الجمعة، 9 أكتوبر 2009

حُب إمتلاك


 تقف فى إنتظار وسيلة مواصلات تنقلها إلى عملها، وفي هذه الأثناء وقعت عيناها عليه بصحبة فتاة لا تعرفها، حينها شعرت بحرارة شديدة تسرى في جسدها، وغضب غير عادي.
- "لمَ كل هذا ؟؟ ألم تقولي أنك نسيتيه!"،
" ألم تقولي بأنه مات بداخلك!!"،
" ألم تقولي بأنك لن تعودي إليه مهما حدث"،
"يبقى زعلانه إنك شايفاه مع واحدة تانية ليه؟".
ترد على نفسها قائلة بكل غضب:" هو إيه ده إللي ليه؟ مين اللي معاه دي!!"
- " وأنتى مالك؟".
- " يعنى أشوف حب عمري، و أول رجل في حياتي، وزوجي مع واحدة تانية، وأسكت!!".
ولم تعطي فرصة لنفسها لمتابعة حوارها الداخلي، وسارت في طريقها ،وهي ترسم خطة، لتطفئ ما بها من نار الغضب.
 فهي تسير في نفس الطريق، حتى تصبح قبالته. هو على الجهة الأخرى.. ينتظر خلو الطريق، حتى يعبر الشارع.
هى تنتظر مواجهته على نفس الناحية الذى ينوي العبور لها.
-" هو سؤال واحد .. مين دي؟ وهمشي على طول".
-"لأ طبعا مش همشي على طول .. غير لما أخبطة بالشنطة في وجهه، وهى همسح بكرامتها الشارع، وهعرفها أن عمرها ماهتكون عنده أغلى مني".
- " أنتِ أكيد مجنونة. عايزة تعملي ده كله بصفتك إيه؟؟".
- "زوجته".
- " أنتِ نسيتي ولا إيه !! كنتي.. دلوقتى خلاص "،
"مش أنتِ اللى صممتى على الطلاق رغم رفضه".
- "أيوة ومش ندمانة على فكرة، بس ده مش معناه أنى بطلت أحبه. هيفضل حبيبى وهفضل حبيبته مهما بعدنا عن بعض، ومش من حقه يحب غيري. موته عندي أهون من إني أشوفه مع واحدة تانية".
- " يعني كان قلبك بيكذب لما قال أنه نسيه".
- " مين دى اللى تنساه!!".
وفى نفس هذه اللحظة، كان قد عبر الطريق، وأصبح يينه وبينها خطوات قليلة؛ فهى وضعت نفسها فى طريقه مباشرة، وأصبحت فى مواجهته، وعينيها تتفحصه بشدة. وهنا لفت نظره نظراتها المتفحصة فيه .
فما كان منه إلا أن قام بخلع نظارته الشمسية، وبادلها نفس النظرات. 
وحينها فقط ابتسمت وتركته يمضى في طريقه، وانصرفت.
قائلة لنفسها:" الحمدلله ماطلعش هو.. يخلق من الشبه أربعين".
- تمت-.
=====
* المرأة لكى تحبها لا لكى تفهمها.

هناك 49 تعليقًا:

ريمان يقول...

السلام عليكم


طب الحمد لله انه ماطلعش هو


هههههههههههه


بالرغم انه مطلعش هو بس الموقف نفسه كشفها قدام نفسها


لسه بتغير عليه وبتحبه

بس ده بجد احساس صعب اوى هى لازم تنسى لانه اكيد هيشوف حياته تانى

The illusionist يقول...

حلوه على فكره
والله حلوه
مش هعيد وازيد يعنى
بس عجبتنى قوى
ظريف الحوار الداخلى اللى عملتيه

♥نبع الغرام♥♪≈ يقول...

السلام عليكم

الله عليكى بجد حوار هايل قووووووى
ربنا يكرمها يارب ويعوضها بأحسن منه

ومتشكرين ليكى قووووووووووووى على مواضيعك المتميزة
بارك الله فيكى

ومبروك لابو همس خالد بنوته
ومش جديد عليكى كرم اخلاقك
مودتى
ايناس

(Joudy) يقول...

بصراحة أنا كنت منتظره إيه اللى هيحصل بس بجد حب المرأة ده شئ مش مفهوم نهائى حتى هى نفسها مش بتفهمه حاجة غريبة وانتى قولتى المفيد "المرأة لكى تحبها لا لكى تفهمها"

دمتى بكل الخير والسعادة

NilE_QueeN يقول...

انتى جبتي المفيد هو حب امتلاك

وحب الامتلاك يختلف عن الحب الحقيقي لان الحب الحقيقي حب عطاء

أميرة يقول...

مش شرط علشان الحياة استمرت بعده تكون نسيت كل اللي عاشته واتحفر في كتاب حياتها

التناسي اقرب ..
اما النسيان ... ما يقدر عليه الا .... تصدقي معرفتش حد بيحذف صفحة من حياته ويرميها!!!

ميتهيأليش انه حب امتلاك اكتر منه قناعه خداعة بداخلها انه بتاعها مهما بعد .. ووقت ما تشاورله هيجري عليها ..

بس اثبتت الدنيا بتجاربها ان مفيش حد بيقدر يملك حد ابدا ... دايما في ثغرات و في فلتات بتسمح بالفكاك من التملك دا :)

ندا منير يقول...

انا عشت قوى معاكى الجو وانا بقرا القصة كانى كنت فيها بجد

وهى اكيد عشان لسة بتحبه فدايما شيفاه قصادها وتتخيل انه هو على طول

وصعب تنساه لانها كانت بتحبه

salma mohamed يقول...

ِالمرأة عموما إذا أحبت من الصعب جدا نزع الحب من داخلها فما بالك وإن كان ذلك لمن كان لها زوج ومهما كانت إساءة من تحب وحتى وإن بعدت يظل ظله داخلها,
وبفطرتها غيورة محبة حقا للتملك,
لكن عليها أحيانا أن تتأقلم مع الواقع حتى وإن كانت تتألم فإنها تتألم في صمت وتوهم نفسها قبل أن توهم الآخرين بأن شيئا لم يكن.

رحــــيـل يقول...

ههههههههه

تصدقى فعلا المرأه لما بتحب بتبقى غير مفهومه بالمره

حلوه قوى بجد وخصوصا النهاية بتاعتها

ومبرووك لخالد
:))

مواطن شووجااع يقول...

ههههههههههههه


حرام عليكي .. وقعت قلبي

كنت مستني خناقة !

تبقي دي النهاية

موناليزا يقول...

ريمان
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
:)
مش شرط تكون غيرة ولا حتى حب ممكن جدا يكون تملك
نورتينى ريمو الجميلة واسعدتينى بتواجدك



*********************************


زا اليوسيونيست
ــــــــــــــــ
اهلا بيك يافندم
:)
والاحلى تعليقك وتواجدك
اشكرك جدا لرايك



**********************************



عاشقة الاحزان
ـــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
:) ماتحرمش منك ابدا واشكرك جدا لرايك
وربنا يسعدك يارب
الشكر لله ياجميلة فماتوفيقى الا به
ربنا يبارك فى عمرك وعقبال يارب مانزلك تهنئة فى مدونتى قريبا ان شاء الله
نورتينى انوسة الجميلة وتسعدينى دائما بتواجدك



**********************************




جودى
ــــــ
اختى الحبيبة:اهلا اهلا بالقمر
وانا كمان كنت برضه منتظرة وعايزة اشوف هتعمل ايه بجد:)
بس الحمدلله جت سليمة ومفيش خساير:)
نورتينى ياجميلة واسعدتينى بتواجدك



*********************************



نايل كوين
ــــــــــ
اختى الحبيبة:اهلا اهلا بالقمر
اشكرك جدا لمشاركتك
نورتينى حبيبتى ودمتِ بخير



*******************************


أليس فى بلاد العجائب
ــــــــــــــــــــ
أختى الحبيبة:اهلا اهلا بالغالية
ده حقيقى فيكفى الذكرى التى لاتتنسى مهما مر عليها الزمن

عندك حق ويبقى الزمن هو الحكم فى الامور
نورتينى ياجميلة وسعيدة بتواجدك
ووحشتينى جدا على فكرة



*********************************



ندا منير
ـــــــــ
اختى الحبيبة:اهلا اهلا بالقمر
:) تعليقك ده يسعدنى جدا

تعرفى لو كانت بالفعل يبقى اكيد هتنساه لكن لو لسه بتحبه هيكون صعب تنساه
بس الاكيد انها إتأقلمت على الوضع ده
نورتينى ندا الجميلة وسعيدة بتواجدك



*********************************



سلمى محمد
ـــــــــــ
اختى الحبيبة:اهلا اهلا بالقمر
تعليق مميز جدا من صاحبة قلم راقى
نورتينى سلمى الجميلة واسعدتينى بتواجدك



**********************************


رحيل
ـــــــ
اختى الحبيبة:اهلا اهلا بالقمر
:) ده حقيقى
اشكرك جدا لرايك
والله يبارك فيكى وعقبال مانباركلك على الزفاف قريبا ان شاء الله
نورتينى حبيبتى وسعيدة بتواجدك



********************************


مواطن شوجاااع
ـــــــــــــــ
اهلا بيك يافندم
:) تتعوض المرة الجاية ان شاء الله
دمت طيبا ولمدونتى زائرا

------ يقول...

حلوة اوى ياموناليزا

بصى ياستى بالنيابة عن تويتى

http://www.sharkiaonline.com/Article.asp?ArtID=4886&Sub=6&sec=4


http://www.ikhwanonline.com/Article.asp?ArtID=54340&SecID=271

وانتى هتفهمى كل حاااجة

ذكرى رحيل قلم يقول...

السلام عليكم

علي فكرة المراة حينما تحب رجل لا تتركه ابد حتي ولو فيه عيوب الزمن كله

اما هذة المراة فهي تكذب علي نفسها حينما تقول لسة بحبة وكل ما بدخلها هو الفضول القاتل

دمتي جميلة

romansy يقول...

ما اصعب ان يكون المرء يحب وفى داخله لا يتستطيع ان يحد الى اين المسير
والى اين وجهتته
نعم تحبه ولو كانت قد صمتت عليه لتجده ارق مخلوق على تلك الارض

المعتصم يقول...

بسم الله الرحمن الرحيم
السلام عليكم ورحمة الله وبركاته
اختنا الكريمه موناليزا
تحياتى

الحب ده حاجه مش مفهومه
وماتقوليش انها مش بتحبه
لانها بتحبه ومافيش حاجه اسمها تملك
لانها لو عاوزة تملكه يبقى علشان بتحبه
مافيش امتلاك من غير حب
وعلى فكرة مش الست بس هى اللى بتعمل كده
الراجل كمان لما بيحب بيبقى مش مفهوم وبيبقى عاوز يمتلك الانسانه اللى بيحبها بأى شكل من الاشكال
وحتى لو حصل انفصال بينهم وحصل الموقف المذكور فى البوست ده كان هيحصل منه اكتر من اللى كان هيحصل منها

المهم ان الحب لسه موجود

تقبلى مرورى وتحياتى
والسلام عليكم ورحمة الله وبركاته

مسدس صغير يقول...

فعلا العنوان ابلغ تعليق
حب امتلاك

بنهنى خالد وربنا يبارك فى المولودة

احييكى على البوست

حاسوباتيه يقول...

ههههههههههههههههههه يا شيخه كان نفسي يطلع هو واشوف هتعمل فيه ايه هههههه
صحيح احنا كائنات غريبه انا نفسي ساعات مش بفهم نفسي وبلاقيني متناقضه جدا بس هقول ايه انا امرأه

Dr. Ibrahim يقول...

قد يؤدى حب المرأة للتملك أحياناً لعدم الثقة وعدم النجاح فى الحياة..

وحب التلمك يتناقض مع الحب فكلا من الزوجين يظن أن الطرف الأخر تحت سيطرته وملكه مما قد يؤدى إلى مشاكل كثيرة

ولكن الحب يقوم على التبادل والمشاركة بين الطرفين..

تحياتى

ستيتة يقول...

مش عارفة يا مونا
لو دي قصة واقعية تبقى قصة ست ممكن تصعب علي أه
لكن أحبها واتعاطف معها لأ

واحدة شافت ذكريات حلوة مع واحد وكانت قليلة
وشافت قسوة وهموم تؤدي للطلاق يعني كتير قوي قوي

ليه لما تشوفه ما يجيلهاش حالة غثيان؟
ست ايه اللي بتبص لها؟
دي مفروض ترثى لحال اللي متشعلقة في ايده
لأنها عارفة المصير المطين بطين اللي مستنيها

كمان هي واقفة في الشارع ليه؟
ممشيتش في طريقها ودورت على حب يستاهل يتبص له ليه؟

القصة ببساطة ان شخص نجح انه يعقدها لدرجة انها كرهت الصنف تقريبا
ولسه بتبص ليه؟
وها تسأله دي ميييييييييييييييين؟

لا يبقى بداخل الإنسان الا الشخص الغالي المعطاء الطبيعي النادر جدا

موناليزا
قصة غير منطقية
يا تمشي وترمي اللي وراها
يا تتعقد ولا تطيق الصنف كله
استحالة تبص للشخص اللي هي اختارت فراقه بعقلها وتقول في نفسها
مين اللي معاه دي؟
الا لو كانت واحدة فاضية بره وجوا

akeed يقول...

السلام عليكم

هو تصور جميل لما يدور بداخل المرأة عندما تنفصل عن شريك حياتها و هو دعوه غير مباشره الى كل من تصصم على الطلاق دون ان تفكر و تراجع نفسها فهذا القرار له تأثير فى الغالب سلبى على الازواج ..


تحياتى

MOHAMMED ELBANNA يقول...

موناليزا
بصراحة مبدعه
وفكرة جامدة جداً وبالفعل بتمثل حالة صراع في كثير من الناس .
تقبلي تحياتي ومروري
ومبروك لأخينا خالد
محمد البنا
طريق النجاح

طهر فؤادك يقول...

السلام عليكم ورحمة الله وبركاتة ,,,
موضوع جميل ومعبر فعلا ولخصتى المرأة " ان كيدهن عظيم ":) ..
ياريت تشوفى موضوع عن الاقصى
وياريت تشاركى معانا فى حملة نصرة الاقصى والموضوع بسيط جدا وياريت تشوفى موضوعى على مدونتى وتقوليلى رأيك.. رأيك يهمنى اكيدددد ..

مي يقول...

اصلها حبته اوى عشان كده رفضت اى حد تانى يشاركها فيه ففضلت الانسحاب بس برضه بتحبه برغم البعد وبشوفه فى وجوه اخريين
تحياتى ليكى وتسلم ايديكى بجد روووووعة

موناليزا يقول...

دموع القمر
ـــــــــــــ
أختى الحبيبة:اهلا اهلا بالقمر
اشكرك جدا لرايك ياجميلة
---
لاحول ولاقوة الا بالله العلى العظيم
أشكرك جدا للتوضيح وربنا يفك أسر والدها قريبا ان شاء الله
نورتينى حبيبتى وسعيدة بتواجدك




**********************************



ذكرى رحيل قلم
ــــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
مع احترامى لرأيك بس فيه حالات كتير ممكن المرأة تسيب فيها الرجل حتى لو روحها فيه
وعايزاكِ تفكرى مع نفسك كده عشان تجاوبينى بصراحة:) امتى ممكن تسيبى حبيبك
(بعيد الشر طبعا) ومنتظرة الاجابة
نورتينى غاليتى وسعيدة بتواجدك



**********************************



رومانسى
ــــــــــ
اهلا بيك يافندم
ولذلك على من يشعر بهذا ان يقرر سريعا ماذا يريد
اشكرك جدا لمشاركتك
دمت طيبا ولمدونتى زائرا


**********************************



المعتصم
ــــــــ
وعليكم السلام ورحمة الله وبركاته
اهلا بيك يافندم
مع احترامى لرأيك ولكلامك بس اعتقد ان فيه امتلاك مَرَضي
عجبنى جدا افصاحك عن مشاعر الرجل فى مثل هذه المواقف :)
اشكرك جدا لتواجدك
دمت طيبا ولمدونتى زائرا


********************************



مسدس صغير
ـــــــــ
اهلا بيك يافندم
اشكرك جدا لرايك والحمدلله ان وفقت فى اختيار العنوان

الله يبارك فيك يافندم
اشكرك جدا لزيارتك
دمت طيبا ولمدونتى زائرا



*********************************


حاسوباتية
ــــــــــــ
اختى الحبيبة:اهلا اهلا بالقمر
:) وانا كمان برضه
متفقة معاكِ جدا
نورتينى حبيبتى وسعيدة بتواجدك



*********************************


د/ ابراهيم
ـــــــــــــ
اهلا بيك يادكتور
عندك حق
أحييك على هذا التعليق واشكرك جدا عليه
دمت طيبا ولمدونتى زائرا


**********************************



ستيتة حسب الله الحمش
ـــــــــــــــــــــ
اختى الحبيبة:اهلا اهلا بنبض الحكمة
مش عارفة ليه ابتسمت وانا بقرأ تعليقك جدا
(فكرتينى بواحدة بتقول لصاحبتها تعملى ايه لو عرفتى انى اتجوزت طليقك ضحكت وقالتلها:لو لسه
بحبكهزعل عليكِ ولو بكرهك هفرح فيكِ واقولك تستاهلى هههههههه)
اما عن بطلة القصة ففعلا معاكِ حق
اكيد عندها فراغ:)
عجبنى جدا رأيك الصريح
نورتينى حبيبتى وأسعدتينى بتواجدك



**********************************


أكيد
ــــــ
وعليكم السلام ورحمة الله وبركاته
اهلا بيك يافندم
وقد يكون الطلاق هو الحل الوحيد ومع ذلك فلتتريث قبل اتخاذ القرار
اشكرك جدا لمشاركتك
دمت طيبا ولمدونتى زائرا



**********************************


محمد البنا
ـــــــــــ
اهلا بيك استاذ محمد
اشكرك جدا لرايك ولتهنئتك للاستاذ خالد
دمت طيبا ولمدونتى زائرا



**********************************


طهر فؤادك
ـــــــــــ
وعليكم السلام ورحمة الله وبركاته
اهلا بيك يافندم
أشكرك جدا لرايك
:) وفعلا صدق الله العظيم
حاضر يافندم من عينيا
عموما دى روابط مواضيع تخص الاقصى كنت نشرتها مسبقاً
http://monaliza110.blogspot.com/2009/01/blog-post.html

http://monaliza110.blogspot.com/2008/05/blog-post_23.html

***********************************


مى
ــــ
اختى الحبيبة:اهلا اهلا بالقمر
اشكرك جدا لرايك ولتحليلك الرائع
نورتينى مى الجميلة واسعدتينى بتواجدك

زى الهوا يقول...

هههههههههههه


كانت هتبقى وقعه طين

جمهورية شومبونجو العربية يقول...

السلام عليكم

دى اول مرة هنا فى دولتك

وتن شاء الله مش الاخيرة

مضحك اوى الموقف ودة دليل انها لسة بتحبة

........
تحياتى

رئيس الجمهورية

ذكرى رحيل قلم يقول...

السلام عليكم
كله الا الدين

بس برده بيبان من الاول
يبقي هي اختارت غلط
وبرده فضوول ستات

هههههههههههه
انا اعرف اكتر مش انا الاكبر

دمتي

أم أحمد المصرية يقول...

لا يا موناليزا دي انانية مش بس ح امتلاك لو لسه ببتحبه ماذا اجبرها علي تركه
اما الجملة الاخيرة
المرأة لكى تحبها لا لكى تفهمها
متهيألي مختلفة معك فيها اوعلي الاقل خليني اقول مش كل النساء
فانا اعتقد انه اذا لم يفهمني من يحبني فلن يحبني اصلا

دامت موهبتك الرائعة في طرح قضايا مهمة في اطار قصصي و سلمي لي علي جوجو و زمردة :))

Unknown يقول...

السلام عليكم ورحمة الله وبركاتة
كيف حالك يا قمر
وبجد بوست جااامد
ههههههههههههههههههههههه
دا خطير جدا
دا انا لو كنت مكانها
كنت ممكن اموت من قبل ما تأكد
وخاصة بيننى وبينك
انى فى عينى كل الرجال هم زوجى
اى كل الرجال الذى اعلمة هم زوجى
ربنا يستر
دمت بالف خير

طوبه فضه وطوبه دهب يقول...

هو ليس حب امتلاك بقدر ماهو حب العشره والايام التى قضتها معه وحب كل شىء جميل يظل حافر اثر بداخلها يجعلها دائما تحمل حسن الظن لا سوء الظن تجاهه تسلم ايدك موضوع جميل

موناليزا يقول...

زى الهوا
ـــــــــ
اختى الحبيبة:اهلا اهلا بالقمر
:) واكتر من كده كمان
نورتينى حبيبتى وسعيدة بتواجدك


***********************************



جمهورية شومبونجو العربية
ـــــــــــــــــــــــــ
وعليكم السلام ورحمة الله وبركاته
اهلا بيك يافندم فى زيارتك الاولى
اشكرك جدا لرايك ولزيارتك
نورت مدونتى وارجو دوام التواصل



**********************************



ذكرى رحيل قلم
ـــــــــــــــ
وعليكم السلام ورحمة الله وبركاته
اختى الحبيبة:اهلا بعودتك ياجميلة
:) شفتى بقى ان فيه اسباب قوية ممكن تخليها تتنازل عنه
على فكرة فيه حاجات كتير مابتبانش غير بعد العِشرة
اسعدتينى بجد بتواصلك:)
وماحرمنى الله من تواجدك
نورتينى غاليتى




**********************************



أم أحمد المصرية
ـــــــــــــــ
أختى الحبيبة:اهلا اهلا بالقمر
دعينى أسألك نفس السؤال
متى ممكن تتركى حبيبك(زوجك)؟
فكرى كويس وانتى بنفسك هتلاقى اسباب كتير:)

دى وجهات نظر و انا احترم وجهة نظرك:)
اشكرك جدا لرايك ولمشاركتك
زتسلميلى يارب من كل شر
وهبلغ سلامك من عينيا:)
نورتينى حبيبتى واسعدتينى بتواجدك



**********************************



حتى تشرق الشمس
ـــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
انا الحمدلله بخير ماتحرمش من سؤالك ياحبيبتى

:) ربنا يخليكم لبعض يارب ويسعدكم دايما ويجمع بينكم دنيا وآخرة اللهم امين
نورتينى توتا الجميلة وسعيدة بتواجدك




**********************************



طوبة ذهب وطوبة فضة
ـــــــــــــــــــ
اختى الحبيبة:اهلا اهلا بالقمر
اشكرك جدا لرايك ولمشاركتك
نورتينى ياجميلة وسعيدة بتواجدك

أبو كريم يقول...

يا أمة الله ثبتك الله

هذه هى الأنثى " إن كيدهن عظيم"
قد تحتمل مالا يطاق إحتمال ولكن قد تهدم كل شىء فى غضبة.. بإستطاعتها ان تلعب بعقل وقلب الرجل الحازم كما قال رسول الله ولكن غيرتها وتسرعها قد يقتلان النبض فالقلب


الموقف بجد رائع وسرده أروع

تقبلى مرورى

kochia يقول...

حلوة اوي
حسيت بيها جدا
قد كدة ممكن الواحد يقفل صفحة في حياته بس مع الوقت ساعات بتذوق الذكريات الوحشة وبيبقي اجمل ما فيها
جميلة

تحياتي

غير معرف يقول...

هههههههه

الصراحة الستات كدا

بتغير على اي حد كانت تعرفه

حتى لو كان قرفها عيشتها او حتى طليقها

بس معتقدش انه حب امتلاك

ممكن تكون غارت مثلا انه هو لقى حب وهي لسه عايشة على ذكراه

بجد حوار تحفة

مواضيعك دايما نجنن

سووري حبيبتي عالتاخير و الشرح صار جاهز هنا

http://pro-araby.blogspot.com/

واي استفسار انا حاضرة

ربنا يحفظك ويحميكي :)

KHALED يقول...

حب التملك ليس من صفات الحب الحقيقى ولكنة عادة يكون ملتصقاً بة حينما يكون شديداً
الرجل أيضا لا ينسى من أحبها يوماً حتى ولو أحب بعد ذلك مرات عديدة

Alaasalim2 يقول...

السلام عليكم

قصه جمييييييييييييييلة بجد
وواقعيه فعلاً

وفعلا مقولتك صحيحه (المرأة لكى تحبها لا لكى تفهمها)

فالكثير من الرجال لا يستطيعون فهم المرأة
ولكن الأكثر منهم هم من لا يحاولون

موناليزا يقول...

أبو كريم
ـــــــ
اهلا بيك استاذ بهاء
:) ربنا يكرمك

حقاً صدق الله العظيم
أشكرك جدا لرايك ولتعليقك البليغ
دمت طيبا ولمدونتى زائرا



*********************************



كوشيا
ـــــــ
اختى الحبيبة:اهلا اهلا بالقمر
مبسوطة بجد انها عجبتك
وفعلا الذكريات وحدها تبقى
بس هى اكيد وقتها لو كانت افتكرت الذكريات الوحشة ماكنتش هتفكر كده خالص:)
نورتينى ياجميلة وسعيدة بتواجدك



*********************************



نوارة
ـــــــــ
اختى الحبيبة:اهلا اهلا بالغالية
:) عجبنى تعليقك اوى

ماتحرمش منك ياقمر
تسلميلى يارب من كل شر
نورتينى ياجميلة واسعدتينى بتواجدك



*********************************



خالد
ـــــــ
اهلا بيك استاذ خالد
مش عارفة اوافقك ولا اعترض
عموما منكم نستفيد:)
عجبنى ذكرك لموقف الرجل المشابه
اشكرك جدا لمشاركتك
دمت طيبا ولمدونتى زائرا



*********************************




علاء سالم
ـــــــــ
وعليكم السلام ورحمة الله وبركاته
اهلا بيك استاذ علاء بعد طول غياب
:) اشكرك جدا لرايك ولمشاركتك
دمت طيبا ولمدونتى زائرا

كفايـة طيبـة يقول...

اولا سلام عليكم

ثانيا وحشتيني ووحشتنى مدونتك اوى :)

ثالثا عجبني الحوار اللى بينها وبين نفسها فعلا ... وده شعور طبيعي فى حالات معينة
بس معلش انا عندي تحفظ...
لو هو ظلمها اوى او كان انفصالهم ناتج عن فعل جارح اوى من ناحيته ... عمرها ما هيكون شعورها كدة ناحيته
ممكن يبقي 2% من كدة بس
يعني شعور كدة و يعدي بسرعه ... مش هيتملك منها لغاية ما تتخانق معاه عشان التانية

ولو مكنش كدة يبقي مكنش فى لازمة من انفصالهم بقي ... كان ممكن نستحمل بعض
.....

الشعب لابد له من حكومه تشكمه يقول...

تصدقى حلوه جداااااااااااااا:)
لسه بتحبه:(

موناليزا يقول...

كفاية طيبة
ــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالغالية
ايه النور ده كله:)
بجد كنت مفتقدة وجودك عندى جداااااااا

مش شرط يكون ظلمها او حتى جرحها عشان تسيبه ممكن جدا تكون ماعدتش مرتاحة معاه
لان فعلا لو كان ظلمها وجرحها ماكنتش هتفكر كده خالص:)
نورتينى ياجميلة واسعدتينى بتواجدك

موناليزا يقول...

الشعب لابد له من حكومة تشكمه
ـــــــــــــــــــــــــــــ
اختى الحبيبة:اهلا بيكِ
:) اشكرك جدا لرأيك ولزيارتك
نورتى مدونتى وارجو دوام التواصل

نور الدين (محمد الجيزاوى) يقول...

اهلا موناليزا
......
القصة هايلة جدا وعجبتنى فعلا
بصراحة كنت مستنى اعرف النهاية على اساس انى اتفرج على الخناقة الجامدة بس للاسف خلصت بكبسة ليا انا شخصيا
...
ممتازة فعلا
اعمق تحياتى

عبد من عباد الله يقول...

شبهه اااااااااااااااااااه

هى بقت كده يعني

طيب شكرا شكرا

و نلقاكم في مقالب اخرى ان شاء الله ، و بعدين ما قولتيش على النظاره السوده دي من الاول ليه ؟؟ مش يمكن كنت توقعت النهايه و اخدت جايزه ..
37 قرش

mohamed ghalia يقول...

طب احنا مش ممكن نجمع بين الحب والفهم
صعب بس متهيألى ممكن
دايما مقالاتك روعة
دمت فى سعادة

غير معرف يقول...

السلام عليكم
جميل جداً كالعادة
خالص تقديرى

salwa يقول...

السلام عليكم
الاخت موناليزا دائما ادراجاتك مميزة
عكس شعور البغض هو الحب
كلتاهما وجهان لعملة واحدة هي احاسيس انسانية
لكن ابدا لا نستطيع المزج بينهما ,علينا الاختيار
سلام

موناليزا يقول...

نور الدين
ـــــــــــ
اهلا بيك استاذ نور بعد طول غياب
:) اشكرك جدا لرايك ولزيارتك
دمت طيبا ولمدونتى زائرا





*********************************



عبد من عباد الله
ــــــــــــــــــ
اهلا بيك يافندم
:) معلش يافندم تتعوض المرة الجاية ويكون فيه جوايز:)
اشكرك جدا لزيارتك



**********************************


محمد غالية
ـــــــــــ
اهلا بيك استاذ محمد
طبعا ممكن جدا بس محتاجة زكاء من الرجل فى تعامله مع المرأة
ربنا يكرمك واشكرك جدا لرايك فماتوفيقى الا بالله
دمت طيبا ولمدونتى زائرا



**********************************



عصفورة
ــــــــ

وعليكم السلام ورحجمة الله وبركاته
اختى الحبيبة:اهلا اهلا بالقمر
رنا يكرمك اشكرك جدا لرايك فماتوفيقى الا بالله
نورتينى حبيبتى ودمتِ بخير



***********************************


سلوى
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لرايك فماتوفيقى الا بالله
احترم وجهة نظرك جدا
نورتينى سلوى الجميلة ودمتِ بخير

كلمات من نور يقول...

سبحان الله

المرأة هي المرأة صعب حد يفهمها
ولو فهمها الرجل يتعب

وحشاني يا موناليزتي انتي فين؟

موناليزا يقول...

كلمات من نور
ــــــــــــــــ
اختى الحبيبة:اهلا اهلا بالغالية
:) عندك حق

انتى كمان ياقلبى وحشتينى جدا ووحشنى الكلام معاكِ
نورتينى واسعدتينى بتواجدك