السبت، 20 فبراير 2010

إستخدام و إستبدال

الناس نوعين.. نوع مستخدم ونوع مستبدل.
بمعنى إن فيه ناس المعصية تأتى لهم وبكل سهولة ويسر.
وفيه ناس تانية فعل الخير يأتى لهم برضه بكل سهولة ويسر.
ياترى أنت من أى نوعية؟.
فيه ناس حتى لو عايزة تعمل المعصية الأمور بتبقى صعبة ومعقدة فماتتنفذش.
وفيه ناس حتى لو مش عايزة تعمل الخير بتجده وقد سيق إليها مرغماً.
أرى أن من علامة حب الله للعبد تيسير الطاعة وتهيئة سبلها وفتح طرق فعل الخير أمامه من حيث لا يدرى .وهؤلاء هم المستخدمين .
واللذين بعدوا عن ربنا بإرادتهم بيجدوا المعصية ميسرة وهؤلاء هم المستبدلين.
أمثلة لمزيد من التوضيح:
* كام مرة واحد عزم عليك بسيجارة وأنت أخذتها وشربتها وأنت عارف إنك كده بتغضب ربنا؟.
* كام مرة كنت بتقلب فى قنوات التليفزيون فوجدت برنامج دينى وشاهدته رغم إنك كنت عايز تتفرج على حاجة تانية مثلاً.
*كام مرة جالك واحد يطلب منك حاجة لله وأنت أعطيته؟ وكام مرة رفضت تعطيه؟.
*كام مرة كنت قاعد مع مجموعة ولما جه وقت الصلاة قاموا يصلوا وخدوك معاهم؟. وكام مرة رفضت او إتحججت بأى حاجة.
*كام مرة قعدت مع ناس بيسمعوا أغانى بصوت عالى وبيعاكسوا بنات فى الشارع؟. وكام مرة قلت لهم كده عيب ومايصحش؟.
*كام مرة قعدت مع مجموعة موضوع كلامهم الوحيد أعراض الناس وما كان موقفك؟.
*كام مرة قعدت مع مجموعة ووجدت أحدهم يتكلم فى الدين واستفدت منه رغماً عنك؟.
* كام مرة دخلتِ شات ووجدتى حد بيقول لكِ البنات اللى بيدخلوا هنا الإنطباع عنهم مابيبقاش كويس.
* كام مرة كتبت فى مدونتك كلمة أو عرضت صورة وحد علق بضرورة حذفها لأنها تغضب الله وكم مرة استجبت للنصيحة وكم مرة قلت دى مدونتى وأنا حر فيها واللى مش عاجبه مايدخلش عندى.
تخيلوا معايا هذا المشهد:
شخص معاه سى دى عليه فيلم إباحى واحد صاحبه أعطاه له كل ما ييجى يشغله مايرضاش وكأن ربنا بيديله رسالة "فكر تانى أنت كده بتعصى" فهو يشغله على جهاز تانى وبرضه مايرضاش يشتغل وكأن الله يعطيله فرصة تانية فيتصل بصاحبه يستفسر عن كيفية التشغيل يتصل به يجد موبايله مغلق وكأنها رسالة ثالثة فيتصل بواحد صاحبه آخر ليخبره بأن عليه إستخدام برنامج معين مثلاً فيحمل البرنامج بعد طول بحث عليه من على النت وبعدها يجد الكهرباء إتقطعت وكأنها رسالة رابعة فيتصل بشبكة الكهرباء ويخبروه بسرعة عودة التيار فى خلال دقائق وينتظر بلهفة وحينما يأتى الكهربا والدته تستيقظ لتجلس معه وكأنها رسالة خامسة فيتحجج بأنه مرهق ويريد أن ينام فتتركه أمه وهنا يشغل السى دى فيسقط من عين الله.
أشعر دائماً أن ربنا بيرسل لكل منا رسالة خاصة من خلال موقف معين لكى يوصله معنى ما ولكن قليلاً من يدركون ذلك.
قمة التحدى هنا أن تتيسر لك المعصية وتقرر أنك لن تعصى مهما حدث.
وقمة الخسارة أن تتصعب عليك المعصية ومع ذلك تبذل قصارى جهدك لفعلها.
فهنيئاً لمن أستخدمه الله لطاعته.
اللهم إستخدمنا ولا تستبدلنا. اللهم أعزنا بطاعتك ولا تذلنا بمعصيتك.
اللهم يا مقلب القلوب ثبت قلوبنا على دينك.
أقول قولى هذا وأستغفر الله لى ولكم.




هناك 36 تعليقًا:

غير معرف يقول...

السلام عليكم
بالفعل هنا رسائل ربانية كل فترة
و للأسف أحيانا نبخل على أنفسنا بالخير عندما يأتينا أحد لطلب مساعدة او لنذهب معه إلى الصلاة فنضيع على أنفسنا الفرصة و الخير الكثير
...
اللهم استخدمنا في طاعتنا و انت الرؤوف بنا و الحليم على معاصينا و الكريم بالرغم من بعدنا
آمين

لــــ زهــــــراء ــــولا يقول...

السلام عليكم ورحمة الله وبركاته

جزاكم الله كل خير ياقمراية ويجعله الله في ميزان حسناتك

عايش... ولكن !!!! يقول...

صح عندك حق
بنضيع على انفسنا فرص ربنا بيسوقها لينا
اللهم انفعنا بما علمتنا
يارب يجعله فى ميزان حسناتك

بلال عادل رجب. يقول...

اللهم استعملنا ولا تسبدلنا
اذا تاملنا على حالنا سوف يصعب علينا
بل ممكن الشيطان يقول الينا حرام عليكوا
بتغضبوا ربكم
يارب اهدينا الى الصراط المستقيم
----
انا لا ايئس من رحمة الله بس هذا هو الحال
-----------
واتمنى مشاركتك على مدونتى فى الصالون الفكرى
ان لو كان لحضرتك فى السياسة

كلمات من نور يقول...

موناليزتي

ازيك يا حلوة ...صحيح والله كلامك ..ربي يعصمنا من الخطأ ويبعد عنا كل ما يزين لنا أخطائناويرزقنا طاعته وحب الجنة والعمل من أجلها...وحشتيني قوي جدا ومحتاجة دعواتك ...

مهموهة أحمد يقول...

موناليزا حبيبتي شكرا يا غالية على الموضوع اللي بجد هزني اوي و اللي دايما بتمنى اقرا كلام زي كده علشان نتعلم و ناخد بالنا قبل ما نندم و نقول يا ريت

ربنا يهدينا جميعا و يرضى عنا و يكتبنا من عباده الصالحين و يرزقنا برؤية نور وجهه العظيم

اللهم امين يا رب العالمين

خالص تحياتي و تقديري

جنّي يقول...

السلام عليكم

كثيرا ما احس انك تكتبين التدوينة من اجلي حتى اكون شخص ايجابي وقدوة فيما اقول وافعل .. فجزاكي الله خيرا على تدويناتك التي تقربنا من الله ..

دعواتك لي اختنا الفاضلة بظهر الغيب ..

sony2000 يقول...

بجد بوست رائع
تقبلي مروري وتحياتي

د/عرفه يقول...

حكاية الرسايل الربانية دى بتحصلى كتير اوى

بس للاسف

مش دايما استجابتى ليها بتكون بالشكل الافضل

رربنا يسامحنا


موضوع جميل

ستيتة يقول...

حقيقة يا مونا
اجمل ما في موضوعاتك انها نصيحة بلا اي اسلوب متكلف
نحمد الله على الرسائل الربانية التي تصرفنا عن المعصية
ونحمد الله على معصية تورث ندم وتوبة
ونحمد الله ان ليس بيننا وبينه حجاب ولا يشترط لتوبتنا فضحنا على الخلائق وليس بيننا وبينه وسيط
ونحمد الله انه هو الغفور الرحيم يحب العبد الأواب
الحمد لله حمدا كثيرا طيبا مباركا فيه

اللهم اجعلنا من التوابين والمتطهرين
آمين

موناليزا يقول...

سونيت
ــــــ
وعليكم السلام ورحمةالله وبركاته
أختى الحبيبة:اهلا اهلا بالقمر
ولذلك يجب تدارك هذا الخير والتمسك به قبل ان يزول عننا
اللهم اعنا على ذكرك وشكرك وحسن عبادتك
نورتينى ياجميلة واسعدنى تواجدك




********************************



لولا وزهراء
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك أشكرك جدا لدعائك ولكِ بالمثل
نورتينى ياجميلة واسعدنى تواجدك



**********************************


عايش ولكن
ـــــــــــ
أهلا بيك يافندم
إحنا لسه فيها نلحق نفسنا بسرعة ومانخليش الشيطان يفرح فينا
ربنا يكرمك ويرزقنا جميعا حلاوة الايمان
نورتنى واسعدنى تواجدك



**********************************


قلب بلال فارس
ـــــــــــــــ
أهل بيك أستاذ بلال
او تقدر تقول الشيطان هيسيبنا ويقول هما قايمين بالواجب وزيادة ومش محتاجين منى مجهود:(
اللهم اجعل طاعتك احب الاعمال الى قلوبنا

:) جميل عدم يأسك من رحمة الله ولكن ألا تكون عبداً شكورا

دعوة مقبولة يافندم مع انى ماليش فى السياسة
نورتنى واسعدنى تواجدك



*********************************


كلمات من نور
ــــــــــــــ
أهلا اهلا بالغالية
:) ايه الدلع ده:) .. انا الحمدلله بخير ماتحرمش من سؤالك
ربنا يعزك يارب ويتقبل دعائك ويخفف عنك ويقومك بالف سلامة اللهم امين
وانتِ كمان وحشتيييينى جدا جدا
نورتينى غاليتى واسعدنى تواجدك



*******************************


الوفية للابد مها احمد
ـــــــــــــــــــ
أختى الحبيبة:اهلا اهلا بالقمر
ربنا يعزك يارب
الشكر لله فماتوفيقى الا به
:) زورونا تجدوا ما يسركم
ربنا يكرمك ويتقبل دعائك يارب ويرزقنا جميعا حلاوة الايمان
نورتينى مها الجميلة واسعدنى تواجدك



**********************************


جنى
ـــــــ
وعليكم السلام ورحمة الله وبركاته
أهلا بيك أستاذ سعيد
ربنا يعزك يارب
تعليقك ده على دماغى ويجعلنى انتبه لكل كلمة بكتبها ويارب تفضل كتاباتى عند حسن ظنكم بها
ربنا ييسرلك جميع امورك ويهيئ لك كل الخير ويرضى عنك اللهم امين
نورتنى واسعدنى تواجدك



**********************************


سونى2000
ــــــــــ
أهلا وسهلا فى زيارتك الاولى
ربنا يكرمك أشكرك جدا لرايك
نورت مدونتى وارجو دوام التواصل



********************************



د/عرفة
ـــــــ
أهلا بيك يادكتور
ليه للاسف؟ احنا لسه فيها
اى فرصة تجيلك افتكر ان ربنا هيفرح بيك لو استجابت ليها وان الشيطان هيبقى متغاظ:)
أشكرك جدا لرايك
وربنا يرزقنا جميعا حلاوة الايمان
نورتنى واسعدنى تواجدك



***********************************



ستيتة حسب الله الحمش
ـــــــــــــــــ
أختى الحبيبة:اهلا اهلا بنبض الحكمة
الحمدلله فماتوفيقى الا بالله
الله عليكِ
تستاهلى الحمد ياحبيبتى
اللهم ارزقنا حلاوة الايمان
نورتينى ياجميلة واسعدنى تواجدك

طهر فؤادك يقول...

السلام عليكم ورحمة الله وبركاتة

بارك الله فيكى يااختنا الغالية

وماشاء الله عليكى دايما متميزة

وربنا يكرمك يارب والمسلمين ويبعد عنك كل سوء

وربنا ان شاء الله يتقبل صالح اعمالنا جميعا اللهم امين والمسلمين

أمل حمدي يقول...

اللهم أعزنا بطاعتك ولا تذلنا بمعصيتك.اللهم يا مقلب القلوب ثبت قلوبنا على دينك
اللهم أمين

جزاك الله كل الخير

Mahmoud Ahmed يقول...

جزاكي الله خيرا على التذكره
ربنا يهدي كلا لناس يارب

Unknown يقول...

السلام عليكم ورحمة الله
اخبارك موناليزا ان شاء الله بخير

الموضوع فعلاً هام وبيحمل رسائل كتير
وهو واقعي جداً وبيحل مع اكثرنا
بارك الله فيكي وجعله في ميزان حسناتك
وربنا يهدينا ويهدي بنا

مع اطيب امنياتي

مشخبطاتي يقول...

السلام عليكم..

مفهوم رائع تحدثتم عنه..!

لو نظر كل منا إلى حاله لوجد أن الله سبحانه وتعالى يرسل له كثيراً من الرسائل ولكن الكثير منا لايعي ذلك..من أفضل واقرأت في هذا المفهوم هو تفريغ حلقة رسائل ربانية للأستاذ عمرو خالد..


وفعلاً ألتمسها على الجانب الشخصي..فعندما تكون الحالة التعبدية والإيمانية في صعود اجد تيسير من الله في كل الأحوال..والعكس كذاك ففي حالات الإنخفاض أجد عدم التوفيق حتى إذا ضاقت بي الدنيا عدت ثانية إلى الله..

وصدق الله إذ يقول:

((ومن يتق الله يجعل له مخرجا ويرزقه من حيث لايحتسب))


تحياتي.

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة
أعتذر عن التقصير فى التعليق مرات كثيرة وعلى مواضيع مهمة جدا ولكن يكفى أنى أقرأها وأستفيد منها بفضل الله تعالى
عندما قرات الموضوع تذكرت هذا الحديث :
إن الله تعالى قال : من عادى لي وليا فقد آذنته بالحرب ، و ما تقرب إلي عبدي بشيء أحب إلي مما افترضته عليه ، و ما زال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، و بصره الذي يبصر به ، و يده التي يبطش بها ، و رجله التي يمشي بها ، و إن سألني لأعطينه ، و لئن استعاذني لأعيذنه ، و ما ترددت عن شيء أنا فاعله ترددي عن قبض نفس المؤمن ، يكره الموت و أنا أكره مساءته
الراوي: أبو هريرة المحدث: الألباني - المصدر: السلسلة الصحيحة - الصفحة أو الرقم: 1640
خلاصة حكم المحدث: صحيح بمجموع طرقه

أعتقد إن الرسائل دى بتبقى هبة من رب العباد لعباده اللى سبحانه وتعالى راضى عنهم وعاوز أخد من الحديث الشريف ازاى نتقرب إلى الله عز وجل والإجابة هى النوافل طبعا
مش عارف بأه طرحى دا صح ولا مش صح
وفقنى الله وإياكى لما يحب ويرضى
وأسأل الله لكى الثبات والرضا

موناليزا يقول...

طهر فؤادك
ــــــــــــ
وعليكم السلام ورحمة الله وبركاته
أهلا بيك يافندم
ربنا يكرمك يارب فماتوفيقى الا بالله
ربنا يتقبل دعائك ويرزقنا جميعا حلاوة الايمان اللهم امين
نورتنى واسعدنى تواجدك



**********************************




أمل حمدى
ـــــــــــ
أختى الحبيبة:اهلا اهلا بالقمر
ربنا يكرمك ويتقبل دعائك اللهم امين
نورتينى امولة الجميلة واسعدنى تواجدك



*********************************



سبايدر مان
ــــــــــــ
أهلا بيك يادكتور
ربنا يكرمك ويتقبل دعائك اللهم امين
نورتنى واسعدنى تواجدك



*********************************


مستر حازم
ــــــــــ
أهلا بيك أستاذ حازم بعد طول غياب
أنا الحمدلله بخير أشكرك لسؤالك
ربنا يكرمك ويتقبل دعائك
اشكرك جدا لتعليقك
نورتنى واسعدنى تواجدك



*********************************



مشخبطاتى
ـــــــــــ
وعليكم السلام ورحمة الله وبركاته
أهلا بك يافندم
أشكرك لذكر اسم حلقة عمرو خالد فانا ابحث عنها الان لأسمعها ايضا:)

:) ومن أصدق من الله قيلا
اللهم اجعل طاعتك احب الاعمال الى قلوبنا
نورتنى واسعدنى تواجدك



*********************************




هكذا علمنى سيدنا محمد صلى الله عليه وسلم
ــــــــــــــــــــــــــــــ
وعليكم السلام ورحمة الله وبركاته
أهلا بيك ياباشمهندس
عذرك معاك اخى الكريم
جميل الحديث الذى ذكرته وهو يبين كيفية تقرب العبد لله
ولكنى هنا اتحدث عن كيفية تقرب الله للعبد
فكم من مواقف تسوق الى العبد رغما عنها ليطيع الله ولكن يبقى السؤال هل ينتهز العبد هذه الفرصة ام لا

أشكرك جدا لتعليقك
نورتنى واسعدنى تواجدك

salwa يقول...

السلام عليكم اخت موناليزا
يا رب نكون دائما ممن يتبعون الحق و يبتعدون عن الباطل
جزاكي الله كل خير
سلام

(المهاجر الى الله) يقول...

جزاكى الله خيرا اختنا موناليزا ، وجعله فى مرزان حسناتك واستعملك الله دائما فى الخير ، دعواتك كتر معانا بقى الفترة اللى جاية

كفايـة طيبـة يقول...

موضوع الرسايل ده مكونتش بنتبه له فى الاول
بس بعد ما كبرت شوية ابتديت احس بالمعني ده
معني رائع ان ربنا بيصعبلك حاجة غلط
بحس ان لسة فيا امل :)

ثانيا بقي وحشتينى

ثالثا : مش عارفة اسمعك على الراديو
هو له مواعيد محددة ولا 24 ساعة الراديو شغال ؟

لــــ زهــــــراء ــــولا يقول...

اللهم استعملنا ولا تستبدلنا ..اللهم امين يارب العالمين..
موناليزا عشان كدة انتي مش بتدخلينا؟
ده استفسار عشان حاسة بكدة .. ودي والله مش دعوة لدخول المدونة عندنا ولكن مجرد سؤال جه في باللي من فترة ودلوقتي يمكن لاقتله اجابة بس حبيت اتاكد ومافيش زعل من الاجابة .

لـــولا

z!zOoOo يقول...

السلام عليكم

ازيك يا موناليزا

يارب تكوني بخير

علي فكره موضوع هايل

انا بحسه كتير جدا

وكنت لسه بفكر اعمل موضوع مشابهه ليه وكنت لسه بتكلم فيها امبارح يظهر إن توارد الافكار كتير ما بيني وبينك

فعلا انا كتير لاحظتها وبلاقي في حاجات كتير رسائل ربانيه

بس فعلا زي ما إنتي قلتي قليل الي بياخدوا بالهم منها

إتخيلي لما يكون ربنا مش عايزنا نرتكب المعصيه وإحنا الي بنصر عليها

لا إله إلا الله

الانسان فعلا ظلوم

ومش بيعرف الخير فين

بجد جزاكي الله خيرا وبارك الله فيكي

سؤال بقي علي جنب

هو إنتي مخصمانا ولا إيه

:)

أتمني تنوريني

تحياتي

تأثير الفراشة يقول...

ربنا يكرمك بجد يا موناليزا

فعلا الانسان لما يتأمل بيجد رسائل ربانية إليه، بس هو يتأمل و يتفكر فيها صح

كلامك ذكرنى بآية فى القرءان بتتكلم عمن يقيه الله السيئات،

ربنا يقينا جميعا السيئات و ييسر لنا الطاعات يا رب العالمين

جميييييل جدا مثال المشهد اللى ذكرتيه ، يا ريت الإنسان يبقى عنده الإصرار ده فى الطاعة و فى الخير

ربنا يعزك و يكرمك على البوست الجميل

جزاك الله خيرا

موناليزا يقول...

سلوى
ـــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يكرمك ويتقبل دعائك اللهم امين
نورتينى سلوى الجميلة واسعدنى تواجدك



**********************************



المهاجر الى الله
ـــــــــــــ
أهلا بيك استاذ طارق
ربنا يكرمك ويتقبل دعائك اللهم امين

ربنا ييسرلك جميع امورك ويهئ لك كل الخير اللهم امين
نورتنى واسعدنى تواجدك



*********************************



كفاية طيبة
ـــــــــــــ
أختى الحبيبة:اهلا اهلا بالقمر
ايه النور ده:)
وجودك عندى بجد بيبقى مفاجأة جميلة

فعلا والله انها لرسائل غالية

وانتِ كمان جدا اوى خالص يعنى:)

نقول تانى عشان خاطر عيونك ياقمر
المواعيد السبت والاربعاء الساعة10 مساء لو مالقيتيهاش استنى عليه شوية هو بياخد وقته فى التحميل
مستنية رأيك جدا
سواء هنا او على الجروب براحتك خالص
البيت بيتك فى كل الاحوال:)

نورتينى ياقمرى واسعدنى تواجدك



********************************


لولا وزهراء
ــــــــــــ
أختى الحبيبة:اهلا اهلا بالقمر
رغم انى مش فاهمة اوى ايه علاقة التدوينة دى بعدم وجودى عندكم
بس اقدر اقول انى متابعة جيدة ودايما عندكم بس نيجى بقى على اسباب عدم تركى تعليق
اقولك ياستى واتفقنا من غير زعل
بصراحة يا لولا انا مابيستهوانيش القصائد والشعر وخصوصا الرومانسى
وعشان كده ماببقاش عارفة اعلق بايه

بشكرك بجد لتفقدك وجودى
واوعى تكونى زعلتى
نورتينى لولا الجميلة وفى انتظارك دايما



***********************************



زيزو
ـــــــ
وعليكم السلام ورحمة الله وبركاته
أهلا بيك يافندم
انا الحمدلله بخير اشكرك لسؤالك
:) خلاص كده احنا فى انتظار تدوينتك
ربنا يكرمك وعندك حق فعلا

لا يافندم مش مخاصماكم طبعا ولاحاجة بالعكس انا متابعة جيدة ولكنى مقلة فى ترك التعليقات
أشكرك جدا لتفقدى
نورتنى واسعدنى تواجدك



********************************


تأثير الفراشة
ـــــــــــــــ
أختى الحبيبة:اهلا اهلا بالقمر
ربنا يعزك يارب اشكرك جدا على تعليقك الجميل
نورتينى ياجميلة واسعدنى تواجدك

ليس فقيرا من يحب يقول...

اللهم امين

يارب يعينا على الطاعه وعلى نفسنا

ويكرمك ويجازيكى كل خير يا موناليزا

يارب تكونى بخير يا قمر

مرايتى يقول...

اللهم استعملنا ولا تستبدلنا

فعلا كتير ربنا بيبعت لنا رسايل بس ساعتها عيونا بتبقى مقفوله واذانا صماء

وده اكيد من زنوبنا الى مغلفه قلوبنا وشر النفس وكائد الشيطان

جزاكى الله خيرا ورزقنا الله طاعته وابعدنا عن معصيته فى السر والعلن

موناليزا يقول...

ليس فقيرا من يحب
ــــــــــــــ
أختى الحبيبة:اهلا اهلا بالقمر
ربنا يعزك يارب ويتقبل دعائك
انا الحمدلله بخير ماتحرمش من سؤالك
نورتينى ياجميلة واسعدنى تواجدك




*******************************



مرايتى
ــــــــ
أختى الحبيبة:اهلا اهلا بالقمر
ربنا يكرمك واشكرك جدا لتعليقك
اللهم اجعل طاعتك احب الاعمال الى قلوبنا
نورتينى حبيبتى واسعدنى تواجدك

sakayar يقول...

السلام عليكم ورحمة الله وبركاته
موضوع مؤرق فعلاً
فكرني ف وقت من الأوقات كنت أعرف فريق متطوع في أعمال الخير وكان مش مقتصر على أعمال الخير بتاعة الأكل والأدوية والملابس ... لكن كان بيعمل مشروعات صغيرة ويشغل فيها ناس محتاجة وللأسف لما انتشر نفعهم بشكل ملحوظ توقف كل شيء بأوامر أمنية رغم عدم انتماءهم لأي جماعات بل هما مجرد أصحاب سوا وبيعملوا الحاجات دي :)
الفكرة اللي كانت مسيطرة على الموقف ده وكانوا بيسألوه ... هو ربنا كان بيستخدمنا ... هل ربنا استبدلنا؟؟
هل عملنا حاجة غلط تخلي ربنا يغضب علينا ويتعسر كل شيء ويتوقف ؟؟
أنا سمعت كلمة من أحد المشايخ زمان بيقول : الموفق من يحبه الله ... ربنا بيحبك علشان كده بييسرلك كل الخير ... وبيحبك بيوقف عنك ويمنع عنك كل الشر
وده نوع من أنواع الاستخدام والاستبدال اللي حضرتك ذكرتيه في التدوينة انه فيه ناس بيتيسرلهم المعصية بشكل سهل جداً وناس صعب جداً حتى لو عاوزين ... صعب يعملوا المعصية دي ومتيسرش ليهم :)
لكن بعض الأمور في الاستخدام والاستبدال بشوفها ليها حكمة من ربنا ... زي الاختبار والابتلاء علشان يشوفنا هل احنا صادقين في نيتنا اننابنحب الحاجة دي ولا بنعملها سمعة أو رياء؟؟ زي انه يقدر الرزق مثلاً بعد ما كان الرزق أكبر وبيخرج منه صدقات ووو فيشوف هل فعلاً قلبنا متعلق بالصدقة دي علشان ربنا ومشتاقين ليها؟ ولا كنا بنعملها علشان الناس يقولوا ويشوفوا:)
اللهم استخدمنا ولا تستبدلنا
جزاكم الله خير يا أستاذة على التدوينة ... وعلى المدونة كلها طبعاً
دمتم بكل الخير والسعادة وأقر الله عينيك بكل ما يرضيك في الخير والطاعة
:)

موناليزا يقول...

ساكايار
ـــــــــ
وعليكم السلام ورحمة الله وبركاته
أهلا بيك يافندم
الله عليك
أنا بشكرك جدا على تعليقك لانى مررت مؤخراً بهذا بعدما كانت هناك طاعة ميسرة حالت ظروف لمنعى من أدائها وفعلا ده أكيد إبتلاء
الله على دعائك لو تعرف انا محتاجاه قد ايه اليومين دول:)
اهو دعائك ليا فى التوقيت ده بالذات بالنسبة لى أحد الرسائل الربانية:)
ربنا يسعدك ويعزك يارب
أشكرك جدا جدا
نورتنى واسعدنى تواجدك

المسلم الصغير يقول...

السلام عليكم ورحمة الله وبركاته...
جزاكي الله كل خير ويجعلة في ميزان حسناتك
موضوع حلو قوي
اللهم يا مقلب القلوب ثبت قلوبنا على دينك

غير معرف يقول...

السلام عليكم
بارك الله فيكِ بكِ ، وجزاك الخير الكثير

دعاء العطار يقول...

اللهم استخدمنا ولا تستبدلنا

اكيد ربنا بيرسلنا رسااااائل كتييييير بس نشكل الناس تفهمها

واكيد دخولى لمدونتك رساله اتمنى اكون فهمتها صح

بجد سعيده جدااااا انى زرت مدونتك

دمتى بووووود

موناليزا يقول...

المسلم الصغير
ـــــــــــــــ
وعليكم السلام ورحمة الله وبركاته
ربنا يكرمك أشكرك جدا لرأيك ولدعائك
أسعدنى تواجدك



***********************************



أحمد شريف
ــــــــــ
وعليكم السلام ورحمة الله وبركاته
أهلا بيك أستاذ أحمد
ربنا يعزك يارب أشكرك جدا لدعائك
نورتنى واسعدنى تواجدك


***********************************




دعاء العطار
ـــــــــــــ
أهلا بيكِ فى زيارتك الاولى
أشكرك جدا على تعليقك
نورتِ مدونتى واسعدنى زيارتك

نسيبه يقول...

السلام عليكم ورحمة الله وبركاته
بحبك في الله
اللهم إستخدمنا ولا تسبدلنا
اللهم مقلب القلوب ثبت قلوبنا علي دينك
اللهم مصرف القلوب والأبصار صرف قلوبنا علي طاعتك
اللهم آمين

موناليزا يقول...

نسيبة
ــــــــ
وعليك السلام ورحمة الله وبركاته
أهلا اهلا بالقمر
:) أحبك الذى أحببتنى فيه
وانا كمان بحبك فى الله
ربنا يكرمك ويتقبل دعائك اللهم امين
نورتينى حبيبتى واسعدنى تواجدك