الأربعاء، 21 أكتوبر 2009

سِحر المال

مما لا شك فيه أن المال من أكثر الفتن التى توجد بيننا. فمن الناس من يكسب الكسب الحلال حتى لو لم يكن يكفي متطلباته. ومنهم من يكسب المال بطرق غير مشروعة وأشهرها على الإطلاق وعلى جميع الفئات والمستويات الرشاوى.وممكن جداً المال يكون نعمة لصاحبه ويأخذ به حسنات فى الدنيا والآخرة - يعنى بيكسبه من حلال وبينفقه على حلال-وممكن أيضا يكون نقمة وحُجة عليه يوم القيامة.
ولذلك سأتحدث إلى من يمتلك المال عموماً حتى لو كان قليلاً.
وسأتحدث أيضاً إلى من يكنزون الذهب والفضة خشية الفقر. وأقول باختصار أنفق ينفق الله عليك.
ولأن الله يرضى من عباده القليل ولكنه يعطى لعباده الكثير, فالحسنة عنده بعشرة ويزيد والسيئة عنده بواحدة ويعفو.
سأعرض بعض الفرص الذهبية التى ممكن أن نحصل عليها بشئ واحد فقط.
وهى الصدقة.
فإذا أردت الحفاظ على أموالك بل وتنميتها أيضا.
فقد قال رسول الله صلى الله عليه وسلم" ما نقص مال من صدقة".
قال الله تعالى: يَمْحَقُ اللّهُ الْرِّبَا وَيُرْبِي الصَّدَقَاتِ وَاللّهُ لاَ يُحِبُّ كُلَّ كَفَّارٍ أَثِيمٍ [البقرة:276].
وقوله صلى الله عليه وسلم : "ما فتح رجل باب عطية بصدقة أو صلة إلا زاده الله بها كثرة"
إذا أردت أن تزيد من درجاتك عند الله.
"إن المصدقين والمصدقات وأقرضوا الله قرضا حسنا يضاعف لهم ولهم أجر كريم "{الحديد: 18}
قوله ـ تعالى ـ:" وأقرضوا الله قرضا حسنا وما تقدموا لأنفسكم من خير تجدوه عند الله هو خيرا وأعظم أجرا" {المزمل: 20}
وقوله ـ سبحانه ـ: "ما عندكم ينفد وما عند الله باق" {النحل: 96}.
إذا أردت أن تطفئ غضب الرحمن و تدفع عنك أى مكروه وتقى نفسك من الميتة السوء.
قال رسول الله : { صنائع المعروف تقي مصارع السوء، وصدقة السِّر تُطفئ غضب الرب، وصلة الرحم تزيد في العمر } [رواه الطبراني/ صحيح الجامع:3797].
إذا أردت ان تتبدل سيئاتك حسناتك.
"إن الحسنات يذهبن السيئات "{هود: 114}.
"خذ من أموالهم صدقة تطهرهم وتزكيهم بها "{التوبة: 103}
وقوله صلى الله عليه وسلم : "والصدقة تطفئ الخطيئة كما يذهب الجليد على الصفا.
(صحيح ابن حبان: 12-378 ـ 379 رقم: 5567، وصححه المحقق، وحسنه الألباني في صحيح الترغيب والترهيب: 1-363 رقم: 861.)
قوله صلى الله عليه وسلم : "وأتبع السيئة الحسنة تمحها".
(جامع الترمذي: 4-355 رقم: 1987 وقال: (حسن صحيح)، وحسنه الألباني في صحيح الجامع: 1-81 رقم: 97.)
إذا أردت أن يأتيك الثواب وأنت في قبرك .
قال صلى الله عليه وسلم 'إذا مات الإنسان انقطع عمله إلا من ثلاثة: ـ وذكر منها ـ صدقة جارية'
إذا أردت أن تكون ممن يظلهم الله فى ظله فى يوم لا ظل فيه إلا ظله.
قال رسول الله : { كل امرئ في ظل صدقته حتى يقضي بين الناس! } [رواه أحمد وابن خزيمة وابن حبان والحاكم/ صحيح الترغيب:872].
وفي حديث السبعة الذين يُظلهم الله في ظله يوم لا ظل إلا ظله: { ورجلٌ تصدّق بصدقة فأخفاها؛ حتى لا تعلم شماله ما صنعت يمينه! } [رواه البخاري ومسلم، واللفظ للبخاري].
وقال رسول الله : { من نفّس عن غريمه، أو محا عنه، كان في ظل العرش يوم القيامة } [رواه البغوي في شرح السنة صحيح الترغيب:911].
إذا أردت أن تقى نفسك من النار.
{ اتقوا النار ولو بشق تمرة، فمن لم يجد فبكلمة طيبة } [رواه البخاري ومسلم].
إذا أردت أن تداوى الأمراض.
"داووا مرضاكم بالصدقة".





يحضرنى الآن موقف لاأتذّكر مصدر روايته يقول:
سائل طلب حاجة من شخص ما فقال له "خذ لا لك" فقال له "هات لا منك"
بمعنى أن المتصدق يعطيه وهو متأفف ويقول أنها لله وليست لك. فكان رد السائل" سآخذها لأنها ليست منك وإنما من الله".

ويوجد فرق بين القرض والصدقة.
يعنى لو حد سألك قرض من المال ووعدك انه هيرجعهولك أفضل من صدقتك على شخص آخر. رغم أن المال المقترض سيعود إليك والمال الذى تصدقت به لن يعود إليك.
لأن من طلب المال الآن فهو فى حاجة فعلية له وطلب بقدر حاجته.
أما صدقتك تكون بحسب ماتريد أنت إعطائه وبأى كيفية ولأى شخص.
"من ذا الذي يقرض الله قرضا حسنا فيضاعفه له أضعافا كثيرة" {البقرة: 245}.
و أيضاً قوله صلى الله عليه وسلم : "من نفَّس عن مؤمن كُربة من كُرب الدنيا نفَّس الله عنه كُربة من كُرب يوم القيامة، ومن يَسَّر على مُعسر يسَّر الله عليه في الدنيا والآخرة، ومن ستر مسلماً ستره الله في الدنيا والآخرة، والله في عون العبد ما كان العبد في عون أخيه"مسلم: 3-2074 رقم: 2699.

وللصدقة ثواب عظيم:
فقد كان سفيان الثوري ينشرح إذا رأى سائلاً على بابه، ويقول:( مرحباً بمن جاء يغسل ذنوبي! ).

وكان الفضيل بن عيّاض يقول:( نعم السائلون؛ يحملون أزوادنا إلى الآخرة بغير أجرة! حتى يضعوها في الميزان بين يدي الله تعالى! ).



قال النبي : { الساعي على الأرملة والمسكين؛ كالمجاهد في سبيل الله، أو القائم الليل الصائم النهار! } [رواه البخاري ومسلم].
وقال رسول الله : { أفضل الأعمال أن تُدخل على أخيك المؤمن سروراً، أوتقضي عنه ديناً، أو تطعمه خبزاً } [رواه البيهقي في الشعب وابن أبي الدنيا في قضاء الحوائج/ صحيح الجامع:1096].


وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ (10) وَلَن يُؤَخِّرَ اللَّهُ نَفْساً إِذَا جَاء أَجَلُهَا وَاللَّهُ خَبِيرٌ بِمَا تَعْمَلُونَ [المنافقون:11،10].


قال رسول الله : { ما تصدق أحد بصدقة من طيّب، ولا يقبل الله إلا الطيب، إلا أخذها الرحمن بيمينه، وإن كانت تمرة، فتربُو في كف الرحمن، حتى تكون أعظم من الجبل! كما يُربِّي أحدكم فَلُوّه أو فصيله } [رواه البخاري ومسلم، واللفظ لمسلم].
وتذكر قول النبي : { اتقوا النار ولو بشق تمرة، فمن لم يجد فبكلمة طيبة } [رواه البخاري ومسلم].



قال ابن مسعود رضي الله عنه: ( درهم ينفقه أحدكم في صحته وشحه، أفضل من مائة يوصى بها عند الموت ).

أتعجب ممن يتصدق بمال غيره مثلاً
فقد سمعت أحدى المشكلات التى تأتى عبر برامج الفتوى كانت تقول بأنه تم التصدق بمال وجده كان فى محفظة فى أرض الحرم فما حكم الشرع .وعجبنى وقتها رد الشيخ الذى لام السائل وقال له كيف تتصدق بمال ليس مالك كنت اتركها مكانها وكان صاحبها هييجى يدور عليها. لإنك كده منعت صاحب المال من ماله.


قال رسول الله : { كان رجل يداين الناس، فكان يقول لفتاه: إذا أتيت معسراً، فتجاوز عنه، لعل الله يتجاوز عنا، فلقي الله فتجاوز عنه } [رواه البخاري ومسلم]. وفي رواية للبخاري: { فأدخله الله الجنة! }.

اذا كنت تحب الله حقاً
فالصدقة برهان"
" لن تنالوا البر حتى تنفقوا مما تحبون "{آل عمران: 92}
فصدق المحبة لله وطلب القرب منه يتطلب أن تعطى مما تحب وليس مما هو فائض لديك فقط
ولهذا أتعجب مثلاً ممن يتصدقون بملابس قديمة جدا ومتهالكة وتكاد لا تصلح للإستخدام الآدمى ووقتها أقول كيف يقدمون هذه لله أما علموا أن الصدقة تسقط فى يد الله أولاً!.
وأرى فئة أخرى يفيض منها طعام كثير ولا تفكر فى أن تعطيه للبواب مثلاً أو أن تشارك به الجيران والمعارف أو أن تتصل ببنك الطعام وهما يعطوه لمن يستحق ولكنها بدل كل هذه الأفكار ترميه فى القمامة!!.
أما علموا بأن رجل دخل الجنة لأنه سقى كلب. فما بالك لو كان سقى إنسان.
وأخيراً لا تخجل من إعطاء القليل لأن الحرمان منه أقل.




وبعض الأفكار ستجدونها هنا:
سؤال جانبى
ــــــــــــــــــــــــــــــــــ
* أذكر موقفك مع المتسولين؟ وما أطرف أو أغرب موقف تعرضت له؟.
*أذكر موقف يدل على أثر الصدقة معك. أو موقف حدث مع غيرك ولكنك تأثرت به؟.

هناك 43 تعليقًا:

سفيرة المحبه يقول...

السلام عليكم
موضـــوع قيم ... جزاكِ الله خيرا أختي على طرحه
تقبلي مروري ^^

حاول تفتكرنى يقول...

ما شاء الله

قرات موضوعك القيم ، لم تتركي جزئية بسيطة تجعله غير واف

كل أموالنا مهما كان قوامها ، ضغيرا أو كبير ، ماهو إلا مال الله تعالي ونحن فقط مستخلفين فيه

آمِنُوا بِاللَّهِ وَرَسُولِهِ وَأَنفِقُوا مِمَّا جَعَلَكُم مُّسْتَخْلَفِينَ فِيهِ فَالَّذِينَ آمَنُوا مِنكُمْ وَأَنفَقُوا لَهُمْ أَجْرٌ كَبِيرٌ

ع نفسي دائما اتمني ان اكون فى مواقف اؤدي فيها اداءا يرضي الله ورسوله

احييك بشدة على موضوعك

الربان يقول...

تحياتي

أشكرك علي موضوعاتك المتميزة دائما...

و لو علم الناس و تيقنوا من فوائد الصدقه لهم و للمجتمع ككل لما بقي فقير
واحد..او محتاج...

قال تعالي :

" زين للناس حب الشهوات من النساء والبنين والقناطير المقنطرة من الذهب والفضة والخيل المسومة و الأنعام والحرث،
ذلك متاع الحياة الدنيا، والله عنده حسن المآب. قل أؤنبئكم بخير من ذلكم،للذين اتقوا عند ربهم جنات تجري من تحتها الأنهار ، خالدين فيها، وأزواج مطهرة،ورضوان من الله والله بصير بالعباد".
آل عمران .. 14

نسأل الله ان يرزقنا القوة الايمانية لنتخلص من شح النفس...و حب الشهوات
و ان يجعلنا ممن يستمعون القول فيتبعون
أحسنه...

جزاك الله الخير كله...عاجله و آجله..

تحياتي و تقديري

(المهاجر الى الله) يقول...

السلام عليكم ورحمة الله وبركاته:
ما شاء الله عليكى وعلى هذا العرض المبارك ، اسلوب جميل ومنسق .
بس هوه انا ليا استفسار صغير ، انتى قولتى
(ويوجد فرق بين القرض والصدقة.
يعنى لو حد سألك قرض من المال ووعدك انه هيرجعهولك أفضل من صدقتك على شخص آخر. رغم أن المال المقترض سيعود إليك والمال الذى تصدقت به لن يعود إليك.
لأن من طلب المال الآن فهو فى حاجة فعلية له وطلب بقدر حاجته.
أما صدقتك تكون بحسب ماتريد أنت إعطائه وبأى كيفية ولأى شخص.)
سبب وعلة الافضلية هنا ليس بكاف ليتحقق فضل القرض الحسن على الصدقة وخصوصا لو كانت جارية ، وخصوصا ان الاحاديث الواردة فى الصدقة وكذالك الايات القرانية اكثر بكثير جدا من الواردة فى القرض ، ويكفى ان صدق السر تطفىء غضب الرحمن ،وكمان ممكن قوى يكون المتصدق اليه فى حاجة ماسة للمال بالفعل ولكن لا نعلم بحالة ، وحديث الرسول الخاص بتفريج الكروب عن المؤمنين ينطبق ايضا فى حالة الصدقة والتى لا يشترط ان تكون على هيئة مال ،كمان ان القرض المقصود بالاية الكريمة ليس بالضرورة ان فلان يقدم مال عن طريق السلف لفلان بل ان الصدقة تعتبر قرضا لان من يتصدق على خلق الله فانه يقرض الله ، لذلك من اين كونتى اعتقاد بان القرض الحسن افضل من الصدقة عموما ، عذرا اختى فانى حقيقة اود ان اعرف اذا كانت هذه قاعده فقهية ولا اعرفها ام مقولة لاحد العلماء او المفسرين ولا اعرفها ام انه مجرد اجتهاد شخصى .
وفى النهاية تقبلى مرورى وعذا على الاطالة.

غير معرف يقول...

مانقص مال عبد من صدقة
والمال الحرام لا يدوم بل هو يمثل جمبر خبيثة في قلب البيت وهو سبب الهم والضرر الذي يلحق بصاحبة ونسال الله ان يعافينا..
.. موقف مع متسول : الله يسهلهم
.. عادة يافندم اي واحد اخلص في الصدقة اللي بينفقها بيشعر باطمئنان وسكون ورحمة بتنزل علي قلبة وهذه نعمة من الله ..
أشكرك

ستيتة يقول...

السلام عليكم
بصراحة مش ها اقول موضوع قيم وتذكرة مشكورة
لأن كل مواضيعك كده
بحبك لأن لك منهج في الحياة
ولا أزكيك على الله

مليش موقف مع الشحاتين غريب كلها مواقف عادية جدا
الصدقة فادتني كتيييييييييييييير "من الفداء" وياما ربنا شال بيها مصائب ورد عني قضاء
الصدقة لا تنقص مالي ابدا والحمد لله انا في زيادة من يوم ما اتولدت لحد النهاردة
كل يوم ربنا بيزيدني في شيء
والله العظيم انا في زيادة ورحمة وفضل عظيم من ربنا
انا في منعة من سوء كيد اعداء وزيادة في عدد من يحبني وان تعدوا نعمة الله لا تحصوها
وصدق رسولنا الكريم عليه افضل الصلاة والسلام

تسلم ايدك

حلم بيعافر يقول...

اللهم اعنا على طاعتك
ربنا يبارك فيكى
انا موقفى مع المتسولين انى بامشى ومبعبرش مش لحاجة الا لانى عارف انهم بيستهبلوا وشفت بعينى محدش قالى
ومن المواقف اللى شفت فيها اثر الصدقة ناس اتبرعوا وعملوا حاجة كده زى معهد وربنا باركلهم فى فلوسهم والخير زاد ومانقص مال من صدقة

(Joudy) يقول...

حقيقى موضواعتك ماشاء الله جزاك الله خيرا وربنا ما يجعلنا عباد للأموال ...

أما بقى مواقف المتسولين الحكاية الجديدة اللى فيها بيدوا الواحد ورق فى أدعية وأذكار الموقف كالآتى بيتعاملوا مع الواحد زى البائعين اللى فى الأتوبيسات برميها عليكى وبيرجع يشوف مين اللى هيطلع صاحبتى رفضت البنت كانت صغيرة أخدت منها الورقة وراحت البنت خبطت صحبتى فى رجليها بصراحة فضلنا نضحك وإحنا مستغربين

بس فى الحقيقة الواحد لما بيلاقى حد محتاج ويديله بيحس براحة نفسية انه عمل خير

دمتى بكل الخير والسعادة

جمهورية شومبونجو العربية يقول...

السلام عليكم

تحياتى لحضرتك

وجزاك الله كل خير
على الموضوع القيم ده
وربنا يجعلة فى ميزان حسناتك يارب

تقبلى مرورى
فى رعاية الله
...........
رئيس لجمهورية

Hanan Elshafey يقول...

السلام عليكم

خالص تحياتي لمجهودك الرائع وجزاكِ الله عنه كل خير

اعمق دعواتي

مي يقول...

ماشاء الله عليكى بجد كفيتى ووفيتى
الموضوع هايل جداااااااااااا
جزاكى الله كل خير
بس بخصوص السؤال كان فى مرة متسولهكانت فى المقابر وبجد بيكونوا كتير اوووى والست دى كانت خرساء
وفعلا الناس تصدقوا لها كتير بس لقيتها بتتكلم مع صبى من صبيانها بعد كده وبتحاسبة انا استغربت دى عامله مشروع التسول على نطاق واسع
فبعتقد انى لما اتصدق احط فى الاعتبار ناس محتاجة فعلا او ناس مريضة وده يساعدهم وطبعا كل ده لربنا فى الاول والاخر مادام النيه صادقة

بجد اشكرك على الموضوع ده

Heba Faruq يقول...

جزاك الله كل خير ونور طريقك
تدوينة أكثر من رائعة
أشكرك كثيرا عليها

بالنسبة للمتسولين فأنا لا احبذ نهائي اعطائهم شيء خاصة هؤلاء الذين لهم مكان محدد واذكر ان الشيخ خالد الجندي دعا إلى عدم اعطائهم لانهم يكونون مثل تنظيم العصابات ويتخذون التسول مهنة
ومن الأفضل اعطاء الصدقات للجمعيات والمشروعات الخيرية المعروفة ودور الأيتام ليطمأن الشخص ان صدقته ذهبت لمن يستحقها فعلا وكانت نافعة له

مع تحياتي

ليس فقيرا من يحب يقول...

السلام عليكم

ازيك يا حبيبتى يارب تكونى بخير

موضوعك قيم ومفيد وبجد مدونتك

منا اجمل المدونات وافيدهاربنا يكرمك

ويجازيكى خير يارب

هاجاوب على السؤال الاول وهو كان موقف مع واحده ربنا يكرمه يارب كنت رايحه الكليه فلقيت ست كبيرة نادت عليا فرحت عندها قالتلى والنبى يا حبيبتى عايزة جنيه اروح شبرا الا مش معايا فلوس وصعبت عليا بجد ومكنش معايا فكه قلتلها طب هافك 10 جنيه قالتلى هاتى افكهملك اخدت جنيه وادتنى التسعه جنيه هههههههههههههههههههههه عمرى ما حسيت بالغباء قد اليوم ده قعدت اضحك على نفسى وعلى هبلى

تقبلى تحياتى

فى حفظ الله

وحي القلم يقول...

السلام عليكم
الحقيقة المال مشكلة لأن بسببه النار مضمونه أو ممكن الجنه
----------
الحقيقة ما تعرضتش لولا موقف من ده
اللهم الا بعد موت والدي أي حد كان بيدينا فلوس كنت باعتبرها صدقة

mohamed ghalia يقول...

اللهم انا نعوذ بك من فتنة المال

كلمات من نور يقول...

ياربي كنت قاعده باكتب تعليق طويل وبعدين زوجي قالي هاتي حاجه رحت أجيبها رجعت لقيته قاعد عالانترنت وقفل الصفحة.....شكرا

نرجع للموضوع الجميل بتاعك

أولا أنا حاحط النهارده موضوع اسمه : صدقة جارية
سبحان الله

ثانيا: جعل الله لكي حسنات كالجبال يا أمة الله الحبيبة و ضاعف حسناتك بموضوعاتك الطيبة

نيجي بقى للسؤالين:

أولا موقف مع متسول

هو مع متسولة بتقف دايما على باب السوبرماركت تتسول منك وانتي داخله و تعطيها وتنسى شكلك وتتسول منك مرة أخرى و انتي طالعه وتلاقي ناس كتير بتشتمها مع الأسف أو تلومها..ومع الأسف بعض هؤلاء المتسولين الصدقة لهم موقفها بنيتك لله علشان البعض منهم يكنز المال ويظل حاله كما هو معدم لا يأكل ولا يرتدي الملابس ووو

المهم يا فتاتي الست دي مرة طلبت مني مالا و أنا مكنش معايا فكة قلت لما أدخل السوبر ماركت و أطلع وكانت بتقولي : اديني صدقة ربي يجبر بخاطرك ويسترك وينصرك وووو

المهم قلتلها : مافيش معايا فكة حاديكي و أنا طالعه يا أمي ...الست يا ستي سمعت الجزء الأول من كلامي وليقتها بتقولي : إلهي لا جبرك و يسترك ولا ينصرك ووووو

الدم ضرب في نافوخي يا أمة ربي فقلت لها إيه يا ست اللي بتقوليه داه؟ انتي فاكرة كده ربنا يتقبل دعاكي مثلا؟

الست شكلها واخده كورس دبلوماسية في مكان ما : قالت لي مش انتي يا ست هانم أنا بادعي على بنتي اللي شردتني في الشوارع وخلتني أمد إيدي للناس...قلتلها يا أمي انتي ادعي ربنا يحنن قلبها عليكي ويهديها مش تدعي عليها بكده ...قعدت بقى تفتح مواضيع و كلام ووو و أنا عديت الموقف و سكت و قلت لا حول ولا قوة إلا بالله ...

السؤال التاي إيه السؤال التاني إيه؟؟ أه افتكرت بس السؤال داه يا موناليزتي مش حاسهب فيه منعا للرياء في الصدقة بس كل اللي أقدر أقوله إني أحيانا كتير باكون محتاجه لمبلغ ما لشيء هام ومش حتصدقي لو قلتلك لصدقة ما فأتصدق بشيء طيب من بيتي سواء مال أو ملابس أو طعام و سبحان ربي القدير أنفق يا آبن آدم ينفق عليك ..ألاقي مبلغ جايلي بصورة أو بأخري قريب قوي من المبلغ اللي كنت عايزه أعطيه لشخص محتاجه..

وحشتيني يا بنيه

موناليزا يقول...

سفيرات ال....
ــــــــــــ
وعليكم السلام ورحمة الله وبركاته
أختى الحبيبة:اهلا بيكِ فى زيارتك الاولى
بداية أعذرينى لانى مش عارفة أقرأ اسمك جيدا وبالتالى لا استطيع كتابته كاملا
وارجو التوضيح:)

ربنا يكرمك واشكرك جدا لتعليقك
نورتى مدونتى واسعدنى مرورك



*******************************



حاول تفتكرنى
ـــــــــــــ
أهلا بيك يافندم
الحمدلله فماتوفيقى الا به
صدقت يافندم المال مال الله يهبه لمن يشاء من عباده
ربنا يكرمك ويهيئلك دائماً سبل الطاعة
أشكرك جدا لمشاركتك



**********************************



الربان
ـــــــ
اهلا بيك يافندم
ربنا يكرمك الشكر لله فماتوفيقى الا به
صدقت وابسط دليل على ده ان لما حللوا الازمة العالمية وانهيار الاقتصاد وجدوا ان لو كانوا طبقوا نسبة الزكاة 2.5 على كل الف جنية ماكنتش حصلت!
ربنا يعزك ويتقبل دعائك اللهم امين
أشكرك جدا لمشاركتك



********************************


المهاجر الى الله
ـــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك اشكرك جدا لرايك فماتوفيقى الا بالله

لا داعى للاعتذار على الإطالة فاستفساركم أتاح لى فرصة البحث أكثر فى هذا الشأن
وكانت النتيجة ما يلى:

(قال رسول الله صلى الله عليه و سلّم )
"من أنظر معسراً فله بكلّ يوم مثله صدقة قبل أن يحلّ الدين فإذا حلّ الدين فأنظره فله بكل يوم مثلاه صدقة"

صححه الألباني

الراوي : بريدة بن الحصيب الأسلمي - خلاصة الدرجة: صحيح - المحدث: الألباني - المصدر: صحيح الجامع - الصفحة أو الرقم: 6108

بمعنى انك تاخذ عن كل يوم صدقة بنفس المبلغ وأذا أمهلته يكون لك عن كل يوم مثلي المبلغ صدقة

وهذا الحديث أيضا يوضح ما قصدته
(قال رسول الله -صلى الله عليه وسلم)-"دخل رجل الجنة فرأى على بابها مكتوباً الصدقة بعشر أمثالها والقرض بثمانية عشر"

رواه الطبراني في المعجم الكبير برقم (7976) وغيره، وصححه الألباني في السلسلة الصحيحة برقم (3407).

هذا وبالله التوفيق
أشكرك جدا لمشاركتك



*********************************



دكتور لذيذ
ـــــــــــــ
أهلا بيك يادكتور فى زيارتك الاولى
أشكرك جدا لمشاركتك
نورت مدونتى وارجو دوام التواصل



*********************************


ستيتة حسب الله الحمش
ـــــــــــــــــــــ
وعليكم السلام ورحمة الله وبركاته
أختى الحبيبة:اهلا اهلا بنبض الحكمة
ربنا يعزك يارب فماتوفيقى الا بالله
أحبك الذى أحببتنى فيه وانا كمان بحبك جدا واحترم قلمك ونظرتك للامور جدا جدا:)

ربنا يزيدك حمد وشكر ليه ويزيدك يارب من فضله ويجمعنى بيكِ فى اعلى جنة الخلد اللهم امين
نورتينى غاليتى واسعدنى تواجدك



**********************************



حلم بيعافر
ــــــــــــ
اهلا بيك يافندم
التسول اصبح مهنة دلؤتى:)
ربنا يبارك لجميع المتصدقين الههم امين
أشكرك جدا لمشاركتك


**********************************



جودى
ـــــــ
أختى الحبيبة:اهلا اهلا بالقمر
ربنا يكرمك يارب فما توفيقى الا بالله
:) الموقف ده فعلا بقى مشهور اوى فى الاول يدعولك ولما ما تديهمش يدعوا عليك:) وغيرها كتييير
ربنا يباركلك ياحبيبتى ويقدر دايما على فعل الخير
نورتينى ياجميلة واسعدنى تواجدك



*********************************

موناليزا يقول...

جمهورية شومبونجو العربية
ـــــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك واشكرك جدا على دعائك ربنا يتقبل ويرزقك بالمثل
اشكرك جدا لمرورك



*********************************


حنان الشافعى
ـــــــــــــــ
وعليكم السلام ورحمة الله وبركاته
اختى الحبيبة: اهلا اهلا بالقمر
ربنا يكرمك يارب اشكرك جدا لتعليقك
نورتينى حنونة الجميلة واسعدتينى بتواجدك



********************************


مى
ــــــــ
أختى الحبيبة:اهلا اهلا بالقمر
ربنا يعزك ياجميلة فماتوفيقى الا بالله
:) يااه واضح ان الموقف ده مشهور
ربنا يباركلك ياحبيبتى ويقدرك على فعل الخير
نورتينى مى لجميلة واسعدنى تواجدك


**********************************


هبة فاروق
ــــــــــ
أختى الحبيبة:اهلا اهلا بالقمر
ربنا يكرمك يارب
الشكر لله ياحبيبتى فما توفيقى الا به
فعلا ده اللى المفروض يحصل
نورتينى حبيبتى واشكرك جدا لمشاركتك



********************************



ليس فقيرا من يحب
ـــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
انا الحمدلله بخير ماتحرمش من سؤالك
ربنا يعزك يارب فماتوفيقى الا بالله

ههههههه ربنا يسعدك قدرتى تضحكينى بجد
وما اكثر مواقف المتسولين المليئة بالطرافة:)
نورتينى ياجميلة واشكرك جدا لمشاركتك



*********************************


مصعب صلاح
ــــــــــ
وعليكم السلام ورحمة الله وبركاته
اهلا بيك استاذ مصعب
عند حق المال يا اما يدخل صاحبه الجنة او النار
--
ليه بتحسبها كده؟:(
ليه ماتقولش انها محبة ومزيد من التقارب
هفكرك بحديث النبى عليه الصلاة والسلام"إنما المؤمنون فى توادهم وتراحمهم كـالجسد
الواحد إذا تداعى منه عضو تداعى له سائر الأعضاء بالسهر والحمى"
ربنا يفك كربك ويفرج همك ويرزقك الصبر الجميل
أشكرك جدا لمشاركتك



**********************************


محمد غالية
ــــــــــ
أهلا بيك استاذ محمد
اللهم امين
أشكرك جدا لتواجدك


*********************************


كلمات من نور
ــــــــــــــ
اختى الحبيبة:اهلا اهلا بالغالية
:) عادى جدا بتحصلى كتير من اخواتى

---
سبحان الله بجد:) هروح اقرأه حالا قبل ما النت يفصل:(
ربنا يعزك يارب ويبارك فيكِ ويتقبل دعائك ولكِ بالمثل اللهم امين

واضح ان المتسولين كلهم كده بجميع الفئات يكونوا بيدعولك وفجأة تلاقيهم غيروا كلامهم:)
ربنا يزيدك من فضله ويوسع عليكِ برزقه الحلال الطيب

انتى كمان ياحبيبتى وحشينى جدا بس النت عندى وحش جدا فاعذرينى لو مالقيتينيش )k(
نورتينى غاليتى واسعدتينى بتواجدك
واشكرك جدا لمشاركتك التى انتظرها دائما

ذكرى رحيل قلم يقول...

السلام عليكم

جزاكي الله خير علي المعلومات القيمة والحديث النافع لصاحبة يوم يسءل المرء عما افناه في عمره وماله وكل حياته

دمتي اختي الغالية

ان الحسانات يذهبن السيئات فالصدقة تمحو من الاخطاء والذنوب
وتعمل علي نماء المال ولكن بشرط ان تكون خالصة لله وحده وليس عشان نماء المال

Butterfly يقول...

أنا عن نفسى بكره الفلوس
وهى بالنسبالى مجرد وسيله

♥نبع الغرام♥♪≈ يقول...

السلام عليكم
اختى الفاضله
جزاك الله عنا كل الخير على مواضيعك الاكتر من قيمة

بجد بوست جميل قووى
تحياتى

غير معرف يقول...

السلام عليكم
أنا الموقف المهم هو لما أكون محتاجة أنجح فى حاجة فاقول لنفسة تأدبي مع الله فاعمل صدقة بهذا الغرض
فتتحقق الامنية
و مرة كنا جمعنا أموالا معقولة للعمال فى المستشفى فوضعناها فى ظروف معطرة لأنها تقع في يد الله قبل ان تقع في يد العبد كما فعلت أم المؤمنين
تحياتي لهذا العرض الشيق و الصور الجميلة جدااااا
بالتوفيق

The illusionist يقول...

مدونتك محترمه جدا
عمرى ما جيت هنا
ومستفدتش
ربنا يكرمك ويجعله فى ميزران حسناتك يا رب
موضوع قيم جدا جدا

الفراغ يقول...

تحدثتى فوفيتى
انا كنت بجهز لنفس الموضوع
بس الحمد لله انك التى تحدثتى به
فقد غطيتيه افضل منى بكثير
والحمد لله الذى بفضله تتم الصالحات
فعلا اذا اردت ان تحفظ مالك فزكه بزكاة المال والصدقات
ومانقص مال من صدقه والحمد لله
واحكيلك حكايه صغيره كداعن زكاة المال
ودى بعد وفاة زوجى الله يرحمه
كنا فى ضائقه ماليه
وكنت اقرا كثيرا فى كتب التفسير
ووصلت الى موضوع الصدقه
وعلمت ان لا ينقص مال من صدقه
فقلت صدق الله العظيم
واخذت حصالات ولادى
وبدات اخرج صدقه كلما استطيع
وسبحان الله لم يعدى على شهر الا وكان معى مال اكثر من الشهر السابق
وكانت بنتى تسئلنى
ازاى ياماما نطلع صدقه واحنا اصلا محتاجين الفلوس
فكنت اقول لها ان ربنا هايبارك وهيبعتلنا ماعنده لان خزائن الله مليانه ومابتخلصش
ومن يومها والخير والحمد لله عميم
وانى استعجب من الشحيح بماله على عياله او على نفسه
والاقربون اولى بالمعروف
مع تحياتى

(المهاجر الى الله) يقول...

السلام عليكم ورحمة الله وبركاته:
شكرا لك يا اخت موناليزا على هذه الاضافة القيمة فقد ارشدتينى الى حديث لم اكن قد قرأته من قبل وتعلمت بسببك شيئا جديدا .
جزاكى الله خيرا وبارك فيك واعزك ونفع بك .

موناليزا يقول...

ذكرى رحيل قلم
ــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ياحبيبتى واشكرك جدا على تعليقك وتواجدك
نورتينى ياجميلة واسعدتينى بزيارتك



*******************************



بيترفلاى
ـــــــــ
أختى الحبيبة:اهلا اهلا بالقمر
هى فعلا وسيلة لتلبية احتياجاتنا فى الدنيا وللتقرب الى الله فى الاخرة
نورتينى ياجميلة واشكرك جدا لتواجدك



*********************************



أحزان ايناس
ــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ويعزك يارب فماتوفيقى الا بالله
اشكرك جدا لرايك
نورتينى انوسة الجميلة واسعدتينى بتواجدك



**********************************



سونيت
ـــــــــ
وعليكم السلام ورحمة الله وبركاته
اهلا اهلا بالقمر
:) ربنا يعزك يارب باتخاذك فعل السيدة عائشة قدوة لكِ ولانك ذكرتينى به أيضا:)
اشكرك جدا لرايك ولمشاركتك
نورتينى حبيبتى واسعدتينى بزيارتك


**********************************


زا اليوسيونيست
ـــــــــــــــــ
اهلا بيك يافندم
ربنا يعزك يارب فماتوفيقى الا بالله
اشكرك جدا لرايك
ويارب تظل مدونتى عند حسن ظنك بها دائما
فى انتظارك دائما



*********************************


الفراغ
ــــــــ
أختى الحبيبة:اهلا اهلا بالقمر
ربنا يكرمك يارب فماتوفيقى الا بالله
ومازلت فى انتظار ما ستكتبى

ونِعم ما فعلتى غاليتى فمن أصدق من الله قيلا
ربنا يباركلك دايما ويقدرك على فعل الخير
نورتينى حبيبتى واشكرك جدا لمشاركتك واسعدتينى بتواجدك



**********************************


المهاجر الى الله
ــــــــــــــ
وعليكم السلام ورحمة الله وبركاته
اهلا بيك يافندم
الشكر لله أخى الكريم
فماتوفيقى الا بالله
وانا اللى بشكرك على اهتمامك ودوام تواصلك
ربنا يعزك ويثبتنا جميعا على دينه اللهم امين

Tamer Nabil Moussa يقول...

السلام عليكم

المال هو مجرد وسيلة للعقلاء وغاية لمحبية

والحلال ديما لو قليل يكسب افضل من الحرام لو كان كثير الكثير

ربنا يوفقك

مع خالص تحياتى

طوبه فضه وطوبه دهب يقول...

موضوع اكثر من رائع ربنا يجعله فى ميزان حسناتك واللى بشوفهم فى الشارع بحس انه متطفل وليس محتاج لان المحتاج حقا هو من ينطبق عليه القول وتحسبهم اغنياء من التعفف ربنا يكرمك على فائده وجمال الموضوع

Dr. Ibrahim يقول...

نعم المال له سحر

وهو سلاح ذو حدين ولكن حضرتك استوفيت

كيفية جعل المال سلاح ساحر لنا ومعنا لا ضدنا

بارك الله فيكم

انا العبد يقول...

اكرمك اله واعزك اختى الكريمه
اللهم اجعلنا مالنا حلالا واجعلنا ننفقه فى حلال
وتقبل منا زكاتنا وصدقاتنا
جزيتم خيرا وسعاده فى الدنيا والاخره

طهر فؤادك يقول...

السلام عليكم ورحمة الله وبركاتة ,,,
ماشاء الله جزاكى الله خيرا والمسلمين .. موضوع رائع ومتكمل بارك الله فيكى اما موقفى من المتسولين فأقرأوا الحديث دة هتعرفوا على طول موقف وان شاء الله تتبعوة بأذن الله تعالى :-----


عن أبي هريرة عن النبي صلى الله عليه وسلم قال قال رجل لأتصدقن الليلة بصدقة فخرج بصدقته فوضعها في يد زانية فأصبحوا يتحدثون تصدق الليلة على زانية قال اللهم لك الحمد على زانية لأتصدقن بصدقة فخرج بصدقته فوضعها في يد غني فأصبحوا يتحدثون تصدق على غني قال اللهم لك الحمد على غني لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد على زانية وعلى غني وعلى سارق فأتي فقيل له أما صدقتك فقد قبلت أما الزانية فلعلها تستعف بها عن زناها ولعل الغني يعتبر فينفق مما أعطاه الله ولعل السارق يستعف بها عن سرقته

salwa يقول...

السلام عليكم اخت موناليزا
تسلم ايدك دائما رائعة
لو فعلا كل مسلم اتبع هذا الكلام ,ما وجدنا فقيرا
اكتفي بهذا
سلام

أبو كريم يقول...

يا أمة اللة أثابك الله وبارك فى عمرك

اللهم أجعله فى ميزان حسناتك وأجعل لكل من أخذ به نصيبا لك .

البوست ده رائع جدا وشمل كل شىء تقريبا

رأيت الناس قد مالوا
لمن عنده المال
وما أن يذهب المال
فعنه الناس قد مالوا
رأيت الناس منقضة
لمن يكنز الفضة
وما أن تنفذ الفضة
فعنه الناس منفضة
رأيت الناس قد ذهبوا
لمن عنده ذهب
وما أن ينفذ الذهب
فعنه الناس قد ذهبوا


أطرف ما حصل معى من المتسولين فقد كتبته فى بوست سابق عندما اعطيت لإمرأه ومعها طفل صدقة وأكتشفت أنها بالعمله الصعبة !!!

ومن أثار الصدقة على كنت فى بلدتى وكانت هناك سيدة تطلب المعونه لزواج أبنتها وكانت تبدوا عليها علامات التعفف وكان الشيخ يتحث عنها بعد صلاة الجمعه ولكنى لم أستطع ان اعطيها شيئا لانى قد خرجت وليس معى اى شىء وذهب بعدها للبيت وأخذت بعض المال وخرجت لزيارة عمتى ووجدها عائدة لبيتها فأعطيتها كل المال الذى كان معى والله بدون رياء او من وبعد أسبوع عدت للعمل فى الغردقة وجدتهم إختارونى الموظف المثالى وكانت مكافأتى عشر أضعاف ما أعطيت

هذا السرد للعظه وليس للمباهاه أو التفاخر

تقبلى مرورى

العلم نور يقول...

جزاك الله خير الجزاء على هذا الموضوع القيم والتذكرة، ونفع الله بك الأمة الإسلامية العربية

موناليزا يقول...

تامر نبيل
ــــــــــــ
وعليكم السلام ورحمة الله وبركاته
اهلا بيك استاذ تامر
ربنا يكرمك ولذلك علينا الاختيار
أشكرك جدا لتعليقك



********************************


طوبة فضة وطوبة ذهب
ــــــــــــــــــ
أختى الحبيبة:اهلا اهلا بالقمر
ربنا يكرمك ياحبيبتى اشكرك جدا لرايك فماتوفيقى الا بالله
اللى فى الشارع دول عاملينها مهنة وبيطلبوا بكل جرأة مبلغ معين كمان:)
نورتينى حبيبتى واسعدتينى بتواجدك



*******************************


د/ابراهيم
ــــــــــــ
اهلا بيك يادكتور
ربنا يعزك يارب فماتوفيقى الا بالله
اشكرك جدا لتعليقك ولتواجدك



*********************************


انا العبد
ـــــــــ
اهلا بيك يافندم
ربنا يكرمك ويتقبل دعائك اللهم امين
أشكرك جدا لتعليقك


******************************


طهر فؤادك
ــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك اخى الكريم فحملتك هى من اوحت لى بفكرة الموضوع
فجزاكم الله خيرا
أشكرك جدا لمشاركتك



*********************************


سلوى
ــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك يارب اشكرك جدا لرايك فماتوفيقى الا بالله
عندك حق
نورتينى سلوى الجميلة وأسعدنى تواجدك



**********************************


ابو كريم
ـــــــــ
أهلا بيك استاذ بهاء
ربنا يعزك ويتقبل دعائك ولك بالمثل اللهم امين
دائما شِعرك الذى تتكرم به علينا فى تعليقكم يثرى الموضوع
أما عن ما ذكرته فحقاً رسولنا الحبيب صلوات الله وسلامه عليه لا ينطق عن الهوى حينما قال لا ينقص مال من صدقة
أشكرك جدا لتعليقك ومشاركتك



********************************


الشجرة الام
ــــــــــــ
اختى الحبيبة:اهلا اهلا بالقمر
ربنا يكرمك يارب ويتقبل دعائك ولكِ بالمثل اللهم امين
نورتينى حبيبتى واسعدنى تواجدك

عالم حبيب يقول...

سبحان الله المال فعلا فتنة .. يارب يرزقنا خيره ويصرف عنا شره

استفدت كثيرا من الموضوع جزاكم الله خيرا

من أطرف مواقفي مع المتسولين أني أيام دراستي كنت أمر من أحد الشوارع .. تحديدا أمام القصر العيني .. فكان بعض المتسولين يطلب مال لأن امواله نفدت ويريد مالا لكي يعود إلى بلده .. وفي اليوم التالي والتالي والتالي تجده في نفس المكان .. طيب أين بلدك عزيزى المتسول :)

من أكثر المواقف المؤثرة التي قرأتها عن الصدقة .. أنه كان رجلا يأتي بأجولة الحبوب ويضعها على باب الفقراء .. فيصبح الفقراء فيجدون الطعام على عتبات بيوتهم ولا يعلمون من أحضره .. في يوم فقدوا الطعام كالمعتاد .. في نفس اليوم مات رجل في القرية .. من بعد موته انقطع الاعطيات التي كانت تأتيهم .. فعلموا أنه هو .. أظنه علي زين العابدين رضي الله عنه وعن أبيه وصلى الله وسلم على جده أبا القاسم

Lyssandra يقول...

الله عليكي يا مونا
الموضوع أكتر من رائع والله

....

الجزء الي بتتكلمي فيه عن السائل والمتأفف
خذ لا لك .. هات لا منك
أعرفه منذ زمن وعجبني جداً وقت ما قرأته :)

.........

أقولك عن موقف بس مش معايا
ده عن أخويا
دايماً الله يجازيه خير بيحب إنه يساعد حد .. أي حد
كان ممكن يوقفنا في الطريق عشان ينزل يتصدق علي راجل عجوز مش قادر يمشي
وكان متعود قبل سفره انه يزور عائلة متعسرة ويساعدهم بأي مبلغ معاه ووالله - وربنا أعلم - كان ممكن يكون هو محتاج المبلغ ده أكتر .

موقف خلاني اتأثرت بيه جداً
لما كلم ماما من السفر وأكد عليها انها لازم تزور العائلة دي وأعطاها رقم تليفونهم وأكد عليها أكتر من مرة

مواقفه دايماً بتخليني أقف وكتير جداً بتخلي دموع تنبت بسرعه في عيني

ربنا يجازيه خير يارب ويفك كربه

أنا مش حكيت عني
وأول ما سألتي عن موقف هو جه في بالي أكتر .. يمكن لأنه محتاج دعاء في سفره
يمكن لأنه شوية مخنوق ومش مرتاح :)
ربنا ييسرله أموره يارب

...

موقف طريف كان بيحصل معاه
لما الأطفال الصغيرين يتلفوا ويمسكوا في البنطلون : والنبي مش هانسيبك
كان بيضحك ويطلع اخر حاجه معاه في جيبه :))

..

ممكن طلب صغنون ؟؟
أتمني لو تذكريه في دعائك
وأي حديقرأ التعليق ده

...

ماكانش في نيتي بجد أتكلم عنه
لكن هو أول حد جه في بالي أوي :)

...
تحياتي يا مونا

Lyssa

Jana يقول...

تدوينة رائعة يا مونى ..وافية ومستوفية

جعلها الله فى ميزانك

تحياتى يا جميلة :)

مدونون من اجل الاقصي يقول...

السلام عليكم
ربنا يجزيكي كل خير
من نعم اله علينا
هي الصدقة
جميلة اوي اوي وسبحان الله
لما لها اقل شئ بالاثر النفسي
من الراحة والسكون
سمسم / سما

momken يقول...

ماشاء الله ربنا يزيدك

الموضوع جميل اوى

ربنا يجعله فى ميزان حسناتك يا موناليزا

المال اكيد له سطوة
حتى ان ربنا قدم المال على البنون فى انهم زينه الحياه الدنيا

لكن الما ربما كان نعمه وربما كان حجه على العبد يوم القيامه
فيسال الله العبد عن ماله مما اكتسبه وفيما انفقه
سؤالين مش سؤال واحد والله كارثه

ربنا يجعل امولنا وسيله لدخول جنته ورضاه عنا

بحييكى على موضوعك الرائع

بالنسبه لمواقف المتسولين

كنت ذات مره فى الحسين فجت وحده فاعطيتها ما فيه القسمه فجه الجرسون وقالى هتندم مفهمتش يقصد انه
بعد حوالى عشر دقايق لقيط حوالى عشر متسولين مرتبين نفسهم بالدور وبيدخلوا عليا واحد واحد
وكنت قاعد مع اصدقاء اجانب

وكانوا الحقيقه منتهى منتهى السماجه ومش هيمشوا الا لو اخدوا فلوس
كان موقفى صعب اوى اكاد اقول ندومت انى تصدقت

غفر الله لنا جميعاً

تحياتى

موناليزا يقول...

عالم حبيب
ــــــــــ
اهلا بيك يافندم
ربنا يكرمك والحمدلله فماتوفيقى الا بالله
:)
ما اجمل هذه القصة عن الصدقة(فهذه هى صدقة السر)
جعلنا الله مممن يستمعون الى القول فيتبعون احسنه
أشكرك جدا لمشاركتك


*********************************


ليساندرا
ــــــــــ
أختى الحبيبة:اهلا اهلا بالقمر
ماتحرمش منك ياحبيبتى فماتوفيقى الا بالله

تعرفى من يوم ما سمعت الجزئية دى وانا بحس ان لو حد بجد طلب منى حاجة سواء صدقة او غيره (اى طلب عادى من اى حد يعنى) ان ربنا هو اللى بعته عشان اقضى حاجته ومن هذا المنطلق مقدرش اقول لطالب حاجة لأ:)

ربنا يعزك ويبارك فيكِ وييسر لاخوكى اموره ويرزقه من حيث لا يدرى ولا يحتسب بكل الخير اللهم امين

انا مش مستغربة انك افتكرتى اخوكِ لان انا نفسى اول ما فكرت اجاوب الاسئلة دى لقيت برضه أخويا الكبير هو اللى جه فى بالى:)
نورتينى ليسا الجميلة واسعدتينى بتواجدك



********************************



جانا
ــــــ
اختى الحبيبة:اهلا اهلا بالقمر
ربنا يعزك ياحبيبتى
وجودك أسعدنى جدا
نورتينى ياجميلة واشكرك جدا لرايك



**********************************


مدونون من اجل الاقصى
ـــــــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
عندك حق فعلا اى طاعة الواحد بيعمل تقرباً لله بيشعر براحة جميلة
اللهم اجعلنا ممن يستمعون الى القول فيتبعون احسنه
نورتينى سمسمة الجميلة واسعدتينى بتواجدك



*********************************


ممكن
ـــــــ
اهلا بيك يافندم
ربنا يكرمك ويتقبل دعائك ولكِ بالمثل اللهم امين
فعلا سنسأل عن كل شئ وبما فيهم اموالنا
موقفك فكرنى بموقف مشابه تعرضت له:)
أشكرك جدا لمشاركتك

نسيبه يقول...

السلام عليكم ورحمة الله وبركاته
جزاكي الله خيرا فهذا من أحب الأعمال إلي قلبي وأقول أن هناك من تريهم من السائلين ويرق قلبك لحاله وتعطيه ولو القليل ولكن الآخر لا تلقي له بالا فعلا يكون رزقه.
وأما عن الموقف فكم سمعنا من أهل الثقه عن قصص شفاء المرضي بالصدقة ولا يحضرني قصة بعينها الآن ولكنها مؤكده لأن الرسول صلي الله عليه وسلم هو من أخبر.

موناليزا يقول...

نسيبة
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ياحبيبتى ويقدرك دايما على فعل الخير
نورتينى غاليتى واسعدنى تواجدك