الجمعة، 14 مايو 2010

التذمر من الطقس رفاهية

- أراها فى الشتاء ترتدى ملابس كثيرة وثقيلة وبعد إنجابها أصبحت ترتدى ملابس قليلة وخفيفة وتستيقظ فى منتصف الليل وتذهب إلى صغيرها فى الفراش وهى سعيدة ولا تشعر بالبرد.
- يرفض تماماً المشى فى الحر وحينما وجدها وتمت الخطبة أصبح أمتع أوقاته وهو يسير معها ظهراً على شاطئ البحر غير مكترث بحرارة الشمس فوق رأسه.
- يشعر بالبرد من أقل شئ وكان يرفض الذهاب إلى المدرسة فى أوقات كثيرة وحينما جاء ميعاد الرحلة كان أول واحد يذهب إلى التجمع.
- يحب يلعب والأمطار تتساقط رغم برودة الجو.
- استلمت وظيفتها كمُُدرسة وقبل بداية العام الدراسى كانت تصر على وجود مروحة فى الفصل وبالطبع هذا لم يحدث ولكنها بعد بداية العام الدراسى لم تعد تشعر بحرارة الجو وكل تفكيرها أصبح فى كيفية تأدية عملها على أكمل وجه غير عابئة بحرارة الجو.
- تنتظر حبيها فى مكانهما المفضل وكانت تشعر ببرد شديد وحينما ظهر الحبيب لم تعد تشعر بهذا.
- مُستلقى على السرير وفوقه عدد لا بأس به من الأغطية ومن يتحدث معه أو يطلب منه شئ يقول بأنه بردان ولا يستطيع نزع الأغطيه من عليه وحينما علم بمرض ابنه هب سريعاً ذاهباً به إلى أقرب مستشفى ناسياً هذا الطقس البارد.
- تستيقظ متأخرة طالما الجو بارداً وحينما تعلم بزيارة أقرب المقربين لها تستيقظ باكراً وهى سعيدة لاستقبالهما.
وغيرها من الأمثلة المشابهة...
ولذلك أعتقد بأن مشاعرنا تسيطر بطريقة أو بأخرى على درجة حرارة أجسادنا.
وأعتقد أيضاً بأن من يعانى من برودة الطقس أو بحرارة الجو يعانى من الفراغ الذى يجعله لايفكر سوى فى هذا الشعور فقط.
ولهم أقول إذا كنت تعانى من حرارة الجو أو برودته على حسب إختلاف الطقس فهذا لا يساوى شيئاً من عذاب جهنم فإذا كنت تتجنب تقلبات الطقس فى الدنيا فاحذر مما ستواجهه فى دار البقاء إذا لم تعمل جاهداً لتجنب هذا.
وعليك أن تنظر لمن هم دونك فهناك من لايمتلك سقفاً لبيته ليحميه من حرارة الطقس أو برودته. وهناك من يحتم عليهم عملهم الوقوف بالساعات فى الشمس دون واق, وهناك من لايمتلك ملابس تقيه برودة الطقس وغيرها من الفئات المتواجدة بيننا والذى إذا عقدت مقارنة بسيطة بينك وبينهم ستجد نفسك تعيش فى النعيم.
فحرارة الجو ليس مبرراً لأن ترتدى النساء الملابس المكشوفة والتى تظهر أكثر ماتستر من أجسادها.
وبرودة الجو ليس مبرراً لعدم أداء عملك على أكمل وجه ومن ثم تعطيل مصالح الناس.
وغيرها من الأمثلة الشائعة فى حياتنا التى تعلق أفعالها المرفوضة على شماعة الطقس وتقلباته.
ولذلك أذكر نفسى وإياكم بهذه الآية الكريمة:
"اتقوا النار التى وقودها الناس والحجارة أعدت للكافرين".












سؤال جانبى:
ـــــــــــــــــــــ
* أيهما تفضل الصيف أم الشتاء؟ ولماذ؟.
* أذكر موقف مشابه تعاملت فيه بالنقيض عن ما أنت معتاد عليه؟.
* ما أحب الأوقات إليك النهار أم الليل؟.
----------------
على الهامش
ــــــــــــــــــ
أدعوكم للمشاركة فى حملة لا للفساد الذى ستكون يوم 17 مايو
لمزيد من التفاصيل إضغط هنا.

هناك 17 تعليقًا:

العلم نور يقول...

السلام عليكم ..

موقف جميل ومؤثر فعلا ..

أما عن نفسي فإنني أحب الصيف لأني أحتاج للدفا.

وأحب النهار لأن له عينين!!

وأما الموقف أعتذر عن عدم كتابته لأنه يعيد لي ذكريات تؤثر بي كثيرا

تحياتي لك

د/على خميس يقول...

السلام عليكم و رحمة الله و بركاته
جزاك الله خيرا ا / موناليزا لى هذه التذكرة و لقد ذكرتينى بقول الله تعالى :
و قالوا لا تنفروا فى الحر قل نار جهنم أشد حرا لو كانوا يفقهون

انا أحب الشتاء أولا لأن شتاء الأسكندرية رائع و لأنى لا أحب الحر !ّ!!!!
و أحب الليل لأنى أحب السكون

بارك الله فيك
تحياتى

القدر و انا يقول...

امة الله
وحشانى جدا يا موناليزا
يارب تكونى بخير
بوستك واقعى
فمشاعرنا الداخلية هى التى تسيطر علينا وتجعلنا نشعر بالبرودة
اولا نطيق انفسنا من الحر
انا عن نفسى اعشق منظر المطر خاصة على كورنيش الاسكندرية مع كرهى للبرد
اعشق تباشير الفجر وشروق الشمس رغم حبى لليل
تحياتى

كلمات من نور يقول...

ربي يكرمك يا موناليزتي فعلا بقينا نتذمر صيفا وشتاءا وربيعا وخريفا وربي يهدينا يارب ...جزاك الله خيرا

نيجي للإمتحانات والاسئلة ربي ينجح الجميع (:


* أيهما تفضل الصيف أم الشتاء؟ ولماذ؟.

انا بحب الربيع والخريف طول عمري اكتر من الشتا والصيف بس بما إن سؤالك عن الشتا والصيف فأنا بحب الشتا والمطر ونقاء الدنيا بعد المطر ولو إن عظامي دلوقتي لا تحب الشتا وضغطي المنخفض لا يحب الصيف ههههه

* أذكر موقف مشابه تعاملت فيه بالنقيض عن ما أنت معتاد عليه؟.

تناقض؟؟ كلنا فينا تناقضات كتير
واحيانا بنتصرف بعفوية عكس من نقوم به دوما ...مش فاكرة مش فاكرة ..همممم ....يارب افتكر ...انا ساعات باكون متماسكه وقوية وفجأة بدون مقدمات تلاقي دموعي نزلت وسط القوة والتماسك

* ما أحب الأوقات إليك النهار أم الليل؟.

بحب الفجر والغروب هههههههه معلش بقى

د. ياسر عمر عبد الفتاح يقول...

بفضل نهار الشتاء ,, وليل الصيف

مواقف كثير حصلت زي دي

غير معرف يقول...

البوست حلو اوى ودخلنا دخله ناعمه وظريفه ع الصح والغلط
انابقى ياسى بعشق الشتا فى كل حاجه برغم انها رد بس بعتبرها ايام فى الجنه
بحب الجرى تحت المطر ياه
بس واضح كده ان السنه دى نهايه حبى للشتا
تحياتى

salma mohamed يقول...

لما الواحد يضايق من شدة الحر او شدة برودة الطقس،بيتذكر شدة حرارة نار جهنم وزمهريرها،ويتصبر على حاله ويسأل الله العافيه منهما،
أنا بحب الصيف علشان يومه طويل وفي حركة،إنما بحس بالكآبة في الشتا لما الدنيا بتكون مغيمة والناس كلها قاعدة في بيوتها وبحس ان مافيش حياة،
وحقيقي النهار له مميزاته اللي مش باعرف اعملها بالليل والعكس،بس يمكن خصوصياتي باعملها بالليل.

موناليزا يقول...

دندنة قيثارة الوجد
ــــــــــــــــــــ
وعليكم السلام ورحمة الله وبركاته
أهلا اهلا بالقمر
أى موقف فيهم:)
عذرك معاكِ يا قمر
أشكرك جدا لمشاركتك
نورتينى ياجميلة واسعدنى تواجدك



******************************



د. على خميس
ـــــــــــــ
وعليكم السلام ورحمة الله وبركاته
أهلا بيك يادكتور
ربنا يكرمك أشكرك جدا لتعليقك
ولمشاركتك
يسعدنا دوام التواصل



*********************************


القدر وأنا
ــــــــــ
أهلا اهلا بالقمر بعد طول غياب
وأنتِ كمان وحشتينى جدا ياحبيبتى
تعليق ومشاركة ميزة جدا اشكرك عليها
نورتينى ياجميلة واسعدنى تواجدك



**********************************



كلمات من نور
ــــــــــــــــ
أهلا اهلا بالغالية
عندك حق طول الوقت الجو مش عاجبنا رغم وجود وسائل الترفيه المتاحة للجميع

:)
أنا كمان بحب الربيع بس الخريف أكتر:)
ألف سلامة عليكِ حبيبتى

تسلميلى ياجميلة على مشاركتك التى انتظرها دائما
نورتينى غاليتى واسعدنى تواجدك


***********************************



د. ياسر عبد الفتاح
ـــــــــــــــــــــ
أهلا بيك يادكتور بعد طول غياب
إجابة مميزة
أشكرك جدا لمشاركتك
يسعدنا دوام التواصل



*********************************



الشوكة الناعمة
ـــــــــــــــ
أهلا اهلا بالقمر
ربنا يكرمك أشكرك جدا لرأيك
ليه كده.. ده على اعتبار ان الدنيا عندنا ماعدتش بتشتى زى الأول:)

نورتينى ياجميلة واسعدنى تواجدك



*********************************


سلمى محمد
ـــــــــــ
أهلا اهلا بالقمر
فعلا ربنا ينجينا من عذاب جهنم
أشكرك جدا لتعليقك ولمشاركتك
نورتينى سلومتى الجميلة واسعدنى تواجدك

salwa يقول...

السلامعليكم اخت موناليزا
سبحان الله الانسان عجول و متطلب
و دائما يجد ما ينكد به
جعلنا الله و اياكم من القانطين
تسلم بدك و جزاكي الله كل خير
سلام

رحلتنا في الحياة يقول...

جزاكى الله خيرا على البوست الجميل دا
بصراحة خلانى اعيد تفكيرى من تانى فى تذمرى المستمر من الحر
الحمدلله على كل حاجة
ربنا يقينا حار نار جهنم امين يارب العالمين
انا بحب الشتا بصراحة بكون انشط فيه من الصيف
وبيكون الليل طويل وانا كائن ليلى بطبيعتى علشان كدا مش بحب الصيف لان الليل بيخلص بسرعة والصبح مش بقدر اعمل اى حاجة بسبب لخبطة المواعيد
دا غير ان بقدر ازور الناس كلهم فى الصيف يدوب مفيش وقت خالص يدوب تلاقى الشمس مشيت علشان تنزلى تزورى حد قريبك نص ساعة وترجعى علشان متتاخريش
وكمان فى الشتا بقدر اصحى اصلى الفجر فى الصيف مش بقدر اغلب الايام

حصان المرجيحة يقول...

كنت عايز اقولك ان الجمعية الشرعيةبالمنصورة فيها دروس جميلة جدا لشيوخ اجمل :
يوم السبـت الدكتور / عبد الرحمن الصاوي
يوم الاثنـين الشيخ / الشحات نبيه
يوم الثلاثاء الشيخ / محمد علي الشربيني
يوم الاربعاء الدكتور / حازم شومان

(من المغرب للعشاء)

موناليزا يقول...

سلوى
ـــــ
وعليكم السلام ورحمة الله وبركاته
أهلا اهلا بالقمر
عندك حق
تسلميى حبيبتى ومشكورة جدا على تواجدك الدائم
نورتينى ويسعدنى تواجدك



*********************************


أحاسيش أيوشة
ـــــــــــــــ
أهلا اهلا بالقمر
ربنا يكرمك ومبسوطة بجد بتعليقك
أشكرك جدا لمشاركتك
نورتينى واسعدنى تواجدك



********************************



حصان المرجيحة
ـــــــــــــ
أهلا بيك يافندم
رغم ان تعليقك مالوش علاقة بالموضوع لكنى نشرته حتى يستفيد منه اكبر عدد ممكن
جزاكم الله خيرا وجعله فى ميزان حسناتك
أشكرك جدا

حمـــــــــــــــــــــة يقول...

السلام عليكم و رحمة الله وبركاته
لو أتيحت لي حرية الإختيار عن الطقس
أقول : الشتاء
البرد يقلل الحركة و يتيح لي العمل بأريحية
و لكن لنتذكر في إختلاف الفصول حكمة كبيرة

قلم رصاص يقول...

السلام عليكم

فعلا فيه ناس لابيعجبها الصيف ولا الشتاء

انا بشكل عام بافضل الصيف رغم ان الشتاء مفيد اكتر بس بحس اني مكبل الحركه جدا في الشتا

______

انا مشارك في الحمله بتاعة النهارده
ان شاء الله

وادعوكِ اختي الكريمه ان تشاركينا هذا الموضوع

http://2lamrosas.blogspot.com/2010/05/blog-post_16.html

تقبلي مروري وتحيتي

ذكرى رحيل قلم يقول...

السلام عليكم
ازيك يا مونتي
اخبارك ايه

انا بحب الشتاء والخريف واول الربيع

وابعديني عن الصيف خالص

ع العموم انا بتكيف في اي جو
دمتي

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

ماشاء الله موضوع جميل زى مابتعودينا دايما وبارك الله فيكى ...

بس دى اسئلة صعبة ياموناليزا مفيش اختيارات طيب ...

- على العموم الصيف جميل وكل اوقات ربنا حلوة الحمد الله رب العالمين ..

- اما الموقف مش فاكر بصراحة ...

- والنهار وخصوصا الفجر جميل ماشاء الله وفية بركة ...

موناليزا يقول...

هاما
ـــــــ
وعليكم السلام ورحمة الله وبركاته
أهلا بيك يافندم
أشكرك جدا لمشاركتك
يسعدنا دوام التواصل


********************************



قلم رصاص
ــــــــــ
وعليكم السلام ورحمة الله وبركاته
أهلا بيك يافندم
ده حقيقى
أشكرك جدا لمشاركتك
--
كنت اتمنى وضع روابط للفيديو حتى اتمكن وضعها عندى

يسعدنا دوام التواصل



*********************************


ذكرى رحيل قلم
ـــــــــــــــــ
وعليكم السلام ورحمة الله وبركاته
أهلا اهلا بالقمر
أنا الحمدلله بخير ماتحرمش من سؤالك ياحبيبتى

أشكرك جدا لمشاركتك
نورتينى يا جميلة واسعدنى تواجدك



********************************



طهر فؤادك
ــــــــــــــ
وعليكم السلام ورحمة الله وبركاته
أهلا بيك يافندم
ربنا يعزك يارب فما توفيقى الا بالله
:)
أشكرك جدا لمشاركتك
يسعدنا دوام التواصل