الجمعة، 10 أبريل 2009

بقينا إثنين

كانت تشعر بسعادة داخلية غامرة جعلتها متعجبة فهى لم تفرح داخلياً هكذا منذ زمن. وكأن سعادتها هذه بشارة لقدوم حدث سعيد. ظلت تتسائل بداخلها تُرى ماذا سيحدث ويجعلنى سعيدة. وبعد مرور أيام علمت بأن حبيبها قد عاد مجدداً ويطلب قربها. نظرت إلى نفسها فى المرآة قائلة"عرفت الآن سبب سعادتى. إحساسى بيك ووجودك فى نفس المكان واستنشاقى نفس الهواء الذى يستنشقه". ودققت النظر إلى وجهها وجدته أصبح أجمل" لما قالولى إنك جاى شوفت أنا احلويت ازاى".
وبعد مرور هذه اللحظات شعرت بعكس كل هذه المشاعر الجميلة. تذكرت مافعله معها. والأسباب التى جعلتها تطلب الإنفصال منه رغم حبها له.شعرت بحزن وضيق ورغبة فى البكاء.. مشاعر كثير مضطربة عبرت عنها فقط بالتجهم والصمت.لاتريد أن تراه مجدداُ فهى تعودت على بعاده ولا تريد أن تصحى جراح نامت بداخلها بعد أقوى المسكنات. ولكنها أيضا تفتقد رؤياه. تريد أن تطمئن عليه. تريد أن تراه ربما للمرة الأخيرة.
وقررت بداخلها أن يكون اللقاء جاف تماماً خالى من أى مشاعر تشعر بها.
وحدث اللقاء بينهما بعد الفراق.
- رجعت ليه؟.
- لسه بحبك. ماقدرتش أنساكِ رغم فراق السنين. أنتِ فى دمى.
- والمطلوب؟.
- مش عايزين نضيع وقت أكتر من كدة . كفاية اللى راح من عمرنا.
- بالبساطة دى!!؟.
- هتصعبيها ليه بس. تعالى ننسى اللى فات ونبدأ مع بعض من جديد.
- للأسف ماعدتش ينفع. عمر اللى راح ماهيرجع تانى.
تعرف لو كنت بتفرج على مسلسل عربى أكيد كانت البطلة هترجع للبطل وهيبقى ده مشهد النهاية.
فى حالتنا بقى لو رجعنا هيبدأ أول حلقة فى الجزء التانى اللى الله أعلم نهايته هتكون إمتى وازاى.
وأنا معنديش استعداد أغامر باللى باقى من حياتى.
- ممكن تنسى. ماتتخيليش أنا تعبت قد إيه فى بُعدك عنى. شوفى إيه اللى يرضيكِ وأنا مستعد أعمله.
- قول للزمان يرجع وغير كل الأحداث السيئة اللى اتسببت لى فيها.
-افتكريلى أى حاجة حلوة كانت بينا. ماليش أى حاجة تشفعلى عندك.
- للأسف مش فاكرة. مش قادرة انسى إنك اتنازلت عنى بكل بساطة مقابل شوية فلوس.
- مين قال انى اتنازلت عنك بسهولة ده كان أصعب موقف فى عمرى كله. اللى زيك الواحد يبكى بدل الدموع دم وهو بيمضى على قسيمة الطلاق.
- ولا هنسى إنك إتجوزت غيرى.
-أنتى كمان اتجوزتى غيرى..قالها بنفاد صبر.
نظرت له نظرة نارية وكأنه ذكرها قائلة:-وده سبب ثالث يخلينى عمرى ماأسامحك. وتركته وانصرفت.
شعر بالندم إزاء تسرعه بقول هذه الكلمة ولحقها مسرعاً قائلاً:-أرجوكِ أدينى فرصة تانية. لو الزمن رجع تانى عمرى ماكنت هسيبك.
- وأنا لو الزمان رجع عمرى ماكنت هرتبط بيك.
- يعنى خلاص كرهتينى.
- للأسف معرفتش أكرهك وفى نفس الوقت معرفتش أسامحك بس كل اللى عرفته أنى أموتك جوايا. عشان أعرف أكمل حياتى من غيرك زى ما أنت كملت حياتك من غيرى.
- مش عارف أصدقك . أنتِ طول عمرك بتغفرى وتسامحى . إيه اللى حصل؟.
- أنت نسيت أنى تلميذتك. أنت اللى علمتنى كل اللى مستغربه فيا دلؤتى.
- ممكن توضحى أكتر.
- بعد إنفصالنا كنت بموت فى اليوم الواحد مليون مرة. لو سمعت اسمك بس او حتى شفت شبيه ليه فى تتر أحد الأفلام كان قلبى بيتخطف. ولو أغنية سمعناها سوا سمعتها فى عربية معدية كنت بنهار. كل مكان كان بيفكرنى بيك.حتى ريحتك كانت فى أنفى. وجهك كان فى كل حد بشوفه. كنت بقارن أى حد دايماً بيك. وده كان كفيل بانهيارى وموتى موت بطئ. ولما عرفت إنك إتجوزت يعنى قطعت أى خيط ممكن يرجعنا تانى لبعض قررت أدوس على قلبى. واعمل زيك واتجوز. وكان نسيانك أصعب حاجة عملتها فى حياتى. ماهو ماكانش ينفع أحمل اسم رجل غيرك وأفضل فاكراك. أنت عارفنى كويس مش أنا اللى أخون ولا حتى فى خيالى.و دلؤتى بعد ما طلقت مراتك. وأنا اتطلقت راجع تانى!! بعد إيه بقى؟.
- أنا ماعرفتش أعيش مع حد غيرك. كنت طول الوقت بنادى عليها باسمك. محدش قدر ياخد مكانك. وعشان كده انفصلنا سريعاً. ولما عرفت أنك اتطلقتى حسيت إن ربنا بيرجعك تانى ليا.
- يعنى جرحتها؟ زى ماجرحتنى. بصراحة أنا أخاف نخلف بنت ويتعمل فيها اللى عملته. أنت ناسى أنه كما تدين تدان.
- أفهم من كلامك ده إيه؟.
-يعنى خلاص كل اللى بينا انتهى.
- أنتِ كذابة.. لو كنتى نسيتينى زى مابتقولى ماكنتيش اتكلمتى معايا دلؤتى.
- وليه ماتقولش إنى عايزة أختبر مشاعرى واشوف نفسى هضعف قدامك كالعادة ولا لأ.
إسأل نفسك كويس وانت تعرف إنى مش كذابة. بقى اللى قدامك دلؤتى هى نفسها اللى كانت مستعدة تضحى بحياتها وبنفسها عشان تسعدك.
هى نفسها اللى بتقولّك بكل ثقة ماينفعش أعيش معاك.
على قد ماكنت عايزاك تفضل فاكرنى وأنا أسيرة لحبك بس ماتتخيلش سعادتى قد إيه إنى عرفت أعالج نفسى من مرض حبى ليك. ودلؤتى أنا شايفاك واحد يشبه حد غالى عندى أوى.
- وأنتِ ماتعرفيش أنتِ وجعتى قلبى دلؤتى قد إيه.
- قلبى قبلك اتوجع.
- واضح إنك لسه مجروحة. عموماً خدى وقتك. وأنا مش هعتبر ده آخر كلام. وتأكدى إنى مش هسيبك تضيعى منى تانى.
- مهرى بقى غالى عليك.
- لو طلبتى عيونى هديهملك عن طيب خاطر.
- أنا اللى عندى قلته خلاص. كل شئ نصيب.سلاااااااام.
-تمت-
************
* إذا أردت أن تجرح من تحب فاحذر أن تؤذى نفسك.
----
سؤال جانبى:- ماذا تفعل إذا عاد إليك حبيب عمرك مجدداً؟.

هناك 100 من التعليقات:

Unknown يقول...

اختلف مع نزار قبانى حين قال ما احلى الرجوع الية
فمن خان وخدر وعذب يجب ان لا يسامح من تسبب فى انهيار حياتى لن اسامحة ابدا حتى ولو اكتشف غلطة فما اصعب الخيانة

Ahmed يقول...

اللي شيفه شخصيه مجروحه وبتحاول تداري الجرح بكبرياء
مقدرش ألومها ولا أقدر أطلب منها غير كده

صعب الرجوع, أو بمعنى أصح مستحيل

حواء يقول...

قصه محزنه جدا
تجسد جزء صغير مما انا فيه الان
ولكن يوجد اختلاف في بعض الكلمات الصادره عن البطله

أما عن سؤالك
ماذا تفعل إذا عاد إليك حبيب عمرك مجدداً؟
طبعا هبعد خالص
وده قرار نهائي واخداه من قبل حتي ميفكر هو في الرجوع
لاني انجرحت أووووووووووووي
يمكن تكون في ناس من وجهة نظرها اني منجرحتش اوي
ويمكن تكون ديه كمان وجهة نظره
وبيقول اللي حصل ده حقي
مع انه في وقت اعترف انه جرحني جامد جدا
فأنا متأكده انه حتي مش هيطلب الرجوع لانه عارف انه فجر فيا بركان لايمكن اي زمن يدويه
ويبقي زي مالمثل بيقول بركه ياجامع انها جت منك
تحياتي ياموناليزا

mohamed ghalia يقول...

إذا أردت أن تجرح من تحب فأحذر أن تجرح نفسك
بجد دايما مواضيعك بتبهرنى

Jana يقول...

عجبتنى الثقة فى كلامها والتصميم والقوة "المصطنعة"
وده اللى عاجبانى انها مصطنعة ..انها قدرت تقنعه جايز عشان عرفت تبص فى عيونه بعد ما تقمصتها نفسها القوية ...
السؤال بقى ..يا ترى بعد ما تستكين القوة دى وتهدأ وترجع نفسها الضعيفة تتحكم فيها..حترغب فعلا فى ايه!!!؟
..وللأسف محدش يقدر يجاوب السؤال ده غيرها

لكن بشكل عام التسامح مطلوب ..وخصوصا لما يكون مرغوب فيه اصلا ..احنا اتعودنا نقاوم الرغبة فى الانتقام.وليس الرغبة فى التسامح
وفى الحالتين بيفضل جوانا نقطة سودا للشخص ده ..ممكن صاحبتنا هنا تتعايش مع النقطة دى وتكون اكثر حذرا ..او متقدرش وساعتها الأمر محسوم حيبقى صعب تسامحه حقيقى
وده سؤال تانى برده مينفعش يجاوب عليه غيرها
.
.
والاسئلة دى هى اجابتى على سؤالك

Gannah يقول...

ازيك يا موناليزا
عجبتنى المقولة الأخيرة قوى
اعذرينى لست مؤهلة للاجابة عن سؤالك لان مثل هذا الشخص لا وجود له فى حياتى اساسا
لكن أنا بطبيعتى متسامحة جداا وبنسى بسرعة يعنى يمكن لو كنت فى موقفها كنت سامحته بعد ما عرف قيمتى بس بشرط انى اكون حسيت فعلا انه صادق
موقف صعب
تحياتى

موناليزا يقول...

ايوية
ــــــــــ
اختى الحبيبة:اهلا اهلا بالقمر
هو كان يقصد بيها الرجوع للحبيب؟! تصدقى اول مرة اعرف. فى دماغى دايما انه يقصد بيها الوطن:)
اشكرك جدا لمشاركتك وبعد الله عنك اى أذى
نورتينى ايوية الجميلة ودمتِ بخير







********************************





احمد ابو العلا
ـــــــــــــــ
اهلا بيك استاذ احمد
اشكرك جدا لرايك ولمشاركتك
دمت طيبا ولمدونتى زائرا






********************************




حواء
ـــــــــ
اختى الحبيبة:اشكرك جدا لرايك ولمشاركتك
وربنا يهئ لك كل الخير ويرشدك ليه اينما كان
نورتينى ام فاطمة ودمتِ بخير




*******************************





محمد غالية
ـــــــــــــــ
اهلا بيك استاذ محمد
ربنا يكرمك اشكرك جدا لرايك
دمت طيبا ولمدونتى زائرا







*********************************





جانا
ــــــــ
اختى الحبيبة:وانا اجيبهالك منين دلؤتى عشان تجاوب على اسئلتك دى هههههههه
طيب انتِ شخصياُ لو مكانها كنتى هتعملى ايه؟
نورتينى حبيبتى واسعدنى تواجدك





*******************************




جنة
ـــــــ
اختى الحبيبة:اهلا اهلا بالقمر
انا الحمدلله بخير ازيك انتى حبيبتى ماتحرمش من سؤالك وتسلميلى يارب من كل شر

اشكرك جدا لرايك فى مقولتى
واشكرك ايضا لمشاركتك ورزقكِ الله بالفرح والسعادة وراحة البال
نورتينى جنتى الجميلة ودمتِ بخير

الشموع البيضاء يقول...

المووضع بجد تحفه
اذا رجع مجددا هقوله نفس الجمله قول للزمان ارجع يازمااان خلاص مبقاش فعلا ينفع
للاسف انا بحس ان التسامح والمغفره فى حدود معينه اذا تجاوزتها وتمادى الاخر اصبح كل شىء كالزجاج لما يتكسر مينفعش يتصلح تانى بس بتفضل صورة الزجاج الاولى قبل مايتكسر كذكرى مؤلمه او جميله

SHAPE YOUR LIFE (ABOALI) يقول...

غريب الانسان
لما يحب يكون حبه ملائكى
ولما يكره يكون كره شيطانى
معرفش طعم الوسط
وقرء عن الواسطيه
لما الحب كان فى كبوه
قال
دى نهايه الكرة الارضيه
وجعلها حياه او موت
ودافع عن ما سبق
كاءنه اهرامات الجيزة وابو الهول
الواسطية عنوان
لمن ارد الحياه
ولمن ارد الامان
ولمن ارد رضا الرحمن
ولمن ارد الفوز بالرضوان



اذا رجع حبيبك تانى
خذه فى حضنك
وحابى عليه
وكبر جناحك وبوسه فى ايده
وقوله
كنا صغار
وتفكيرنا كان فيه نقصان
ان كان فى عودة
يبقى فيه
مودة كتيييييييييييييير
وسكن كبييييييييييييييير
ورحمة تتضمنا
نفتكر لبعض الالفه
والقاعدة واللمة
ونرسم البسمة والفرحة
وننسى اللى فات
وايه يفيد البكى على اللبن اللى كان
متقولش انا وانتى
كنتى وكنت
قول كنا
ونبدء حياه بلون تانى مع بعض



طبعا يمكن كلامى فيه بعض من الخيال
اللى مش موجود حاليا
بس لو عرفنا وايقينا ان مهما تعرضنا لمشاكل
لابد انى المشاكل تقوينا وتكبرنا

مادام احنا عارفين انى فينا الاصل الطيب
الحياه ستستمر تانى

تحياتى على الطرح المميز
الذى لا يخلو من الواقع الذى نحياه

محمد يقول...

السلام عليكم ورحمة الله وبركاته

أختي الفاضلة

كلماتك معبرة مؤثرة يكمن فيها الكثير والكثير من الرقة والإحساس والقوة والشموخ ..... أعتقد أن من ترك يوما باختياره من الأفضل عدم الرجوع إليه يوم يكون الإختيار لي


خالص مودتي وصادق دعائي

صمت المشاعر يقول...

حكايه مؤثره جدا

بس انا لو مكانها بصراحه هعمل كدا لاني ممكن ادوس علي قلبي اووي علشان كرامتي لو الشخص دا جرحني

وهي شكلها تعبت علشانه كتير وهو باعها بسهوله فصعب اووي تسامحه حتي لو كانت بتحبه

دمتي بكل خير وسعاده

*الطالبة عفو الله *زوزو يقول...

البوست مؤثر اوي

مش عارفة اعلق اقول ايه

الموقف صعب اوي اوي

كتير بسالت نفسي السؤال دة لو حد غالي اوي مش مهم حبيب ممكن تكون صديقة انتيم بعد لاسباب او من غير اسباب و بعد فترة رجع

يا ترى حتصرف ازاي و حرجعله و لا لا

مش عارفة مش قادرة اتخيل نفسي في الموقف

بيني و بينك بتمنى ان الحبيب دة ميرجعش من اصله عشان متحطش في الموقف دة

ما دام انه بعد و تعذبت و خلاص تعودت على بعده فمش ناقصة ارجع اتعذب تاني و لو كان على حساب رجوعه

موضوع جميل فعلا و بيشغل فكر الكتيرة الي تحطوا في موقف زي دة

دمتي في حفظ الله حبيبتي

موناليزا يقول...

الشموع البيضاء
ـــــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير





*********************************





ابوعلى
ـــــــــــ
اهلا اهلا بصاحب التعليقات المميزة
مشكووور جدا على رايك ومشاركتك
تقريبا انت الوحيد فى اللى علقوا اللى ممكن ترجع لحبيبك:)
دمت طيبا ولمدونتى زائرا





********************************




هذه حياتى
ـــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لتحليلك الجميل ولرايك ولمشاركتك
دمت طيبا ولمدونتى زائرا





*********************************




صمت المشاعر
ــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير





*********************************




الطالبة عفو الله
ـــــــــــــــــــ
اختى الحبيبة:اشكرك جدا لرايك ولمشاركتك
يسعدنى دائما تواجدك
نورتينى زوزو الجميلة ودمتِ بخير

رفقة عمر يقول...

مونى القصه مع انها حدثت كثير
ولكنى لو مكان البطله لانتظرته وسامحته ولكن بعد عتاب كيف يترك قلب احبه بصدق
ان القلوب لها قدر كبير عند الله
عندما يقول الله لم تسعنى ارضا ولا سماء ولكن وسعنى قلب عبد المؤمن عندما يسكن هذا القلب حب كبير كيف يتخلى عنه بسهوله
واللى بيحب بجد مش بيقدر يكرهه ممكن يكون صعبان عليها نفسها ولكنها بداخلها عندها الرغبه للعودة طالما سيعطيها الضمانات انه لن يخذلها مره اخرى ويتخلى عنها
ان الله يقبل عبده التائب والمقصر بحقه فلماذا لا نغفر نحن ايضا
فلتعود صاحبه القصه ولتبدا حياه جديدة علم فيها الطرف الاخر قيمتها فى قلبه واللى يلاقى شئ بعض ما كان ضاع منه مش بيفرط فيه ولا بكنوز الدنيا

الفراشة الصغيرة يقول...

اكيد مفيش اهم من كرامه البنى ادم

بس المهم انها زى ما خايفه
على كرامتها
متحاولش تجرحه هو كمان
لانه اكيد لما قابلها كان عنده امل يرجعلها

لكن هى كان عندها فرصه للانتقام منه
بجد صعب قوى الموقف ده

ماء تشرين يقول...

هقوله خلاص متنفعش مهى دايره وبتدور هو خانى وراح لغيري وخانه ورجعلى وياعلم في تانين في حياته ولا لا ياعنى هى ترضي تكون في مكان الزوجه طب احساسها ايه انا مش ضد الزوجه التانيه انا ضد الخيانه طب لو هو بيحبها اوى وهى حياته وقلبه كان سبه ليه سورى ده راجل ده ازا افترضنا انه راجل ميستهلش حتى تبص ليه لانه مينفعش في كل الاحوال انا مبحبش الولاد ولا البنات الهوائيين اليعيشو جوه مليون قصه وحده متجوزها وواحده بحبها وواحده صحبتى واحده اي ده

ده بااختصار يحمل لقب خائن بالدرجه الاولى وزاى ماسبها اول مره هيسبها تانى اكيد مهو اليسيب مرة يسيب الف
وهى ياعنى الدنيا مخلصتش وانا بنصحها تقفل قلبها وتحتفظ بمشاعرها لانسان يوهب ليها حياته مش كلامه


تحياتى

بـِصَمتـِـ أميرة ــــى يقول...

للأسف معرفتش أكرهك وفى نفس الوقت معرفتش أسامحك بس كل اللى عرفته أنى أموتك جوايا. عشان أعرف أكمل حياتى من غيرك زى ما أنت كملت حياتك من غيرى.



الله .. تخيلت نفسى البطلة معلش بئى ومن غير مناسبة حسيت انه نفس اللى جوايا
صعب ان انسان يخربش سنين عمرك ويجرحها ولما تلتئم على مضض لصعوبة وقسوة الجرح
يرجع ويقول اسف
هل عمرى عندة اللى اتوجع يساوى كلمة أسف؟؟
هل دموعى اللى مانزلتش غير ليه وعليه ومااعرهاش ادنى اهتمام تسوى كلمة أسف؟؟ ميت هل؟؟
يمكن نفسى اترمى فى حضنه ولو ماقاومتش احساسى هنهار فعلا .. انما لزم وقفة .. لان المشاعر ماعملتلناش شىء غير الالم .. وكمان عشان يدوق من نفس الكاس

موضوع عجبنى جدااااااااااا
تقبلى مرورى
ملكة بحجابى

Hanan Elshafey يقول...

السلام عليكم

سافعل تحديدا مثلما فعلت البطله


ودي

غير معرف يقول...

بزعل .. واعيط.. واخد فترة على ما اصالح من الكسوف

انتي زعلتيني دلوقتي واتأثرت
ااااااااااااه يا منمن

مها ميهوووو

جنّي يقول...

السلام عليكم

الامور تقدر بقدرها كما يقولون ..

والحياة لم ولن تتوقف على شخص ..

وتمر بنا حادثات ان لم ننساها فلنجعلها وراء ظهورنا ..

حاجات جوايا يقول...

سؤال يحيرنى ..
فين مراته من كل ده ؟
طلقها ؟

فى كل الاحوال هو شخص لا يستحق مجرد الندم عليه
سابها ودور عالفلوس
ودلوقت لما شبع جاى يدور عليها تانى
طالما الفلوس كانت أغلى منها عنده م البداية .. خليها تنفعه بقى

ده عمره ما عرف معنى الحب

خالص ودى حبيبتى
سالى

القدر و انا يقول...

موناليزا
فصة جميلة ممزوجة بالواقع
انا مع البطلة قلبا وقالبا
ولسة قايلة الرد ده لملكة بحجابى فى البوست الاخير
لا ينفع العودة لمن باع المشاعر وخان العهد
لا ينفع لمن جرح وابكى
مهما تالمت البطلة وحتى لوكانت اسيرة لهواه فلن تستقيم الحياة بينهما ثانيا
ولن يعود الوئام كما كان
تحياتى لك حبيبتى على كتاباتك الجميلة

المعتصم يقول...

بسم الله الرحمن الرحيم
السلام عليكم ورحمة الله وبركاته
الاخت الكريمه موناليزا
تحياتى
معاكى حق
اللى بيحب قوى لما بينجرح بينجرح قوووووووووووى
مجرد بس انه يسمع اسم شبه اسم الانسان اللى كان بيحبه بيحس بالام رهيبه
وعلى قد كل ده مش بيقدر يكرهه
ممكن يحاول انه ينساه
بس مش هيقدر مهما حاول انه يكرهه
هى هترفض الرجوع ليه مرة تانيه وده علشان كرامتها وكمان هو شكله كده مااتغيرش بدليل كلامه
يبقى هى تفضل كده احسن وتفضل بكرامتها
تحياتى ودمتى بكل خير وود
والسلام عليكم ورحمة الله وبركاته

كفايـة طيبـة يقول...

مش عارفة

هو دايما الارتباط والحب متعبين كدة

الحمدلله الذى عافانا منهم :)

فعلا مش عارفة ...
واضح ان الغلطة كبيرة ومينفعش الواحد يرجع مهما الطرف التانى ابدي ندمه وقال انه مش هيعملها تانى

مسدس صغير يقول...

جواب جانبى : بصراحة السؤال صعب جدا.
والجواب اصعب
مش عارف هعمل ايه بس ةانا بيتهيألى ان انا مش هغفرله بسهولة بس هغفرله..
احييكى على الموضوع الرائع

مجداوية يقول...

السلام عليكم

اللي أعرفه إن اللي يحب حد بجد عمره ما بيقدر ينساه
واللي أعرفه
أن الانسان بيتغير وبيندم على أشياء كتير عملها
واللي أعرفه
أن الواحد طالما حيسامح في الأخرة يبقى يسامح في الدنيا طالما مكنش فيه حاجة حرام حصلت وحرام يعني كبائر وتغضب ربنا

لو كان إتجوز يبقى ده شرع ربنا ولم يخطىء في الفعل نفسه لكن يمكن أخطأ في طلاقه وإن كنت أظن أنها خيرته وده برضه غلط منها مش برضه خيرته ؟؟

إعترافه بحبه واحتياجه لها مع عدم وجود شرط إنه مرتكبش حاجة حرام علاج لكبرياء انجرح ولسنين مرت معتقدش إنها كانت سعيدة فيها
ليه تحرم نفسها من تعويض السنين دي والدنيا لا تستحق كل هذا العند والانتصار للنفس وقد حصلت عليه بالفعل برجوعه إليها

من المقدمة واضح أنها ما زالت تحبه رغم جرحها الغائر

فقولي لها لا تكابر
ولا تقول لا أو نعم من قبل أن تستخير الله

قال الله تعالى:

وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَلَا تَعْضُلُوهُنَّ أَنْ يَنْكِحْنَ أَزْوَاجَهُنَّ إِذَا تَرَاضَوْا بَيْنَهُمْ بِالْمَعْرُوفِ ۗ ذَٰلِكَ يُوعَظُ بِهِ مَنْ كَانَ مِنْكُمْ يُؤْمِنُ بِاللَّهِ وَالْيَوْمِ الْآخِرِ ۗ ذَٰلِكُمْ أَزْكَىٰ لَكُمْ وَأَطْهَرُ ۗ وَاللَّهُ يَعْلَمُ وَأَنْتُمْ لَا تَعْلَمُونَ (232)

صدق الله العظيم

ريمان يقول...

انا لو بدالها بصراحه مكنتش هرجع

لانى خلاص هكون حسمت الامر

واخدت قرار

ومادام اخدت قرار مقدرش ارجع فيه

ومادام اختبرت نفسى وانى مش ضعفت قدامه ده شىء يقوينى اكتر ويثبتنى اكتر


اللى يبيع مره يقدر يبيع الف مره

وفى حاجات لو اتكسرت مش ممكن ترجع تتصلح تانى

ومش هبقى مستعده انى ادخل فى تجربه انا مش ضامنه نتايجها


تحياتى لكى حبيتبى

rona يقول...

لو دا حصلى انى حبيت واتجرحت فى يوم طبعا هبعد للاسف مبعرفش اسامح ممكن اعمل زى بطلتك اموت جوا قلبى اسهل
السماح شىء سهل لليعرف يسامح وربنا يلين قلوبنا
اما قصتك فهى رائعه تمثل حال كثير
دمتى بإبداعك

لجين أبو الدهب يقول...

:( :( :(

ده شكله زعله خالص بجد ..

دى فعلا موجوعة منه على الاخر ..

انا شفت المشهد ده اودامى فعلا .. وكنت بتحبه جدا وبرده رفضت الرجوع ..

على اد الحب على اد ما بيكون عمق الجرح وصعب إزالته ..

اما بالنسبة للسؤال .. مش عارفة الصراحة لو جرحنى جرح جامد اقدر ارجع ولا ايه ..

بس الحب فعلا بيعمى وبيضعف الانسان لاقصى حد ..

مواضيعك دائمة رائعة حبيبتى ..

دمتِ ودام قلمك ..

د/عرفه يقول...

فعلا موقف مُحير جدا
مسألة العفو والتسامح شىء
ومسألة إمكانية العيش مرة اخرى معه شىء أخر
العفو اظن انه شىء واجب ومرغوب
اما مسألة امكانية العيش معه مرة اخرى
هذا يتوقف اساسا على سبب الخلاف
وعلى ما حدث من تغيير للطرفين

وعلى العموم
ربنا يقدم اللى فيه الخير
ان شاء الله

ذو الوجه المبتسم يقول...

السلام عليكم
اولا اشكرك انك عيشتينى القصة بجد
كانها واقع قدامي
وده دليل على انك ابدعتى
من وجهة نظرى المتواضعة
لكن السؤال بجد
تفتكرى انها خلاص بطلت تحبه
تفتكرى مش ممكن تضعف تانى وترجع لمشاعرها القديمة
ولو رجعت مش تبقى خاينى لزوجها
تساؤلات كتير
انتى السبب طبعا انى باسال
لانك انتى اللى عيشتينى القصة دى باسلوبك
مبدئيا تقبلى تحياتى
بس لو فيه تغيير فى النهاية ياريت تقولى لى
اصل انا متوقع انه مش هايسيبها فى حالها وهى رغم قوتها احتمال تضعف

فضه يقول...

والله لو رجع وانا بالفعل تزوجت غيره فاكيييد مش هفكر فى الرجوع ليه اطلاقا
اما بقى لو كنت مش مرتبطه بغيره وهو مازال متزوج
بردوا مش هرجعله اطلاقا
لانه من وجهه نظرى ميستاهلش التضحيه دى
اما بقى لو كنت لا ولا هو مرتبطين بشخص اخر هبدا اشوف احساسى قبل عقلى بعد الحوار اللى دار بينا هل انا فعلا مصدقاه وارتحت لما اتكلمت معاه وحسيت انه فعلا مازال الحب بداخلى ام لا
وعلى اساس احساسى هبدا افكر
واحسب ايه ايجابيات وسلبيات رجوعى ليه
لو لقيت العقل بيقول انه ذى مقولتى هتبدوا جزء تانى ومشاكل اخرى وانى فعلا هقدر اكمل حياتى من غيره وامحيه تماما منها
يبقى هرفض رجوعى ليه
اما بقى لو حسيت انى ملقتش السعاده غير معاه وان ايجابيات وجوده جنبى اكبر من سلبياتها
وكمان حسيت انه فعلا اتغير واقدر انى اصلح اللى فات
يبقى اكيد هرجعله بدووووووووون تردد
لان الحب معنى عظيم
والتسامح اعظم

hasona يقول...

السلام عليكم

مجرد قرار

لكن الزمن فعل ما فعل
فأصبح الرجوع صعب
ومستحيل

لا نستطيع ان نغفر

Butterfly يقول...

* إذا أردت أن تجرح من تحب فاحذر أن تؤذى نفسك.
حلوه أوى الجمله دى


سؤال جانبى:- ماذا تفعل إذا عاد إليك حبيب عمرك مجدداً؟.

على حسب ايه كان سبب الفراق
انا انسانه مسامحه اه
بس مش بنسى الاهانه
واللى يبعنى أبيعه ومشتريهوش تانى أبدا

salwa يقول...

السلام عليكم
صراحة عندما ينكسر الشيء صعب اصلاحه
و ان حاولنا فسيبقى كل العمر خطر
وهكذا الثقة اذا تزعزعت الافضل الابتعاد
دائما ادراجاتك راااااائعة
سلام

KHALED يقول...

كالعادة .. حاجاوب على السؤال الأخير

عندى مابقاش فى حاجة إسمها حبيب العمر .. يمكن لأنى بقيت باخد الأمور بعقلانية شويتين ..
فى حاجة إسمها حبيب موجود فى حياتى دلؤتى .. بيرعاتى و بارعاة بيحافظ عليا و بحافظ علية ..
الحب كالطفل الصغير يحتاج دائما للرعاية و إذا أهمل أحد الطرفين الرعاية .. قد يموت مع مرور الوقت ..
لكن فى حاجة إسمها حب مضى .. أو ذكرى حب مضى أما إنها تكون حلوة أو مرة ..
قدرة الإنسان على التسامح بتختلف من إنسان لآخر .. و بنوعية الصدمة كمان

فى أمور بنحتاج نفكر فيها بعقلنا أكتر مع تجنيب القلب ..
دة يخلينى أقول إن ممكن الحبيب الجارح دة فى وقت ما ممكن حبيبتة تسامحة بناء على تفكير عقلانى محكوم ..
دة رآى دلؤتى ممكن كان يكون مختلف من مدة فاتت بس الدنيا بتعلم كتير
عجوز بقة
ههههههههههههههه

وردة يقول...

بتبهرني دايما حواراتك
وبعيش فيعا وبتخيل نفسي انا بطلة قصتك
بجد برافووووووووو
والجملة الاخيرة
بتوجع اووووي
وحقيقية اذا جرحتي من تحبي سوف يكون قلبك اول من ينزف
وعن سؤالك
حيرني كثيرا
اذا عاد حبيب عمري
حبيب عمري انتي قولتيها
ممكن الحب يشفعله
كرمتي اي نعم حتكون نمبر ون
بس الحب اللي صعب نسيانه اكبر من كل شئ
حرجع بس حكون حذره
وحتعلم من اخطائي واخطاءه
ربنا يكرمك وينور بصيرتك
دمتي مدعة ومتألقة
سلام

الفقيرة إلى الله أم البنات يقول...

بصى يا مونى يا حبيبتى
انا هارد على السؤال الاخير
هارد كا انا نفسى ولا هحط روحى مكانها واجاوب
اصل الحقيقه كلنا على البر عوامين
بس اللى يمكن اعمله كا انا نفسى
احاول ارجع تانى يمكن البعد صلح اخطاؤنا..وليه احرم نفسى فرصه يمكن ربنا بعتها لى
بس هاستخير الاول
مأظنيش ان النفس البشريه سهله قوى كده
دواخلنا عميقه ومخرجاتنا مختلفه وغامضه
لذا كل شئ بيكون حسب المدخلات..وحسب التفاعلات..وما هو حجم ما عنينا وهل كنا نحن انفسنا صادقين ولا المنا الغير ولم نحتمل ان نشاك بشوكه فاصبحنا حكام ظالمين


من الاخر علشان موجعشقلبك
اظن هاحاول مع حرص شديد على نجاح المحاولة الثانيه.زوتلافى عيوبى قبل عيبوه
ومن عيبوى ما يفسده ويجعله يخطئ
فهمانى
الدلع والافراط يؤدى الى عيوب تعود علينا

بحبك قوى يا ايتها الحكيمة الصغيرةسنا كبيرة عقلا"

ammola يقول...

ازيك يا موناليزا..وحشتنينى اوى والله
انا مع مجداوية فى كلامها بس بشرط ان تكون البطلة عندها استعداد كامل انها تسامح وتنسى..وكل واحد أدرى بنفسه..لكن لو رجعت له وفضلت على طول تفتكر فى اللى حصل منه وفى جرحها يبقى مالهوش لازمة ترجعله.على فكرة احياناالواحد بيكون علاجه هو مجرد محاولة الطرف اللى جرحه انه يرجعله..بيكون ده هو شفاؤه.. شفاؤه من الحب أو شفاؤه من الجرح. وبعد كده يا اما الحب حينتصر على الجرح..او الجرح حيفضل والحب حيبقى ذكرى مؤلمة تفكرها بجرحها..اوعى تكونى مافهمتيش حازعل منك اوى..طيب لو فهمتى ابقى فهمينى
:)

موناليزا يقول...

رفقة عمر
ــــــــــــــ
اختى الحبيبة:أشكرك جدا لرأيك ولمشاركتك
فعلا مغاكِ حق
نورتينى حبيبتى ودمتِ بخير






*******************************






الفراشة الصغيرة
ـــــــــــــــــ
اختى الحبيبة:اشكرك جدا لرايك ولمشاركتك
وليه ماتقوليش انها هنا كانت بتحاول تداوى كرامتها مش تجرح كرامته ولا حاجة
نورتينى حبيبتى ودمتِ بخير






*********************************





ماء تشرين
ـــــــــــــ
اختى الحبيبة:انا عدلت الحوار عشان يبان ان الاتنين مش مرتبطين
وواضح ان هى اللى طلبت الانفصال منه فى الاول ولذلك كان صعب عليه يطلقها كما قال فى الحوار ومع ذلك هو اللى رجعلها
قوليلى رأيك بقى بعد هذا التعديل:)
نورتينى حبيبتى ودمتِ بخير






**********************************





ملكة بحجابى
ــــــــــــ
اختى الحبيبة:عاجبنى تعليقك جدا:)
ومبسوطة بجد انه عجبك
اشكرك جدا لرايك ولمشاركتك
نورتينى حبيبتى ودمتِ بخير






*********************************





حنان الشافعى
ـــــــــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
نورتينى حنان الجميلة ودمتِ بخير







********************************





أحسن تستاهل
ــــــــــــــ
اختى الحبيبة:ماتزعليش يامهاميهو دى مجرد قصة:)
ماتعيطيش بقى تحبى اعمل جزء تانى واجوزهم فيه:)
نورتينى مهاميهو الجميلة ودمتِ بخير





*********************************




جنى
ـــــــ
وعليكم السلام ورحمة الله وبركاته
اهلا بيك استاذ سعيد
اشكرك جدا لرايك ولمشاركتك
دمت طيبا ولمدونتى زائرا





**********************************





حاجات جوايا
ـــــــــــــــ
اختى الحبيبة:قمت بتعديل الحوار منعاً للبس
اشكرك جدا لرايك ولمشاركتك
نورتينى سالى الجميلة ودمتِ بخير






*********************************




القدر وانا
ــــــــــــــ
اختى الحبيبة:اشكرك جدا لرايك ولمشاركتك
واسعدنى تواجدك
نورتينى حبيبتى ودمتِ بخير






*********************************





المعتصم
ـــــــــــ
وعليكم السلام ورحمة الله وبركاته
اهلا بيك يافندم
مع احترامى الشديد لرأيك لكن ممكن توضحلى هو ازاى ماتغيرش؟
اشكرك جدا لمشاركتك
دمت طيبا ولمدونتى زائرا





**********************************





كفاية طيبة
ــــــــــــ
اختى الحبيبة:ربنا يرزقك بكل الخير والحب فى الله الخالى من اى مشاحنات:)
اشكرك جدا لمشاركتك
نورتينى حبيبتى ودمتِ بخير




*******************************





مسدس صغير
ــــــــــــ
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا





*********************************





مجداوية
ـــــــــ
وعليكم السلام ورحمة الله وبركاته
اختى الحبيبة:مبسوطة جدا بتعليقك العقلانى وتحليلك لكل المواقف

لا ياستى هى ماخيرتوش:)(انا عدلت الحوار لمزيداً من التوضيح)

ربنا يعزك ويكرمك وحقاً أفادكم الله
اشكرك جدا لرايك ولمشاركتك
نورتينى حبيبتى ودمتِ بخير






********************************






ريمان
ـــــــــ
اختى الحبيبة:اشكرك جدا لرايك ولمشاركتك
ورزقكِ الله بكل الخير
نورتينى ريمو الجميلة ودمتِ بخير





**********************************




رونا
ـــــــــ
اختى الحبيبة:اشكرك جدا لرايك ولمشاركتك
ورزقنا الله جميعا اعفو عند المقدرة
نورتينى رونا الجميلة ودمتِ بخير





********************************





لجين ابو الدهب
ـــــــــــــــــ
اختى الحبيبة:اشكرك جدا لرايك ولمشاركتك
اسعدنى تواجدك غاليتى
نورتينى لوجى الجميلة ودمتِ بخير





*******************************




د/ عرفة
ــــــــــ
اهلا بيك يادكتور
اشكرك جدا لرايك ولمشاركتك
القدرة على التسامح مش سهلة على فكرة:)
دمت طيبا ولمدونتى زائرا





********************************




ذو الوجه المبتسم
ــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك وجهة نظرك هذه تسعدنى جدا وفخر لقلمى
قمت بتعديل الحوار حتى يعلم القارئ بان البطلة مش مرتبطة حاليا ولا البطل برضه مرتبط
:)تفتكر ممكن يبقى فيه جزء تانى لهذا الحوار؟
اشكرك جدا لرايك ولمشاركتك
دمت طيبا ولمدونتى زائرا





*********************************





فليسيتى
ــــــــــ
اختى الحبيبة:اهلا بيكِ فى زيارتك الاولى
تعليق عقلانى وفيه حكمة ونضج اشكرك جدا عليه
نورتى مدونتى وارجو دوام التواصل






*****************************





حسونة
ـــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا






*********************************






بيترفلاى
ــــــــ
اختى الحبيبة:اشكرك جدا لرايك فى الجملة
اشكرك جدا لمشاركتك واسعدنى تواجدك
نورتينى حبيبتى ودمتِ بخير





**********************************






سلوى
ــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
يسعدنى تواجدك دائما
نورتينى سلوى الجميلة ودمتِ بخير






*****************************






خالد
ـــــــــ
اهلا بيك استاذ خالد
يسعدنى حضورك دائما
طيب ممكن نستغل خبرتك وتقولنا لو البطلة بتستشيرك هتنصحها بإيه؟
(برجاء قراءة القصة مرة أخرى فقد قمت بإضافة كلمات فى الحوار)
اشكرك جدا لرايك ولمشاركتك
دمت طيبا ولمدونتى زائرا




*********************************





وردة
ـــــــ
اختى الحبيبة:يسعدنى دائما تواجدك ولا تتخيلى تعليقك واعجابك بالقصة فرحنى ازاى
ربنا يكرمك ياحبيبتى والحمدلله فماتوفيقى الا بالله
اشكرك جدا لرايك ولمشاركتك
نورتينى وردتى الجميلة ودمتِ بخير




**********************************




الفقيرة الى الله ام البنات
ـــــــــــــــــــــــــــ
اختى الحبيبة:ربنا يكرمك يارب ويسعدك مبسوطة جدا بتواجدك
اشكرك جدا لرايك ولمشاركتك
:) أخجلتم تواضعنا غاليتى
اللهم لاتؤاخذنى بمايقولون واغفرلى مالايعلمون واجعلنى خيرا ممايظنون
أحبك الذى أحببتنى فيه:) وانا كمان والله بحبك جداا
نورتينى حبيبتى ودمتِ بخير






*********************************





امولة
ـــــــــ
اختى الحبيبة:اهلا اهلا بالقمر بعد طول غياب ايه النور ده
مفاجأة بجد جمييلة جدا:) وحشتييييينى جدا
ويارب تكونى بخير

انا الحمدلله بخير ازيك انتى ياحبيبتى طمنينى عليكِ

مش صعبة يعنى:) هنادى مجداوية تفهمنى انا وانتى:)
اشكرك جدا لرايك ولمشاركتك
واسعدتينى حقاً بتواجدك
نورتينى امولة الجميلة ودمتِ بخير

أم أحمد المصرية يقول...

حبيبتي موناليزا
اعتقد انه لايوجد في الحياةشيء دائم حتي الحب فحبيب الامس لوتخلي عني فهو ليس حبيب العمر و لا اعتقد ان الح او الحزن يدوم كل شيء ياخذ و قته و يرحل

ريمان يقول...

السلام عليكم

ازيك يا قمر

عامله ايه حبيبتى

انا لاقيت فى ملف التعرؤيف بتاعك انك من المنصوره

انا ان شاء الله اتفقت مع بعض اصحابى اننا هنتقابل فى المنصوره بنقابه الاطباء اللى فى طلخا يوم التلات الاسبوع ده ان شاء الله من الصبح لو تعرفى يا قمر تيجى هبقى سعيده اوى

انا هبقى هناك كده من الساعه عشره

بس هو مش اجتماع ولا حاجه

انا متعوده بروح هناك عاشن بقابل اصحابى اللى اتعرفت عليهم ع النت وبنتقابل فى المنصوره لانها زى السنتر بينا كده لاننا طبعا من محافظات مختلفه

يا ريت يا قمر تيجى

حاجات جوايا يقول...

مممممممم
بعد التعديل
الحقيقة انى مش عارفة أحط نفسى مكانها بشكل تام لان فيه حاجات كتير محدش يعرفها غيرهم هما الاتنين
يا تقدر تنساها وتسامح
يا متقدرش

لو قدرت وانتصر الحب يبقى خير ,وحرام تضيع عمرها فى الندم طالما بإمكانها تعيش سعيدة مع من تحب

ولو مقدرتش وفضل الجرح فى قلبها يبقى هيفضل موجود طول العمر وتبقى كده خلصت

صعب الانسان يخرج من تجربة اليمة لتجربة اشد إيلاما
ممكن ننجرح ونتالم فى الحياة بس الجرح بيكون اقوى واعمق لو من حد بنحبه اوى


عموما تختبر مشاعرها بجد بعيدا عن المكابرة والضعف
تفكر بعقلانية وتشوف لو حد تانى مناسب اتقدملها فى الظروف دى هتكون سعيدة ولا هتحن للحب الاول وتفتقده ؟

واولا واخيرا عليها باستخارة الله سبحانه وتعالى لييسر لها الخير وينجيها من الشر الغائب

ربنا معاها

خالص ودى حبيبتى
سالى

طوبه فضه وطوبه دهب يقول...

عارفه اصعب حاجه فى الدنيا ايه لما يرجع بعد ما تكون كل حاجه اتكسرت وكل شىء جميل مات جواكى وما بقاش فاضل منه غير الالم ساعتها بس تتمنى انه ما كانش رجع ابدا

Unknown يقول...

أيظن أني لعبة بيديه؟

أنا لا أفكر في الرجوع إليه

اليوم عاد كأن شيئا لم يكن

وبراءة الأطفال في عينيه

ليقول لي : إني رفيقة دربه

وبأنني الحب الوحيد لديه

حمل الزهور إليّ .. كيف أرده

وصباي مرسوم على شفتيه

ما عدت أذكر .. والحرائق في دمي

كيف التجأت أنا إلى زنديه

خبأت رأسي عنده .. وكأنني

طفل أعادوه إلى أبويه

حتى فساتيني التي أهملتها

فرحت به .. رقصت على قدميه

سامحته .. وسألت عن أخباره

وبكيت ساعات على كتفيه

وبدون أن أدري تركت له يدي

لتنام كالعصور بين يديه ..

ونسيت حقدي كله في لحظة

من قال إني قد حقدت عليه؟

كم قلت إني غير عائدة له

ورجعت .. ما أحلى الرجوع إليه ..

عمرو جويلى يقول...

الأخت موناليزا
الست أم كلثوم بتقول
كل نار تصبح رماد
إلا نار الشوق
وأنصح هذه الأخت أن توافق على رجوعخما لبعض لأنها طول حياتها
هتكون تعبانة

حاول تفتكرنى يقول...

اسجل اعجابي برقي تعبيرات اللغة المستخدمة


تحياتي

سلوى يقول...

والله مش عارفه أعلق

هي بس اللي تقدر تقرر

يمكن فعلا يكون ندم وعرف قيمتها

هي مفيش شك كانت مصطنعه القوة
ويمكن تصنعها القوة خلاها فعلا تقوى

مش عارفه بجد

طيب تستخير ربنا الأول
بالنسبه لسؤالك

فلكل فعل رد فعل

وعلى حسب الفعل ومقداره
هيكون رد الفعل
:))

رحــــيـل يقول...

رائع بجد

انتى عارفه كتبتى مشاعر كل واحده ممكن تتحط فى الموقف ده انى كتبتى كلام كتير بالنص ممكن اكون بفكر فيه

اما بالنسبه للسؤال فأنا عجبنى جدا رد الاخ الفاضل صاحب مدونة هذه حياتى لما قال

أعتقد أن من ترك يوما باختياره من الأفضل عدم الرجوع إليه يوم يكون الإختيار لي

اعتقد انه فعلا ده انسب رد على سؤالك لان مع الوقت بتكون حاجات كتير ماتت جوانا خصوصا لما يكونا لبعد قرار اختيارى

دومتى بكل الحب

رحــــيـل يقول...

اه نسيت اقولك ان الصوره رائعه ومناسبه جدا للبوست والعنوان لان فى حاجات لما بتتكسر بتكون مستحيل ترجع تانى تتصلح ولو رجعت بيفضل فى شرخ طول العمر

ومازلتُ أتعلم يقول...

مواضيعك رائعة كالعادة ياموناليزا
تعرفى القصة ديه والحوار ده
لسه شايفة زيه تقريبا مع واحدة صحبتى
برده رديت نفس الرد انها متقدرش ترجع
لانها كانت مجروحة جداً
بس لما رجعت وجرحها تانى ...ورجعت وجرحها تالث وانفصلوا

كرمتها اتبعترت وبقت سهلة جدا
واسهل حاجة انه يجرحها دلوقتى

انا راى ان الكرامة اهم شئ فى اى علاقة

بالنسبة للاجابة على السؤال؟
معرفش الاجابة المظبوطة اووى
لانى لسه مدخلش شخص فى حياتى وعرفت اتعامل معاه ازاى
ويارب مايدخلش فى حياتى شخص بالمنظر ده.
تحياتى موناليزا

همسات دافئه يقول...

:(
إذا أردت أن تجرح من تحب فاحذر أن تؤذى نفسك

هو فيه اروع من ده تعليق
عجبتني اوي
اسلوبك بجد جميل
ومؤلم
وحزين
تحياتي
شيماء:)

همسات دافئه يقول...

سوري نسيت
العنوان والصوره
أكثر من رااااااااااااائع
ومعبر بشكل غريب
:)

Punny_Punny يقول...

ما هي يا إما بتحبه يا إما بتكرهه . لو كانت بتكرهه يبقي ما فيش داعي للتفكير و لا داعي لمقابلته من أساسه لأنها مش هاترجع له. أما لو كانت بتحبه فعلي حد علمي ان مراية الحب عمية يعني اللي يحب حتي لو انجرح كونه لسه بيحب يعني مسامح حتي لو لسه بيتألم.
من طريقة سردك للموضوع واضح أنها لسه بتحبه و طالما أنه لم يفعل ما يغضب الله يبقي ممكن الجرح يتداوي. و كمان كده شكلها علي قد ما فهمت فشلت في تجربتها الثانية في الزواج حتي لو حاولت ان تتناساه في أثناء زواجها الثاني كي لا تغضب الله , لكنها فشلت في الاستمرار بدونه .
يبقي ليه بقي العذاب اللي ما منوش فايده , رأيي ترجع له و تمشيه علي العجين ما يلخبطوش و حتي لو قالت له يعمل عجين الفلاحة هايعمل عشان ندمان.
.
.
.
بس الحب ما يبقاش بذل الحبيب بعجين الفلاحة لأنه يكفيه ندمه.

عمك ياض يقول...

قصه جميله جدا واحداث بتتكرر الى ما لانهايه بجد بين الناس !!
مش عارف ليه اد ايه دي حاجه سيئه ان الواحد مبيعرفش قيمة اللي قدامه غير بعد ما يضيع منه و يفضل يعيط عليه

تدوينه جميله اوي بجد

Unknown يقول...

صعب الرجوع
ولكن ممكن

شكرا على البوست الهايل ده

بس برده الدنيا حلوة

الله ينور

ويقى التواصل

شمس النهار يقول...

الحقيقه في جروح بينفع تتداوا
وفي جروح لأ
وده يتوقف علي الموقف فعلا وعمق الجرح وقوته واثاره علي نفس المحب ولكل حاله حلها
البوست جميل فعلا
ساعات المحب من كتر مابيكون معتبر حبيبه شئ مسلم بيه بيفضل يجي عليه لدرجه بتجرح
وفعلا في النهايه بيوصل انه بيجرح نفسه من كتر اللي عمله في حبيبه واللي عليه ساعتها انه يستحمل رد فعله بقا
انت علقتي علي بوست الحب ومشيتي وسيبني لوحدي في المناقشات ماشي ماشي

المعتصم يقول...

مااتغيرش
اه مااتغيرش
لما كانت بتقوله انه اتجوز عليها
شوفى رده وانتى تعرفى انه مااتغيرش
اللى بيبقى ندمان على حبيبه وعاوز يرجعله تانى
اسلوبه مش بيبقى كده
وكلامه مش بيكون كده

عموما دى وجهات نظر
ولا ايه

غير معرف يقول...

البوووست مؤثر جدااااواكثر من رااائع

ردها وكلامها عجبني بس فيه قسوة زيادة حبتين لو انا مكانها هرجعله اكيد خصوصا لو كنت لسه بحبه بس مش بسهولة لازم يحس بغلطته عشان مايعيدها تاني

وبرأيي انه المرة دي هيصونها ويتمسك فيها لانه جرب البعد عنها وجرب العيش مع غيرها وبكدا هتضمنه جمنبها طول العمر

انا مع الرجوع ليه

اول زيارة و اسعدني البوست الجامد دا

بالتوفيق يالغلاا

KHALED يقول...

فى فرق كبير بين العند و الكبرياء
ممكن الانسان يعاند نفسة أو إللى بيحبة و يضيع على نفسة فرصة ماتتعوضش
مش عارف أنصح البطلة بأية .. لإنى محتاج أعرف سبب انفصالهم لإن دة مهم جدا للحكم على الموضوع
لكن أقدر أقول إن الحبيب العائد يملك من المقومات مايجعل البطلة تقبل البداية معة من جديد

و ربنا يوفق

jonoon 3aqel يقول...

خيار صعب..
لأني لازم أتأكد 1000000000% انه مش هيعيدها تاني...
و إلا هكون انا غلطت في حق نفسي..

لكن من الجهة الأخرى..لو كنت بحبه او بحبها فعلا..هكون عايز ارجع...

معنديش قرار محدد صراحة..

تحياتي

ذو الوجه المبتسم يقول...

السلام عليكم
اجابة سؤالك
انا فعلا متوقع ان يكون هناك جزء تانى للقصة
لان الحب من وجهة نظرى تسامح
والحب الحقيقي كما هو فى القصة وكتير منه على الطبيعة صعب ينتهى بسهولة
دمتى مبدعة
تقبلى تحياتى

GiGi world يقول...

زي ماقلتى فى اخر جمله انه صهب عليكى انتى انك تجرحى اللى ادامك لان انتى اللى هتتجرحى
راىى تحاول ترجع وممكن ترجع ده ربنا بيغفر الكبائر صحيح علشان هو ربنا
بساذا كان فعلا الانسان ده فى ندم واضح فى كلامه ياريت تحاول ترجع ياريت تحاول

ELMASRYA - MRS WRITER يقول...

حبيبتي أمة الله الغالية

وحشاني قوي

كده برضه ماتسأليش عني وانا غايبه أكتر من أسبوعين عن النت ؟

بس طبعا أنا مش زعلانه لأني أحبك في الله

لكن يهمني تعرفي سبب غيابي

هتلاقيه هنا في مدونتي بنات أفكاري

http://banatafkarie.blogspot.com/

أعلق بقى على موضوعك المميز كالعادة أيتها المبدعة

بصي يا ستي

لو اللي راجع ده حبيبي اللي عمري ما حبيت ولا هحب غيره ومهما صدر منه هرجعله على طول لأني لمست من رجوعه إنه مارتاحش في بعده عني ولا قدر ينساني وظليت أنا حبه الوحيد

الحب الحقيقي بيحصل مرة واحده بس في العمر ولو تعرض لصدمات بيكون الرجوع أقوى بكتير لأن المحبين بيكونوا اتعرضوا لكل الحالات اللي ممكن تحطم الحب ده جواهم نهائيا لكنه ظل صامد وثابت وقوي

يبقى لا يمكن بل من المستحيل إني أرفض الرجوع والبداية مرة أخرى

ولعلمك ده منتهى الكرامة لأن كرامة المرأة أن تحيا مع من تهواه ويهواها ويفضلها على كل نساء الأرض

دمتي آمنة سالمة في صحة وستر وراحة بال

خالص مودتي

موناليزا يقول...

أم أحمد المصرية
ـــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير





**********************************






ريمان
ــــــــ
وعليكم السلام ورحمة الله وبركاته
اختى الحبيبة:انا الحمدلله بخير ازيك انتى ياجميلة
ان شاء الله ربنا يسهل بصى انا ورايا كورس يومها هيخلص على العصر كدا قوليلى المفروض تمشوا على الساعة كام عشان لو لقيت نفسى أتأخرت عليكم اروح على طول(ماتنسيش الوقت ده عندنا بيبقى الذروة وفين وفين لما تاكسى يرضى يدخل طلخا)
اللى فيه الخير رينا يقدمه
نورتينى ريمو الجميلة ومشكوورة جدا على دعوتك والمنصورة كلها هتنور بيكِ وتيجى بالسلامة ان شاء الله
نورتينى حبيبتى ودمتِ بخير






********************************





حاجات جوايا
ــــــــــــــــ
اختى الحبيبة:اشكرك جدا لعودتك ومتابعتك
وربنا يكرمك على رأيك
نورتينى سالى الجميلة ودمتِ بخير





********************************





طوبة ذهب وطوبة فضة
ـــــــــــــــــــ
اختى الحبيبة:صح جدا
اشكرك جدا لرايك ولمشاركتك
نورتينى حبيبتى ودمتِ بخير






*******************************





ايوية
ــــــــــ
اختى الحبيبة:شكر خاص لجلب هذه القصيدة الرائعة
اول مرة اقرأها على فكرة كنت دائما اقرأ اول سطر وخلاص على كده:)
نورتينى حبيبتى وسعيدة بتواجدك





**********************************






اللؤلؤة
ــــــــــ
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا





*******************************





حاول تفتكرنى
ــــــــــــــ
اهلا بيك يافندم
ربنا يكرمك ده بس من ذوقك فماتوفيقى الا بالله
اشكرك جدا لرايك
دمت طيبا ولمدونتى زائرا





********************************




سلوى
ــــــــ
اختى الحبيبة:اشكرك جدا لرايك ولمشاركتك
رزقكِ الله بكل الخير
نورتينى سلوتى الجميلة ودمتِ بخير






**********************************





رحيل
ـــــــــ
اختى الحبيبة:اشكرك جدا لرايك فى الموضوع
:) شئ يسعدنى ان اكتب ماتفكرين فيه فأنتِ صاحبة قلم محترم
شوفتى بقى القلوب عند بعضها:)
اشكرك جدا لرايك فى العونان والصورة وشكر خاص لمشاركتك ولتواجدك
نورتينى حبيبتى ودمتِ بخير





*******************************





ومازلت أتعلم
ــــــــــــــ
اختى الحبيبة: ربنا يكرمك اشكرك جدا لرايك فى مواضيعى فماتوفيقى الا بالله
يامحاسن الصدف:) الدنيا فيها كتير
رزقكِ الله بالزوج الصالح وبعد عنكِ اى مكروه
نورتينى حبيبتى واسعدتنى مشاركتك





**********************************






همسات دافئة
ـــــــــــ
اختى الحبيبة:تعليقك أخجلنى حقا والحمدلله ان نال قلمى تقديركم فماتوفيقى الا بالله
اشكرك جدا لرايك فى الصورة والعنوان والموضوع
نورتينى شيماء الجميلة واسعدتنى زيارتك





******************************





بنى بنى
ــــــــ
اختى الحبيبة: صدقتِ ياجميلة
اشكرك جدا لرأيك ولمشاركتك
نورتينى حبيبتى ودمتِ بخير






*********************************





عمك ياض
ـــــــــــ
اهلا بيك يافندم فى زيارتك الاولى
اشكرك جدا لرايك ولمشاركتك
نورت مدونتى وارجو دوام التواصل






*********************************






معتز شاهين- باحث تربوى
ــــــــــــــــــــــــ
اهلا بيك استاذ معتز
اشكرك جدا لرايك ولمشاركتك
دمت طيبا ولمدونتى زائرا





********************************






شمس النهار
ـــــــــــــ
اختى الحبيبة:اشكرك جدا لرايك ولمشاركتك

معذرة غاليتى كان الجهاز عندى بعافية شوية ولكنى فى الطريق قريبا ان شاء الله
اعمليلى كوباية نعناع على مااجى:)
نورتينى شموسة الجميلة ودمتِ بخير






*******************************






المعتصم
ـــــــــــ
اهلا بيك يافندم
وجهة نظرك تحترم طبعا
اشكرك جدا لاهتمامك وللتوضيح
دمت طيبا ولمدونتى زائرا





*******************************





نوارة
ــــــــــ
اختى الحبيبة:اهلا بيكِ فى زيارتك الاولى
ربنا يكرمك اشكرك جدا لرأيك ولمشاركتك
نورتى مدونتى وسعيدة بزيارتك





*********************************





خالد
ــــــــ
اهلا بيك استاذ خالد
اشكرك جدا لرأيك ولاهتمامك
دمت طيبا ولمدونتى زائرا




*********************************




جنون عاقل
ـــــــــــ
اهلا بيك يافندم
اشكرك جدا لرايك الصريح ولمشاركتك الواقعية
دمت طيبا ولمدونى زائرا






*********************************





ذو الوجه المبتسم
ــــــــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لاهتمامك وعودتك
وسعيدة بزيارتك
دمت طيبا ولمدونتى زائرا





*********************************




جيجى
ـــــــــ
اختى الحبيبة:اهلا اهلا بالقمر بعد طول غياب

اشكرك جدا لرايك ولمشاركتك
نورتينى جيجى الجميلة وافتقدت حضورك عندى وسعيدة بتواجدك





*********************************




المصرية- مسز رايتر
ـــــــــــــــــــــ
اختى الحبيبة:معذرة غاليتى الجهاز عندى بحالات
بس انا متابعة مدونتك ..وعلقت على الموضوع امس اول مانزل هتلاقينى تقريبا تانى تعليق:)
ربنا يصبركم يارب ويرحمها ومااراكِ الله مكروه فى غالى لديكِ مجددا

دائما تخجلينى بمجاملتك الرقيقة لقلمى ربنا يسعدك ويباركلك يارب
اشكرك جدا لرايك ولمشاركتك
نورتينى حبيبتى واسعدنى تواجدك وماحرمنى الله من حضورك المميز

صيدلانيه طالعه نازله يقول...

لو الظروف مواتيه و ربنا رجعللى اللى بحبه تانى نادم و تايب و معترف بذنبه حسامحه طبعا و ارجعله بس اذله شويه
انا بطبيعتى مش بحب اضيع حاجه حلوه معايا و اذا كان ربنا بعد ما ضاعت رجعهالى تانى اقوم انا اقول لا مش ممكن طبعا
انا رايى يا بخت من قدر و عفى

مجداوية يقول...

السلام عليكم
لا يا غاليتي إنتي فهمتيني غلط ومنكنش محتاج تغيري في الحوار لأنه كان مفهوم إنه طلق مراته الانية أنا كنت بأتكلم عن سبب طلاقه من زوجته الأولي ؟ لن السبب مش واضح هل بسبب رغبته في الزواج بأخرى أم بسبب المال والسفر للحصول عليه ,,طالما أشركتينا في هذا الأمر فمعرفة سبب الطلاق بدون تفاصيل قد يجعلنا نرى الأمر بشكل أوضح ونرى هل حقا لا يستحق أن تعود اليه أم أنه خطأ من الممكن مسامحته فيه
ليس فضولا ولكن رغبة في التقييم الصحيح للموقف وهذا ما يفعله المحكمون فلا بد من معرفة حقائق الأمور

وربنا ييسر لها الخير

mohra يقول...

احيانا يأخذ العقل و القلب طريقان مختلفان
النصيحه ان نتبع العقل بدون ان ننسى القلب لاننا بشر فى النهايه ..اما الحوار السابق فيشى انها ستعود اليه ان اجلا او عاجلا والله اعلم

Unknown يقول...

أنا اسف لو كان تدخل بس هل دي قصة حقيقية؟! يعني ده حصل معاكي؟!
بالنسبة ليا انا بسأل ومحتار؟! اروح ارجعلها ولا لأ هو انا اللي مشيت وسبتها لأخطاء اراها فادحة على العلم اني كنت 4 سنوات متسامح واصحح وانصح لم اكن مثاليا ولكن كنت احاول وهي تعلم اني على مدار علاقتنا لم تشكو مني مرة غير شكوها من كثر تعليقاتي ونصائحي وهي والله من محبتي لا أكثر
انهرت كثيرا وهيا لا تعلم عن هذا وانهارت هيا كما يقولون ولكني اقول لهم انها تعودت لا أكثر
انتظرتها عام كامل حتى الان منتظرا ان تعود -متأسف مش عارف اكتب بالفصحى اكتر من كده- مستنيها تتصل بس حتى عشان ارجع ترفع السماعه بس عشان حتى قدام نفسي وهيا حتى تعرف انه مش معنا انه انا كنت رافع الكرامة ما بينا لمة 4 سنوات انه مش عندي كرامة ماتصلتش ؟ :( وخايف اروح تقولي نفس الكلام اللي انتي كاتباه لا اتجوزت ولا انا اتجوزت ولا حاجة بس انا خايف!!
جرحتني فعلا غير اني اكتشفت حاجات في شخصيتها مش ظريفة وكنت دايما بنصحها انه مش تكلم بنات معينة وفالاخر لاقتها زيهم؟!! :(
الفكرة انه حاسس انه انا ضعيف عشان مش قادر اسامحها
والمشكلة الاكبر انه اكيد بعد كده هعرف واحده ليها اخطاءها ومشاكلها وأكيد هتسامحها عشان الحياة تمشي طب ماهو دي بقه أولى انه اسامحها صح ولا ايه؟!!!
أرجو ردود ع فعلية ومش مجرد تطييب خاطر كده
أشكركم جميعا

Hossam يقول...

ممممم بجد الكلام حلو اوى
بس معجبنيش جزء نزار قبانى اللى بيقول ما احلى الرجوع اليه والرد على سوالك بتاع رجوع حبيب العمر
حاسس انه ميستهلش خالص
تحياتى شوكرا عل الحالة الجميلة دى
سلام

حاسوباتيه يقول...

الي فيه طبع الخيانه ده مش بيبطله وطبعا قرارها كان صح انها مارجعتش وماضعفتش لان ده طبع فيه مش هسغيره ابدا

من غير عنـــوان يقول...

تناول أدبي جميل

أمنياتي

موناليزا يقول...

صيدلانية طالعة نازلة
ــــــــــــــــــــــ
اختى الحبيبة:ربنا يهيئلك كل خير ولو فيه خير ليكِ ولدينك يرجعلك تانى ولو مافيهوش يبقى كدة كويس
اشكرك جدا لرايك ولمشاركتك
نورتينى حبيبتى ودمتِ بخير




********************************




مجداوية
ــــــــــ
وعليكم السلام ورحمة الله وبركاته
أختى الحبيبة:اشكرك جدا لمتابعتك واهتمامك
السبب كما واضح فى كلامها مع نفسها انها هى اللى طلبت الانفصال لانها ماكانتش مرتاحة وهو طلب المقابل يعنى الفلوس دى هى اللى تدفعها عشان يطلقها كأنه بيلوى دراعها يعنى ولكى يثأر لكرامته تزوج بعد طلاقهما فى أقل من شهر وطبعا كعادة مجتمعنا فى هذه المواقف حدث اهانات لاهلها وتجريح فيهم وفيها وكل ده طبعا هى مش قادرة تنساه ولا اهلها موافقين على الرجوع وفى نفس الوقت لسه بتحبه وهو على اتم استعداد للاعتذار لها ولاهلها امام الجميع والشروط والضمانات اللى هى عايزاها يعملهالها كمان
قوليلى بقى ماذا تفعلين لو كنتِ مكانها؟
فى انتظار رأيك
نورتينى حبيبتى ودمتِ بخير





**********************************





مهرة
ــــــــ
اختى الحبيبة:اهلا اهلا بالقمر بعد طول غياب
اشكرك جدا لرايك ولمشاركتك
وفعلا يجب أن يقتنع العقل اولا
نورتينى ياجميلة ودمتِ بخير





********************************






احمد
ــــــــ
اهلا بيك استاذ احمد فى زيارتك الاولى
مش شرط تكون حصلت معايا عشان اتخيل الحوار اللى حصل
ومع ذلك أنا ممكن أجاوبك على تساؤلك لعل حيرتك تنتهى
صعب على كرامة اى بنت انها اللى تبدأ بالاتصال وخاصة انك انت من تركتها(اذا كانت صاحبة القصة هى اللى سابته ومع ذلك عمرها مااتصلت بيه)

من خلال كلامك واسباب الانفصال واكتشافك لاشياء فى شخصيتها اسمحلى اسألك عايز ترجعلها تانى ليه؟
هل متوقع ان اسباب انفصالك عنها انتهت؟
هل تضمن انها ماتعملش اللى ضايقك منها تانى؟
هل ستتقبل طباعها ومشاكلها كما هى؟لان مفيش طباع بيتغير
هل تقبلها أم لاولادك وهى تحتاج من يوجهها دائما؟
اسفة اذا كان كلامى قاسى ولكن الحب مش كل حاجة الزواج مش حب وبس ده فيه اعتبارات تانية كتير
اما بقى انك هتقابل واحدة وفيها اخطاء وممكن تسامحها وان حبيبتك اولى
فده انت بس اللى تقدر تحدده وواضح انك قافل الباب الا لها وحدها فقط

وفقك الله لما فيه الخير والرشاد
نورت مدونتى وارجو دوام التواصل






**********************************





حسام
ــــــــ
اهلا بيك استاذ حسام
للتوضيح فقط قصيدة نزار قبانى عاجبنى كلماتها بغض النظر عن موقف القصة
اشكرك جدا لرايك ولمشاركتك
دمت طيبا ولمدونتى زائرا






********************************




حاسوباتية
ـــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير





********************************




من غير عنوان
ـــــــــــــــ
اهلا بيك يافندم
اشكرك جدا لرايك
دمت طيبا ولمدونتى زائرا

ســـــــهــــــــــر يقول...

- أنت نسيت أنى تلميذتك. أنت اللى علمتنى كل اللى مستغربه فيا دلؤتى.

--------------------------------

بعد إنفصالنا كنت بموت فى اليوم الواحد مليون مرة. لو سمعت اسمك بس او حتى شفت شبيه ليه فى تتر أحد الأفلام كان قلبى بيتخطف. ولو أغنية سمعناها سوا سمعتها فى عربية معدية كنت بنهار. كل مكان كان بيفكرنى بيك.حتى ريحتك كانت فى أنفى. وجهك كان فى كل حد بشوفه. كنت بقارن أى حد دايماً بيك. وده كان كفيل بانهيارى وموتى موت بطئ
-------------------------

موناليزا
بقيتى شاطره اوى ف حطة ايدك ع الاوجاع و الاسباب و النتايج

ربنا يبعد عن شر مآسى الحياه

همس الاحباب يقول...

إذا أردت أن تجرح من تحب فاحذر أن تؤذى نفسك
عبارة رائعة جدا
من وجهة نظرى لا مانع من الرجوع
طالما هناك نية فى التوبة والرجوع
اذا كان رب العباد يغفر ويسامح
لماذا لا نسامح نحن ونعطى انفسنا فرصة اخرى
بشرط ان نتعلم من اخطاء الماضى ولا نكررها
تمنياتى يالتوفيق والسعادة

مجلة الأم الصغيرة يقول...

جميل أوي البوست ده
و أجمل ما فيه الإصرار و الثقة

اما عن سؤالك الآخير
فبجد ححاول أكون زي البطلة اللي اتكلمتي عنها

بحييك و بحييها بحرارة

E73 يقول...

بسم الله الرحمن الرحيم
السلام عليكم ورحمة الله وبركاته

يااااااااااااااااه يا امة الله
من كتير قوي مدخلتش عندك
من ايام مدونتي القديمة (مع نفسي)
بجد مدونتك ماشاء الله بقت تحفة

بقولك ايه صحيح انا فاكرة انك كنتي من المنصورة
صح ولا ذاكرتي خانتني؟!

لو كنتي منها يا ستي
فأحب أدعوكي للقاء تدويني في المنصورة هيضم ناس من أصحاب المدونات المنصوريين والغير منصوريين أي حد تحبي او تعرفي تجيبيه معاكي من المدونات أهلا وسهلا بيه

معلش الدعوة جت متأخرة جدا لكن أنا كنت ممنوعة من دخول النت اصلا بس داخلة علشان أقولك بس

الميعاد: يوم الثلاثاء 14 ابريل (اللي هو بكرة) من الساعة التاسعة صباحًا ومش عارفة هيخلص امتى

المكان: نادي الأطباء بطلخا

أتمنى إنك تيجي انتي وكل اللي تعرفيهم ان شاء الله يكون يوم جميل انا E73 صاحبة مدونة مُعجزات اسمي ايناس


عن أي تفاصيل شوفي البوست بتاع غروب
http://afteursunset.blogspot.com/2009/04/blog-post_12.html

___________________________

بالنسبة للتعليق على القصة
بجد قطعت قلبي قوي
بس مقدرش اقول انها غلطت
وفعلا الملحوظة اللي في الاخر اهم مافي الموضوع
مقدرش الوم عليها

احساس طفلة محبة للرومانسية بس واقعية يقول...

لا دى قوية اوى

انا مقدرش اعمل كدا

معرفش هسامح ولا لا

اكيد اى كلام هقولة مش هينفع لانى مقدرش اكون فى الموقف دا

ومقدرش اتحمل مناقشة زى دا بس يمكن امشى بهدوء

ربنا مايكتب الجرح على حد
عجبتنى جدا

سلمت اناملك
تقبلى مرورى

TIMMY !! يقول...

نفسييييييييييي أعرف الناس اللي بتحب بعضها و بتموت في بعض قبل الجواز دي ,
ليه بتنفصل و بتبقى الحياة مليانة مشاكل بعد الجواز ؟؟

أكيد فيه حاجة غلط !!!

الواحد خايف أحسن يحصل له حاجة من دي ..

ربنا يستر ,

و عفوا على عدم الإجابة عن السؤال الجانبي ,
لأني و الحمد لله ماعنديش حبيب قديم و لا جديد :)
الحمد لل الذي عافاني ,

و شكرا جزيلا على القصة الرائعة ..

تحيتي

حارة سد يقول...

لا اعتقد أن الإجابة على السٌؤال اأخير تؤخذ على هذا المحمل أو تُجاوب تلقائيا هكذا
لان لكل وضع ظروفه والبئبة الخاصة المحيطة به

ليس كل خائن للمشاعر يُعاقب بالهجران وليس كل مخلص ووفي يُتجاوز عن النكران

هذا الأمر يعتمقد على مدة تلاقي كلا الطرفين ومدى التفاهم بين بعضهما البعض

الحارة سد

على عبدالله يقول...

السلام عليكم

اتكلم بصراحة وبدون زعل ؟!
او ربما يلتمس من كلامى الغلظة او القسوة؟!
ومع ذلك .. ورأى بصراحة
لو أن لى أخت وتعرضت لهذا الموقف او لهذه الاحداث .... راى بصراحة
اكيد الموضوع له خلفيات ولا يقتصر على هذا الموقف مع ان الموقف نفسه كفيل بانهاء العلاقة للابد !!
الكرامة فوق كل اعتبار ..وزى ما بيقولوا الى ينساك انساه
الدنيا ما وقفتش ولا هاتقف على واحد ولا مية ولا الف
وموضوع صعوبة النسيان .. انا مش متفق مع الراى دا ... لا ن الزمن كفيل بمداواة أى جرح .... يكفى ان الانسان بينسى او حتى يتعود على فراق عزيز لديه بالموت
باختصار انا ممكن اعتبره مات

وهذا رأى ... لكن مانصحش حد بيه ابدا الا نفسى !!

تحياتى

حواء يقول...

اسمحيلي ياموناليزا
انا هرد بعد اذنك علي احمد
استاذ احمد
انا واحده من الناس انجرحت من زوجي
ومش مره واحده كتير
وكنت بتنازل واقول بحبه وانا فعلا بحبه
بس اخر مره جرحني جرح يختلف عن كل مره وجاب اخري خالص
بس ساعات الحب مش بيكون كل حاجه
بس البنت او الست مننا لما بتنجرح بتبقي عايزه تنازلات من الراجل كبيررررررره جدا وساعات كتير بيبقي الراجل مش متوقع طلبتها فبيرفض ويبعد
وعلي فكره طلبتها ديه مش بتكون استغلال للمواقف او شروط للرجوع
ده بيبقي ساعات اثبات لمقدار حبه ليها
بس صدقني حاول مش هتخسر
واسمع منها
وكلمه بحنيه لو بتحبك هترجع
ولو طلبت منك اي طلب خده علي انها بتطلب منك اثبات حبك ليها مش اومر وشروط لانك انت اللي جرحتها
وهي كان فعلها ده رد فعل فقط
عارف في نوع من النساء مجرد متبتدي تنفذ طلبتها وهي عارفه انه صعب عليك وده هيثبت لها مقدار حبها عندك بتتراجع
انا كنت من النساء دول
بس من كتر التنازلات اتغيرت مبقاش عندي ذره تنازل
أنا بنصحك انك تحاول
وتحاول مره واتنين وتلاته
الست بتحب دايما تحس انه مرغوب فيها جدا وخصوصا لما تنجرح
حاول مره واتنين وعشره واركن كرمتك علي جنب
انا ست وعارفه بقولك ايه
ولو عرفت توصلها احساسك وشعورك من اول مره هتكسبها حتي لو قالت لا
ارجوا ألا تيأس وإنك تحاول مره واتنين وعشره
ربنا يوفقك
ويكتبلك الخير ويرضيك بيه

موناليزا يقول...

سهر
ــــــــ
اختى الحبيبة: تعليقك اسعدنى فهذا بعض مما عندكم:)
نورتينى سهر الجميلة ودمتِ بخير





********************************





همس الاحباب
ـــــــــــــ
اهلا بيك استاذ خالد
اشكرك جدا لرايك ولمشاركتك
دمت طيبا ولمدونتى زائرا





********************************




قطرات من شواطئ الحياة
ــــــــــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير





**********************************





اى37
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر بعد طول غياب فينك من زمان

ربنا يكرمك يارب انتى كمان ليكِ وحشة ومفتقدينك جدا
صح ياجميلة من المنصورة:)
جاتلى الدعوة قبل كدة من ريمان وقلتلها انى ورايا كورس هيخلص بعد العصر وده فعلا اللى حصل
لسه مخلصاه حالا وقلت اكيد مشيتوا
تتعوض ان شاء الله
بس انتى ليه ممنوعة من النت ؟
===
اشكرك جدا لرايك فى القصة
نورتينى ايناس الجميلة وفى انتظارك دائما





********************************




احساس طفلة محبة للرومانسية بس واقعية
ـــــــــــــــــــــــــــــــــــ
اختى الحبيبة:اهلا بيكِ فى زيارتك الاولى
اشكرك جدا لرايك ولمشاركتك
وفعلا الموقف صعب ويارب ما حد يتعرض ليه
نورتى مدونتى واسعدنى مرورك







*******************************





شبكة
ـــــــــ
وعليكم السلام ورحمة الله وبركاته
اهلا وسهلا
اشكرك جدا لرايك
وسأزور الربط قريبا ان شاء الله





******************************






تيمى
ـــــــ
اهلا بيك يافندم
الدنيا كده مفيش حاجة بتفضل على حالها والحب مش معناه منع المشاكل نهائيا بس غالبية المشاكل بتكون من تدخل الغير فى حياتهم وغيرها
فعلا الغلط بيكون منهم لانهم سمحوا لاى مشكلة انها تكبر
امال انا بعرض الحاجات دى ليه ! عشان تاخدوا بالكوا بعد كده:)
اشكرك جدا لرايك ولمشاركتك
دمت طيبا ولمدونتى زائرا





*********************************





حارة سد
ـــــــــــ
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا





******************************





على عبدالله
ــــــــــــ
وعليكم السلام ورحمة الله وبركاته
اهلا بيك استاذ على
اسمحلى اعرف من وجهة نظرك ليه الموقف ده كفيل بانهاء العلاقة للابد؟
اشكرك جدا لرايك ولمشاركتك
دمت طيبا ولمدونتى زائرا



*********************************




حواء
ـــــــــ
اختى الحبيبة:اهلا بيكِ
أشكرك جدا لمداخلتك
وربنا يعملك دايما اللى فيه الخير

حياتى نغم يقول...

السلام عليكم موضوعات جد واقعيه وهامه ، جزاكِ الله خيراً وعلى رسالتك إلى الحماة وحفظكِ الله وحفظ الجميع من الغدر والخيانه آمين . لا أعرف اجابه لسؤالك ؟

مجداوية يقول...

السلام عليكم

بداية لا أحد يستطيع أن يكون مكان أحد

فدعينا نتفق على هذا

لكن سأضع نفسي مكانها يشخصيتي وتفكيري وقناعاتي ومبادئي فاذا تطابق الحال أو تقارب فلها أن تأخذ برأيي مع وضع احتمالات مني لعدم معرفتي بالتفاصيل

عدم الارتياح الذي شعرت به ان كان فيما يخص علاقته بالله وبإلتزامه وحرصه على تعاليم دينه وأن هذا طبع أصيل فيه ولا يتغير للأفضل فلا وألف لا ,,لن أعود إليه أما أن كان هناك تغير وتحسن وأأمن معه على ديني وعلى التزامي فأى سبب آخر من الممكن حله

ان كان عدم الارتياح في اسلوب تعامله الشخصي معي ومع أهلي فهذا غريب فكيف أحبته هذا الحب الكبير وعدم الشعور بالارتياح ملازم لها !!!؟؟؟

ولكن هناك حالات كنت أعرفها تشبه هذه الجزئية وكان هناك فروقات كبيرة في اسلوب التعامل مع الأشياء والناس ولكن كان هناك حب ولكن هذا التباين الشديد والاختلاف في الشخصية والعادات وأسلوب الحياة كان سببا في مزيد من الفرقة وضياع هذا الحب

كون هذا الزوج طلب مالا مقابل الانفصال
فهذا نوع من التعجيز لها حتى لا تصر على الطلاق وأيضا في حالة طلب الزوجة للطلاق بيكون الزوج كالأسد الجريح فهو يشعر بالاهانة ويريد الانتقام بأى شكل
حتى لو ظهر بهذا الشكل المادي القبيح فنفسه وغيره ممن حوله يحرضوه على أن لا يخسر كل شىء فالزن على الودان في هذه الأمور أمر من السحر
وأيضا كل الخلافات مع أهلها التي حدثت سببها احساسه بالاهانة والخسارة وابتعاد الناس وقت الانفصال عن منهج الله بالمفارقة بالمعروف يجعلهم يفعلون أشياءا هستيرية
فالشيطان وقتها كان يستعد ليشرب الشربات لنجاحه في التفريق بينهما فيشعل النار كلما خمدت


وزواجه السريع أيضا أكبر دليل على جرحه واحساسه بالاهانة الذي أراد أن يثبت لها أنه يقدر يتجوز ست ستها

هكذا كانوا يقولون له واقطع دراعي ان مكنش ده اتقال
:)
:)
ولو كنت مكانها وأحبه كل هذا الحب وأتوسم فيه أن يكون هذا الفراق غير السلبيات أو قللها وعلاقته بالله جيدة أو مبشرة بالخير ولن أحس بالسعادة مع غيره وخاصة أنهما جربا وفشلا فسأقوم بعمل صلاة استخارة وأتوكل على الله إما بالقبول أو الرفض على حسب تييسير الأمر
أو عرقلته فآية القضاء التيسير



فمثلا قبول أهلها اعتذاره أو بيان صدقه وصدق نيته أو الارتياح والفرحة من هذه العودة ونضارة الوجه وانشراح الصدر
كل هذه علامات مبشرة
والله لا يتخلى عمن يلجأ اليه وسيدلها بالتأكيد

وفي حالة الارتياح للعودة هناك أمرا هاما جدا وهو أن يتفقا ألا يعودا أبدا لسيرة الماضي أو السؤال من الطرفين عن تفاصيل الزواج الثاني لكل منهما أو المقارنة ويعتبروا كأن هذا لم يحدث أبدا لأن السماح في الخوض في هذا الأمر سيكون سببا أكيدا لفشل العودة

فهل يستطيعا فعل هذا الأمر الصعب ؟؟؟؟؟؟؟؟؟؟؟؟؟؟؟؟؟؟؟؟؟؟

شايفة كام علامة استفهام

عشان السؤال كبيييييييييير وخطييييييييييير





وبالله عليكي ابقي طمنينا عليها
وقولي لها أننا ندعو لها بكل الخير

يا صادق أفندي (بتاع كائد طابية )
:)
:)

على عبدالله يقول...

السلام عليكم

ان صراحة ماليش خبرة فى التعامل مع الجنس "الناعم"
:)
لذلك انا قلت مانصحش بيه غير نفسى
ومع ذلك انا اعرف ان من احب انسانة او انسان ممكن يغضب ممكن يختلف مع من احب ،ممكن ينفصل لفترة قصيرة جدا !! لكن ينفصل نهائى ! ويتحمل البعد لسنوات وبارادته يعنى بدون اضطرار " سفر او كره من الطرف الاخر او غير ذلك " يبقى دا خلاص اتعود على البعد " مش بيحب " ... امال احنا بنقول ليه ابغض الحلال الطلاق !
وواضح ان الانفصال دا ماكنش فجأة ، يعنى فى ساعة غضب !.. لا دا قرار بعد تفكير واستحالة عشرة
طبعا كل كلامى مالوش علاقة بموضوع الزواج الثانى ...
ممكن يكون راى دا لانى ماتجوزتش ،لان الانسان اكيد لما بيتجوز بتختلف نظرته للامور .. لان الموضوع مش بيكون علاقة عاطفية فقط لا دى عشرة وعيشة ... وممكن اعتبر دا جواب لسؤالك قبل كده لما سأليتنى وايه علاقة انك تكون متزوج او غير متزوج ؟!

شوفى انا زمان كنت بقول ايه " لو قلبى هايخلينى اتنازل عن كرامتى ،يبقى ساعتها هاغرس فيه سكين "!
يعن قال خلاص الكرامة واخدة حدها قوى
:)
وبعدين انا اعرف ناس متجوزين ،مرتاتهم موريالهم الويل وما فيش على لسانهم غير كلمة واحدة .. طلقنى
طيب ايه الى يخليهم ما يتنازلوش بسهولة غير انهم " دايبين صبابة "
:)
واضح ان صاحبنا راجع يتسلى او يستسهل

وفى النهاية برضه بقول تسال اهل الخبرة ،واكيد الواقع غير المكتوب

والسلام

الربان يقول...

تحياتي

أحيانا لا ندرك قيمة الشيء الا بعد ان نفقده....وهو ماحدث مع الاخ الفاضل حين افتقد زوجته بع الطلاق...و ادرك خطأه...

هي أيضا...عليها الا تقفل الابواب امام عودته... بل عليها ان تفكر مليا
و تري ان كان لحبه نصيب في قلبها ام لا
و هل تستطيع ان تسامح و تتجاوز ام لا
لانها يمكن ان تفقده للابد ان اغلقت الابواب و مازال هناك قلب ينبض بحبه و عقل مشغول بذكرياتهما سويا.


ربنا يهدينا جميعا لصالح الاعمال و ينير
بصيرتنا...و لا يتركنا الي انفسنا فتتخطفنا شياطين الانس و الجن...


تحياتي و تقديري

موناليزا يقول...

حياتى نغم
ــــــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير






********************************





مجداوية
ـــــــــــ
وعليكم السلام ورحمة الله وبركاته
اختى الحبيبة:بداية ربنا يكرمك ويجازيكِ كل خير على اهتمامك وافادتنا برأيك

ماشاء الله عليكِ كانت حقا بطلتنا هذه تحتاج إلى رأى كرأيك تتفتح معه نظرتها للأمور

بجد كل كلام الشكر والثناء لايكفيكِ اهتمامك واستجابتك لطلب المشورة
ربنا يوقف لك ولاد الحلال دايما فى طريقك انتِ ونسمة يارب وتفرحى بيها

معكِ تماما فى كل كلمة قلتيها
اما عن بطلتنا
فلقد حسمت موقفها غاليتى واختارت الفراق
نورتينى حبيبتى ودمتِ لى أختا حنونا وقلبا صادقا
بحبك فى الله





*********************************





على عبدالله
ـــــــــــــ
وعليكم السلام ورحمة الله وبركاته
اهلا بيك استاذ على
اشكرك جدا لعودتك واهتمامك
ياترى يوم ماتحب بجد ده برضه هيكون رأيك:)
أتمنى أن يحدث هذا سريعا حتى تعود وترى ردك هذا ثم تكتب رد أخر بعد شعورك الجديد:)
اما عن من يطالبن بالطلاق ورفض الزوج للرضوخ لطلبهن فده من وجهة نظرى مش لانه دايب صبابة ولا حاجة بس يمكن خايف من الطلاق وتوابعه والقول المشهور هى عيشة ولا اكتر...

اما عن ان البطل راجع يتسلى فده تقريبا راى البطلة:)
اشكرك جدا لمشاركتك
دمت طيبا ولمدونتى زائرا





**********************************





الربان
ــــــــــــ
اهلا بيك يافندم
اشكرك جدا لرايك ولمشاركتك
وتقبل الله دعائك اللهم امين
دمت طيبا ولمدونتى زائرا

Arsenal Way يقول...

دي أسوأ نهايه
ولكن يبدوا انها الأضمن للمرأه فهي ليست على استعداد لأن تسامح وتعود الى الجراح من جديد
ولكن لو ان هذا الرجل قد تغير للأحسن بالفعل فسيعش في العذاب لو لم ترجع اليه
معادله صعبه
تقبلي مروري

موناليزا يقول...

مصطفى ابو زيد
ـــــــــــــــ
اهلا بيك ياباشمهندس
اشكرك جدا لرايك ولتواجدك
دمت طيبا ولمدونتى زائرا

ذكرى رحيل قلم يقول...

السلام عليكم
اولا انا اللي يبعني ببيعه وببلاش يعني مش بعرف اسامح مع اي حد عشان اللي يبيع مرة يبيع الف
تاني حاجة هاقوله لو مرجعتش ليا بقلبك تاني هنا لو معرفتش اني الثانية في بعدي سنة مبقاش انا زي ما قالت اصالة باظبط
وحشتيني اختي الفاضلة

موناليزا يقول...

ذكرى رحيل قلم
ــــــــــــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
وانتى كمان ياحبيبتى وحشتيييييييييينى جدا ويارب دايما تكونى بخير
نورتينى نور الجميلة وسعيدة بتواجدك

نسيبه يقول...

السلام عليكم ورحمة الله وبركاته
اللي حسيته من الكلام انها كان نفسها تشوفه ده أولا وثانيا ليه حاسه انها لسه ما حلتش الموضوع مع نفسها بمعني انه قرار مش نهائي زي ما بتقول لسه في احتمالات لانه لو صمم شوية ووعدها واتحايل وضغط ممكن توافق وهنا المشكله ودي ثالثا فمن الاساس ايه كان سبب الانفصال ؟ الشخصيه واضح انه كان في عدم توافق وفي الحاله دي لو كان في محاوله تانيه هتفشل اذن المشكله عندها لازم الاحساس اللي جواها والحرقه دي تنتهي وتهدي ولا تفكر فيه تاني وانا لا انصحها بالرجوع وان قلت لي هي رفضت وسابته ومشت ولكن هذا واضح جدا فهي للاسف لازالت تريده وتريده يصلح ما فات ولكن ما حدث كان بقدر الله ولابد ان نرضي بقضائه حتي لو كان مر فلقد قالوا"الرضاهوسرور القلب بمر القضاء" والصبر بالتصبر فكل شيء ياتي بالتدريج والجهاد ويقول الله عز وجل"والذين جاهدو فينا لنهدينهم سبلنا"(العنكبوت:69)
ربنا يقر عينها بمن يعوضها ويعينها علي طاعة الله
وبالنسبه لسؤالك فأعترض علي تسميته بحبيب فهذه التسميه منها له وان كان حبيب فان غدر وخان وجرح فلم يعد كذلك واقصد بذلك الصورة الحلال طبعا الزوج وان لم يجرح ولم يغدر ولم يخون فلا اعتقد انه سيحدث الانفصال لانه لو كذلك الامور ستكون اكثر مرونه وتفهم وان شاء الله لن يحدث انفصال
ربنا يرزق كل بنات المسلمين الازواج الصالحين اللهم امين

موناليزا يقول...

نسيبة
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر

(بحبه يابابا عااااااا) على رأى نيلى فى فوازير رمضان فاكراها؟:)

البطلة هنا مازالت تحبه وتعلم جيدا بحتمية الفراق ولذلك الموقف صعب
اذا كان رسولنا الحبيب صلوات الله وسلامه عليه كان بيقول "ربى هذا قسمى فيما أملك فلا تحاسبنى فيما لا أملك"
فمابالك بقى بالانسانة الضعيفة!!

تعرفى ان جهاد النفس ده بجد من اصعب انواع الجهاد
ربنا يثبتنا جميعا

بس برضه ماجاوبتيش على السؤال لو عاد اليكِ حبيبك مهما كان سبب الفراق ماذا سيكون رد فعلك؟
نورتينى حبيبتى وفى انتظارك دائما

عاشــــــ النقاب ـقــــة"نونو" يقول...

حبيب العمر اللي جرحني وتعبني واساء الي؟؟؟؟!!!!
ما يبقاش حبيب العمر
حبيب العمر اللي لما بفتكره افتكرله حب العمر
الاستخارة اولا
واذا سكتت لغة العقل
فاستفتي قلبك
تحياتي

موناليزا يقول...

عاشقة النقاب
ـــــــــــــــ
اختى الحبيبة:اهلا اهلا بالقمر
اشكرك جدا لرايك وجملتك فى الاعتبار
من باع وغدر وخان لايستحق لقب حبيب
ولكن قلوبنا ليس لنا عليها سلطان:)
نورتينى نونو الجميلة ودمتِ بخير

مكرووونة يقول...

يا رب البطلة تموت عشان تستريح بجد
مفيش حل فيه راحة
انا حاسة بيها
مهما عملت مفيش حل غير انها ترجعله و تتعذب معاه و تعيط زيى دلوقت

موناليزا يقول...

مكرونة
ــــــــ
أختى الحبيبة:اهلا بيكِ فى زيارتك الاولى
بعيد الشر على البطلة يا جميلة
بدل عذابها معاه تروح له برجليها لييييييه؟
بدل تأكدت من ده ماتقدمش على الخطوة دى أبدا
بصى أنا جايالك حالا ماتعيطيش بقى
نورتى مدونتى

شمس العصارى يقول...

ايه دى حقيقة
بس ايه سبب انفصالهم
ومش عارف بصراحة القدر كان بيرجعهم لبعض تانى ولا لأ
هو موقف صعب .... ونادر الحدوث
المهم هما استقروا على ايه
مستنى لو القصة ليها تكملة

موناليزا يقول...

شمس العصارى
ــــــــــــــ
أهلا بيك يافندم
القدر كان بيصالح البطلة وبيرجع لها روحها اللى اخدها الحبيب معاه قبل مايبيعها ويمشى

والنهاية زى ماهو مكتوب
البطلة مارجعتش فى كلامها وحمدت ربنا انه ماكنش ليها

أشكرك جدا لتعليقك
يسعدنا دوام التواصل