الاثنين، 5 أكتوبر 2009

رسالة إلى الورثة

كلموها عنى دايماً. قولوا لها أنى بحبها أوى.إجعلوها دايماً تفتكرنى. علموها كل حاجة حلوة وعرفوها أن الدنيا وحشة بس هى لازم ماتبقاش وحشة لأنها مُسلمة.
إجعلوها تنتمى للإسلام بكل ما أوتيتم من قوة.
ربوها على تعاليم الإسلام وهى طبيعى هتحب الدين وهتدافع عنه.
عرفوها أن الجنة ثمنها غالى أوى.
وأنتى ياحبيبتى عارفة أنى سايباكِ فى دنيا كبيرة عليكِ وأنك أصغر من أنك تفهمى قوانينها. ومحتاجة تتعلمى كل حاجة فيها بأصولها الصحيحة. أعذرينى لانى مالحقتش أعرفك كل الحاجات دى. أنا نفسى بعد العمر ده كله وكنت لسه بكتشفها.
بنوتى الحلوة هتوحشينى أوى.
مش عارفة ليه تذكرت إن زى النهاردة كان المفروض يبقى عند بنتى سنتين. ومش عارفة برضه ليه تخيلت انى بموت ووجدتها اول شخص يطرأ فى بالى وكأنها مازالت على قيد الحياة وبالفعل هتقرأ كلامى ليها لما تكبر.

وبعد رجوعى إلى أرض الواقع قررت أن أكتب وصيتى وهى كالتالى:
*أوصى من يحضرنى عند إشرافى على الموت أن يلقنوني الشهادة ( لا إِلَهَ إِلاَ اللَّهُ مُحَمَّدٌ رَسُولُ اللَّهِ ) لتكون كلمة التوحيد آخر كلامي عند موتي عملا بقوله صلى الله عليه وسلم : " مَنْ كَانَ آخِرُ كَلَامِهِ لا إِلَهَ إلا اللَّهُ وَجَبَتْ لَهُ الْجَنَّة ".
وأن يهيئوا لي جو الهدوء والسكون التام، وأن لا يجلس عندي ساعة الوفاة من كان يكرهني في حياتي لأن شماتته تؤلمني وتؤذيني. وأيضاً من كان يحبنى لأن فراقى سيؤلمه . ولذلك دعونى أرحل فى صمت وهدوء بمفردى. بعد تأكدكم من قولى "لا إله إلا الله".
*أوصى أهلى ومن يحضر موتى أن تقولوا خيراً والدعاء لي بالرحمة ودخول الجنة والنجاة من النار وتكثروا من قولكم : ( لا إِلَهَ إلا اللَّهُ ) و ( إِنَّا لِلَّهِ وَإِنَّا إِلَيْهِ رَاجِعُونَ اللَّهُمَّ أْجُرْنِي فِي مُصِيبَتِي وَأَخْلِفْ لِي خَيْرًا مِنْهَا )، وعملا بقول رسول الله صلى الله عليه وسلم :" إِذَا حَضَرْتُمُ الْمَيِّتَ أَوِ الْمَرِيضَ فَقُولُوا خَيْرًا فَإِنَّ الْمَلائِكَةَ يُؤَمِّنُونَ عَلَى مَا تَقُولُونَ" .
*أوصيكم بتغميض عينى وتوجيهى إلى القبلة.
- أن تلينوا مفاصلى لكي لا تتصلب ، وتضعوا على بطنى شيئاً حتى لا تنتفخ .
- أن تغطونى بثوب يستر جميع بدنى ، لقول عائشة رضي الله عنها : ( أن رسول الله صلى الله عليه وسلم حين توفي سُجِّي ببُرد حَبره ) متفق عليه ، أي غطي بثوب مخطط .
* اوصيكم بالإسراع في تجهيزي متى تحقق موتي، وإعلام جميع الأهل والمعارف والأصدقاء وأهل الصلاح، ليكون لهم أجر الصلاة عليَّ وتشييع جنازتي ودفني ولتكثير المصلين عليَّ والمستغفرين لي على شرط أن يكون الإعلام خاليا من الضجيج والبكاء والنياحة كما كان يفعل أهل الجاهلية،ووجب أن يكون نعيي موضح بيان زمان ومكان التشييع ونحو ذلك مما هو ضروري في النعي على شرط أن لا يخالف الإسلام وأصوله في شيء. ويجوزللمخبر أن يطلب من الناس أن يستغفروا لي لقوله صلى الله عليه وسلم للناس (اسْتَغْفِرُوالأَخِيكُمْ ).
* أما عن من تقوم بتغسيلى فقرأت أن الأنثى تغسلها وصيتها ، ثم أمها ثم ابنتها ثم القربى فالقربى .
ـ وللزوج أن يغسل زوجته لقوله صلى الله عليه وسلم لعائشة – رضي الله عنها - : ( ما ضرك لو مت قبلي فغسلتك … )
ونظرأً لأنى إلى الآن لا أعرف شخصية موثوق فيها تقوم بتغسيلى وأشفق على أمى من هذا الموقف فأرجو من الله أن يختار لى مُغسلتى التى تتقى الله وتحفظ جسدى وتستر عوراتى وأن تستر جميع جسدى فى الغُسل وليس عورتى فقط وأن يكون هناك حائل بين يدها وجسدى فلا تلمسه وبالتالى لا تنظر إليه وعلى من يكن معها أن يراعوا هذا جيداً.
وأن يتم هذا برفق ولين، وأن تكون بمعرفة ودراية كافية بأحكام الشريعة فى كيفية التغسيل وذلك لأنها إذا رأت عليَّ علامة حُسن الخاتمة أذاعتها وإذا رأت على وجهي علامة سوء الخاتمة كتمتها وسترتها ولم تذعها، وأن لا يكثر الحاضرون على الغسل. ويجب على مغسلتى أن تبدأ الغسل بقول ''بِسْمِ اللَّهِ وَبِاللَّهِ وَعَلَى مِلَّةِ رَسُولِ اللَّهِ صلى الله عليه وسلم'' ( رواه الترمذي عن ابن عمر ) .
وأطلب أن أكون عند غسلي متوجهة إلى القبلة . وأن يقع تكفيني بكفن يكون حسنا نظيفا ساتراً للبدن وأن يكون الكفن من قماش أبيض خمسة أثواب ليس فيها قميص أو عمامة وأن يرش الكفن بماء الورد ويبخر ويطيب بالمسك والكافور، فإن كنت محرما فلا يغطى رأسي ولا وجهي ولا يطيب الكفن.
* وأوصي أن يمنع ما جرت به عادة النساء وجهلة الرجال من رفع الصوت بالنياحة والعويل وأنا بريئة من ذلك كله فقد قال الرسول صلى الله عليه وسلم: ( الْمَيِّتُ يُعَذَّبُ فِي قَبْرِهِ بِمَا نِيحَ عَلَيْهِ ).
وأبرأ إلى الله تعالى من لطم الخدود ولبس الأسود أكثر من ثلاث أيام والحداد عموماً اكثر من ثلاثة أيام وشق الجيوب والدعاء بدعوى الجاهلية حيث ورد عن ابن مسعود أن رسول الله صلى الله عليه وسلم قال : ( لَيْسَ مِنَّا مَنْ لَطَمَ الْخُدُودَ وَشَقَّ الْجُيُوبَ وَدَعَا بِدَعْوَى الْجَاهِلِيَّةِ ).
*وأوصي أن لا يدخل عليَّ بعد موتي شخص كنت لا أفضل وجوده فى حياتى وأن لا يدخل علىَّ رجل غريب ليس من محارمى.
*السكوت عند تشييع الجنازة متفكرين في الموت وما بعده من أهوال البعث، وأن لا يرفع الصوت لا بذكر ولا بقراءة قرآن إذ أن الله يحب الصمت عند ثلاثة : عند تلاوة القرآن وعند الزحف وعند تشييع الميت.
وعليكم الإسراع بجنازتي إسراعاً وسطا لا أضطرب منه ولا يحصل منه مشقة للحاملين لجنازتي أو المشيعين لها، ثم إكثار عدد المصلين في صلاة الجنازة مع إخلاص الدعاء لي إذ أن الرسول الكريم صلى الله عليه وسلم قال : ( إِذَاصَلَّيْتُمْ عَلَى الْمَيِّتِ فَأَخْلِصُوا لَهُ الدُّعَاءَ ) .
ثم لا تتعمدوا تأخير دفني لانتظار غائب.
*- وأوصيكم بدفني في البلد الذي مِت فيه ولا تنقلوني إلا لضرورة وعليكم بتعميق قبري قدر متر ليكون بداخله اللحد وأن تدخلوني إلى قبري برأسي من عند قدمي. ثم إذا دفنتموني فلينزل معي في القبر شقيقاى وليوجهني إلى القبلة وليرفع تحت رأسي على جنبي الأيمن ثم بعد ذلك يقول '' بِسْمِ اللَّهِ وَفِي سَبِيلِ اللَّهِ وَعَلَى مِلَّةِ رَسُولِ اللَّهِ '' ( رواه ابن ماجةعن ابن عمر )
ولتحثوا على جسدي التراب ثلاثا فقد روى أَبُو هُرَيْرَةُ أَنَّرَسُولَ اللَّهِ صلى الله عليه وسلم صَلَّى عَلَى جِنَازَةٍ ثُمَّ أَتَى قَبْرَالْمَيِّتِ فَحَثَى عَلَيْهِ مِنْ قِبَلِ رَأْسِهِ ثَلاثًا.
ثم أتموا الردم ، ثمرشوا الماء على قبري ليسكن ترابه؛ ثم يدعوا الحاضرون الله لي بالاستغفار وبالتثبيت عند السؤال.
* وأوصيكم بالدعاء والاستغفار لي واسألوا الله لي التثبيت والرحمة لقوله صلى الله عليه وسلم : ( اسْتَغْفِرُوا لأَخِيكُمْ وَسَلُوا لَهُ بِالتَّثْبِيتِ فَإِنَّهُ الآنَ يُسْأَلُ ) رواه أبو داود.
. وهذا هو المطلوب بعد الدفن، فمن فعل غير ذلك من البدع والأمور الجاهلية الغير المشروعة فإنما إثمه على نفسه.
- وأوصيكم بعدالانتهاء من الدفن مباشرة بقضاء ديني ( إن وجد ) ولا تتهاونوا في أدائه نظراً لأهميته التي بينها النَّبِيُّ صلى الله عليه وسلم حِينَمَا قَالَ : ( نَفْسُ الْمُؤْمِنِ مُعَلَّقَةٌ بِدَيْنِهِ حَتَّى يُقْضَى عَنْهُ ) رواه الترمذي عن أبي هريرة رضي الله عنه.
* وأوصي أن يمنع ما جرت به العادة من إقامة السرادقات وكثرة الأنوار والإتيان بمن يقرأ القرآن الكريم أيام المأتم أو كل ليلة جمعة أوالخميس أو الأربعين أو ما يسمونه بالذكرى السنوية والتعزية مشروعة مدة ثلاثة أيام إذا خلت من البدع والمحرمات وينبغي إحضار أحد العلماء ليفقه الحاضرين في دين الله ليحمل أهلي على الصبر والاحتساب عند الله تعالى ووقوفاً عند قول الرسول العظيم صلى الله عليه وسلم: ( إِذَا أَصَابَ أَحَدَكُمْ مُصِيبَةٌ فَلْيَذْكُرْ مُصِيبَتَهُ بِي فَإِنَّهَا مِنْ أَعْظَمِ الْمَصَائِبِ ) ثم يذكرهم بفناء الدنيا فيتحول مجلس التعزية إلى روضة من رياض الجنة.
*-وأوصي أن يُقسم مالي تقسيماً شرعياً كما أمر الله عز وجل. وأن يتم التبرع بجميع ملابسى لمن يستحقها من المحتاجين. وإذا أرادت إحدى معارفى أو صديقاتى شيئاً منهم فلتأخذ ما تريد.
أما عن موبايلى الذى أعتز به جداً فأرجو أن يتم غلقه ثم إلقائه فى النيل.
أما كُتبى الغالية فأرجو أن يأخذها من يستحقها حقاً وليس من سيزين بها مكتبته.
وأرجو أيضاً أن يتم توزيع ما كنت كتبته من أدعيه وأذكار على كافة الناس كى تكون صدقة جارية أنتفع بها.
وإذا تذكرتمونى بذكرى طيبة فادعولى بالرحمة والمغفرة والعتق من النار وإذا تذكرتمونى بذكرى سيئة فسامحونى.
وأن تبلغوا كل من ظلمونى بأن موعدنا عند الصراط.
* أوصى أخوانى المدونين بأنه إذا مرت الأيام ولم تجدونى فاقرأوا ما كتبت فى حياتى وتذكرونى واعلموا أنى سأكون فى أمس الحاجة إلى دعائكم فلا تنسونى.
* وأوصي أهلي وأحبابى بآخر وصية أوصى بها الرسول صلى الله عليه وسلم أمته فقد روى الإمام أحمد عن علي رَضِي اللَّهُ عَنْهُ قَالَ كَانَ آخِرُ كَلامِ رَسُولِ اللَّهِ صلى الله عليه وسلم :- ( الصَّلاةَ الصَّلاةَ اتَّقُوا اللَّهَ فِيمَا مَلَكَتْ أَيْمَانُكُمْ ) .
- وأوصي أهلي وأحبابى بالصبر والرضا بقضاء الله تعالى إمتثالا لقوله عز وجل :{الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}[البقرة 156] وَقَوْلُهُ تَعَالَى { وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلا عَلَى الْخَاشِعِينَ} .
وأوصي من خلفي بتقوى الله عز وجل وأن لا تغرنهم الحياة الدنيا وأن يكثروا من الترحم عليَّ وأدعو الله لهم بالتثبيت والتوفيق والهداية. ومن أهمل في تنفيذ الوصية أو بدلها أو خالف الشرع في شيء ذكر أو لم يذكر فعليه وزره .
كانت هذه وصيتي وإني أبرأ إلى الله عز وجل من كل فعل أو قول يخالف الشرعه.
أقول قولى هذا وأستغفر الله لى ولكم وآخر دعوانا أن الحمدلله رب العالمين.
سؤال جانبى
ــــــــــــــــــــــ
* لو هتكتب وصيتك الآن ما هو أول شئ ستوصى به؟.
ومن هو الشخص الذى ستعطيه هذه الوصية؟.

هناك 47 تعليقًا:

Unknown يقول...

تعرفي أنه أدمعت عيناي
الحمد لله على كل شيئ
بارك الله فيكي موناليزا , لن استغرب ذلك لأننا عهدنا تميزك
جعله في ميزان حسناتك

فيما يتعلق بسؤالك الأول , أمنيتي أن أترك خلفي جميع ما ذكرتيه من وصايا , بجد كلها اهم من بعضها

ولمن سأعطلها : بصراحة لم افكر في هذا الأمر

شكراً جزيلاً لكِ

د/عرفه يقول...

جزاكم الله خيرا على التذكرة الجميلة

فمن لمن يكن الموت واعظ له فلا واعظ له

بالنسبة للوصية

مش عارف مفكرتش فى الموضوع قبل كده
بس انا بصراحة معنديش شىء معين اقدر اقوله لحد معين
فقط وصايا الشرع وخلاص

هكذا علمنى سيدنا محمد( صلى الله عليه وسلم) يقول...

أشهد الله الذى لا إله إلا هو أنى برئ من كل ما برأ منه الله ورسوله صلى الله عليه وسلم .

أبو كريم يقول...

يا أمة الله ثبتك الله وحفظك

هى صادمه شويه للبعض انه يكتب وصيته بس هى دى السنه عن النبى


أما بالنسبالى
فوصيتى عباره عن كلمتين
كلمه أولى من أريده ليكون بجوارى ويغشلنى ويلقنى الشهاده وقد أستفضت فى ذلك أنت

والكلمه الثانيه
لزوجتى وابنى وأخوتى ووالدى ووالدتى


موضوعك بجد خطير ومحدش تطرقله قبل كده

أبو كريم يقول...

وقال الشاعر

دع عنك ما قد فات فى زمن الصبا
وأذكر ذنوبك وأبكها يــا مذنب
لـــــم ينسه الملكان حين نسيته
بــــــل أثبتاه وأنت لاه تلعب
والــــروح منك وديعة أودعتها
ستردها بــــــالرغم منك وتسلب
وغـــــرور دنياك التى تسعى لها
دار حقيقتها متـــــــاع يذهب
الليل فــــأعلم والنهار كلاهما
أنفاسنـــــــا فيها تعد وتحسب

طهر فؤادك يقول...

السلام عليكم ورحمة الله وبركاتة ,,,

ربنا ان شاء الله يكرمك ويوفقك فى حياتك ان شاء الله ... والموت دى الحقيقة الوحيدة الى فى حياتنا .. والموت علينا حق ... وربنا ان شاء الله يتقبل منا صالح الاعمال اللهم امين .. وياريت نوحد دعائنا ونقول اللهم احسن خواتيمنا اللهم امين .. وتوفنا وانت راض عنا يالله ... وانا احب اوصى من ضمن الوصايا طبعا ان مدونتى يباشر عليها واحد يراعى الله فى كل موضوع بأذن الله بينزلة وتكون مستمرة ان شاء الله لينتفع منها كل مسلم بأذن الله تعالى ..
وتحياتى

(المهاجر الى الله) يقول...

السلام عليكم ورحمة الله وبركاته:
شكرا لك اختى الفاضلة على مجهودك الوافر لتحضير هذه المادة العلمية وصياغتها بهذ الاسلوب الرائع الذى يساعد على ايصال المعنى دون الاخلال بالمضمون .
بارك الله لك فى عمرك واطال فيه فى طاعته وبارك لك فى اوقاتك وفى رزقك .
وان شاء الله يرزقك الله بمن يعمل على تنفيذ وصاياكى بالقدر والكيفية التى ترغبين.

*الطالبة عفو الله *زوزو يقول...

قشعرتي جسدي يا حبيبتي ربنا يبارك في عمرك ويرزقك وايانا حسن الخاتمة بصراحة مفكرتش اكتب وصيتي قيل كدة يمكن لاني لسة صغيرة و مش لاقية حاجة مهمة اوي ممكن اكتبها بس بعد ما قرات بتاعتك بفكر اكتبها حعطيها لمين مش عارفة يمكن زوجي او ابي

(حلـم) يقول...

اولا:بعد الشر عليكي


ثانيا:طالبة معك حقوق شرعية.



ثالثا:انسانة بحجم ايمانك لاتحتاج كل هذا التاكيد..


رابعا:الميراث حق مضاف الي مابعد الموت


بالتالي فان المورث يترك كامل حقوقة الي الورثة وهم اولي بالرعاية لها باعتبارهم الخلف..


وانا شخصيا لااقبل ان افترض انني ميت وانا على قيد الحياة ..

وارفض ان اوصي بشيء


فاعمالي هة الوصية الوحيدة علي


اختى امة


انتي رائعة


اوعي تكوني اخونجية ها


خليك علي السليقة افضل

ليس فقيرا من يحب يقول...

السلام عليكم

ياه مش عارفه اقولك ايه غير ربنا يسعدك ويرزقك طول العمر وحسن العمل
وينصرك على كل من ظلمك
ويجعل اخر كلامك لا اله الا الله

بس بجد اول مرة اخد بالى من حاجه زى دى

ودى محتاجه تفكير كتير

ربنا يسعدك يارب يا اختى

فى حفظ الله

الفراغ يقول...

سلام عليكم
بارك الله فى عمرك
ايه الحكايه
مالك يا امة الله
وبعدين اول مره اعرف انك كنت متزوجه
وال مره اعرف ان كان عندك بنت الله يرحمها
بجد يا مونليزا وجعت قلبى
وربنا يعوضك خير مما فقدتى
وينصرك على من ظلمك

ويحققلك كل اللى بتتمنيه فى الدنيا والاخره

موناليزا يقول...

مستر حازم
ـــــــــ
اهلا بيك استاذ حازم
وانا كمان والله كل ما اقرأها استشعر عظم الموقف
اللهم ارزقنا حسن الخاتمة
ربنا يكرمك يارب فماتوفيقى الا بالله
(اللهم لاتؤاخذنى بما يقولون واغفرلى مالايعلمون واجعلنى خيراً مما يظنون)
أشكرك جدا لمشاركتك




*********************************



د/عرفة
ـــــــــ
اهلا بيك يادكتور
ربنا يكرمك فماتوفيقى الا بالله
اللهم ارزقنا ميتة سوية ومردا غير مخزى ولا فاضح
اشكرك جدا لمشاركتك



**********************************



هكذا علمنى سيدنا محمد صلى الله عليه وسلم
ـــــــــــــــــــــــــــــ
اهلا بيك يافندم
اللهم ارزقنا قبل الموت توبة وعند الموت شهادة وبعد الموت رحمة
ونِعم الوصية
أشكرك جدا لمشاركتك




**********************************



ابو كريم
ـــــــــ
اهلا بيك استاذ بهاء
ربنا يكرمك ويتقبل دعائك اللهم امين
فعلا فيه ناس كتير بتنظر للموت على أنه حاجة بعيدة وصعب تحصلها رغم انه الحاجة الاكيدة فى حياتنا
اشكرك جدا لمشاركتك
ولإضافتك المميزة التى تمتعنا دايما
دمت طيبا ولمدونتى زائرا



*********************************


طهر فؤادك
ـــــــــ
وعليكم السلام ورحمة الله وبركاته
اهلا بيك يافندم
ربنا يتقبل دعائك ويرزقك بالمثل ان شاء الله
معنى كده انك لازم تدى الباسوورد لحد وتعرفه يتعامل معاها ازاى:)
ربنا يرزقنا ميتة سوية
أشكرك جدا لمشاركتك



*********************************


المهاجر الى الله
ــــــــــــــــ
وعليكم السلام ورحمة الله وبركاته
اهلا بيك يافندم
الشكر لله فماتوفيقى الا به والحمدلله الذى هدانى الى هذا
ربنا يكرمك ويتقبل دعائك ويرزقك بكل الخير اللهم امين
اشكرك جدا لتعليقك



*********************************



الطالبة عفو الله
ـــــــــــــــــ
اختى الحبيبة:اهلا اهلا بالقمر
فعلا الموضوع مش سهل ابدا
ربنا يكرمك ويتقبل دعائك ويزقك بكل الخير اللهم امين
نورتينى حبيبتى وسعيدة بزيارتك



*********************************




حلم
ــــــ
اهلا بيك يافندم
أولا: أشكرك لذوقك
ثانيا: اللهم احينا مسلمين وتوفنا وانت راض عنا
ثالثا: ربنا يكرمك يارب ده انا غلبانة اوى
وبعدين اذا كان النبى عليه الصلاة والسلام كان دائم قيام الليل والاستغفار فلما كانت السيدة عائشة بتسأله ليه بيشق على نفسه ررغم أن ربنا غفر له ماتقدم من ذنبه وما تأخر كان بيرد عليها ويقول أفلا أكون عبداً شكوراً
فما بالك بقى باللى يادوب بتكتب وصيتها وكلها رجاء فى الله ان يرزقها حسن الخاتمة
(اللهم لاتؤاخذنى بمايقولون واغفر لى مالايعلمون واجعلنى خيرا مما يظنون)
رابعا: متفقة معاك ولكن هذا من ناحية الاموال ولكن هناك أشياء أخرى تطلب أن نوصى بها مثال: مكان الدفن أو من سيقوم بعملية الغسل أو من سيقف على التجهيز وغيرها من مثل هذالاشياء
ربنا يديك طولة العمر وتكون فى طاعة دايمة لله
ربنا يعزك واشكرك جدا لرايك فماتوفيقى الا بالله
واطمن يافندم انا لا اخونجية ولا سلقية ولا حتى اعرف الفرق بينهم:)
أنا مجرد مسلمة بتحب دينها
أشكرك جدا لزيارتك ولمشاركتك



*********************************




ليس فقيرا من يحب
ــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
بعد دعائك الجميل ده انا مش عارفة ارد غير بجزاكى الله عنى خيرا وتقبل دعائك ولكِ بالمثل ان شاء الله
نورتينى حبيبتى واسعدتينى بزيارتك



**********************************



الفراغ
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
تعليقك أدمعنى وبرضه مش عارفة ليه:)
واضح فعلا انى مش متظبطة خالص اليومين دول واى حاجة بقت تخلينى ادمع :)
سلامتك من وجع القلوب ياحبيبتى سامحينى ماكنش قصدى
نورتينى واشكرك جدا لزيارتك

غير معرف يقول...

الموت علينا حق

لكن كلامك اثر فيي جامد

مقدرش اتخيل نفسي في اليوم دا والله حاجة صعبة مع انها مكتوبة علينا

ماشاء الله عليكي الي تحط الموت قدام عنيها كدا وتعمل لاخرتها ان شاء الله مثواكي الجنة باذن الله

ربنا يطول بعمرك ويجعل كلامك الرائع شفيع ليكي يارب

دمتي بحفظ الرحمن

ريمان يقول...

السلام عليكم


موناليزا


وجعتى قلبى بجد



:(


مش عارفه اقولك ايه

طوبه فضه وطوبه دهب يقول...

بجد احساس وشعور صعب اوى ربنا يجعلنا ممن تكون خير اعمالنا خواتيمها وخير ايامنا يوم نلقاهوعلى فكره تعليقى اخر فتره مش بالعربى لانى فى شغلى الكيبورد مش بتكتب عربى وبكون بقرء المواضيع وانا فى شغلى وبحب ارد عليها فى وقتها بدل ما انسى فهو دا السبب لكن انا واحده من الناس اللى بعشق اللغه العربيه اعظم لغه لغه اعظم كتاب وهو القرآن الكريم

♥نبع الغرام♥♪≈ يقول...

ياااااااااااه

حبيبتى فيكى كل دااااااا ربنا يصبرك يارب

ويجزيكى خير ويعوض صبرك خير يارب العالمين

بجد ابكتنى كلماتك

ربنا ما فيش احن منه
ربنا يتقبل منا ومنكم صالح الاعمال
ويعوض صبرك خير يارب
احبك فى الله
خلى بالك من نفسك
ايناس

TIMMY !! يقول...

ربنا يرحم الجميع ,

بالنسبة للسؤال كان حصل مرة كنت هموت و كتبت فعلا رسالة , أعطيتها لصديق لي و قلت له ابقى اديها لأهلي و انت هتعرف امتى لوحدك ...

بس الحمد لله ما متش , لأني كنت هدخل النار حدف !!

الحمد لله

ذكرى رحيل قلم يقول...

السلام عليكم

جميا اننا نتذكر الموت ولكن انا عمري ما فكرت اكتب وصية ولكن زوجي كتب لي
اما عن من سأعطيه بالطبع لا اثق الا في عشرة عمري

وابو ابني

تحياتي

أميرة يقول...

انتم دمعتم وانا اتفلقت من العياط

عملتها بيني وبين ربي من 3 سنين وجددتها من سنتين و اللي استودعته فيها عند الله متغيرش بس فيها طلب ان حد معين ميحضرليش الجنازة (تجهيزها يعني قبلها وبعدها) يمكن دلوقتي ممكن اغير الطلب دا بس الله اعلم بكرة مخبي ايه يمممكن يبان طلب قاسي بس قساوة يعلم بيها الله وبسببها

نفسي الرسول يصلي عليا ومحدش يسالني ازاي
نفسي اتدفن جنب حد صالح
نفسي اموت وحق الخلق عليا خالص
نفسي اموت وذنوبي معفو عنها
نفسي اموت وربنا راضي
نفسي ارد علي سؤال الملكين عن يقين بالرد متهزهوش ذنوبي
نفسي محدش يلبس اسود عليا ابدا
نفسي محدش يبكي عليا
نفسي حد يفتكرلي حاجة كويسة
لو ملقاش حاجة يدعيلي بالعفو والمغفرة
نفسي اعمل حاجة تفضل عايشة تتنقل من حد لحد ليوم الدين وموصلتش لايه الحاجة دي .. ربنا المستعان
نفسي مشوفش حاجة وحشة في اي حد ابدا

الله يحسن خاتمتنا ياااااارب ويختم لنا بعمل صالح ويرزقنا الجنة بغير حساب ولا سابقة عذاب

اي مواساة عمرها ما هتسد نزيف الم فقد عزيز خصوصا القريب
الله يجير المسلمين جميعا في مصابهم ويخلفهم خيرا منها ويصبرهم وايانا واياكم

ربنا يعزك ويحفظك ويجعل في الدنيا خير ما فيها وفي الاخرة اعلي ما فيها و يرزقنا الرضا ليرضي عنا

موناليزا يقول...

نوارة
ـــــــ
اختى الحبيبة:اهلا اهلا بالقمر بعد طول غياب
كده الاجازة خلصت صح؟

هو فعلا موقف صعب ولكنه الحقيقة الاكيدة فى حياتنا وعلينا تنفيذ امر النبى عليه الصلاة والسلام حينما قال"اكثروا من ذكر هادم اللذات"

ربنا يكرمك ياحبيبتى طب بس ياريت ربنا يكون راضى عنى
(اللهم لاتؤاخذنى بما يقولون واغفر لى مالايعلمون واجعلنى خيرا مما يظنون"

ربنا يسعدك ويرزقك بكل الخير
نورتينى ياجميلة وسعيدة بزيارتك




**********************************



ريمان
ــــــ
اختى الحبيبة:اهلا اهلا بالقمر
سلامة قلبك ياحبيبتى حقك عليا بجد ماكنتش أقصد
يكفينى وجودك حتى ولو لم تقولى شيئا
ربنا يسعدك ويرزقك بكل الخير
نورتينى ريمو الجميلة



***********************************



طوبة فضة وطوبة دهب
ـــــــــــــــــــ
اختى الحبيبة:اهلا اهلا بالقمر
ربنا يتقبل دعائك ويرزقنا حسن الخاتمة اللهم امين

اشكرك جدا للتوضيح ماهو انا كمان استغربت لانها مش عوايدك:)
نورتينى حبيبتى وسعيدة بزيارتك



*********************************


عاشقة الاحزان
ــــــــــــــ
اختى الحبيبة:اهلا اهلا بالقمر
تعليقك ابكانى ايضا
مش معقول كده بقى هنقضيها مناديل ولا ايه:)
ربنا يسعدك يارب ويتقبل دعائك ولكِ بالمثل ان شاء الله
أحبك الذى أحببتنى فيه
وانا أيضاً أحبك فى الله
نورتينى انوسة الجميلة وسعيدة بزيارتك




*********************************


تيمى
ــــــ
اهلا بيك يافندم
تقريبا كده استنتجت كان ايه الموقف
بس الحمدلله انه محصلش
ربنا يرزقنا جميعا حسن الخاتمة ويعتقنا من النار
بيعجبنى دايما تعليقك الصريح:)
اشكرك جدا لمشاركتك



******************************


ذكرى رحيل قلم
ــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يطول فى عمرك وزوجك وابنك فى طاعة الله ويجمعكم دايما على خير دنيا وآخرة اللهم امين
نورتينى غاليتى وسعيدة بزيارتك



**********************************



اليس فى بلاد العجائب
ـــــــــــــــــــــ
اختى الحبيبة:اهلا اهلا بالقمر
فى كل تعليق ليكِ بلاقى نفسى بتقولك بحبك
رزقنى الله واياكى حسن الخاتمة والثبات عند السؤال ومغفرة ورحمة من الله بدون حساب
ربنا يعزك دايما بطاعته ويفرح قلبك اللهم امين
نورتينى غاليتى وسعيدة بزيارتك

أميرة يقول...

ربنا يعزك يا رب ويفرح قلبك دنيا واخرة

وانا كمان بحبك :)
ربنا يباركلك يارب

مي يقول...

جزاكى الله كل خير نا ويديكى طول العمر ويبارك فى ابنتك ان شاء الله
وماشاء الله عليكى علمتينى من خلال وصيتك الكثير والكثير مع وجع قلبى ولكن تعلمت الكثير عن الموت وعن اداب الموت
طبعا بالنسبة لسؤالك لم اجد اجمل مما ذكرتى لمن ساعطيها ف لابى
تحياتى لابداعك

غير معرف يقول...

السلام عليكم
كالعادة تدوينة رائعة
جزاكِ الله خيراً
وجعله فى ميزان حسيناتك
خالص تقديرى

MOHAMMED ELBANNA يقول...

أمة الله
بجد رسالة مؤثرة جداً
ربنا يديكي طول العمر وحسن العمل
تقبلي تحياتي
محمد البنا
طريق النجاح
ــــــــــــــــ
رب اغفر لي ولوالدي

GiGi world يقول...

بصراحه يامونى انتى مواصيعك روعه قوى يعنى ماشاء الله

بس مش عارفه اكتب ايه فيها وهديها لمين مش عارفه
بس مش هديها لحد لانى هكون مت اللى يلاقيها بقى ياخدها

salwa يقول...

السلام عليكم اخت موناليزا
كلام تقشعر له الابدان لهيبة الموقف
و لا اراك الله سوءا دنيا و آخرة
و جعلنا و اياكي من التوابين و المتطهرين
ادراج قيم كعادتك
جعله الله في ميزان حسناتك
سلام

زهرة(جنى)الاسلام يقول...

السلام عليكم
مدونتك رائعة واقول لو هاكتب وصيتى
هاكتب بان اصحابى يهتم بقضية فلسطين والقدس
ومين هياخدهاهى لكل احبائى واهلى وكل ما اهتم بامورهم

فاتيما يقول...

مون مون
البوست رغم مصداقية
و واقعية ما فيه
لكن صعب تصوره على القلب جداااا
معرفش ازاى قدرتى تكتبيه بالسلاسة دى ربنا يا حبيبتى يطول ف عمرك
مع الصحة و راحة البال
أستوقفنى قوى رغبتك إن محدش يدخل عليك و متكونيش بتحبيه
و كمان حكاية الموبايل
اللى هيترمى ف النيل
بصراحة مفكرتش و مش عاوزة افكر فى اللحظة دى و ما بعدها لأنى اتصور و ازعم إن اخواتى و امى عارفين انا كنت هبقى عاوزة إيه و كل حاجاتى مفكرتش فى مصيرها ....
بنتك ملاك فى الجنة بيرفرف و يدعيلك
ربنا يصبر قلبك الطيب اللى اتعذب كتير قوى و يبدل حزنه بالفرح و السكينة
ب ح ب ك قوى

تأثير الفراشة يقول...

موناليزا، حقيقى مش عارفة اقول حاجة بعد اللى ذكرتيه

ربنا يكرمك يا رب و يرزفنا جميعا حسن الخاتمة و أن يتولّنا الله برحمته دائما و أبدا

جزاك الله خيرا

mahasen saber يقول...

ربنا يعوضك عن فقدانها خير يا مونا...

قلبتى عليا المواجع بكلامك افتكرت وفاة والدى الله يرحمه وافتكرت الشئ اليى مش عارفه انساه ابدا
وهو الموت

ربنا يحسن ختامنا جميعا

ومازلتُ أتعلم يقول...

ربنا يرحمنا جميعا ويدخلنا الجنة
بالنسبة للسؤال
لا عمى مافكرت اكتب وصية
بس عندى واحدة صاحبتى كاتبه وصيتها وقالتلى اديها لاهلها لما تموت
بجد
أنا مستغربة للموقف بصراحة

بس تعرفى حضرتك لفتى نظرى لكده
ابقى اجرب اعمل وصية واعدلها اول باول لحد ماموت

نسيبه يقول...

السلام عليكم ورحمة الله وبركاته
وحشتيني
ربنا يرزقنا حسن الخاتمة
اللهم إن كانت الحياة خيرا لي أحيني وإن كانت الوفاة خيرا لي فتوفني مسلما وألحقني بالصالحين
أما عن الوصية فكما كتبتي لأنها وصية الإسلام
وسأعطيها لأمي لأنها هي من معي في المنزل فلابد أن نعطيها لمن يستطيع تنفيذها

موناليزا يقول...

أليس فى بلاد العجائب
ـــــــــــــــــــ
اختى الحبيبة:ربنا يسعدك يارب
أحبك الذى أحببتنى فيه
وسعيدة جدا بمعرفتنا ويارب دايما احباب فى الله
نورتينى غاليتى




*********************************



مى
ــــــ
اختى الحبيبة:اهلا اهلا بالقمر
ربنا يكرمك يامى ولكن ابنتى الان عند بارئها
سلامة قلبك من اى وجع وربنا يديكى طولة العمر فى طاعة الله
نورتينى مى الجميلة وسعيدة بزيارتك



**********************************



العصفورة
ـــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يكرمك يارب فماتوفيقى الا بالله
نورتينى حبيبتى وسعيدة بزيارتك



********************************


محمد البنا
ـــــــــــ
اهلا بيك استاذ محمد
اشكررك جدا لرأيك ولتعليقك ربنا يكرمك
دمت طيبا ولمدونتى زائرا




**********************************



جيجى وورلد
ــــــــــــ
اختى الحبيبة:اهلا اهلا بالقمر
بتوحشينى جدا على فكرة:)
ربنا يعزك يارب فماتوفيقى الا بالله
ربنا ييديكى طولة العمر فى طاعة الله
ويرزقنا جميعا حسن الخاتمة
نورتينى جيجى الجميلة وسعيدة بزيارتك



**********************************


سلوى
ــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ويتقبل دعائك اللهم امين
نورتينى سلوى الجميلة وسعيدة بزيارتك



********************************


زهرة الاسلام
ــــــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
ربنا يكرمك واشكرك جدا لرايك ولمشاركتك
نورتى مدونتى وارجو دوام التواصل



**********************************



فاتيما
ــــــــ
اختى الحبيبة:اهلا اهلا بأم يوسف الغالية
وحشاااانى جدا ياحبيبتى ويارب تكونى بخير

أوقات كتير بعد ماتكتبى حاجة وتيجى تقرأيها مابتبقيش مصدقة انك انتى اللى كتبتيها أهو أنا أغلبية الوقت كده:)

اما عن عدم دخول حد مابحبوش فى حياتى عليا المفروض اللى هيكونوا معايا يبقوا عارفين ده من غير مااقول يعنى بس برضه عشان مايقولوش اتحرجنا او مخدناش بالنا :)
وموبايلى ياستى رغم ان نوعه قديم بس ده اول حاجة اشتريها بمالى الخاص ولانه دلؤتى بيتباع بسعر اى كلام ولو حتى حد خده هيتريق عليه وانا أحب ان حاجتى تكون متكرمة فقررت ان محدش يستخدمه بعدى :)

ربنا يبارك فى عمرك ياحبيبتى ويرزقنا واياكِ حسن الخاتمة
بعد زيارتك الجميلة وتعليقك الاجمل مش لاقيه غير انى اقولك جزاكِ الله عنى خيراً
أحبك الذى أحببتنى فيه
وانا كمان بحبك جداااااااااا
وعايزة حضن كبير قبل ماتمشى:)
نورتينى طماطم الجميلة واسعدتينى حقا بزيارتك وماتتأخريش عليا كتير كده:)


***********************************



تأثير الفراشة
ــــــــــــــ
أختى الحبيبة:اهلا اهلا بالقمر
ربنا يعزك ويتقبل دعائك اللهم امين
ويكفينى وجودك وزيارتك الجميلة
نورتينى حبيبتى



*********************************



محاسن صابر
ــــــــــ
أختى الحبيبة:اهلا اهلا بالغالية
سلامتك من اى وجع ياحبيبتى معلش حقك عليا بجد ماكنتش اقصد:(
ربنا يعزك يارب ويتقبل دعائك ويفرح قلبك اللهم امين
نورتينى سونا الجميلة واسعدتينى بزيارتك



*********************************


ومازلت اتعلم
ـــــــــــــــ
اختى الحبيبة:اهلا اهلا بالقمر
ربنا يرزقنا جميعا حسن الخاتمة
تعرفى انى فكرت فى كتابة الوصية من وانا فى ثانوى وكل سنة بتعدى كنت بغير فيها حاجات كتير لانى كل سنة كنت بقرب من ربنا اكتر فاكتشف ان فيه حاجات ماتنفعش شرعا يعنى:)
والحمدلله ان هدانى الى هذا
نورتينى ياجميلة وسعيدة بزيارتك



*********************************


نسيبة
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ياااااااااه أخيرا النت وصل:)
وحشتييينى جدا ويارب تكونى بخير

أنتى كمان هترمى موبايلك فى النيل؟ :)

عايزاها بالتفصيل لوسمحتى احنا طبعا متفقين على اساسيات فى الشريعة بس بالنسبة لممتلكات سيادتك هتوصى بايه؟

على فكرة انا هوصيكى تانى انى يوم ما اموت انتى المسئولة انك تعرفى اخواتى المدونين بده وانا قلتلك هتقولى لمين
اوعى تكونى نسيتى:)
ربنا يرزقنا جميعا حسن الخاتمة ويجعل اجمل ايامنا يوم لقاه ويجمعنى بك دائما على خير دنيا وآخرة يا رفيقة العمر:)
نورتينى غاليتى واسعدتينى بتواجدك

منى يقول...

موناليزا
ربنا يعطيكى الصحه ويبارك فى عمرك يا رب
عارفه انا دايما بفكر فى يوم موتىو ونفسى بجد اطمن ان مفيش حد غريب هيدخل على غسلى
وكتبت وصيتى اكتر من مره بس من مده

فعلا عايزه اكتبها تانى وتقريبا هتكون زى وصيتك مع بعض الاختلافات البسيطه
لكن مش هعطيها لحد هخليها عندى واعرف الجميع مكانها
ويومها يبقوا يطلعوها

ربنا يسترنا جميعا فوق الارض وتحت الارض ويوم العرض عليه

mohamed ghalia يقول...

الموضوع فعلا محتاج تفكير
متهيألى انا لو وصيت أكيد هيكون بنفس وصيت حضرتك
لمين أكيد هيكون لزوجتى وأولادى وبما إنى لسه مرتبطش يبقى لأمى

top-fn يقول...

أشكرك جزيل الشكر ع التذكره

وجعلك زخرا للاسلامـ والمسلمين

اللهم هون علينا سكرات الموت واحسن خاتمتنا

خالص تحياتي ،،

موناليزا يقول...

منى
ـــــ
اختى الحبيبة:اهلا اهلا بالقمر فينك من زمان
ربنا يعزك ياحبيبتى ويرزقنا جميعا حسن الخاتمة
نورتينى منمن القمر وسعيدة بمشاركتك



*******************************




محمد غالية
ـــــــــــ
اهلا بيك استاذ محمد
اشكرك جدا لتواجدك ولمشاركتك
دمت طيبا ولمدونتى زائرا





*********************************




عمرو
ـــــــ
اهلا بيك استاذ عمرو فى زيارتك الاولى
اشكرك جدا فماتوفيقى الا بالله
نورت مدونتى وسعيدة بزيارتك

بنت الصالحين يقول...

حرام عليكِ والله قلقتيني عليكي جدا


::::::::::

فكرت اكتب وصيتي قبل كده وانا وامي بنكتب فيها وطبعا كل مايجد جديد هنزود فيها



حفظك الله وسلمك من كل سوء


انتي مش ناوية تكلمينا ع المسنجر ولا ايه ؟؟؟

كلمات من نور يقول...

الله الله يا موناليزتي الحبيبة

مش عارفه أرد على كلامك وكان مفروض ابعت رد بدون كلمات لولا سؤالك الذي سأجيبك عليه بصدق

أنا يا حبيبة القلب دوما أوصي ابني الكبير منذ كان مراهقا صغيرا حيث أني غاوية عمليات جراحية فكنت قبل العملية أقوله ما لي وما علي حتى ولو كانوا بضعة جنيهات وكنت أوصيه بأن يحتفظ لنفسه إن أراد هو أو أحد من أخوته بإحدى حليي الفضة و أيضا يهدي بعضها لأخواتي أو صديقة عمري و توأمي و إذا سألتي عن موضوع الحليي هذافأنا سأجيبك أنني لم أعد أرتدي الذهب منذ سنوات حتى الحلق البسيط الذي كنت أرتديه أهديته إلى ابنة أختي الحبيبة ...منذ سنوات يا غالية لم تعد عيني تميل إلى بر يق الذهب والماس ووالزينه والرياش من الملابس وكم أتوق أن يقبل الله مني بيعي لتلك الحلي والمجوهرات ، حتى خاتم زواجي الماسي والمحبس سألت زوجي إن كان سيحزن إن قمت ببيعهم والتبرع بالمال للمحتاجين فقال لي : هي أشياؤك الخاصة ولا اعتراض لدي على هذا ، كان هذا كي اشتري من الله جنة الفردوس وصحبة رسول الله صلى الله عليه وسلم مع النبيين والصديقين وحسن أولئك رفيقا ومن بين هؤلاء أتمنى أن تكوني هناك معي أنتي وكثيرات وكثيرون أحبكن في الله و أعلم أنكم على خير ، لا أزكي على الله أحدا ...هائنذا كشفت جزء من وصيتي أم الباقي فهو كما تقولين أنتي من خطوات سردتيها وجعلت شعر رأسي يقف و كأنني أرى موتي وما أريده في أخر لحظاتي على وجه الأرض

ربي يبارك فيكي ويمد عمرك و في الجنة إن شاء الله ، في مقعد صدق عند مليك مقتدر ستجدي ابنتك كلؤلؤ مكنون وستداعبينها وتمرحي معها و ليتني أكون معكي هناك لأراها...أحبك في الله

أم أحمد المصرية يقول...

حبيبتي موناليزا دخلت قرأت تدوينتك امس و لم اعلق و اليوم ادخل مرة اخري مع اني لا ادري متي كانت اخر مرة لم اعرف فيها بماذا اعلق ؟؟!!
اللهم اجعل خير اعمانا خواتيمها و خير ايامنا يوم نلقاك فيه
اللهم انا نسألك رضاك و الجنة و نعوذ بك من سخطك و النار
اللهم تقبل يارب العالمين

ملحوظة:
لم اقرا تدوينتك الرا ئعة عن الدعاء الا اليوم نظرا لأني كنت في اجازة تدوينية كما تعلمين انها شاملة و شديدة الفائدة نفع الله بها عباده و نفعك بها يوم القيامة ان شاء الله

rovy يقول...

اختى الحبيبه .. ربنا يبارك فيكى و فى عمرك و يرزقك عمرا مديدا سعيدا .. اللهم امين ..
صحيح الموت حق و لكننا عندما نحب انسان و نعتز به .. لا نستطيع ان نفكر فى مجرد فراقه ..فسامحينى لانى بجد مش قادره اكتب او اعلق بجد تعبت جدا ..
ربنا ما يحرمنا منك ابدا و لا يحرمنى من وجود اخت جميله مثلك فى حياتى .. امين

خالص مودتى

Unknown يقول...

وصية ؟
تصدقى انا لسة راجعة من صلاة جنازة من شوية ؟؟ سبحان الله

جزاك الله خيرا على الوصية الجميلة
وثبت الله قلبك على حبه ودينة
اما عن وصيتى ؟؟
فأوصى بقرأة القران لى والتصدق واهدائى الثواب
اما من اعطية الوصية فالعلم عند الله

Unknown يقول...

السلام عليكم ورحمة الله وبركاتة
حبيبتى
بجد رحم الله ابنتك
وعوض صبرك خيرا
ان شاء الله
وان شاء الله ربنا يعطيكِ بركت العمر
طول العمر مع حسن العمل
فانت غالية عن الجميع وعندى انا بالاخص ويعلم ربى ذلك
ادام الله عليك رضاة ونعمة الحياة لتسعدينا بكلماتك العاذبة
ربنا يكرمك يا رب
ويا رب نباركلك على بيبى قريبا
اللهم امين
اما بالنسبة لابنتك
فهى سبقتك الى الجنة واعلم انها قلبك وروحك
اذا فجزء منك فى الجنة اذن فالباقى سيكون فى الجنة
اللهم امين

princess يقول...

جزاكى الله خيرا
هو البوست صدمنى شوية بس الموت هو الحقيقة الوحيدة اللهم احسن خواتمنا

موناليزا يقول...

عاشقة الفردوس
ــــــــــــــــ
أختى الحبيبة:اهلا اهلا بالقمر
اسفة لقلقك بجد تسلميلى ياحبيبتى واطمنى انا الحمدلله بخير
ربنا يكرمك واشكرك جدا لمشاركتك

اعذرينى بجد اوقات كتير بنسى افتحه:)
بس بما انك فكرتينى هفتحه دلؤتى ويارب الاقيكِ
نورتينى ياجميلة وسعيدة بزيارتك




*********************************



كلمات من نور
ــــــــــــــ
اختى الحبيبة:اهلا اهلا بالغالية
ماشاء الله عليكِ ربنا يقوى ايمانك يارب ويزيدك من فضله
تعرفى اوقات كتير بستغرب لما الاقى واحدة مثلا اقترح عليها انها تجمع ملابسها المستخدمة هى وابنائها عشان تبرع بيهم فالاقيها ترد عليا بانه خسارة لانهم لسه كويسين وانا ممكن أخس شوية وارجع البسهم تانى فساعتها اقولها انتى بتطلعيهم لله يعنى لازم تكون حاجة كويسة جدا ونظيفة كمان
ولكن انك لن تهدى من تحب ولكن الله يهدى من يشاء
فهنيئاً لنا بهداية الله لنا ومعرفتنا بطريقه
أدمعنى تعليقك وخنق العبرات بداخلى ولا اجد سوى ان اقول جزاكى الله عنى خيرا ورزقكِ بكل ماتتمنين دنيا وآخرة اللهم امين
نورتينى غاليتى واسعدتينى بمشاركتك



*********************************



أم أحمد المصرية
ـــــــــــــــ
اختى الحبيبة:اهلا اهلا بالقمر
يسعدنى تواجدك دائما فلا تحرمينى من هذا
ربنا يسعدك ويتقبل دعائك اللهم امين
نورتينى حبيبتى ودمتِ بخير




********************************



روفى
ــــــ
أختى الحبيبة:اهلا اهلا بالغالية
ربنا يسعدك يارب ويرزقك بالمثل اللهم امين
انتِ جميلة اوى ورقيقة جدا وانا بحبك فى الله
وبعد تعليقك ده مش عارفة أرد بإيه غير أنى أدعى ربنا انه يجمعنا دايما
اللهم كما جمعتنى بأخت غالية فى الدنيا دون ان أسألك فلا تحرمنى صحبتها فى الجنة وأنا أسألك
نورتينى غاليتى واسعدتينى بتواجدك



*********************************


نهر الحب
ـــــــــــ
أختى الحبيبة:اهلا اهلا بالقمر
وحشتينى يانوسة فينك من زمان ياحبيبتى

ربنا يكرمك ويرزقنا واياكِ حسن الخاتمة
نورتينى ياجميلة وسعيدة بتواجدك


**********************************



حتى تشرق الشمس
ـــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالغالية
ربنا يكرمك ياحبيبتى ويتقبل دعائك
(بس لما ألاقى الأب المناسب أولا):)
وانتى أيضاً لكِ عندى معزة خاصة وأشعر بأنى أعرفك منذ زمن
ربنا يديم بينا الحب فيه اللهم امين
ربنا يبشرك يارب بكل الخير ونكون صحبة فى الجنة اللهم امين
نورتينى حبيبتى واسعدتينى بتواجدك



**********************************



برينسيس
ــــــــــ
أختى الحبيبة:اهلا اهلا بالقمر
ربنا يكرمك ويرزقنا جميعا حسن الخاتمة
نورتينى ياجميلة ودمتِ بخير

(Joudy) يقول...

ربنا يبارك فى عمرك يارب

بس تصدقى ياموناليزا حقيقى أنا جاتنى الفكرة دى لما خالى كتب وصيته قبل ما يسافر قولت أكتب إيه وهوصى بإيه مفيش غير إن أوصى بالصبر لأنى مش أمتلك شئ أوصى بيه غيره الصبر وإن الواحد يكون عارف إن دنيتنا فانية والحقيقة الوحيدة فيها الموت وإن الواحد يتمسك بدينه بالطريقة السليمة اللى هى السنة مش غير كده هدى وصيتى لمين مفيش حد غير ماما هى اللى ليا فى الدنيا ومليش غيرها

ربنا يبارك فى عمرك وفيكى بإذن الله

دمتى بكل الخير والسعادة

موناليزا يقول...

جودى
ــــــــ
اختى الحبيبة:اهلا اهلا بالقمر
ربنا يكرمك يارب ويرزقنا جميعا حسن الخاتمة
نورتينى ياجميلة واشكرك جدا لمشاركتك