الاثنين، 27 أبريل 2009

تصحيح زعل

أنتِ مش زعلانة عليه هو.. أنتِ زعلانة على:-
- على كل حاجة حلوة إديتيهاله ولاقيتيه مايستاهلهاش.
- على عُمرك اللى راح هباء.
- على نفسك اللى فضلتى محافظة عليها عشان يكون أول حد يستلمها وفى الآخر مقدرش قيمتها وداس عليها ورماها.
- على كل تضحياتك اللى عملتيها مخصوص عشان يكون مبسوط حتى لو على حسابك.
- على سذاجتك فى عدم تصديق ما رأيتيه وإنك كنتِ لسه بتجيبى له أعذار.
- على قلبك اللى مات قبل مايفرح.
- على كل ألم نفسى حسيتى بيه بسببه.
- على ضحكتك اللى ضاعت ومش عارفة ترجعيها.
- على فرحتك اللى قتلها.
- على تحويشة عمرك اللى سرقها.
تأكدى أن كل حاجة هتاخد وقتها والزمن كفيل بجعل زعلك هذا مجرد ذكرى عابرة.
ولا تحتارى فى سبب غدره لكِ. يكفيكِ هذا السبب مالوش فى الطيب نصيب.

هناك 67 تعليقًا:

ذكرى رحيل قلم يقول...

السلام عليكم
ميستهلش اي دمعة من عيونا
وبشر الصابرين خصوصا علي البلاء
انا بعتبر الرجل الخائن او الغادر بلاء من الله عز وجل
الحمد لله علي نعمة الزوج الصالح
دمتي بخير يا موناليزا انا بحسب النت عاملها معاكي كنت فين

SHAPE YOUR LIFE (ABOALI) يقول...

لكل عاشق وطن

وانا وطنى حدوتة بشر
جواه شجر وبيوت

وشجرى طير في السما عالى من غير حدود

لكل عاشق وطن
وانا وطنى انسانى
لو زلزلتنى المحن
ما يضيعش عنوانى
لو قلمي مرة انقصف
باكتب واعيد تانى

لكل عاشق وطن
وانا وطنى كلمة حق
عارف طريق سكتى
وامتى اقول ايوة
وامتى اقولها لأ ..
لكل عاشق وطن

وانا عشقى فاق الحد
رغم الهموم و الشجن
هزرع طريقى ورد
لكل عاشق وطن

وانا وطنى حر طليق
جواه موجود حلمى
وانا حلمى حلم جميل
انى يكون ليا وطن
اكون فيه انسان
على جبهته علامة الغفران
ونهايه قصته رؤية الرحمن

لكل عاشق وطن

وانا وطنى حدوتة بشر


سيدتى مهما تعرضنا من محن فهى يقينا فى ميزان الحسنات
الجميل يظل جميل مهما كان الاخرون
فلا تزعلى على بذور انماء نثرتيها لتثمر زهور تملاء الميادين
فاءن لم يرتحق برحيقها اليوم من يقدرها
فغدا ستكون له دليل

فلا تحزنى على ود نتج عنه شوك
ف الله له فى الدنيا مقادير نحى ونعيش فيها



تحياتى

salma mohamed يقول...

كل ابتلاء بنصاب بيه في ميزان حسناتنا حتى الشوكة لو احنا احتسبنا ده عند ربنا,
صحيح الغدر عموما من ابشع الصفات البشرية الجارحة,
وخصوصا لما يكون غدر الرجل للمرأة التي تتفانى من اجل لحظات الحب منه,
لكن من فضل ربنا ان فيه آخرة هنتحاسب فيها وكل واحد هياخد حقه.

آخر العنقود يقول...

وحشانى جداااااااااااااااا

بتكتبي وبتعبري عن اقرب حاجات كانت في دماغي وبفكر فيها
:))
بس الموضوع ده صعب قوى
ربنا يسترها ويصبرنا على الابتلاء ويرزقنا حسن البصيرة

ربنا يكرمك ويبارك لك يامنمن
بجد وحشانى ..

شمس النهار يقول...

مع كل اللي ذكرتيه ده اللي هو صح برضه كمان زعلانه عليه مش في يوم من الايام كان حبيبها وزوجها وكان في عشره
فاهي زعلانه علي نفسها وكل اللي ذكرتيه وعليه كمان
وفعلا مالوش في الطيب نصيب
واحب اضيف ان النوعيه دي ربنا بيبعت لها
ست تخلص القديم والجديد
وتجيب حق كل اللي ظلمهم
طبعا ماهو ربنا الحكم العدل
اي وحده اتظلمت من رجل تكون متيقنه ان ربنا هيجيب لها حقها

محمد يقول...

السلام عليكم ورحمة الله وبركاته

موناليزا

هو ليوناردوا دافنشي ابدع في رسم الصورة كويس ومع ذلك بتلاقي ناس لا تروق لها الصورة ومع ذلك قيمة الصورة موجودة عن المتمرسين ولم تتأثر بكلمات الآخرين ............................. يعني الشاهد لا يعني اغفال بعض الأشكال قيمة الشئ انه لا يمثل شيئا بل قيمته لازالت محفوظة ............. لذا لا نحزن علي من لا يستحق ولا نحاول أن نعيد مالا فائدة منه ..... فالحياة لا تتسع لمن لا يستحقون ولنمض قدما في طريقنا الي الأمام والله الموفق .............


خالص مودتي وصادق دعائي

د. ياسر عمر عبد الفتاح يقول...

ليه بس البوست اللي يزعل ده
تأكدوا إن مفيش حاجة بتضيع
الدنيا كلها متسواش

ربنا سبحانه وتعالي لا يغفل ولا ينام

غير معرف يقول...

كلامك في الصميم

الخاين والي ميقدرش الحب ميستهلش دمعة وحدة

والزمن كفيل انه يداوي الجراح

دمتِ بالف خير حبيبتي

موناليزا يقول...

ذكرى رحيل قلم
ــــــــــــــــ
وعليكم السلام ورحمة الله وبركاته
اختى الحبيبة:اشكرك جدا لمشاركتك وربنا يباركلك فى زوجك
ماتحرمش من سؤالك ياجميلة انا بس مابقتش اقعد كتير على النت بس ان شاء الله نتقابل قريب
نورتينى نور الجميلة ودمتِ بخير






***********************************





ابوعلى
ــــــــــ
اهلا بيك يافندم
ربنا يكرمك على كلماتك الجميلة وتعليقاتك المبهجة دوما
دمت طيبا ولمدونتى زائرا






*********************************






سلمى محمد
ــــــــــ
اختى الحبيبة:صح جدا "وما ربك بغافل عما يعمل الظالمون"
اشكرك جدا لمشاركتك
نورتينى سلمى الجميلة ودمتِ بخير





********************************







اخر العنقود
ــــــــــــــ
اختى الحبيبة:اهلا اهلا بالقمر ايه الغيبة دى كلها يارب تكونى بخير
بجد بجد مفاجأة جميلة:)

شوفتى الافكار عند بعضها:)
ماتحرمش منك ياحبيبتى وسعيدة جدا بتواجدك
نورتينى ياقمر ودمتِ بخير







*******************************






شمس النهار
ـــــــــــــ
اختى الحبيبة:اصل متهيألى بعد ده كله المفروض ماتزعلش عليه وتسقطه من حساباتها
وفعلا ربنا كبير اوى وقادر على كل شئ
اشكرك جدا لمشاركتك
نورتينى شمس الجميلة ودمتِ بخير







*******************************






هذه حياتى
ـــــــــــ
وعليكم السلام ورحمة الله وبركاته
اهلا بيك يافندم
ايه الجمال ده:)
بجد ماشاء الله تعليقك بليغ جدا
ربنا يكرمك يارب على مشاركتك
دمت طيبا ولمدونتى زائرا






***********************************





د. ياسر عبد الفتاح
ـــــــــــــــــــــ
اهلا بيك يادكتور
اعتذر جدا ماقصدتش والله انه يزعل بس هى الكلمات جت كدة:)
اشكرك جدا لمشاركتك
دمت طيبا ولمدونتى زائرا






***********************************






نوارة
ــــــــ
اختى الحبيبة:اشكرك جدا لاتفاقك معى:)
نورتينى نوارة الجميلة ودمتِ بخير

عبدالرحمن يقول...

اصبروا وصابروا

وربنا هيكرمكم بإذن الله

تقبلوا مروري

صيدلانيه طالعه نازله يقول...

تقدرى تقولى فعلا مالهمش فى الطيب
يا قلبى يا طيب
ياللى ما شافوا منك
غير كل شيىء طيب
فيه ناس كده متعرفش غير انها تضيع النعمه من ايدها و متعرفش قيمتها غير لما تضيع منها و للاسف بيكون خلاص الوقت فات و عدى

romansy يقول...

تاتينا الرياح ولكن من يصمت
ومن يقف امامها
وهل نستطيع ان نصلح ما مضى
وما فات
ايستطيع الصبر ان يوجد بيننا

كفايـة طيبـة يقول...

اساسي طبعا

لو كل ده عملته عشانه يبقي ملوش فى الطيب نصيب
وحتى لو هو معاها هيبقي ميستاهلهاش اصلا
الشخوص اللى الواحد بيقابلها خلال مشوار حياته بالشكل ده المفروض ميتزعلش عليه ولا على العمر اللى ضاع معاه
كلها تجارب حياتية
وكل شيء مكتوب وربنا له حكمة منه
يا موناليزا
كفاية طيبة :)

جنّي يقول...

السلام عليكم

ولكن ما نهاية الحزن والزعل على ما فات فلنترك الماضي بكل اشجانه ولنبدأ ونعيش حياتنا ويكفي ما راح ولا نظل نندب حظنا ونبكي عل اللبن المراق ونجتر احزاننا .. فكل من ظلمني واساء الي هو الخاسر وانا الكسبان .. وعلى ان استثمر هذا الربح واجعله دافعا لي لأبدأ حياتي ومن الآن ولا أنتظر للغد .. سأبدأ من جديد وبكل قوة فهذه حياتي وليست حياته فكل يوم أخسره يفرحه ويسعده .. فلابد من أن أشعره هو بالتعاسة والخسران بتغيري حياتي الى الاحسن ..

على فكرة دعوت لكي فقد قرأت التعليق قبل سفري فقد غادرت جدة مساء يوم الاربعاء وادع الله تعالى القبول ..

نسيبه يقول...

السلام عليكم ورحمة الله وبركاته
أنا كمان بأقول لها ما تزعليش إن مع العسر يسرا يعني إثنين وكماقال ابن عباس رضي الله عنهما لن يغلب عسر يسرين
وأقول لها أيضا أن تنسي البشر كل البشر من ساعدها ومن لم يساعدها وتتذكر الله عز وجل فقط تلجأله بكل قوتها أن يفرج عنها ويعوضها وأن تطمع في كرمه لأقصي حد فهو الكريم سبحانه يستحي أن يرد يديها خائبتين ولكنه بعلمه وحكمته يختار لها ما هو الأنسب في التوقيت والأحداثوالإستجابه أسأل الله عز وجل لها أن يداوي جرحها ويعظم أجرها ويعينها علي الصبر والرضا بقضائه وأن يقر عينها بمن يعوضها

ولا أريد الإطاله عليك ولكن حضرتني قصة لأحد أصدقاء أختي وسبحان الله فيها من تعويض الله ما هو مناسب لقصتنا فكانت إنسانه تزوجت من شخص كان معها في كلية الهندسه وبعد قصة حب لسنين(مع إعتراضنا طبعا علي معصية الله )وبعا الزواج الذي دام لمدة 3 سنوات لم تنجب وبين يوم وليله طلقها بدون سبب واضح وفجأه المهم تدور الأيام وبعد شهور ولنتخيل طبعا الإهانه والغدر والجرح الذي كانت تشعر به ربنا سبحانه وتعالي عوضها وتزوجت بعدها من شخص آخر والكريم طبعا لما يعطي عطاؤه لا يكون بحساب رزقها الله بعد مده بسيطه ذكر يعني كمان أنجبت ودلوقتي ما شاء الله عدي السنه تقريبا ربنا يبارك لها فيه يعني سبحان الله ما فيش أسباب مع ربنا فعلا .
أنا آسفه إن كنت أطلت.

ستيتة يقول...

الغدر وحش صح
مفيش واحده بتتخيل في أحلامها أنها ها تتجوز عيل صح
بس ربنا هو المعوض المخلف ده أكيد

حاسوباتيه يقول...

ليه ليه بس كده ده حتى مايستهلش عناء كتابه البوست ده اعتبريه وكأنه لم يكن ومالوش في الطيب نصيب صحيح

احساس طفلة محبة للرومانسية بس واقعية يقول...

تأكدى أن كل حاجة هتاخد وقتها والزمن كفيل بجعل زعلك هذا مجرد ذكرى عابرة.
ولا تحتارى فى سبب غدره لكِ. يكفيكِ هذا السبب مالوش فى الطيب نصيب.

صح كلامك صح اانسان عمل فيها كل دا ولسة زعلانة علية
يبقى اكيد باقى بعض الحب فى قلبها اللى مليان حزن وجراح

بس الاسباب دى كافية انها تدمرة الجراح والحب وتمحيهم من القلب بس مع الوقت

تقبلى مرورى

ماء تشرين يقول...

جميل اووى البوست ده لانو في كتير بيفتكرو انه الحياه انتهت وانهم هيفضلوا فى الحزن العمر كله وانه مفيش شمس تانى هتطلع عليهم بس الحقيقه انه بتطلع شمس النهار والعمر بيكمل عادى جدا

تقبلى مروري

الربان يقول...

تحياتي


فعلا ليس له في الطيب نصيب...اذا كان تنكر لكل هذا...

لكن ايضا علي أختي الفاضلة...الا تبتئس
لان الله لا يضيع أجر من أحسن عملا...

و قال الله تعالي " إنما يُوفي الصابرون أجرهم بغير حساب..." ...صدق الله العظيم.

هذه الاخت الفاضلة عليها ان تتوكل علي الله و هو ان شاء الله كافيها...و كفاها ان الله سبحانه و تعالي مثل هذا الرجل.....

تحياتي و تقديري

حواء يقول...

شموسه قالت كل اللي في نفسي الصراحه
بس هزود عليه حاجه


وهو انه بالفعل ممكن ياخد واحده احسن مني
وهتكون احسن مني بس في انها هتعرف تاخد حقها كويس جدا وهتطلعه علي عينه اشكال والوان وخصوصا في انها اكيد هتخدعه وهتخونه وهيشرب من النفس الكأس اللي شربت أنا منه
ولاني عارفه كويس جدا
فده هيوصله في الاخر للسجن

وهو ده اللي ممكن يوصله لمرحله الانهيار الكاااااااامل
وفعلا ربنا قادر علي كل ظالم وكل مفتري
وربنا جميل اوي برده
في نفس الوقت ربنا بيقبل التوبه الصادقه وبيغفر بيها ما تقدم من ذنب

بس ليه سؤال ياموناليزا
انتي ليه دايما الفتره اللي فاتت حزينه في كتاباتك
ودايما بتتكلمي عن المرأه او الفتاه المجروحه كتير
تحياتي

momken يقول...

يالله على الله العوض

ياسيدتى كلنا هذه التى خسرت

نسال العوض فقط من الله

فك الله كربك



تحياتى

لجين أبو الدهب يقول...

والله صدقتى ياموناليزا ..

ساعات فى سيدات بشوف فى عينيهم القهر والله بعد تعرضهم لموقف من ازواجهم ..

بحس انها مش مقهورة عليه اكتر ما هى مقهورة على عمرها اللى ضاع مقهورة على كل حاجة حلوة ادتهالوه .. مقهورة على كل شئ ..

لكن الاحتساب عند الله هو اسلم حل ..

وهو فعلا اللى مالهوش فى الطيب اى نصيب ..

ياللى سايبنى ورايح لغيرى .. بكرة تعرف زمانى من زمان غيرى ..

جزاكِ الله كل خير حبيبتى جدا موناليزا ..

دمتِ بخير ..

mohamed ghalia يقول...

فعلا الى يسيحب حد حبه بالطريقة دى
يبقى ملوش فى الطيب نصيب

موناليزا يقول...

عبد الرحمن
ـــــــــــــ
اهلا بيك استاذ عبدالرحمن فى زيارتك الاولى
الصبر من عندك يارب
نورت مدونتى واشكرك جدا لمشاركتك





*******************************





صيدلانية طالعة نازلة
ـــــــــــــــــــــ
اختى الحبيبة: عندك حق
نورتينى حبيبتى واشكرك لمشاركتك






********************************





رومانسى
ـــــــــــــ
اهلا بيك يافندم
إذا تصبرنا فسنصبر
دمت طيبا ولمدونتى زائرا






*********************************






كفاية طيبة
ـــــــــــــ
اختى الحبيبة:تعرفى انى فعلا بدرب نفسى انى ابطل طيبة:) بس تفتكرى هنجح؟:)
قلتلك انى بحبك قبل كدة صح؟
نورتينى ياجميلة ودمتِ بخير






**********************************





جنى
ـــــــ
وعليكم السلام ورحمة الله وبركاته
اهلا بيك استاذ سعيد
بداية ربنا يكرمك يارب ويسعدك ويتقبل دعائك ويجازيك كل خير عنى اللهم امين

نصائح غالية من اخ كريم أسأل الله أن يعيينا على تنفيذها على الوجه الأكمل
اشكرك جدا لمشاركتك
دمت طيبا ولمدونتى زائرا








*********************************






نسيبة
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يعزك يارب ويتقبل دعائك لها ويجازيكى عنها كل خير
طولى براحتك زى مدونتك بالظبط:)
ونِعم بالله
ولكن لا احد يستطيع منع احساسه بالألم
كيف نطلب من مجروح بأن لا يتأوه
النبى عليه الصلاة والسلام لما مات ابنه بكى مش اعتراض على حكم ربنا ولكن حزنا على فراق ابنه وبطلتنا هنا حزينة على كل هذه الاشياء المذكورة فى الموضوع ومع ذلك عندها يقين بالله بأنه لن يخذلها
فربنا رحيم بعباده ولولاه على بطلتنا لماتت كمدا وهى تعلم ذلك جيداً
نورتينى غاليتى ودمتِ بخير







********************************






ستيتة حسب الله الحمش
ــــــــــــــــــــ
اختى الحبيبة:عندك حق ربنا كبير
نورتينى ستوتة الجميلة ودمتِ بخير






**********************************





حاسوباتية
ــــــــــ
اختى الحبيبة:فعلا هو مايستاهلش بس هى تستاهل انى أقويها وتكتسب شوية قوة من تعليقاتكم:)
نورتينى حبيبتى ودمتِ بخير






*******************************





احساس طفلة محبة للرومانسية بس واقعية
ــــــــــــــــــــــــــــــــــ
اختى الحبيبة:عشان كده حبيت اصحح لها اسباب الزعل:)
نورتى مدونتى واشكرك لمشاركتك






*******************************







ماءتشرين
ـــــــــــ
اختى الحبيبة:صح جدا
ماهى الدنيا مابتقفش لحد
نورتيى حبيبتى ودمتِ بخير







********************************






الربان
ــــــــــ
اهلا بيك يافندم
صح جدا فمن يتوكل على الله فهو حسبه
اشكرك جدا لمشاركتك
دمت طيبا ولمدونتى زائرا




********************************





حواء
ـــــــــ
اختى الحبيبة:مش فاهمة حكاية انه يوصل للسجن دى
ليه يعنى هتعمل فيه ايه؟
هى ممكن تكرهه فى نفسه وتسود حياته وتدمره نفسيا لكن السجن دى جديدة:) فعايزة توضيح لو تسمحى
عن سؤالك غاليتى فقلمى يكتب مايشعر به وهذا حال الكثيرات
نورتينى أم فاطمة ودمتِ بخير






********************************





ممكن
ـــــــ
اهلا بيك يافندم
فعلا عوضنا على الله
ربنا يكرمك ويفك كرب المكروبين ويفرج هم المهمومين
دمت طيبا ولمدونتى زائرا






*******************************





لجين ابوالدهب
ــــــــــــــــ
اختى الحبيبة:اهلا اهلا بالقمر
هو فعلا شعور مؤلم جدا يارب مايكتبه على حد ابدا من نساء المسلمين
اشكرك جدا لمشاركتك
نورتينى لوجى الجميلة ودمتِ بخير





*******************************






محمد غالية
ـــــــــــــ
اهلا بيك استاذ محمد
أنا بقول كده برضه:)
دمت طيبا ولمدونتى زائرا

ذكرى رحيل قلم يقول...

تقبلي هديتي تاج جميل وصلني وقلت لازم اهديه لك هدية لمدونتك الجميلة بصي هو وصلني من مدونة منووش روحي وشوفي وجاوبي

Unknown يقول...

فعلا ما يستاهلش اي حاجة لكن اﻷيام والذكريات واﻷحلام والأمال هي دي الحاجات اللي بتزعل الواحد

صمت الحنين يقول...

فعلا ملهوش فى الطيب نصيب
ربنا يعوضها خير ان شاء الله ويرزقها باللى هيستحقها

دمتى بكل خير موناليزا

حواء يقول...

هههههههههههههه
استغربت جدا من سؤالك


عادي يعني
انتي لو راجل وجاتلك مراتك وقالتلك طلقني علشان بحب صحبك وهتجوزه
هتعملي فيها ايه ؟؟؟


اكيد ان لو مقتلتهاش او عملتلها عاهه مستديمه
هترسي علي علقه محترمه جدا بيها ممكن تدخله السجن
ده لو مكنش حاجه من الاتنين الأولنين


وبعدين ده لو كانت ست محترمه

لكن بقي لو عملت اللي هي عايزه في التليفون وخلافه واكتشف البيه ده
أكيد أكيد أكيد
هتبقي جريمة قتل

ههههههههههه

هو ده تفسير كلامي
وصدقيني لو جت علي حكاية واحده تطين عشته بس تبقي هينه وسهله
وربنا ممكن يهديها


لكن الخيانه والخديعه صعب اوي الراجل اذا كان راجل فعلا يعيش مع واحده خدعته وخانته
وخصوصا لو كان واحد زي ابو بنتي كرمته علي حفة منخيره


ربنا يفك كرب وكربي وكرب المكروبين يارب

د/عرفه يقول...

جميل إن الواحد ميستسلمش لأى عامل إحباط يجيله أنه يقوم بسرعة
ويضع لنفسه أمل يجعله يستمر مستمتعا بحياته آملا فى تحقيقه

ختام جميل للموضوع
واتمنى انك تخرجى من حالة الاحباط دى على طول

mahasen saber يقول...

حلو المبرارات دى قوى

على الاقلل بتلم شتات الواحد وتخليه يصبر نفسه

وصعبه الحاله قوى بس كل شئ بيروح مع انشغالات الدنيا وغيابات العمر والزمن

برافو يا مونا

عمرو جويلى يقول...

الأخت الفاضلة
السلام عليكم
كل ابتلاء بنصاب بيه في ميزان حسناتنا حتى الشوكة لو احنا احتسبنا ده عند ربنا,
صحيح الغدر عموما من ابشع الصفات البشرية الجارحة,
وخصوصا لما يكون غدر الرجل للمرأة التي تتفانى من اجل لحظات الحب منه
دمت بكل الخير

KHALED يقول...

خلينا نبص لقدام و نبطل نبص ورانا
خلينا نبطل نحط إللى فات قدامنا علشان نقدر نكمل المشوار
و نكمل المشوار صح من إللى اتعلمناة من إللى فات


تحيات كتير

rovy يقول...

موناليزا الغاليه

اللى مالوش فى الطيب نصيب ابدا ما يستحق مجرد التفكير و لو للحظه فيه و لا يجب ان ننظر الى الوراء ..
حبيبتى انا عارفه ان اصعب زعل هو اننا
نحزن على انفسنا التى ظلمت من اقرب الناس .. و لكن من قال ان هذه النوعيه من البشر تصلح لأن تكون اقرب الناس .. لا و الله فهذا الشخص اقل بكثير من ان يذكر ..
لا تندمى لأنك عطيت فهذا طبعك العطاء و لن يضيع اجرك عند الرحمن ابدا و لا تحزنى لأنه لم يقدرك حق تقديرك ربما اراد الرحمن بذلك ان يكفيكى شره و ينقذك من مخالبه ليبدلك ان شاء الرحمن بمن هو اهل لكى و يقدرك و يتقى الرحمن بكى ..
حبيبتى .. ان الله مع من لجأ اليه بصدق و ايمان و انا احتسبك كذلك ان شاء الرحمن .. و تأكدى انه كلما زادت العتمه كلما اقتربنا من طلوع الفجر
ادعوا الرحمن ان يبدل ألمك فرحا و ان يجازيكى كل الخير لصبرك و لكل ما اعطيت
ادعوه ايضا ان يرزقكى كل السعاده التى تستحقينها غاليتى ..
يااارب يرزقك بالزوج الصالح المحب الودود الذى يتقى الله فيكى و يستطيع اسعادك .. امين
و صدقينى اوعى تزعلى ابدا و سيبيها على الله يمهل و لا يهمل و هو اللطيف الخبير ..

خالص دعواتى و مودتى

غير معرف يقول...

البوست ده فكرنى بشىء شبيه حدث مع واحدة قريبة جدا لى
وبعد مرور الوقت اصبح ذكرى وتاوت الجراح
يجب الا ننسا ترديد الدعاء
اللهم اجرنا من مصيبتنا واخلفنا خير منها اللهم امين
تقبلى اول مرور لى ودمتى بخير

mnoon يقول...

السلام عليكم ورحمه الله وبركاته

أختى موناليزا

فيه نوع من الناس خسرته مكسب

وأعتقد إنها كسبت بس هى مش واخده بالها

بس بكره الأيام تثبت لها مكسبها ده

وتوريها بعنيها قد إيه هو خسر

سلاااامى

princess يقول...

الناس اللى من النوعية دى يا دوبك تتنسى

(صندوق الدنيا) يقول...

مش يمكن زعلانه على قلبها اللي أخده معاه
أو عليلة حتى يعود إليها بالدواء
نسأل الله أن يفك كرب كل مكروب

القدر و انا يقول...

موناليزا
عندك حق تماما
والله اعرف واحد رغم اعوامه الخمسين لازال مراهق . يرى الست من هنا وتبدأ سلسلة المطاردات والحب والهيام ولا يهدئ حتى يتم الزواج الذى لايدوم طبعا لان البيه يمل سريعا ليترك الضحية باكية على خيبتها الكبيرة
ودائما هناك الله الذى لا يغفل ولا ينام
وحسبى الله ونعم الوكيل فى كل من ظلم
تحياتى لك

موناليزا يقول...

ذكرى رحيل قلم
ـــــــــــــــ
اختى الحبيبة:مش معايا رابط مدونتها
وعموما اول مايوصل عندك وتحليه:)هجاوبه عندك وحصريا لكِ فقط(شوفتى رغم انى حتى لسه مش عارفة الاسئلة بس انتى عارفة معزتك عندى:))




********************************





احمد تاك
ــــــــــ
اهلا بيك استاذ احمد
معاك حق وخاصة بمن يتعلقون بالاشياء اكثر مايتعلقون بالاشخاص
دمت طيبا ولمدونتى زائرا






********************************





صمت الحنين
ـــــــــــــ
اختى الحبيبة:ربنا يكرمك ويتقبل دعائك ويرزقك بكل الخير ويفرج هم المهمومين
نورتينى حبيبتى ودمتِ بخير







******************************




حواء
ــــــــ
اختى الحبيبة:سعيدة جدا بعودتك واهتمامك
:) ياه الموضوع ده مجاش فى بالى خالص قلت كبيرها يعنى ترفع قضية نفقة وتتشحطط فى المحاكم وفى الاخر يجيب محامى شاطر ويقوم برشوة المحامى بتاعها ويطلع براءة وخلاص على كده

بس مش كل الستات خاينين وبالفظاعة دى برضه
وبعدين انا شايفة ان النوعية اللى بتتكلمى عليها دى من الستات اكيد مش هبلة يعنى عشان تجعل زوجها يعرف او حتى يشك فيها

بصى احنا مانشغلش بالنا وهو ربنا اسمه المنتقم ينتقم باى كيفية بقى احنا راضيين:)
ربنا يسعدك ياحبيبتى ويتقبل دعائك
نورتينى ياجميلة





***********************************






د/ عرفة
ــــــــــ
اهلا بيك يادكتور
ربنا يكرمك واشكرك جدا لرايك
والحمدلله الذى هدانى الى هذا
دمت طيبا ولمدونتى زائرا






*********************************




محاسن صابر
ـــــــــــــــ
اختى الحبيبة:اشكرك جدا لرايك
بس هى مش بتعطى مبررات هى بتحاول توصل لاسباب الزعل الحقيقية يمكن لما تواجه نفسها بيها تقدر تسيطر على الوضع
وفعلا تلاهى الدنيا بتنسى اى حاجة بس ده لما تبقى عايشة اصلا فى الدنيا
نورتينى حبيبتى ودمتِ بخير






*********************************





اللؤلؤة
ــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لمشاركتك
دمت طيباولمدونتى زائرا





******************************





خالد
ـــــــ
اهلا بيك استاذ خالد
حاضر يافندم والله بنحاول جاهدين :)والله المستعان
دمت طيبا ولمدونتى زائرا





**********************************





روفى
ــــــــ
اختى الحبيبة:اهلا اهلا بالغالية
مش عارفة أقولك ايه بجد غير جزاكى الله عنى خير الجزاء
ربنا يسعدك ويفرح قلبك ببناتك
دمتِ لى أختا حنونا وقلبا مخلصا ويداً تسندنى فى أزماتى وتمنعنى من الوقوع








*********************************





أم مالك
ــــــــــ
اختى الحبيبة:اهلا بيكِ فى زيارتك الاولى
اللهم أجرنى فى مصيبتى واخلف لى خيرا منها
نورتى مدونتى واشكرك جدا لمشاركتك






*********************************




منوون
ــــــــ
وعليكم السلام ورحمة الله وبركاته
اختى الحبيبة:أنا بقول كده برضه:)
نورتينى منون الجميلة ودمتِ بخير







*********************************




برينسيس
ـــــــــــ
اختى الحبيبة:اذا كان على نسيانه فهى حتى مش فاكرة شكله هى بس صعبان عليها نفسها
نورتينى حبيبتى ودمتِ بخير






********************************





أم البنين
ـــــــــــــ
اختى الحبيبة:اهلا اهلا بكاتبتى المفضلة
متهيألى لو كانت بتموت والدوا فى ايديه هو بس هى تفضل الموت
نورتينى حبيبتى ودمتِ بخير





*********************************





القدر وانا
ـــــــــــــ
اختى الحبيبة:فعلا والله
حسبى الله ونعم الوكيل
نورتينى حبيبتى ودمتِ بخير

مدحت محمد يقول...

انا سمعت من عمرو خالد ان الغدارين ليهم مكان فى النار اسمه بيت الغدر

salwa يقول...

السلام عليكم
لاينفع الندم الا لتصحيح الغلط
سلمت يدك
سلام

ELMASRYA - MRS WRITER يقول...

غاليتي أمة الله موناليزا الجميلة

طبعا عندك حق في التوصل إلى وسيلة التصدي لحالة الحزن والزعل ده
طبيعي إنها تاخد فترتها وعلشان تعدي على خير نحتاج إلى :
ــــــــــــــــــــ
1- الثقة في قدرة الله إنه هيعوضنا خير ونقول بيننا وبين أنفسنا لعله خيرا

2- الثقة في أنفسنا وإننا نستاهل كل الخير وإن زي ماقلتي الطرف الآخر هو اللي مالوش في الطيب نصيب

3- نحب أنفسنا وندللها وندور على اللي يسعدها واللي يخلينا نخرج من حالةالحزن دي بسرعة لأن العمر مهما طال قصير ومش مستاهل نضيعه في الإستسلام للأحزان والآلام النفسية

دايما مواضيعك جميلة وبتمس الأوتار الحساسة كلها

دمتي بحفظ الرحمن سالمة

كيكى عوووووو يقول...

جبتى من اللاخر
ملهوش فى طيب نصيب
عوووووووووووو

صانعة الحرية يقول...

وبشر الصابري
http://sona3alhoria.blogspot.com/2009/04/blog-post_28.html

Unknown يقول...

السلام عليكم
كيفك يا اختى الغالية
يا قلبى احيانا الواحد بيدى كل ما يملك من حب وثقة واخلاص لمن لا يستحق
ادعو الله عزوجل ان يرزقك من فضلة من يعوضك عن ما مررتى به

ربنا يوفقك يارب

الفقيرة إلى الله أم البنات يقول...

يجب ان تضع نقطه وتبدأ من أول السطر
كفى ما مضى

الطائر الحزين يقول...

خلقت الازمات لنتعلم منها ونخرج أكثر قوة
=====
اما الحكم فى المسألة لابد لها من تفاصيل أكيد يعلمها المقربون
بارك الله فيك و اقر عينك

ومازلتُ أتعلم يقول...

موضوع صعب جدا
بس هوه برده مالوش فى الطيب نصيب:))
وعلى فكرة ده نصيب ربنا مقدره ومش بيظلم حد..وكل ده فى ميزان الحسنات.

تحيتى ليكى ياموناليزا

دكـــــتور جدا يقول...

فعلا ولا يستاهل سيبك منه

موناليزا يقول...

مدحت محمد
ـــــــــــ
اهلا بيك استاذ مدحت
رغم انى متابعة جيدة لعمرو خالد بس اول مرة اعرف حاجة زى كدة انا سمعته قال ان الخائن سيأتى يوم القيامة يحمل راية غدره والله اعلم
دمت طيبا ولمدونتى زائرا





********************************




سلوى
ــــــــــ
وعليكم السلام ورحمة الله وبركاته
اختى الحبيبة:هى هتندم ليه طيب؟ يكفيها انها اتقت الله ولم تخن
نورتينى سلوى الجميلة ودمتِ بخير






**********************************





المصرية مسز رايتر
ــــــــــــــــــــ
اختى الحبيبة:اشكرك جدا لمشاركتك القيمة
نورتينى غاليتى ويسعدنى دائما تواجدك







********************************





كيكى
ــــــــ
اختى الحبيبة:اشكرك لزيارتك ولاتفاقك معى
نورتينى






**********************************





صانعة الحرية
ـــــــــــــــ
اختى الحبيبة:ربنا يكرمك واشكرك جدا على ذكر الرابط
نورتينى حبيبتى ودمتِ بخير






*********************************




نهر الحب
ــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر فينك من زمان يارب تكونى بخير
انا الحمدلله بخير ازيك انتِ ياجميلة

ربنا يسعدك ويرزقك بكل الخير
نورتينى غاليتى واشكرك جدا لمشاركتك








**********************************





الفقيرة الى الله ام البنات
ــــــــــــــــــــــــــ
اختى الحبيبة:صح جدا
وجارى البحث عن السطر اللى هنبدأ منه:)
نورتينى حبيبتى ودمتِ بخير







********************************






الطائر الحزين
ـــــــــــــــ
اهلا بيك يافندم
فعلا وما اقسى هذا النوع من التعلم
==
الموضوع مش محتاج حكم ولاحاجة ده مجرد شعور بينها وبين نفسها
دمت طيبا ولمدونتى زائرا






*********************************





ومازلت اتعلم
ـــــــــــــــــ
اختى الحبيبة:متفقة معاكِ جدا
نورتينى حبيبتى واشكرك جدا لمشاركتك








********************************







ضكتور
ــــــــــ
اهلا بيك يافندم فى زيارتك الاولى
هى فعلا سابتها منه ومن كام سنة كمان
نورت مدونتى واشكرك لمشاركتك

ghorBty يقول...

السلام عليكم

موناليزا

عادة نفكر بطريقه ويتضح لنا انها غطأ ..

حينما نعطي بسخاء وبحسن نيه لنرضي من امامنا ونجده لا يقدر ذلك فيصينا الحزن والندم علي حالنا لاننا اعطينا من لا يستحق فحتمنا قد اخطاءنا لاننا لو كنا نعطي لنرضي الله اولا لوجدنا الراحه داخلنا حتي لو لم يقدر الطرف الاخر هذا ..

حينما نحمي انفسنا ونحافظ عليها ظننا منا ان الله سوف يعوض علينا ويعطينا الكثير جزاء علي هذا ونجد اننا وقعنا في شحص لا يستحق اصلا ويصينا الحزن حينها فحتما اننا اخطاءنا لان الله لا يظلم احد .. انت حافظتي علي نفسك ولم تبعثي كالعابثين فقد كتب لي كل هذا عند الله وربما اعطاكي الله من لا يستحق ليس اٍلا لرفع الدرجات في الاخره وعلو مكانه فالصالحين كما تعرفي هم اشد بلاء احمدي الله ولا تبكي لا علي نفسك ولا علي غيرك .. علقي قلبك بخالقك وانظري للموضوع بنظره تانيه ليست نظره من وجهه نظر الناس الذين لا ينظروا اٍلا تحت اقدامهم اٍلي الدنيا الفانيه .

والايام دول والدهر قلب ولو كان ما فات عليك ان شاء االله الجاي لك ..

اسعد الله قلبك الطيب .. وادخل السرور عليه فهو ولي ذلك والقادر عليه ..

دمت طيبه وبخير

(green eyes) يقول...

معاكي في الكلام دا ميه في الميه وعن تجربة :$
ومن غير موسيقى تصويرية كمان :)
كله بيتنسي وكله بيعدي والدنيا مش بتقف ابدا على حد

همس الاحباب يقول...

وبشر الصابرين
ربنا يسعدك فى الدارين فهو القادر على كل شىء
تحياتى وتقديرى

وحي القلم يقول...

اللي يعمل كده ميستهلش ولا حتى دمعة عينينا
اللي يعيش يامة يشوف
وقليل يحب
فلازم نختار صح

ahmed_k يقول...

أختي الكريمه
فعلا كل ما يمر بنا هونصيب
ولكنه يكون بأيدينا غالبا
فالرضا أهم سلاح به يمكن مواجهة الملمات والصعاب
ولا أصعب من الخيانه والغدر
فالتفوض أمرها لله فإن كانت مظلومه فهو لن يضيعها وإن كانت ظالمه فاليسامحها الله

تقبلي خالص تحياتي

kochia يقول...

ان كان لا يستحق ما فعلته
فلا يستحق الدموع كذلك
ويعوض الله عليها ان شاء الله

تحياتي

موناليزا يقول...

غربتى
ـــــــ
وعليكم السلام ورحمة الله وبركاته
اختى الحبيبة:اشكرك جدا لمشاركتك
وأدعوا الله بان لا تتجرعى مرارة هذا الكأس
نورتينى حبيبتى ودمتِ بخير






********************************






جرين ايز
ـــــــــــ
اختى الحبيبة:اشكرك لاتفاقك معى:)
نورتينى حبيبتى ودمتِ بخير






*********************************





همس الاحباب
ـــــــــــــ
اهلا بيك استاذ خالد
ربنا يكرمك ويتقبل دعائك
دمت طيبا ولمدونتى زائرا






*********************************





مصعب صلاح
ـــــــــــ
اهلا بيك استاذ مصعب فى زيارتك الاولى
نورت مدونتى واشكرك لمشاركتك
الدموع ليست عليه هو ولكن على نفسها






***********************************






احمد-ك
ـــــــ
اهلا بيك استاذ احمد
اشكرك جدا لمشاركتك
دمت طيبا ولمدونتى زائرا






********************************





كوشيا
ـــــــ
اختى الحبيبة:اشكرك جدا لمشاركتك
نورتينى حبيبتى ودمتِ بخير

أحساس لسه حى...كلام من جوه روح لكل روح يقول...

عزيزتى

بس اكيد كل اللى زعلانه عليه علشان كان شئ مهم وكبير فى حياتك


ومفهاش حاجه انك تزعلى عليه لاننا بنتوجع لما نفكر ان شئ حلووووووووو اوووووووووووى ويطلع الشئ ده وحش اووووووووووووى

وربنا بيعوض

تحياتى

سلام

مجداوية يقول...

السلام عليكم

والطيبات للطيبين والطيبون للطيبات

من يغدر ومن يبيع من اشتراه باع نفسه بلا ثمن وأهان نفسه أولا فيكفيه احساسه بهذا الفارق الانساني وعجزه عن الارتقاءلمصاف الطيبين

وهذا يثبت أن كل أمر المسلم خير

شموسة يقول...

أحد الصحابه قال ( ربما منعك ليعطيك )

وصدقينى المقولة دى صح مليون في الميه وعن تجربه ...
إن ربنا يمنعك من شخص انتى متخيلاه كل الحياه وتحبيه وتوجهي له كل مشاعرك تقريبا ....... وفي الآخر ميقدرش كل حاجة وآى حاجة.
موناليزا موضوعك جه علي جرح قديم لسه موجود آثاره، بس الحمدلله ربنا عوضنى خير

تحياتي لقلمك موناليزا
شموسة....

حاجات جوايا يقول...

فعلا والله
مالوش فى الطيب نصيب
ربنا يعوضك خير ان شاء الله
اللهم آمين

GiGi world يقول...

والله يامونى ياحبيبى ولا خساره فى الاايم دى فعلا
بس بجد انا اتعودت مااندمش على حاجه مهما كانت قيمتها عندى يمكن ازعل شويه بس الاكيد انا عمرى ماهندم ولازم هى كمان تكون كده ده فدر

موناليزا يقول...

احساس لسه حى
ــــــــــــــــ
اهلا بيك يافندم
من فضلك لا تقول لى "عزيزتى" موناليزا وحدها تكفى

هو العادى انه مفيهاش حاجة لو تزعل عليه لكن فى الحالة دى كان يجب ان اضع هذا التصحيح لانها فعلا مش زعلانه عليه هو
دمت طيبا ولمدونتى زائرا






********************************




مجداوية
ـــــــــ
وعليكم السلام ورحمة الله وبركاته
اختى الحبيبة:دائما تمتعينى بتعليقك
ربى مايحرمنيش منك
نورتينى غاليتى ودمتِ بخير







**********************************





شموسة
ــــــــ
اختى الحبيبة:اسعدتينى بمشاركتك وببشرى تعويض الله لكِ
ربنا يسعدك ويهيئلك كل خير
نورتينى شموسة الجميلة






***********************************






حاجات جوايا
ـــــــــــــــ
اختى الحبيبة:ربنا يعزك واشكرك جدا لمشاركتك
نورتينى سالى الجميلة ودمتِ بخير






********************************





جيجى
ــــــــ
اختى الحبيبة:هى برضه مش ندمانة هى بس زعلانة شوية:)
ربنا يهيئلك كل خير
نورتينى جيجى الجميلة

عمك ياض يقول...

"عجباً لأمر المؤمن، إن أمره كله خير، وليس ذاك لأحد إلا للمؤمن؛ إن أصابته سراء شكر فكان خيراً له، وإن أصابته ضراء صبر فكان خيراً له." رواه مسلم.

قال سبحانه: وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ {البقرة:216}

MOHAMMED ELBANNA يقول...

فعلاً عند حق ياموناليزا
( مالوش فى الطيب نصيب )
وفعلاً الزمن كفيل انه ينسي اي انسان كل حاجه وحشة مرت عليه .
تقبلي مروري وتحياتي .
محمـــد البنا .
طريق النجاح

موناليزا يقول...

عمك ياض
ـــــــــ
اهلا بيك يافندم
ربنا يكرمك واشكرك جدا لمشاركتك
دمت طيبا ولمدونتى زائرا







*********************************





محمد البنا
ــــــــــــــ
اهلا بيك استاذ محمد
اشكرك جدا لرايك ولمشاركتك
دمت طيبا ولمدونتى زائرا