الأحد، 27 سبتمبر 2009

حكايتى مع الحجاب

رأتها صديقتها بعد فراق دام قرابة عشرة سنوات ولم تتعرف عليها من أول وهلة. فقد كان مظهرها مختلف تماماً عما أعتادته منها. فقد رأتها ترتدى عباية واسعة وطرحة كبيرة ولا تضع على وجهها أى من مساحيق التجميل ولا حتى زبدة الكاكاو الحمراء التى كانت مشهورة بها فى معظم الأوقات بالإضافة إلى عدم نمص الحواجب وترقيقهم. فقالت لها:ياااه تصدقى ماعرفتكيش.
- معقول ! هو أنا شكلى أتغير أوى كده؟؟؟.
- لأ هو مش شكلك اللى أتغير دى طريقة لبسك.مش مصدقة أنى أشوفك كده!أول مرة أعرف إنك إتحجبتى.بس قوليلى أنتِ إتحجبتى إمتى؟.
باغتها السؤال وكأنها ذكرتها بأحداث من زمن بعيد تكاد تتذكرها. فهى من يوم إلتزامها وهى أسقطت من ذاكرتها ما حدث قبلاً.
- ده أنتى ماشوفتنيش من زمان بقى.
- بس قوليلى إيه اللى حصل؟ وإيه سر التغيير ده كله؟.
- الحمدلله ربنا هدانى.
- أيوة بس إزاى إحكيلى؟.
- أنتى ليه مستغربة أوى كده؟؟؟.
- يا خبر!! أنتِ نسيتى ولا إيه!. ده أنتِ كنتى أيام ثانوى ضد فكرة الحجاب من أصله وكنتى الوحيدة اللى بتسيب شعرها وتلبس قصير وكمان كنتى بتعرضى علينا دايماً خلع الحجاب بحِجة أننا لسه صغيرين وأن الجو حر. ويوم ما يحصل وتلبسى طرحة بيكون فى شهر رمضان وفى الغالب كان بييجى فى الشتا فكنتى بتحبى الموضوع عشان بتدفى أكتر ويوم ماتلبسيه فى غير رمضان بيكون عشان نبقى لابسين زى بعض كانت الجيبة تبقى على الركبة وبفتحة من ورا كمان.
شعرت بسخونة فى جسدها من هذه الكلمات وكأنها تخجل من أن تكون فكرة زميلاتها عنها كده.
- ياخبر أبيض!! أنا كنت بعمل كده!!.
أستغفر الله العظيم يارب.
ياااه ده أنا كنت وحشة أوى .
ألف حمد وشكر ليك يارب أنك هديتنى ليك.
- شوفتى بقى ليا حق أستغرب. يابنتى ده أنتى كده غلبتينا كلنا.قولى بقى إيه سر التغيير ده؟.
وشردت بذهنها محاولة إستعادة ذكريات مضت وقالت:
- البداية كانت بعد نتيجة الثانوية العامة. كنا بنجهز لفرح بنت خالى ولفتت نظرى أنها رغم كونها العروس إلا أنها كانت طوال الوقت تحرص على إرتداء الحجاب حتى وإحنا فى البيت مش بس وإحنا خارجين. حتى لو مين عندهم أو هتطلع البلكونة أو هتفتح باب الشقة الحجاب دايماً على رأسها.
ومش قادرة أنساها يوم زفافها. كانت موضة حجاب العرايس لسه ما ظهرتش. يومها مابطلتش بكاء لأنها مضطرة تسيب شعرها رغم رفضها للفكرة بس كل اللى حواليها ظلوا يحبطوها بالكلام. حسيت وقتها إنها عندها حاجة غالية أوى مش عندى.
إشمعنى هى بتحافظ أن محدش غريب يشوف شعرها رغم جماله وطوله ونعومته وأنا عادى بلبس البادى والنص كم وجيبة قصيرة ومش حاسة بأى مشكلة.
وفى مرة بنت معرفهاش وجدتها بتسألنى :أنتى مسلمة ولا مسيحية؟.
وقتها اتضايقت جداً ونظرت لها نظرة تعجب من السؤال وقلت لها: طبعاً مُسلمة..
ردت باستهتار: مش باين.
ويوم ما فكرت أغطى رأسى لبست إيشارب وبلوزة بكم وبرضه الجيبة قصيرة.
وفاكرة أنى كنت بتعرض لمعاكسات بايخة. وفى كل مرة بتعاكس فيها مكنتش ببقى طايقة نفسى وأروح البيت أقعد أعيط رغم أن المعاكسات زمان كانت محترمة مش زى دلؤتى يعنى كان كبيرهم يعلقوا على لبسى بكلمة بسمع آخرها لأنى كنت بمشى بسرعة أصلاً. المهم فى مرة وأنا مخنوقة كده حكيت لـ"فوفو" صاحبتنا وسألتها :هو أنا جيبتى قصيرة أوى كده؟؟؟.
قالت لى باستغراب: انتى بتسألى!! هو أنتى مش شايفاها؟؟؟.
قلت لها:أنا شايفاها عادية.. ردت وقتها برد حاسم: أيوة قصيرة جداً كمان.
ومن هنا قررت ألبس جيبة طويلة بس تكون ضيقة لأنها لو واسعة ممكن تطير. فكانت مآساة لأنى أصلاً بمشى بسرعة فماكنتش عارفة أمشى براحتى.
وبعدين الموضوع تطور بداخلى وقلت لمزيد من الستر أنا ماعدتش هلبس جيبات خالص أنا هلبس بناطيل لأنها كانت من وجهة نظرى حشمة أكتر وفضلت طول فترة الجامعة لابسة بلوزات وبناطيل وعليهم الإيشارب.
وبرضه قابلت بنت معرفهاش لقيتها بتقولى:انتى متشبهة بالرجال ليه؟
قلت لها :إزاى يعنى أمال الإيشارب ده إيه؟
قالت: أنا أقصد البنطلون.
معرفتش أرد عليها وخصوصاً أنى كنت وقتها حاسة أنى عملت إنجاز فى طريقة لبسى.
وقلت لصحباتى وجدتهم خدوا الموضوع بهزار وأصلها ماشافتكيش أيام ثانوى ولما وجدونى إتضايقت قالوا لى :أنتى البسى زى ما يعجبك لأنك رفيعة أوى فماتخافيش مش هتفتنى حد.
وتناسيت الموضوع.
وبعدين ظهرت موضة التونيك(البلوزة الطويلة) ووجدت أن الفرق كبير وأن التونيك بيسترنى أكتر وبدأت آخد بالى أن البنطلون بيقسم حجم الساق وأنه مش ستر أوى زى ما أنا كنت معتقدة.- رغم أنه كان واسع مش زى اللى البنات بيلبسوه دلؤتى-.
ووقتها بدأت أقرأ جدياً عن الحجاب ومواصفات الحجاب الشرعى.
وكان وقتها صعب أنى أتنازل عن إرتداء البنطلون وخاصة باقتناعى التام أنه حشمة ومابيظهرش حاجة من جسمى ومعاه بقدر أتحرك براحتى دون الخوف من فتحة جيبة تتقطع أو هوا يطير الجيبة لو واسعة
ولذلك قررت إرتدائه تحت ما أرتدى ويكون بنفس لون الجيبة- ماهو برضه لازم أحافظ على مظهرى-
وسبحان الله سمعت مقولة بتقول"رحم الله المتسرولات".
ده غير ان كان فيه رسايل ربانية كانت بتجيلى بالصدفة البحتة. يعنى مثلاً دكتور عندنا قبل ما يبدأ المحاضرة يعلق على لبس البنات ويقولنا المفروض يكون إزاى. وأن البنت المحترمة بتتعرف من لبسها. وأقنعنى بحاجة حلوة أوى .أن الحاجة الغالية لازم تكون متغطية. ولو هتحب تشترى حاجة لازم تشتريها بغطائها. حتى لو هتشترى قلم جاف لو كان من غير غطا مش هتشتريه. ولو حلة للطبيخ برضه مش هتشتريها من غير غطا. وأنك لو عندك دهب أو مجوهرات لازم هتضعها بداخل علبة. ولو عايز تحافظ على عُمر أى حاجة لازم تغطيها. وأن أى حاجة من غير غطاها بتفسد وبتبقى عُرضة للإيذاء وانتشار الجراثيم والحشرات والغبار عليها.
أما عن طرحتى الطويلة فسبحان الله بجد جاءت بالصدفة البحتة فى أول الأمر.
إشتريت فى مرة طقم لونه غريب ومفيش طُرح تليق عليه خالص ولفيت المحلات كلها وفين وفين لما وجدت طرحة تليق عليه بس كبيرة فاشتريتها ولبستها. وبعد كده لما كنت ألبس طقم تانى بطرحته القصيرة كنت بشعر بفرق وبأن - رغم لبسى الواسع- الطرحة الكبيرة بتسترنى أكتر.
لدرجة أن فى شغلى كانوا صحباتى بيقولوا عليا أنى بلبس الدولاب قبل ما آجى.
ومعاهم حق الشراب تقيل صيف وشتا والبنطلون طبعاً أساسى ومِعصم وطرحتين واحدة كبيرة والتانية قصيرة ده غير الطقم الأساسى.
والحمدلله بجد.
- ياااه ماتتخيليش أنا فرحانة بيكِ قد إيه ربنا يثبتك.
تعرفى رغم أنى اتحجبت قبل منك بس ماوصلتش لدرجة إقتناعك الكامل ده وحبك للحجاب كده.
بس فين كلامك عن الحر.
- حر جهنم أشد.
- أقولك على سر أنا يوم ما بدأت ألتزم شعرت أنى أتخطبت لحد بيحبنى أوى وبيغير عليا وعايز يحمينى. كان شعور رائع بحق لا أستطيع وصفه.
- طب ياستى بركاتك. ودعواتك.
- ربنا يتقبل منا ويرضى عنا ويهدينا ويعزنا بطاعته ويثبت قلوبنا على دينه.
اللهم آمين.
*************
سؤال جانبى
ـــــــــــــــــــــــــ
* أذكرى حكايتك مع الحجاب؟ ومنذ متى أرتديتيه؟ وما هو شكله؟ (خاص بالنساء).
* متى تطلب من بنتك إرتداء الحجاب؟ وما رأيك فى المرأة المحجبة؟ (خاص بالرجال).

هناك 83 تعليقًا:

د/عرفه يقول...

جميل ان كل بنت تكون مقتنعة بالحجاب ومش مجرد اجبار او قهر من والدها


وربنا يستر بنات المسلمين

بالنسبة ليا اظن انى مش هطلب منها ابدا لانها هتلبسه لوحدها لما تشوف والدتها وقرايبها ملتزمين بيه هيا اللى هتطلب تلبسه لوحدها ان شاء الله

The illusionist يقول...

انا اقول
بما انى كبير يعنى
المحجبه
اعتقد يعنى ان لو حجابها على قناعه وايمان
تبقى احسن ست فى الكون موجوده
الماره تعتبر جمال يمشى على قدمين
فما بالك لو تخلت المراه عن هذه الميزه لطاعه الله وسترت نفسها فقط لطاعه الله
فى حين انها حره تماما
اعتقد ان النساء الغير محجبات
وان شعرن انهن متميزات
فانا اثق
انى حتى لز من الشباب الفساسد
ان فكرت فى التزوج
ساتزوج امراه صالحه تعيننى على ان اكون تقيا
ومن لم تستر جسدها وشعرها
فلن تستر اى شئ بعده
ولو ان كل واحده تحجبت واتبعت الحجاب الشرعى
سيتزوجن واحده تلو الاخرى
فلكل واحده نصيبها
وان تعرت
فلن ياتى لها العريس الذى يكرمها
بالعكس
سيكون وبالا
كل امراه لها نصيب
ولكن ان اتقت ربها
سيكون نصيبها خيرا بالتاكيد
جزاكم الله خيرا
واللحمد لله على نعمه الاهتداء
ونعمه الحجاب

GiGi world يقول...

اولا وحشتينى
ثانيا البوست اكثر من رائع حقيقى
ربنا يعزك ويباركلك يارب
قصتى بقه انا اتحجبت من زمان وانا فى تانيه ابتدائى بس هى قصه طويله هبقى احكيها بعد كده لان فى الاول عن عدم اقتناع ووووو
لسه هكتب كل ده
تحياتى

صاحبة هدف يقول...

ياااه مش معقول أول تعليق

جزاكِ الله خيراً

والله الحجاب بيضفي جمال للمرأة غير عادي

بالنسبة لسؤالك:

أنا اتحجبت وأنا في أولى إعدادي

مش بحكاية ولا حاجة..لطبيعة المنزل إنهم كلهم ملتزمين بفضل الله

بس في الأول كنت بنساه أحيانا..لحد ما اتعودت

الزي الحالي الخمار

ربنا يكرمك على مواضيعك الهادفة

maha zein يقول...

يااااااااااااااااااه
اد ايه العفة حلوة
اد ايه الى ربنا بيحبه بيكرمه اوي
و بيهديه
ادايه ناس بتموت من قبل ما ربنا يمن عليها بالهدا

لا اله الا الله

الحجاب حلو جدا و عفة وطهارة
و النقاب اطهر و اعف
و التحلي بخلق الدين و طلب العلم الشرعي من اسما المهام
ربنا يثبتها و يثبتك ويثبتني و يثبت جميع بنات المسلمين

انا عن نفسي بقه اعتقادي الان بعد الالتزام اني البس بنتي الحجاب من سنة رابعة ابتدائي او تالتة او خامسة
المهم انها قبل البلوغ
عشان تتعود عليه
يعني انا اختي الصغيرة عندها حوالي 10 سنين
الا انها محجبة و محافظة علي حجابها اكتر من اي واحدةكبيرة
لدرجة انها لما بتشوف بنت لابسة بنطلون بتتخض و تقولي ربنا يهديها دي مش خايفة تموت في اي لحظة


ربنا يهدي بنات المسلمين

ربنا يبارك فيكي

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى وأخواتى وجعل الجنة مثواى ومثواكم .
إزيك أختى الكريمة موناليزا ، أدعوا اله أن تكونى فى خير حال وأن تكونى فى عفو وعافية من المولى عز وجل .
- لما البنت الصغيرة بتلاقى البيئة اللى هى متربية وأقرب الناس ليها محجبين بتلاقيها لوحدها وبالفطرة والله بتغطى شعرها لوحدها وتكون حريصة على كدة ودا عن تجربة شخصية شفتها بنفسى .
- ولما الواحد بيشوف واحدة محجبة الحجاب الشرعى بيكون فى غاية الفرحة والسعادة وبيتباهى بيها لإنها أولا وأخيرا أخته فى الدين .
اللهم عف نسائنا ونساء المسلمين يارب العالمين .
اللهم حبب إلينا الإيمان وزينه فى قلوبنا وكره إلينا الكفر والفسوق والعصيان إنك أنت الحليم الرشيد .

(المهاجر الى الله) يقول...

السلام عليكم ورحمة الله وبركاته:
الحمد لله رب العالمين على هدايته ايانا والتى بدونها لم نكن لنتهدى ابدا.
لقد لفت انتباهى سؤال صاحبتها ليها عن ديانتها اهى مسلمة ام نصرانية ، لانه فعلا طريقة الملبس المتبرج لا تجعل الفتاه المسلمه مختلفة عن الكافرة سواء اكانت نصرانية او يهوديه او هندوسية او غير ذلك.
كما انه يضع صاحبته دائما على اقل تقدير فى موضع شبهات لانها ايضا لا تكون مختلفة عن بنات الليل ،هكذا يدل مظهرها الخارجى.
والفتاه المسلمة الحريصة على نفسها والتى تدعى الايمان بربها لا تقبل مجرد القبول فقط بفكرة ان تكون فى موضع شبهة اهى مسلمة ام لا اهى فتاة لا.
وكثيرا ما كنت ارى فتيات لا يكدن يرتدين شيئا وكنت اسمع تعليقات الناس عليهم من الجنسين بان اللعنة على من رباها : او مفيش راجل فى عيلتها او ان ابوها ده يبقى(....) وهكذا من التعليقات التى لا تكاد تمر لحظه فى كل بقعة الا ونسمعها حتى مللناها.
من الجيد ان تتحجب الفتاه لكن ليس من الجيد ان ترتدى طرحة او ايشارب وعباءه طويله وتدعى ان هذا هو الحجاب ، فللاسف الشديد كثيرا من الفتيات اللاتى يعتدقن انهن محجبات هن فى الواقع يرتدين كرنفال من الالوان ولمجرد تغطية شعر الراس اصبح هذا حجابا، وكان من الاحرى اختى الكريمة لو كنتى ذكرتى شروط الحجاب الشرعية فى البوست بدلا من وضع لينك لها ذلك كان سيكون افضل وابلغ.
_وايضا اكثر ما يسيئنى هو اننا نسمع كثيرا تلك الكلمة القبيحة التى تعلمتها فتياتنا واصبحن يرددنها كالبغبغاوات ( مش مقتنعة) ، هكذا بمنتهى البساطة تضع امر الهى محل نقاش ثم هى فى النهاية مقتنعة ام لا .
انها لا تعرف بان الله سبحانه وتعالى ليس بحاجة الى اقتناعها ، بل هو غنى عنها بالكلية ، من تكونين حتى تقتنعى او لا تقتنعى ، انه امر الهى واجب النفاذ بدون تفكير بدون تعليق بدون تردد.
اهى تصلى عن اقتناع ، اهى تصوم عن اقتناع ، ان الحجاب الشرعى لهو فرض على المرأة كالصلاة والصيام تماما. فالمسألة لا علاقة لها بالقتناع من عدمه ، امر لابد ان ينفذ حتى تفوزى برضا الله سبحانه وتعالى .
_ومن اكثر ما يتسبب لى فى الم شديد اعتقاد الفتيات ان الحجاب الشرعى ما هو الا مجرد ملبس . تتوافر فيه الشروط الشرعية التسعة الرئيسية ، وانتهى الامر .
وانا اقول لها لا ، ان الحجاب قبل ان يكون مجرد قماش يغطى الجسد فهو سلوك وافعال ، فكثيرا ما نرى محجبات بل ومنتقبات يقدمن اسواء الصور عن الزى الشرعى ويقدمن لاعداء الحجاب والطهارة هدية على طبق من ذهب ، وذلك من خلال سلوكهن المشين وافعالهن الغريبة التى لا تتناسب مع ما يرتدينه ، كما ان الحجاب الشرعى ( وهو ما لا يعرفه الكثير من عامة المسلمين ) يبدأ اساسا بالقر فى البيوت ، ومعناه الا تخرج المرأة مطلقا من بيتها الا لضرورة قصوى ، فالمقصود من الحجاب هو احتجاب المراءة عن اعين الرجال لا لانها عار يجب ان نتجنبه كما يدعى السفهاء بل لانها اغلى شىء فى حياة الرجل ، لانها اعظم واكبر من ان تلوثها الشبهات والقيل والقال، لا الله ارادها مصونة عفيفة طاهرة .

_تحياتى لك اختى على هذا البوست الرائع ، الذى يحمل بين كلماته معانى ارجو ان تصل الى عنان السماء فيهدى بها الله من شاء من عباده:

اعتذر عن الاطاله.

غير معرف يقول...

يارب آآآمين ,,
عسى الله ان يثبتنا على طاعته ,,
ليس من الصعب البدء في طاعه و انما الصعب الأستمرار فيها ,,

الحمد لله الذي هداها ,,
و عقبال كل البنات ,,

بالنسبة لحجابي ,,
انا من يوم كان عمري 12 سنة تقريبا ماترك الحجاب الكامل ,,
كنت البس العباية على الرأس ,,
و اغطي كامل وجهي و حتى عيوني ,,
و البس الجونتيات كمان و الشراب ,,

الآن عمري 23 و داخله 24 و حجابي زي ماهو ما تغير ,,
لاني اخترته عن قناعه ,,

مشكوره ع التدوينة النافعه ,,
لا حرمك الله اجرها ^^

طهر فؤادك يقول...

السلام عليكم ورحمة الله وبركاتة ,,,
جزاكى الله خيرا على الموضوع دة وان شاء الله يكون فى ميزان حسناتك يارب ... والحجاب عفة وطهارة وستر والخ علشان فعلا الكلمات تعجز على وصف محاسنة بالنسبة للمرأة وربنا يهدى نساء المسلمين اللهم امين على تطبيق مامر الله بة وندعى ان شاء الله ونوحد الدعاء لكل من يشككون فى الحجاب ونقول اللهم اهديهم ويجعون الى الدين وتعاليمة رجوعا جميلا بأذن الله تعالى ..
وطالب من حضرتك وقبل الطلب اشكرك على اللوجو بتاع اللحملة ..
ياريت تساعدينى بتنوية صغير فى الموضوع دة لحملة"مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى وكل الى يحب فى الحملة دى وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين .
http://rasoulallah1.blogspot.com/

akeed يقول...

اتشرف باول تعليق فى هذا الموضوع الهام

اختى العزيزة

ان الحجاب امر من الله عز وجل لكل مسلمة و لو تكلمنا من الناحية العملية فى حياتنا العادية فمثلما قلتى تتجنب المحجبة نظرة الناس باستياء اليها و تتجنب المعاكسات و تحافظ على (اللحم الغالى) وهذا الاصطلاح سمعته من شيخ جليل .

و بالنسبة لنا معشر الرجال فاننا نحترم كل مسلمة ترتدى الحجاب الشرعى الذى يستر بدنها و عندما نختار شريكة للحياة تكون اول ما نفكر فى الارتباط بها .

فالحجاب كله خير للمرأة المسلمة فى الدنيا و فى الآخرة

ادعو الله ان ان ينفع بكِ المسلمين و يكون هذا الموضوع فى ميزان حسناتك

تحياتى و تقديرى

sherehan يقول...

السلام عليكم ورحمة الله على فكرة موضوع الحجاب ده جميل وانا برده موضوع الحجاب جه معايا بالتدريج من حجاب قصير لطويل وربنا يكرمنا بلبس النقاب قريب ولا تنسونا من صالح الدعاءsherehan.moh2@google.com

غير معرف يقول...

الله يثبتك يارب كمان وكمان
ويجعلك من المحافظين على ديننهم وإسلامهم
ويجعلك نور لمن اهتدى يارب

LuLu

الازهرى يقول...

القصة جميلة وتذكرنى بالرحلة من الشك الى اليقين

نبدأ اخوتى فى الحجاب لدى ظهور اول لمحة من الانوثه مبكرا
وهذا فى السن كان مع الكبار فى الصف الثانى الاعدادى اما الصغرى ففى الصف السادس

ورأيي فى المحبه انا امرأة أصرت على أن تصون جسدها عن الذئاب والمتطفلين وتصون كتابها عن الذنوب
وقبل كل شىء ترضى ربها

تحياتى دوما

TIMMY !! يقول...

ربنا يثبت نساء المسلمين على الحجاب الصحيح ,

و بالنسبة للسؤال الخاص بالرجال , فإن كانت لي ابنه فسألزمها بالحجاب متى بلغت ,
أما قبل ذلك فسأجعلها تحب أن تلبسه بحب للذهاب إلى المسجد مثلا أو صلاة العيد ,

أما بالنسبة لرأيي في الفتاة المحجبة , فلا يحتاج ذلك إلى رأي , ربنا يثبتها و يجعل نساء المسلمين مثلها ,

هذا بالنسبة للفتاة ( المحجبة ) و ليست الفتاة التي ( تغطي شعرها ) , فالفرق بينهما واااااااااااااسع !!

NilE_QueeN يقول...

اسعدتني قصة صديقتك
سبحان مغير الاحوال

وعن سؤالك

فانا اتحجبت ف الاجازه بعد الابتدائي وقبل ما ادخل الاعدادى كان عمرى تقريبا 12 سنه و الصراحه كان الامر صعب عليا كالتزام دائم بالحجاب

انا كنت بلبس طرح احيانا زى اى طفله لو هصلي او من باب التغيير

بس قبل ما اتحجب كنت بلبس هدوم ضيقه و قصيره و كان صعب عليا اتنقل من الميني جيب للهدوم الطويله و الطرحه خصوصا مع حر الصيف

اول ما اتحجبت كنت بلبس بناطيل ضيقه لفتره يجي سنتين و دا دلوقتى مضايقني جدا كل ما افتكره لانى بحس انى مكنتش لسا اتحجبت وكان الامر مجرد تغطيه لراسي واحيانا كمان كنت بلبس هدوم شفافه

لكن وانا ف تالته اعدادى كان رمضان جاى مع بداية الدراسة واختى طلبت من ماما تجيبلها اسدال تصلي فيه التراويح وكان ف وقتها الاسدالات كانت منتشره جدا فا جابته لها و هى قررت تلبسه عالطول وجابتلى واحد انا كمان كنت بلبس هدومى المعتاده وانا نازله الدرس و بليل اخرج اصلي بالاسدال
وصادف وقتها انى كنت بنزل وزني ف هدومي مبفتش مناسبه ليا ومكانش ينفع كل اسبوعين اجيب حاجه البسها شويه وارميها فا قلت هلبس الاسدال على ما اثبت وزني
و نزلت وزني و ثبته و مبطلتش اللبس اسدال ولا رجعت للبناطيل و حاليا بلبس يا عبايه يا اسدال
و حقيقي حسيت بالفرق لما امشي مغطيه جمسي ومفيش حاجه ظاهره منه بحس انى عزيزه و غاليه مش ملكيه عامه

المعتصم يقول...

السلام عليكم ورحمة الله وبركاته
اولا تحياتى وسلاماتى
ثانيا الموضوع جميل وياريت فعلا كل بنت تقتنع وتحرص على الحجاب بالطريقه الصحيحه مش على الموضه
ثالثالما تبقى تيجى البنت اول ماتكبر ويبقى عندها اربع خمس سنين كده تتحجب علشان تبقى متعوده عليه وعارفه انه مش حاجه على الموضه وانه حاجه ضروريه
رابعا يعنى مش محتاجه كلام رأيى فى المرأة المحجبه يعنى هو ينفع يبقى فيه طبقين فيهم اكل واحد متغطى وواحد مش متغطى ينفع اكل من اللى مش متغطى وعرضه لكل الجراثيم واسيب المتغطى!!!
طبعا ماينفعش
المرأة المحجبه(بس هنا لازم نقول عن اقتناع وبطريقه صحيحه) واحده عرفت دينها صح وبتحافظ عليه
اما المرأة الغير محجبه فربنا يهديها ويصلح حالها لانها عندها نقص فى حاجات كتييير
كفاية رغى
صدعتك صح؟؟
بس على فكرة النت لسه مقطوع
ســــــــــــــــلام

مواطن شووجااع يقول...

ربنا يحفظكـ ويحفظ بنات المسلمين
ويرزقنا الهدي والتقي والعفاف والغني

همس الاحباب يقول...

كل سنة وحضرتك طيبة
وجزاكى الله خيرا على موضوعاتك
اعتقد ان بنتى سترتدى الحجاب من سن 10 سنوات على الاكثر باذن الله حتى تتاقلم على ارتدائه منذ الصغر
تحياتى

غير معرف يقول...

السلام عليكم
كل عام وحضرتك بخير
موضوع جميل ومفيد
وصور مبدعة
خالص تقديرى

(حلـم) يقول...

موضوع شخصي


واصبح موضة


ليس الا؟؟

عادة


مو عبادة



ووانا شخصيا ليس مع الحجاب ولا ضدة


ع العمموم يا امة اللة

كل الاحترام لحضرتك

شوكولاتة يقول...

الله بوست جميل قوي ياموناليزا ياحبيبتي
أنا هاحكيلك أنا اتحجبت إزاي أنا كان كل لبسي شبه الاولاد كده بنطلون وتي شيرت وكوتشي ووبعدين كنت في مدرسة كانو كل البنات فيها محجبات رحت لبست طرحة في المدرسة بس وبخلعها لما أروح وبعدين اتنقلت ورحت مكان تاني ومدرسة تانية لقيت البنات مش لابسين حجاب خالص بقيت أنا بكسل البس الحجاب البسه يوم وأخلعه عشرة ده انا احيانا كنت بسرح شعري في المدرسة علشان وانا مروحة كنت بقلع الحجاب لحد ماتخننقت وقولت ياألبسه يا اقلعه بس بعدها سمعت برنامج لعمرو خالد كان اسمه اسلامنا بالصدفة ولقيت نفسي نازلة في نفس اليوم اشتي ايشاربات كنت يونها في تالته ثانوي ومن ساعتها الحمد لله ماقلعتهوش أبدا بس كان لسه برضو لبسي كله بنطلونات وفي المدرسة كان المفروض نلبس جيبة وانا ماكنش عندي ولاجيبة وبقيت البس الجيبة وتحتها بنطلون واول مااروح المدرسة اخلع الجيبة ووانا مروحة برضو اخلعها وحصلي نفس اللي كان بيحصل الاول وبعدها بدأت اسمع ان البنطلونات مكروهه ان لم تكن اصلا محرمة فأخدتها من قصيرها وبقيت بلبس جيبات بس شكلها حلو وروشة جدا ومش حرام

بس ياستي ادي الحكاية من طأطأ لسلامو عليكم

ليس فقيرا من يحب يقول...

السلام عليكم

موضوع جميل يا موناليزا

انا شخصيا لبست الحجاب

من اخر الابتدائى كده وملهوش قصه ولا حاجه

لبسته علشان احنا فى ارياف وكله

بيغطى شعره مش علشان انا شفت كده

ساعتها

طبعا الحجاب عفه وصيانه للبنت


وشكله الحالى طرحه كبيره

موناليزا يقول...

د/عرفة
ـــــــــ
اهلا بيك يادكتور
معاك حق لأن اقتناعها هو اللى هيجعلها تحافظ عليه
ربنا يكرمك بزوجة صالحة وذرية طيبة ان شاء الله
اشكرك جدا لمشاركتك


**********************************


زا اليوسينيست
ـــــــــــــــــ
اهلا بيك يافندم
عجبنى رأيك فى رأى الشباب عن المرأة المحجبة
اشكرك جدا لمشاركتك


*********************************


جيجى وورلد
ــــــــــــــ
اختى الحبيبة:اهلا اهلا بالقمر
وانتى كمان ياحبيبتى وحشتييينى جدا
ربنا يكرمك يارب اشكرك جدا لرايك والحمدلله فماتوفيقى الا به
ايوة اكتبى كلى آذان صاغية:)
نورتينى ياجيجى ياجميلة



*********************************


صاحبة هدف
ــــــــــــ
اختى الحبيبة:اهلا اهلا بالقمر
ربنا يكرمك وكأنك أول تعليق
بيضيف جمال وعزة كمان:)
ربنا يثبتك ويبارك فى جميع من حولك وأعانك على طاعة الله
نورتينى ياجميلة وسعيدة بمشاركتك



-*********************************



مها زين
ــــــــــ
اختى الحبيبة:اهلا اهلا بالقمر
الحمدلله بجد أن ربنا هدانا إليه
ربنا يكرمك ويتقبل دعائك ويثبتنا جميعا
:) ياعسل ربنا يحميها يارب ويباركلكم فيها
نورتينى مها الجميلة وسعيدة بمشاركتك



*********************************



هكذا علمنى سيدنا محمد صلى الله عليه وسلم
ــــــــــــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك على مقدمتك الجميلة
انا الحمدلله بخير اشكرك جداً لسؤالك
- ده حقيقى
ربنا يعزك ويتقبل دعائك
أشكرك جدا لمشاركتك


*********************************


المهاجر إلى الله
ـــــــــــــــ
وعليكم السلام ورحمة الله وبركاته
اهلا بيك يافندم
الحمدلله فعلاً فمن يهده الله فلا مضل له
تعليقاً على قسوة كلماتك رغم حقيقتها أذكرك بهذه الآية الكريمة"لو كنت فظاً غليظ القلب لانفضوا من حولك"
أما عن عدم ذكرى لشروط الحجاب الشرعى داخل الموضوع وأكتفائى بوضع صورة معبرة عنه فأحب أوضح لحضرتك أنى أظهرته بطريق غير مباشر فى آخر الموضوع حينما ذكرت ما ترتديه الآن.

متفقة معاك جدا فى ضرورة الإلتزام بأخلاق الإسلام سواء للرجل أو المرأة
ومتفقة معاك أيضاً فى عدم خروج المرأة إلى للضرورة

ربنا يكرمك واشكرك جدا لرايك وربنا يتقبل دعائك
اشكرك جدا لمشاركتك


**********************************



أسيرة اللوحة
ــــــــــــــ
اختى الحبيبة:اهلا اهلا بالقمر
ربنا يكرمك ويتقبل دعائك
ماشاء الله عليك ربنا يثبتك دايما
الشكر لله فماتوفيقى الا به
نورتينى حبيبتى وسعيدة بزيارتك



*********************************


طهر فؤادك
ـــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك اللهم امين

حاضر يافندم نوهت عنه فى موضوعى السابق وسأنوه عنه الآن أيضاً
أى خدمة:)
ربنا يعزك ويتقبل منا ومنكم صالح الاعمال
اشكرك جدا لزيارتك



***********************************



أكيد
ـــــــ
اهلا بيك يافندم
ربنا يكرمك ويتقبل دعائك
واشكرك جدا لرايك ولمشاركتك



*********************************

موناليزا يقول...

شريهان
ـــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
اشكرك جدا لرايك ولمشاركتك
وربنا يهدينا جميعا لطاعته ويثبت قلوبنا على دينه اللهم أمين
نورتى مدونتى وارجو دوام التواصل



**********************************



اينجسلولو
ـــــــــ
اهلا بيك يافندم فى زيارتك الاولى
ربنا يكرمك واشكرك جدا على دعائك ربنا يتقبل
نورت مدونتى وارجو دوام التواصل



***********************************


الازهرى
ـــــــــ
اهلا بيك يافندم
اشكرك جداً لرايك ولمشاركتك
ربنا يثبتهن ويبارك فيهن



*******************************


تيمى
ـــــــ
اهلا بيك يافندم
ربنا يكرمك ويتقبل دعائك اللهم امين
ربنا يرزقك بالزوجة الصالحة والذرية الطيبة ويهديك دايماً لطاعته
أشكرك جدا لمشاركتك


********************************



نايل كوين
ـــــــــــ
اختى الحبيبة:اهلا اهلا بالقمر
فعلا الهادى هو الله
أسعدتينى بمشاركتك جدا
نورتينى حبيبتى وربنا يثبتك


*********************************



المعتصم
ــــــــــ
وعليكم السلام ورحمة الله وبركاته
اولا:يا أهلا وسهلا بعد طول غيااااب
ثانيا:أشكرك جداً لرايك وفعلا لو البنت اقتنعت هتقدر تحافظ عليه
ثالثا: ان شاء الله تيجى قريب:) بس صغيورة اوى 4 سنين هتكون لسه فى الحضانة إيه رأيك خليها لما يبقى عندها7 سنين زى ما ربنا أمرنا نعود ولادنا الصلاة لسبع
رابعاً: عجبنى رأيك وياريت بجد اللى سايبين شعرهم يقرأوه لأن واضح أن آراء الرجال واحدة فى هذا الموضوع
النقص اللى عند المرأة الغير محجبة من وجهة نظرى نقص فى معلوماتها الدينية

غلط يافندم ما صدعتنيش ولا حاجة:)
وبعدين إيه حكاية النت المقطوع ده هو الاستخدام العادل وصل عندكم ولا ايه:)
نورتنى واشكرك جدا لمشاركتك



**********************************


مواطن شوجاع
ـــــــــــــ
اهلا بيك يافندم فى زيارتك الاولى
ربنا يكرمك ويتقبل دعائك اللهم امين
نورت مدونتى وارجو دوام التواصل


********************************


همس الاحباب
ـــــــــــ
اهلا بيك استاذ خالد
وحضرتك طيب وبالصحة والسلامة
ربنا يكرمك ويباركلك فى همس وينبتها نباتا حسنا
اشكرك جدا لمشاركتك


********************************


العصفورة
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
وحضرتك بخير وبصحة
أشكرك جدا لرايك
نورتينى ياجميلة



**********************************



حلم
ـــــــ
اهلا بيك يافندم
من المؤسف فعلاً أنه أصبح موضة ولكننا أيضاً لا نستطيع التعميم
الاحترام لرأي حضرتك الصريح ولكن هل ستجعل ابنتك ترتدى الحجاب أم لا؟
اشكرك جدا لمشاركتك


*********************************


شوكلاته
ــــــــ
اختى الحبيبة:اهلا اهلا بالقمر
ربنا يكرمك واشكرك جدا لرايك
:) اشكرك جدا لمشاركتك وربنا يعزك ويثبتك يارب
نورتينى شوكلاتاية الجميلة



*********************************


ليس فقيراً من يحب
ـــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
:) ربنا يثبتك ياحبيبتى
نورتينى وسعيدة بمشاركتك

أميرة يقول...

هههههههههه

سامحيني علي الضحك بس نصيبك باه ان دا رد فعلي :)

اصلك فكرتيني بشوية حاجات من زمن فات من كتير اوي

والله امبارح سرحت وانا في اشارة مرور و افتكرت كلمتين سمعتهم من يومين لواحدة بتقول ربنا ما يكتب عليا الحجاب - بس لما سمعتها بتبرر ليه قالت الجملة دي لقيتها بتقول الاتي
ربنا ما يكتب عليا حجاب يجيلي علشان مرضت مرضته
ربنا ما يكتب عليا حجاب يجيلي من مصيبة اصابتني
ربنا ما يكتب عليا حجاب يجيلي من عجز و اخر العمر

مش لان كلامها صح او غلط بس لقيتها ليها وجهة نظر بردة

ما الست بتبقي بصحتها وفي ريعان شبابها و طايحة تفتن هنا و هناك!!
متتحجبش الا لو اصابها العجز والشيخوخة و ارتدته علشان تداري التجاعيد والجلد المترهل؟؟

مهو بتبقي رايحة عمرة و حج و راجعة اسوء ما راحت .. سجاير و شرب و الله اعلم ايه تاني !!

مهي بتقول لبنتها الصغيرة عيشي حياتك واتمتعي انتي لسه صغيرة

في كام بيت واسرة البنت الصغيرة تحجبت والام متبرجة؟؟
كتير متعديش

كان واحدة صابغه شعرها تحت الحجاب ومبيناه ولو حتة بربع جنية كده ؟؟

كام واحدة بتلبس ضيق وملزق و الوان لافته واقمشة ملفتة ؟؟

امشي في شارع من شوارع القاهرة كده و شوفي بنات الجامعة و العشرينات واللي اقل منها لابسين ازاي ولابسين او مش لابسين ايه ؟؟ و يا حبذا لو عديتي علي الساحل الشمالي في الصيف و اتفرجي !!

لا واللي اكبر والله علي اعتبار انهن قربوا يبقوا من "القواعد من النساء" !!!

بلاش يا ستي

اخطفي نفسك كده لحد اي محل ايشاربات و طرح

هو الحجاب ابو ترتر و خرز و سلاسل وورود و كرانيش و كريستال وووو

دا غير المطلوق عليها عبايات وهي اقرب ما تكون لحاجة بتنور بليل في الضلمة !!


افهم يعني

هو اللي بيخترع الحاجات دي مفهمش ان اصلا الحجاب بيتحط علي الرأس و بيضيفوا له اللبس الفضفاض اللي المفروض اساسا ميكونش لافت للنظر - مفهموش يعني ان اصلا لازم اللي لابسة حجاب متلفتش النظر ليها لا بلون ولا صوت ولا شكل؟؟؟

لو غلطانة قوليلي :(

انا طول شهر رمضان وانا ركباني فكرة سودة منكدة عليا هشاركك فيها معلش واعتذرلك لو كنت هضايقك بيها

محجبة من سنين وسنين وسنين
فيهم حسنات وفيهم معاصي وسيئات وخطايا كتيرة الله وحده اعلم بيهم

يا تري حظي من حجابي يطلع اد ايه في السنين دي؟؟
اتقبل منه كام؟
سنة
شهر
اسبوع
يوم
ساعة
لحظة
مش مقبول كله؟؟؟؟

يا عالم

يا تري انهي لحظة كانت كل الشروط مطبقة فيه صح زي ما هي المفروض؟

يعني هتحجب الرأس والجسد و اللسان والعقل والقلب

لا تفكر وحش ولا تبص وحش ولا تلبس غلط و تنطق بغلط ولا تفكر في غلط و تمشي في طريق غلط !!

الحسبة صعبة و جالدة للذات جداااااااااا فوق اي وصف
والتفكير فيها بيوجع جداا اوي


معلش لو ضايقتك

ارجع واقولك باه كنت بضحك ليه لما خلصت قراءة :)

اللي مش محجبة و بسمعها بتقول مثلا لا وانا هقدر البس دا؟؟ واغطي شعري و امشي كده و و و و
كنت ومازالت مستغربة كتير .. من منطلق يعني اللي ميعرفش يقول عدس :)

فلما حكيتي القصة دي
لقيتني بقول حتي انت يا بروتس :)


بس بجد

هي فعلا ممكن تيجي في لحظة كده تلاقي الواحدة بتقول وانا اقدر امشي متعرية من غير ايشارب كده ازاي؟؟

وسبحان الله انا مشفتش واحدة اتحجبت الا وكان شكلها بالحجاب احلي من وهي بشعرها

بس للاسف شفت كمان اللي كانت لابساه و خلعته واد ايه كان وشها عليه عتمة منفرة - بدون مبالغة - اصلي اتكعبلت في كتير من العينة دي

ماما بتسلم عليكي وبتقول متجبينيش هنا تاني علشان بتكلم كتير :)

ربنا يثبتنا علي الحق و يهدينا للحق ويجعلنا اهل حق دنيا واخرة ان شاء الله

كل الرغي دا ولسه مجاوبتش علي سؤالك الجانبي (*_*)

دكـــــتور جدا يقول...

متى تطلب من بنتك إرتداء الحجاب؟ وما رأيك فى المرأة المحجبة؟ (خاص بالرجال).
.............................
أطلب من بنتي إن شاء الله عندما تكون في سنة 4 ابتدائي كدة حتى تتعود عليه
ورأيي في المرأة المحجبة أنها عالية وغالية قوي قوي
حاجة كدة محفوظة ومصونة وتستاهل الخير
أتذكر الالتزام اذا رأيت محجبة بحجاب شرعي ...
الله المستعان
تحياتي

Ahmed يقول...

حقيقي وبدون ادنى مجامله
ده اجمل بوست قراته من فتره طويله

ربنا يجازيكي خير

وينفعنا بيه

ماء تشرين يقول...

بص ياامه الله انا حكايتى غريبه شويه ياعنى انا كنت عايشه في السعوديه من وانا عندى 9 شهور لحد مبقه عندى 17 سنه وطبعا كنت بغطى وشي لانو زى رسمى هناك طبعا في فرق كبير جدا بين النقاب هناك وهنا في مصر لانو هناك المنقبه بتمارس حياتها بشكل طبيعى ياعنى بتروحى المدرسه كلها بنات فبتقلعى العبايه والطرحه طول اليوم لحد ميجى وقت المرواح بتلبسي العبايه وهكذا ياعنى حياه طبيعيه المهم انا طبعا لما كنت باجى مصر كنت بقلع كل ده حتى الطرحه لانى كنت شايفه زى رسمى ومحدش بيكلم عليه هناك لانو ده الطبيعى المهم لما جيت الكليه في مصر لقيت وضع مختلف وحياه تانيه بس ربنا بيحبنى صحبت ناس محترمه وشلتى مكنش فيها غير بنت محجبه ودى كانت محجبه من وهى صغيره وبعدين وحده تانيه اتحجبت وانا كنت بصلى الصلاه في وقتها فجاه زميل قالى كلمه حرقت دمى قالى بتصلى وانت مش محجبه وضحك بعديها بيومين مامه كانت رجعه من العمره وقالتلى ايه رايك تتحجبى وعجبتنى طرحه كانت جيبها لبستهاوالحمد لله وروحت تانى يوم بيها من حوالى 6 سنين ومقلعتهاش ربنا يتقبل منى ويغفر ما سبق بس طولت عليكى


بس عايزه اقول هى مش فكره حجاب بس ياموناليزا هى اكبر من كده فكره ايمان حقيقي نابع من القلب ودراسه في الدين بلاش نبص للحجاب على انو شكل بس لانه دى سطحيه وربنا يهدى الجميع

تقبلى مرورى

ريمان يقول...

دايما بتعجبنى مواضيعك


بصى يا قمر

انا اول مره غطيت فيها شعرى كنت فى اولى ثانوى

كنت لبست كده طرحه صغيره وكنت كمان مش ملتزمه بيها لانى كنت بلبس ضيق وكنت بخلى شعرى يبان من الطرحه من قدام

بعدها بسنتين وانا فى تالته ثانوى الحمد لله ربنا هدانى للنقاب مره واحده

والتزمت بيه جدا وبدات ابقى انسانه تانيه ملتزمه


وبرضه كل اصحابى كانوا مستغربين جدا وكانوا متراهنين انى هقلعه بعد اسبوع

بس الحمد لله خاب ظنهم ربنا يثبتنا جميعا

(حلـم) يقول...

مسا الحير

انا علقت علي البوست


وكنت متوقع ردك يكون سلبي


لكن الحمدللة الله يكملك في كل شيء


احترم ديمقراطيتك

احساس طفلة محبة للرومانسية بس واقعية يقول...

رائعة القصة دى
وبأمانة انا لسة موصلتش لانى البس الدولاب كله دى رغم اقتناع وايمانى ان دا هو الصح بس الى حد ما الطرحة بتاعتى طويلة مش عند الودان والرقبة يعنى والتونيك طبعا طويل

اما الحجاب فأنا لبستة من بدرى جدا يمكن من تانية اعدادى كان عبارة عن اعجاب بالفكرة اكتر منه فهم لمعنى الحجاب بس مع معرفتى واقتناعى بالحجاب فى سنوات عمرى بعد كدا حسيت انى بعمل شئ جميل لشخصى بيمنحنى حب ذاتى لنفسى او تقدير ليها خاصة انى من اول يوم قررت يا هلبسة يا استنى شوية مفيش حاجة اسمها هلبسة واقلعة تانى
والحمد لله الحمد لله قد كان :)

الموضوع جميل اوى وشدنى جدا
شكرا ليكى
تقبلى مرورى

توتة المخنوقة يقول...

ربنا يكرمك ويسترك ويستر بنات المسلمين أجمعيين

غير معرف يقول...

موناليزا الحبيبة
بوست جميل واسلوب دعوى مميز
حكايتى مع الحجاب بدات من وانا طفلة
وذلك للوجود فى اسرة متدينة
ولما دخلت المرحلة الاعدادية بدا التمرد
عليه وفى الثانوى بدا الاقتناع مرة اخرى وظل حتى التخرج والعمل
وبعد الزواج والانجاب ومن حوالى 15 سنة
تم ارتداء النقاب وكان مع ارتدائه
قرار ترك العمل
ولارتدائه قصة طويلة ومثيرة سياتى
يوما وارويها فى بوست ربنا يثبت
الجميع على الطاعة
تحياتى

yoyo يقول...

يالله
ربنا يعزك و يبارك فيكى يارب
البوست اكثر من رائع ربنا يجازيكى كل الخير و يجعله فى ميزان حسناتك اللهم آآآمين يارب العالمين

الحجاب فى تلك الايام اصبح مجرد قطعة من القماش توضع على الراس تستر جزء من الشعر على ازياء لا تتلائم مع اسمنا ولا عاداتنا الشرقية
ربنا يهدى الجميع يارب

اما بالنسبة لسؤالك عن الحجاب
الحمد لله ان قرار الحجاب كان بقرار نابع من جوايا اوى خاصة بعد كلام بابا ليا ان المفروض انى اتحجب وشكلى هيكون اجمل ذكاء انه يخليكى تحب الشىء وكانك انتى اللى قررتلا رغم انه حابب كدا بس مش حابب انه يظهر فى صورة امر واجبار
الحمد لله من يوم ما لبست الحجاب وانا الحمد لله عمرى ما فكرت انى اتخلى عنه
دى نعمة من نعم ربنا عليا الحمد لله
ربنا يثبتنا جميعا يارب و يبعد عن الفتنن

دمت اختى بكل خير والى طاعة الله اقرب
تحياتى
يويو

مهرة سالم يقول...

السلام عليكم....
أسأل الله ان لا يحرمكِ من الأجر ...
فإجتهادك في حجابك له اجر ...
...
الله يثبتك يارب ...
...
في امان الله

أمل حمدي يقول...

أمة الله

السلام عليكم ورحمة الله وبركاته

موضوع ثري جعله الله في ميزان حسناتك

أنا منتقبة والحمد لله منذ عشر سنوات واعتز به رغم كل مايدور حوله

ومن قبله الحجاب

تحجبت صح والتزمت به عندما كنت بالمرحلة الثانوية

والحمد لله على نعمة الهداية

شكرا لك أمة الله

دمت بكل الخير

غير معرف يقول...

خارج النص:
انا رأيت صورة فيها دعوة لندعو الله ان ينصرك على من ظلمك
انا دعيت ليك و لكل المظلومين
تحياتى و سلام الله عليكم

غير معرف يقول...

داخل النص:
التدوينة جميلة جدا
أجمل من أعلق عليها
بكلماتى البسيطة
تحياتي لك

كلمات من نور يقول...

عندي تعليق مش حيعجب البعض بس طالما حق يبقى لا أبالي بلومة لائم

الحجاب يا ناس عمره ما كان اقتناع

دي كلمة مع الأسف دسوها أيام أهالينا و أجدادنا

أنا باعاني مع ناس كتير منهم أقرب الناس لي بسبب المقولة دي

ربي يهدينا جميعا ويهدي بناتنا ونساؤنا للحجاب الصحيح والالتزام الحق


أما بخصوص حجابي فأنا يا موناليزتي تحجبت وعمري 12 سنه وفضلت محجبة لغاية 15 و العياذ بالله أصابني نوبة مرض في السعودية خلتني اتنقل من مستشفى لمستشفى وقالوا لوالدي إن عندي سكر و بدأت سلسلة علاج وحق و أنسولين جابولي اكتئاب شديد قمت مع الأسف وربي يغفر لي خلعت الحجاب ..بس ولله الحمد كان حولي صحبة خير وكنت حاسه بإن فيه حاجه مهمه ناقصاني بعد حوالي سنتين اتعالجت مع طبيب سكندري مشهور فضل معايا سنتين لغاية ما وقف خالص الأنسولين وقالي انتي مش مريضة سكر وحتاخدي وقت جسمك يتأقلم تاني ويرجع لطبيعته وبالفعل عدت سنة وكنت اتحجبت تاني

جايز المرض يكون سبب وجايز الشيطان و جايز النفس الأمارة بالسوء

يس ولله الحمد من يومها و أنا محجبة ملتزمة على قدر المستطاع بلبس لا يصف ولا يشف حتى جاء الستر من الله وذلك منذ حوالي 10 سنوات قمت بارتداء العبايه والخمار والحمدلله

موناليزا يقول...

أليس فى بلاد العجائب
ـــــــــــــــــــ
أختى الحبيبة:اهلا اهلا بالقمر
:) ولا يهمك أضحكى براحتك

فعلا وجهة نظرها تحترم مع ان ده أولى بان ترتدى الحجاب قبل كل هذا:)

بتلومى اللى بيصنع الحجاب بطريقة ملفتة للنظر ليه؟
لو كانت سلعته مش مطلوبة مكنش صنعها ولا فكر يشتريها
اللوم من وجهة نظرى على اللى فاهمين الحجاب غلط

سبحان الله انا بقى فى الفترة الاخيرة كل تفكيرى ياترى صلاتى أتقبل منها برضه أد إيه؟
ياستى ماضايقتنيش أحلفلك يعنى أنى بستمتع بكلامك:)

هههههههه ليكى حق تضحكى
تعرفى بجد الهادى هو الله وأنما أمره إذا أراد شيئا أن يقول له كن فيكون

انا بتكعبل بيهم وانا بقلب فى القنوات الفضائية:(
بالمناسبة بقى أنتى فاكرة المطربة "شاهيناز" اللى كانت ظهرت من فترة وكانت أغنيتها المشهورة "طب قولى قولى"
أتحجبت لما شوفتها معرفتهاش بس كنت حساها مرتاحة ومطمنة وبجد سبحان الله

ماما بتسلم عليكى وبتقولك ياريت تيجى دايما لاننا مبسوطين بزيارتك اللى بتغيب:)

ربنا يكرمك ويتقبل دعائك
وفى انتظار اجابة السؤال الجانبى
نورتينى غاليتى



*********************************



ضكتور جدا
ــــــــــــ
أهلا بيك يادكتور
ربنا يوفقك دايما
واشكرك جدا لمشاركتك




********************************



أحمد أبو العلا
ــــــــــــــ
اهلا بيك استاذ أحمد
ربنا يكرمك يارب
رأيك ده تاج على راسى
الحمدلله الذى هدانى الى هذا
أشكرك جدا لرايك



********************************


ماءتشرين
ـــــــــــ
أختى الحبيبة:اهلا اهلا بالقمر
سبحان الله فعلا بتيجى على أهون سبب المهم ربنا يأذن بالهداية
ربنا يثبتك ياحبيبتى
عندك حق الحجاب عمره ماكان مجرد فكرة ولكنه فرض على نساء المسلمين
وربنا يهدى الجميع ويثبت قلوبنا يارب على دينه
نورتينى حبيبتى وسعيدة بمشاركتك



*********************************



ريمان
ـــــــ
اختى الحبيبة:اهلا اهلا بالقمر بعد طول غياب
وأنا دايما بيعجبنى تعليقك وزيارتك:)

ياحبيبتى ربنا يثبتك دايما ويعزك بطاعته:)
نورتينى ياريمو ياجميلة وسعيدة بمشاركتك



**********************************


حلم
ــــــ
مساء النور
ربنا يكرمك واشكرك جدا لعودتك واهتمامك بردى رغم عدم إجابتك على السؤال:)
وديننا يحتم علينا إحترام الآخرين فلا إكراه فى الدين



********************************

موناليزا يقول...

إحساس طفلة محبةللرومانسية بس واقعية
ــــــــــــــــــــــــــــــــــ
أختى الحبيبة:اهلا اهلا بالقمر
أشكرك جدا لرايك
بدل مقتنعة يبقى بشرى خير مش ناقص بس غير التنفيذ
الايشاربات دى بيسموها اسبانش لكن المقصود بالطرحة الطويلة فى الموضوع اللى هى أطول من الخمار:)
أشكرك جدا لمشاركتك وربنا يهدينا دايما لطاعته
نورتينى حبيبتى واسعدنى مرورك



********************************



توتة المخنوقة
ـــــــــــــــ
أختى الحبيبة:اهلا بيكِ فى زيارتك الأولى
ربنا يعزك ويتقبل دعائك اللهم امين
نورتى مدونتى وارجو دوام التواصل



*********************************


أم مالك
ـــــــــ
أختى الحبيبة:اهلا اهلا بالقمر
ربنا يكرمك اشكرك جدا لرايك فماتوفيقى الا بالله
أشكرك لمشاركتك المختصرة وفى انتظارها بشكل مفصل:)
نورتينى حبيبتى وسعيدة بزيارتك



**********************************



يويو
ــــــــ
أختى الحبيبة:اهلا اهلا بالقمر
ربنا يكرمك يارب ويتقبل دعائك اللهم امين

فعلا حقيقة مؤسفة:(
جميل فعلا اسلوب والدك والاجمل انك اقتعتى فالتزمتى
ربنا يثبتنا جميعا يارب
نورتينى يويو الجميلة واشكرك جدا لمشاركتك



********************************


نهار
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ويتقبل دعائك اللهم امين
نورتيينى حبيبتى ودمتِ بخير


********************************



ماما أمولة
ـــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ويتقبل دعائك اللهم امين
ربنا يثبتك ياحبيبتى ويعزنا دايما بطاعته
نورتينى ياجميلة وسعيدة بمشاركتك



*********************************



سونيت
ـــــــ
أختى الحبيبة:اهلا اهلا بالقمر
خارج النص:ربنا يكرمك ويتقبل دعائك وامانة عليكِ أدعيلى دايماً

داخل النص:أشكرك جدا لرايك والحمدلله فماتوفيقى الا به
نورتينى واسعدتنى زيارتك



*********************************



كلمات من نور
ـــــــــــــ
أختى الحبيبة:اهلا اهلا بالقمر
هو فعلا مش اقتناع ولكنه هداية من الله
ربنا يتقبل دعائك ويهدة بنات المسلمين جميعا

ياحبيبتى ربنا يمتعك بصحتك ومايكتبش عليكِ اى حاجة وحشة تانى
ربنا يثبتك دايما ويعزك ويهديك بطاعته
نورتينى غاليتى وسعيدة بمشاركتك

مسدس صغير يقول...

الحجاب عفة وطهارة لبنات ونساء المسلمين
رأى فى المحجبات على الاقل هن اولى باحترامى
لا اتقدم لخطبة بنت الا اذا كانت محجبة وملتزمة ان شاء الله
اسأل الله أن يسترك ويستر بنات ونساء المسلمين فى الدنيا والاخرة
لو أن لأحدنا لؤلؤة نفيسة لخبأها فى مكان لا يراه أحد
هكذا المرأة المحجبة
احييكى على البوست
ربنا يثبتك
وجزاكم الله خيرا
وارجو ايضا أن أنبه الى ان الحجاب ليس كل الدين
جزاكم الله خيرا

salma mohamed يقول...

لبست الحجاب الشرعي بشروطه كاملة وأنا في 12 سنة,
وكنت لبسته قبلها في المدرسه في السعوديه,وخارج المدرسه كانت أمي رحمها الله تعودني على الحجاب بلبس محتشم وايشارب,
وسأفعل مع ابنتي مستقبلا ان شاء الله ما فعلته معي والدتي من تعويد قبلها وتحبيب فيه حتى تلبسه فرحه غير كارهة.
*****
جزاكِ الله خير ياموني على تعليقك وتذكيري والحمد لله نعمل بهذا الحديث راجين من الله القبول,
أرجو منكِ الاكثار من الدعاء له ولنا.

fL0weR-giRL يقول...

طبعا الحجاب عفه المرأه

وزينه المرأه
ياااااااااااارب يهدي الجميع يااااااارب وانا منهم

** تقبلي مروري **

وبجد موضوع جميل

fL0weR-giRL يقول...

انا لستوا وانا في 3 اعداي يعني كان عندي 12 سنه صح ولا ايه


^_^

الفراشة الصغيرة يقول...

صراحه انا دلخ الكليه بشعرى

ولبست الطرحه وكان فى نيتى انى اقلعها بعد كده

بس سبحان الله

زى ما يكون ربنا كان كاتبلى الهداية

يمكن الاول كانت الطرحة بتتزحلق لورا بس الحمد لله

واحده وحده طلع لقدام
لحد ما بقيت مش ببين شعره

وعلى فكرة فى موضوه غريب قى مستفزة جدا فى البنات دلوقتى
انها تعل القسه بتاعت شعرها وتضربها لون وتطلعها

صراحه صعب يا تقلعيها يا تلبسيها لكن المنظر ده مينفعش

Unknown يقول...

ما ااشاء الله عليكي
ربي يحميكي ويحفظك يارب ويسعدك
الحجاب شي بفتخر الانسانة فيه :)
كل الاحترام

(حلـم) يقول...

بجد ذوقك العالي

اوي ودرايتك العاقلة


تجعلني بجد ان اهتم


لان الانسان موقف؟؟


وانتي حق الانسانة


اما سؤالك عن اذا عندي بنت؟؟


اولا لازم يكون عندي ام للبنت علشان تجي البنت..


وانشاللة قريب بصير..جوابي لن اجبرها

وساترك الامر لها..كما انتي فهمت انك لم تولدي بالحجاب..ولكن بعد فترة من الزمن


توصلتي الي هذة القناعة بحرية واختيار


صحيح..


وصدقني يا اختي الغالية وطبعا انا ماليش اخوات اكبر مني والله بكتب وحاسس انى بحكي مع اختي الكبيرة امة اللة

اة..صدقني ان الاساس في التدين ليس الشكل وانما الموضوع الجوهر..

ببساطة اختي ماذا يعني ان يغتسل الانسان ويتوضء ويرتدي الجلباب الابيض


ويرش الطيب والطياب ويذهب الي بيت اللة لاداء الصلاة وقلبة اسود؟؟ما دور السبحة والسواك وحف الشارب والنظافة

والتلمظ باحاديث النبي اطيب السلام واتم الصلاة علية

ورويات عن الصحابة والتابعين

دون ان يكون لها اى ذزة من القوة في سلوكة او مسلكيتة؟؟


ع الفاضي.. اخسارة ع الوقت..


الدين سلوك حياة

وليس معطف

واتمنى الخير والسلام لكي دوما

(Joudy) يقول...

بوست جميل بجد والحجاب ده تاج عفة وطهارة لكل بنت والحمد الله الذى هدانا إليه

اما انا حكايتى مع الحجاب فلبسته كتير وخلعته أكتر بس استقريت عليه وأنا فى الصف الثالث الاعداى وخلعته يوم واحد حسيت انى فى حاجة ناقصانى وعرفت ان الحجاب ده يعنى أنا

دمتى بكل الخير والسعادة

منى يقول...

السلام عليكم ازيك يا موناليزا
وحشااااااانى يا رب تكونى بخير

اما عن حكايتى مع الحجاب فبدا ت اغطى شعرى وانا عندى 12 سنه بس مش دايما
وكنت بلبس بناطيل لانى كنت بحب الجرى والتنطيط واحيانا جيبات قصيره ومن اولى ثانوى مبقتش اطيق القصير وحافظت على طرحه صغيره
وفى اولى جامعه دبوس من الطرحه وقع فزميلتى عملتها لى بطريقه معينه عشان منحتجش دبوش زياده فكانت مفروده وكبيره وحسيت براحه كبيره اوى ومن بيومها مش برتاح غير بطرحه كبيره وطبعا طويل وكمان بنطلون تحت اى عبايه او درل وساعات تحت الجيبات بس حاسه لسه ناقصنى حاجه
ادعى لى ربنا يكملها لى
ادعى لى دايما يا رب
ده رجاء
تحياتى وحبى الدائمين

د.آيه يقول...

ما شاء الله اسلوبك جميل ..
و فعلا لبسنا مش عشان نرضي الناس .. عشان نرضي ربنا و بس كمان النور ربنا بيديه للبنوتة المحترمة ..
و فيه آيه فيما معناها إن الحجاب فرض عشان الناس تعرف انها محترمة فلا تؤذي بأى كلام جارح
جزاكِ الله خيرا
تحياتى

موناليزا يقول...

مسدس صغير
ـــــــــــ
أهلا بيك يافندم
ربنا يكرمك واشكرك جدا لرايك ولمشاركتك
دمت طيبا ولمدونتى زائرا


***********************************


سلمى محمد
ـــــــــــ
أختى الحبيبة:اهلا اهلا بالقمر
ربنا يثبتك ياحبيبتى ويرحم والدتك ويرزقك بالذرية الطيبة وقبلها طبعا الزوج الصالح:)
***
ربنا كريم اوى ياسلمى ماتقلقيش ياحبيبتى إن شاء الله هيقوم بالف سلامة
نورتينى ياجميلة وسعيدة بزيارتك



********************************



فلور جيرل
ـــــــــــ
أختى الحبيبة:اهلا اهلا بالقمر
أشكرك جدا لرايك ولمشاركتك
وربنا يثبتك ويهديكِ دايما لطاعته
نورتينى حبيبتى ودمتِ بخير



********************************



الفراشة الصغيرة
ـــــــــــــــ
أختى الحبيبة:اهلا اهلا بالقمر
سبحان الله بجد
والهادى هو الله فعلا
شوفى انتى دلؤتى بتقولى ايه على البنات اللى بيسيبوا القصة باينة:)
ربنا يثبتك ياحبيبتى
نورتينى ياجميلة وسعيدة بمشاركتك



********************************



مستر/حازم
ـــــــــــ
أهلا بيك أستاذ حازم
ربنا يكرمك ويتقبل دعائك
أخجلتم تواضعنا يافندم
تعليقك دايما ذوق
دمت طيبا ولمدونتى زائرا



*********************************



حلم
ـــــ
أهلا بيك يافندم
ربنا يكرمك ده بس من ذوقك
ان شاء الله ربنا يرزقك بالزوجة الصالحة والذرية الطيبة
شئ يسعدنى يافندم ان تشعر بانى اختك الكبيرة:)
متفقة معاك جدا فهذا التناقض لا يليق بالمسلم ولكننا ايضا لا نستطيع ان نلومه فيكفى انه ترك باباً يتقرب فيه من الله ومين عارف مش يمكن ربنا يتوب عليه ويهديه بهذا الفعل
ومعك كل الحق طبعاً فالدين المعاملة ورسولنا عليه الصلاة والسلام قال"إنما بعثت لأتمم مكارم الأخلاق"
نسأل الله لنا وللجميع أن يعزنا بطاعته ولا يذلنا بمعصيته
سعيدة جدا بمشاركتك ومتابعتك
دمت طيبا ولمدونتى زائرا



********************************


جودى
ـــــــــ
أختى الحبيبة:اهلا اهلا بالقمر
ربنا يكرمك واشكرك جدا لرايك ولمشاركتك
وربنا يثبتك دايما
نورتينى حبيبتى وسعيدة بزيارتك



**********************************


منى
ــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
وحشتييييينى جدا ومش بتظهرى كتير ليه؟
أنا الحمدلله بخير ماتحرمش من سؤالك

سبحان الله شوفتى جت على اهون سبب ازاى:)
لما ربنا بيأذن فى الهدايه
ربنا يثبتك ياحبيبتى ويعزك بطاعته ويهديكِ لما فيه مرضات الله اللهم امين
نورتينى منمونتى الجميلة وسعيدة بزيارتك



*********************************


د/آية
ــــــــ
أختى الحبيبة:اهلا بيكِ فى زيارتك الاولى
ربنا يكرمك اشكرك جدا لرايك فماتوفيقى الا بالله
قال تعالى"فذلك أدنى أن يعرفن فلا يؤذين"
ما أجمل كلام الله واستشهادنا به دايما
ربنا يعزك ياحبيبتى
نورتى مدونتى وارجو دوام التواصل

أميرة يقول...

معلش انا بلوم اللي بيعمل التصميمات للمحجبات عموما

انا واحدة رافضة اللي معروض في السوق
العمل ايه ؟؟
هفصل؟
مليش حد اعرفه بيفصل
هضطر اخد من اللي في السوق احسن الوحشين
وشوية شوية هاخد اللي موجود زي ما هو
اللي قدامي
المعروض

و بقت خلاص هي دي حياتي


مع احترامي لرأيك دا
بس انا لما مبلاقيش حاجة تنفعني و ترضيني في المعروض مش بشتري

ان كان المعروض بيعجب 10 .. فاللي مضطرين يلبسوا منه اصبحوا 1000 حتي ولو مش عاجبهم في الاول بس بعد شوية بيألفوه علشان بقي هو اللي قدام عنيهم و اعتادوا عليه و مفيش بديل ليه

فاهماني ؟

السوق عرض وطلب

والمعروض بيجي عليه طلب من كونه مفيش غيره
او غيره غالي جداااااااا علي ناس كتيرة
متنكريش ان فرضا ان العبايات هي استر انواع الملابس دلوقتي فاسعارها بمرتب موظف محترم
يرضي مين دا يعني :(

ربنا يجعله خير و تتعدل ان شاء الله

هديـــل الـروح يقول...

قصه جميله جدا ،،بس حبيت أوضح نقطه يا بنات اما تيجى واحده زميلتنا تتحجب وتلبس كويس وتترك المعاصى اللى كانت بتعملها زمان يا ريت منذكرهاش بالماضى كل شويه ونفرح لها من قلبنا وندعيلها إن ربنا يثبتها بخلاف اللى حصل فى القصه صديقتها قالتها فى الأول: ياااه انتى ناسيه ده انتى اللى كنتى وانتى اللى كنتى ....فياريت منتبعش الإسلوب ده ..وإذكركم بقصة موسى مع فرعون حين ذهب ليدعوه لعبادة الله سبحانه وتعالى فقال له فرعون كما فى الآيه (..وفعلت فعلتك التى فعلت ..)فرد سيدنا موسى وقال (..فعلتها إذا وأنا من الضالين)فدائما لا ننظر للماضى لأن كل واحده فينا لها نقاط ضعف فى الماضى تتمنى ألا تتذكرها

هديـــل الـروح يقول...

أما بخصوص حكايتى مع الحكايه فهى بسيطه جدا لم يجبرنى أحد الحمد لله وأذكر أنى ارتديته وأنا فى الصف الثانى الإعدادى وحدى دون ضغط لا أعرف لماذا ؟رغم أن الكثيرات من زميلاتى لم تكن ترتدينه فى ذلك الوقت لكن دائما أذكر نفسى بأن فطرتك السليمه التى خلقك الله سبحانه وتعالى بها هى التى تدفعك دائما لطريق الخير حتى وإن لم تكن تعرف عنه شيئا أو لم تقرأ عنه كثيرا ،،أحمد لله سبحانه وتعالى على نعمة الحجاب ..ده بصراحه أعظم حق ربنا أنعم علينا بيه وميزنا بيه عن غيرنا من الفتيات

موناليزا يقول...

أليس فى بلاد العجائب
ــــــــــــــــــــ
أختى الحبيبة:اهلا بعودتك
انا معاكِ ان المعروض معظمه ماينفعش للمحجبات بس ده مش معناه ان مفيش خالص
موجود والله وحاجات حلوة كمان بس هتتعبى شوية على ماتلاقيها:)
لو ضاقت خالص ياستى تعالى عندنا المنصورة وانا اعرفك على شوية محلات بيبيعوا عبايات محترمة وشيك فى نفس الوقت وأسعارها كمان معقولة
أى خدمة:)
نورتينى غاليتى وسعيدة بمتابعتك



*********************************



هديل الروح
ــــــــــــــــ
أختى الحبيبة:اهلا اهلا بالقمر
أشكرك جداً لرايك
واحترم تنويهك ده جدا

سبحان الله.. ربنا يثبتك ويهديكِ دايما لطاعته
نورتى مدونتى وفى انتظارك دائما

أميرة يقول...

يجعله عامر دايما يارب

انا مش بتكلم عليا تحديدا

بس موظف عنده بنت واتنين وتلاتة هيجيب للواحدة فيهم عباية اقل حاجة خالص لما يبقي رخيص جدا جدا ب 150 جنية ؟؟ طيب كل واحدة هتلبس كام واحدة تبدل فيهم..

الحسبة هتخرم و هيبقي اللبس الكاجوال اللي فيه جزء ثابت وبتغير عليه اي حاجة ارخص كتييييييير جدا

مش مشكلة لبس بقدر ما هي حاجات مفروضة عليا غصب :)
دا غير اصلا المقاسات العصافيري اللي بيبقوا حاطينها :)

يلا اهو ربنا ييسر لبنات المسلمين جميعا ويسترنا واياهم وان شاء الله بستره الجميل ويردنا اليه ردا جميلا


فكرتيني والله

اقرأي الموقف دا

واحد بيدي فلوس لمراته علشان تنزل تشتري عباية
الراجل ادالها 350 جنية علي اساس انه كارمها و معيشها مرفهه و مش بيجيبلها الا الغالي دايما
انا لسه هعترض اصلا وهو بيحكي
مراته باه ردت عليه قالتله ايه
"اقل حاجة تديهالي علشان انزل اشتري عباية يا دوب عليها القيمة ،،، 500 جنية"

مقدرتش امسك نفسي ساعتها قولتله هي مش عارفة ان مرتبك انت اصلا 500 وشوية؟؟؟
يعني تمشي لابسة عباية بمرتبك في الشهر وتاكلوا طوب انت والولاد؟؟

ادي عينة .. رايك ايه باه يا أمة الله
مع العلم ان مراته دي ربة منزل يعني ملهاش في الخروج والدخول وهو ما شاء الله عليه بيجيب لحد عندها كل حاجة في الدنيا و احسن حاجة .. ربنا يوسع عليهم ويزيدهم من فضله

:) حد يسكتني باه علشان متكلمش تاني

ذكرى رحيل قلم يقول...

السلام عليكم
الحمد لله الذي هدانا لهذا وما كنا نهتدي لو ان هدانا الله

الحمد لله الحجاب ستر ونعمة
ولكن هناك اعداء للحجاب يستخدمنه بطريقة خطأ يعني اليومين دول مش بلبس الحجاب المهم الفكر و الدين والعمل بهما

ربنا يهدي كل مسلم ومسلمة
دمتي مونتي

علي فكرة انا فضلت اضحك لما قلتلي انا بشوف المفتاح عشان انا صاحبة المدونة بالنسبة للصور

عندك حق

هدى التوابتي يقول...

السلام عليكم ورحمة الله ..قصة رائعة بصراحة،انا قصتي مع الحجاب أني لبسته من زماااااااااان وانا عندي عشر سنين بس مالبستش الزي الشرعي"الطرحة الطويلة"إلا وأنا في أولى جامعة يعني ربنا رزقني صحبة صالحة أعانتني على لبسه الحمدلله ..
قصتك فكرتني بواحدة اعرفها اتحجبت من حوالي سنة ..وكان بعض صحباتي مبيردوش يكلموها عن الحجاب لأن شايفين أن مفيش أمل معاها لكن الحمدلله لما ربنا بيحب يهدي أحد ويريد به خير بيسهل الخير له ربنا يكرمك ويفتحها عليكي طولت عليكي جداً لكن أنا عجبني جداً أسلوبك في أن كل موضوعاتك مفتوحة للنقاش شكلي هاجرب الحكاية دي ربنا يكرمك يارب

mohamed ghalia يقول...

ربنا يحفظ بنلات المسلمين ويرزقهم العفة

r يقول...

تقريبا كنت مثلك فى اللبس فى ثانوى
بس انا لبسته فى تانيه ثانوى فى رمضان رسمى
لوحدى بردوا اقتناع ذاتى باهميته
لانه ما كان فى اى ضغط لارتدائه من اى حولى سواء اسره او صديقات اللى كانوا جميعا محجبات من اعدادى

اللبس الملتزم فعلا طرحه كبيره ولبس محتشم ولكنى لا البس الواسع جدا ولكن ليس بضيق ايضا من تقريبا 3 سنين
والسبب الرئيسى فيه صديقه ربنا يكرمها حببتنى فى الطرحه الكبيره والالتزام بمعرفه الدين الحق يعنى حفظ قرأن ومعلومات دينيه سليمه

لان لمعرفتك حتى الالتزام باللبس من الممكن ان يغطى فقط ولكنه لا يحجب اخلاق سيئه يمكن لنماذج كانت امامى سيئه مظهريا يعنى اللبس متبهدل عليها ما فى شياكه فى الالوان او التنسيق ولو وجد كانت نماذج سيئه اخلاقيا تسئ لهذا اللبس

حتى تعرفت على صديقتى الانتيم وكانت ترتدى هى واخريات فى الشغل الطرح الطويله

موناليزا يقول...

أليس فى بلاد العجائب
ـــــــــــــــــــ
أختى الحبيبة:اهلا اهلا ياجميلة
ياخبر مش بتتكلمى عليكى تحديدا طيب افتكرى انك لسه برضه ماقلتيش شكل حجابك ايه؟:)

أنا معاكى ان اللبس عموما محتاج ميزانية خاصة بس اللى عايزة تلبس زى اسلامى مش هتغلب
يعنى مثلا ممكن تلبس جيبة واسعة وعليها بلوزة طويلة وتقدر تجيب كمان بلوزتين بس ويبقى كده عندها3 اطقم ولو جابت جيبة كمان هيبقى عندها6 أطقم وبرضه هيكون لبسها محترم
ممكن جدا تلبس اسدال وهو موضة اليومين دول وسعره معقول وكل خروجة بطرحة مختلفة
تجيب قماش وتفصل عباية واسعة واهى الاقمشة اسعارها تناسب الجميع
ده ياستى رأيى
ومش هنسكتك غير لما تجاوبى على الأسئلة:)
فى انتظارك



********************************



ذكرى رحيل قلم
ـــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
الحمدلله فعلا الهادى هو الله
متفقة معاكِ المهم الاخلاق بس برضه مع الالتزم بفروض الاسلام
:)
:) اى خدمة ياقمر
نورتينى حبيبتى وسعيدة بزيارتك


*********************************


دودى
ــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يكرمك اشكرك جدا لرايك ولمشاركتك
نورتينى حبيبتى ودمتِ بخير



**********************************


محمد غالية
ــــــــــ
أهلا بيك استاذ محمد
ربنا يكرمك ويتقبل دعائك
أشكرك جدا لزيارتك


******************************


بسنت
ـــــــ
أختى الحبيبة:اهلا اهلا بالقمر
ربنا يباركلكم ويديم عليكم نعمة الحب فيه
عندك حق فيه كثير بيسيئوا للاسلام عموما بافعالهم سواء رجال او نساء
ربنا يهدينا جميعا لطاعته
نورتينى حبيبتى ودمتِ بخير

(green eyes) يقول...

موضوع حلو اوي بجد

أقولك بصراحة حكايتي مع الحجاب :-

يمكن انا من البنات اللي اردتدوا الحجاب علشان فرض على كل مسلمة مش واخداه محبة فيه او احتشام او كل الكلام دا.
و اتحجبت في رمضان تانيه ثانوي بس طبعا لما كانت تيجي اي رحلة او مناسبة تلاقيني قلعته .
بس الأمر بعد كدا اختلف بصراحة
الوعي الديني اللي زاد في الفترة الأخيرة كان ليه تأثير كبير عليا وخصوصا لما سمعت درس الحجاب للداعي أ/ مصطفى حسني بجد هزني جدااا وحسيت انه مش مجرد حاجه الواحد حاططها على راسه
انا بيني وبينك لسه ملتزمتش باللبس الشرعي للحجاب بس ان شاء الله انا في طريقي للتغيير للأحسن.
أسأل الله الهداية لك ولي ولجميع المسلمات

سندس وأمل يقول...

ياسااااااتر
:D
الحجاب ده يابنتى محدش بيلبسه غير

المحترمين الى زيى يعنى:D

انا ياستى لابسه خمار:)وطرح طويله:)

بس انا فى الابتدائى كنت بلبس حجاب صغير

فاتدربت عليه وكده يعنى:)

متقولى انتى بقى:)

♥نبع الغرام♥♪≈ يقول...

السلام عليكم

يااااااااااااااة متاخر بس غصب عنى ماكنتش موجوده والله والحمد لله رجعت تانى معاكم

بجد موضوعك فى قمة الروعه احيك عليه من كل قلبى ربنا يقوى ايمانك يارب
تحياتى
ايناس

(المهاجر الى الله) يقول...

اختى الفاضلة امة الله :
السلام عليكم ورحمة الله وبركاته:
الحقيقة انى احتارت فى تعبير (قسوة كلماتك) واعدت قراءة ما كتبته مرات ومرات لابحث عن تلك القسوة فلم اجدها ، على الاقل من وجهة نظرى ،لربما قصدتى حدة فى بعض تعبيراتى .. الله اعلم .
وعموما اعذرينى اختى ان كنت قد قسوت فى بعض الكلمات .

فشكووول يقول...

السلام عليكم موناليزا

يا خبر يا موناليزا اهلا بيك ونورتينى وشرفتينى بتعليقك فى فشكول ولو انه يا دوب لكن برضه احنا كنا فين وبقينا فين

كل عام وانت بخير

اختصار للموضوع عن الحجاب يا بنيتى
ان الله يهدى من يشاء .. وربنا يهدينا كلنا ... آمين يا رب العالمين

تحياتى ويعود عليك رمضان وعيد الفطر وانت والعائله بالف خير

salwa يقول...

السلام عليكم اخت موناليزا
الحجاب سترتنا دنيا و اخرة
اكتفي بهذا
كعادتك راااااااااائعة
سلام

موناليزا يقول...

جرين آيز
ــــــــــــ
أختى الحبيبة:اهلا اهلا بالقمر
اشكرك جدا لرايك ولمشاركتك
وربنا يهديكِ كمان وكمان ويثبتنا جميعا على دينه اللهم امين
نورتينى حبيبتى ودمتِ بخير



*********************************


سندس وأمل
ــــــــــ
أختى الحبيبة:اهلا وسهلا
ياترى أنتى أمل ولا سندس؟؟
مش فاهمة ياساتر على ايه:)
مع احترامى لرأيك يرتدى الحجاب جميع الفئات المختلفة سواء محترمين او غير
ربنا يثبتك ويهديكِ كمان وكمان
نورتينى



*********************************



عاشقة الاحزان
ــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
حمدالله على سلامتك:)
على فكرة مكانك محفوظ دايما يعنى تنورينى فى اى وقت
ربنا يكرمك يانوسة واشكرك جدا لرايك
نورتينى حبيبتى



********************************



المهاجر الى الله
ـــــــــــــــ
وعليكم السلام ورحمة الله وبركاته
اهلا بعودتك يافندم
من باب العلم بالشئ فقط أذكر بعض كلماتك التى توجع أى فتاة غير محجبة وعذرها الوحيد انها حقاً لا تعلم ولذلك وجب علينا النصح باللين

"كما انه يضع صاحبته دائما على اقل تقدير فى موضع شبهات لانها ايضا لا تكون مختلفة عن بنات الليل ،هكذا يدل مظهرها الخارجى"

"وكثيرا ما كنت ارى فتيات لا يكدن يرتدين شيئا وكنت اسمع تعليقات الناس عليهم من الجنسين بان اللعنة على من رباها : او مفيش راجل فى عيلتها او ان ابوها ده يبقى(....) وهكذا من التعليقات التى لا تكاد تمر لحظه فى كل بقعة الا ونسمعها حتى مللناها."

أعلم ان قصدك الخير والاصلاح ولكن علينا الاقتناع انه لولا هداية الله لنا لكنا مثلهم او اقل كمان
عذرك معاك يافندم واعلم ان غيرتك على الدين هى من دفعتك لقول هذه الكلمات
اشكرك جدا لمتابعتك واهتمامك




***********************************



فشكول
ــــــ
وعليكم السلام ورحمة الله وبركاته
اهلا بيك يافندم
اشكرك جدا لهذا الترحيب:)
فعلا الهادى هو الله
ربنا يكرمك ويتقبل دعائك
واشكرك جدا لزيارتك


*********************************


سلوى
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
الله عليكِ:)
ربنا يكرمك واشكرك جدا لرايك ولتعليقك
نورتينى حبيبتى

طبيبك الخاص يقول...

اجمل شى هنا هى دعوه النقاش دى وحرص حضرتك ان تفيدى زوار المدونه

بجد ربنا يوفقك ويجعله فى ميزان حسناتك

نيجى بقا السوالين

السوال الاول: لازم احس ان بنتى تكون حابه الحجاب ومقتنعه بيه جداااا وطبعا هكون معاها انا ومامتها واشرحلها كل حاجه وهحببها فى الحجاب ساعتها بس هيا مش هتبقا منتظره منى ان اطلب منها

هى من نفسها على طول تلبسه ما عدا فى البيت طبعا

السوال التانى بقه ده فى حكايه راى فى الست المحجبه
الحقيقه انا بشوف بنات محجبين الراس بس والباقى لاااا خالص
مش عارف بصراحه اىه ده محجبه ولابسه بنطلون وجيبه ضيقه حاجه تغيظ بجد

انما الحجاب الذى لا يصف ولا يكشف هو دا الحجاب فى راى وربنا يكرمها اللى تلتزم بالحجاب ده ودول بصراحه قليلين اوى بالكاد ان اصادفهم

الاغرب ان لاقى ناس جنبى يتريقوا وكانها هى الحاجه الغريبه وان البناطيل والباديهات هى دى الطبيعى والصح
مش عارف ليه احنا وصلنا للدرجه
ربنا يستر علينا يارب

KHALED يقول...

المرأة المحجبة حجاب صحيح مش بتاع اليومين دول إللى هوا من فوق الشعر متغطى و الجينز من تحت حايطق ...
صاحبة الحجاب الصحيح ينظر لها الرجل على أنها أختة و يحترمها ولا يعمل عقلة على أن ينظر لها أنها فتنة مثيرة فيحفظها ذلك من أمراض القلوب

ربنا يهدى بناتنا و إخواتنا

ربنا مارزقنيش ببنات بس أعتقد لو كان عندى بنت كنت حاجبرها تلبس الحجاب قبل ماتوصل لسن العاشرة
أصل التحشم تعود

كل عام وانتى بخير وربنا يكرمك و يجزيكى الخير

rovy يقول...

ازيك يا قمر
وحشاانى جداا
سامحينى لأنى الفتره اللى فاتت كنت مشغوله جدا و غير متواجده فى بيتى و كمان يشفع لى الخبر اللى رجعت لكم به و بجد انا فرحانه جداا انك كنتى اول تعليق على بوست زفاف جنه ربنا يسعدها و يسعدك و يارب عقبالك .. ربنا يفرحنا بيكى قريب جدااا .. امين
بالنسبه لسؤالك فى البوست فالاجابه اكيد قرأتيها فى مدونتى فى بوست الفرصه الاخيره .. ياريت تقرأيها تانى لأن القصه دى تقريبا قصتى بجد ..
بحبك جدااااااااا

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة
أدعوا الله أن تكونى فى خير حال وفى نصر وتمكين منه بأمره وعزته .
أرجوا من حضرتك التفضل بالإشتراك فى عمل الدليل المقترح وستجدين التفاصيل فى مدونتى

طهر فؤادك يقول...

السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)...و النشر الجماعى لموضوع الحملة الموجود
بمدونتى عن طريق كوبى وبست (نقل ) للموضوع بأكملة ووضعة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية كانت فى و29/9 ومن دواعى سرورنا ان تشتركوا معنا فى اى وقت تجدوة مناسب (ساعدونا ليعم الخير بأذن الله )1

عبد من عباد الله يقول...

جميل ... حلو الحوار ده

كل ما يهمني في الوقت الحالي هى الاخلاق و اهم و اكتر حاجه للأسف بتدايقني هى ان ست تلبس حجاب او نقاب اياً كان او راجل مثلاً يربي دقنه و بعد كده يتحول لناقد و محاسب لكل من ليس مثله في اللبس ، لو واحده محجبه شابت واحده مش محجبه كويس او مش محجبه خالص تعاملها بسوء جداً و انها من اهل النار و تستاهل الحرق ، وهكذا مع الرجال ..... هذه الظاهره و هذا الخلق للأسف رأيته كثيراً و اتمنى انه يقل ... و انا مشفتش الاخلاق دي في كلامك ربما لانك كنتي مش محجبه لفتره و عارفه انك كنتي انسانه كويسه و ده ما يمنعش ان الناس تعاملك كويس و ربنا يهدينا كلنا .

و لا اقول ان كل من تحجبت او من اطلق لحيته اصبح هكذا و لكن للأسف الاخلاق اصبحت سيئه و مع ذلك وجدت ستات لابسه حجاب و اخلاقها فوق الوصف و رجاله بنفس الطريقه و لا غبار عليهم ، بس ربما اتكلم من منطلق " و لو كنت فظ غليظ القلب لانفضوا من حولك "

اما عن رأيي الشخصي في المرأه المحجبه فهى إن تكلمنا بصفاء نيه ، امرأه التزمت بأمر شرعي امرها به الله عز وجل ، اما عن اخلاقها او عقلها فليس فهذه اشياء ليس لها علاقه بطرقه توضع على الرأس العقل معني بتميته و تعلميه و الاخلاق معني بالقلب ، و احدث استطلاعات الرأي في امريكا و سؤال النساء على رأيهم في المرأه المحجبه ، كانت الاجابه الاكثر انهم يعتقدون ان الحجاب يجعل الناس تعامل المرأه على اساس من عقلها و شخصيتها و ليس جسدها و ذلك شئ جميل .

كراكيب يقول...

مممممممممم.. حكايتي بسيطة خالص ومافيهاش تفاصيل
في اعدادي صحابي بدأوا يلبسوا الايشاربات بس انا مليش دعوة ولا كإني شايفة حاجة.. حتى في رمضان ماكنتش بلبسه وفي رمضان 3 اعدادي لبسته يومين كدة لقيت ماما بتقولي.. ها اجيبلك لبس العيد وعليه ايشارب.. لقيت الموضوع هيدخل في الجد قلعته تاني يوم
وفي أولى ثانوي بقى لبست الايشارب بس عادي جدا على بنطلونات وبديهات والدنيا بيس
ولبسي اتعدل مرة في مرة والمفروض انه كمان لسة في مرحلة التعديل
;)

miro el niro kwanirooo

موناليزا يقول...

طبيبك الخاص
ـــــــــــ
أهلا بيك يادكتور
ربنا يكرمك اشكرك جدا لرايك
عجبتنى اجبابة السؤال الاول بس هى ممكن تلبس الحجاب فى البيت لو جالكم رجال غرباء عنها فى الحالة دى هتضطر تلبسه فى البيت:) وطبعا لو واقفة فى البلكونة او بتفتح باب الشقة برضه هتضطر تلبسه:)

المشكلة من وجهة نظرى ان كل واحد معتقد ان الحاجة اللى بيعملها هى الصح والباقى اكيد غلط رغم اننا لو تخلينا عن النظرة الذاتية والنزعة النرجسية وطبقنا تعاليم الاسلام ما لام علينا احد
أشكرك جدا لمشاركتك



*******************************



خالد
ـــــــ
أهلا بيك استاذ خالد بعد طول غياب
عجبنى رأيك جدا وخصوصا لان غالبية الرجال ده رأيهم وده معناه ان ملابس المرأة لها تأثير كبير على نظرة الشخص لها والمفروض ده يخليها تلتزم اكتر

وانت بخير وبصحةوسعادة
أشكرك جدا لرايك ولمشاركتك


*********************************



روفى
ـــــــ
أختى الحبيبة:اهلا اهلا بالغالية
عايزة بوسة على اجمل خبر سمعته
بجد يا روفى انا فرحانة اوى وكان نفسى بجد انا وانتى نكون معاها ونتجمع مع بعض فى الوقت ده
بس بما ان ده مش نافع فاحنا مع بعض ندعيلها ان ربنا يسعدها ويباركلها
روفى ياقمر انا بحبك اوىىىىىىى

عذراكى دايما ياحبيبتى بس تعرفى انا فكرت النت عندك مش شغال
المهم ماتحرمنيش من تواجدك فى حياتى

هو مش ده اللى بطلة القصة كان اسمها "منى" ولا انا غلطانة عموا هقرأه تانى عشان افتكره اكتر
اشكرك جدا لمشاركتك ولزيارتك الجميلة دوما
نورتينى حبيبتى


**********************************



هكذا علمنى سيدنا محمد صلى الله عليه وسلم
ــــــــــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك واشكرك جدا على دعواتك الجميلة ربنا يكرمك يارب
هزوركم حالا ان شاء الله حتى افهم ما الموضوع:)
اشكرك لزيارتك


***********************************


طهر فؤادك
ـــــــــــ
وعليكم السلام ورحمة الله وبركاته
اهلا بيك يافندم
لا شكر على واجب يافندم ده واجب على كل مسلم ان يشارك وينشر الخير
ونظراً لان موضوعكم ما شاء الله مكتمل الاركان وانا مازلت لا اجد اضافة مناسبة وفى نفس الوقت لا استطيع النقل فقط دون ان يكون لقلمى دور لذلك قمت بالتنويه عن الحملة بذكر رابط مدونتكم فى هذا الموضوع وفى موضوعى السابق ايضاً
وربنا يتقبل منا ومنكم صالح الاعمال



***********************************


عبد من عباد الله
ـــــــــــــــــ
اهلا بيك يافندم فى زيارتك الاولى
اشكرك جدا لرايك
ماتقوله للاسف واقعى ولكنها طباع افراد ولا نستطيع التعميم كما ذكرت
رأي جميل بجد اشكرك جدا لاستشهادك به
نورت مدونتى وارجو دوام التواصل



***********************************


كراكيب
ــــــــــ
اختى الحبيبة:اهلا اهلا بالقمر
:)انتى عسل والله
ربنا يهديكى لطاعته بالطريقة التى ترضيه عنك ويثبتك يارب
نورتينى ميرو الجميلة وسعيدة بزيارتك

z!zOoOo يقول...

السلام عليكم

العزيزه موناليزا كيف احوالك اختي

اتمني من الله أن تكوني بخير دوما

موضوع جميل جدا جدا بجد

وفعلا عندك حق في كل الي قولتيه

لأنك جسدتي الظاهره كلها بلسان البنات فأكسبها مزيد من الواقعيه


وبالنسبه بقي للأسئله انا هجاوب علي السؤالين وهتعرفي ليه

لأنه إجابته واحده عندي

انا عن نفسي لو فكرت البس بنتي حجاب هسيبلها مطلق الحريه تلبسه وقت ما تحب
علي ألا يتعدي هذا الوقت تانيه او تالته إعدادي

بعد كده يبقي الوقت الي يناسبها إنتهي ويصبح إجبارا


هحيكلك علي حكايه بسيطه كل ما فاتكرها افتكر المثل الي بيقول مالك متربي قال من عند ربي

عندي بنت خالتي صغيره كانت حوالي في 5 ابتدائي عندها اخوات جامعيات

واخواتها ماشاء الله علي حجابهم

ومره واحده جت البنت الصغيره وقالت لمامتها انا عايز اتحجب الام استغربت وقالت ليه يا بنتي انتي لسه صغيره

قالتلها انا عايزه كده وحاولت معاها مره والتانيه وده مش علشان مش عايزاها تلبس حجاب اولا شايفاها صغيره
وثانيا عايزاها تكون في سن تعقلفيه تماما وتكون لابساه عن إقتناع

وبعد محاولات كتيره من الام والاب

الام قالتلها انا موافقه بس بشرط ل لبستي الحجا مش هتقلعيه البنت قالت انا موافقه

رموا كل هدومها القديمه واشترولها لبس محتشم وطرح كتير

وبعدها علطول بنت خالتي التانيه اتحجبت في نفس السن

انا بصيت وقولت سبحان الله بجد

فعلا الاطفال بتشرب التربيه من الام
والاب

وديه بالنسبه لي اجابه السؤالين

والجزئيه الاخيره

رأيي في البنت او المرأه المحجبه

بصي انا مش هقلك انهم مش بيتعاكسوا

لكن انا نفسي كشاب لو شوفت واحده محجبه والله اكتر الوقت ببص بصه بحكم الطريق طبعا وبعدل وشي علطول لأنها بتنزل وشها

وطبيعي جدا نظرتي للبنت المحجبه فيها إحترام ليها وإعجاب وساعات بدعيلها في الشارع

وبتكون نظرتي للبنت الي مش محجبه هي هي نفس النظره الي ببصها للي حجابها مش اسلامي زي نظام الجيبه القصيره والبادي والطرحه او البنطلون القرسطاس ده والبادي الغبيه ديه
ودول بضطر اقول ربنا يهديهم

معلش يعني هقول حاجه اخيره

مره قريت تعليق علي موضوع كان بتاع تحرش الي كاتباه واحده مش محجبه وبتحكي علي موقف مشابه حصل معاها

وبتقولها وانا ماشيه راح معذره يعني
شدني من البادي ومبسوطه وهي بتحكي بعد ما ضربته
طيب هي حريات بس مش لو كانت حافظه جسمها من النظرات كانت هتحفظه من التحرش

بشكر موضوعك الرائع كعاده موضوعاتك

وعذرا للإطاله

وعذرا للغياب

وكل سنه وانتي طيبه

تحياتي

موناليزا يقول...

زيزو
ــــــــ
وعليكم السلام ورحمة الله وبركاته
اهلا بيك يافندم
انا الحمدلله بخير اشكرك جداً لسؤالك
واشكرك جدا لرايك ولمشاركتك

عجبنى الديمقراطية مع بنتك لغاية تانية اعدادى:)

فعلا والله سبحان الله والهادى هو الله ربنا يباركلها ويثبتهم يارب

أحترم نظرتك جدا للمرأة المحجبة ولا نملك سوى ان ندعوا بالهداية لمن لاتلتزم بالحجاب الشرعى

وكل سنة وانت طيب يافندم
وزيارتكم تسعدنا دائما

غير معرف يقول...

أنا صوتت لمدونتك فى موقع ميكانو
بالتوفيق

موناليزا يقول...

سونيت
ـــــــ
اختى الحبيبة:اشكرك جدا
نورتينى وفى انتظارك دائما

طهر فؤادك يقول...

السلام عليكم ورحمة الله وبركاتة ,,
ربنا يكرمك يارب والمسلمين يااختى الغالية .. وربنا يجزيكى خير يارب .. بس انا بقوللك حاجة صغيرة انا مقولتش والله انقلوا نقل حرفى بالعكس انا عاوز منك تصيغى الموضوع بأسلوبك وانا برضوا وراكى وراكى ياغالية علشان تفكرى وتصيغى الموضوع علشان فية ناس بيحترموكى وبيقدروكى كتير ماشاء الله ولازم نستفاد منهم كلنا فى الحملة ان شاء الله لان الواضح من الرابط انة مش كفاية لتوصيل الفكرة لان محدش من الواضح انة مهتم بالرابط فياريت تعيدى حسباتك وتفكرلنا فى فكرة من افكارك الرائعة الجميلة لصياغة الموضوع علشان نشارك الناس الجميلة دى معانا وجزاكى الله خيرا والمسلمين ويارب تكون فكرتى وصلت وفقك الله والمسلمين الى طاعتة وحسن عبادتة اللهم امين

موناليزا يقول...

طهر فؤادك
ــــــــــــ
وعليكم السلام ورحمة الله وبركاته
اهلا بيك يافندم
ربنا يعزك واشكر جدا ثقتك الغالية فيما اكتب
وسبحان الله فعلا فقد طرأت إلى ذهنى فكرة جميلة للموضوع وان شاء الله هنشرها قريب جدا
جزاكم الله خيرا