الثلاثاء، 9 فبراير 2010

قصص لم تنتهى

(1)
رحلة لؤلؤة
**********
كانت اللؤلؤة النفيسة تنظر إلى أخواتها فى قاع البحر وتتعجب من ذهابهم الواحدة تلو الأخرى إلى مكان لا تعلمه فمن تذهب لا تعود مرة أخرى لتحكى عن رحلتها. ورغم فضولها إلا أنها كانت لاتفضل أن تترك مكانها بل كانت تفضل أن تعود إحداهن لتخبرها عما حدث.
وفى يومٍ ما وجدت غواص يصيد فى قاع البحر وكأنه يبحث عن شئ ما وحينها وقعت عينيه عليها ونظر إليها ملياً ثم أخذها. وكأن مهمته فى التنقيب قد انتهت .
انبهر بجمالها وشعر أنها نادرة فهو يهوى جمع اللآلئ لمجرد رؤيتهن فقط - كمن يهوى جمع طوابع البريد ولا يستفيد منهم-. ولذلك مع مرور الوقت وضعها فى الدولاب بعد ما تمنظر بها أمام أصدقائه فهذه كل معلوماته عن استخدامها.
إلا أن جاء لها مشترى وسيدفع مبلغ معقول. وبعد تفكير دام دقائق" هو آه الثمن مش كبير بس أحسن من ركنتها وأنا خلاص شبعت من رؤيتها..هو أنا يعنى كنت دفعت فيها حاجة".. وافق.
كان هذا المشترى يصنع عقود لولى ثم يبيعها بأغلى الأثمان. وبالفعل وضعها مع بقية اللآلئ المجمعة ليكون أجمل عقد ممكن أن تقع عليه العيون و الأنظار. وأصبحت هى واسطة العقد. وحين عرضه للبيع جاءه ثمن مرتفع جداً. وبالفعل باعه لأحد الأثرياء الذى قام بدوره بتقديمه هدية لزوجته.
وكانت الزوجة تتزين به فى المناسبات التى تتم من آن لآخر إلى أن تم قطعه فى أحد المناسبات وعلى مرأى ومسمع من الجميع وانفرط العقد بما فيه من حبات من اللؤلؤ وعلى رأسهم الؤلؤة النفيسة.
جمعت السيدة ما وجدته ووضعته فى صندوقها الخشبى إلى أن ترسله لمن يصلحه فيما بعد ولكنها لم تنتبه لضياع اللؤلؤة التى احتلت واسطة العقد- ومعها حق فهى لن تنتبه إلا إذا حاولت تصليحه ووجدته فقد أجمل فيه-. ومع الوقت تناست أمر العقد فهى تمتلك غيره كثير.
وفى هذه الأثناء كان أحد الخدم الذى يعمل فى القصر التى كانت فيه الحفله ينظف المكان ويرتبه بعد إنصراف المعازيم وهنا وجد اللؤلؤة ولأنه لا يعرف قيمتها - نظر لها وكأنها واحدة من البلى الصغير الذى يلعب به الأطفال فى الشارع - وألقى بها فى صفيحة القمامة.
وأصبحت اللؤلؤة فى مكان مقزز بالنسبة لها محاطة بأردأ الروائح والمخلفات. إلا أن وجدها جامع القمامة وهو يبحث عن الزجاجات الفارغة من البلاستيك وغيرها.
عرف قيمتها سريعاً فقمامة الأفراد تفصح عن إمكانياتهم المادية وهى من قمامة ناس من علية القوم.
ولذلك ذهب بها سريعاً إلى الجواهرجى الذى نظر له نظرة طويلة محملة بالشك والريبة من أمره
" فهى نوع نادر وفريد فمن أين حصلت عليها؟".
لم يخبره بشئ ولكنه أصر على أن يأخذ ثمن مرتفع جداً أو يأخذها وينصرف.
لم يجد الجواهرجى أمامه مفر من شرائها
" فهى تستحق أن أحتفظ بها مهما كان ثمنها ومهما كانت طريقة حصول هذا الرجل عليها".
وضعها الجواهرجى فى سائل مطهرلإزالة أى روائح علقت بها وقام بتلميعها ونثر عليها أغلى العطور ثم وضعها فى كيس قطيفة صغير بداخل صندوق خشبى وضعه فى خزنة المحل حتى لا يعطيها إلا لمن يستحقها ويطلبها بالاسم فهذا فقط من سيعرف قيمتها ويقدر ثمنها.
ولكن اللؤلؤة وهى محبوسة بداخل جدران الحماية تتسائل" كيف سيسأل عن وجودى أحد ولا أحد يعلم بأننى هنا."
" فمن يريد شراء المجوهرات ينظر إلى الفاترينة ومايعرض فى واجهة المحل وإذا لم يجد مطلبه يذهب إلى محل آخر وهكذا.. وحتى لو كان هذا مايفعله الهواة فقط هذا يعنى أننى سأمكث هنا فترة طويلة فمن يقدر قيمة الأشياء النفيسة لم يعودوا موجودين بالكثرة الكافية.
ولكنى لا أملك سوى الإنتظار.
- تمت-.
===============
(2)
حكاية غريق
**************

كانت تنتظر قدوم الباخرة التى من خلالها ستستطيع أن تلف العالم كما كانت تنشد منذ الصغر.
وحينما وصلت إلى الميناء وجدت مركب شراعى. تعجبت من ذلك بل وأحبطت أيضاً فهى دفعت ثمن التذكرة من أجل السفر فى باخرة بالإضافة إلى أنها قد أعددت العُدة وودعت الأهل والأصدقاء وباعت كل ماتملك وسوت معاشها مبكراً لكى يصبح معها مالاً وفيراً تستخدمه فى كل بلد ستذهب إليه.
تتذكر هذا بداخلها وتقول لنفسها" أبعد كل هذا أرجع بخفى حنين!؟.. لا لن أتراجع فهذا سيضيف لرحلتى مزيداً من المغامرة".
وركبت المركب ومن أول وهلة أرادت أن تستمتع بكل شئ دون أن تسمح لتفكيرها بالصعود إلى رأسها. فقد ظلت تستخدم كاميرتها وتلتقط صور لكل شئ ومن جميع الزوايا. تارة للبحر الممتد بلونه الأزرق الصافى وتارة للسماء يتخللها السحاب الأبيض كقطعة قطن كبيرة مفرودة على زجاج أزرق.
وتارة أخرى للشمس وهى تسقط فى براثن البحر معلنة موعد رحيلها.
وفى أثناء هذا وعلى حين غرة منها وجدت نفسها تُحمل بأيادى كثيرة ثم تسحب للوراء وفجأة وجدت نفسها تطير فى الهواء لتسقط فى عرض البحر. وقبل أن تلتفت لترى من فعلها كانت المركب تسير بهدوء وكأن ورقة قد سقطت منها.
أما هى فقد لجمتها المفاجأة فقد كانت مصدومة, بردانة , لا تعرف العوم.
وتحدث نفسها قائلة:"كان بالامكان مساعدتى بإلقاء حقيبتى لأتشبث بها".
ولكنها لا تعلم أنهم تعمدوا ذلك الفعل.
وبعد ما استوعبت ما حدث وكل هذا فى عقلها لم يتعدى الثوانى القليلة . نظرت حولها فوجدت لوح خشبى قريب منها فعصرت دماغها لتتذكر فن العوم الذى طالما شاهدت مسابقاته فى التلفاز وغريزة حب الحياة لعبت دوراً هاماً أيضاً إلا أن وصلت للوح الخشبى.
كان عندها رغبة قوية فى التعلق بأى شئ يضمن إستمرار حياتها ولذلك أصبح اللوح الخشبى ملاذها طوال الساعات القليلة التى قضتهم.
إلا أن جاء أحد الطيور الجارحة وثبت أظافره فى اللوح الخشبى الذى أمامها وانقض عليه بمخالبه وأخذه وطار. وقبل أن تعترض أو تصرخ شعرت بانهيار مقاومتها ولم يعد لديها رغبة فى الحياة. وتآمرت شرور الكون حولها.
وتركت نفسها للبحر ليبتلعها كيفما يشاء.
وهى الآن تتساقط بداخله تنتظر الموت ولا تعلم هل هذه هى حقاً النهاية.
- تمت-.
================
سؤال جانبى:
ــــــــــــــــــــ
إيه رأيكم فى أسلوبى الأدبى فى الكتابة؟.
لو فيه ملاحظة سلبية أو إيجابية فكلى آذان صاغية.

هناك 43 تعليقًا:

♥نبع الغرام♥♪≈ يقول...

السلام عليكم
مونى حبيبتى
وحشتينى ياقمر يا عثل انتى
اخباراتك ايه ياقمرى
امووووووواه

♥نبع الغرام♥♪≈ يقول...

اولا بجد وبدون مجامله
أنتى جميله أووى وعجبنى أسلوبك من بوستات جوجو وزمرده كنت بحبها اووى
وعلى فكره انا من عشاق القصص عامة
وانتى عبرتى عنهم بأداء راقى يوصل للقلب بسرعه
ربنا يكرمك حبيبتى
بتمنالك التوفيق من كل قلبى

نور الدين (محمد الجيزاوى) يقول...

اهلا موناليزا
.....................
القصة الأولى معبرة جدا ورمزيتها مميزة فعلاً فكثيرون هولاء الذين يجمعون أندر ما فى الوجود واروعه فيجعلونه رهين أسر رغبتهم فى التملك والمتعة
وليس الأمر قاصراً على الآليء فكم من جامع لباقات النساء وجامعة لألوان الرجال
البعض يفقد ثقته بنفسه فيبحث عن قيمته فيما يملك

القصة الثانية اكثر بساطة وإن كانت معبرة عن حالة نفسية أكثر من كونها قصة
فقط لى ملاحظة فى بعض التعبيرات والمفردات من قبيل
- (ينقب) فالتنقيب يكون بالحفر فى الأرض ولا يسمى صيد الاليء تنقيبا إنما هو عملية صيد أو جمع
- (مكان مشمئز) كلمة مشمئز هنا غير صحيحة لأن الكلمة تطلق على الفرد الذى يشعر بالضيق والغثيان فنقول أنا مشمئز من كذا او هو مشمئز من كذا
الصواب أن نقول مكان يدعو للإشمئزاز والاصوب ان تقولى( مكان مقزز)

اعتذر للاطالة وارجو الا تزعجك ملاحظاتى
كل تحية وتقدير موناليزا
.........
نورالدين محمود

حمـــــــــــــــــــــة يقول...

لا أستطيع الإجابة إلا بكلمة واحدة: روعة
وفقك الله
فقط فكرة بسيطة : تجنب الإطالة في البوست قدر الإمكان مراعاة للوقت

أمل حمدي يقول...

رائعة يا موناليزا

أسلوبك سهل ومعبر

وأحس في القصتين بالاستسلام وانتظار الغيب

تسلمي يا رب وتسلم ايدك

ذكرى رحيل قلم يقول...

اختي الحبية

انا عن نفسي بحب اقراء قصصك الجميلة مثل قصص اليوم اما القصص الحوارية
بصراحة انا مش بحب اتابعها مش لطول الحوار لا بل لانها لازم يكون عندك طول بال لمعرفة نهاية الاحداث وانا افتقد هذا تاني حاجة انا مش بحب اقرا قصص العامية واعشق اللغة العربية التي مازلت اتعلم فيها من القراءات المختلفة وغيرها

اما قصص اليوم فهي من القصص القصيرة التي اعشقها

اما عن اسلوبك الادبي في سرد الاحداث
فهو جميل ومقعنع ولكن لا تقفي عند هذا الحد وطوري ووووو
اتمني لك المزيد من النجاح و التقدم

في كل اعمالك

علي فكرة انا لا املك الوقت حتي ازيد من اشتراكاتي علي الانترنت
انا بتابع المدونة بالعافية علي قد ما بقدر

مبروك علي موقع حماتي ملاك

ياريت ترسمي حماة فعلا ملاك لها جناحين بالابيض وهي امراة ذات ملامح جميلة
لعله يكوةن برنامج يغير من صورة الحماة القبيحة عند كل الفتيات

يسعدني ان اضع هذة الفكرة وليتني تعلمت الفوتوشوب

اسألك الدعاء

دمتي بحب وود

غير معرف يقول...

السلام عليكم
كيفك يا ست الكل ؟
أولاً : لديك حس طيب وقلم متميز يحط على الورق والذهب بصدق المشاعر لكن أعتب عليه بمزجه العامية وإن كانت غير ركيكة بالفصحى وهو ما لا أطيقه ، وبالطبع لا أحب اللهجات بالمرة

بصراحة خسارة ألا تنهضي بلغتك العربية لأنك تملكي مهارات ممتازة

لم أستمع لحلقتك السابقة في برنامج مطلقات راديو .. أول مرة أعرف بهذا الموضوع .. لي عودة للمتابعة إن شاء الله

موناليزا يقول...

إبتسامة ملاك
ــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
أنا الحمدلله بخير ماتحرمش من سؤالك ولا من ذوقك:)
==
:) الله يخليكى يارب فماتوفيقى الا بالله
ماتتخيليش سعادتى بتعليقك ده ورأيك فى جوجو وزمردة فرحنى ازاى:)
ربنا يعزك يارب ويكرمك
أشكرك جدا لدعمك لما أكتب وماحرمنى الله من تواجدك المميز
نورتينى يانوسة



***********************************



نور الدين
ـــــــــــــ
أهلا بيك أستاذ نور
أشكرك جدا جدا لتعليقك ولابداء ملاحظاتك
وبالعكس يافندم فمن دواعى سرورنا أن تبدى ملاحظاتكم وخاصة بالأخطاء وكيفية تصليحها
وقد قمنا بالتصحيح ولكم منا جزيل الشكر
فى انتظاركم دائما



**********************************



هاما
ــــــــ
أهلا بيك يافندم
:) الله يخليك ويكرمك
من عينيا يافندم طلبك على دماغى حاضر
ونعتذر على أى إطالة قد تحدث دون قصد
أشكرك جدا لرايك
فى انتظارك دائما



*******************************


أمل حمدى
ـــــــــ
أختى احبيبة:اهلا اهلا بالقمر
أشكرك جدا لرأيك ولرفع روحى الأدبية:)
إحساسك فى محله
تسلميلى ياحبيبتى وماتحرمش من تواجدك
نورتينى



**********************************


ذكرى رحيل قلم
ــــــــــــــــ
أختى الحبيبة:اهلا اهلا بالقمر
أشكرك جدا لرأيك ولصراحتك أيضاً وأنا متفقة معاكِ فى جمال الكتابة بالفصحى ولذلك أحاول قدر استطاعتى
سعيدة جداً برأيك ولتدعيمك لما اكتب
==
ايه ده لسه محفظتيش اسم البرنامج
اسمه(حماتى فى بيتى) :)
فكرة اللوحة جميلة ولعل أحد المتخصصين ينفذها
والبرنامج فكرته خاصة بالحماة أكتر من الزوجة يعنى عايزين الحموات هما اللى يسمعوا:)
ربنا يسعدك ياحبيبتى وييسرلك أمورك
نورتينى ياجميلة واسعدنى تواجدك


**********************************


أحمد شريف
ــــــــ
أهلا بيك أستاذ أحمد
أنا الحمدلله بخير أشكرك جدا لسؤالك
وبرجاء خاص ماتقوليش"ست الكل" موناليزا وحدها تكفى

أشكرك جدا لرأيك فيما أكتب وكنت أتتمنى أن تنبهنى للكلمات العامية وبديلها بالفصحى حتى أقوم بالتصحيح
وياريت كمان لو تقترح عليا بعض الكتب التى تساعدنى فى هذا فأنا أكتفى بالقراءة عموما فى جميع المجالات

ونحن فى انتظار رأيكم فى برنامجى (حماتى فى بيتى) وابداء الملاحظات أو عرض السلبيات والايجابيات
أشكرك جدا لمشاركتك
فى انتظارك دائما

KHALED يقول...

بجد برافو عليكى أسلوب سلس و جميل و القصص بتحمل معانى عظيمة

لو فكرتى تألفى كتب أطفال حاتكسبى دهب بس ماتبقيش تنسينا

مشخبطاتي يقول...

السلام عليكم..

فكرة كل قصة جيدة جداً..

الأولى..في كثير من الأحيان يضطر الأفضل إلى الإنتظار بل لايملك إلا هو :)

الثانية..فكرتها كانت ممكن لها صيغة أخرى..لا أعرف ماهي لكن هكذا رأيت :)

في هذه المرة كان سرد الأحداث غالباً على الأسلوب..لكن بالممارسة سيكون هناك الجديد حتماً :)

هامش..لم تروق لي الصورة الأخير في نشركم..رأيتها عكس مايتميز به بيتكم هنا .. :)

تحياتي.

Ramy Wasel يقول...

امه الله

السلام عليكم ورحمه الله

اخبارك ايه
يا رب تكونى بخير

حبيت اطمن عليكى

معلش
بقالى مده طويله مش بدخل النت بسبب الدراسه والشغل
بس الحمد لله اخدث اجازه وحرجع للتدوين ولمتابعه مدونات الاصدقاء

SHAPE YOUR LIFE (ABOALI) يقول...

جميل ان نحاول الانصهار ادبيا ويكون لنا معانى ولكن لتتم عملية ارسال المعانى بطريقة صحيحة
لابد من ثبات طريقة الارسال
فاءن اردتى عمل خلط للعامية مع الفصحى
ان لم يكن ذلك الخلط فى السياق ستجدى نشاز

لذا فى القصة الاولى قدرتك على التعبير كانت انقى وذات رؤية واضحة المعالم
وممكن حذف كلمة الزبال ب جامع القمامة

اما القصة الثانية امتزجت فيها العامية فى موضع غير مناسب

مثال

تحدث نفسها بسذاجة قائلة" طب كنتوا إحدفوا شنطتى معايا أهى حاجة أمسك فيها".ماتعرفش أنهم لو عايزينها تعيش ماكانوش رموها أصلاً

كان يمكن التعبير باكثر من طريقة وبالفصحى

مثلا

تحدث نفسها قائلة كان بالامكان مساعدتى باءلقاء حقيبتى لاءتشبث بها

ولكنها لا تعلم انهم تعمدوا ذلك الفعل



وهكذا

فى الاجمال

استمتعت جدا بعيدا عن اللغة

بالقصة الاولى
لاءن فيها معانى متتعدة وممكن استخدامها فى ضرب العديد من الامثال

فهناك لؤلؤ العلم المكتوم الذى لم يستفد به صاحبه
وهناك الاخلاق الكريمة التى نبخل بها على انفسنا
وهناك لؤلؤ فينا وهى خلقنا كاءنسان مكرم

ولكننا لا نعلم قيمة ذلك الخلق

وهكذا

القصة الثانية

معبرة عن حالة توهان وافتقاد قيمة الفرد واحساس من حولنا بذلك



لك عظيم تقديرى ووهب الله لك الصواب

كثرة القراءة ان شاء الله ستعين وتكثر من ثروتك اللغوية
وعلى فكرة وجودك فى المنصورة على ما اظن واضح فى بعض لكنات الكلمات وطريقة نطقها


كل الود لشخصكم الكريم

ذكرى رحيل قلم يقول...

السلام عليكم

خلاص تم حفظ الاسم حماتي في بيتي
من غير ما اغش
ربنا يخليكي
ويرزقك الخير دائما

Cute Kitty **sookra يقول...

مونا
الاتنين اجمل من بعض
اما النقد دا فانا هاسيبه لاهله
وزى جدودنا ماقالوا ادى العيش لخبازه
انا بقى ليا كلمه كدا
القصتين وصلتنى من وراهم فكرتين مداريين جوه
حكايات وحكايات جواهم حسيتها مداريه ومختفيه عن الانظار لكنها موش مداريه على الاحساس والمشاعر
مساكى شيكولاته

salma mohamed يقول...

موني الجميلة
معلش مقصرة معاكِ,
القصص جميلة فعلا بصراحة لأنها خارجة من القلب وطبعا هي معبرة جدا كل منها بيعبر عن مغزى خلف الكلمات :)
بس يمكن شيئ لفت انتباهي في القصص انك مازجة الفصحى مع العامية مع ان الافضل وده من وجهة نظري طبعا ولكِ مطلق الحرية في انها تقتصر على الفصحى بس.

Mahmoud Ahmed يقول...

اممم
لسه عايز قرايه بالراحه
بس الصبح بقي ^_^
..
بالنسبه للتصميم
انا مش قوي في التصميمات بس اهو يعيني
بحاول
هحاول اعملك واحد
بس متعتمديش عليا يعني
ولو عايز شكل معين او تحبي تحطي صور معنيه في التصميم
حطيهالي بس ^_^
و هحاول اعمل واحد
بس زي ما قلتلك متعتمديش قوي يعني ^_^

كلمات من نور يقول...

موناليزتي الحبيبة

عندي ليكي قصة حلوة عن اللآليء

البعض يسمون اللؤلؤة دمعة المحارة ويقال أن المحارة تكون مفتوحة للتنفس فتأتيها ذرة صغيرة من الرمل تخترقها فتبدأ بالبكاء وتتجمع دموعها حول حبة الرمل لتصيغ اللؤلؤة...قصة جميلة تحبها روحي الرومانسية ....قصصك جميلة يا موناليزتي بس القطيقة تكتب بالقاف وليس بالألف ..قصصك فيها معان جميلةورهافة حس جميلة...تحياتي لك

ستيتة يقول...

مونا
انا مش ناقدة ادبية
لكن انا اتكلم من منطق القاريء العادي
انا اتمتعت جدا
ربنا يوفقك

بس تألمت للؤلؤة الثمينة قوي
للدرجة دي في الدنيا ناس متعرفش تقارن بين الغث والثمين؟

تحياتي

غير معرف يقول...

السلام عليكم
أعتذر عن كلمة ( ست الكل )
لم أقصد بها أي شيء وليس معنى قولي إياها أني أتحصل من خلالها على قدر من الود أو الحميمية الزائدة بالمرة
هي من سليقتي اللغوية لكل من لا أعرف اسمها لأني لا أحب الأسماء المستعارة حقيقة
لكن ما دامت تلك رغبتك فأنا سألبيها لكِ وبكل سرور وسعادة إن شاء الله

====== وباقي الملاحظات لي عودة لأطرق بابها إن شاء الله

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى اختى الكريمة
إيه خلاص هنلاقى ليكى كتاب فى السوق قريب ؟!
من وجهة نظرى إن أسلوبك فى الكتابة والسرد شيق وممتع جدا ولا أخفيكى سرا أنى كثيرا أقتبس منك فى كتابتى ( دا بعد إذنك طبعا )
وفقكى الله لما يحب ويرضى
دمتى فى معية الله

موناليزا يقول...

خالد
ــــــ
أهلا بيك أستاذ خالد
:) أشكرك جدا لرأيك وتدعيمك المعنوى لى
إقتراح يستحق التفكير فعلاً:)

فى انتظارك دائما

**********************************


مشخبطاتى
ـــــــــــ
وعليكم السلام ورحمة الله وبركاته
أهلا بيك يافندم
أشكرك جدا لرأيك ولاإبداء ملاحظاتك فى القصتين
وكنت ناوية أسألك ايه الصيغة المناسبة فى القصة التانية وبعدين لقيتك بتكمل لا أعرف:) فكده خلاص مش هسأل:)
أشكرك لتنبيهى الخاص بالصورة وقد قمنا بإزالتها

فى انتظارك دائما



*********************************


رامى واصل
ـــــــــــ
وعليكم السلام ورحمة الله وبركاته
اهلا بيك أستاذ رامى بعد طول غياب
أشكرك جدا لسؤالك أنا الحمدلله بخير
سألت عليك العافية
ولا يهمك يافندم فمكانك محفوظ دائما
ربنا يوفقك وييسرلك امورك
فى انتظارك دائما



*********************************



ابو على
ــــــــــ
اهلا اهلا بصاحب التعليقات المميزة
ماقصدتش خالص على فكرة دمج الفصحى بالعامية
هى جت كده ولذلك سعدت جداً بإبداء ملاحظاتك ببديل الكلمات العامية وبدلتها على الفور
أشكرك جدا لرأيك فى القصتين وابداء ملاجظاتك اللغوية فيهم
وبنصيحتى بكثرة القراءة رغم انى تقريبا مبعملش حاجة غير أنى بقرأ كتير بس حاضر نزود الجرعة:)
وكنت اريد ان تخبرنى بالكلمات التى واضح من خلالها اننى من المنصورة:)
بجد هو فيه فرق بين لكنة المنصورة وغيرها؟
عموما نحن فى الانتظار:)
يسعدنا دوام التواصل



***********************************


ذكرى رحيل قلم
ـــــــــــــــ
وعليكم السلام ورحمة الله وبركاته
أهلا اهلا بالقمر
:)شطورة ياقلبى ناقص بس تسمعيه وتقوليلى رأيك:)
نورتينى حبيبتى وتسعدينى جدا بمتابعتك



*********************************


سكرة
ــــــ
أختى الحبيبة:اهلا اهلا بلقمر
أشكرك جدا رأيك
وتعليقك جميل زيك ياقمر
نورتينى سوكا الجميلة واسعدنى تواجدك



**********************************


سلمى محمد
ـــــــــــ
أختى الحبيبة:اهلا اهلا بالقمر
ولا يهمك ياحبيبتى كان الله فى عونك وانتِ تنورينى فى أى وقت
ملاحظتك فى محلها كما قال الكثير ولكنى حقاً لم أقصد ذلك عشان كده طلبت منكم توجيهى
يعنى أكون شاكرة ليكِ جدا لو عرفتينى ايه هى الكلمة العامية وبديلها بالفصحى واهو كله بثوابه:)
احتراما للغة العربية
نورتينى سلومتى الجميلة واسعدنى تواجدك



********************************


سبايدر مان
ــــــــــــ
أهلا بيك يادكتور
:) اوكى ونحن فى الانتظار

لأ ازاى يافندم ده أنا ماصدقت حد عرض خدماته:)
هى الصورة اللى فى دماغى صورة قطة فى حوض سمك على اعتبار ان حوض السمك مش بيتها وهى مصممة تقعد فيه
لو عملت سيرش فى جوجل باسم "قطة فى حوض سمك" هتلاقيها
بس مش حساها واضحة اوى للكل ولذلك لك مطلق الحرية فى عمل اى تصميم ولو مالقتش خالص ممكن تكتب اسم البرنامج على صورة القطة وخلاص
بص أنا معتمدة عليك وخلاص إلى أن يصل شخص محترف:)
اتفقنا؟؟



*********************************


كلمات من نور
ــــــــــــــ
أختى الحبيبة:اهلا اهلا بالغالية
أشكرك على القصة رغم قراءتى السابقة لها بس برضه بحبها:)
تسلميلى حبيبتى على رأيك وقد قمت بتصحيح الحرف:)
نورتينى غاليتى وتسعدينى دايما بتواجدك


*********************************


ستيتة حسب الله الحمش
ـــــــــــــــــــ
أهلا اهلا بنبض الحكمة
رأيك ده على دماغى بجد لانك مش قارئة عادية:)

للاسف ده حقيقى وفى كل المجالات
نورتينى حبيبتى وأسعدنى تواجدك



**********************************


أحمد شريف
ــــــــــ
وعليكم السلام ورحمة الله وبركاته
أهلا بيك أستاذ أحمد
اعتذارك مقبول يافندم وأشكرك جدا لتفهمك وتقبلك ملاحظتى بصدر رحب
ومازلنا فى انتظار رأيكم فى باقى الملاحظات
يسعدنا دوام التواصل


*********************************


هكذا علمنى سيدنا محمد صلى الله عليه وسلم
ــــــــــــــــــــــــــــــ
وعليكم السلام ورحمة الله وبركاته
أهلا بيك يافندم
الله يكرمك ويخليك
مش للدرجة دى لانى بعتبر نفسى مازلت مبتدئة:)
يافندم ده شرف ليا لما تقتبس من كتاباتى
ربنا يعزك وأشكرك جدا لرايك ولتعيمك المعنوى لى
فى انتظاركم دائما

مشخبطاتي يقول...

بخصوص الأسلوب..

قد يكون من الجيد القراءة لبعض ماكتب الرحل/مصطفى الرافعي(رحمه الله) في وحي القلم..مثلا: حديث قطين ، خروفين...الرجل صاحب أسلوب رائع إن قرأتم له بالتأكيد ستستفيدي جداً وأنا متأكد من ذلك..أيضاً قد يكون من الجيد أن تقرئي لقصاص على الملتقى..أقرأ له وأنتظر جديده بشوق..إسمه أبو تقي الدين وهو من الجزائر..تقريباً يكتب مثل ماكتبتم..وهذه أكثر مواضيعه:
http://www.ikhwan.net/vb/showpost.php?p=721928&postcount=11
j
تحياتي.

Mahmoud Ahmed يقول...

قصص حلوه
قريتم
تسلم ايدك عليهم
و بما اني مش بفهم في طرق كتابه القصص فمش هعرف افيدك في اي اسلوب فيهم
^_^
كنت بجيب 26 في العربي في الثانويه بسبب التعبير ^_^

Mahmoud Ahmed يقول...

بصي انا هحط كام صوره كده
اممممممم
لو عايز تعدلي فيهم سهل التعديل عليهم
ولو عندك صور معنيه اوكيه برضه
و يارب يصل حد محترف شويه عني ^_^

اول واحده
http://img188.imageshack.us/img188/9463/23293916.gif
ثاني واحده
http://img638.imageshack.us/img638/7622/34189295.gif


لو عايزه تعديل او اي كلام زياده او كلام ناقص او صدر جديده
قوليلي ، و هعملهالك

خدي بالك انتي الى قلتي هعتمد عليك ^_^

شكلك اعتمدي على حيطه مايله ^_^

هههههههههههههههههههههه

موناليزا يقول...

مشخبطاتى
ـــــــــــ
أهلا بيك يافندم
أشكرك جدا لاختياراتك وسألجأ إليها بإذن الله
جارى البحث عن الكتب المختارة:)
اشكرك لمتابعتك وفى انتظارك دائما



*********************************


سبايدر مان
ـــــــــــ
أهلا بيك يادكتور
:) أشكرك جدا لرأيك كقارئ
تعرف انى كنت بنقص فى التعبير درجة أو اتنين بالكتير:)
وده موضح ميولنا
فحضرتك تميل للعلوم اكتر وانا اميل للأدب:)

\\\\\\\\
سعيدة بجد باهتمامك وبالصور
رغم اعجابى الشديد بالصورة الاولى(عادى انا بحب شكل القطط)
شايفة ان الصورة التانية معبرة جدا بس ناقصها وضوح الاضائة كما الصورة الاولى وكتابة اسمى عليها زى الصورة الاولى برضه

واضح ان اعتمادى كان فى محله:)

Mahmoud Ahmed يقول...

بالنسبه لكتابه الإسم
فكتلهالك حالا ان شاء الله
بالنسبه للإضاءه
فانتيتقصدي اي واحده فيهم ؟؟
هي صوره الحماه انا الى مقلل الإاءه بتاعتها
علي اساس ان الخناقه بسبب حماته ، فحتطها في الخلفيفه
انما لو عايزها كلها بشكل عام ازود اضائتها
فميش مشاكل نوهائي ^_^
مستني ردك ^_^

Mahmoud Ahmed يقول...

ده اسمك عليهم
^_^
و دول 3 درجات للوضوح

اختاري منهم ما تريدي ^_^

1
http://img692.imageshack.us/img692/5609/91950203.gif
2
http://img195.imageshack.us/img195/5129/11967833.gif
3
http://img39.imageshack.us/img39/838/54867216.gif


الصوره الي تحت اكثر وضوحا من الى فوقها و هكذا .... ^_^
و اي تعديل برضه جااااهز ^_^

ده على اساس تفسيري للوضوح على انه للصوره كلها !!

Mahmoud Ahmed يقول...

انا كتبتلك عندي في المدونه برضه عن لو فيه اي حد مصمم محترف ^_^ يدخل عندك هنا و يحاول يعمل التصميم ^_^ و انت تخختاري الى يعبجك فيهم زي ما تحبي

اميره الصعيد يقول...

اسلوبك جميل جدا
استمري
ربنا يوفقك

بنت الأسلام يقول...

ما شاء الله أسلوبك رائع وفكرةالقصص جميلة جدا وليها مغزى وفكرة
وفقك الله
دمت مبدعة

موناليزا يقول...

سبايدر مان
ـــــــــــــ
يا اهلا يا اهلا
كان قصدى تزويد الاضائة على الحماة لأنها هى المحور الرئيسى وبالمقابل الخلفية تكون شجار الزوجين

والله بجد مش عارفة أشكرك ازاى
فكرم أخلاقك وذوقك فاقوا توقعاتى:)

نجاملك فى الأفراح ان شاء الله يادكتور:)



********************************



أميرة الصعيد
ــــــــــــ
أختى الحبيبة:اهلا اهلا بالقمر
أشكرك جدا لرايك
ربنا يكرمك
نورتينى حبيبتى واسعدنى تواجدك



*********************************



بنت الاسلام
ـــــــــــ
أختى الحبيبة:اهلا اهلا بالقمر
ربنا يكرمك
أشكرك جدا لرايك ولتعليقك
نورتينى ياجميلة واسعدنى تواجدك

حصان المرجيحة يقول...

اقول و ماتزعليش
انا فاهم فب القصة التانية قصدك
و فاهم معني البحر بالنسبة ليكي
او اللي انتي عايزة تقوليه
بس النهاية غريبة شوية
بمعني لو كنتي قلتي انها مستنية في عرض البحر ان حد يساعدها اظن افضل من انها غاصت في اعماقه
بس بجد بشكل عام جميلة جدا

Mahmoud Ahmed يقول...

اتفضلي انتي تؤمري
^_^

1 >>> زودتها شويه بقت بنسبه 75%

http://img203.imageshack.us/img203/755/77900436.gif

2 >>> بنسبه 92 %

http://img196.imageshack.us/img196/3363/79073398.gif

موناليزا يقول...

حصان المرجيحة
ــــــــــــ
أهلا بيك يافندم
قول ومش هزعل:)فانا ارحب بالآراء الصريحة مهما كانت

جعلتنى أضحك بجد من ثقتك الزائدة:)
ومع احترامى الشديد لوجهة نظرك
فالقصة التانية تحوى فلسفة معقدة من يستطيع حلها سيعرف بأن هذه هى النهاية المنطقية

أشكرك جدا لرأيك ولتعليقك
فى انتظارك دائما



***********************************



سبايدر مان
ــــــــــــــ
اى كلام هقوله هيبقى قليل جدا لمدى امتنانى
لك منى كل الشكر والتقدير
thank you so much

واحد من البلد دى يقول...

السلام عليكم ورحمة الله و بركاته

أسلوبك فى السرد ممتاز وتمتلكين موهبة حاولى تنميتها...

وأقول لهذه اللؤلؤة الغارقة...

ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار صدق الله العظيم


رزقنا الله وإياكى قلوبا رحيمة ومتعنا بصالح الرفقاء ونظر إلينا بعين رحمة لا يتخللها غضب ولا سخط آمين آمين

دمتى بصحة وخير وعافية فى الدين والبدن

(المهاجر الى الله) يقول...

عليكم ورحمة الله وبركاته :
فى البداية اعتذر عن عدم تعليقى فى الموضوع السابق مباشرة لانه مكنش محتاج مجرد تعليق ،ده كان عايز ندوة مفتوحة :) وعاجلة .
اما القصتين دول ، رايى بصراحة انهم تكرار لبعض ، لا اضافة جديدة فى القصة الثانية تذكر عن القصة الاولى ، الاختلاف سطحى نوعا ما ، استسلام مذل ومهين فى الحالتين ، يمكن فى الحالة الاولى اللؤلؤة جماد فمش هاتقدر تقاوم حظها التعيس ، فى الحالة التانية كان لازم المرأة تقاوم وتقاوم وتقاوم حتى تصل الى هدفها او تخور قواها فتعذر فى ذلك ، اما ان تتحول الى جماد بدورها فلا تستحق الحياة طبعا ، فالحياة فيها الغدر والخيانة ولو كل واحد اتعرض للغدر والخيانة استسلم يبقى الدنيا مش هيبقى فيها صالحين مطلقا ، نهاية القصة الثانية استسلام كائن فصار كالجماد.
اللؤلؤة الكنونة كان يجب ان تظل مكنونة لكن لا خيار لها فى ذلك ، فلانها نفيسة لابد ان يتصارع عليها الاخرون ، وقد اكتسبت مكانتها لكونها نفيسه ، اما المراة استحقت الموت لانها استسلمت للوضع الذى اجبرت ان تكون عليه .

تحياتى

موناليزا يقول...

واحد من البلد دى
ـــــــــــــــــ
وعليكم السلام ورحمة الله وبركاته
أهلا بيك يافندم
:) الله يكرمك أشكرك جدا لرايك
رسالة غالية من أخ كريم
ربنا يعزك ويتقبل دعائك اللهم امين
فى انتظارك دائما




*******************************



المهاجر الى الله
ـــــــــــــــ
وعليكم السلام ورحمة الله وبركاته
اهلا بيك أستاذ طارق
:) اعتذار مقبول ولكن اذا اردت ان تقوم بهذه الندوة فى اى وقت فكلنا آذان صاغية:)

مع احترامى لرأيك
بطلة القصة التانية قاومت فى الاول ومسكت فى اللوح الخشبى وبعدها جاء احد الطيور واخذه منها كانت هتقاوم تانى ازاااى؟؟ وهى شوية القوة اللى كانت عندها خلصوا وهى أصلاً مبتعرفش تعوم!!
أراك متجنياً عليها:(

أشكرك جدا لمشاركتك
فى انتظارك دائما

Mahmoud Ahmed يقول...

اهــــــــــداء

يارب يعجبك البرنامج ده

http://islamblog-spiderman.blogspot.com/2010/02/blog-post_11.html

^_^

موناليزا يقول...

سبايدر مان
ـــــــــــ
اهلا اهلا يادكتور
بصراحة جمايلك كترت عليا جدا:)
بشكرك جدا للبرنامج وانا شوفته اول مانزلته عندك بس كالعادة بواجه صعوبة فى مدونتك
وهى انى اول ماادخل على صفحة التعليقات اللى بلاقيها بصعوبة برضه الاقى صفحات كتير بدأت تفتح لوحدها
زى ماتكون كوبى لصفحة مدونتك الرئيسية ومهما اقفل فيهم مفيش فايدة فاعمل ريستارت للجهاز وهكذا..
فلذلك بتابعها من على الريدر ولا استطيع ترك تعليق
وبجد مجهودك واضح وبيعجبنى انك مابتكتمش علمك
يعنى اى حاجة مهما كانت
بتعرضها عندك وكمان بالصور وده طبعابيسهل كتير على الناس اللى خبراتهم زيى محدودة:)

تسلم يادكتور من كل شر

غير معرف يقول...

السلام عليكم
عدت لأفي بوعدي
أولاً الأخوة الكرام : ما قصروا ووضعوا كثير من ملاحظاتهم على الجمل والفقرات التي مُزجت اللهجة العامية فيها باللغة الفصيحة ، لذلك سامحيني من عدم طرق باب هذه النقطة

لكن سأنصحك بماذا ؟
عليك بمطالعة كتب عباس العقاد : لترى كنز لغوي فالعقاد هو واحد من أكثر مثقفي عصره بل من أكثر أدباء العرب في تاريخهم حرفية ومهارة لغوية وحينما جمعت مصطلحاته التي صاغها في كتبه ومؤلفاته زادت عن 2 مليون مصطلح ، بينما أقصى عدد من المصطلات في اللغة الإنجليزية لم يزد عن 800 ألف
فارق شاسع بين اللغة العربية العظيمة وبين أي لغة أخرى

راجعي كذلك كتاب : أخطاء اللغة العربية عند الكتاب والإذاعيين المعاصرين للدكتور : أحمد مختار عمر

وأخيراً مُبارك عليك عامك الجديد في التدوين

موناليزا يقول...

أحمد شريف
ـــــــــــ
وعليكم السلام ورحمة الله وبركاته
أهلا بعودتك أستاذ احمد
:) وهذا شيم النبلاء
أشكرك جدا على اقتراحاتك وسأبحث عنهم على النت حالا

الله يبارك فيك يافندم
وكل عام وانت من زوارى الكرام
نورتنى

نسيبه يقول...

السلام عليكم ورحمة الله وبركاته
أسلوبك جميل يا حبيبتي وبالذات أنه مميز بس هتفضلي عايشه في الكآبه كتير؟ما كفايه أنا
مش هتكتبي قصه عني قريب؟

موناليزا يقول...

نسيبة
ــــــــ
وعليكم السلام ورحمة الله وبركاته
أهلا اهلا بالقمر
أشكرك جدا لرأيك
:) سؤال وجيه
مش عارفة الاكتئاب ده هيخلص امتى بس مين عارف ربك كبير

ربنا يسهل:)

نورتينى حبيبتى واسعدنى تواجدك