تدخل على زوجته وهى نائمة ليبين لها بأن البيت بيتها وعليها الدخول فى أى غرفة تريد.
- لمن يقارن دائما بين زوجته وبينها.
- لمن يتشاجر مع زوجته إذا ما اشتكت له دون حتى أن يتأكد مما حدث.
- لمن يبدل كلامه واتفاقه مع زوجته لكى ينفذ أوامرها فى شئون حياتهما الخاصة.
- لمن يعتمد عليها فى كل شئ حتى لو على حساب زوجته.
وأخيراً لمن لم يتم فِطامه بعد
لا تتزوج ولا تحاول الإرتباط ببنات الناس ولا تجعل هذه الفِكرة تأتى بخاطرك حتى تصبح رجُل بما تحويه الكلمة من معان.

نصيحة للمتزوجين:
إعطِ لكل ذى حق حقه.

وهذه نصائح من الأخ الفاضل الربان :-

- حياتك الزوجية محصورة و محسورة بينك و بين زوجتك....لا تتحدث معها.
- راعي الله في زوجتك كما تراعيه في أمك.
- احترم زوجتك و اعلم أن الرجولة هي أن تعطي لكل ذي حق حقه و أن تنزل الناس منازلهم.
- كن رقيق القلب عف اللسان مع زوجتك و أمك بل و كل من حولك من أهل و أصدقاء.
- لأمك حق عليك لا ينكره أحد...و أيضا لزوجتك حق عليك كفله الشرع و القانون لها.
- اعلم يا أخي أن الزوجه غير مكلفة شرعا بخدمة زوجها...ولا بخدمة اهل زوجها و أن ما تقوم به من خدمة فهي ابتغاء مرضاة الله و من حسن تبعلها لزوجها.
- تذكر أخي الكريم وصية الرسول الكريم صلي الله عليه و سلم لنا للترفق بالنساء أو القوارير...





هناك 74 تعليقًا:

حاسوباتيه يقول...

صح والله ده لسه مابقاش راجل بجد ولا يعرف حتى يتحمل مسؤوليه بيت واولاد وللاسف في كتير من النوعيه دي في مجتمعنا ولعلمك كمان البنت ساعات بتكون مامتها كل حاجه كده برضو وبتدخلها في كل حاجه في حياتها وده كمان غلط
تحياتي ليكي على البوست الجميل ده

موناليزا يقول...

حاسوباتية
ـــــــــــ
اختى الحبيبة:طبعا الزوجة لو عملت كده يبقى بتخرب على نفسها حتى لو كانت مدللة بحكم كونها بنت ولكن اللوم هنا على الزوج اكتر لانه رجل
اشكرك جدا لرأيك ولمشاركتك
نورتينى حبيبتى ودمتى بخير

محمد يقول...

السلام عليكم ورحمة الله وبركاته

أختاه موناليزا ....

لقد وصف الله علاقة الرجل والمرأة بأقوي ما يمكن أن توصف به طبيعة علاقة بين إثنين وصفها بالميثاق الغليظ وقبل وفاته صلوات الله وسلامه عليه كانت النساء من آخر ما أوصي بهن بعد ما أوصي المسلمين بالصلاة وقال أيضا عليه الصلاة والسلام "خيركم خيركم لأهله وأنا خيركم لأهلي" .... من هذا المنطلق يتضح حرص الشرع الحنيف علي علو وقداسة هذه الحياة التشاركية بين الزوج والزوجة .............. وأي اخلال لرتابة هذه الشركة الثنائية بين الشريكين يعتبر تهافتا ناحية الخسة والنذالة التي يرفضها الشرع وتعافها الطبيعة البشرية ..... ويبقي أن نقول أعط لكل ذي حق حقه فلا حق الأم يطغي علي حق الزوجة و حق الزوجة يطغي علي حق الأم ............ بارك الله لك أختنا العزيزة وهداك الله دوما ناحية الخير ومع خالص شكري وتقديري واحترامي

Che يقول...

كل اللى انتى قلتيه صحيح .. بس تفتكرى غلطه الزوج بس ولا الزوجه كمان بتكون غلطانه من الاول انها اتجوزت ابن امه ؟

Unknown يقول...

السلام عليكم
ازيك يا موناليزا يارب تكونى بخير
بصى يا اختى لقد علمونا فى السابق معان كثيرة للرجولة للاسف لا توجد على الطبيعة منها الا القليل النادر
فذلك الرجل الواثق صحيح الرأى المؤمن الملتزم الجميل الخلق الراجح الرائ غير موجود الا فى احلامنا
اما ننوس مامتة او اختة او حتى عشيقتة فدا موجود ما شاء الله بكثر
تلك هى الصورة الاكثر وضوحا اليوم

ربنا يرزقنا الجنة
تحياتى وحبى واحترامى
لك يا موناليزا وفقك الله

اهو ده عيبه يقول...

بجد بجد يسلم فمك
الواحد بيشوف النوعيات دى كتير
وبيبقى فعلا عايز يقوله انت مكنش لازم تتجوز من اساسه
بس ارجه واقول دى نتيجه تربية معينة وبتبقى الام هى السبب ان ابنها يبقى بالصورة دى

أميرة يقول...

تسلم ايديكي هو فعلا ملهوش وصف غير ننوس مامته و لعلمك في كمان ننوس باباه و ننوس اخته وننوس اخوه وننوس صاحبه و هي كمان بتعمل ننوسه عند امة لا اله الا الله ... الا من رحم ربي

الحديث اللي ختمتي بيه لو بس حد يفهم ويقدر ويحس .........

عايزين نجمع همساتك الناصحة دي وغيرها في نشره لكل اب وام وزوج وزوجة وكل عاقل ..يمكن يلحقوا اي حاجة في بكرة اللي الله اعلم هيطلع علينا الانسان بايه جديد فيه..

ربنا يرزقك زوج من الازواج اللي بيتحلم بيهم ..زوج يتق الله حق تقاه :)

princess يقول...

هو لسه فيه ناس كده؟:((((

د. إيمان مكاوي يقول...

دي شخصيه متنفعش في الزواج من أصله
الزواج يعني مسؤوليه ..والمسؤوليه يعني إعتماد على النفس
عارفه ..إني قبل ما ارتبط بابو البنين كنت رافضه أتزوج واحد يكون اهله عاملين له كل حاجه ..لأني كنت عارفه إنه مش هيكون من النوع إللي بيعتمد على نفسه
والحمد لله ربنا رزقني بزوج معتمد على نفسه في كل شيء
مهم قوي البنت تحدد هي عايزه إيه قبل الزواج..علشان متلاقيش نفسها متدبسه بزوج وأمه
تحياتي

wanna b a physician يقول...

طبعا ده غلط سواء من الزوج او الزوج
واختصار ا العدل فى كل شىء والتوازن هما اساس نجاح اى شىء

تحياتى

KHALED يقول...

النوعية دى من الرجالة بتبان من فترة الخطوبة .. يعنى بيجيب سيرة مامتة فى كل حاجة و تلاقية بياخد رأيها فى كل حاجة .. يعنى على المخطوبة إنها تفهم دة من البداية قبل ما تدخل فى الجواز من أساسة ....
الرجل دة بيكون ضعيف الشخصية أمام أمة فقط و دة بيكون مرض نفسى بيميل لمرض عقدة أوديب القديمة و المعروفة
و السؤال ....
كان فين حكمها من البداية علية لو كان دة بان من الأول

المرأة فى الوضع دة بتكون فى موقف لا تحسد علية .. و أعتقد إن مجاولة إستمالة الزوج واجبة و إلا فالفراق أسلم
و السلام عليكم

ghorBty يقول...

حبيبتي موناليزا

بجد كلامك درر وفعلا زي ما قلتي


وأخيراً لمن لم يتم فِطامه بعد
لا تتزوج ولا تحاول الإرتباط ببنات الناس ولا تجعل هذه الفِكرة تأتى بخاطرك حتى تصبح رجُل بما تحويه الكلمة من معان.

لو كل واحد اخد بالمقوله ديه مش هنشوف ولا هنسمع علي اللي بنشوفه دا من مشاكل لا حصر لها مامتك علي عينا ورسنا بس اكيد مش في كل شئ لان زياده الشي فوق الحد بينقلب للضد

بس علي فكره لو اخدوا بكلامك يبقي ربنا يستر هنلاقي عرسان منين اصل زمن الرجال ولي وربك عليه العوض

ربنا يصلح حالهم ويكونوا رجال بمعني الكلمه مش يتفطموا بس من مامتهم دول محتاجين يتفطموا من حاجات كتير


غربتي

romansy يقول...

بس فيه رجاله بجد تتحمل المسئوليه
وبرضه مش عاجبيبن الزوجه
والزوجه مش راضيه
عن كل اللى بيعمله
يبقى بقى العيب فى مين

رفقة عمر يقول...

موناليزا اتفق معاكى فى بعض النقاط واختلف مع بعضها يعنى اتفق ان الاسرار الخاصه بزوجته لا يذيعها وايضا لا يهينها امام امه
ولكن الام مهمه والرسول وصى عليها ثلاث مرات
انا اى اخين رجال متزوجين بتصعب عليا ماما لما احيانا بيهتموا بزوجاتهم اكتر من ماما
لو كل واحد اعتبر نفسه مكان الاخر ما احد تعتدى حقوق الاخرين
يعنى الام تفتكر نفسها لما كانت زوجه ولها حماه
والزوجه تفكر انها فى يوم من الايام ستكون ام وحماه فهل ترضى ان يهملها ابنها
الموضوع محتاج ذكاء من الزوج وتحمل من الزوجه

SHAPE YOUR LIFE (ABOALI) يقول...

ننوس ماما
ننوسة ماما
ننوس بابا
ننوسة بابا

كله موجود
بس الاختيار دائما صعب
قبل ان تتزوج حواء هل تسئل عن علاقة ادم باءمه وابيه
وقبل ان يتزوج ادم له ان يسئل عن علاقة حواء باءمها وابيها

هناك تربيه وهناك تعليم
فى الوقت الحالى الاهتمام بالتعليم اكثر
لو نظرتى الى كلمة تربيه وتعليم
وتخيلتى اننا وضعنا نقطه على صفحة بيضاء
سوف تشاهدى النقطه بدون ابعاد او مسافات بينها

تلك هى التربيه والتعليم لا يوجد مسافات بينهما

هناك فروق شاسعة حاليا بين الاثنين
والماسك بالدفة حاليا
متنكر فى صورة رجل
لذا ليس كل ذكر رجل
وليست كل انثى سيدة
بوست كله شجن فى الحقيقه
وخصوصا انى قرائته بعد قرءاة بوست مدونه انا عاوزه اطلق و

وممكن يتم ضم البوستين على بعضهما
تحت عنوان
ان لم تستح ففعل ماشئت


لا تحسبن الله لا يراكً
فاءن جنى عليك الليل
فلا تقل غدا" سأكون فى تقواكً
فالله يمهلك ولا ينساك
عظة" وعظتين هو خلقك وسواكَ
الم تقرء
تلك الايام ندوالها
فاءن نسيت فهو هناكَ
الم تعرف ان
الظلم ظلماتَ
انتبه
وكن كما ارادَ
ف والله
هناك من سُخط قرد"
وهناك نمرود ضٌربَ
وفرعون علا وغرق
الم تسمع ندائه
يا موسى انقذنى
لم تر بكائه
لم تعى قول نبيك
هن عوان" عندكم
فاتقوا الله فيهم
افعل ما شئت كما تدين تدان

تحياتى
ولا تعليق

منى يقول...

طبعا عندك حق
بس المشكله الكبيره انه مش بيبقى شايف انه غلطان
وفاهم غلط ان هو ده البر بامه
رغم انه بيساعدها على الاذى والذنوب
يا الله
امتى كل واحد بفكر فى غيره زى ما بفكر فى نفسه
لكن ربك شايف وشاهد وعادل
ربنا معاكى
كل التحيه والدعاء

أحمد سعيد بسيوني يقول...

وهو لسه في رجالة عندها البر بالوالدين ده

دا بعد الجواز بينسى اسم امه

اللهم اجعلنا ممن يعطي لكل ذي حق حقه

rovy يقول...

اختى الجبيبه و الجميله دائما
لا اجد كلمات يمكننى ان اصف بها مثل هذا الشخص ..
اكيد لو وجد مثل هذا النوع من البشر و الذى لا يمكننى ابدا ان اطلق عليه لفظ الرجل لا بد له ان لا يتزوج ابدا
و لو ان العيب هنا هو عيب امرأه و هى امه مع كل الاسف التى لم تحسن تربيته
ثم الغت شخصيته و فرضت نفسها بكل انانيه على حياته و لم تسأل يوما نفسها هل سأحيا له طول العمر و كيف سيحيا بعد رحيلى عنه ..
سامح الرحمن كل ام من هذه النوعيه و هداها للحق ..
بوست رائع غاليتى و هادف كعادتك
سلمت يمينك
خالص مودتى و تحياتى

Unknown يقول...

إذا وصلت الأمور لهذا الحد فالصلاة و السلام على من يعتبر نفسه "زوجا"!

هناك فرق بين "الأسرة الصغيرة" و "العائلة"، يلتقيان كثيرا، لكن لا يجب أن يندمجا في غير المحل المناسب..

سلوى يقول...

أكيد في رجال كتير كده
وفي نساء كده كمان

طبعا الحديث اللي ذكرتيه في الآخر
فيه كل شئ
وما يجب أن يكون بين الزوجين

دمتى عزيزتي بكل الخير

ضــى القمــر يقول...

موناليزا
قرأت موضوعك وكأنى أرى شخص معين فى كل كلماتك .. احمد الله ان معرفتنا بهذا الشخص معرفه عائليه ومن طرف بعيد لا اكثر . ولكن هذا هو حاله تماما .
وكم ارى بعينى معاناة زوجته التى تشعر دائما انها على هامش حياة زوجها .
خصوصياتها تنتهك .. ليس لها حريه فى اى شىء .
فعلا .. أمراة بلا حياة وبلا زوج يعتمد عليه .
كم هى حياه بالفعل صعبه .
ولكن السؤال هل هذا الزوج يسعد والدته بتصرفاته هذه..؟؟
هل تسعد والدته حين تراه شخص مسلوب الأدراة ..حين تراه مجرد دميه لها ؟؟

عن نفسى ادعو الله ان يجعل ذريتى رجال بمعنى الكلمه ..
لا ان يكونوا ننوسين عين امهم :)

اجمل تحيه لأروع بوست بحق .
تحيتى لكِ اختى

momken يقول...

هو فى رجاله كده؟؟

ااقصد هو فى حد كده اصلا؟

معتقد يستحق لقب زوج او مسئول عن اسره

اما الزوجه الى كده فحلال عليها لقب عانس مع مرتبه الشرف

قال تعالى بسم الله الرحمن الرحيم

( ومن اياته ان خلق لكم من انفسكم ازواجاً لتسكنوا اليها وجعل بينكم موده ورحمه ان فى ذلك لأيت لقوم يتفكرون)
صدق الله العظيم

وقال تعالى بسم الله الرحمن الرحيم

( الخبيثات للخبيثين والخبيثون للخبيثات والطيبات للطيبين والطيبون للطيبات اؤلئك مبرءون مما يقولون لهم مغفره ورزق كريم)
صدق الله العظيم

تحياتى

(صندوق الدنيا) يقول...

الأمر ليس كذلك حبيبتي في الله
فأنا أتفق معك في بعض النقاط وأختلف معك في نقاط أخرى
لابد أن تعرف كل زوجة أن زوجها الذي أمامها لم يكن ليصل لتلك الحالة التي أعجبتها لتقبل به زوجا إلا بفضل الله الذي سخر له أما تراعاه
والأمومة لا تعرف إلا عندما نحمل قرة أعيننا بين أكفنا ونعرف ما معنى أن نربي طفلا ثم ينتقل ليأخذ قطعة منا معه عندما يغيب عنا في بيت آخر
البر لا يحتاج إلى مبررات ومن تعامل حماتها ببر لوجه الله تيسر لها كل الصعاب ويرضي الله عنها زوجها ويجد الزوج نفسه مجبرا على بر أمها ويتعلم منها بالقدوة
وما أجمل أن يتفق الزوج و زوجته على البر والمودة والرحمة
مع الحفاظ طبعا أن ليس كل ما يدور بين الزوجين يقال للأم...ولكن لا نلوح أمامها من آن لآخر أن هناك سر لا تعرفينه....
الحديث يطول في هذا الأمر وأخشى أن تملي مني
تحياتي وتقديري

غير معرف يقول...

موناليزا

عادة يكون أمثال هؤلاء مرضى نفسين

ولن أخوض فى جدال كثير

فقط أقول زيادة على ما قلتى

هداهم الله جميعا

تحيتى

SemSem يقول...

السلام عليكم
بجد سلمت يداكى على الجمل المختصرة والمفيدة دى
الله يكون بعون كل بنت معاها واحد ابن امه فعلا
الحياة بتبقى صعبة جداااااااااا
ومفيش احسن من تطبيق الشريعه وكل حاجه تاخد حقها فى الموضوع ده

موضوعك جميل جداااااااااا
تحياتى لك بكل ود

mahasen saber يقول...

عارفه يا مونا العيب الكبير فى مين فى امه اليى مش عرفت تفصل ما بين دورها كام
وتعرف بان ابنها خلاص وصل لمرحله مينفعش تدخل فى كل صغيره وكبيره فيها
وتعرف انها وصلته لبر الامان وكفى

والعيب انها مبتحطش نفسها مكان زوجة ابنها وتعرف انها فى يوم من الايام كانت زوجه زيها وكانت بتحب يكون ليها خصوصيتها لوحدها وكانت تحب تشوف جوزها صاحب شخصيه مستقله

العيب يا مونا اننا بنسى ومبنحطش نفسنا مكان حد للاسف عشان كده بنظلم بعض كتير

ان شاء الله عمرى ما هكون كده مع ابنى ربنا يكملنى بعقلى لما ابقى حما

وحشتينى يا مونا يا ام ابتسامه حلوه
ورينى الابتسامه كده يا قمر

موناليزا يقول...

هذه حياتى
ــــــــــــ
وعليكم السلام ورحمة الله وبركاته
اهلا بيك يافندم
الله عليك
فما اجمل تعليقك الذى ارجو ان يعيه الجميع فقد لخصت ما اردت قوله باسلوب سهل وبسيط
اشكرك جدا لمشاركتك
دمت طيبا ولمدونتى زائرا

*********************************

سى اتش اى
ـــــــــــ
اهلا بيك يافندم
اكيد غلطة الزوجة اللى ماخدتش بالها قبل الزواج من حاجة ذى كده
بس برضه كانت هتعرف ده كله ازاى ماهو فيه حاجات مابتبانش غير بالعِشرة
اشكرك لمشاركتك
دمت طيبا ولمدونتى زائرا


**********************************

نهر الحب
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
الحمدلله ياجميلة انا بخير ماتحرمش من سؤالك

تعرفى حاجة توجع بجد لما تكتشفى ان الرجال اصبحوا قِلة قليلة
ربنا يتقبل دعائك ويرزقك بالزوج الصالح (الراجل بجد)
اشكرك جدا لمشاركتك
نورتينى حبيبتى ودمتى بالف خير


********************************

اهو ده عيبه
ــــــــــــــ
اختى الحبيبة:اهلا اهلا بداليا الجميلة بعد طول غياب
:)اشكرك جدا لرايك
فعلا الام هى من تنتج افرادا للمجتمع بكل الصفات التى تحددها
اشكرك جدا لمشاركتك
نورتينى حبيبتى ودمتى بخير


**********************************

اليس فى بلاد العجائب
ـــــــــــــــــــــ
اختى الحبيبة:فعلا ممكن جدا العنوان يتغير لاى شئ الشخص تابع ليه
والحديث بجد خطير جدا وقليل من يدركون ذلك
ياريت بجد الكل يقرأ اللى بكتبه لانه من الواقع يمكن حد يستفيد بيه ويعدل من سلوكياته اللى ممكن تضره وتضر غيره
:) ماتحرمش من دعائك لى ربنا يسعدك ويجمع بينك وبين سيف قريبا اللهم امين
نورتينى حبيبتى ودمتى بخير


**********************************

برينسيس
ـــــــــ
اختى الحبيبة:للأسف أيوة وكتير كمان
نورتينى حبيبتى ودمتى بخير


*********************************

د.ايمان مكاوى(ام البنين)
ـــــــــــــــــــــــــ
اختى الحبيبة:الله ينور عليكى
ماهو ممكن ماديا يكون معتمد على نفسه لكن نفسيا ومعنويا لسة محتاج يتفطم:)
ربنا يباركلك فى زوجك وابنائك ويسعدكم اللهم امين
نورتينى حبيبتى ودمتى بخير


**********************************

ونا بى فيزيائى
ـــــــــــــــ
اهلا بيك يادكتور
جبت الخلاصة ربنا يكرمك
دمت طيبا ولمدونتى زائرا


**********************************

خالد
ـــــــ
اهلا بيك استاذ خالد
مش شرط خالص على فكرة وخصوصا لو كانت فترة الخطوبة قصيرة
أكيد لو كانت تعرف من البداية ماكنش الموضع كِمل بس فيه حاجات مابتبانش غير بالعِشرة
كيف تستميله والام مسيطرة تماما على الوضع واللى بتبنيه حماتها بتهده
وفعلا الفراق أسلم كثيراً
اشكرك جدا لمشاركتك
دمت طيبا ولمدونتى زائرا


***********************************

غربتى
ــــــــ
اختى الحبيبة:الله يكرمك ده بس من ذوقك فماتوفيقى الا بالله
صح جدا الشئ اذا ذاد عن حده انقلب الى ضده
:)معاكى حق و قِلة الزواج فى الحالة دى افضل كثيراً من شعور المرأة بأنها تزوجت حماتها
نورتينى حبيبتى ودمتى بخير


********************************

رومانسى
ــــــــــ
اهلا بيك يافندم
لامثال هؤلاء الزوجات كتبت هذا الموضوع
http://monaliza110.blogspot.com/2008/11/blog-post_19.html
دمت طيبا ولمدونتى زائرا


**********************************

رفقة عمر
ــــــــــ
اختى الحبيبة:لا احد ينكر دور الام ووصية الاسلام بها
ولذا جائت جملتى الاخيرة
إعط لكل ذى حق حقه
ربنا يهدى اخواتك ويرزقهم بر والدتهم
واليهم اهدى هذا الموضوع
http://monaliza110.blogspot.com/2008/07/blog-post_23.html
نورتينى حبيبتى ودمتى بخير


***********************************

ابو على
ـــــــــ
اهلا اهلا بصاحب التعليقات المميزة
فعلا التربية أصبحت شئ نسمع عنه ولا نراه
اشكرك جدا لرايك ولمشاركتك القيمة وشوقتنى لقراءة بوست اختنا محاسن
دمت طيبا ولمدونتى زائرا


********************************

منى
ــــــ
اختى الحبيبة:ياااه قلتى بجد اللى نسيت اكتبه:)
المشكلة فعلا انه مفكر نفسه صح وان هو ده بر الام
ماتحرمش منك ربنا يسعدك ياحبيبتى ويفرح قلبك
نورتينى ياجميلة ودمتى بخير


***********************************

احمد سعيد بسيونى
ـــــــــــــــــ
اهلا بيك استاذ احمد
هو ده بٍر برضه:) ده اكتر من كده بكتييير
دعائك فعلا جميل يارب نكون كده
دمت طيبا ولمدونتى زائرا


*******************************

روفى
ـــــــ
اختى الحبيبةروفى الغالية:
صح جدا فالام عليها عامل كبير فى تكوين شخصية الفرد منذ الصغر
اشكرك جدا لرايك ومشاركتك التى تعنى لى الكثير
نورتينى حبيبتى ودمتى فى رعاية الله


----------------------------------

محمد من المغرب
ـــــــــــــــ
اهلا بيك استاذ محمد
الاندماج الغير مناسب جملة فى الجون بجد
اشكرك جدا لمشاركتك
نورت مدونتى فى زيارتك الاولى وارجو دوام التواصل


**********************************

سلوى
ـــــــ
اختى الحبيبة:ايوة طبعا فالزوج والزوجة مشتركان فى هذا البوست والكلام لهما معا ولكننى خصصت الزوج تحديدا على اعتبار ان القوامة ليه
اشكرك جدا لمشاركتك
نورتينى سلوتى الجميلة ودمتى بخير


*********************************


ضى القمر
ــــــــــ
اختى الحبيبة:اشكرك جدا لرايك ولمشاركتك
وربنا يهديه وينور بصيرته ويصبر زوجته على مابلاها
نورتينى حبيبتى ودمتى بخير


**********************************

ممكن
ـــــــ
اهلا بيك يافندم
للاسف فيه
الزوجة فى الحالة دى لن تهتم باللقب اللى حصلت عليه فيكفى ان نفدت بجلدها ده لو امه سمحت له بان يعتقها لوجه الله
دمت طيبا ولمدونتى زائرا


----------------------------------

ام البنين
ــــــــــــ
اختى الحبيبة: لا اختلاف بيننا مطلقا فبر الوالدين شئ مفروغ منه
ولكن كل ماذكرته هنا لا أعتقد انه يمت بصلة للبر التى امر به الله
لن أمِل منكِ :) لا تقلقى
يسعدنى محاورتك والنقاش معكِ
نورتينى حبيبتى ودمتى بخير


-----------------------------------

المحارب المتيم
ـــــــــــــــ
اهلا بيك يافندم
ونِعم القول
دمت طيبا ولمدونتى زائرا

--------------------------------

سمسم
ـــــ
وعليكم السلام ورحمة الله وبركاته
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا

*********************************

محاسن صابر
ـــــــــــــ
اختى الحبيبة:فعلا الام هنا شايلة ذنب عدم تنشأة ابنها تنشأة سليمة
ربنا يعينك على تربية ابنك يارب وتشوفيه راجل بجد
واطمنى ياجميلة هتكونى حماة سكرة خالص
:) والله ابتسمت دلؤتى عشان خاطرك
ربنا يسعد قلبك ونفرح معاكى قريب يارب
نورتينى حبيبتى ودمتى بكل الخير

GiGi world يقول...

صح هتقريبا فى مشطله كبيره قوي فى تربيه الولاد الايام دى علشان طده معظمهم كده للاسف

kmt يقول...

السلام عليكم ورحمة الله وبركاته

والى كل بنت نفسها وها تموت ع الزواج مش اي حد وخلاص علشان ما نقولش القطر فات ما يفوت احسن من عيشه زي الهباب

موضوع جديد

تحياتي
الي اللقاء

واحد من البلد دى يقول...

السلام عليكم

مع كل الأسف أختاه..هناك من يظن أن الرجولة سبا و قذفا وضربا..
الأعجب من ذلك أن هذا الصنف من الشر يريد بعد كل هذا أن تشاركه زوجته مضجعه..
بالله عليكى كيف لزوجة مهانة ذليلة منكسرة ..مخدوعة فى إنسان من المفترض أنه سندها فى تلك الحياة و سببا فى إطمئنانها و سكينتها.كيف لها بعد ما تعانيه أن تطيق النظر فى وجهه..

أقول لكى أختاه أن السبب ليس فى الأم ولا الزوجة وإنما فى الرجل أو لنقل ..شبه الرجل..
إن الرجل هو قائد السفينة فى عباب الحياة و الزوجة و الأم و الأبناء ما هم إلا طاقما لتلك السفينة فما بالنا إن كان ربان السفينة منقاد..

عندها فقط يجب أن يترك سفينته لمن هو أقدر على قيادتها ويكون هو نفسه تحت تصرفه..أو...ليترك السفينة نهائيا.

(ليس مأسوفا عليه)

تحياتى البالغة

شعرت جدا بتدوينتك

موناليزا يقول...

جيجى
ــــــ
اختى الحبيبة:ده حقيقى
ربنا يستر
نورتينى حبيبتى ودمتى بخير

***********************************

كيمت
ـــــــ
وعليكم السلام ورحمة الله وبركاته
اختى الحبيبة: تعليق بجد فى الجووووون
أحييكى عليه
نورتينى ياقمر ودمتى بخير

----------------------------------

واحد من البلد دى
ـــــــــــــــــــ
وعليكم السلام ورحمة الله وبركاته
اهلا بيك يافندم
اللوم على الرجل مرة وعلى من أنجبت وساهمت فى تنشأته بهذه الطريقة الف مرة
اشكرك جدا لمشاعرك ولمشاركتك
دمت طيبا ولمدونتى زائرا

Unknown يقول...

السلام عليكم ورحمة الله وبركاتة
كيف حالك يا موناليزا ؟
يا رب تكونى فى افضل حال
بصراحة انا ليا رأى وهو
ان المفروض ان البنت تتفق مع خطيبها قبل الخطوبة على كل حاجة ولو هى موافقة انها تعيش مع مامت زوجها فى نفس الشقة يبقى لازم تتوقع الحاجات دى
ومتقولش اةةةةةة لما تحصل لانها هتكون متوقعة
ولا انكر
ان زوجها غلطاااااااااااااااااااان
وان مامتة كمان غلطانة
بس الاتفاق من الاول انا بحبزة جدا
ودمتى بالف ود

الربان يقول...

تحياتي

للاسف هناك البعض يقومون بهذا...و حياتهم الاسرية معرضة للخطر....

اقول لك شيء اسخف من هذا؟... زميل لي
والدته تزوره يوميا...و تفتح الثلاجة
لا بل و الادهي انها تبحث في القمامة ..
حتي اذا رأت ان ابنها اشتري طعام ما و لم يأتي لها بمثله يبقي نهاره اسود...


اقول لاخوتي الرجال :

- حياتك الزوجية محصورة و محسورة بينك
و بين زوجتك....لا تتحدث معها.

- راعي الله في زوجتك كما تراعيه في أمك

- احترم زوجتك و اعلم ان الرجولة هي ان تعطي لكل ذي حق حقه و ان تنزل الناس منازلهم.

- كن رقيق القلب عف اللسان مع زوجتك
و أمك بل و كل من حولك من اهل و اصدقاء.

- لامك حق عليك لا ينكره أحد...و أيضا
لزوجتك حق عليك كفله الشرع و القانون لها.

- اعلم يا أخي أن الزوجه غير مكلفة شرعا بخدمة زوجها...ولا بخدمة اهل زوجها
و ان ما تقوم به من خدمة فهي ابتغاء مرضاة الله و من حسن تبعلها لزوجها.

- تذكر أخي الكريم وصية الرسول الكريم صلي الله عليه و سلم لنا للترفق بالنساء
او القوارير...

اسأل لي و للجميع ان يبصرنا و يفقهنا
في ديننا...و أن يلزمنا العمل به..و ان يرزقنا تقواه و الخوف من يوم ان نلقاه وقد ظلمنا هذا و اغتبنا هذا..

تحياتي و تقديري

بسمه عبدالباسط يقول...

والله معاكى حق فى كل كلامك

لانه اصلا لسة مابقاش راجل لما يبقى راجل يبقى يفكر يتجوز

تحياتى

ميرا ( وومن ) يقول...

موناليزا

في اول زيارة لمدونتك وجدت موضوعا مهما مثيرا للجدل

اظن ان هناك خلال ما في علاقتنا وتربيتنا فنحن لا نستطيع الفصل بين ادوارنا ولا نجيد صنع الرجال

ويبقي الشئ الأهم ان تختاري رجلا تتزوجية
لا ان تختاري شقة وسيارة واثاث باهظ الثمن

فكل هذه الأشياء لا تساوي العيش تحت مظلة رجل حقيقي

تحياتي

Heba Sayed يقول...

السلام عليكم

موضوع شديد يا موناليزا

بس فعلا النوعية دى كتيرة اوى وموجود منها بكثرة واكثرهم حياتهم الزوجية بتفشل وبيحدث انفصال نتيجة لانتقال الافعال والاقوال لامهاتهم ومفيش سر خالص
بين الزوجين

موناليزا يقول...

حتى تشرق الشمس
ــــــــــــــــ
وعليكم السلام ورحمة الله وبركاته
اختى الحبيبة:انا الحمدلله بخير اشكرك جدا لسؤالك
طبعا الاتفاق شئ جميل ولكن ممكن جدا يرجع فى كلامه او يضعها امام الامر الواقع ..تعملى ايه بقى ساعتها:)
نورتينى حبيبتى ودمتى بخير

*******************************

الربان
ــــــــــ
اهلا بيك يافندم
مش هستغرب هذا الموقف لانه اهون من ان تبحث الزوجة على فضلات الطعام من حماتها وزوجها لان الزوج بيستخسر حتى الاكل فى زوجته!!
ربنا يكرمك ويبارك فيك على هذه النصائح الرائعة وقد تمت اضافتها للموضوع لعلها تفيد الجميع ويأخذونها فى الاعتبار
ربنا يتقبل دعائك واشكرك جدا لمشاركتك
دمت طيبا ولمدونتى زائرا

********************************

بُسبُس
ـــــــــ
اختى الحبيبة:صح جدا:)
اشكرك جدا لمشاركتك
نورتينى حبيبتى ودمتى بخير

***********************************

وومن
ـــــ
اختى الحبيبة: اهلا بيكى فى زيارتك الاولى
صدقتى فالرجُل الحق يغنيكى عن أى شئ
اشكرك جدا لمشاركتك
نورتى مدونتى وارجو دوام التواصل

***********************************

هبة سيد
ــــــــــ
وعليكم السلام ورحمة الله وبركاته
اختى الحبيبة:فعلا الموضوع زاد اوى ولذلك اردت ان الفت الانتباه لعل وعسى ...
اشكرك جدا لمشاركتك
نورتينى حبيبتى ودمتى بخير

ستيتة يقول...

عزيزتي موناليزا
اول زيارة وعجبني مش الموضوع زي ما كل الناس قالت وانما التسلسل الفكري الرائع للسرد
بس برضه الفت انتباهك لشيء مهم جدا
هناك صفات ان اتوجدت في انسان فهي كالبصمة الوراثية لا تنمحي
بمعنى ان ابن امه مش ممكن واستحالة يصحى الصبح يلاقي نفسه خير اللهم اجعله خير راجل
لأ هو بيبقى خلاص جُبل على هذا الطبع والحقيقة معنديش احصائيات تقول لو امه فلسعت ها يستبدل بيها مين؟ وهل بعدها بيسترجل ولا بيفضل على حاله؟
وارجع تاني واقول على من ابتليت بهذا الننوس التزام الصبر فإن الله هو كاشف الهم بس خراب بيوت لأ نحاول نعمر دنيتنا بشوية صبر
"ومايلقاها إلا الذين صبروا وما يلقاها إلا ذو حظ عظيم"
تحياتي واسفة ع التطويل

أمل حمدي يقول...

ننوس ماما

ربنا يهديه

فالعيب ليس فيه فقط ولكن اعتقد ان الام لها عامل كبير لانها قبلت هذا
ولم تقم بالتوجيه كما ينبغي وكانت شديدة الانانية

تقديري
ل موناليزا

Butterfly يقول...

أنا عن نفسى بكره النوع ده من الرجاله
ده اذا كانوا رجاله من أصلوا !

رحــــيـل يقول...

موناليزا ايه اخبارك يارب تكونى بخير

فعلا بجد النوعيه دى مش تتجوز احسن
مش عارفه ده سوء تربيه اصلا من الام ولا مرض
اصله اللى يعمل كده مش انسان سوى

تحياتى لكى

غير معرف يقول...

علي فكره في من العينه دي كتييييييييييير
و بصراحه حاجه تحزن
ربنا يحفظنا
امال انا فاشلة و مش لاقيه اللي يناسبني ليه؟؟؟
كتير اتقدملي ننوس مامته ده
شكرا غاليتي علي البوست رائع

Gannah يقول...

السلام عليكم
انا بصراحة يا موناليزا مش عارفة الحل طبعا زى ماقلتى اعطاء كل ذى حق حقه وبرضه الزوجة تعتبرها امها وساعتها النظرة اكيد هتختلف
عامة هسيب المتزوجين يتكلموا افضل
جزاك الله خيرا لتقديم واجب العزاء
انا لسه عارفة منك
تحياتى

TIMMY !! يقول...

السلام عليكم و رحمة الله ..

ممممممم مش عارف ليه برضه مش عارف ألاقي تعليق ,
كل ما بدخل هنا مش بعرف أتكلم ,

يمكن علشان الواحد ما جربش يطيع واحدة تانية غير أمه , أو ما جربش يحصل تعارض بين أمه و بين حد تاني أصلا !!

بسالواحد ناوي إن شاء الله لما يتجز - بعد عمر طويل :) - لازم يكون في بيت منفصل ,
على رأي الشاعر :
غِب و زُر غِبّاً تزد حباً *** فمن أكثر الترداد أضناه الملل

تحيتي

موناليزا يقول...

ستيتة حسب الله الحمش
ــــــــــــــــــــ
اختى الحبيبة:اهلا بيكى فى زيارتك الاولى
الله يكرمك اشكرك جدا لرايك
ده حقيقى وانا متفقة معاكى جدا
لاتعتذرى على الاطالة (هى فين الاطالة دى)فانا سعيدة جدا بمشاركتك
نورتى مدونتى وارجو دوام التواصل

********************************

ماما امولة
ـــــــــــــ
اختى الحبيبة: توجه مين بس اذا كانت هى مبسوطة جدا بكده وبتشجعه كمان
عايزة اقولك انها ممكن تجيب له هدية محترمة لو اتخانق مع مراته!!
وفعلا ربنا يهديه
اشكرك جدا لمشاركتك
نورتينى حبيبتى ودمتى بخير

***********************************

بيترفلاى
ـــــــــــ
اختى الحبيبة:مش انتى لوحدك والله ياقمر:)
نورتينى ياجميلة ودمتى بخير

*********************************

رحيل
ـــــــ
اختى الحبيبة:اهلا اهلا اذيك ياقمر
انا الحمدلله بخير ماتحرمش منك ياحبيبتى

هو فعلا مش سوى المشكلة بقى لما يكون مقتنع انه صح
نورتينى حبيبتى ودمتى بخير

**********************************

عاشقة الجنة
ـــــــــــ
اختى الحبيبة:اهلا اهلا بعد طول غياب
اذيك ياجميلة وحشتيييييييينى

مين قال انك كده فاشلة!! ده انتى كده صح جدا واياكى تتسرعى وجميل انك بتكتشفى ده فى الاول
ربنا يرزقك يارب بالزوج الصالح(الرجل بجد)
نورتينى حبيبتى ودمتى بخير

**********************************

جنة
ـــــ
وعليكم السلام ورحمة الله وبركاته
اختى الحبيبةجنتى الرقيقة: تعرفى المشكلة مش فى الزوجة خالص لانها فعلا بتعتبرها امها المشكلة ان حماتها مش بتعتبرها بنتها!! ومن هنا جاء الخلل
بالعكس انا شايفة ان اراء غير المتزوجين مهم جدا لانهم شايفين الموضوع بطريقة محايدة
رزقنى الله واياكى بازواج صالحين ومايكونوش ننوسين :)
نورتينى حبيبتى ودمتى بخير

**********************************

تيمى
ـــــــ
وعليكم السلام ورحمة الله وبركاته
اهلا بيك يافندم
عجبنى جدا ردك لانك غير متزوج يعنى محايد
وقلتها بكل بساطة انك هتعيش فى شقة منفصلة(كده طمنتنا عليك )
دمت طيبا ولمدونتى زائرا

مجلة الأم الصغيرة يقول...

كلام واقعي جدا .. و فعلا لسا فيه ناس كده .. الله يكون في عون اللي من نصيبهم

عجبني جدا ختامك للموضوع بالحديث الرائع ده !!
و سعيدة بالتعرف علة مدونتك المتميزة

الازهرى يقول...

ان نعطى لكل ذى حق حقه
هذه وصية ديننا على الدوام
فلا افراط ولا تفريط
لا مغالاة فى حق احد على حساب الاخر

تحياتى دوما

موناليزا يقول...

قطرات من شواطئ الحياة
ـــــــــــــــــــــ
اختى الحبيبة:اهلا بيكى فى زيارتك الاولى
اشكرك جدا لرايك ولمشاركتك
نورتى مدونتى وارجو دوام التواصل

----------------------------------

الازهرى
ــــــــــ
اهلا بيك يافندم
صدقت اخى الكريم
واشكرك جدا لمشاركتك
دمت طيبا ولمدونتى زائرا

Unknown يقول...

دة معنى كدة ان الجواز هيشح جامد اوى

الربان يقول...

تحياتي

معذرة علي التعليق مرة أخري...
لكنني قرأت خبر في الصحف اليوم مفاده الاتي :

اكتشف فريق من الباحثيين السويديين ان الرجال الذين لديهم جين متغير يعرف باسم " متناقص 334 " معرضون أكثر من غيرهم للعلاقات الزوجية المضربة و المتوترة بواقع الضعفين عن غيرهم ممن ليس لديهم هذا الجين.....
وقد يساعد هذا الاكتشاف علي تقليل نسبة الخلافات الزوجية لهؤلاء الافراد...

الخبر منشور في جريدة الفجر الاماراتية
بتاريخ 12 يناير 2009.


تحياتي و تقديري

Dr. Ibrahim يقول...

اهو انتى جبتى من الأخر لما يبقى راجل ويعرف يتصرف ويعتمد على نفسه

-------------------

اللهم ارحم أموات المسلمين........

شقاوة شعب يقول...

زيارة أولى لهذه المدونة القيمة

عجبنى البوست جدا ..
وبيتهيألى الشخص اللى كدة مع أمه هيبان عليه من الخطوبة
فالبنت لازم تبقى مركزة ..ولون كله نصيييب

تحياتى
شيماء

موناليزا يقول...

انجى
ـــــــ
اختى الحبيبة:أفضل من زواج غير مستقر او حياة زوجية تعيسة:)
نورتينى حبيبتى ودمتى بخير

***********************************

الربان
ــــــــ
اهلا بيك يافندم
حضرتك تشرف فى أى وقت
اشكرك جدا على مشاركتنا بهذا الخبر
ونأمل ان تستقر الحالات الزوجية دون اى مساعدات خارجية:)
لان من وجهة نظرى فى الغالب الرجال سيرفضون الاعتراف بهذا بالاضافة ان هذا الاكتشاف لن يطبق الا بعد وقت طويل
اشكرك جدا لاهتمامك ولمتابعتك
دمت طيبا ولمدونتى زائرا

**********************************

د/ ابراهيم سماحة
ـــــــــــــــــ
اهلا بيك يادكتور
ياريت الرجال كمان تقتنع بده
اشكرك جدا لمشاركتك
دمت طيبا ولمدونتى زائرا

**********************************

شقاوة شعب
ـــــــــــ
اختى الحبيبة:اهلا بيكى فى زيارتك الاولى
اشكرك جدا لرايك ولمشاركتك
فعلا كل شئ نصيب
وعلى فكرة فيه امهات متمرنات يعنى ايام الخطوبة مثلا تبان الحمل الوديع الطيب المنكسر وان ابنها هو الرجل الحمش وبعد الزواج بقى التمثلية دى تخلص!!
نورتى مدونتى وارجو دوام التواصل

اوعى تفكر يقول...

مين ميحبش مراته تبقى زى امه
بس ميبقاش دلوعة امه فى فرق

salwa يقول...

السلام عليكم
اول مرة اتشرف بزيارتك بعد مرورك الجميل لمدونتي
بنظري انهم اشباه الرجال و لا رجال
يتمسكون بالقشور الدينية
سلام

جسر الى الحياة يقول...

عندك حق.. بس خدى بالك ان دى خطة الام من البداية ان ابنها يظل معتمدا عليها الى مالا نهاية حتى يتزوج ... رسالة لكل الامهات ربوا اولادكم على بعض الاستقلالية والاعتمام على عقله ونفسه فى سن معينة ولا تعاملوهم طول الحياة على انهم اطفال

بوست مهم ومفيد
تحياتى دمتى بحب ومودة

موناليزا يقول...

اوعى تفكر
ــــــــــ
اهلا بيك يافندم
لقد قلتها بنفسك والفرق كبير جدا
دمت طيبا ولمدونتى زائرا

***********************************

سلوى
ـــــــــــــــ
وعليكم السلام ورحمة الله وبركاته
اختى الحبيبة:اهلا بيكى فى زيارتك الاولى
وجهة نظر صحيحة اشكرك عليها
نورتى مدونتى وارجو دوام التواصل

---------------------------------

جسر الى الحياة
ــــــــــــــــ
اختى الحبيبة
اشكرك جدا على رسالتك وارجو ان تصل لجميع الامهات لان خطتهم هذه ستتعس ابنائهم فيما بعد
نورتينى حبيبتى ودمتى بخير

شمس النهار يقول...

مش ده لو في رجاله اصلا يتقال لهم الكلام ده
شوفي مفهوم الرجوله عندهم انحصر في حاجتين
العلاقه الخاصه والجباروت
قليل ماتلتقي برجل يعرف تماما كيف يكون رجل
ولما ترجعي ليه هو مدرك انه رجل
تلاقي وراه ام عرفت تربي
واب راجل فعلا
بس برضه في ستات عايزه تاخد درس في مفهوم انها تكون ست مش ميكس بين الرجل والست او جايبه علي رجل
المهم
الموضوع كبير وعايز قاعده
شكرا علي البوست

zainab يقول...

حبيبتى موناليزا

أنا بوجه رساله لأى شاب يكون كده بقوله ما يتجوزش عشان حرام يتعب بنات الناس معاه

على فكره يا موناليزا دى بقى شئ منتشر

اللهم ارحم موتانا وموتى المسلمين

موضوع جميل

بارك الله فيك

تحياتى

حبيبة الروح يقول...

تصدقي كل كلامك فعلا حقيقه
مبقاش في راجل بجد يقدر الست بجد
ولا بقي في انسان حقيقي اصلا
موضوع جميل يا حبيبتي وحشتيني اوي ووحشتني مدونتك متزعليش مني لتقصيري
ظروف والحمد لله عدت
وهطلع من الالم ده
ادعيلي
في رعايه الله

ghoneem يقول...

السلام عليكم

أخبار حضرتك ايه يارب تكوني بخير

ننوس مامته ده بقي نموذج يحرق الدم ...بس فيه ناس من كتر ارتباطها بمامتها لظروف التربية وبالذات الأيام دي لغياب الأب كرب للأسرة وكقدوة ورمز للرجولة والاعتماد علي النفس والتدريب علي التصرف في المواقف..لغياب الأب وعد وجوده ليقوم بكل هذه المهام أصبحت الأم هي من يربي ومن يعلم ولأن الأم مهما بلغت فلن يكون لها من خبرات الرجل "لأب " ينشأ الولد بصفات سلبية عديدة وطبعا مش قاعدة عامة يعني بس أنا أعرف نماذج بهذا الوضع

من غير اطالة ...كلماتك قوية جدا وبالفعل واقعية وهذا النموذج صعب جدا أن يتحمل مسئولية بيت وأسرة والأم لها دور أكبر منه في توعيته وجعله يعتمد علي نفسه وينظر الي المستقبل وأنه سيكون رب أسرة ونموذج

تحياتي ليكي ولكلماتك ودمتي بكل الخير ولا تنسي الدعاء المستمر لأاهلنا في غزة

بالتوفيق.........................

ادم المصرى يقول...

معلش مهما كتر من النوعيه دى الباقى احسن بس احنا نشوف الامور بأيجابيه اكتر

اذيك يا مونليزا كلكو وحشتونى فالله انا جبت مدونتى تانى بس قمت بتغيرات بسيطه

Unknown يقول...

السلام عليكم ورحمة
الله تعالى وبركاته
جزاكى الله خير على
النصائح الغالية
لكن اسالك واللى بياخد
من حق امه ويعطيه لزوجته!!

طوبه فضه وطوبه دهب يقول...

كلامك جميل اوى بس يارب الناس كلها ذى مابتسمع تنفذ ويهدى كل زوج لزوجته اللهم امين والبقاء لله وانا لله وانا اليه راجعون

دينا حامد يقول...

بصراحة من رايي اللي زي دول خسارة حتى نقول عليه رجل او زوج
لانه بيبقى طفل مش قادر يتحمل مسؤولية نفسه علشان يتحمل مسؤوليه غيره
واللي من النوعيه دي يوفر وبلاش يتزوج من الاصل



البقاء لله


تحياتي

(green eyes) يقول...

للأسف كنت هقع في نفس المشكلة مع اللي كنت هتجوزه بس الحمد لله الموضوع اتفشكل بدري بدري

بحييكي على فكرة البوست

تقبلي مروري

"عبير النجار "نيجار يقول...

أولا بعتذر عن تأخيري في زيارة مدونتك الرائعه ،
وشرفتيني ونورتيني بزيارتك لمدونتي المتواضعه و على فكره أنا شيلت تأكيد الكلمه زي ما طلبتي :)
بوست رائع ،
وحسبنا الله ونعم الوكيل في اللي تربي إبنها على كده ،
ونصايحك جميله ،
تحياتي ليكي

son's egypt يقول...

السلام عليكم
رفقا بالقوارير كما قال النبي صلي الله علية وسلم
فانهم ايضا بشر ليسوا عبيدا للرجل ينفذون اوامرة فقط

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمة موناليزا
تحياتى وتقديرى
موضوع جميل وللاسف هناك اناس كثيرون يفعلون ماكتبتى عنه
وتعليقى باختصار شديد
ان اللى بيعمل كده ده مش راجل
لان الرجوله ليها معانى تانيه خالص غير انه يهين مراته علشان خاطر يرضى والدته
صحيح الام نعمه كبيرة ولازم الواحد يحاول انه ينال رضاها بس مش باهانة مراته او بانه يفشى اسرار حياته الخاصه ليها لأ ده غلط كبير وخلط فى الاوراق غير مقبول
وكمان الام المفروض انها لو ربت ابنها تربيه صح تعرفه ان كده غلط ماهى كانت فى يوم من الايام زوجه وكان زوجها ليه برضو ام فهل كانت ساعتها تقبل ان زوجها يعمل نفس التصرف ده مع امه ومعاها مااعتقدش
تقبلى تحياتى وتقديرى
ودمتى بكل خير وود
والسلام عليكم ورحمة الله وبركاته

Tamer Nabil Moussa يقول...

كلامك صحيح

الانسان لايتزوج الا عندما يكون قادر على فتح بيت وتحمل المسولية دون الاعتماد على الاخرين

الانسان الذى ما يحدث فى بيتة يعرفة الجميع انسان غير ناضج

تحياتى

بس خلاص ... يقول...

لكل منا دوره فى الحياه فاذا تفهم كل انسان وضعه الحقيقى وعرف واجباته قبل حقوقه لاستراح واراح
ولا نجد انفسنا نلقى اللوم على بعضنا البعض ونتبادل الاتهامات

غير معرف يقول...

السلام عليكم

وحشتيني ازيك وعملة ايه
اهو ده اللي يقولوا عليه ننوس عين امه الحيلة بسلامته حمادة عزو

في هذا النوع من الرجال لا يقع اللوم عليهم ولكن لوموا امهاتهم فالام هي العامل الاساسي الذي يجعل من طفلها رجل وهو وليد وهي ايضا التي تجعله وليد وهو في مرحلة الرجولة
مني ليزا سوف انتظرك اليوم
ع الياهو تقبلي دعوتي الساعة 9

ahmed_k يقول...

للأم حق واجب على أبنائها فهي التي حملت وربت وسهرت وتعبت وقد أوصانا النبي عليه الصلاة والسلام بها وأخبرنا أن الجنة لا تطال إلا برضاها فهي تحت أقدامها والزوجة اليوم هي نفسها أم الزوج غدا ,
ولكن للزوجة أيضا حقوق وهي أقدس علاقه في الدنيا
وأتفق معكي أختي أن ما ذكرتيه من تصرفات لا تدخل بأي حال من الأحوال تحت بند البر بالأم بل هي ضعف شخصيه وسوء تنشئة من الأم لإبنها بحيث خلقت منه كائن هلامي تابع لا شخصية له ولا رأي
ومثل هؤلاء الأبناء حينما يفقدون أمهاتهم تنهار حياتهم ويتحولون لأشباه إنسان فهم لم يتعودوا أن يعيشوا برأيهم أو أن يخططوا أي شيئ لحياتهم
وللأسف هؤلاء كثر في هذه الأيام التي أصبحت فيه بعض النساء هم الرجال في بيوتهم وأزواجهم مجرد وسيله للإنجاب والإنفاق فأمثالهن يخرجن بالتاكيد للمجتمع أمثال هؤلاء الأزواج
نسأل الله السلامه

وأختلف مع أخي الربان بخصوص خدمة المرأة لزوجها
فهذا الفعل لا يسمى خدمة فهذا واجبها في بيتها ومملكتها وزوجها مسئول منها كما هي مسئولة منه وكلاهما عليه دور للآخر يؤديه له حقا عليه وليس خدمة
فالخدمة تكون بأجر أما تلك الأعمال فهي خدمة بموجب الرباط المقدس فيما بينهما لا أجر له إلا من الله سبحانه

جزاكي الله خيرا أختي الكريمه على موضوعك المهم
تقبلي خالص تحياتي

موناليزا يقول...

شمس النهار
ـــــــــ
اختى الحبيبة:فعلا الموضوع كبير جدا :) لانه يهم منزل مسلم قد يهدم بسبب هذه الاشياء
نورتينى حبيبتى ودمتى بخير

-----------------------------------

زينب المسلمى
ـــــــــــ
اختى الحبيبة:اشكرك جدا لرايك ولمشاركتك وليت رسالتك هذه تصل لهم
نورتينى حبيبتى ودمتى بخير


-----------------------------------


حبيبة الروح
ــــــــــــــ
اختى الحبيبة:وحشتينى جدا وعايزة اطمن عليكى
اشكرك جدا لمشاركتك فهذه النماذج انتشرت جدا
نورتينى حبيبتى ودمتى بخير


----------------------------------

غنيم
ــــــــ
وعليكم السلام ورحمة الله وبركاته
اهلا بيك يادكتور
انا الحمدلله بخير اشكرك جدا لسؤالك
اشكرك جدا لهذه المشاركة القيمة والنظرة التحليلية لموضوع وللاسف دور الام بعد زواج الابن بتبقى مبسوطة انه لسه معتمد عليها!!
اللهم اربط جأش اهالى فلسطين وثبتهم وسبتهم وسدد خطاهم اللهم امين
دمت طيبا ولمدونتى زائرا


-----------------------------------


ادم المصرى
ـــــــــــ
اهلا بيك استاذ ادم
ليس الكل بالتأكيد هكذا ولذلك نوجه لهم الحديث
عودا احمدا يافندم
دمت طيبا ولمدونتى زائرا


*********************************


نوراهاتى
ــــــــــــ
وعليكم السلام ورحمة الله وبركاته
اختى الحبيبة:ربنا يكرمك واشكرك لمشاركتك
اليهم اهدى هذا الرابط
http://monaliza110.blogspot.com/2008/07/blog-post_23.html
نورتينى حبيبتى ودمتى بخير


*******************************

طوبة ذهب وطوبة فضة
ـــــــــــــــــــــ
اختى الحبيبة:اشكرك جدا لرايك ولمشاركتك وربنا يتقبل دعائك
نورتينى حبيبتى ودمتى بخير


*********************************

دينا حامد
ــــــــــ
اختى الحبيبة:الله ينور عليكى جبتى الخلاصة
نورتينى حبيبتى ودمتى بخير


***********************************

جرين آيز
ــــــــــــ
اختى الحبيبة:اشكرك جدا لرايك ولمشاركتك
والحمدلله ياجميلة ربنا نجاكى واكتشفتى حقيقته سريعا ربنا يرزقك بالزوج الصالح قريبا ان شاء الله
نورتينى حبيبتى واسعدنى مرورك


----------------------------------

نيجار
ـــــــــ
اختى الحبيبة:ماتحرمش منك ياجميلة ولا من ذوقك:)
اشكرك جدا لرايك ولمشاركتك
نورتينى حبيبتى ودمتى بخير


**********************************

ابن مصر
ــــــــ
وعليكم السلام ورحمة الله وبركاته
اهلا بيك يافندم
الله عليك
تسلم ايدك على هذا التعليق البليغ
دمت طيبا ولمدونتى زائرا


-**********************************

المعتصم
ـــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك ولمشاركتك
وفعلا اخى الكريم فللرجولة معايير مختلفة تماما عن مايعتقده البعض
دمت طيبا ولمدونتى زائرا


**********************************

تامر نبيل
ــــــــــــــ
اهلا بيك استاذ تامر
اشكرك جدا لرايك ولمشاركتك
وفعلا هذا مايجب ان يكون
دمت طيبا ولمدونتى زائرا


***********************************

بس خلاص
ــــــــ
اختى الحبيبة:ما اجمل تعليقك الذى يضع قانون فى التعامل بكل بساطة مع الاخرين
نورتينى حبيبتى ودمتى بخير


***********************************

نور
ـــــ
وعليكم السلام ورحمة الله وبركاته
اختى الحبيبة:اذيك ياهاى تك انا الحمدلله بخير وانتى كمان وحشتينى جدا
فعلا الام لها الدور الرئيسى فى هذه الحالة
ان شاء الله ياحبيبتى تسعدنى دعوتك طبعا
على فكرة الجهاز كان بايظ ولسة متصلح حالا هشوف ماسنجر الياهو واحاول اظبطه
نورتينى حبيبتى ودمتى بخير


---------------------------------

احمدـك
ــــــــ
اهلا بيك استاذ احمد
ليت هؤلاء الازواج يدركون هذه المعادلة بين التعامل مع الام وحقوق الزوجة
اما عن رايك فيما قاله الاخ الربان فهذا ليس رأيه الخاص اخى الكريم ولكن الشرع من يقول هذا فالاسلام لم يفرض على الزوجة خدمة زوجها وهذا ليس واجب عليها ولكنها حسن معاشرة منها
اشكرك جدا لرايك ولمشاركتك
دمت طيبا ولمدونتى زائرا